ကိုဒေဝတို့ဖတ်ဖို့စာ(မျိုးမြင့်ချို)

(ဒါ ကိုဒေဝရဲ့ ကျနော့်အပေါ်အမြင်ကိုတုန့်ပြန်ချက်ဖြစ်ပါတယ်။ အကိုသေချာဖတ်မယ်လို့လည်း မျှော်လင့်ပါတယ်)ကိုဒေဝခင်ဗျား။ ဒီ့ထက်ပိုကျယ်ကျယ်ပြန့်ပြန့်လေးမြင်ပြီး ဒီ့ထက်ပိုပွင့်ပွင့်လင်းလင်းလေး ပြောစေချင်ပါတယ်။ ကျနော် ဘယ်အင်န်ဂျီအို ဘယ်ဘာသာရေး ဘယ်လူမျိုးရေး ဘယ်နိုင်ငံရေးအဖွဲ့အစည်းနဲ့မှ အဆက်အစပ်မရှိသလို အထောက်အပံ့ခံလည်းမဟုတ်ပါဘူး။ ငွေကြေးနဲ့ အခြားအထောက်အပံ့မျိုး ယခင်၊ ယခုနဲ့ ဘယ်တုန်းကမှ မယူခဲ့ မရခဲ့ဖူးပါဘူး။ ကိုယ့်ထမင်းကိုယ်ရှာစားပြီး ရောက်တဲ့နေရာကနေ မတရားမှုကို ရသလောက်တိုက်ဖျက်ရေးပဲတွေးတယ်..ကြိုးစားတယ်..လုပ်ပါတယ်။ မတရားမှုမှာ ဘာသာ/လူမျိုး/ အသားအရောင်/ဒေသနဲ့ကျား-မဆိုတာ မရှိပါ။ ကျနော့်မှာလည်း အဲ့ဒါတွေခွဲပြီးမှဆန့်ကျင်တာမျိုးမရှိပါ။ ကိစ္စနဲ့ဖြစ်စဉ်တွေကို တခုခြင်းအလိုက်ရော တစုံလုံးအပေါ်မှာရောရှူမြင်ချက်ရှိပါတယ်။ အစိုးရသတ်သတ် လူထုသတ်သတ်ခွဲမြင်ချက်နဲ့ အစိုးရနဲ့အလိုတူလူတစုဆိုတာကို ခွဲမြင်တွဲမြင် မြင်ပါတယ်။ (နောက်ကြောင်းပြန်လှည့်လိုက်မှာနော်)ဆိုတဲ့တစ္ဆေခြောက်သံက စစ်အုပ်ထဲကထွက်တာမဟုတ်ပါ။   လှည့်ခဲ့ရင်အကျိုးနည်းရချည်ရဲ့ဆိုတဲ့အထိုင်ပေါ်က အကျိုးစီးပွားထုထယ်အကြီးအသေးအလိုက် ကျယ်ကျယ်တမျိုး တိုးတိုးတစ်ဖုံထွင်လုံးပါ။ စစ်အုပ်စုဘက်ကတော့ မလှဲ့မယ့်အကြောင်း ရေပက်မဝင်ပြောသလို ၂ဝဝ၈ နဲ့ အထိုင်ကျ အဆင်လှနေသရွေ့ ဇွတ်ဆွဲလှဲ့တောင် လည်ထွက်မသွားပါဘူး။ သူတို့အကင်းပါးပါတယ်။ နှစ်(၆ဝ)လောက် အာဏာကိုင်တဲ့စစ်အာဏာရှင် အဲ့သလောက်ထူရင် ကြိုးစင်ပေါ်ရောက်တာကြာပါပြီ။ သူတို့အာဏာနဲ့အကျိုးစီးပွားသွားထိရင်တော့ သိကြားမင်းဆင်းတားရင် နားကင်းပါအဖြောင်ခံရမှာပါ။ သူတို့စီးပွား/အာဏာကို တိုက်ရိုက်ထိပါး စိန်ခေါ်မှုလို့မသတ်မှတ်ရင် သေနတ်ကိုင်ပြီးအာဏာထဲကိုနောက်တကြိမ် မဝင်သေးပါ။ ဘာဖြစ်ဖြစ်လွှတ်ထားပေးဦးမှာပါ။ တိုက်ရိုက်ထိပါးစိန်ခေါ်မှုလို့ယူဆရင် ဘာသော ညာသော လူသောနတ်သောဘုန်းကြီးသော မရှောင်ပါ။ (၁၉၆၂၊ ၁၉၈၈ နဲ့ ၂၀၀၇ ရွှေဝါရောင်ကိစ္စတွေကိုကြည့်ပါ) အပြတ်ဖြိုခွင်းပြီး ဘီလူးဆိုင်းနဲ့ပြန်ထွက်လာမှာပါ။ ”နောက်ကြောင်းပြန်လိုက်မယ်”ဆိုတာ ”နောက်ကြောင်းမအေး/မရှင်းသူတွေ”ဆီက အံကျလာတာလို့မြင်ပါတယ်။ ကျနော့်အနေနဲ့ ဒီကိစ္စကို ဒီလိုမြင်ထားလို့ တစ္ဆေကူခြောက်ပေးသူတွေဆို သံသယနဲ့ချဉ်းကပ်ပါတယ်။ ”ခဲအကြိမ်ကြိမ်မှန်ဖူးတဲ့..ရှင်ကြီးရှင်ငယ်ဝမ်း” ဝင်ဖူးတဲ့တိုင်းပြည်မို့ ”လေးသံညောင်သီးနဲ့အခါတော်ပေးတွေ”အရိပ်အကဲကို အကင်းပါးပါပြီ။ ထူနေတာက ပြည်သူမဟုတ်ပါ။ ကမ္ဘာပေါ်က မည်သည့်နိုင့်ထက်စီးနင်းမှုမျိုးမှာမဆို (အစိုးရလို့အလွယ်ပြောတဲ့) အာဏာရဲ့အကာအကွယ်မပါရင် ဘာမှမဖြစ်တာအစဉ်အလာပါ။ လိုရင်အညှာကောက်ကိုင်နိုင်ဖို့ လူတချို့ရဲ့ခေါင်းထဲမှာ အစွန်းရောက်အစွဲအလမ်းတွေနဲ့ အညှာလွယ်ပြီးအစွဲကြီးဖို့ ပြင်ထားပေးရပါတယ်။ ခုဖြစ်တာက အဲ့ဒီအညှာလွယ်အစွဲကြီးမှုအခြေခံအကြမ်းဖက်ခြင်းဖြစ်တယ်။ အရိုးစွဲအသားကျနေတဲ့ ”ဘာသာ/လူမျိုးအခြေခံအမျိုးသားရေးအစွန်းရောက်အတွေးအခေါ်”မှာ သန္ဓေတည်တာဖြစ်တယ်။ ခုချိန်ဟာ ပျက်သွားတဲ့မျက်နှာပေါင်းတင်ဖို့ထက် မတရားကိုမတရားမှုအဖြစ် အကြမ်းဖက်မှုကိုအကြမ်းဖက်မှုအဖြစ် ဖွင့်ချဖော်ထုတ်ရှူတ်ချပြီး တရားမျှတမှုနဲ့လွတ်လပ်တဲ့လူ့ဘောင်ကို ရှေးရှူရမယ့်အချိန်လို့မြင်ပါတယ်။ ခွင့်လွှတ်ခြင်း/မလွှတ်ခြင်း၊ လက်စားချေခြင်း/သင်ပုန်းချေခြင်းဆိုတာတွေဟာ တဘက်ထဲကလုပ်ရတဲ့အကြောင်းခံမဟုတ်သလို တဦးချင်းလုပ်ရတဲ့/လုပ်လို့ ရတဲ့ကိစ္စလည်းမဟုတ်ပါ။ လက်စားကိုလက်စားနဲ့ပြန်ချေမယ်တာဟာ အဓိပ္ပါယ်တခုကို နောက်အဓိပ္ပါယ်တခုနဲ့ဖွင့်သလို မပြီးနိုင်မစီးနိုင်အဆိုးကျော့သံသရာထဲမျောပြီး လူ့ဖွဲ့အစည်းသာ အဆုံးအရှူံးကြီးနေရမှာပါ။ သွေးချောင်းစီးနာကျင်ကြေကွဲနေရမှာပါ။ ရန်ကိုရန်ခြင်းမတုန့်နှင်းဖို့တိုက်တွန်းတာမှာ တဦးခြင်းကိစ္စလား အများကိစ္စလားခွဲဖို့လိုပါမယ်။ စဉ်းစားပုံတထပ်ထဲနဲ့ မရလောက်ပါဘူး။ တဦးခြင်းငြိမ်းချမ်းမှကမ္ဘာကြီးငြိမ်းချမ်းမယ်ဆိုတဲ့လောဂျစ်လောက်နဲ့တော့ ဒီပြဿနာကိုချဉ်းကပ်လို့မရနိုင်ပါ။ ရွှေစည်းမျဉ်းတွေဆိုတာ လှသလောက် လိုက်လျှောက်ဖို့ခက်ကြောင်း လူ့သမိုင်းကအကြိမ်ကြိမ်ပြပါတယ်။ မတရားမှုကိုခုခံချေပတာနဲ့ လက်စားချေမှုကြားကစည်းက အလွန် ပါးလွှာပါတယ်။ ပေါက်ထွက်သွားဖို့ အလွန်လွယ်ကူပါတယ်။ မရောထွေးမိဖို့ ဉာဏ်လိုပါတယ်။ သူမြတ်တို့သီးခံခြင်းနဲ့ မနိုင်၍သီးခံရခြင်းကို ဉာဏ်နဲ့ယှဉ်ဆင်ခြင်မှမြင်ပါမယ်။ ခုဖြစ်တဲ့အနာဟာ ပြင်းသလောက် အကင်းသေဖို့ခဲယဉ်းပါတယ်။ ကုရမှာက ရောဂါရဲ့ဇစ်မြစ်ကိုပါ။ ရေမန်းဆီမန်း ဆေးမြီတို ဥုံဖွအပ်ချလောင်းတွေနဲ့ အနာမငြိမ်းပါ။ ယုံကြည်ခံ၊ ယုံကြည်သူ၊ ယုံကြည်ရာတရားတွေကြားမှာတည်ဆောက်ရမယ့် ခန္တီစပါ။ ခေါင်းဆောင်အမည်ခံ စစ်အာဏာအလိုတော်ရိတွေကြားကနားလည်မှုဟာ မတူသူတွေအတူနေရေးဇောင်းပေးတာထက် ကိုယ်ကျိုးမပျက်ဖို့လုပ်ကြတာဖြစ်ပါတယ်။ ပါတီအကျိုး အဖွဲ့အစည်းအကျိုး ကိုယ်ကျိုးတွေဖယ်ပြီး ပြည်ချစ်စိတ်နဲ့ နိင်ငံသားအားလုံးရဲ့ အရေးတွေးရမှာပါ။ တရုတ်ဗမာအရေးအခင်းဆိုတာ အမေရိကန်ဆီကဆုလဘ်များရလေမလားလို့တွေးပြီး ကွန်မြူနစ်တရုတ်ကို ဆန့်ကျင်ပြတဲ့အခင်းအကျင်းပါ။ ဗိုလ်နေဝင်း နိုင်ငံရေးထွက်ပေါက်ပိတ်နေလို့ သွေးရူးသွေးတမ်းထလုပ်တဲ့ နိုင်ငံရေးကစားကွက်မဟုတ်ပါ။ ဘာသာ/လူမျိုး/အသားအရောင်/ကျား-မ ဘာအပေါ်အခြေခံခံ အစွန်းရောက်မှုမှန်သမျှနဲ့ကျနော်က ပြဒါးတလမ်းသံတလမ်းပါ။ အကိုပြောသလို အစ္စလာမ်အစွန်းရောက်တွေကိုကာကွယ်ဖို့ ၉၆၉ ဖြစ်ရတယ်ဆိုတဲ့အမြင်ဟာ အကို့အနေနဲ့ လူမှန်သမျှကို လူသိမ်လူဖျဉ်းတွေလို့တွက်ပြီး ပေးတဲ့အကြောင်းပြချက်ဖြစ်ကျနော်မြင်ပါတယ်။ ကျနော်တင်တဲ့ဟာတွေ (ဓါတ်ပုံ ဗီဒီယို စာနဲ့အခြားအထောက်အထားတွေ) မှန်သမျှအတွက် ကျနော်တာဝန်ယူနိုင်/ခံနိုင်လို့ တင်တာဖြစ်ကြောင်းနဲ့ အကြမ်းဖက်မှုတွေအတွက် အခိုင်အမာသက်သေတွေအဖြစ် တင်ကျန်ရစ်စေချင်တာက အဓိကပါခင်ဗျား။ ကိုရဲမင်းဦးက ဗကသကျောင်းသားမဟုတ်ပါ။ ၉၆၉ နဲ့သူ ဆက်စပ်/မစပ် လူမျိုးရေးအစွန်းရောက်/မရောက်ပေါ်စိတ်ဝင်စားတာထက် အချက်အလက်တခုအဖြစ်ပဲ ကျနော်သဘောထားပါတယ်။ ( စကားဖြတ် - ၉၆၉ ဆရာတော်ကြီးများလို့ အကိုသုံးစွဲတာကို မနှစ်မြို့ပေမယ့် အကို့မှာပြောခွင့်ရှိတာ ကျနော်မကန့်ကွက်ပါ) ကိုရဲမင်းဦးလုပ်ခဲ့တာတွေဖြတ်သန်းခဲ့တာတွေဟာ သမိုင်းအဖြစ်ကျန်ရှိနေမှာပါ။ သမိုင်းဆိုတာ စိတ်ဆန္ဒနဲ့ရေးလို့ရတဲ့အရာထဲမပါပါ။ နောက်ဆုံးတချက်က ကျနော်နဲ့ ဘာသာတရားတွေ အနေဝေးသွားတာ အသက် ၂၆ နှစ်သားက စပါတယ်။ လူကိုလူအဖြစ်မြင်ရာမှာ ဘာသာလူမျိုးအသားအရောင် ကျားမ နေရာဒေသစတဲ့အစွဲတွေကင်းအောင် နိုင်သမျှအားထုတ်ပါတယ်။ လူ့အဖွဲ့အစည်းကြီးတခုလုံးအေးချမ်းဖို့ လွတ်လပ်ဖို့ တရားမျှတဖို့ဆိုတာ လူသားရဲ့တွေးခေါ်မြော်မြင်နဲ့ ဆင်ခြင်တုံတရားကလွဲလို့ အခြားဘာကမှ ဆောင်ကျဉ်းမပေးနိုင်ဘူးလို့ယုံကြည်တတ်သွားချိန်မှာ ကျနော်နဲ့ဘာသာတရား ခွာပြဲပါတယ်။ ကျနော် ဘုံရန်သူကိုမျက်ခြေပြတ်ရင် (နောက်ပြန်ဆွဲမှာကြောက်တယ်တို့၊ နောက်ကြောင်းပြန်လှည့်မှာစိုးတယ်တို့)ဆိုတဲ့ တရားနာပရိသတ်ထဲ ဝင်ထိုင်နေလောက်ပြီထင်ပါရဲ့။ အယူအဆမှာအတွေးအခေါ်မှာမတူခွင့် ကွဲလွဲခွင့် ဆန့်ကျင်ခွင် ချေဖျက်ခွင့် အကို့မှာရှိသလို ကျနော့်မှာ သူတပါးမှာ လူတိုင်းမှာရှိပါတယ်။ ဒါကို သိမှတ်ပေးတဲ့စိတ်ကို လေးစားမြတ်နိုးတန်ဖိုးထားပါတယ် ကိုဒေဝခင်ဗျား။ (ကွန်မန့်အောက်ကနေပြန်ရေးဖို့ ပထမတွေးပါတယ်။ အကို့အရည် ဘယ်လောက်ထူ/မထူမခန့်မှန်းနိုင်တာပါသလို မဆိုင်သူတွေဖတ်ပြီး ဝိုင်းထဲဝင်လာရင် အကို့ဘက်က ဘယ်လိုသဘောရှိမယ်မှန်းမသိတာမို့ မက်ဆေ့ဂ်ျနဲ့ပို့တာပါ။ အကိုဖတ်ပြီး(ရပါတယ် တင်လိုက်ပါ)ဆိုရင်တော့ ခုအတိုင်း ၏/သည်မလွဲတင်ပါမယ်။ လေးစားစွာဖြင့်။ (ခု သူနဲ့လိုင်းပေါ်မှာတွေ့ပါတယ်။ ထပ်မေးပါတယ် တင်ရေးကိစ္စကို။ တုံဏှိဘာဝေလုပ်ပြီး ဘာမပြောညာမပြောဆင်းသွားပါတယ်။ သူ့မှာ အချိန်မရလို့ဘာညာအပြင် အခြားကိစ္စတွေလည်းရှိနိုင်ပါတယ်။ ကျနော်တွေးမိတာက ကိုဒေဝလည်း သူ့အမြင်အတွေး တခြားလူတွေအသိခံနိုင်လို့ ကျနော့်ဆီတောင် တကူးတကန့်ကွန်မန့်လာရေးပေးရတာပါပဲ။ ကျနော့်ပြန်လည်ချေပချက်ကို သူနဲ့အခြားသူတွေသိသင့်တယ်ထင်ပါတယ်။ ဒါ့ကြောင့် ခု တင်ပါတယ်ခင်ဗျား။ မျိုးမြင့်ချို

https://www.facebook.com/kodewa