Proportional Representation(PR)– အချိုးကျဗဟုကိုယ်စားလှယ် ရွေးကောက်သောစနစ်(ဦးဦးမှော်ဆရာ)

PR စနစ်လို့အတိုကောက်ပြောဆိုနေတဲ့ရွေးကောက်ပွဲစနစ်ကို မြန်မာလိုတော့အမျိုးမျိုးပြန်ဆို ရေးသားကြပါ တယ်။ "အချိုးကျဗဟုကိုယ်စားလှယ်ရွေးကောက် တင်မြှောက်သောစနစ်"လို့ မြန်မာမှုပြုထားတာကိုတော့ ကျနော်သဘောကျလို့  ဒီဆောင်းပါးမှာယူသုံးလိုက်ပါတယ်။

"အချိုးကျဗဟုကိုယ်စားလှယ်ရွေးကောက်တင်မြှောက်သောစနစ်"မှာ အဓိကအားဖြင့် လက္ခဏာနှစ်ရပ်ရှိတယ်။

ပထမအချက်က ပြီးခဲ့တဲ့ မြန်မာပြည်ရွေးကောက်ပွဲတွေလို တစ်ဒေသ-တစ်ကိုယ်စားလှယ်စနစ်နဲ့ လုံးဝမတူဘဲ၊ မဲဆန္ဒနယ်ကြီးတခုစီကနေ လွှတ်တော်ကိုယ်စားလှယ်တွေကို တဦးထက်ပို၍ရွေးကောက်စေကာ ပါတီတွေကလည်း အဲဒီဒေသကို ကိုယ်စားပြုမယ့်ကိုယ်စားလှယ်များစာရင်းအသီးသီးကိုပြည်သူထံတင်ပြပြီး လူထုက ရွေးကောက်ပွဲမှာ မိမိတို့ဆန္ဒရှိတဲ့ပါတီရဲ့ကိုယ်စားလှယ်ကို မဲပေးရွေးချယ်တဲ့စနစ်ပဲဖြစ်ပါတယ်။

ဒုတိယလက္ခဏာရပ်ကတော့ ရွေးကောက်ပွဲမှာပါဝင်ယှဉ်ပြိုင်တဲ့ပါတီတိုင်း လူထုကိုအချိုးကျ ကိုယ်စားပြုနိုင်မယ့်အခွင့်အရေးရှိနေတာပါ။ ရှင်းအောင်ဥပမာပေးရရင်တော့ မဲဆန္ဒနယ်တခုတွင် အမတ်ဆယ်ယောက်ရွေးမယ်လို့သတ်မှတ်ထားတယ်ဆိုပါစို့။ အဲဒီဒေသမှာ ၀င်ပြိုင်မယ့်ပါတီများက ကိုယ့်ပါတီရဲ့ကိုယ်စားလှယ်ဆယ်ဦးစီပါတဲ့စာရင်းတင်ပြီး ထိုဒေသမှာ ရွေးကောက်ပွဲဝင်တဲ့အခါ ၄၀% ထောက်ခံမဲရရှိပါက ၄၀% ရဲ့အချိုးကျအဖြစ် အမတ်ဆယ်နေရာတွင် အဆိုပါပါတီက လေးနေရာလွှတ်တော်မှာပါဝင်ခွင့်ရမှာဖြစ်ပါတယ်။

ထောက်ခံမဲ ၂၀% ရတဲ့ ပါတီဆိုရင်လည်း လွှတ်တော်မှာကိုယ်စားလှယ်နှစ်ဦးပါဝင်ခွင့်ရမှာပေါ့။ တချို့ နယ်မြေသိပ်မကျယ်ဝန်းတဲ့နိုင်ငံများမှာတော့ တနိုင်ငံလုံးကို မဲဆန္ဒနယ်ကြီးတခုအဖြစ်သတ်မှတ်ပြီး 

အဲဒီလိုမျိုး ရွေးကောက်တင်မြှောက်လေ့ရှိတယ်။ (ဥပမာ- နယ်သာလန်၊ အစ္စရေး)

ရွေးကောက်ပုံကတော့ အကြမ်းဖျဉ်းကြည့်ရင် ရှင်းလင်းနေပေမယ့်လည်း လက်တွေ့မှာ ကိုယ်စားလှယ် (၁၁)ယောက်ရွေးတဲ့မဲဆန္ဒနယ်ကပါတီတခုက ၄၂ ရာခိုင်နှုန်းထောက်ခံမဲရရှိခဲ့မယ်ဆိုရင် အချိုးကျပြန်တွက်တဲ့အခါ ကိုယ်စားလှယ် (၄.၆၂) ဦး ကိုယ်စားပြုခွင့်ရတယ်လို့အဖြေထွက်နေပြီး အခက်တွေ့ရနိုင်ပါတယ်။ အဲဒီလို အခြေအနေများကိုဖြေရှင်းပုံမှာ ဒေသအသီးသီးမှ ကိုယ်စားလှယ်များဖြင့်ဖွဲ့စည်းထားတဲ့လွှတ်တော်ရဲ့အမတ်အရေအတွက်အပြင် အစွန်းထွက်လာမယ့် ကိန်းပြည့်မဟုတ်တဲ့အမတ်အရေအတွက်များကိုပါကာမိစေရန်နှင့် ပါတီများအသီးသီးအတွက် အစွန်းထွက်မဲများကိုထပ်မံခွဲဝေရန်အတွက် အမတ်နေရာအချို့ကိုသီးသန့်ချန်ထားခြင်းပဲဖြစ်ပါတယ်။ ဥပမာအားဖြင့် ဆွီဒင်နိုင်ငံတွင် မဲဆန္ဒနယ် ၂၈ နယ်ရှိရာ တနယ်စီတွင်ရွေးချယ်သောလွှတ်တော်အမတ်များ၏ စုစုပေါင်း အရေအတွက် မှာ (၃၁၀) ဖြစ်ပေမယ့် တကယ်တမ်းလွှတ်တော်တွင်းမှာတော့ အမတ်နေရာစုစုပေါင်းကို (၃၄၉) နေရာအဖြစ် သတ်မှတ်ထားပြီး (၃၉)နေရာကို အစွန်းထွက်ဖြစ်လာမယ့်ရာနှုန်းများကိုပြန်ညှိရန် သီးသန့်သတ်မှတ်ပေးထားတယ်။ အစွန်းထွက်ရာနှုန်းများ ရှုပ်ထွေးမှုအလွန်အကျွံမဖြစ်စေဖို့အတွက် ဂျာမဏီနှင့်ပိုလန်လိုမျိုးနိုင်ငံတွေမှာတော့ အမတ်နေရာရရေးအတွက် မဲအရေအတွက် စုစုပေါင်းရဲ့အနည်းဆုံးငါးရာခိုင်နှုန်း ရ ရမည်လို့သတ်မှတ်ထားကြပြီး၊ ဆွီဒင်နှင့်အီတလီနိုင်ငံတို့မှာလည်း အနည်းဆုံး မဲလေးရာခိုင်နှုန်းရရမယ်လို့ အသီးသီး သတ်မှတ်ထားကြတယ်။

အချိုးကျ ဗဟုကိုယ်စားလှယ်ရွေးကောက်ခြင်း၏အကျိုးကျေးဇူးများ

ဒီစနစ်ကြောင့် ရွေးကောက်ခံဥပဒေပြုအမတ်တွေဟာ လူထုရဲ့ရွေးချယ်မှုရာနှုန်းနှင့် ပါတီအပေါ် လူထုထောက်ခံမှုအတိုင်းအတာကို တိတိကျကျကိုယ်စားပြုနေတယ်လို့ဆိုနိုင်ပြီး ဒါဟာ ဒီမိုကရေစီရဲ့အနှစ်သာရကို တိုက်ရိုက်ထင်ဟပ်နိုင်တယ်လို့ယူဆနိုင်ပါတယ်။ အင်အားကြီးတဲ့ပါတီကြီးတစ်ခုထဲက လက်ဝါးကြီးအုပ်ထားပြီး နိုင်ငံရေးအပေါ်ချယ်လှယ်တာမျိုး လျော့နည်းနိုင်ချေရှိပါတယ်။ ပါတီငယ်တွေကလည်း မိမိတို့ယုံကြည်တဲ့မူဝါဒများအသီးသီးကို လွတ်လွတ်လပ်လပ်ကျင့်သုံးတဲ့အပြင် မိမိတို့ရဲ့မူဝါဒကိုထောက်ခံမှုရှိလျှင်ရှိသလောက် လွှတ်တော်တွင်းအမတ်နေရာရနိုင်ပြီး တစ်ဒေသ-တစ်ကိုယ်စားလှယ်စနစ်မှာလိုမျိုး အမတ်နေရာရရှိရေးသေချာစေရန်အတွက် အဓိကပါတီကြီးတခုခုနှင့်ပေါင်းစည်းကာ မိမိတို့ယုံကြည်ရာဝါဒကိုဈေးလျှော့ပေးရန် မလိုတော့ပေ။ ဥပမာပြရရင် အစ္စရေးနိုင်ငံမှာ အချို့ပါတီငယ်များက အစ္စရေးလူဦးရေရဲ့နှစ်ရာခိုင်နှုန်းမျှသာထောက်ခံမှုရရှိပေမယ့် ပါလီမန်ထဲမှာ အမတ်နေရာရရှိကာ မိမိတို့ကိုထောက်ခံတဲ့ နှစ်ရာခိုင်နှုန်းမျှသောလူဦးရေရဲ့ဆန္ဒကို တတ်စွမ်းသမျှဖြည့်ဆည်းခွင့် ရကြတာပါ။

အချိုးကျဗဟုကိုယ်စားလှယ်ရွေးကောက်ခြင်းရဲ့ ဆိုးကျိုးများ

ဒီစနစ်မှာ တိုင်းပြည်ရဲ့ကွဲပြားများပြားလှတဲ့အမြင်အမျိုးမျိုးများကြောင့် ပါတီငယ်များ အဆမတန်ကွဲပြားမှုတွေဖြစ်လာနိုင်ပြီး နိုင်ငံတနိုင်ရဲ့နိုင်ငံရေးတည်ငြိမ်မှုကို ထိခိုက်လာစေနိုင်ပါတယ်။ (ဥပမာ – အစ္စရေး) ဆန့်ကျင်ဘက်အနေနဲ့ တခါတရံမှာတော့ ဒီစနစ်အသုံးပြုတဲ့နိုင်ငံများအတွင်းမှာပဲ အဓိကနှစ်ပါတီသာကြီးစိုးပြီး ကျန်ပါတီငယ်လေးများက ဆက်လက်ရုန်းကန်နေရတဲ့အနေအထားရောက်သွားတဲ့နိုင်ငံတွေလည်းရှိတယ်။ (ဥပမာ – ဆွီဒင်၊ စပိန်)။ နောက်ပြီး ပါတီထောင်တာတွေပေါများသွားနိုင်ပြီး ပါတီငယ်တွေမှိုလိုပေါက်လာနိုင်ပါတယ်။ ဒီလို အချိုးကျဗဟုကိုယ်စားလှယ်ရွေးမှုစနစ်တွင် အင်အားအကြီးဆုံးပါတီတခုဟာ ယေဘုယျအားဖြင့် ထောက်ခံမှု ၅၀% ပတ်ဝန်းကျင်အထိ ရရှိရန်မစွမ်းဆောင်နိုင်တဲ့အခါမျိုးတွင် အဲဒီပါတီက ပါတီငယ်သေးသေးမွှားမွှားလေးတွေနဲ့ပေါင်းပြီး ညွန့်ပေါင်းအစိုးရဖွဲ့ရေးကိုစည်းရုံးရတဲ့အတွက် အစိုးရအဖြစ်တက်လာသည့်အခါတွင် ညွန့်ပေါင်းအစိုးရ ဖြစ်နေတာကြောင့် မူဝါဒရေးရာဆုံးဖြတ်ချက်များကိုပြတ်ပြတ်သားသားမချနိုင်ပဲ နိုင်ငံရေးဖြစ်စဉ်နှောင့်နှေးမှုများနှင့်

နိုင်ငံရေးမတည်ငြိမ်မှုများကို ကြုံတွေ့လာရနိုင်ပါတယ်။

ဒါကတော့ PR လို့ခေါ်တဲ့ ရွေးကောက်ပုံစနစ်ကို အကြမ်းဖျဉ်းဖေါ်ပြခဲ့တာပါ။ အထူးသဖြင့် ကျနော့်မိတ်ဆွေကြီး 

ကိုမျိုးမြင့် ဖတ်ချင်တယ်ဆိုလို့ရေးလိုက်တာပါ။ PR စနစ်မှာ ပုံစံအမျိုးမျိုးရှိပါသေးတယ်။ လောလောဆယ် အချိန်မပေးနိုင်သေးလို့ အကုန်းလုံး မရေးနိုင်သေးပါ။ ဒါတွေကို စိတ်ဝင်စားတယ်ဆိုရင် အင်တာနက်ပေါ်မှာလည်း 

ရှာဖတ်နိုင်ပါတယ်။

ဦးဦး မှော်ဆရာ

(၂၄- ၄- ၂၀၁၃)