အင်န်အယ်လ်ဒီနဲ့ ပြင်မဟဲ့ဆိုတဲ့ဖွဲ့စည်းပုံ (မျိုးမြင့်ချို)

အင်န်အယ်လ်ဒီနဲ့ ပြင်မဟဲ့ဆိုတဲ့ဖွဲ့စည်းပုံ (မျိုးမြင့်ချို)

အင်န်အယ်လ်ဒီထဲမှာ ဖွဲ့စည်းပုံနဲ့စပ်ပြီး ပြင်ရေးနဲ့အသစ်ဆွဲရေး လိုင်း(၂)ခုဖြစ်လာတယ်။ နောက်ဆုံး ပြင်ရေးက တည်သွားတယ်ဆိုပါတော့။ လူထုကြားထဲမလည်း ပြင်ရေးဘက် ပိုတိမ်းညွှတ်လာတယ်။ နည်းနည်းလည်း လှုပ်လှုပ်ရွရွဖြစ်လာတယ်။ ပြင်ရေးအကြောင်းပြုပြီး နိုင်ငံရေးသွေး ပြန်နွေးလာတယ်။ တပ်လှန့်လိုက်သလိုလည်း ဖြစ်သွားတယ်။ အထွေထွေမကျေနပ်မှုတွေနဲ့ နင်းပြားလူထုကလည်း တိုက်ပွဲခေါ်သံနဲ့ “ငါ့နောက်လိုက်ခဲ့”ဆိုတဲ့ခေါင်းဆောင်သာရှိ လမ်းမတွေပေါ်ပြန်မတက်လာဘူးလို့ ဘယ်သူမှ ကံသေကံမ မပြောနိုင်တဲ့အနေအထား။ ဘာခေါင်းဆောင်မှ(လူအကောင်လိုက်ကြီး)မရှိပဲနဲ့တောင် တပြည်လုံးထွက်လာကြသေးတာပဲ။

မှတ်ပုံတင်မြေပေါ်နိုင်ငံရေးပါတီတွေထဲမလည်း(လူပုဂ္ဂိုလ်ဆိုင်ရာလို့ သူတို့ဆိုတဲ့ပုဒ်မတချို့ကလွဲလို့) အခြေခံမူတချို့ကို ပြင်ချင်တဲ့သဘောထားရှိကြတယ်။ အန်င်အယ်လ်ဒီက ကန်ထွက်/စင်ထွက်လာသူတွေ၊ လူဟောင်းလက်ဟောင်းတွေ၊ လူသစ်လက်သစ်တွေ၊ ပါတီဘုစုခရုတွေလည်း ပြင်မယ်ဆိုသံပေးတယ်။ ကြံ့ဖွံ့ကတောင် မပြင်ရင်မဖြစ်တော့မှန်း(လွှတ်တော်နဲ့အစိုးရ ဖွဲ့စည်းပုံခုံရုံးကိစ္စအငြိမှာ)သဘောပေါက်လာကြလို့ ပြင်ရမယ့်အချက်တချို့ကို ပြင်ချင်နေတာသိသာတယ်။ သူတို့ဘက်က စဖို့ခက်နေတာလည်း အမှန်ပဲ။ ဒီတော့ (မန္တလေးသင်္ကြန်စကားနဲ့ ပြောရရင်) “ညိုမြ”လုပ်နေတယ်။ ဒါပေမယ့် သူ့ညိုမြက အလည်၊ ပါးတယ်။ ဘယ်သူ့လက်ထဲကခွက်မှာ ဘာရေပါမှန်းသေချာသိတယ်။

လူမျိုးစုလက်နက်ကိုင်(အပစ်ရပ်ရော မရပ်ရော)အင်အားစုတွေကလည်း (ဖျက်ပြီး အသစ်ပြန်မဆွဲနိုင်ခင်မှာ) အလုပ်ဖြစ်နိုင်လောက်တဲ့ ပြင်ဆင်မှုဆိုမဆိုးဘူး လက်ခံမယ်လို့အသံထွက်လာတယ်။ ပြည်တွင်းငြိမ်းချမ်းရေး၊ ဖက်ဒရယ်မူနဲ့ ပြည်ထောင်စုတပ်မတော်ဖြစ်လာဖို့ ဖွဲ့စည်းပုံကိုအဓိကထောက်ပြကြသလို ပြင်နိုင်ရေးဟာ ဗမာ့လက်ငင်းနိုင်ငံရေးရဲ့အခရာဆိုတာ အတိအလင်းပြောလာကြတယ်။ ဆိုတော့ လူမျိုးစု (ဗမာတွေအပါအဝင်)အားလုံးက သူတို့ခေါင်းဆောင်တွေပြောသမျှအကုန် မီးမသေတောင် ရေများရေနိုင်မီးများမီးနိုင်ဖြစ်မယ့် သဘောတော့ရှိတယ်။

စစ်တပ်ကတော့ရော။ စစ်တပ်က အမျိုးသားကာကွယ်ရေးနဲ့လုံခြုံရေးကောင်စီ(ကာ/လုံ)တူရင် တူပြီးသားပဲ။ (စစ်တပ် စစ်တပ်နဲ့) အစိုးရနဲ့မဆိုင်သလိုလို၊ သတ်သတ်သဘောမျိုးပြောနေတာကြားတော့ အံ့သြတယ်။ စစ်တပ်၊ ကြံ့ဖွံ့၊ လွှတ်တော်၊ အစိုးရနဲ့ ဘာတွေများ ဘယ်လိုခွဲကြသလဲ။ ဘယ်လိုများ ကွဲနေကြလို့လဲ။ 
ကာ/လုံမှာ(အရုပ်-စိုင်းမောက်ခမ်းကလဲလို့)အကုန် စစ်ဗိုလ်သစ်နဲ့စစ်ဗိုလ်ဟောင်းတွေချည်းမဟုတ်ဘူးလား။ မင်းအောင်လှိုင်က အကိုကြီးတွေ(အကျိုးစီးပွားတူနေတော့)အမိန့်မရမခြင်း ဘာမှမလုပ်ဘူး စိတ်ချ။ စစ်တပ်နဲ့ အဲ့လူတွေအားလုံးနဲ့က သပ်သပ်စီမို့လို့လား “စစ်တပ်သဘောမတူရင် ဘာမှလုပ်လို့မရ” လို့ ပြောနေကြတာက။ ကာ/လုံသဘောမတူရင် ဘာမှလုပ်မရလို့ပြောတာကမှ(ဟုတ်ဟုတ် မဟုတ်ဟုတ်) နားခံသာဦးမယ်။

နိုင်ငံတကာကလည်း အလကားမတ်တင်းနဲ့ရထားတဲ့ပွဲစားကို ပွဲညွန့်လေးတော့ စစ်အုပ်စုဘက်က ပေးစေ့ချင်တယ်။ ဥရောပသမဂ္ဂကဆို သိက္ခာအပဲ့ခံပြီး ဗြောင်ထုတ်ပြောတဲ့အထိကိုဖြစ်လာတယ်။ အန်ကယ်ဆမ်ကလည်း အိမ်ဖြူတော်ခေါ်ကျောသပ်ပေးပေမယ့် ယောက်မမြင်းစီးထွက်လာတဲ့သမီးမို့ နည်းနည်းတော့မျက်နှာပူပုံပေါ်တယ်။ သူ့လည်း အမှုတွဲဖြစ်မှာစိုးတယ်။ ဒါနဲ့ ဖွဲ့စည်းပုံကိစ္စ မပြောချင်ပြောချင် ပြောလာတယ်။ အဖျက်ခံရရင် ရုပ်ပျက်ဆင်းပျက်နဲ့အကြည့်ရလည်းဆိုးမယ်ဆိုတော့ ပြင်ပေးလိုက်ပါလို့ သာသာထိုးထိုးလေးပြောလာရတယ်။ ချုပ်လိုက်ရင် ပြင်ရေးဘက် အားလုံးလိုလို ယိုင်လာကြတယ်။ ထီးလိုမင်းလိုဖြစ်လာတယ်လို့တော့ ပြောလို့မရဘူး။

အင်န်အယ်လ်ဒီမှာက ပြင်တာတော့ဟုတ်ပြီ ဘာနဲ့ပြင်မှာလဲ ဘယ်ပုံပြင်မှာလဲဆိုတာက "မူ" တိတိကျကျမရှိဘူး။ သူ့ရပ်ခံထားတဲ့ပုံစံနဲ့ဆို လွှတ်တော်ထဲကပြင်တာကလွဲလို့ ဘာမှမရှိဘူး။ အဲ့ဒီနည်းက ဘေးလူမပြောနဲ့ ကိုယ်တိုင်ရေးခဲ့သူတွေတောင် ပြင်ဖို့လွယ်တာမှ မဟုတ်တာ။ ဒါဆို လွှတ်တော်ပြင်ပ(လူထုတိုက်ပွဲနည်း)နည်းနဲ့ သွားမလားဆိုတော့ သွားမယ့်ပုံမပေါ်ဘူး။ မပေါ်တဲ့အပြင် ဘာလုပ်လာသလဲဆိုတော့ လှုပ်လှုပ်ရွရွဖြစ်လာတဲ့လူထုအသံကို ကိုယ့်လက်ထဲသိမ်းပြီး လွှတ်တော်ထဲတင်သွင်းဖို့ကြံရွယ်တယ်။ တချို့ကတော့ လူထုဘက် စိတ် ပြန်လည်လာတဲ့သဘောမို့ ကောင်းတဲ့လက္ခဏာလို့ဆိုကြတယ်။ ကိုယ်ရေးကြုံမှ လူထုဘက်မျက်နှာပြန်မူတာဟာ လက္ခဏာကောင်းလို့ပြောဖို့တော့ ခက်မယ်ထင်တာပဲ။ လူထုဘက်က ရပ်တည်၊ လူထုနဲ့လက်တွဲ၊ လူထုအတွက်တိုက်ပွဲဝင်ပေးတာမျိုးထက် လူထုခေါ်ပြီး ကိုယ့်ထောက်ခံရေးလောက်ပဲသုံးချင်တာဟာ လူထုအကျိုးကိုဆောင်တယ်လို့ပြောဖို့လွယ်မယ်မထင်ဘူး။ လူထုဘက်ကလည်း ဘာများလုပ်တော့မလဲ၊ ဘာများဖြစ်တော့မလဲနဲ့ တက်လာတဲ့အရှိန်သေသွားတယ်။ ဇက်အသပ်ခံလိုက်ရတဲ့၊ ဇက်အခွံ့ခံလိုက်ရတဲ့မြင်းလို တန့်သွားတယ်။

ဒီတင် ရှစ်ပူး-ငြိမ်း/ပွင့်ထဲက ကိုကိုကြီးတို့ မင်းဇေယျတို့ မီးတကျည်ကျည်ဖြစ်လာတယ်။ ဒီတင် မီးတကျည်ကျည်တွေကိုဟန့်ဖို့ “ဒေါ်စုလမ်းကို အပြည့်အဝဝိုင်းထောက်ခံကြ”ဆိုတဲ့အသံ ထွက်လာတယ်။ ခက်တာက ဒေါ်စုကလည်း ဘယ်လမ်းသွားမယ်မှန်းမသိသေး။ လိုင်းကလည်း မရှင်းသေး။ နတ်စစ်သည်တွေလည်း စစ်မရောက်သေး။ အသုရာနဲ့သိကြားမင်းလည်း ဘာမှတော့မဖြစ်သေးဘူးထင်တာပဲ။
ဒီဇင်ဘာ ၂၂၊ ၂ဝ၁၃ (မျိုးမြင့်ချို)