လကၡဏာဆရာကေျပာတယ္ေမရယ္(မ်ိဳးျမင့္ခ်ိဳ)

ထောင်ထဲမှာ နက္ခဗေဒင်-လက္ခဏာဆရာတွေနဲ့ ကာလတခုအတူနေဖူးသလို လေးလေးနက်နက် ထဲထဲဝင်ဝင် လေ့လာလိုက်စားသူတွေနဲ့လည်း ဆုံခဲ့ဖူးပါတယ်။ ကျနော့်လက်ဖဝါးပေါ်က အမှတ်ကလေးတခုကို(၄)ဦးဟောတာ (၄)မျိုးဖြစ်နေတာနဲ့ ”ဘာလို့ အဲ့သလိုဖြစ်ရသလဲ”လို့ (၄)ဦးလုံးကို မေးကြည့်မိတယ်။ ဆည်းပူးခဲ့ရတဲ့ဆရာ၊ ပညာနဲ့ကျမ်းစာအုပ်တွေမှာ ကွဲလွဲလို့ဖြစ်နိုင်တယ်လို့ (၄)ဦးလုံးကဖြေတယ်။ ဒါနဲ့ နည်းနည်းထပ်ကွန့်ပြီး ”ဒါဆို ခင်ဗျားဟောတာမှန်ပြီး အခြား(၃)ဦးမှားတယ်လို့ပြောရင် ရမလား”လို့ (၄)ဦးလုံးကို မေးပြန်တယ်။ ”အဲ့သလိုပြောလို့တော့ မရဘူးနဲ့တူတယ်ဗျ”လို့ (၄)ဦးလုံးအဖြေတူတာ တွေ့တယ်။ ထပ်ပြီး ”ဗေဒင်လက္ခဏာစတာတွေဟာ သိပ္ဗံနည်းကျစမ်းသပ်လို့ရတဲ့ ခိုင်ခံ့တဲ့ပညာတရပ်လို့ ပြောလို့ရမလားဗျ”ဆိုတော့ သိပ္ဗံပညာမှမဟုတ်တာဗျာ။ သိပ္ဗံနည်းကျစရာ မလိုပါဘူး။ နှစ်ထောင်ချီပြီး လူအဆက်ဆက် လက်ဆင့်ကမ်းလာလို့ ခိုင်မြဲနေတဲ့ပညာရပ်တစ်ခုဆိုတာတော့ ငြင်းမရဘူးဗျ”လို့ (၄)ဦးလုံးဆိုပါတယ်။ ဒါနဲ့ ”လူတစ်ယောက်ရဲ့လက်ဖဝါးပေါ်က အရေးအကြောင်းတွေကိုကြည့်ပြီး အဲ့လူရဲ့ ရှေ့ဖြစ်နောက်ဖြစ်တွေကို ပြောလို့ရတယ်ဆိုရင် မျောက်တစ်ကောင်ရဲ့လက်ဖဝါးပေါ်က အရေးအကြောင်းတွေကိုကြည့်ပြီး အဲ့မျောက်ရဲ့ ရှေ့ဖြစ်နောက်ဖြစ်တွေ ဘာတွေကိုရော ဟောလို့ရမလားဗျ” ဆိုတော့ (၄)ဦးလုံးက ”မျောက်က လူစကားနားလည်ရင် ဒါမှမဟုတ် လူက မျောက်စကားနားလည်ရင် ဟောလို့ရမယ်နဲ့တူတယ်ဗျ” လို့ပြန်ဖြေပြီး ကျနော်တို့ ပေါ့ပေါ့ပါးပါးရီမောခဲ့ကြတာ အမှတ်ရမိတယ်။ အဲ့ဒီဆရာ(၄)ဦးနဲ့ ထောင်(၃)ထောင်မှာ (၄)နေရာခွဲပြီး သတ်သတ်စီတွေ့ကြတာဖြစ်သလို မေးတာဖြေတာတွေကလည်း သတ်သတ်ဆီဖြစ်ပါတယ်။ ဖြေရာမှာတစ်ဦးနဲ့တစ်ဦး စကားလုံးတွေ တသဝေမတိမ်းထပ်တူထပ်မျှဖြစ်တယ်လို့တော့ မဆိုလိုပါဘူး။ သဘောသွားနဲ့ အနှစ်သာရကတူနေတာပါ။ ဆရာတွေလို့ ကျနော်ပြောတာကလည်း ကျနော်မတတ်တဲ့ပညာရပ်တစ်ခုကို တတ်မြောက်သူတွေဖြစ်လို့ပါ။ သူတို့ ဗေဒင်လက္ခဏာဆရာတွေပါ။ သူတို့ ကံကို ယုံကြပါတယ်။ အဆောင်လက်ဖွဲ့စတာတွေလည်း ယုံပါတယ်။ လူကို ကံကောင်းအောင်လုပ်လို့ရတယ်၊ ကံအဆိုးတွေကနေပယ်အောင် ယတြာချေလို့ရတယ်လို့လည်း ယုံကြတယ်။ သူတို့ဟာ မတရားမှုကို လူထုနဲ့အတူဆန့်ကျင်ခဲ့ကြတယ်။ လူထုကို ကိုယ့်နေရာကနေ ကိုယ့်နည်းနဲ့ဦးဆောင်ခဲ့ကြတယ်။ သူတို့ တိုင်းပြည်နဲ့လူထုရဲ့ကြမ္မာကိုပြောင်းဖို့ ကြိုးပမ်းအားထုတ်သူတွေဖြစ်တယ်။ ဒါပေမယ့် ဗေဒင်နဲ့မဟုတ်။ ယတြာနည်းနဲ့မဟုတ်။ ဆူးပုံနင်းခဲ့ကြတာမဟုတ်။ သားရဲတွင်းထဲကို သိစိတ်ရှိရှိနဲ့ ရဲရဲကြီးခုန်ဆင်းခဲ့ကြသူတွေပဲ။ တစ်ဦးတော့ ကွယ်လွန်ရှာပြီ။
ဂျူလိုင် ၂၁၊ ၂ဝ၁၃