မတရားတဲ့ဥပဒေ စိုးမိုးရေးလား၊ တရားတဲ့ဥပဒေ စိုးမိုးရေးလား (ရွှေကြာ)

မတရားတဲ့ဥပဒေ စိုးမိုးရေးလား၊ တရားတဲ့ဥပဒေ စိုးမိုးရေးလား (ရွှေကြာ)
ခုတလော လွှတ်တော်မှာ တရားဥပဒေစိုးမိုးရေးအကြောင်း ညည်းတွားပြောဆိုလာကြပြန်တယ်။ တရားဥပဒေစိုးမိုးရေးဟာ အဆုံးစွန် အခြေအနေရောက်နေပြီလို့လည်း ထိတ်လန့်တကြား အော်ဟစ်လာတယ်။ ဒါဟာ ကိစ္စဆိုးတခုနှစ်ခုထောက်ပြပြီး တင်းတင်းကျပ်ကျပ် ကိုင်တွယ်ခိုင်းသလိုလိုနဲ့ အစိုးရကို ပြတ်ပြတ်သားသားကိုင်တွယ်ပစ်လိုက်ဖို့ လူမိုက်လမ်းပြလုပ်ပေးနေသလိုပဲ။ တနည်းအားဖြင့် အစိုးရရဲ့ တရားဥပဒေစိုးမိုးရေးကို အစိုးရကိုယ်တိုင်လုပ်မှဖြစ်တော့မယ်လို့ အမွှန်းတင်ပေးလိုက်ရာလည်းရောက်တယ်။

တရားဥပဒေစိုးမိုးရေးနဲ့ပတ်သက်လို့ နောက်တချက်ကိုပြောတဲ့အခါမှာ လူပုဂ္ဂိုလ်အကြောင်း ဖွင့်ချတိုက်ခိုက်တာမလုပ်ချင်ဘူး။ ဒါပေမယ့် သဘောတရားနဲ့ သဘောထားအမှား/အမှန်ကိစ္စကိုတော့ ပြောရမှာပဲ။ တရားဥပဒေစိုးမိုးမှုရှိရေးဟာ ၂ဝဝ၈ ဖွဲ့စည်စည်းပုံထက်တောင် အရေးကြီးတယ်ဆိုတဲ့ပြောဆိုချက်ကတော့ စဉ်းစားတွေးခေါ်မှုတွေလွဲချော်နိုင်တဲ့ကိစ္စဖြစ်လို့ ပြောသင့်တဲ့ကိစ္စလို့ယူဆတယ်။

ဗမာပြည်မှာ ဘာအရေးအကြီးဆုံးလဲဆိုတာ စဉ်းစားကြည့်ကြရအောင်။ ပြည်သူလူထုကို ရာစုနှစ်တဝက်ကျော် ဆင်းရဲဒုက္ခတွင်းထဲ နစ်သထက်နစ်အောင်ဖိနှိပ်ခဲ့တဲ့ စစ်အာဏာရှင်စနစ်။ သူတို့အကျိုးစီးပွားအတွက် တိုင်းပြည်ကို ဖြူခါပြာခါကျပြီး နာလန်ထူဖို့ခက်လှအောင်နဲ့ သယံဇာတတွေ ပြောင်သလင်းခါအောင်လုပ်ခဲ့တဲ့ စစ်အာဏာရှင်စနစ်။ တိုင်းပြည်နဲ့ပြည်သူလူထုကို ဒါလောက်ဒုက္ခပေးခဲ့တဲ့ စစ်အာဏာရှင်စနစ်ကိုတိုက်ဖျက်ဖြိုလှဲရေးဟာ ဒီကနေ့ ဗမာပြည်သူလူထုအတွက် အဓိကအရေးအကြီးဆုံးပဲ။ ၂ဝဝ၈ ဖွဲ့စည်းအုပ်ချုပ်ပုံပြဿနာကို အရေးအကြီးဆုံးနေရာမှာထားနေရတာကလည်း ဒီဖွဲ့စည်းအုပ်ချုပ်ပုံက စစ်အာဏာရှင်စနစ် သားစဉ်မြေးဆက်တည်တံ့အောင် ခံတပ်ကြီးသဖွယ်တည်ဆောက်ကာကွယ်ပေးနေလို့ပဲ။ ဒီ ၂ဝဝ၈ အခြေခံဥပဒေဆိုတာ ပြင်ရမှာလည်း မဟုတ်ဘူး။ အသစ် ပြန်ရေးရမှာလည်း မဟုတ်ဘူး၊ နောင် သားစဉ်မြေးဆက် ဘယ်တော့မှ ပြန်ပေါ်မလာအောင် အကုန်လုံး မီးတိုက် ဖျက်ဆီးပစ်လိုက်ရမှာ။ ပြည်သူ့ဒီမိုကရေစီ ဖွဲ့စည်းအုပ်ချုပ်ပုံကိုသာ ပြည်သူလူထုရဲ့ဆန္ဒနဲ့အညီ အသစ်ရေးဆွဲပြဌာန်းရမှာ။

ပြည်တွင်းစစ်တို့၊ လယ်သမားတွေ မြေယာလုယက်သိမ်းပိုက်မှုခံနေရတာတို့၊ တိုင်းပြည်မငြိမ်သက်အောင် ပဋိပက္ခဖန်တီးမီးမွှေးပေးတာတို့၊ ကိုယ့်သယံဇာတတွေ သူတပါးလက်ထဲ ဈေးပေါပေါနဲ့ထိုးအပ်နေတာတို့ စတဲ့ပြဿနာတွေအားလုံးဟာ ဒီစစ်အာဏာရှင်စနစ်ကြောင့် ဖြစ်နေရတာမဟုတ်လား။ ဦးသိန်းစိန်အစိုးရလို့ ခေါ်ချင်ခေါ်၊ စစ်တပိုင်းအစိုးရလို့ ခေါ်ချင်ခေါ်။ အရပ်သား အရေခြုံအစိုးရလို့ ခေါ်ချင်ခေါ် တကယ်ကတော့ ဒီကနေ့ စစ်အစိုးရဟာ စစ်အာဏာရှင်စနစ်ကို ပုံသဏ္ဌာန်တမျိုးနဲ့သယ်ဆောင်နေတဲ့အစိုးရသာ ဖြစ်တယ်။ ဘာဒီမိုကရေစီ အစိုးရမှ မဟုတ်ဘူး။ ဘာပြုပြင်ပြောင်းလဲရေးအစိုးရမှ မဟုတ်ဘူး။ လှည့်စားမှုမျိုးစုံ နည်းနာမျိုးစုံနဲ့ စစ်အာဏာရှင်စနစ်ကို ပြောင်းလဲနေတဲ့အခြေအနေနဲ့အညီ ကာကွယ်ထိန်းသိမ်းဖို့ကြိုးပမ်းနေတဲ့အစိုးရသာ ဖြစ်တယ်။ ဒီ မသတီစရာ ဒီစစ်အာဏာရှင်စနစ်ကို နံ့သာလိမ်းကျံ ပန်းပန်ပေးတဲ့အလုပ်တွေ မလုပ်ကြစေချင်ဘူး။

တရားရုံး၊ ဥပဒေ၊ အကျဉ်းထောင်၊ ပုလိပ်တပ်၊ စစ်တပ် စတဲ့ အုပ်ချုပ်ရေးယန္တရားတွေဆိုတာ တကယ်က အုပ်စိုးခံပြည်သူလူထုကိုဖိနှိပ်တဲ့ ကိရိယာတွေချည်းပဲ။ တရားရုံးက မတရားရုံးဖြစ်နေတဲ့ကိစ္စတွေ။ လာဘ်ပေးလာဘ်ယူပြဿနာတိုင်ကြားစာ ၁ဝဝဝဝ လောက်မှာ ၉ဝ ရာခိုင်နှုန်းက တရားရေးဆိုင်ရာဝန်ထမ်းတွေကိုတိုင်ကြားတဲ့စာတွေ ဖြစ်နေတာကိုကြည့်။ တရားဥပဒေစိုးမိုးရေးပြောနေတာ ကြာလှပြီ။ ဒါလောက်ပြောနေတာ လုပ်ကြည့်စမ်းဆိုပြီး တရားဥပဒေစိုးမိုးရေးအဖွဲ့ ဖွဲ့ပေးလိုက်တယ်။ အခု တိုင်းပြည်မှာ တရားဥပဒေစိုးမိုးရေးဟာ အဆုံးစွန်အခြေအနေရောက်နေပါပြီလို့ လွှတ်တော်တွင်းမှာ အော်ရတဲ့အဆင့်အထိရောက်လာတယ်။ ဘယ်လုပ်လို့ ရမှာလဲ။

ပုဒ်မ (၁၈) ကအစ ၂ဝဝ၈ ဖွဲ့စည်းပုံအခြေခံ ဥပဒေအဆုံး တကယ်က ပြည်သူကိုဖိနှိပ်ရေးကိရိယာတွေပဲ။ ဒီလို မတရားတဲ့ဥပဒေတွေ လွှမ်းမိုးချုပ်ကိုင်ထားမှုအောက်မှာ တရားဥပဒေစိုးမိုးရေးအဖွဲ့ ဖွဲ့စည်းပြီး တာဝန်ပေးလိုက်တာကိုက သူတို့အကျိုးစီးပွားကို တဖက်လှည့် အကာအကွယ်ပေးခိုင်းထားတာပဲ။ တကယ်တမ်းမှာ လက်ပံတောင်းမှာ မတရားဥပဒေစိုးမိုးနေတာကိုတောင် စုံစမ်းရေးကော်မရှင်တို့ တရားဥပဒေစိုးမိုးရေးအဖွဲ့တို့အနေနဲ့ အတိအလင်းဆန့်ကျင်နိုင်ခဲ့လို့လား၊ မဆန့်ကျင်ရုံနိုင်ရုံသာမကဘဲ အစိုးရရဲ့မတရားတဲ့အမိန့်နဲ့ ဥပဒေတွေကို ဖုံးဖိကာကွယ်ပေးသလိုဖြစ်နေရင်တော့ ပြည်သူလူထုရဲ့ကန့်ကွက်ဆန့်ကျင်တာခံရမှာ မုချဘဲ။ ဒီလိုမျိုးကိစ္စတွေ နောင်မှာလည်း ရင်ဆိုင်ကြုံတွေ့နိုင်စရာ ရှိနေလိမ့်ဦးမယ်။

စစ်အာဏာရှင်စနစ်ကြောင့်ဖြစ်ရတဲ့ပြဿနာတွေကို စစ်အာဏာရှင်စနစ်ကြောင့်လို့ ပြတ်ပြတ်သားသားမပြောနိုင်ဘဲ တခြားကိစ္စတွေ လွှဲဖယ်ပြောရင် ဦးတည်ချက်လွဲပြီး ပြည်သူလူထုကိုဖိနှိပ်နေတဲ့ဘက်က အကာအကွယ်ပေးတာမျိုးဖြစ်သွားတတ်တယ်။ ဦးသိန်းစိန်ကို ယုံပါတယ်လို့ပြောခဲ့တဲ့စကားဟာ အခုတော့ အနှုတ်ရခက်တဲ့ဆူးတချောင်း ဖြစ်ခဲ့ရပြီ။ ကိုယ့်စကားကိုနင်းပြီး လိုက်ယုံကြသူတွေကို အခု မယုံရတော့ဘူးဆိုပြီး ပြန်ပြင်ပြောလည်း ချက်ချင်းပြင်မရတာကိုကြည့်။

ဒီတော့ စစ်အာဏာရှင်စနစ်ဖယ်ရှားရေးမှာ အရေးကြီးတဲ့ ၂ဝဝ၈ ဖွဲ့စည်းပုံတိုက်ဖျက်ရေးကို တရားဥပဒေစိုးမိုးရေးက အရေးကြီးတယ်တို့ ဘာတို့ ပြောဆိုလုပ်ကိုင်မယ်ဆိုရင် ဒါဟာ ၂ဝဝ၈ ဖွဲ့စည်းပုံတိုက်ဖျက်ရေးကို မှေးမှိန်သွားစေနိုင်တယ်၊ နဂါးချစ်တဲ့ဘုရင်ကြီးလိုမျိုး ဖြစ်သွားနိုင်တယ်။ တရားဥပဒေစိုးမိုးရေးဆိုတဲ့နဂါးကြီးကို တကြော်ကြော်တမ်းတရင်း အဲဒီ အုပ်စိုးသူရဲ့မတရားဥပဒေစိုးမိုးရေးနဂါးကြီးက ကိုယ့်ကို ဝါးမြိုသွားတာခံရနိုင်တယ်လို့ သတိပေးပါရစေ။
မတရားတဲ့ ဥပဒေစိုးမိုးရေးကို တိုက်ခိုက်ဖြိုချနိုင်မှ တကယ်စစ်မှန်တဲ့
တရားဥပဒေစိုးမိုးရေးကို တည်ထောင်ဖွံ့ဖြိုးစေနိုင်မှာ ဖြစ်ပါကြောင်း။ ။

ယူတာက ဒီနေရာကပါ https://www.facebook.com/hla.win.3720