အဝေးက ပေးစာတစောင် (ယာတောက သာဗြော)

အဝေးက ပေးစာတစောင် (ယာတောက သာဗြော)၂၀၁၃ခုနှစ်။ ဒီဇင်ဘာ ၇ရက်၊

ကိုဟိုဒင်းရေ-နိုင်ငံရေးမလုပ်တော့ပါဘူးဆိုတဲ့ ဗိုလ်ခင်ညွန့်တယောက် ပြောမယ့်ပြော ထွက် လာတော့ “အဖေကြီးဦးနေဝင်း- ဝမ့်စွေ့”။ “ဗိုလ်သိန်းစိန်- ဝမ့်စွေ့”ဆိုပြီး လက်သီးလက်မောင်း တန်းထွက်လာပါကလားဗျ သတ္တိရှိပါပေတယ် (မျက်နှာပြောင်ပါပေတယ်)လို့ ပြောရမှာပါပဲ။ တပါတည်းမှာ ရှေ့မီးနောက်မီးကြည့်ရှောင်ရာမှာ အကင်းပါး ပါပေတယ်လို့လည်း အသိအမှတ်ပြုရမယ်ဗျ၊ သူတို့ အစိမ်းအစိမ်းချင်းတော့ ဘယ်သူ့ကိုရှောင်။ ဘယ်သူ့ကိုဆောင်။ ခြေမြင်တယ်လို့ဆိုရမယ် ထင်ပါတယ်။ တချို့လူတွေအဖို့ တချိန်ကဘာကြီးပဲလုပ်ခဲ့၊ လုပ်ခဲ့၊ မျက်နှာပြောင် တိုက်နိုင်ရင် ပွဲထွက်လို့ရသလိုဖြစ်နေကြတဲ့ကာလကိုး။

သူ ဒီလိုပြောတာတွေနဲ့ မရှေးမနှောင်းမှာ ဦးနေဝင်းသမီးများနဲ့ မြေးများကလည်း လှုပ်ရှားလာလေတော့ တချို့က ဒါဦးနေဝင်းလိုင်းက နိုင်ငံရေးနယ်ပယ်ထဲပြန်ဝင်ကြမလို့လားလို့ တွေးဆပြောတာဆိုတာတွေ လည်းတွေ့ရ၊ ကြားရသဗျ။ ဗိုလ်ခင်ညွန့်ရဲ့စာအုပ်ကို ပွဲထုတ်ရာမှာလည်း သူတို့က အုံနဲ့ကျင်းနဲ့ ထွက်လာကြတာကိုး။ ဒီတော့ လူတွေ သို့လောသို့လောတွေးတာလည်း မလွန်ဘူးထင်ပါတယ်။ အခုအချိန် ဗမာပြည်နိုင်ငံရေးက နေရာဦး၊ ဖျာခင်းနေကြတဲ့ကာလဆိုတော့ ဦးနေဝင်း အဝန်းအဝိုင်းကလူတွေလည်းပဲ အကြံအစည်နဲ့ထွက်လာကြလေသလားလို့ တွက်ကြဟန်တူပါတယ်။ 

ဒါပေမယ့် ကိုဟိုဒင်းရေ့-ကျွန်တော်ကြားမိသလောက်ကတော့ အဲဒီလိုပြောသူတွေအားလုံးဟာ စိုးရိမ်တဲ့လေသံတွေနဲ့ချည်းပြောကြ တာဗျ။ ဘယ်သူကမှ ဝမ်းသာအားရနဲ့ ဗမာပြည်ရဲ့နိုင်ငံရေး အတွက် ကောင်းတဲ့အလားအလာအဖြစ်ပြောကြတာမဟုတ်ဘူး။ တကယ်က ထောက်လှမ်းရေးတာဝန်ခံ တယောက်ကနေ ဝန်ကြီးချုပ်ဖြစ်ခဲ့၊ ဗိုလ်ချုပ်ကြီးဖြစ်တယ်ဆိုတာဟာ ကမ္ဘာ့သမိုင်းမှာတောင် အတော်ရှားတဲ့အဖြစ်ပါ။  ဗမာပြည်လို စစ်အာဏာရှင်တွေကြီးစိုးတဲ့၊ ထောက်လှမ်းရေးက အရာရာရဲ့ အထက်မှာရောက်နေတဲ့နိုင်ငံမျိုးတွေမှာမှ တွေ့ရတတ်ပါတယ်။ ဂျာမနီ နာဇီခေတ်က နာမည်ဆိုးနဲ့ကျော်ကြားခဲ့တဲ့ ဂက်စတာပိုခေါင်းဆောင် ဟင်းမလား(Heinrich Himmler)တောင် မှ ပြည်ထဲရေးဝန်ကြီးပဲ ဖြစ်ခဲ့တာပါ။ မျှော်မှန်းချက်ကြီးလှတဲ့ဗိုလ်ခင်ညွန့်ဟာ “ဗိုလ်ချုပ်ကြီးတို့”၊ “ဝန်ကြီးချုပ်”တို့လောက်နဲ့မကျေနပ်နိုင်ဘဲ ကျန်တဲ့ မိုက်ဖော်ဆိုးဖက်စစ်ဗိုလ်ချုပ်တွေကို သူ့ထောက်လှမ်းရေးအချက်အလက်တွေနဲ့ ဇာတ်တူသားစားဖို့လုပ်တယ်ဗျ၊ ဒီလိုအခါမှာ အားလုံးသိတဲ့အတိုင်းပဲ ‘ဓားပါတဲ့ကုလားကစားသွားတာ’ ဖြစ်ပါတော့တယ်။ သူ့တသက်မှာ ဒီတကွက်ပဲမှားတာ၊ ဒီတကွက်ကပဲ သူ့ရဲ့ဒီတသက်ကံကြမ္မာကိုပြဋ္ဌာန်းလိုက်တယ်လို့ ဆိုနိုင်ပါတယ်။

အခုတော့“သူပြန်လာပြီ”လေ။ ပြန်လာတဲ့အခါမှာ သူက သူနိုင်ငံရေးမလုပ်တော့ဘူးလို့ တွင်တွင်ကြီးငြင်း ပါတယ်။ အဲဒါကိုတော့ နားလည်နိုင်ပါတယ်။ သူ့လို သူများအပေါ် အင်မတန်ရက်စက်ခဲ့တဲ့လူမျိုးတွေဟာ ကိုယ့်အလှည့်ကျလည်း ထိပ်တချက်ခေါက်ခံရတာနဲ့ အမြီးကုပ်သွားလေ့ရှိတာ သမိုင်းမှာအများကြီးပါ။ ဒါပေမယ့်သူက နိုင်ငံရေးစကားတော့ ပြောတယ်ဗျ။ သူဖမ်းခဲ့၊ နှိပ်စက်ခဲ့၊ ထောင်သွင်းခဲ့တဲ့၊ သေအောင် လုပ်ခဲ့တဲ့ နိုင်ငံရေးသမားမှန်သမျှမှာ အပြစ်ရှိတယ်တဲ့။ အချုပ်က ဒါပဲ။ ဒါဟာ လက်ရှိ သူ့နိုင်ငံရေး ရပ်တည်ချက်ကိုဖော်ပြလိုက်တာပဲ။ အဓိပ္ပာယ်က သူဟာ စစ်အုပ်စုအစဉ်အဆက်ကို ကာမပြန်၊ ရောင်းမစားဘူး။ သစ္စာရှိတယ်။ သစ္စာရှိတာမှ အရင်ကစစ်အုပ်စုတွေကိုရော၊ လက်ရှိ စစ်ခေါင်းဆောင်တွေကိုပါ ဦးဆွေးဆံမြေ့ခစားလျက်ရှိပါကြောင်းဆိုတာပါပဲ။

ဗိုလ်ခင်ညွန့်ဟာ သူ့သတ္တိလို့ပဲပြောရမလား။ ခေါင်းမာမှုလို့ပဲပြောရမလား။ ဒီနေ့အခါမှာ အမေရိကန်မျက်နှာကိုကြည့်နေရတဲ့ဗိုလ်သိန်းစိန်တို့တောင် မပြောဝံ့တဲ့ “ဗမာပြည်မှာ နိုင်ငံရေးအကျဉ်းသားမရှိဘူး”ဆိုတဲ့ စစ်အုပ်စုအဆက်ဆက်ရဲ့လက်သုံးစကားကို အတုံးလိုက်အတစ်လိုက် ပြောထွက်ခဲ့ပါတယ်။ ဒီလိုပြောခြင်းအားဖြင့် နိုင်ငံရေးကြောင့်အဖမ်းခံခဲ့ရသူချင်းအတူတူ၊ နိုင်ငံရေးအကျဉ်းသား လွှတ်ပေးရေးလှုပ်ရှားမှုကြောင့် ထောင်ကလွတ်လာသူချင်းအတူတူ၊ သူဟာ အဲဒီနိုင်ငံရေးအကျဉ်းသားများအတွက်တောင်းဆိုနေသူများနဲ့ ပြဒါးတလမ်းသံတလမ်း သွားနေတာသာဖြစ်ကြောင်း ကြေညာလိုက်တာဖြစ်ပါတယ်။ အဲတော့ ဒီလိုကြေညာတာဟာ သူ့ရပ်တည်ချက်ကို ကျွန်တော်တို့တတွေသိစေချင်တာထက် ဘယ်သူတွေကို ပိုသိစေချင်တယ်ဆိုတာတော့ ခင်ဗျားလည်း အလွယ်ပဲတွေးမိမှာပါ။

သူပြောတဲ့စကားတွေထဲမှာ ပေါ်လွင်ထင်ရှားနေတဲ့နောက်တချက်ကတော့ စစ်အစိုးရတွေလုပ်တာ ဘယ်တော့မှ မမှားဘူး။“နိုင်ငံရေးပြစ်မှု”ကျူးလွန်သူတွေကသာမှားတယ်ဆိုတဲ့အချက်ပဲဗျ။ သူဆိုလိုတဲ့“နိုင်ငံရေးပြစ်မှု”ကျူးလွန်သူတွေကိုသတ်တာ၊ သေအောင်လုပ်တာ၊ ညှဉ်းပမ်းနှိပ်စက်တာ၊ ဖမ်းဆီးချုပ်နှောင်တာ၊ နောက်ယောင်ခံလိုက်တာ အဲ-အဲ- အဲဒါကတော့ ခြွင်းချက်ဗျ။ တတိုင်းပြည်လုံးက နိုင်ငံသူနိုင်ငံသားတွေကို တစ္ဆေလိုနောက်ယောင်ခံလိုက်ခဲ့တဲ့ထောက်လှမ်းရေးအဖွဲ့ရဲ့ အဓိကတာဝန်ခံကြီးက သူ့သမီးခမျာ ဗိုလ်သိန်းစိန်တို့ရဲ့စုံထောက်တွေက နောက်ယောင်ခံလိုက်လို့တဲ့။ စိတ်ဝေဒနာတောင်ရနေပါတယ်တဲ့။ ဂယောင်ဂတမ်းတွေ ထ’အော်တယ်ဗျ။ ခင်ဗျားသိတဲ့အတိုင်းပဲ ဒါကိုဖတ်သိ၊ ကြားမိကြသူတွေက ဖေ့စ်ဘုတ်တွေ၊ဂျာနယ်တွေထဲမှာ ဗိုလ်ခင်ညွန့်ကို သူ့အလှည့်ကျမှ ဖြစ်နေလိုက်တာဆိုပြီး မေတ္တာပို့လိုက်ကြတာများဗျာ၊ ဝက်ဝက်ကိုကွဲရောမဟုတ်လား။

သူ့စကားတွေထဲမှာ သူတို့ လုပ်ခဲ့တာတွေအတွက် နောင်တရတယ်၊ မှားတယ်ဆိုတဲ့အဓိပ္ပာယ်မျိုး၊ လေသံမျိုးတောင် မပါဘူးနော်။ သူတို့ ဖမ်းခဲ့တာ၊ နှိပ်စက်ညှဉ်းပမ်းခဲ့တာ၊ သတ်ဖြတ်ခဲ့တာအားလုံးဟာမှန်တယ်။ ဒါပေမယ့် အဲဒီအတွက် သူ့မှာတာဝန်မရှိဘူးလို့လည်းပြောတယ်။ အထက်ကခိုင်းလို့လုပ်တာလို့ချည်းပဲ ပြောနေတယ်။ သူ့စကားအတိုင်းဆိုရင် သူ့မှာ မှန်တဲ့လုပ်ရပ်တွေအတွက် တာဝန်မရှိဘူးလို့ပြောရာကျနေတယ်။ နည်းနည်းဆန်းနေတာပေါ့ဗျာ၊ နော။

ဒါ့အပြင် အဲဒါတွေအတွက် တောင်းပန်စကားလည်းတခွန်းမှမပြောရုံမက “ကျွန်တော်က ဘယ်သူ့ကို တောင်းပန်ရမှာလဲ”လို့တောင် ရိုင်းရိုင်းပျပျ ပြောခဲ့သေးတယ်။ သူ့ကို ထောင်ဒဏ်(၄၄)နှစ် ချမှတ်ထားရာက လွှတ်ပေးတဲ့ ဗိုလ်သိန်းစိန်ဗိုလ်ရွှေမန်းတို့ကို ကျေးဇူးဆပ်တဲ့အနေနဲ့ သူပြောတဲ့စကားအတိုင်းဆိုရင် သူ့အတွက်လုပ်ဆောင်ပေးကြလို့ ထောင်ထဲမှာ ဆက်နေနေကြရတဲ့ထောက်လှမ်းရေးဟောင်းတွေဟာ အဖမ်းခံသင့်လို့ ဖမ်းထားတာခံရရာ ရောက်သွားတာပေါ့ဗျာ။ တနည်း၊ မလွတ်သင့်သေးလို့ မလွတ်သေးတာပေါ့ဗျ။

တကယ်က ဗိုလ်ခင်ညွန့်ကျူးလွန်ခဲ့တဲ့ရာဇဝတ်မှု၊ ဖောက်ဖျက်ခဲ့တဲ့လူ့အခွင့်အရေးတွေဟာ သူတို့သုံးလေ့ရှိတဲ့အသုံးအနှုန်းအတိုင်း မိုးလုံးပြည့်ပါ။ သူတို့ရဲ့တည်ဆဲဉပဒေကြောင့် သေဆုံးခဲ့၊ ဒုက္ခိတဖြစ်ခဲ့၊ ဘဝပျက်ခဲ့တဲ့လူစာရင်းမှာ ဆင်းရဲသား၊ ပညာရှင်၊ စာရေးဆရာ၊ အနုပညာသည်၊ သူဌေး၊ အလွှာတိုင်းကပါဝင်သလို ဗမာ၊ ရှမ်း၊ ဝ၊ ကရင်၊ ကချင် ဗမာပြည်ကတိုင်းရင်းသားအားလုံးပဲ ပါပါတယ်။ လူသန်းပေါင်း ၄-၅ ဆယ် အပေါ်မှာ နှစ်ပေါင်း(၂ဝ)လောက် အဲဒီလိုရက်စက်ယုတ်မာခဲ့တဲ့လူတယောက်ကို ဘယ်သူက၊ ဘယ်အကျိုးမျှော်ကိုးလို့ဖြစ်ဖြစ် စင်တင်ပေး၊ ပွဲထုတ်ပေးနေတာကတော့ စိတ်ပျက်စရာအမှန်ပဲ မိတ်ဆွေကြီးရေ၊ အင်းလေ၊ ဒါကိုက ဗမာပြည်နိုင်ငံရေးလို့ဆိုရမလားမသိပါဘူး။

တကယ်က ဗမာပြည်မှာ ဒီချုပ်ခေါင်းဆောင်တဦးဖြစ်တဲ့ ဦးကြည်မောင်ပြောခဲ့တဲ့ နူရင်ဘတ်ခုံရုံး ဆိုတာသာပေါ်ပေါက်ခဲ့ရင် တရားရုံးက ဝက်ခြံထဲမှာ ဗိုလ်ခင်ညွန့်ဟာ ထိပ်ဆုံးကရပ်နေရမယ့် လူတယောက်ပါ။ ဂိုအာရင်း၊ ဟင်းမလားတို့လို သတင်းစာမျက်နှာဖုံးတွေမှာ တရားခံအဖြစ် ဓာတ်ပုံကြီးတွေ၊ စာလုံးမည်းကြီးတွေနဲ့ ဖော်ပြခံရမှာပါ။

ကျွန်တော်တို့ မမေ့သင့်တာက ဗိုလ်ခင်ညွန့်ဟာ ဗိုလ်နေဝင်းမျိုးဆက်တရားခံတွေထဲက ရှားရှားပါးပါးကျန်ရစ်တဲ့တရားခံတယောက် ဖြစ်တယ်ဆိုတာပဲဗျ။ သူ့ကို“ခွင့်လွှတ်”လိုက်၊ “စာနာ”လိုက်တယ်ဆိုရင် အဲဒီသမိုင်းတရားခံတွေအားလုံးကို ကွင်းလုံးကျွတ်လွတ်စေလို့ အမိန့်ချလိုက်တာဖြစ်သွားမယ်။  ဒါဟာ လက်ရှိအစိုးရရဲ့ဖွဲ့စည်းပုံအခြေခံဉပဒေ၊ ပုဒ်မ ၄၄၅ မှာ ပါတဲ့ “ယင်းအဖွဲ့ သို့မဟုတ် အဖွဲ့ဝင်တဦးဦး၏ တာဝန်အရဆောင်ရွက်ချက်များအပေါ်အကြောင်းပြုလျက် ယင်းတို့အားတရားစွဲဆိုခြင်း၊ အရေးယူခြင်းမရှိစေရ” ဆိုတဲ့သဘောထားနဲ့ တထပ်တည်းဖြစ်သွားမှာပဲ။

နောက်ဆုံးပြောရရင် ဗိုလ်ခင်ညွန့်ရဲ့ယုတ်မာရက်စက်မှုကို ကိုယ်တိုင်ခံစားခဲ့ရသူ အသောင်းအသိန်းထဲက တယောက်ဖြစ်တဲ့ ကျွန်တော့်အနေနဲ့ ကတော့ သူနဲ့ သူလိုလူတွေကို ခုံရုံးတင်နိုင်မယ့်နေ့ရက်ကို မျှော်လင့်နေကြောင်းပါခင်ဗျား။

ဘယာဘေး ကွာဝေးကြပါစေ။

ယာတောကသာဗြော