အရေးတော်ပုံစာတည်းအဖွဲ့မှ အလုပ်သမားလယ်သမား တိုက်ပွဲဝင်ပြည်သူများထံပေးစာ

တရားတဲ့တိုက်ပွဲကိုထောက်ခံတယ်

ရဲဘော်တို့ရင်ဆိုင်နေရတာက ၂ဝဝ၈ နဲ့ စစ်ခရိုနီ လက်ဝါးကြီးအုပ်စီးပွားရေးစနစ်၊ သူတို့မှာ အာဏာ ဓန ဥပဒေ စစ်ဗျူရိုကရက်အုပ်ချုပ်ရေးယန္တရား တစုံလုံးရှိတယ်။ မိမိတို့က ဘဝနဲ့ရင်းတိုက်နေရ တယ်။ မတိုက်ရင် ဘဝပျက်မယ်။ တိုက်ရင် အနှိပ်ကွပ်ခံရမယ်။ ငုံ့မခံတဲ့တိုက်ပွဲ လမ်းကြောင်းကိုရွေးတာမှန်တယ်။ ငုံ့ခံနေရင် အညွန့်ကျိုးမယ်၊ ပိုဆိုးမယ်။ ဒါ့ကြောင့် ရဲဘော်များ ပြည်သူများနဲ့အတူမျှဝေခံစားပြီး ဒီစာကို ရေးပါတယ်။

တိုက်ပွဲကို တပွဲတိုးနဲ့အနိုင်ရမယ်လို့ မတွက်သင့်၊ ဘာဖြစ်လို့လည်းဆိုတော့ တကွင်းတကွက်ထဲ ဖြစ်နေတာမဟုတ်ဘဲ အနှံ့အပြားဖြစ်နေလို့ ဖြစ်တယ်၊ ဒါ့ပြောင့် အဆုတ်အတက်နဲ့ တိုက်တတ်ဖို့လိုတယ်။ တလှမ်းချင်း လှမ်းတတ်ဖို့လိုတယ်။ အကျိုးအကြောင်းရှိ၊ အကန့်အသတ်ရှိ၊ အကျိုးအမြတ်ရှိဆိုတဲ့ ‘က’သုံးလုံးပေါ်လစီရှိရမယ်။ တောင်းဆိုချက်ကို အမြင့်ကြီးစပြီး မတင်သင့်ပါ။  အမြင့်ဆုံးတောင်းဆိုချက်ရှိမှာဖြစ်သလို၊ အနိမ့်ဆုံးတောင်းဆိုချက်လည်း ပါရမယ်။ ဘယ်ဟာ ရှေ့ထားမလဲ၊ ဘယ်ဟာနောက်ထားမလဲဆိုတာ တွက်ချက်စဉ်းစားဖို့လိုတယ်။ ဒါပေမယ့် ဦးတည်ချက်ကို မပျောက်ဖို့လိုတယ်။ မချော်သင့် မလွဲသင့် ဘေးမရောက်သင့်ဘူး။ မျက်နှာချင်းဆိုင်နေရသူက တဦး၊ နောက်ကွယ်မှလွှမ်းမိုးထားသူက တဦးဆိုတာကိုလည်း မမေ့သင့်။ အားလုံးဟာ ၂ဝဝ၈ နဲ့အတူ အဆင့်နေရာရလာတဲ့ စစ်ခရိုနီစနစ်ကပေါက်ဖွားလာတာဆိုတာ မမေ့သင့်ဘူး။ တိုက်ပွဲပစ်မှတ် အထွေထွေအပြားပြားဝေဝါးမနေဘဲ ဗမာပြည်မှာဖြစ်ပေါ်နေတဲ့အနိဋ္ဌာရုံအလုံးစုံကိုမွေးဖွားပေးတဲ့ လက်သည်တရားခံဟာ စစ်အုပ်စု၊ စစ်အာဏာရှင်စနစ်နဲ့စစ်ဗျူရိုကရေစီယန္တရားပဲဆိုတာ အမြဲ မမေ့မလျော့ရှိသင့်ပါတယ်။

တောင်းဆိုတာရှိသလို စေ့စပ်တာလည်းရှိမှာပဲ။ ဒါဟာလူထုတိုက်ပွဲ သဘာဝပဲ။ တောင်းဆိုရာမှာလည်း စုပေါင်းအားနဲ့အာဏာဖီဆန်တာဖြစ်သလို စေ့စပ်တာမှာလည်း အားလုံးအကျိုးစီးပွားပေါ်မှစေ့စပ်တာဖြစ်ဖို့ လိုတယ်။ ဘယ်အဆင့်မှာ ဘယ်လောက်နဲ့စေ့စပ်မလဲပေါ်မှာ တွက်ကိန်းရှိထားသင့်တယ်။ စေ့စပ်ပြီး ကိုယ့်အခြေအနေပျက်သွားရင်၊ ပိုဆိုးသွားရင်၊ တိုးတက်မှုမရှိရင် ဒီစေ့စပ်မှုဟာ ရလဒ်ကောင်းမထွက်တာသေချာတယ်။ ရလဒ်ဆိုတာ စိတ်ခွန်အားရုပ်ခွန်အား နှစ်မျိုးစလုံးပါတယ်။ ဒါ့ကြောင့် စေ့စပ်ရာမှာ တညီတည်းတသံတည်း တစည်းတလုံးတည်းရှိဖို့ ဂရုစိုက်သင့်တယ်။

တိုက်ပွဲကြောင့် ကိုယ့်ဘက်တင်မက သူ့ဘက်ကလည်း လှုပ်ရှားမှုရှိလာလိမ့်မယ်။ တိုက်ပွဲရှည်လာတာနဲ့အမျှ မိမိတို့ကို ပြိုကွဲချည့်နဲ့သွားအောင် တဖက်မှ အပျော့နည်းအမာနည်း နည်းပေါင်းစုံနဲ့ကြိုးပမ်းလာလိမ့်မယ် ဆိုတာ သတိမပေါ့သင့်။ တဖက်က မတုံ့ပြန်တာကလည်း တုံ့ပြန်ခြင်းတမျိုးပဲဆိုတာ သိဖို့လိုတယ်။ မိမိအတွင်း အစဉ်အမြဲပညာပေးနှိုးဆော်၊ တဖက်က ဆင်ကွက်ကို တွက်ချက်ရှောင်ရှား၊ ဘဝတူချင်း ကျောချင်းကပ်ထားဖို့လိုတယ်။ မိမိဘက်ကလည်း တိုက်ပွဲအခြေအနေကိုကြည့်ပြီး မိမိရင်ဆိုင်နေရတဲ့ အခိုင်အမာ စစ်အုပ်စုခိုင်းစေထားတဲ့ စစ်တပ်၊ ပုလိပ်တပ်၊ လုံခြုံရေးတပ်ဖွဲ့ဝင်တွေ ကိုလည်း တရားတဲ့ပြည်သူ့တိုက်ပွဲအပေါ် ထောက်ခံစာနာလာအောင် ဆွဲဆောင်တာစည်းရုံးကြိုးပမ်းတာ လုပ်ရမယ်။

မိမိတို့တစုတဖွဲ့ တနေရာတည်း တိုက်နေတာမဟုတ်ကြောင်း သိထားဖို့လိုတယ်။ ဘဝတူအလုပ်သမားတိုက်ပွဲ လယ်သမားတိုက်ပွဲတွေနဲ့လည်း ချိတ်ဆက်ပေါင်းစပ်ဖို့ကြိုးစား ရမယ်။ ကျောင်းသား၊ မြို့နေဆင်းရဲသား၊ အမှုထမ်းအရာထမ်းများ စတဲ့ ပြည်သူအလွှာပေါင်းစုံ ပြည်သူ့တိုက်ပွဲများနဲ့ဆက်စပ်တာ၊ အပြန်အလှန်ထောက်ခံအားပေးတာ လုပ်ရမယ်။ ဒီနည်းနဲ့ လူမှုအင်အားစုအမျိုးမျိုးရဲ့ စာနာထောက်ခံ ဝန်းရံမှုရအောင်လည်း ဂရုစိုက်ရမယ်။ တရားရှိရင် ကူသူများတယ်။ မရှိရာမှရှိရာ နည်းရာမှများရာ သေးရာမှကြီးရာသို့ ဖြစ်ပေါ်လာလိမ့်မယ်။ အလုပ်သမားသမဂ္ဂ၊ လယ်သမားသမဂ္ဂချင်း အပြန်အလှန်ချိတ်ဆက်မိအောင်လုပ်ရမယ်။ အင်အားတောင့်တင်းပြီး တစည်းတလုံးတည်းစည်းရုံးတဲ့ အလုပ်သမားသမဂ္ဂနဲ့ လယ်သမားသမဂ္ဂများဖြစ်ပေါ်လာအောင်လုံးပမ်းသွားရမယ်။ တိုက်ပွဲတွင်းမှ စိတ်ဓာတ်ခိုင်မာသူ။ ထူးချွန် ထက်မြက်သူများကို ဂရုတစိုက်စောင့်ရှောက်ကာ အားပေးမြှင့်တင်တာလုပ်သွားရမယ်။

တိုက်ပွဲကို တပြည်လုံးမှ ပိုမိုစာနာထောက်ခံလာရေးအတွက်ဆိုရင် ဝါဒဖြန့်ချိမှုကို အစွမ်းကုန်လုပ်ပြရမယ်။ တိုက်ပွဲတပွဲနဲ့တပွဲကြား သင်ခန်းစာထုတ်ယူပြီး ရှေ့တိုက်ပွဲအတွက် ပိုကောင်းအောင်ပြင်ရမယ်။ ပြောင်းလဲတဲ့အခြေအနေအလိုက် ဆီလျှော်ကိုက်ညီတဲ့ကြွေးကြော်သံများ ပြောင်းလဲတင်ပြရမယ်။ မအောင်မြင်နိုင်သေးတဲ့ ကြွေးကြော်သံတွေတင်ပြီး တိုက်စည်တိုက်မောင်းနှက်သလို အသံပေးတိုက်တာမျိုးဟာ ရန်သူဖြိုခွဲနိုင်အောင် အချိန်နဲ့အခါအခွင့်ပေးလိုက်သလိုမျိုး ဖြစ်တတ်တယ်။ မိမိတို့ဘဝ၊ လုပ်ငန်းခွင်အတွင်းမှ အခိုင်အမာနစ်နာချက်များကိုကိုင်စွဲပြီးတိုက်တာက အစချီသင့်တယ်။

ရှုံးနိမ့်မှုလည်း ကြုံရမယ်။ အနိုင်အရှုံးဆိုတာ ဘတပြန်ကျားတပြန်ပဲ။  အရှုံးမရှိဘဲ အမြဲနိုင်နေတဲ့စစ်သူကြီးဆိုတာမရှိဘူး။ အညံ့ခံအရှုံးမပေးသူမှန်သမျှ ဘယ်တော့မှမရှုံးဘူး။ အားနည်းချက်ကိုသင်ခန်းစာထုတ်၊ အားကောင်းချက်ကိုထွန်းကားအောင်လုပ်ပြီး အရှုံးထဲကအမြတ်ကို ယူတတ်ဖို့လိုတယ်။ တကွက်တနေရာထိခိုက်မှုရှိပေမယ့် တခုလုံးအနေနဲ့ရှုံးတာမဟုတ်ကြောင်း မြော်မြင်တတ်ဖို့လိုတယ်။

တိုက်ပွဲတွင်းမှာပဲ ရဲဘော်တို့ဟာ အားသစ်အင်သစ် လူသစ်စိတ်သစ်နဲ့ သံခဲတင် ရင့်ကျက်ကြီးထွားလာလိမ့်မယ်ဆိုတာ ကျွန်တော်တို့ယုံတယ်။

စိန်ရတုအခါသမယသို့ရောက်ရှိပြီဖြစ်တဲ့ ၁၃ဝဝ ပြည့်အရေးတော်ပုံကြီးနဲ့အတူ ပြည်သူတရပ်လုံး စည်းလုံးညီညွတ်နိုးကြားလာကာ ဗမာပြည်လွတ်လပ်ရေးအရယူနိုင်ခဲ့တဲ့ ဂုဏ်ပြောင်တဲ့သမိုင်းဖြစ်စဉ်ကို အလေးအမြတ်ပြုရင်း ရဲဘော်တို့ရဲ့ကိုယ်ကျိုးစွန့်တိုက်ပွဲဝင်မှုကို ဂုဏ်ပြုအပ်ပါတယ်။

သစ္စာဖြင့်

အရေးတော်ပုံဂျာနယ် စာတည်းအဖွဲ့

၁ ရက် ဇန်နဝါရီ ၂ဝ၁၄