(ကဗျာပဲဖတ်တာ)
ကျနော် ကဗျာဖတ်တယ်ဆို ကဗျာဖတ်တာပါ၊ ရတု၊ ရကန်၊ အဲချင်း၊ အန်ချင်း၊ ပျို့၊ လေးချိုး ဒွေးချိုး၊ လေးလုံးစပ်၊ သုံးလုံးစပ်၊ လေးသုံးနှစ်၊ ဒေါင့်ဒဲတွန့်၊ ကာရန်ရှိ၊ ကာရံမရှိ၊ လွတ်လပ်ကာရံ၊ စကားပြောကဗျာ၊ မော်ဒန်၊ ပို့စ်မော်ဒန် ဘာညာစတာတွေ တခါမှ သတိမထားမိပါဘူး။
ကဗျာကို ကဗျာလိုဖတ်နေချိန် သိမြင်ခံစားနေချိန်မှာ အဲ့ဒါတွေပါလာရင် ဘာအရသာမှကိုမရှိတော့တာပါ။ အဲ့ဒါတွေက စာပေပညာရှင်တွေ၊ ကဗျာ့ပါရဂူတွေ၊ ဘာသာဗေဒ ကျောက်ထီးတန္တုတွေ လုပ်ကြရမယ့်အလုပ်တွေပါ။ အတတ်ပညာပိုင်းဆိုင်ရာကိစ္စတွေပါ။ ကျနော့်ကိစ္စမဟုတ်ပါ။ အဲ့ပုဂ္ဂိုလ်တွေ ငြင်းကြခုန်ကြ တရားထူထောင်ကြ ငါမှန်သူမှားလုပ်ကြတာတွေတော့ ဖတ်ပါတယ်။ ဗမာစာပေ ဗမာကဗျာ ဖြစ်ပေါ်တိုးတက်မှုကို သိချင်တာလောက်ဖြစ်ပါတယ်။ လေ့လာတာတောင်မဟုတ်ပါဘူး။ ကျနော့်အဖို့ အဲ့ဒါတွေကို သိတ်ထဲထဲဝင်ဝင်ကြီး သိဖို့လည်းမလိုပါဘူး။
အဆိုပါပုဂ္ဂိုလ်ကြီးငယ်တွေ ပြောတာဆိုတာတွေဖတ်ပြီး ဒီလူတွေရဲ့ ကြီးလွန်းတဲ့အဇ္ဈတတွေ ပြင်းထန်လွန်းတဲ့အတ္တမာနတွေ ငါနှင့်ငါသာ နှိုင်းစရာတွေ ထက်ထောင်မောင်းနင်းတွေ တွေ့ရတော့ ကျနော့်အတွက် ဆင်ခြင်စရာရပါတယ်။ လူနဲ့စာကို ခွဲမြင်ခွင့်ရပါတယ်။ သူ့နယ်ပယ်မှာ ကျမ်းတဆူဂူတလုံးတွေဆီက တွေးဆစရာ ဆင်ခြင်စရာ အသိပညာတွေလည်းရပါတယ်။ ဒါပေမယ့် အဲ့ဒီအထဲမှာ ဆွမ်းဆန်ထဲကြွက်ချေးရောသလို အလုပ်မရှိကြောင်ရေချိုးသမားတွေလည်း တချက်တချက် တွေ့ရပါတယ်။
တချို့ကြတော့လည်း ပညာရပ်နယ်ပယ်အရလည်း လောက်လောက်လားလားမဟုတ်၊ ဘက်သဘောရပ်တည်ချက်ကလည်း ခိုင်ခိုင်မာမာမရှိ၊ ခေတ်တခေတ်လည်း ထူထောင်နိုင်ခဲ့တာ ဒါမှမဟုတ် ခင်းပေးပျိုးပေးနိုင်ခဲ့တာမရှိဘဲ ခေတ်ထူထောင်ခဲ့တဲ့ ကဗျာဆရာတွေကို ကွယ်ရာမှာ အမနာပပြောကြတာရှိပါတယ်။ မောင်ချောနွယ်လား အလကားကောင်ပါကွာ အရက်သမားပါဆိုတာမျိုး။
ဒါပေမဲ့ သူ့ကြတော့ ခေတ်ထူထောင်ဖို့မပြောနဲ့ မောင်ချောနွယ့်ခြေဖျားတောင် မမီတာတွေ့ရတယ်။ ကျနော် မောင်ချောနွယ်ကဗျာတွေကြိုက်တယ်။ သူ့ကဗျာစာအုပ်လေးတွေလည်း ရှိတယ်။ တွေ့တဲ့အခါတိုင်းလည်း ဖတ်ပြီးသားဖြစ်နေပေ့စေ ထပ်ဖတ်တယ်။ မောင်ချောနွယ်ကဗျာကိုမပြောဘဲ၊ မောင်ချောနွယ် ရပ်တည်ချက်ကို မပြောပဲ၊ မောင်ချောနွယ်အမြင်ကိုအတွေးကိုမပြောပဲ လူကိုဖိထောင်းတဲ့ လူတွေတွေ့ရင် ခါးခါးသီးသီးမုန်းတီးတာမဟုတ်ပေမယ့် စိတ်အချဉ်တော့ အတော်ပေါက်ပါတယ်။ ပေါက်တဲ့အလျှောက် စိတ်မထိမ်း နှုတ်မချုပ်တည်းပဲ ပြန်တုံ့ပြန်ပြောခဲ့ပါတယ်။
မောင်ချောနွယ်ဘက်က ဘက်လိုက်တာပါ။ ကဗျာဆရာမှာ ဘက်ရှိပါတယ်။ မောင်ချောနွယ်ဟာ ကဗျာဆရာဖြစ်ပါတယ်။ ဒါ့ကြောင့် မောင်ချောနွယ်မှာ ဘက်လိုက်ပါတယ်။ ကျနော်က ဘက်တူတဲ့ကဗျာဆရာတိုင်းရဲ့ဘက်မှာ ရပ်ပါတယ်။
မျိုးမြင့်ချို(အောက်တိုဘာ ၁၃၊ ၂ဝ၁၈)
0 comments:
Post a Comment