ကာချုပ်က “ဘယ်ပါတီကို မဲထည့်”လို့ ဗြောင်ပြောနိုင်တဲ့စနစ်ကို စစ်အာဏာရှင်စနစ်လို့ခေါ်တယ် (တူမောင်ညို)

ကာချုပ်က “ဘယ်ပါတီကို မဲထည့်”လို့ ဗြောင်ပြောနိုင်တဲ့စနစ်ကို စစ်အာဏာရှင်စနစ်လို့ခေါ်တယ် (တူမောင်ညို)(၂ဝ၁၅ ခုနှစ်၊ နိုဝင်ဘာလ ၄ ရက် )

လွတ်လပ်ရေးရပြီးနောက် ဗမာပြည်နိုင်ငံရေးမှာ စစ်တပ်ပါတီကိုမဲထည့်ဖို့  ၃ ကြိမ် ၃ ခါ ဗြောင်မဲဆွယ်စကားပြောတဲ့ ကာချုပ်အဖြစ် ဗိုလ်မင်းအောင်လှိုင်ကိုပဲ စာရင်းတို့ရလိမ့်မယ်လို့ထင်ပါတယ်။ ရွေးကောက်ပွဲကလည်း ရက်ပိုင်းပဲလိုတော့တယ်ဆိုတော့ ဒီကြားထဲမှာလည်း နောက်တစ်ကြိမ် ထပ်ပြောချင်ပြောနိုင်သေးတယ်။

ကာချုပ်ပြောကြားချက်တွေက ရွေးကောက်ပွဲနီးလာတာနဲ့မျှ တစ်ကြိမ်ထက်တစ်ကြိမ် ပိုပြီးတိကျလာတယ်။

 ပထမအကြိမ်

 ၂ဝ၁၅ စက်တင်ဘာ ၁၈ ရက် (စစ်တပ်အာဏာသိမ်းတဲ့နေ့)

“စစ်ဦးစီး၊ စစ်ရေး၊ စစ်ထောက်ဆိုင်ရာညှိနှိုင်းအစည်းအဝေး” မှာ ပြောခဲ့တာပါ။

ထိုစဉ်က “ဆန္ဒမဲပေးမှုနဲ့ ပတ်သက်ပြီးတပ်မတော်၏ရပ်တည်ချက်မူဝါဒ”လို့ အစချီခဲ့တာဖြစ်တဲ့အတွက် စစ်တပ်တစ်ခုလုံး (ကြည်း/ရေ/လေ) တိတိကျကျလိုက်နာရမယ်ဆိုတာ သိပ်ရှင်းပါတယ်။ ဒီတုန်းကတော့ “ဖြစ်စေလိုကြောင်း” ဆိုပြီး သုံးသွားပါတယ်။

ဘယ်လိုလူ/ ဘယ်ပါတီကို မဲထည့်ရမလဲဆိုတာတွေနဲ့ပတ်သက်လို့ သူချပြသွားတဲ့အချက်တွေက ဒီလိုဖြစ်ပါတယ်။

-       မိမိနိုင်ငံမိမိဒေသအတွက် ကောင်းအောင်ဆောင်ရွက်နိုင်သူ

-       ဒို့တာဝန်အရေးသုံးပါးအား သိရှိနားလည်းစောင့်ထိန်းနိုင်သူ

-       နိုင်ငံရေး၊ စီးပွားရေး၊ အုပ်ချုပ်ရေး၊ ကာကွယ်ရေးအမြင်လေးမြင်ရှိသူ

-       တပ်မတော်အပေါ်နားလည်စာနာမှုရှိသူ “ဖြစ်စေလိုကြောင်း”

ဒုတိယအကြိမ်

၂ဝ၁၅ အောက်တိုဘာ ၂ဝ ရက်

နိုင်ငံတော်ကာကွယ်ရေးတက္ကသိုလ် (NDC) မှာပြောခဲ့တာပါ။

ဒုတိယအကြိမ်ပြောတာကတော့ ရွေးကောက်ပွဲကျင်းပမယ့်နေ့ရက်နဲ့ အချိန်ကာလအားဖြင့်လည်း နီးကပ်လာပြီ မဟုတ်လား၊ ဒီတော့ ပထမအကြိမ် ပြောဆိုထားတဲ့အချက်အလက်တွေထက် အချက်အချို့ထပ်ဖြည့်လာပါတယ်။ ဒီလိုထပ်မံဖြည့်စွက်လိုက်တဲ့ အချက်အလက်တွေ က ဘယ်လိုလူ/ဘယ်ပါတီကို မဲထည့်ရမလဲဆိုတဲ့အချက်က ပိုပြီးတိကျရှင်းလင်းသွားတယ်။ စကားလုံးအသုံးအနှုန်းတွေလည်း တိကျအောင် ပြောင်းလဲသွားတာတွေ့ရပါလိမ့်မယ်။

 ပထမတစ်ကြိမ်တုန်းကလို “ဖြစ်စေလိုကြောင်း”ဆိုတဲ့ အီစီကလီပြောနည်းမဟုတ်တော့ဘဲ၊ “စဉ်းစား ရွေးချယ်ရန် အကြံပြု လိုကြောင်း” လို့ စကားလုံးတွေပြောင်းလဲ သုံးစွဲလာတဲ့အတွက် ပထမအကြိမ်ထက် အမိန့်ညွန်ကြားချက် ပိုပြီးဆန်လာပါတယ်။ စစ်တပ် တစ်တပ်လုံးရဲhထိပ်သီး၊ ကာချုပ်ရဲhအကြံပြုချက်ကို ဘယ်သူက လွန်ဆန်ဝံ့မှာတုန်း။ ကာချုပ်ပေးတဲ့အမိန့်အတိုင်း မဲပေးကြရမှာပေါ့။

 ဖြည့်စွက်လိုက်တော့ ဟောဒီလိုဖြစ်သွားပါတယ်။

-       နိုင်ငံနှင့်ဒေသကိုအကျိုးပြုမည့်သူ

-       နိုင်ငံရေး၊ စီးပွားရေး၊ အုပ်ချုပ်ရေး၊ ကာကွယ်ရေးအမြင် ၄ မြင်ရှိသူ

-       ဒို့တာဝန်အရေးသုံးပါးအားကို ထိန်းသိမ်းစောင့်ရှောက်နိုင်သူ

-       တပ်မတော်အပေါ်စာနာနားလည်မှုရှိသူ

-       အမျိုးဘာသာ သာသနာကို မှန်မှန်ကန်ကန်နှင့်စနစ်တကျထိန်းသိမ်းနိုင်သူ

-       ပြည်ပအဖွဲ့အစည်း၊ နိုင်ငံခြားသားများ၏ တစ်နည်းနည်းအားဖြင့်လွှမ်းမိုးမှုမရှိသူများကို “စဉ်းစားရွေးချယ်ရန် အကြံပြုလိုကြောင်း

-        

တတိယအကြိမ်

၂ဝ၁၅  နိုဝင်ဘာ ၃ ရက် (ရွေးကောက်ပွဲကျင်းပရန် ရက်ပိုင်းသာလိုတော့အချိန်)

ရခိုင်ပြည်နယ်၊ စစ်တွေတပ်နယ်၊ ဗန္ဒုလခန်းမမှာပြောခဲ့တာပါ။ သမ္မတကြီးနဲ့ကာချုပ်အတူတူသွားကြတဲ့ မဲဆွယ်ခရီးစဉ်တစ်ခုလည်း ဖြစ်ပါတယ်။

ရွေးကောက်ပွဲရက် ပိုနီးလာပြီမဟုတ်ပါလား။ သံတမန်ဆန်ဆန်တွေ အရိပ်ပြအကောင်ထင်တွေပြောနေလို့ မဖြစ်တော့ဘူး။ ပထမ အကြိမ်၊ ဒုတိယအကြိမ်တွေမှာလို ဘယ်လိုလူဘယ်လိုပါတီတွေကိုမဲထည့်လို့ မပြောတော့ဘူး။ ဒီမှာတော့ ဘယ်လိုလူ/ဘယ်ပါတီကို မဲ မထည့်နဲ့လို့ တိတိကျကျပြောတာဖြစ်တယ်။ မဲမထည့်ရမယ့်လူနဲ့ ပါတီဆိုတာ ဘယ်လိုလူ/ဘယ်လိုပါတီဆိုတာ စစ်တပ်ထဲမှာ အကြိမ်ကြိမ် ရိုက်သွင်းထားပြီးသားဖြစ်လိမ့်မယ်။

 ဘယ်သူနဲ့ဘယ်ပါတီကို မဲမထည့်ရဘူးလို့ ရှင်းလင်းသွားအောင် ခွဲခြားပြတဲ့အဓိကအချက်ကတော့ ဟိုးအောက်ဆုံးကအချက်ပဲ ဖြစ်ပါတယ်။

-  နိုင်ငံနဲ့ဒေသကို ဖွံ့ဖြိုးအောင်လုပ်မည့်သူ

-  ဒို့တာဝန်အရေးသုံးပါးကို ကာကွယ်စောင့်ရှောက်မည့်သူ

-  တပ်မတော်အပေါ်နားလည်မှုရှိသူ

-  အမြင်လေးမြင်ရှိသူ

-  အမျိုးဘာသာသာသနာနှင့်ပတ်သက်ပြီး မှန်မှန်ကန်ကန်နှင့်စနစ်တကျ ထိန်းသိမ်းစောင့်ရှောက်နိုင်သူ

-  နိုင်ငံခြားသား၊ နိုင်ငံခြားတိုင်းပြည် အဖွဲ့အစည်းတစ်ခုခုဖြင့် ဆက်သွယ်မှုမရှိသူ၊ လွှမ်းမိုးမှုမရှိသူဖြစ်ရန်လိုကြောင်း

စစ်အုပ်စုဟာ စစ်တပ်ကြီးကို ခါးပိုက်ဆောင်တပ်သဖွယ် တစ်လက်ကိုင်လုပ် ဂုပ်ခွစီးထားနိုင်တဲ့အတွက် အခြေခံဥပဒေကို ဖျက်ဆီးပစ်နိုင်တယ်(၁၉၄၇ အခြေခံဥပဒေ)။  ရွေးကောက်ပွဲရလဒ်ကို ဖျက်သိမ်းပစ်နိုင်တယ် (၁၉၉ဝ ရွေးကောက်ပွဲရလဒ်)။ သူတို့စိတ်ကြိုက် အခြေခံဥပဒေ ရေးဆွဲနိုင်တယ်/ အတည်ပြုနိုင်တယ်(၂ဝဝ၈အခြေခံဥပဒေ)။ သူတို့စိတ်ကြိုက် ရွေးကောက်ပွဲရလဒ်ဖြစ်တယ်ဆိုရင်လည်း အတည်ပြုနိုင်တယ်(၂ဝ၁ဝ နိုဝင်ဘာ ၇ ရွေးကောက်ပွဲရလဒ်)။

ဒါတွေအပြင်  စစ်အုပ်စုစိတ်ကြိုက်ရေးထား “၂ဝဝ၈ အခြေခံဥပဒေ” ထဲမှာ လွှတ်တော်ဖွဲ့စည်းရာမှာ၊ အစိုးရဖွဲ့စည်းရာမှာ၊ ကာလုံ ဖွဲ့စည်းရာမှာ၊ စစ်တပ်တစ်တပ်လုံးကို လိုသလိုစီမံနိုင်အောင်၊“ဥပဒေနဲ့အညီ”စစ်တပ်က အချိန်မရွေးအာဏာသိမ်းနိုင်အောင် အခွင့်အရေးမျိုးစုံ ထည့်သွင်းရေးထားပါတယ်။ ဒါ့အပြင် ဒီလိုစိတ်ကြိုက်ရေးသားထားတဲ့ အခွင့်အရေးတွေကို(စစ်အုပ်စုနဲ့စစ်တပ်ကလက်မခံဘဲ) ပြောင်းလို့/ ပြင်လို့မရအောင် ချုပ်ကိုင်ထားနိုင်အောင် ဘက်စုံဒေါင့်စုံအကွက်ချပြီး ထည့်သွင်းရေးသားထားပါသေးတယ်။

ဒီအချက်တွေကနေ အခုလိုပြောနိုင်ပါတယ်၊ စစ်တပ်ပါတီကို မဲထည့်ဖို့ ကာချုပ်က ဗြောင်အမိန့်ပေးနိုင်ပါတယ်။

“ဘယ်လိုလူ/ဘယ်ပါတီကို မဲထည့်ကြဟေ့”လို့ ကာချုပ်ကဗြောင်ပြောနိုင်တဲ့စနစ်ကို “စစ်အာဏာရှင်စနစ်”လို့ မခေါ်ရင် တခြား ဘယ်လိုခေါ်ချင်ကြသေးလို့လဲ။

သမ္မတ၊ ကာချုပ်တို့က မဲဆွယ်/မဲထည့်လို့ ဗြောင်ပြောနိုင်တဲ့စနစ်၊ ရွေးကောက်ပွဲကော်မရှင်က စိတ်ကြိုက်ညစ်ကွက်ညစ်လုံး နည်းပေါင်းစုံလုပ်ကြံဖန်တီးနိုင်တဲ့စနစ်၊ အစိုးရပိုင်သတင်းစာတွေကနေ မဲဆွယ်ရေးသားနိုင်တဲ့စနစ်၊ ရာဇဝတ်အကျဉ်းသားတွေကို လွတ်ငြိမ်း ချမ်းသာခွင့်ပေးပြီး အတိုက်အခံပါတီတွေကို အကြမ်းဖက်ရန်ပြုစေနိုင်တဲ့စနစ်.. ဒီလိုစနစ်ဆိုးစနစ်ညစ်စနစ်ယုတ်ကို စစ်အာဏာရှင်စနစ် လို့မခေါ်ရင်ဘယ်လိုခေါ်မလဲ။

“စနစ်ပြောင်းမယ်” ဆိုတဲ့ပါတီဟာ ဒီစနစ်ကိုပြောင်းရမှာပါ။ ပုပ်သိုးနေတဲ့ စနစ်ဟောင်း(ဝါ) စစ်အာဏာရှင်စနစ်ကို  အသည်းကြားက မဲ ၃ ပြား (အချို့ဒေသမှာ ၄ ပြား)နဲ့ အမှန်တကယ် ပြောင်းနိုင်/မပြောင်းနိုင်ဆိုတာ မကြာခင်အဖြေပေါ်လိမ့်မယ်။

ညွန်း-

-       ကြေးမုံသတင်းစာ (၁၉-၉-၂ဝ၁၅) စာမျက်နှာ ၇

-       ကြေးမုံသတင်းစာ (၂၁-၁ဝ-၂ဝ၁၅) စာမျက်နှာ ၅

-       ကြေးမုံသတင်းစာ (၄-၁၁-၂ဝ၁၅) စာမျက်နှာ ၃