ဗိုလ်မှူးချုပ်ဟောင်းကျော်ဇောကိုယ်တိုင်ရေးအထုပ္ပတ္တိ ပဉ္စမတွဲ၊ အခန်း(၃)
ပဉ္စမပိုင်း
ထို့ကြောင့် ထိုအရေးအခင်းကို လူထုသိရှိပါဝင်လာစေရန်
စည်းရုံးလှုံ့ဆော်ရန်ရည်ရွယ်ပြီး ရန်ကုန်မြို့တွင်းရှိ နိုင်ငံရေးပါတီများ၊ ကျောင်းသား
အဖွဲ့အစည်းများ၊ ၁၉၆၁ ခုနှစ်၊ ဖေဖော်ဝါရီလ ၂၇ ရက်တွင် စုရုံးဆွေးနွေးတိုင်ပင်ကြပြီး
“ဗမာပြည် တရုတ်ဖြူကျူးကျော်မှုနှင့် နယ်ချဲ့ ဆန့်ကျင်ရေး အမျိုးသားကော်မတီကြီး”ကို ဖွဲ့စည်းခဲ့ကြပါသည်။
ကျွန်တော့်အား ဥက္ကဋ္ဌတင်မြှောက်ကြပြီး၊ ဒုဥက္ကဋ္ဌများအဖြစ်တော့ ဗိုလ်အုန်းတင်၊ ဗန်းမော်တင်အောင်
စသူများဖြစ်ပါသည်။ အလုပ်အမှုဆောင်အဖွဲ့ထဲတွင် ကျောင်းသားခေါင်းဆောင်များ၊ ပြည်သူ့ရဲဘော်
ခေါင်းဆောင်များ၊ လူမျိုးစုခေါင်းဆောင်များနှင့် ထိုအချိန်က သေဒဏ်က လွတ်ငြိမ်းချမ်းသာခွင့်ရလာသည့်
ဗိုလ်မှူးချစ်ကောင်းလည်း ပါလာပါသည်။ ထိုအဖွဲ့တွင် အလွှာအသီးသီးမှ ပုဂ္ဂိုလ်စုံပါလာရာ၊
စာရေးဆရာများ၊ ဂီတစာဆိုများ၊ သတင်းစာဆရာများ၊ အမျိုးသမီးအဖွဲ့ ခေါင်းဆောင်များ၊ ရဟန်းသံဃာများစသဖြင့်
အတော်ပင်စုံလင်ပါသည်။ အဖွဲ့အစည်းပေါင်း ၂၉ ဖွဲ့နှင့် တသီးပုဂ္ဂလမျိုးချစ်များပါဝင်ကြပါသည်။
ရန်ကုန်မြို့ အရှင်အာဒိစ္စဝံသကျောင်းတိုက်တွင် ကျင်းပခြင်းဖြစ်ပါသည်။ ထိုအစည်းအဝေးကြီးတွင်
ကျွန်တော်က တရုတ်ဖြူကျူးကျော်မှု သမိုင်းနှင့် နယ်ချဲ့စွက်ဖက်မှုများကို အတိုချုပ်၍ မြေပုံနှင့်တကွရှင်းလင်းတင်ပြပြီး
ယင်းအန္တရာယ်များကို မည်ကဲ့သို့ခုခံကာကွယ်ရန်၊ ဆန့်ကျင်ရန် နည်းလမ်းများကိုပါ ဆွေးနွေးတင်ပြခဲ့ပါသည်။
ထိုမိန့်ခွန်း၏နိဂုံးပိုင်းတွင် ကျွန်တော်က အောက်ပါအတိုင်းတင်ပြခဲ့ပါသည်။
“ယခုအခါ မဲခေါင်စစ်ဆင်ရေးမှာ ဆီတိုး၏လက်ရာဖြစ်ကြောင်း
လက်ပူးလက်ကြပ် ပြည်သူတို့ရှေ့မှောက်တွင် မိထားပြီးဖြစ်ပါတယ်။ ဗမာ အစိုးရဘက်က သက်ဆိုင်ရာပုဂ္ဂိုလ်များကလည်း
ဒီဟာတွေဟာ ဆီတိုးလက်အောက်ခံဖြစ်ကြောင်းနဲ့ တရုတ်ဖြူဟာ အမေရိကန်ရဲ့ တပည့်လက်ရင်းတွေဖြစ်ကြောင်း
ပြောခဲ့ပါတယ်။”
“ဒီတော့ ရန်သူရဲ့ရည်မှန်းချက်များကို အခုအခါ ကျနော်တို့သဲသဲကွဲကွဲသိကြပြီဖြစ်ပါတယ်။“
“နယ်ချဲ့သမားများဟာ ဗမာပြည်မှာ သူရဲ့လက်နက်ကိုင်ဖိနှိပ်ရေးတပ်
တရုတ်ဖြူတပ်ကိုသာ ချထားတာမဟုတ်ဘူး။ မိမိတို့ရဲ့အမျိုးသားရေး မကျေမနပ်ပဋိပက္ခဖြစ်နေကြတဲ့လူမျိုးစုများရဲ့
တချို့သောအစိတ်အပိုင်းများကိုလည်း ဖြားယောင်းသွေးဆောင်ပြီး၊ သူတို့ရဲ့စစ်အင်အားကို
တိုးချဲ့ပြီး တဖက်က ပြည်တွင်းစစ်နက်ရှိုင်းအောင် လုပ်နေတယ်။”
“ဒီမျှနဲ့ပဲ ရန်သူရဲ့ရည်ရွယ်ချက်ဟာ ရေရှည်ဖိနှိပ်ကျူးကျော်ရေးဖြစ်လို့
အလွန်ကြီးမားကြောင်းထင်ရှားပါတယ်။ ရန်သူဟာ တကယ်လည်း အင်အားကြီးတဲ့ရန်သူဖြစ်တယ်။ ဒီလိုအင်အားကြီးတဲ့ရန်သူက
ပြတ်သားတဲ့နိုင်ငံရေးရည်မှန်းချက်နဲ့ ကျူးကျော်စွက်ဖက်နေတာကို ပေါ့ပေါ့ဆဆယူဆရင် မှားပါလိမ့်မယ်။
ဒီပြဿနာဟာ အန္တရာယ်ကြီးမားလှပါတယ်။”
“ဒီရန်သူရဲ့နောက်မှာ ကြီးမားတဲ့ စစ်ရေး၊ နိုင်ငံရေး၊
စီးပွားရေးအင်အားရှိနေလို့ ဒီရန်သူကို စစ်ရေးတခုတည်းနဲ့ ဘယ်လိုနည်းနဲ့မှ အပြီးတိုင်
ဖြေရှင်းနိုင်မယ်မဟုတ်ပါ။ စစ်ရေးသက်သက်ဆိုရင် ရန်သူဆီတိုးစစ်အုပ်စုဟာ စစ်ရေးအင်အားကြီးသူဖြစ်ပါတယ်။
ကြောက်ရွံ့မည် မဟုတ်ပါ။ နောက်ပြီး ဘော်ဒါနယ်စပ်များမှာ နောက်ဆုံးနိုင်ငံရေးနည်းမပါဘဲ၊
သံတမန်ရေးရာလွှမ်းမိုးမှုမပါဘဲ ရန်သူကို အကုန်မောင်းထုတ်နိုင်သည် ထားဦး၊ အင်အားကြီးတဲ့
ရန်သူ ပြန်မဝင်နိုင်အောင် ဆက်လက်ထိန်းသိမ်းကာကွယ်ထားဖို့ဟာ မလွယ်ပါဘူး။ “
“ဒါကြောင့် စစ်ရေးသက်သက်သာမက တတိုင်းပြည်လုံး ပြည်သူလူထုစည်းရုံးအုံကြွလှုပ်ရှားမှုမပါဘဲ
အပြီးတိုင်မောင်းထုတ်ဖြေရှင်းနိုင်မယ် မဟုတ်ပါ။ နယ်ချဲ့သမားများဟာ ဤတိုင်းပြည်ပေါ်မှာ
သူ့ရဲ့ကိုယ်ကျိုးစီးပွားများရှိတဲ့အတွက် ပြည်သူတွေက အုံကြွလှုပ်ရှားလာမှာကို အကြောက်ဆုံးဖြစ်ပါတယ်။
နောက်ပြီး ကမ္ဘာအရပ်ရပ်မှ နယ်ချဲ့ကျူးကျော်မှုများကို တမျိုးသားလုံး ပြည်သူအများ စည်းရုံးလှုပ်ရှားမှသာ
အောင်မြင်ကြစမြဲ ဖြစ်ပါတယ်။ နယ်ချဲ့သမားများဟာ တခြားအရာထက် ပြည်သူအများနိုးကြားသိမြင်ပြီး
စည်းရုံးဆန့်ကျင်လာမှာကို အစိုးရိမ်ဆုံးဖြစ်တယ်။ အကြောက်ရွံ့ဆုံး ဖြစ်ပါတယ်။ ဒါဟာ ကျူးကျော်လာသူနယ်ချဲ့တို့ကိုတိုက်ထုတ်ရေးမှာ
အထိရောက်ဆုံးလက်နက် ဖြစ်တယ်လို့ ယူဆပါတယ်။”
“ဒီလို လူထုတိုက်ပွဲများဝင်မှသာ တဖက်က စစ်ဆင်ရေးနှင့်သံတမန်ရေးရာတိုက်ပွဲများမှာ
များစွာအထောက်အကူရစေပါတယ်။ ဒါကြောင့် စစ်မျက်နှာ ၃ ရပ်၊ စစ်ရေး၊ သံတမန်ရေး၊ လူထုတိုက်ပွဲနဲ့
တိုက်ပွဲဝင်မှသာ ပြတ်သားစွာအောင်မြင်နိုင်မယ်ဖြစ်ပါတယ်။ “
“ဒီအထဲမှာ လူထုတိုက်ပွဲဟာ အရေးအကြီးဆုံးဖြစ်ပါတယ်။ ကျနော့်ကိုယ်တွေ့အရ
ပြည်သူလူထုရဲ့ထောက်ခံလှုပ်ရှားမှုများဟာ စစ်မြေပြင်မှာ များစွာအကျိုးရှိစေခဲ့ပါတယ်။ ၁၉၅၄
ခုနှစ်၊ ဘုရင့်နောင်စစ်ဆင်ရေးမှာ လူထုလှုပ်ရှားမှုနဲ့ နီးကပ်စွာဆက်စပ်မှုနဲ့တွေ့ကြုံရလို့
စစ်ရေးမှာ များစွာ တပန်းသာခဲ့ပါတယ်။ တပ်မတော်သားတွေဟာ ဖက်ဆစ်တော်လှန်ရေးနောက်ပိုင်းမှာ
ဒီတုန်းကလောက် စိတ်ဓာတ်တက်ကြွမှု တခါမျှ မရှိခဲ့ပါ။”
“ရန်သူဆိုရင် စိတ်ဓာတ်တုန်လှုပ်ပါတယ်။ သူများနိုင်ငံကျူးကျော်ဖို့လာတဲ့ရန်သူဟာ
အိမ်ရှင်တအိမ်လုံးကဆန့်ကျင်ရင် ဘယ်လို ရေရှည် နေထိုင်အမြတ်ထုတ်ဖို့ ဖြစ်နိုင်ပါ့မလည်း။ အနည်းဆုံး ဒီနိုင်ငံမှာ သူတို့ကိုလက်ခံမယ့်သစ္စာဖောက်နည်းနည်း
ရှိမှ၊ ဒီသစ္စာဖောက်တွေကလည်း အိမ်မှာသြဇာရှိဦးမှသာ ဖြစ်နိုင်တာ။ ဒီတော့ ဒီလိုပြည်သူလူထုကဆန့်ကျင်ရင်
သူရော သူ့ကိုလက်ခံချင်တဲ့သစ္စာဖောက်ရော လက်ရွံ့ နောက်ဆုတ်ရမှာ ဓမ္မတာပါ။”
“ကျနော်ရဲ့ ဘုရင့်နောင်စစ်ဆင်ရေးမှတ်တမ်းနိဂုံးချုပ်မှာ
ဒီစစ်ဆင်ရေးအောင်မြင်ခြင်းရဲ့ အခြေခံအကြောင်းရင်း(၇)ချက်အနက် ပြည်သူလူထု တိုက်ပွဲနဲ့ပတ်သက်ပြီး
(၃)ချက် ထည့်သွင်းရေးသားမိတာကို ဖတ်ပြလိုပါတယ်။ တချက်မှာ တိုင်းပြည်လူထုလှုပ်ရှားမှု
အရှိန်အဝါကြောင့် တပ်မတော်အားတက်ကြွပြီး ရဲစွမ်းသတ္တိရော၊ လုံ့လဝီရိယပါ စစ်ပြီးခေတ်တပ်မတော်သမိုင်းတွင်
မကြုံဘူးလောက်အောင် တက်တက်ကြွကြွ ရှိခြင်း။ နောက်တချက်မှာ တိုင်းပြည်လှုပ်ရှားမှုဟာ ရန်သူ့စိတ်ဓာတ်ကိုပါယိမ်းယိုင်အားနည်းစေခြင်း
(၎င်းမှာ စစ်မြေပြင်ရှိတိုက်နေသော တရုတ်ဖြူရန်သူများကိုသာ အဓိကဆိုလိုခဲ့ဟန်ရှိသည်။ သူ့နောက်
ကြိုးကိုင်နယ်ချဲ့သမားအဖို့ ထိုထက်ပိုစိတ်ထိခိုက်မည်ဖြစ်သည်။) နောက် တတိယအချက်မှာ မိမိတို့က
ထိုးစစ်ကြီးစသောအခါ တကယ့်အားထက်ပိုမို၍ အင်အားအလွန်ကြီးမားလေဟန် သတင်းစာဆရာများဖြင့်
ဝါဒဖြန့်ခြင်းများဖြစ်ပါသည်။”
ဒါ့ကြောင့်ပဲ ဒီပြဿနာရဲ့အရင်းခံအဖြေနဲ့ အဓိကအင်အားဟာ
လူထုတိုက်ပွဲသာဖြစ်ကြောင်း၊ နောက် ဒီတိုက်ပွဲဟာလည်း ရေရှည်တိုက်ရမှာ ဖြစ်ကြောင်း တင်ပြခဲ့ပါသည်။
ဒါ့အပြင် ဒီအစည်းအဝေးကြီးမှာ ကျွန်တော့်အနေနဲ့ ဘယ်လိုပါဝင်မယ်ဆိုတဲ့အကြောင်း
ကတိသစ္စာစကားနဲ့အတူ အစိုးရကိုလည်း တိုက်တွန်း ပန်ကြားရာမှာ အောက်ပါအတိုင်း ပြောကြားခဲ့ပါသေးသည်။
“ကျနော့်အဖို့ အရင်တုန်းကဆိုရင် အခုလိုနယ်ချဲ့ကျူးကျော်မှုများကို
တပ်ဦးကနေပြီး စစ်သားကြီးတယောက်အနေနဲ့ တိုက်ခိုက်ကာကွယ် ခဲ့ပါတယ်။ တိုင်းပြည်တာဝန်ကို
ကျေပွန်စွာထမ်းဆောင်ခဲ့ပါတယ်။ ယခုလည်း နိုင်ငံသားတယောက်အနေနဲ့ ကျနော်နိုင်ငံရဲ့ နယ်ချဲ့ကျူးကျော်မှု
အန္တရာယ်များကို ဘယ်လိုကာကွယ်နိုင်မလဲဆိုပြီး ကျနော်နည်းလမ်းရှာတော့ အထက်ကပြောခဲ့တဲ့
ပြည်သူလူထုက ကျူးကျော်ဆန့်ကျင်မှု တို့ကို ဆန့်ကျင်အုံကြွလှုပ်ရှားတဲ့အခါ လူထုတိုက်ပွဲမှာကျနော်ပါဝင်နိုင်ကြောင်း
မြင်လာပါတယ်။ ဒီတိုက်ပွဲဟာ ကျနော်ဆောင်ရွက်ခဲ့ဖူးတဲ့ စစ်ရေးတိုက်ပွဲထက်ပင် လှုပ်ရှားနိုင်ရင်
တန်ခိုးကြီးမားလှကြောင်း ကျနော်ထင်မြင်မိပါတယ်။ ဒီတိုက်ပွဲဟာ ကျနော်ဆောင်ရွက်ခဲ့ဖူးတဲ့
စစ်ရေးတိုက်ပွဲထက်ပင် လှုပ်ရှားနိုင်ရင် တန်ခိုးကြီးမားလှကြောင်း ကျနော်ထင်မြင်မိပါတယ်။
ဒါကြောင့် ဒီလိုနယ်ချဲ့ကျူးကျော်မှုရန်ကို ကာကွယ်ဆန့်ကျင်ဖို့ ကျနော်ရဲ့ခွန်အားကို ပြည်သူလူထုနဲ့အတူအသုံးပြုပြီး
ဆန့်ကျင်ကာကွယ်သွားဖို့ ဒီအစည်းအဝေးကြီးမှာ ကျနော် ကတိပြုပါတယ်။”
“နောက်အစိုးရကို ကျနော်ပန်ကြားတိုက်တွန်းလိုတာကတော့-(က)
ယခုတိုက်နေတဲ့စစ်ဆင်ရေးနဲ့ စစ်ရေးအရ ကျန်သေးတဲ့တရုတ်ဖြူများကို အပြီးအပိုင်တိုက်ထုတ်ရေး
ကြိုးပမ်းရန်။ (ခ) နိုင်ငံရေးအားဖြင့် ၎င်းတို့အမြန်ဆုံး လုံးဝဆုတ်ခွာသွားရန် ကုလသမဂ္ဂတွင်
ထိထိရောက်ရောက် အရေးယူဆောင်ရွက်ရန်။ (ဂ) အစိုးရဟာ အုံကြွတိုက်ပွဲဝင်လာသော ပြည်သူလူထုနှင့်အတူ
ဗိုလ်ချုပ်အောင်ဆန်းခေတ်ကလို ပူးပေါင်း လက်တွဲပြီး ကျူးကျော်သူရန်သူများကို ဆန့်ကျင်ကြဖို့
ဖြစ်ပါတယ်။”လို့ နိဂုံးချုပ် ပြောကြားခဲ့ပါသည်။
ဤအမျိုးသားကော်မတီကပင် ၁၉၆၁ ခုနှစ်၊ မတ်လ ၁၂ ရက်တွင်
တိုင်းပြည်သို့ နှိုးဆော်ပန်ကြားလွှာတစောင်ထုတ်ဝေပြီး တရုတ်ဖြူ ကျူးကျော်မှုသမိုင်းအကျဉ်းချုပ်ကိုဖော်ပြကာ
တရုတ်ဖြူ၏နောက်မှ ကြိုးကိုင်လှုပ်ရှားနေသူအမေရိကန်နယ်ချဲ့၏အကြံအစည်များကို ဖော်ထုတ်
ရှင်းလင်းပြီး တမျိုးသားလုံး စည်းလုံးညီညွတ်စွာဖြင့် အုံကြွဆန့်ကျင်ကြရန် နှိုးဆော်ခဲ့ပါသည်။
0 comments:
Post a Comment