(မျှော်တော်ယောင့်အကျပ်အတည်း)မျိုးမြင့်ချို

(မျှော်တော်ယောင့်အကျပ်အတည်း)
ဒေါ်အောင်ဆန်းစုကြည့်အနေဖြင့် ၅၉(စ)လေး ပြင်ပေးနိုးပြင်ပေးနိုးနှင့် တပြည်လုံးကို ထိုးထိုးကျွေးနေသလားဟု မိမိစိတ်တွင် ထင်မြင်လာ၏။ ယခုယူထားသည့် နိုင်ငံတော်အတိုင်ပင်ခံဆိုသည့် နိုင်ငံရေးရာထူးမှာ ဘာမှမဟုတ်။ အစိုးရအဖွဲ့ဝင် ရာထူးပင်မဟုတ်။ ထို့ကြောင့် ကက်ဘိနက်တွင်နေရာရရန် နိုင်ငံတော်အတိုင်ပင်ခံရုံးဝန်ကြီးဌာနဟု သမုတ်ကာ နောက်ထပ်ဝန်ကြီးတနေရာထွင်ရ၏။ ထိုရာထူးသည် တရားဝင်မှုသဘောအရလည်း သူတယောက်တည်းအတွက် ကွက်၍ပြဌာန်းထားခြင်းဖြစ်သလို လွှတ်တော်တွင် NLD အမတ်နေရာ အနည်းစုဖြစ်သွားလျှင် အလိုလို သားလျှောသွားမည့် ရာထူးလည်းဖြစ်၏။ NLD ဆက်လက်၍ အများစုအမတ်နေရာအနိုင်ရ၍ လွှတ်တော် ၂ ရပ်လုံးကို စီးထားနိုင်သည်ဆိုစေဦး ဒေါ်အောင်ဆန်းစုကြည်လွန်လျှင် ထိုရာထူးကိုဖြုတ်ကာ ထိုရာဥပဒေကိုလည်း ဖျက်ပစ်ကြမည်ဖြစ်၏။

၅၉(စ)ကြောင့် သမ္မတမဖြစ်နိုင်မည့်အတူတူ သမ္မတအထက်ကနေမည်ဟု ဆိုခဲ့သည့်အတိုင်း NLD သမ္မတ ၂ ဆက် အထိတော့ ထိုရာထူးမှာ တောင့်ခံနိုင်သေး၏။ ထိုရားထူးအား နိုင်ငံတော်အင်္ဂါစဉ်တွင် ဘယ်နေရာက ထားထား ၊ စစ်အုပ်စု၏အကွပ်အညပ်ကလွတ်နေသည့် ရာထူးလည်းမဟုတ်။ မဟုတ်သည့်အပြင် ထိုရာထူးဖြင့် ကာလုံအစည်းအဝေးပင် တက်ခွင့်မရှိ။ နိုင်ငံခြားရေးဝန်ကြီးရာထူးဖြင့်သာ တက်ခွင့်ရှိ၏။

သမ္မတအထက်က ဘယ်လိုနေနေ၊ နိုင်ငံတော်အင်္ဂါစဉ်တွင်ဘာပြပြ ဖွဲ့စည်းပုံအရ သမ္မတသည် နိုင်ငံ့ဥသျှောင်မဟုတ်လား။ ထို ဥသျှောင်ဆိုသည့် တရားဝင်ရာထူးသာ ရမည်ဆိုလျှင် နိုင်ငံတော်အတိုင် ပင်ခံရာထူးကို သူ အလွယ်တကူ မစွန့်လိုက်ဟု မည်သူမှ အာမဘန္တေမခံနိုင်။

ကော်ဇောနီသည် သမ္မတအတွက်ဖြစ်၏။ အမြောက် ၂၁ ချက်သည် သမ္မတအတွက်ဖေါက်၏။ Counterparts များသည် Counterpart ကိုတွေ့ရခြင်းကိုသာ ဂုဏ်နှင့်ဒြပ်နှင့်ပြည့်စုံသည်ဟု ယူဆ၏။ မလွဲသာ၍ ဒေါ်အောင်ဆန်းစုကြည်နှင့် တွေ့ရသော်လည်း သံတမန်ရေးရာ၌ အောင့်အီးအောင့်သက်တွေ jဖစ်ကြ၏။ သူလည်း သမ္မတဖြစ်ချင်ခဲ့တာ သေချာ၏။ ၂ဝ၁၅ မတိုင်ခင်နှင့် ပြီးစကာလများဆီက ၅၉(စ)ပြင်ရေးကွက်ပြီး ဆန္ဒတွေတခြိမ်းခြိမ်းပြခဲ့ကြတာ၊ လက်မှတ်(၅)သန်း ကောက်ယူစုဆောင်း ခဲ့တာတွေက လက်တွေ့ရှိ၏။ သို့နှင့်တိုင် ဖွဲ့စည်းပုံကိုပြင်မရ။ သူ သမ္မတ မဖြစ်ခဲ့။

၂ဝဝ၈ ဖွဲ့စည်းကိုပြင်လိုလျှင် ဘယ်လိုပြင်ရမည်ကို စစ်အုပ်စုက မဆွကပင် ပြဌာန်းခဲ့ပြီးဖြစ်၏။ မည်သို့ပြင်မှရမည်ကိုလည်း ပုဒ်မတွေ၊ ပုဒ်မခွဲတွေနှင့် ပြောထားပြီးသားဖြစ်၏။ အများသိကြပြီးမို့ ဤနေရာတွင် ဝိတ္တာရချဲ့စရာ မလိုတော့။ ပြောရမည်ဆိုလျှင် ၇၅ ရာခိုင်နှုန်းသော အမတ်နေရာများကို လွတ်လွတ်ကျွတ်ကျွတ်အနိုင်ရစေဦး စစ်အမတ်တယောက်ကလေးက မထောက်ခံပင်လျှင် ဘာမှပြင်မရ။ ဘယ်သောအခါမှ ဘယ်ပါတီမှလည်း ၇၅ ရာခိုင်နှုန်းအနိုင်ရစရာမရှိ။ ဗမာ့နိုင်ငံရေးတွင် ဤမျှစန်းပွင့်သည့် NLD ပင်၊ ဤမျှ နိုင်ကောင်းသည့်အခြေအနေ ရှိလျှက်ကပင် မနိုင်ခဲ့။ အလုံးအရင်းနှင့်အနိုင်ရခဲ့သည့် ၂ဝ၁၅ ရွေးကောက်ပွဲ တွင် NLD သည် ပြိုင်သမျှနေရာတို့၏ ၈ဝ ရာခိုင်နှုန်းကျော်နိုင်ခဲ့၏။ လွှတ်တော်မှတဆင့် ဒုသမ္မတ တဦး ရွေးပေးရန် လုံလောက်သည့် အမတ်နေရာများလည်း ရယူနိုင်ခဲ့၏။ NLD က တင်သည့်သူလည်း သမ္မတဖြစ်ခဲ့၏။ သို့သော် ဖွဲ့စည်းပုံကို လက်ဖျားနှင့်ပင်တို့မရ။ အဖြေက စစ်အမတ်ကလေးယောက်က YES မလုပ်လျှင် ဘာမှလုပ်မရဟု ထွက်လာ၏။ ထို့ကြောင့် လေသံပြောင်းရ၏။ ဒါက စစ်သားမဟုတ်သည့် အမတ်များဘက်က သို့မဟုတ် ပါတီများဘက်ကကြည့်လျှင် မြင်ရသည့်အနေအထား။ ခု ကျနော်တို့ ပြောနေကြသည့် ၂ဝဝဂ ပြင်ရန်ခက်သည့်ကိစ္စမှာ ဤနေရာတွင်ရပ်သွား၏။

ကျနော် အခြားတဘက်မှလှည့်တွေး၍မြင်သည်ကို ပြောပါမည်။ ထို ၂ဝဝ၈ ခြေဥသည် စစ်အုပ်စုကိုယ်၌်က ပြင်ချင်ပါသည်ဆိုစေဦး ပြင်လို့မရနိုင်။ စစ်အမတ် ၂၅ ရာခိုင်နှုန်းလုံးက ကာချုပ်ထံမှ မီးစိမ်းပြ ထောက်ခံမိန့်ရ၍ ထထောက်ခံကြစေဦး မည်သည့်ပါတီကမှ လွှတ်တော်အမတ် ၅၁ နေရာ နိုင်စရာလမ်း ရှေ့လျှောက်မရှိတော့။ စစ်သားမဟုတ်သည့် အမတ် ၅၁ နှင့် စစ်အမတ်၂၅ ပေါင်းမှ ၇၆။ ထို ၇၆ ရာခိုင်နှုန်းရရန် အလွန်ခဲယဉ်း၏။ စစ်အုပ်စုက ၂၅ ရာခိုင်နှုန်းလုံး ထောက်ခံပါရစေဖြစ်နေဦး မည်သည့်နိုင်ငံရေးပါတီက အမတ်နေရာ ၅၁ ရာခိုင်နှုန်းနိုင်အောင် ရှေ့လျှောက်လုပ်နိုင်ပါမည်နည်းက တွေးစရာဖြစ်လာ၏။ လူမျိုးစုဒေသတွေမှာ လူမျိုးစုပါတီတွေ အားကောင်းလာ၏။ လူမျိုးစုတွေက လူမျိုးစုအမတ်တွေကိုပဲ ပိုဦးစားရွေးချယ်ကြတော့မည်မှန်း အကဲခတ်လို့ ရလာ၏။ လူ့ဘောင်သစ်တို့၊ ပြည်သူ့ပါတီတို့လည်း အပြိုင်းအရိုင်းရှိနေ၏။ ကြံ့ဖွံ့ကိုလည်း သိတ်လျှော့တွက်လို့မရတော့။

ဖွဲ့စည်းပုံဘက်ကိုပြန်လှည့်လျှင် စစ်အုပ်စုက ရည်ရွယ်တာက သူ့ဖွဲ့စည်းပုံကို ဘယ်သူမှပြင်မရအောင် လုပ်ထားခြင်းဖြစ်၏။ ခုတော့ ထို "ဘယ်သူမှ"ထဲတွင် သူလည်း ပြန်ပါသွား၏။ သူ ထို ဖွဲ့စည်းပုံကိုဆွဲစဉ်က ထိုကိစ္စကို စဉ်းစားခဲ့ မစဉ်းစားခဲ့ကတော့ သူပဲသိလိမ့်မည်။ ခုတော့ သူကိုယ်၌က ပြင်စေချင်ဦး ပြင်ဖို့ ခဲယဉ်းသထက်ခဲယဉ်းသွား၏။ ရှေ့လျှောက် ပို၍ပင် မဖြစ်နိုင်တော့။

စစ်အုပ်စုက ဖွဲ့စည်းပုံပြင်ချင်၍ ပါတီတခုခုခုကို အမတ်နေရာအများစုကြီး သေအောင်နိုင်စေ့ချင်ဦး နိုင်ဖို့မလွယ်ကူတော့။ ထိုအခါ ၂ဝဝ၈ ဖွဲ့စည်းပုံသည် စစ်တပ်အတွက် အကျပ်အတည်းဖြစ်တော့မည်ဖြစ်၏။ သူဖော်သည့်ဆေး သူပြန် မစားနိုင်ခြင်းဖြစ်၏။ လောလောဆယ် အနေအထားတွင်တော့ စစ်အုပ်စုဘက်က ဖွဲ့စည်းပုံပြင်စရာမလိုသေး။ ထို့ကြောင့် ဘာမှ မထိခိုက်သလို၊ ဘာမှမဖြစ်သလိုနေလို့ရနေ၏။ သူ့အတွက် ဖွဲ့စည်းပုံအကျပ်အတည်း လောလောဆယ်တွင် ဘာမှမရှိ။ လေညှာက အနေသာကြီးဆိုကာ ဒူးနှံ့နေလို့ရ၏။
နောင်တချိန်ချိန်တွင် အပေးအယူအချီကြီးတခုခုရနိုင်၍ ဖွဲ့စည်းပုံကို ပြင်ချင်လာသည့်အချိန်ကျ ယခု ကျနော်တို့ပြောပြောနေသည့် "ဖွဲ့စည်းပုံအကျပ်အတည်း"ဆိုသည့်စကားကို သူနှုတ်က ပြောရတော့မည်။

NLD သည် ပြီးခဲ့သည့် ကြားဖြတ်ရွေးကောက်ပွဲတွင်လည်း ၂ဝ၁၅ ပြီးစလွှတ်တော်လို ထိန်းချုပ်ထားနိုင်ရန် ကျားကုပ်ကျားခဲကြိုးစား၏။ သို့သော် ၁၃ နေရာလုံး မရခဲ့။ ပိုဆိုးသွားသည်မှာ ပြည်သူ့လွှတ်တော်ကို စစ်အုပ်စုအလိုတော်ရိ တီခွန်မြတ်လက် ဝကွက်အပ်လိုက်ရခြင်းဖြစ်၏။ ၂ဝ၂ဝ ရွေးကောက်ပွဲကြီး (ဖြစ်ခဲ့လျှင်) ၂ဝ၁၅ က NLD လို ဖြစ်နိုင်ခြေ မရှိတော့။ ထို့ကြောင့် ခုနေခါ လွှတ်တော်ထဲ ကိုယ်အများစုလေးဖြစ်နေတုန်း စစ်အုပ်ကသာ မျက်နှာသာပေးပါက အနည်းဆုံး ၅၉(စ)လေး ပြင်ဖို့ ဂယ်ပေါက်လေးတခုခုရလိုရငြား သွေးရူးသွေးတမ်းတွေ လျှောက်လုပ်ပေးနေသလားဟု စဉ်းစားစရာဖြစ်လာ၏။

ရိုဟင်ဂျာအရေးမှာ စစ်အုပ်စုအလွန်မှန်း သိသိနှင့် ဘူးထွက်ခံငြင်း၏။ နှုတ်သီးကောင်းလျှာပါးလုပ်၏။ နိုင်ငံတကာ၏ အကျဉ်ခံဘဝရောက်၏။ အပြည်ပြည်၏တံတွေးခွက်၌ ပက်လက်မျော၏။ တရုပ်နှင့် စာချုပ်အသစ်တွေ ခေါင်းခံပြီးထပ်ချုပ်၏။ စာချုပ်အဟောင်းတွေကို အကောင်အထည်ဖော်၏။ မြစ်ဆုံကိုပင်လျှင် မျက်စပြစ်ချင်သလိုလိုလုပ်၏။ သို့သော် သူ မျက်နှာလုပ်သမျှသည် အချည်းအနှီး သဲထဲရေသွန်သာဖြစ်၏။ ဖွဲ့စည်းပုံကား ပြင်ရေး ဘယ်လိုမှ ဖြစ်စရာမရှိ။
ဒါကို တချို့က "ဒေါ်စုက သူတို့အတွက် ဒီလောက် သိက္ခာအကျခံပြီး လိုက်လုပ်ပေးနေတာတောင် ဒေါ်စုဘက်လှည့်ကြည့်ဖော်မရ" ဟု စကားနာထိုး၏။ ထိုးလည်း ငထိုးဘဲဖြစ်၏။

စစ်အုပ်စုတွင် ဒေါ်စု သမ္မတမဖြစ်ရေးမှာ အခိုင်အမာချပြီးသားမူဖြစ်၏။ ထို မူ(ဖွဲ့စည်းပုံ)ကို သူတို့လက်သူတို့ခြေ ချခဲ့တာဖြစ်၏။ သူတို့ချခဲ့သည့်မူကို သူတို့ပင် ပြန်ပြင်ဖို့မလွယ်တော့။ ကိုယ့်ရှူးကိုယ်ပတ်နေ၏။ ဒါကိုပင် ကျနော်တို့က ဖွဲ့စည်းပုံအကျပ်အတည်းဟု ခေါ်ကြ၏။ ဟုတ်၏။ သို့သော် ထိုအကျပ်အတည်းသည် ကျနော်တို့အတွက်ချည်းမဟုတ် သူတို့အတွက်ပါ ကျပ်တည်းသည့် အကျပ်အတည်းဖြစ်၏။ ထို့ကြောင့် ဖွဲ့စည်းပုံကိုယ်၌က အားလုံးအတွက် အကျပ်အတည်းဖြစ်နေသည်ဟု ဆိုရ၏။
မျိုးမြင့်ချို(ဒီဇင်ဘာ ၁၊ ၂ဝ၁၈)

read more

လမင်းကို ထရံပေါက်မှကြည့်ခြင်း (မြသန်းတင့်)

လမင်းကို ထရံပေါက်မှကြည့်ခြင်း (မြသန်းတင့်)

အခမ်းအနားကို တက်ရောက်လာတဲ့ စာရေးဆရာကြီးများနဲ့ စာပေမိတ်ဆွေများ ခင်ဗျား။ ဒီနေ့ ဖြူးမြို့ မိတ်ဆွေများ စာကြည့်အသင်း စာပေဆုပေးပွဲမှာ စကားပြောခွင့်ရတဲ့အတွက် ဝမ်းသာပါတယ်။ ကျေးဇူးတင်ပါတယ်။ ဒီနေ့ စာပေဆုပေးပွဲဟာ ထူးခြားတဲ့လက္ခဏာနှစ်ချက်ကို ဆောင်ပါတယ်။ တချက်ကတော့ ဒီစာပေဆုဟာ စာဖတ်သူများကပေးတဲ့ဆု ဖြစ်လို့ပါပဲ။ နောက်တချက်ကတော့ ဖြူးမြို့မိတ်ဆွေများ စာကြည့်တိုက်အသင်းက အမှုဆောင်လူငယ်များဟာ သူတို့မြို့မှာမလုပ်ဘဲ သူများရပ်ရွာ စာရေးဆရာတွေ ရှိရာကိုလာပြီး ဆုပေးတဲ့ပွဲ ဖြစ်လို့ပါ။ သူများရပ်ရွာမှာ ကိုယ်က အိမ်သည်လုပ်ပြီး ဧည့်သည်တွေကို ဖိတ်ခေါ်ကျင်းပရတာဟာ တော်တော်စွန့်စားရတဲ့ကိစ္စဖြစ်ပါတယ်။ တော်တော် တာဝန်ကြီးတဲ့ကိစ္စဖြစ်ပါတယ်။ တော်တော်လည်း ငွေကုန်ကြေးကျများတဲ့ကိစ္စ ဖြစ်ပါတယ်။ ဒါကြောင့် ဒီဆုပေးပွဲဟာ ထူးခြားတဲ့ လက္ခဏာနှစ်ချက်ရှိတယ်လို့ ကျွန်တော်ပြောခြင်းဖြစ်ပါတယ်။

အမှန်ကတော့ ကျွန်တော်ဟာ ဒီစင်မြင့်ပေါ်ကိုတက်ရောက်ပြီး ဟောပြောစရာ အကြောင်းမရှိပါဘူး။ ဒီစင်မြင့်နေရာဟာ ကျွန်တော့်နေရာ မဟုတ်ပါဘူး။ ရှေ့တန်းမှာထိုင်နေကြတဲ့ ဆရာကြီးတက်တိုး၊ ဆရာမကြီးဒေါ်နုယဉ်၊ ဆရာကြီးထင်လင်း၊ ဆရာကြီးတက္ကသိုလ်နေဝင်းတို့ရဲ့ နေရာဖြစ်ပါတယ်။ သူတို့သာလျှင် ဒီနေရာမှာရပ်ပြီး ပြောသင့်ပါတယ်။ ဒီပုဂ္ဂိုလ်ကြီးတွေဟာ အသက်အားဖြင့်၊ ဂုဏ်အားဖြင့်၊ ပညာအားဖြင့် ကျွန်တော့်ထက် ကြီးမြင့်တဲ့ပုဂ္ဂိုလ်တွေ ဖြစ်ပါတယ်။ တကယ်တော့ ဒီနေရာဟာ သူတို့ ရပ်ပြောရမယ့်နေရာ ဖြစ်ပါတယ်။ ဒါပေမယ့် ဆရာကြီးတွေဟာ အသက်ကလည်းကြီး၊ (အင်္ဂလိပ်တွေပြောလေ့ရှိသလို) ရက်စက်သောတိတ်ဆိတ်မှုကိုလည်း ဆောင်နေကြတဲ့အတွက် အသက်မကြီးတကြီးဖြစ်တဲ့ ကျွန်တော်က ရက်စက်သောဆူညံမှုကို ပြုလုပ်နေရခြင်းဖြစ်ပါတယ်။ ဒါကြောင့်မို့ ကျွန်တော်ရဲ့ ရက်စက်သော ဆူညံမှုအတွက်ခွင့်လွှတ်ပါရန် တောင်းပန်ချင်ပါတယ်။

ကျွန်တော် ဒီအခန်းအနားမှာဟောပြောဖို့ အချက်ငါးချက်လောက်ကို စိတ်ထဲမှာ မှတ်လာခဲ့ပါတယ်။ အဲဒါတွေကတော့ -

(၁) စာအုပ်ဆိုတာ ဘာလဲ၊
(၂) စာကို ဘယ်လိုဖတ်ကြမလဲ၊
(၃) ဘယ်လိုအချိန်အခါမှာ ဘယ်လိုစာတွေကို ဖတ်ကြမလဲ၊
(၄) ဘယ်အရွယ်မှာ စာဖတ်ရင် ဘယ်လိုအကျိုးသက်ရောက်မှုကိုရစေသလဲ ဆိုတာနဲ့
(၅) စာဖတ်ရာမှာ ဘယ်လို သဘောထားမျိုးနဲ့ဖတ်ရမလဲဆိုတဲ့အချက်များ ဖြစ်ပါတယ်။

ဒီအချက်တွေဟာ ကျွန်တော့်ခေါင်းထဲက၊ ကျွန်တော့်ဦးနှောက်ထဲကထွက်လာတဲ့ အတွေးတွေ မဟုတ်ပါဘူး။ ဆရာသမား ပညာရှိနှစ်ဦးက ပြောခဲ့တဲ့ အဆိုအမိန့်များကို ကျွန်တော်မှတ်သားထားတဲ့အချက်များ ဖြစ်ပါတယ်။ ဒီအချက်တွေကို ကျွန်တော်သဘောကျလွန်းလို့ စာအုပ်ထဲမှာ မှတ်သားထားပြီး မကြာခဏ ပြန်ဖတ်လေ့ရှိပါတယ်။ ကျွန်တော့်ကိုယ်ပိုင်အတွေးတွေကိုပြောတာထက် ပညာရှိများရဲ့ အဆိုအမိန့်က ပိုပြီးတန်ဘိုးရှိတဲ့အတွက် ဒီအချက်များကို ဖောက်သည်ချရခြင်းဖြစ်ပါတယ်။ အဲဒီပညာရှိနှစ်ဦးကတော့ ၁၉ ရာစုမှာပေါ်ထွန်း ခဲ့တဲ့ အင်္ဂလိပ်စာပေအနုပညာ ဝေဖန်ရေးဆရာ၊ ပန်းချီဝေဖန်ရေးဆရာ၊ ဗိသုကာဝေဖန်ရေးဆရာ၊ စာတမ်းဆရာ ဂျွန်ရပ်စကင်း ဖြစ်ပါတယ်။ နောက်ပညာရှိတဦးကတော့ ၁၇ ရာစုနှစ်ကပေါ်ခဲ့တဲ့ တရုတ်စာဆိုကျန်းကျောက်ရဲ့ အဆိုအမိန့် ဖြစ်ပါတယ်။ သူတို့နှစ်ဦးရဲ့ အဆိုအမိန့်တွေကို ပေါင်းပြီး ကျွန်တော်ပြောသွားပါမယ်။

(၁) စာအုပ်ဆိုတာ ဘာလဲ။
ပညာရှိတယောက်၊ စာရေးဆရာတယောက်က ရိုးသားစွာနဲ့ စေတနာရှိစွာ ရေးသားထားတဲ့စာပုဒ်ဟာ စာအုပ်တအုပ်ပါပဲ။ စာအုပ်တွေထဲမှာ မကောင်းတာတွေ၊ အပေါ်ယံကျတာတွေ၊ ကရော်ကမယ်ရေးထားတာတွေ၊ ဟန်လုပ်ရေးထားတာတွေ၊ ပါကောင်းပါနိုင်ပါတယ်။ ဒါပေမယ့် ကိုယ်က မှန်ကန်စွာဖတ်တတ်လို့ရှိရင် အဲဒီအထဲမှာ ကောင်းမွန်တဲ့အပိုင်းအစတွေ တွေ့လိမ့်မယ်။ အဲဒီ အပိုင်းအစတွေဟာ စာအုပ်ပဲ။

စာအုပ်အမျိုးအစားအားလုံးကို ခွဲကြည့်လိုက်ရင် နှစ်မျိုးပဲရှိတယ်။ တမျိုးက ခုလောလောဆယ် ဖတ်ရမယ့်စာအုပ်၊ ခုနာရီပိုင်းသာခံတဲ့ စာအုပ်ဖြစ်တယ်။ နောက်တမျိုးက ရေရှည်ဖတ်ရမယ့်စာအုပ်၊ ခေတ်တိုင်း ခေတ်တိုင်းခံတဲ့ စာအုပ်ဖြစ်တယ်။ နာရီပိုင်းသာခံတဲ့စာ၊ ခုချက်ချင်း ဖတ်ရမယ့်စာဆိုတာကတော့ ဗဟုသုတကိုပေးတဲ့စာတွေ ဖြစ်ပါတယ်။ သတင်းစာတို့၊ ဂျာနယ်တို့ဟာ တနေ့လုံးဖတ်ရမယ့်စာတွေ မဟုတ် ပါဘူး။ မနက်ပိုင်းဖတ်လိုက်ရင် ကုန်သွားတာပဲ။ ခေတ်တိုင်းခံတဲ့စာဆိုတာကတော့ ခံစားချက်၊ အတွေးအခေါ်ကို လှုံ့ဆော်ပေးတဲ့စာ ဖြစ်ပါတယ်။

ဒီစာအုပ် အမျိုးအစားနှစ်ခုကို ရပ်စကင်းက နောက်တနည်းပြောပါသေးတယ်။ အသံကို ပွားစေတဲ့စာအုပ်နဲ့ အသံကိုထိန်းသိမ်းထားတဲ့ စာအုပ်လို့ ပြောပါသေးတယ်။ အသံကိုပွားစေတဲ့စာအုပ်ဆိုတာ လူပေါင်းများစွာကို တခါတည်း မပြောနိုင်တဲ့အတွက်၊ တနေရာတည်းမှာ ပြောလို့မရတဲ့အတွက် ကူးယူပုံနှိပ်ပြီးပြောရတာ။ တိုင်းမဂ္ဂဇင်းတို့၊ ဘာတို့ဆိုတဲ့ သတင်းမဂ္ဂဇင်းတွေဟာ တချိန်တည်း၊ တနေရာတည်းမှာ ပြောလို့ မဖြစ်နိုင်တဲ့အတွက် အဲဒီအထဲမှာပါတဲ့သတင်းတွေကို ပွားပြီး၊ ကူးယူပြီး ဖြန့်ဝေရတယ်။ ဒါကြောင့်မို့ အသံကိုပွားစေတဲ့စာအုပ်လို့ ရပ်စကင်းကခေါ်ပါတယ်။ အသံကို ထိန်းသိမ်းပေးတယ်ဆိုတဲ့ စာအုပ်ကတော့ အတွေးအခေါ်များ၊ အဆိုအမိန့်များ၊ ခံစားချက်များကို နောင်မှာ မပျောက်ကွယ်သွားအောင် နောင်လာနောက်သားတွေ မှတ်နိုင်ဖတ်နိုင်အောင် ထိန်းသိမ်းထားတဲ့ စာအုပ်တွေပါ။

ဒီနှစ်မျိုးကိုပဲ ရပ်စကင်းက နောက်တနည်း ထပ်ပြောပါသေးတယ်။ စကားပြောထားတဲ့စာအုပ်နဲ့ စာရေးထားတဲ့စာအုပ်လို့ သူက ခေါ်ပါတယ်။ စကားပြောထားတဲ့စာအုပ်ဆိုတာ မနှစ်က ဒီနေရာမှာ ဘယ်လိုရာသီဥတု ရှိခဲ့တယ်။ လမ်းပန်းက ဘယ်လိုရှိတယ်။ စားသောက်ဆိုင်က ဘယ်နှဆိုင်ရှိတယ်၊ ဘယ်နားမှာ ဘာဘုရားရှိတယ်ဆိုတဲ့ စာမျိုးတွေပါ။ သူတို့ အဲဒီလိုစာတွေကို ဘယ်လောက်ပဲ လှပခန့်ညားတဲ့ သားရေဖုံးကြီးတွေနဲ့ချုပ်ထားသည် ဖြစ်စေ၊ အဲဒီစာအုပ်ဟာ တကယ့်စာအုပ် မဟုတ်ဘူး။ ပြောပြထားတဲ့ စာအုပ်ဖြစ်တယ်။ တကယ့် စာအုပ်ကတော့ ရေးပြထားတဲ့၊ ဖတ်ပြီးသိရုံရေးထားတဲ့အရာမဟုတ်ဘဲ ဖတ်ပြီးခံစားရအောင်ရေးထားတဲ့စာအုပ်လို့ ပြောတယ်။

သုတစာပေနဲ့ရသစာပေကို ပြောတာပါပဲ။

ဒီတော့ စာအုပ်ဟာ အမျိုးအစားခွဲလိုက်ရင် နှစ်မျိုးပဲရှိတယ်။ တမျိုးက ရေတိုခံတဲ့စာအုပ်နဲ့ နောက်တမျိုးက ရေရှည်ခံတဲ့စာအုပ်၊ တနည်းပြောရရင် သုတစာအုပ်နဲ့ ရသစာအုပ်။ ဒါပါပဲ။ ဒီနေရာမှာ ရေတိုခံတဲ့စာအုပ်ဟာ မကောင်းဘူး၊ ရေရှည်ခံတဲ့စာအုပ်ဟာ ကောင်းတယ်လို့ အဆိုးအကောင်းပြောတာ မဟုတ်ဘူး။ နှစ်မျိုးစလုံးဟာ စာကောင်းချည်းပဲ။ ဒါပေမယ့် တမျိုးက ရေတိုအတွက်ဖတ်တာ။ သုတအတွက် ဖတ်တာ။ နောက်တမျိုးက ရေရှည်အတွက် ဖတ်တာ၊ ရသအတွက်ဖတ်တာ၊ အဲဒါကို ပြောနေတာ။

(၂) စာကို ဘယ်လိုဖတ်ကြမလဲ။
စာဖတ်တဲ့လူတယောက်ဟာ ရွှေတွင်းတူးသမားတယောက်နဲ့ တူတယ်။ ကျွန်တော်အနေနဲ့ကြည့်လိုက်ရင် လျှပ်စစ်စွမ်းအားစုတွေဟာ မြေကြီးထဲမှာရှိတဲ့ရွှေတွေကို ဘာဖြစ်လို့ တခါတည်း တောင်ထိပ်ပေါ် အသင့်ဖြစ်နေအောင် အလွယ်တကူ ပို့မပေးလိုက်သလဲ။ ဘာဖြစ်လို့ မြေကြီးထဲမှာ ဟိုတစသည်တစ ရှိနေရသလဲလို့ မချင့်မရဲဖြစ်ချင်စရာပဲ။ ဒီလိုဆိုရင် ကျွန်တော်တို့အတွက် ရွှေတူးရတာ မလွယ်ပေဘူးလား။ ခုတော့ ကျွန်တော်တို့မှာ တူးလိုက်ရတာ။ မြေအောက်မှာအနက်ကြီး အချိန်ကုန်ရတယ်။ လူပင်ပန်းရတယ်။ စိုးရိမ်သောက ဖြစ်ရတယ်။ တခါတလေမှာ ဘာမှမရဘဲ အချည်းနှီးဖြစ်ရတယ်။ သဘာဝကြီးဟာ ရွှေတွေကို မြေကြီးပတ်ကြားအက်တွေမှာ ဟိုတစသည်တစ နည်းနည်းစီပဲ သိုမှီးထားတယ်။ ဘယ်နေရာမှာ ဘာရှိတယ်ဆိုတာ ဘယ်သူမှ မပြောနိုင်ဘူး ပင်ပန်းကြီးစွာ ရက်ပေါင်းများစွာတူးပေမယ့် ရွှေလေးတစကို ရချင်မှရတာ။

ပညာရှိတွေရဲ့ အကောင်းဆုံးသောအသိဥာဏ် ပညာတွေဟာလည်း ထိုနည်းလည်းကောင်းပဲ။ ဒီတော့ စာအုပ်ကောင်းတအုပ်ကို ကောက်ကိုင်ပြီး ကိုယ့်ကိုယ်ကို မေးခွန်းထုတ်ကြည့်ရလိမ့်မယ်။ ငါဟာ ရွှေတူးသမားတယောက်လို လုပ်နိုင်ပါ့မလား။ ကိုယ့်ပေါက်တူးတွေ၊ ဂေါ်ပြားတွေ၊ လက်နက်ကရိယာတွေ ကောင်းရဲ့လား။ ကျန်းမာရေး ကောင်းရဲ့လား။ စိတ်ဓါတ်ကြံ့ခိုင်ရဲ့လား။ အဲဒီမေးခွန်းတွေ မေးဖို့လိုတယ်။ ဒီမေးခွန်းတွေဟာ အရေးကြီးပါတယ်။

ခင်ဗျား ခွဲချေထုထောင်းပြီး အရည်ကျိုရမယ့် ကျောက်ခဲတုံးတွေဟာ စာရေးဆရာရဲ့စကားလုံးတွေ ဖြစ်ပါတယ်။ ခင်ဗျားသုံးရမယ့် ပေါက်တူးတွေ ဂေါ်ပြားတွေဟာ ခင်ဗျားရဲ့ အလေးထားမှု၊ စိတ်အားထက်သန်မှု၊ စိတ်ရှည်မှု၊ ပညာအခံတို့ ဖြစ်ပါတယ်။ ခင်ဗျားရဲ့ မီးဖိုဟာ ခင်ဗျားရဲ့ ကိုယ်ပိုင်စဉ်းစားဉာဏ်၊ ကိုယ်ပိုင်အတွေးအခေါ် ဖြစ်တယ်။ ရွှေရှိမယ်လို့ထင်ရတဲ့စာအုပ်ကို ခင်ဗျားဖတ်ပြီး၊ ခင်ဗျားပညာအခံနဲ့ ခင်ဗျားမျှော်လင့်ချက်ဆိုတဲ့ ပေါက်တူးတွေ ဂေါ်ပြားတွေနဲ့တူးပြီး၊ အဲဒါတွေကို ခင်ဗျား ကိုယ်ပိုင်ဉာဏ်၊ ကိုယ်ပိုင်အတွေးအခေါ်ဆိုတဲ့ မီးဖိုပေါ်မှာ ကျိုလိုက်ပြီ။

အဲဒီအခါမှာ တချို့သောကျောက်ခဲတွေဟာ အဖြုန်းတွေ ဖြစ်ပြီး၊ အချို့သော ကျောက်ခဲတွေမှာ ရွှေစတွေပါလာတာကို တွေ့ရလိမ့်မယ်။ ဒါကြောင့် ရွှေလေးတစကိုလိုချင်ရင် ကိုယ့်မှာ လက်နက်ကရိယာ ရှိရလိမ့်မယ်။ စာအုပ်တအုပ်ကိုဖတ်ပြီဆိုရင် ကိုယ့်မှာ လက်နက်ကရိယာ ရှိရလိမ့်မယ်။ စိတ်ရှည်မှုနဲ့၊ စိတ်အားထက်သန်မှုတို့၊ ကိုယ့်ပညာအခံတို့ ဆိုပါတော့။ စကားလုံးတွေကို ထုထောင်းခွဲချေပြီး ကိုယ်ပိုင်ဉာဏ်၊ ကိုယ်ပိုင်အတွေးနဲ့ မီးပြင်းတိုက်ကျိုရလိမ့်မယ်။

စာအုပ်တအုပ်ကို ဆယ်မျက်နှာလောက်ဖတ်ပြီး၊ အဲဒီဆယ်မျက်နှာလောက်ထဲက စာလုံးတွေ တလုံးချင်းရဲ့အဓိပ္ပါယ်ကို တိတိကျကျ၊ သေသေချာချာနားလည်ပြီဆိုရင် တစုံတခုသော အတိုင်းအတာအထိ စာပေကျွမ်းကျင်သူတဦးလို့ ခေါ်နိုင်တယ်။ စာတတ်ခြင်း၊ မတတ်ခြင်းဟာ အဲဒီ စကားလုံးတွေကို တိကျစွာနားလည်ခြင်း မလည်ခြင်းပေါ်မှာ တည်တယ်။ ပညာသင်ကြားခြင်းရဲ့ ရည်ရွယ်ချက်ဟာ ရာထူးရဖို့မဟုတ်၊ အမှားနဲ့အမှန်ကို ဆုံးဖြတ်တတ်ဖို့၊ တရားမှုနဲ့မတရားမှုကို ခွဲခြားတတ်ဖို့ ဖြစ်ပါတယ်။ ဒါဟာ စာကို ဘယ်လိုဖတ်မလဲဆိုတာနဲ့ ပတ်သက်လို့ ရပ်စကင်းကပြောခဲ့တဲ့စကား ဖြစ်ပါတယ်။

(၃) ဘယ်အချိန်အခါမှာ ဘယ်စာတွေကို ဖတ်ကြမလဲ။
ဒါကိုတော့ တရုတ်ပညာရှင်ကျန်းကျောက်က ဒီလိုပြောပါတယ်။ ရှေးဟောင်းဂန္ထဝင်ကိုဖတ်ချင်ရင် ဆောင်းတွင်းမှာ ဖတ်ရမယ်။ ဘာဖြစ်လို့လဲ ဆိုတော့ ဆောင်းတွင်းမှာ စိတ်ဟာပျံ့လွင့်ခြင်းကင်းပြီး တည်ငြိမ်တဲ့အတွက် ဖြစ်တယ်။ သမိုင်းကို နွေရာသီမှာဖတ်ရမယ်။ ဘာဖြစ်လို့လဲဆိုရင်၊ နွေရာသီမှာ နေ့ဟာရှည်လျားပြီး အချိန်များများရလို့ ဖြစ်တယ်။ ဒဿနကို ဆောင်းဦးပေါက်မှာ ဖတ်ရမယ်။ ဘာဖြစ်လို့လဲဆိုတော့ ဆောင်းဦး ပေါက်ဟာ နှစ်သက်စဖွယ်စိတ်ကူးတွေကို ပေါ်ပေါက်စေတယ်။ ခေတ်ပေါ်စာပေကို နွေဦးပေါက်မှာ ဖတ်ရမယ်။ ဘာဖြစ်လို့လဲဆိုတော့ နွေဦးမှာ သဘာဝလောကကြီးဟာ အသက်ပြန်ဝင်လာလို့ဖြစ်တယ်လို့ သူက ပြောတယ်။ သေသေချာချာ စဉ်းစားကြည့်ရင် ဒီအဆိုအမိန့်ဟာ တော်တော်မှတ်သားဖို့ ကောင်းပါတယ်။

(၄) စာပေဟာ ဘယ်အသက်အရွယ်ကို ဘယ်လို အကျိုးသက်ရောက်မှု ရှိစေသလဲ။
သူက လူငယ်အရွယ်မှာစာဖတ်ရတာဟာ လမင်းကို ထရံပေါက်ကြား၊ နံရံအက်ကြားက ချောင်းကြည့်ရတာနဲ့တူတယ်။ လူငယ်ဆိုတော့ အတွေ့အကြုံ မရင့်သန်သေးဘူး။ အတွေးအခေါ် မလေးနက်သေးဘူး။ ဒါကြောင့်မို့ ရိုးတိုးရိပ်တိတ်ပဲ မြင်လိုက်ရတယ်။ လူလတ်ပိုင်းအရွယ်မှာ စာဖတ်ရတာဟာ လမင်းကို အိမ်ရှေ့တလင်းပြင်က ရပ်ကြည့်ရတာနဲ့ တူတယ်။ ကိုယ့်ပတ်ဝန်းကျင်ကို မြင်နိုင်ပြီ။ လရောင်ဘယ်လောက် လင်းသလဲ။ ပတ်ဝန်းကျင်မှာ လရောင်ဖြာပုံဟာ ဘယ်လိုအနေအထားရှိသလဲဆိုတာ အကဲခတ်ခွင့်ရပြီ။ လူကြီးပိုင်းမှာ စာဖတ်ရတော့ လမင်းကို လသာဆောင်ဝရန်တာပေါ်က တက်ကြည့်ရတာနဲ့တူတယ်။ ကိုယ့်နောက်မှာ အတွေ့အကြုံတွေအများကြီး ကျန်ရစ်ခဲ့ပြီ။ ပတ်ဝန်းကျင်ကို ခြုံငုံသုံးသပ်နိုင်ပြီ။

ခရီးသည်ကောင်းတယောက်ဟာ သွားလေရာရာမှာ ရှုခင်းကို မြင်တတ်တယ်။ သူ့အဖို့ စာအုပ်တွေနဲ့သမိုင်းဟာလည်း ရှုခင်းပဲ။ ဝိုင်အရက်နဲ့ ကဗျာဟာလည်း ရှုခင်းပဲ။ လမင်းနဲ့ပန်းပွင့်ဟာလည်း ရှုခင်းပဲ။ အလားတူပဲ စာဖတ်ကောင်းသူတယောက်ဟာလဲ သွားလေရာရာမှာ စာအုပ်ကိုပဲ မြင်တယ်။ သူ့အဖို့ တောင်နဲ့ရေဟာ စာအုပ်ပဲ။ စစ်တုရင်ခုံနဲ့ ဝိုင်အရက်ဟာလည်း စာအုပ်ပဲ။ လမင်းနဲ့ ပန်းပွင့်ဟာလည်း စာအုပ်ပဲ။

(၅) စာဖတ်ရာမှာ ဘယ်လိုသဘောထားမျိုးနဲ့ ဖတ်ရမလဲ။
စာအုပ်တအုပ်ကိုဖတ်ရာမှာ ပညာရှိတွေရဲ့အဆုံးအမကို နာခံလိုတဲ့ဆန္ဒရှိရမယ်။ ဆရာသမားတွေရဲ့အတွေးအခေါ်တွေထဲကို ဝင်ရောက်နိုင်အောင် ကြိုးစားရမယ်။ သူတို့နဲ့အတူနေထိုင်ပြီး သူတို့ခံစားချက်တွေကို ခွဲဝေခံစားနိုင်အောင် ကြိုးစားရမယ်။ ဒါတွေတော့ ရပ်စကင်းနဲ့ ကျန်းကျောက်တို့ရဲ့အဆိုအမိန့်တွေ ဖြစ်ပါတယ်။

နိဂုံးချုပ်အနေနဲ့ စာဖတ်တာအရေးကြီးပုံနဲ့ပတ်သက်လို့ ရပ်စကင်းရဲ့ဟောပြောချက်ထဲကစာတပုဒ်ကို ကျွန်တော် ဖတ်ပြပါမယ်။ ကောက်နုတ်ချက်က နည်းနည်းရှည်တဲ့အတွက် ကျွန်တော် အလွတ်မရပါဘူး။ ဒါကြောင့်မို့ဖတ်ပြရတာ ခွင့်လွှတ်ကြပါ။ ဒီစကားတွေကို ပြောခဲ့တဲ့အချိန်ဟာ ၁၉ ရာစုရဲ့ ဒုတိယပိုင်းကာလ ဖြစ်ပါတယ်။ အဲဒီတုန်းက အင်္ဂလန် နပိုလီယန် စစ်ပွဲတွေပြီးလို့ ကရိုင်းမီးယားစစ်ပွဲကို တိုက်နေချိန်ဖြစ်တယ်။ အာဖရိကမှာ စစ်ပွဲတွေတိုက်နေချိန်ဖြစ်တယ်။ အာရှတိုက်မှာ အာဖဂန်စစ်ပွဲကိုတိုက်နေချိန် ဖြစ်တယ်။ မြန်မာပြည်မှာ ဒုတိယစစ်ပွဲကို တိုက်ပြီးချိန်ဖြစ်တယ်။ အရှေ့ဖျားမှာ ဘိန်းစစ်ပွဲကိုတိုက်နေချိန် ဖြစ်တယ်။ တနည်းပြောရရင် ဗြိတိသျှအင်ပိုင်ယာကြီးကို ချဲ့ထွင်နေချိန် ဖြစ်ပါတယ်။

အဲဒီအချိန်မှာ ရပ်စကင်းဟာ ဒီစကားတွေကို ပြောခဲ့ခြင်းဖြစ်ပါတယ်။ သူ့စကားကို ကျွန်တော် ကောက်နှုတ်ဖော်ပြပြီး ဖတ်ပြပါမယ်။ နားထောင်ကြည့်ကြပါ။ ကြီးမြတ်တဲ့လူမျိုးတမျိုးဟာ ဒီစစ်ပွဲမှာ ဘယ်ဘက်က မှန်သလဲ၊ ဘယ်ဘက်က မှားသလဲဆိုတာမကြည့်ဘဲ၊ ဒီစစ်ပွဲပြီးရင် ငါတို့ ကုန်အရောင်းအဝယ် ဘယ်လိုနေမလဲ၊ ငါတို့ အမြတ်တွေ ဘယ်လောက်ရမလဲဆိုတာကိုပဲတွေးပြီး စစ်မြေပြင်မှာ လူငယ်တွေ နေ့စဉ်နဲ့အမျှသေနေကြတာကို လက်ပိုက်ကြည့်မနေဘူး။ ကြီးမြတ်တဲ့လူမျိုးတမျိုးဟာ သစ်ကြားသီးခြောက်လုံးလောက် ခိုးမိတာနဲ့ ကလေးတွေကို ထောင်ထဲမပို့ဘူး။ ကြီးမြတ်တဲ့လူမျိုးတမျိုးဟာ ဆင်းရဲသားတွေရဲ့စုငွေနဲ့ချမ်းသာနေကြတဲ့ ဘဏ်သူဌေးကြီးတွေ ခိုးဝှက်နေတာကို ဒီအတိုင်း လက်ပိုက်ကြည့်မနေဘူး။

ကြီးမြတ်တဲ့လူမျိုးတမျိုးဟာ တောင်တရုတ်ပင်လယ်တဝိုက်မှာ လက်နက်အပြည့်အစုံတပ်ဆင်ထားတဲ့သင်္ဘောကြီးတွေနဲ့ အမြောက်ကြီးတွေ ချိန်ပြီး သူများတိုင်းပြည်ကိုသွားပြီး ဘိန်းရောင်းနေတာကို ဒီအတိုင်း လက်ပိုက်ကြည့်မနေဘူး။ ကြီးမြတ်တဲ့လူမျိုးတမျိုးဟာ ပိုက်ဆံပေးမလား၊ အသက်ပေးမလားဆိုတဲ့ လမ်းဓားပြတို့ထက်ပိုကဲပြီး ပိုက်ဆံရော၊ အသက်ရောပေးလို့ နှစ်ခုစလုံးကိုတောင်းနေတဲ့ ဓားပြအကြီးစားကြီးတွေ ဓားပြတိုက်နေတာကို ဒီအတိုင်း လက်ပိုက်ကြည့်မနေဘူး။

ကျွန်တော်တို့တတွေဟာ ဘာဖြစ်လို့ လူတွေ စာဖတ်ဖို့အကြောင်းကို ပြောနေရသလဲ။ အခုအခြေအနေမှာ ကျွန်တော်တို့လူမျိုးဟာ စာမဖတ်နိုင်ဘဲ ဖြစ်နေတယ်။ ဒီလို စိတ်ဓာတ်ပျက်ပြားနေတဲ့လူမျိုးတမျိုးဟာ စာမဖတ်ချင်ဘဲ ဖြစ်နေတယ်။ ဘယ်လောက် ကြီးကျယ်တဲ့ စာရေးဆရာက ရေးခဲ့တဲ့စာပဲဖြစ်စေ စိတ်ဓာတ်ပျက်ပြားနေတဲ့လူမျိုးတမျိုးဟာ နားဝင်မှာ မဟုတ်ဘူး။ ခုလက်ရှိအခြေအနေမှာ ကျွန်တော်တို့ အင်္ဂလိပ်လူမျိုးဟာ လေးနက်တဲ့အတွေးအခေါ်ပါတဲ့စာတွေကို ဖတ်နိုင်မှာ မဟုတ်ဘူး။ လောဘတွေ၊ ဒေါသတွေ၊ မောဟတွေ ဖုံးနေတဲ့ အတွက် ဘယ်အတွေးအခေါ်ကိုမှလည်း လက်ခံနိုင်မှာ မဟုတ်ဘူး။ လူမျိုးတမျိုးဟာ စာပေကိုအထင်သေးနေရင်၊ သိပ္ပံပညာကို အထင်သေးနေရင်၊ အနုပညာကို အထင်သေးနေရင်၊ သဘာဝကို အထင်သေးနေရင်၊ မေတ္တာကရုဏာကို အထင်သေးနေရင်၊ ပိုက်ဆံနောက်ကိုသာ ငမ်းငမ်းတက်လိုက်နေရင် အဲဒီလူမျိုးဟာ ရေရှည်တည်တံ့နိုင်မှာ မဟုတ်ဘူး။ ကျွန်တော်ပြောခဲ့တဲ့စကားတွေဟာ ရင့်သီးတယ်လို့များထင်ကြရင် သည်းခံနားထောင်ကြပါ။ ရပ်စကင်းရဲ့ စကားပါ။ ဒါပါပဲ။ ကျေးဇူးတင်ပါတယ်။

(၁၉၉၄၊ ဒီဇင်ဘာ ၅ ရက်၊ ရန်ကုန်မြို့၊ ဝိုင်အမ်စီအေခန်းမတွင် ကျင်းပသော ဖြူးမြို့ မိတ်ဆွေများ စာကြည့်အသင်း စာပေဆုပေးပွဲအခန်းအနားတွင် ပြောသည့်စကား) မြသန်းတင့်ရဲ့ လမင်းကိုထရံပေါက်မှကြည့်ခြင်းစာအုပ် ၂ဝဝဝ ခု၊ ပထမနှိပ်ခြင်းမှ ကူးယူဖော်ပြပါတယ်။

ကူးယူလိုက်ခဲ့တဲ့လင့်ခ်ကို မသိမ်းလိုက်တာအတွက်တောင်းပန်ပါတယ်။

read more

(Popular Politics သို့မဟုတ် ကြိုက်လုံးပစ်နိုင်ငံရေး အလုပ်မဖြစ်) မျိုးမြင့်ချို

(Popular Politics သို့မဟုတ် ကြိုက်လုံးပစ်နိုင်ငံရေး အလုပ်မဖြစ်)
ကိုလိုနီခေတ်လည်လောက်ကစပြီး ဗမာပြည်သားတွေထဲ လောကဓာတ်ပညာတတ်တွေ တဖြည်းဖြည်း တိုးသထက်တိုးလာတယ်။ သူတို့ကို ကိုလိုနီယန္တယားကြီးကို ပြန်အလုပ်အကြွေးပြုဖို့ ဘယ်လိုပဲရည်ရွယ်ရည်ရွယ် အမျိုးဘာသာ သာသနာခေါင်းစည်းနဲ့ နယ်ချဲ့သမားကို စွမ်းသလောက်အန်တုအာခံခဲ့ကြတာလည်း အဲ့ဒီ ကိုလိုနီပညာတတ်တွေပဲ မဟုတ်လား။ ကိုလိုနီခေတ်နှောင်းကာလမှာ ကိုလိုနီစနစ်ကြီးကို ဒုက္ခပြန်ပေးနိုင်ခဲ့တာလည်း အဲ့ဒီကိုလိုနီပညာတတ်တွေပဲ မဟုတ်လား။ ကျွန်ပညာရေးနဲ့ အမျိုးသားပညာရေးကိုအစားထို့ဖို့ စွမ်းစွမ်းတမံ ကြိုးစား လုပ်ဆောင်ခဲ့ကြတာမှာလည်း သူတို့ပါခဲ့ကြတာမဟုတ်လား။ ဗမာ့လွတ်လပ်ရေးအတွက် အတွေးအခေါ်အရရော လက်တွေ့အရရော ဦးဆောင်သမှုပြုခဲ့တာလည်း အဲ့ဒီ ကိုလိုနီပညာတတ်တွေပဲ မဟုတ်လား။ အင်္ဂလိပ်ကိုပြန်ချဖို့ အင်္ဂလိပ်လိုတတ်မှဖြစ်မယ်၊ အင်္ဂလိပ်လိုပဲရှိတဲ့ လောကဓာတ်ပညာတွေတတ်ဖို့ အင်္ဂလိပ်စာကိုဆည်းပူးရမယ်၊ အင်္ဂလိပ်တွေတည်ထွင်ထားတဲ့ စက်မှုပညာတွေကို အင်္ဂလိပ်လိုလေ့လာမှ ဖြစ်မယ်လို့တွေးခဲ့ကြ လုပ်ခဲ့ကြသူတွေထဲမှာ ခေတ်မမီပါဘူးလို့ဆိုတဲ့၊ ပဒေသရာဇ်အတွေးအခေါ်ရှိတဲ့ မင်းညီမင်းသားတွေ အမှူးအမတ်တွေ အများကြီးရှိခဲ့ကြတာလည်း အထင်အရှားပဲ။

တပြိုင်တည်းမှာပဲ အင်္ဂလိပ်စာပေနဲ့ ဘာသာစကားဟာ မိစ္ဆာဒိဌိတွေ၊ ဘာသာခြား၊ လူမျိုးခြားတွေဟာမို့လို့ မဆည်းပူးမသင်ယူအပ်ဖူးလို့ တလွဲအတွေးအခေါ်နဲ့၊ ခေတ်နောက်ပြန်ဆွဲအယူအဆနဲ့ တိုင်းပြည်ပတ်ပြီး မှိုင်းတိုက်ခဲ့ကြသူတွေထဲမှာ ဘုန်းကြီးစာတတ်တွေနဲ့ လူပညာယှိ ဆိုသူတွေက ထိပ်ဆုံးကပါနေတာ သတိထားမိကြမှာပါပဲ။ ဒီနေရာမှာ ဘုန်းကြီးစာတတ်ဆိုတာ “ဘုန်းကြီးစာ“တတ်တဲ့ ရဟန်းတွေကို ပြောတာပါ။ လူပညာယှိဆိုတာက ဘုန်းကြီးစာသက်သက်လောက်တတ်ပြီး လောကဓာတ်ပညာနဲ့ကမ္ဘာ့အရေးအရာတွေ ခေတ်မီရေးအတွေး အခေါ်တွေဘာမှမရှိတဲ့ အသက်ကြီးကြီးလူတွေကိုပြောတာပါ။ အဲ့ဒီ “အင်္ဂလိပ်စာမသင်နဲ့” ဖြစ်ရခြင်းရဲ့အရင်းခံဟာ နယ်ချဲ့အင်္ဂလိပ်ကို မုန်းတီးလို့ဆိုတာတော့ လူတိုင်းလက်ခံပါတယ်။ ဒါပေမယ့် ခက်တာက အဲ့ဒီဘုန်းကြီးတွေနဲ့ အဲ့ဒီလူတွေဟာ နယ်ချဲ့အင်္ဂလိပ်ကို မုန်းတဲ့နေရာက ထပ်မတက်နိုင်တော့ဘူး။ အမုန်းတရားထက် ပိုမဟောတတ် မပြောတတ်ဘူး။ ဒီ့ထက်ပို မတွေးတတ်မခေါ်တတ်ကြတော့ဘူး။ အင်္ဂလိပ်ကို လူတွေမုန်းသွားအောင်ပဲ ပြောတတ်ဟောတတ်တယ်။ ဒီ့ထက်ပိုတဲ့ တွေးခေါ်မြော်မြင်နိုင်စွမ်း မရှိတတ်ကြဘူး။ ရှိတဲ့သူ တယောက်စနှစ်ယောက်စ တပါးစနှစ်ပါးစကြတော့လည်း လက်တွေ့နယ်ချဲ့တော်လှန်ရေးမှာ ဖက်ဆစ်တော်လှန်ရေးမှာ လိုက်ပါနိုင်စွမ်း မရှိကြဘူး။

ခုလည်း အဲ့လိုလူတွေနဲ့ဘုန်းကြီးတွေ တခေတ်ပြန်ထလာတာ တွေ့ရပါတယ်။ ထူးခြားတာက ကျောင်းမှာ ဘာသာရပ်တိုင်းကို ဗမာလို သင်သင့်တယ်ပြောတဲ့လူက ခေတ်ပညာ သာမန်လောက်တတ်သူတွေတင်မက ပါရဂူမြောက် ဘွဲ့ရထားသူလည်း ပါနေတာပါ။ ဘုန်းကြီးတချို့ ပါနေကတော့ ထားပါတော့။ နားလည်ပေးလို့ ရပါသေးတယ်။ သူ့ဟာသူ ဘုန်းကြီးစာနဲ့ ပါရဂူဘွဲ့ အခုတရာယူထားလည်း သူ့အသိဟာ ခေတ်မီ အတွေးအခေါ်နဲ့ လောကီအကျိုးသက်သက် ဆောင်ကျဉ်းလိုသူတွေလို သိတာမှမဟုတ်တာ။ ဘာလို့ ဒီလို ခေတ်နောက်ပြန်ဆွဲတဲ့ ပဒေသရာဇ်စော်ညှော်တဲ့ အညှော်တွေကို တိုင်းပြည်ကို အတူတူလာတိုက်နေကြသလဲကို နားလည်ယူရတာမှာလည်း လူနဲ့ဘုန်းကြီး ခွဲကြည့်မြင်ကြည့်လို့ရပါတယ်။

ဘာသာတရားဆိုတာ ပဒေသရာဇ်ခေတ်ရဲ့အတွေးအခေါ် မဟုတ်လား၊ ဘုန်းကြီးတွေဆိုတာက ယုံကြည်မှုအရ၊ ဘာသာဦးဆောင်မှုအရ ဒီပဒေသရာဇ်အတွေးအခေါ်ကို ဖြန့်ဖြူးပေးကြသူတွေ မဟုတ်လား။ သူတို့ထဲက ခေတ်မီရေးအတွေးအခေါ်ရှိတဲ့ ကိုယ်တော်တချို့မှတပါး အများစုခေါင်းထဲမှာ အတွေးထဲမှာ စိတ်ထဲမှာ ပဒေသရာဇ်အတွေးအခေါ်ပဲ လွှမ်းမိုးရမှာပေါ့။ ကြီးစိုးရမှာပေါ့။ လူကြတော့ ခေတ်ပညာလည်း တတ်ပါလျှက်နဲ့ ခေတ်နောက်ပြန်ဆွဲ အတွေးအခေါ်တင်လာကတည်းက သူ့မှာ တခုခု အကျိုးစီးပွားရှိနေလို့လား၊ အဲ့ဒီအကျိုးစီးပွားဟာ နိုင်ငံရေးအရလား၊ ပညာပြပြီး နေရာရချင်တာလား၊ ပဒေသရာဇ်အညှော်တိုက်နေတဲ့ဘုန်းကြီးတွေကို မျက်စပြစ်ပြပြီး အာစရိယဂုဏော လုပ်ရင်း အနန္တောအနန္တထဲက မထွက်ချင်တာလား စတာတွေကတော့ တွေးစရာတွေပါ။

ခုဖြစ်နေတာက မဘသ အမည်ခံပြီး အမုန်းမီးတွေမွှေး လူသတ်လုယက် အကြမ်းဖက်မှုတွေလုပ်တဲ့နေရာမှာ ကံ ၃ ပါးလုံးနဲ့ကျူးလွန်နေတဲ့ ဘုန်းကြီးဆိုးတွေနဲ့ ခုနပြောတဲ့ ခေတ်နာက်ပြန်ဆွဲဘွဲ့ရတွေ အယူအဆအရ တစိတ်တပိုင်းတော့ အဟပ်မိနေတာလည်း တွေ့ရတယ်။ လူအကောင်လိုက်ကြီးတွေ တွဲဖို့ပြင်တာတော့ ထင်ထင်ရှားရှား မတွေ့ရသေးဘူး။ အဲ့သလိုလုပ်နေကြရာမှာ Popular Politics ခေါ်တဲ့ “ကြိုက်လုံးပစ်နိုင်ငံရေး“ထဲက အာဏာရှိတဲ့ကောင်ပါ ပေါင်းမိသွားရင် တိုင်းပြည်ဟာ ခုထက်ပို ဗြောင်းဆန်မှာပဲ။ ခုထက်ပို ခေတ်နောက်ပြန် ဆွဲမှာပဲ။ ခုထက်ပို ကမ္ဘာ့အလည်မှာ မျက်နှာငယ်ရမှာပဲ။ ခုထက်ပို လူလုံးမလှဖြစ်ရမှာပဲ။ ခုထက်ပို လူတွေ ဆင်းရဲဒုက္ခရောက်ကြရမှာပါပဲ။ ခုလည်း ကမ္ဘာတလွှားမှာ အဲ့ဒီ Popular Politics ကိုင်ပြီး အာဏာထဲဝင်လာတာ အမေရိကန်သမ္မတက အစ ဘုစုခရုနိုင်ငံလေးတွေအဆုံးထိ မြင်ရပါတယ်။ အဲ့ဒီ ကြိုက်လုံးပစ်နိုင်ငံရေးနဲ့ အဲ့ဒီနိုင်ငံရေးသမားတွေကြောင့်ပဲ လူမျိုးရေး ဘာသာရေးမီးတွေ ဟုန်းဟုန်းတောက်နေကြတာပါ။

ကျနော်တို့အားလုံး အဲ့လိုတွေဖြစ်မလာအောင် ခေတ်ပညာတတ်တွေထဲကနဲ့ ဘုန်းကြီးတွေထဲက ခေတ်မီရေးအတွေးအခေါ်ရှိတဲ့၊ ခေတ်ကို ကမ္ဘာကြည့် ကြည့်မြင်နိုင်စွမ်းတဲ့ပုဂ္ဂိုလ်တွေ ဆထက်ထမ်းပိုးပေါ်ထွန်းလာအောင်နဲ့ ပေါ်ထွန်းလာတဲ့ပုဂ္ဂိုလ်တွေကို ချီးမြှင့်မြှောက်စားပြီး နေရာနဲ့လုပ်ပိုင်ခွင့်တွေ အပ်နှင်းနိုင်အောင် လုပ်ရမှာပါ။ အဲ့သလို လုပ်ဖို့ဆို အာဏာပိုင်တွေဟာ တနည်းပြောရရင် အစိုးရဟာ တကယ် “အစိုးရ“တဲ့သူဖြစ်ဖို့လိုရုံမက “လောကီဓမ္မသတ်အစိုးရ“ Secular Government ဖြစ်မှရပါလိမ့်မယ်။ ဖြစ်အောင်လည်း ဝိုင်းလုပ်ကြရမှာ ဖြစ်ပါတယ်။ ကျနော်တို့ဟာ လောကီဓမ္မသတ်နဲ့အုပ်ချုပ်တဲ့ တကယ်အစိုးရတဲ့ အစိုးရအစစ်မျိုးကို ကြိုက်လုံးပစ်နိုင်ငံရေးထဲမှာ ရှာလို့တော့ ရဖို့ ခဲယဉ်းနေဦးမှာပါပဲ။
(မှတ်ချက် Popular Politics ကို “ကြိုက်လုံးပစ်နိုင်ငံရေး“၊ Secular Government ကိုလည်း “လောကီဓမ္မသတ်အစိုးရ“ လို့ ထွင်သုံးကြည့်တာပါ။ ဘာသာပြန် ကိုက်တယ်လို့ထင်ရင် အကြိုက်လည်းညီတယ်ဆိုရင် ယူသုံးကြပါ)
မျိုးမြင့်ချို။ နိုဝင်ဘာ ၃ဝ။ ၂ဝ၁၈

read more

(ပြည်ဖျက်သူများ)မျိုးမြင့်ချို

(ပြည်ဖျက်သူများ)
ဘုန်းကြီးဆိုးဂိုဏ်းချုပ်က လူ့အန္ဓလက်မှတ် ၁,၃၃၅,၆ဝဝ ကိုင်ပြီး သိန်းစိန်+ရွှေမန်းတို့နဲ့ ပူးပေါင်းကြံစည်လိုက်တာ မျိုးစောင့်ဥပဒေဆိုပြီး ဘာသာအယူမတူသူတွေအပေါ် ပစ်မှတ်ထားဖိနှိပ်တဲ့ပြဌာန်းချက်ကြီး ထွက်လာပါတယ်။ ရည်ရွယ်ချက်ဆိုး သန္ဓေဆိုး ဉာဉ်ဆိုး အကျင့်ဆိုးတွေနဲ့ ဒါကြီးကို အကောင်အထည်ဖော်လိုက်တာ ကိုယ်ဖော်တဲ့ဆေး ကိုယ်ပြန်မစားနိုင်ဖြစ်သွားတယ်လို့ လုပ်ကြံဝန်ခံပြီးပြန်ရုပ်ဖို့ ထပ်ကြံစည်ရပြန်ပါတယ်။

ဗမာ့ဓလေ့ထုံးတမ်းမှာ တလင်တမယားပုံစံ အိမ်ထောင်ရေးဟာ အသားကျပြီးသားဖြစ်သလို အများလက်ခံကျင့်သုံးနေခဲ့တာဟာ အစူအစဉ်ဖြစ်ပါတယ်။ အစ္စလာမ်ဘာသာဝင်တွေဟာ ဇနီး ၄ ဦး ယူလို့ရတယ်ဆိုပေမယ့် တယောက်ထက်ပိုတဲ့ ဇနီးမယားထားတဲ့ ဗမာမွတ်စလင်မ်ဟာ လက်ချိုးရေလို့ ရလောက်အောင် ရှားပါတယ်။ ဘာသာကိုးကွယ်မှု မထွန်းကားသေးတဲ့ လူမျိုးစုဒေသတွေမှာ ဇနီးမယား တယောက်ထက်မက ယူကြတာဟာလည်း သူ့အရပ်နဲ့သူ့ဇာတ်မို့ အစဉ်အဆက်မှာ ဘာပြဿနာမှ မရှိခဲ့ဖူးပါဘူး။ ယောက်ျားသနာတွေထဲ ဇနီးမယားတယောက်မက ထားတတ်ကြတာဟာ လူမျိုးတွေ ဘာသာတွေနဲ့ တယ်ပြီးမပတ်သက်လှပါဘူး။

တလင်တမယားစနစ်ကိုအာမခံတဲ့ဥပဒေဟာ ကောင်းတယ်ဆိုးတယ်ပြောတာထက် အဲ့ဒီဥပဒေကို ဘယ်သူတွေက ဘယ်ပုံဘယ်နည်း ဘာတွေကိုပစ်မှတ်ထား ဘယ်သူတွေကို ရန်းငြှိုးဖော်ဖို့ကြိုးစား စတာတွေကိုပဲ ကောင်းတယ်ဆိုးတယ်ပြောတာက ပိုဆီလျော်တယ်လို့ထင်ပါတယ်။ ဘယ်ဥပဒေမျိုးပဲဖြစ်ဖြစ် စစဉ်းစားစဉ်ကတည်း နိုင်ငံတော်အာဏာ သက်ရောက်ရာအရပ်တွင် နေထိုင်ကြသူအားလုံးအပေါ် အညီအမျှကျရောက်ဖို့ ရည်ရွယ်ချက်မှန်မှန်နဲ့ ကောင်းကောင်းထားရပါမယ်။ ဘယ်သူ့မှ သာစေနာစေသဘော မပါစေရဘူး။ တခါ ဥပဒေကိုအတည်ပြုပြီး ပြဌာန်းပြီး အသက်ဝင်သွားတာ မှန်ပေမယ့် မပြီးသေးပါဘူး။ အဲ့ဒီ ဥပဒေအာဏာတည်အောင် လုပ်ရပါသေးတယ်။ ဒါမှ လူအားလုံးပေါ် အညီအမျှသက်ရောက်လာမှာ လိုက်နာလာမှာဖြစ်ပါတယ်။ အာဏာတည်အောင် လုပ်တဲ့နေရာမှာလည်း ဘယ်သူဘယ်ဝါ ဘာလူမျိုး ဘာ ဘာသာဆိုတဲ့အစွဲ လုံးဝကင်းစင်မှရပါတယ်။ ဥပဒေအရ အပြစ်ရှိတယ်လို့ အသတ်မှတ်ခံရသူမှာလည်း သူ့ရပိုင်ခွင့်နဲ့အခွင့်အရေးတွေရှိပါတယ်။ ဒါတွေကို မျက်ကွယ်ပြုလို့မရပါဘူး။

လူ့အခွင့်အရေးတွေ၊ လူ့လွတ်လပ်ခွင့်တွေ၊ တသီးပုဂ္ဂအခွင့်အရေးတွေ မိုးထိအောင်ပေးထားပါတယ်၊ လိင်မှုလွတ်လပ်ခွင့် အပြည့်ရှိပါတယ်ဆိုတဲ့ အမေရိကန်လိုပြည်မှာတောင် လူတယောက်ဟာ အိမ်ထောင်ဘက် ၂ ယောက်ကို တပြိုင်တည်း လက်ထပ်ထိမ်းမြားလို့ မရပါဘူး။ တလင်တမယားစနစ်ပါပဲ။ အိမ်ထောင်ရှိရက်နဲ့ ချစ်သူရည်းစားထားတာက ကိုယ့်ကိစ္စကိုယ်ရှင်းနိုင်ရင် ထားလို့ရပါတယ်။ မိန်းမထဲမှာရော ယောက်ျားထဲမှာပါ ထားသူတွေထားကြပါတယ်။ လင်ရှိလျှက် မယားရှိလျှက် ရည်းစားထားလို့ တဘက်ဘက်ကမကျေနပ်ရင် တရားဝင်ကွာရှင်းပြီးမှ အိမ်ထောင်နောက်တဆက် ထူထောင်ကြပါတယ်။ လင်ခိုးမှု မယားခိုးမှုဆိုတာ အမေရိကန်မှာ မရှိဘူး။

အသက်အရွယ်လည်းရောက်ပြီးသား၊ စိတ်အခြေအနေလည်းပုံမှန်ရှိ၊ ကိုယ်ပိုင်ဆုံးချက်ချနိုင်တဲ့ အနေအထားလည်းရှိတယ်ဆို လူဟာ ကိုယ့်ကာမ ကိုယ်ပိုင်တာတာပါပဲ။ ကိုယ့်ခန္ဓာ ကိုယ်ပိုင်တာပါပဲ။ ကာမပိုင်ဆိုပြီး ယောက်ျားနဲ့မိန်းမ အပြန်အလှန်ချုပ်ချယ်ဖိစီးတာကို လက်မခံပါဘူး။ ဘယ်သူ့ကာမမှ ဘယ်သူကမှ ပိုင်ခွင့်မရှိပါဘူး။ တခြားလူသားတယောက်ရဲ့ ကာမကို တခြားလူသားတယောက်က သွားပိုင်ချင်လို့ကိုမရဘူး။ ပိုင်ခွင်လည်း မပေးပါဘူး။ တပြိုင်တည်း ၂ ယောက် လက်ထပ်တာပေါ်လို့ကတော့ အရေးယူခံရပြီသာ မှတ်ပေတော့ပဲ။ အဲ့ဒီဥပဒေဟာ အမေရိကပြည်ထောင်စုမှာ နေထိုင်သူအားလုံးနဲ့ ဆိုင်ပါတယ်။ အားလုံးအပေါ် အညီအမျှသက်ရောက်ပါတယ်။ ကျောသားရင်သား မခွဲခြားပါဘူး။ ဘာသာ လူမျိုးဆိုတာတွေနဲ့မဆိုင်ပါဘူး။ တလင်တမယားအိမ်ထောင်ရေး ရိုးမြေကျ ရာသက်ပန် ပေါင်းသင်းနေထိုင်သွားသူတွေမှ တပုံကြီး။ အိမ်ထောင်ဟောင်းကျိုးပျက်ပြီး အိမ်ထောင်သစ် ထူထောင်ကြတာတွေလည်း အများကြီး။

ခုကျနော်တို့ ဒီမျိုးစောင့်ဥပဒေတွေထဲက တလင်တမယားဥပဒေကို ဆန့်ကျင်နေကြတာက (တစ်)ဘာသာအယူ လူမျိုးမတူသူတွေကို နှိပ်ကွပ်ဖို့ရည်ရွယ်ချက်သက်သက်နဲ့ ပြဌာန်းခဲ့တာဖြစ်လို့။ (နှစ်)ဘုန်းကြီးဆိုးဂိုဏ်းဝင်တွေ၊ လူ့အန္ဓတွေ၊ အရပ်သားအရေခြုံ စစ်အာဏာရှင်တွေ ပူးပေါင်းကြံစည်ပြီး အဓမ္မပြဌာန်းခဲ့တာဖြစ်လို့။ (သုံး)အမျိုးသမီးတွေကို အကာအကွယ်ပေးသယောင်နဲ့ တဘက်လှည့်နဲ့ ဖိနှိပ်နေတာဖြစ်လို့။ (လေး)လူတယောက်ရဲ့ခန္ဓာနဲ့ကာမကို ကာယကံရှင့်သဘောမပါပဲ အဓမ္မပိုင်ခိုင်းစေတာဖြစ်လို့။ (ငါး)မိန်းမယောက်ျား(လူသား)ရဲ့ ကိုယ်ပိုင်ဆုံးဖြတ်ခွင့်ရွေးချယ်ခွင့်နဲ့ လူ့အသိဉာဏ်၊ လူ့ဆင်ခြင်တုံတရားနဲ့အညီဆုံးဖြတ်လုပ်ကိုင်ခွင့်ကို လူအကြောင်းလူလောက်မသိ၊ လူလိုမသိ၊ လူလိုမတွေး၊ လူ့စကားမလည်သူတွေက ဝင်စွက်ဖက်ရုံမက ချုပ်ကိုင်ကန့်သတ်ဖို ကြံစည်တဲ့မသမာမှုဖြစ်နေလို့ စတာတွေကြောင့်ဖြစ်တယ်။

သီလ သမာဓိ ပညာနဲ့ပြည်စုံပြီး သိက္ခာပုဒ်တွေစောင့်ထိမ်းတဲ့ ရဟန်းကောင်းရဟန်းမြတ်များသာ သံဃာစင်ပေါ်မှာနေပြီး ယုံကြည်သူတို့ရဲ့အပူဇော်ကို ခံထိုက်ပါတယ်။ အလေးအမြတ် အထွဋ်တပ်ရာလည်း ဖြစ်ပါတယ်။ လောကီလောကုတ် နှစ်ဖြာကောင်းကျိုးအတွက် လောကသားတွေရဲ့ ဦးဆောင်ပုဂ္ဂိုလ်တွေဖြစ်လို့ ရတနာတပါးလို့ ကိုးကွယ်ကြတာလည်းဖြစ်ပါတယ်။

မိန်းမပေါင်ခြံကြားထဲအထိ ခေါင်းလျှိုဆင်းလာပြီး လူ့ရေးလူ့ရာကို ချီးမှန်း ငှက်ပျောမှန်းမသိပဲ အာဏာရှိသူနဲ့ပေါင်းပြီး ဝင်စွက်ဖက် ချုပ်ချယ်ကန့်သတ်တဲ့ ဦးပြည်းနဲ့သင်္ကန်းခြုံတွေကိုတော့ လူ့အခွင့်အရေး၊ နိုင်ငံသားအခွင့်အရေး၊ တသီးပုဂ္ဂလ အခွင့်အရေး၊ လူ့လွတ်ခွင့်စတာတွေ မြတ်နိုးသူမှန်သမျှ တညီတညွတ်တည်း ဆန့်ကျင်တိုက်ဖျက် ဖော်ထုတ်အရေးယူဖို့လိုပါတယ်။ သူတို့ဟာပြည်ကိုတင်မက မိန်းမတွေကိုပါ ဖျက်ဆီးနေကြတာတွေ့ရမှာပဲ။

ဒီ အဖျက်သမားဘုန်းကြီးယုတ်တွေကို ဗုဒ္ဓသာသနာထဲက ဖယ်ထုတ်ရှင်းလင်းပစ်ဖို့ လိုပါတယ်။
စစ်အာဏာရှင်စနစ်ဆိုးနဲ့တန်းတူထား ဆန့်ကျင်တိုက်ခိုက်ရမှာလည်းဖြစ်ပါတယ်။
မျိုးမြင့်ချို(နိုဝင်ဘာ ၂၉၊ ၂ဝ၁၈)

read more

လူထု ဒေါ်အမာ၏ဘဝနှင့် စာပေရက်စွဲများ

လူထု ဒေါ်အမာ၏ဘဝနှင့် စာပေရက်စွဲများ
 ၁ဝ၃နှစ်​​မြောက်​ အ​မေ လူထု​ဒေါ်အမာ​မွေး​နေ့ တောင်​​လေးလုံး​ကျောင်းတိုက်​ အမှတ်​တရ

၁၉၁၅ - မန္တလေးမြို့၊ ဂုန္ထာန်ရပ်၊ အဖ ဦးထင်၊ အမိ ဒေါ်စုတို့မှ နိုဝင်ဘာ ၂၉၊ တနင်္လာနေ့တွင် မွေးဖွားခဲ့၊ မွေးချင်း ၁၂ ယောက်ရှိပြီး စတုတ္ထသမီး။ အမည်ရင်း အမာ။
၁၉၂ဝ - ၂၃ - တရုတ်တန်း အမျိုးသမီးနေရှင်နယ်ကျောင်းတွင် ဒုတိယတန်းအထိ ပညာသင်ခဲ့။
၁၉၂၃ - ၃၁ - အမျိုးသမီးနေရှင်နယ်ကျောင်းပျက်၍ တတိယတန်းမှ နဝမတန်းအထိ ABM ကျောင်းတွင် ဆက်လက် ပညာသင်ခဲ့။
၁၉၃၁ - ၃၃ - မန္တလေး ဗဟိုအမျိုးသားကျောင်းမှ ဆယ်တန်းအောင်။
၁၉၃၃ - ၃၅ - မန္တလေး ဥပစာကောလိပ် ဓာတု၊ ရူပ၊ သင်္ချာဘာသာတွဲယူ။
၁၉၃၆ - ရန်ကုန်တက္ကသိုလ် ဘီအေအောက်တန်းတက်ရောက်ခဲ့။ အင်းလျားဆောင် သဟာယနှင့်စာဖတ်သင်း အတွင်းရေးမှူး၊ ဒုတိယကျောင်းသားသပိတ်ကြီးတွင် ပါဝင်။ အိုးဝေမဂ္ဂဇင်း၊ ကြီးပွားရေးမဂ္ဂဇင်း၊ ဘားမား ဂျာနယ်တို့တွင် ဝတ္ထု ဆောင်းပါးများရေး။ ကြီးပွားရေး ဦးလှနှင့် စတင်သိကျွမ်း။ ကြီးပွားရေးမဂ္ဂဇင်း၌ `ခင်လဝင်း´၊ `မြမဉ္ဖူ´ ကလောင်အမည်များနှင့် ရေးသားခဲ့။
၁၉၃၇ - ဘီအေ နောက်ဆုံးနှစ်စာမေးပွဲ ကျရှုံးပြီး ကျောင်းထွက်။ မန္တလေးမြို့တွင် မြန်မာစက္ကူဆိုင်ဖွင့်။
၁၉၃၈ - Maurice Collis ၏ Trials in Burma ကို ` မြန်မာပြည်တွင်စစ်ဆေးခဲ့သော အမှုအခင်းများ´ အမည်နှင့် မြန်မာပြန်၍ ထုတ်ဝေ။
၁၉၃၉ - ကြီးပွားရေးဦးလှနှင့် ၁၃ ရက် နိုဝင်ဘာတွင် လက်ထပ်။
၁၉၄ဝ - Maurice Collis ၏ Sandamala ကို `စန္ဒမာလာ´ အမည်နှင့် နှစ်တွဲခွဲမြန်မာပြန် ထုတ်ဝေ။
၁၉၄၂ - ၄၄ - ဒုတိယကမ္ဘာစစ်ကြီးအတွင်း `ကပိုင်ရွာ´သို့ ခေတ္တပြောင်းရွေ့နေထိုင်ပြီး စာအုပ်ထုတ်ဝေရေးလုပ်ငန်းများ ဆက်လက်လုပ်ကိုင်။
၁၉၄၅ - လူထုဂျာနယ်(ဇူလိုင်) ထုတ်ဝေသည့်အခါ လက်ထောက်အယ်ဒီတာ။ Ashihei Hino ၏ War and Soldier အပိုင်း(၄)မှ Wheat and Soldier ကို ဂျုံနှင့်စစ်သား အမည်ဖြင့်၊ Wanda Wasilewska ရဲ့ The Rainbow ကို နှစ်ပိုင်းခွဲကာ `သက်တန့်ရောင်´အမည်ဖြင့် မြန်မာပြန် ထုတ်ဝေ။
၁၉၄၆ - လူထု သတင်းစာ(၁၉၊ ဧပြီ) စတင်ထုတ်ဝေသည့်အခါ အယ်ဒီတာအဖွဲ့ဝင်။ `ဖခင်အောင်နိုင်´ကလောင်ခွဲဖြင့် `နိုင်ငံရေး ဆွေးနွေးခန်း´ ပင်တိုင်ဆောင်းပါးရှင်။
၁၉၄၇ - လူထုဦးလှနှင့်အတူ လွတ်လပ်ရေးအတွက် ဦးဆောင်နေသည့် ဖဆပလအဖွဲ့၏ အာဘော်နှင့်ထပ်တူ ရေးသားတိုက်ပွဲဝင်ခဲ့။
၁၉၄၉ - လူထုသတင်းစာနှင့် ကြီးပွားရေးပုံနှိပ်စက်များတည်ရှိရာ အဆောက်အဦကို ဒိုင်းနမိုက်နှင့် ဖောက်ခွဲခံရ။ Gunther Stein ရဲ့The Challenger of Red China ကို `ကွန်မြူနစ်တရုတ်ပြည် အင်အားပြိုင်ပွဲ´ အမည်ပေးကာ နှစ်ပိုင်းခွဲဘာသာပြန် ထုတ်ဝေ။
၁၉၅ဝ - (၂၄၊ ဧပြီ၊ ၁၉၄၉) တွင် ပိတ်ထားခံရသည့် လူထုသတင်းစာကို (၁၊ နိုဝင်ဘာ)တွင် ပြန်လည်ထုတ်ဝေ။ (မေ၊ ၁၉၄၆) တွင် ရပ်နားခဲ့သည့် လူထုဂျာနယ်ကို (၁၊ သြဂုတ်) တွင် ပြန်လည်ထုတ်ဝေ။ သမ္မတဟိုချီမင်း အတ္ထုပတ္တိစာအုပ် ပြုစုထုတ်ဝေ။
၁၉၅၃ - ၇၊ ဇွန်လတွင် ကမ္ဘာ့ဒီမိုကရက်တစ် အမျိုးသမီးညီလာခံ (ကိုပင်ဟေဂင် )၊ ၁၅၊ ဇွန်တွင် ကမ္ဘာ့ငြိမ်းချမ်းရေးညီလာခံ(ဟန်ဂေရီ၊ ဘူဒါပတ်)၊ ၂၅၊ ဇူလိုင်တွင် ဒုတိယအကြိမ် ကမ္ဘာ့လူငယ်နှင့်ကျောင်းသားပွဲတော်(ရူမေးနီးယား၊ ဘူခါရက်ခ်)တို့ကို တက်ရောက်။ Archie John Stone ၏ In the Name of Peace ကို `ငြိမ်းချမ်းရေးသို့´အမည်ပေးကာ ဘာသာပြန်ထုတ်ဝေ။ လူထုဦးလှ ပုဒ်မ ၅ နှင့် အဖမ်းခံရသဖြင့် လူထုသတင်းစာခေါင်းကြီးများအား တာဝန်ခံရေးသား။
၁၉၅၉ - ၁၂ ရက် မတ်လတွင် လူထုသတင်းစာ ချိတ်ပိတ်ခံရ။
၁၉၆ဝ - မေ ၁ဝ ရက်တွင် လူထုသတင်းစာ ပြန်ထွက်ရှိ။
၁၉၆၂ - ဖေဖော်ဝါရီ ၃ တွင် အေရိုဖလုတ်လေကြောင်းဖွင့်ပွဲတွင် သတင်းစာဆရာကိုယ်စားလှယ်အဖြစ် ဖိတ်ကြားခံရသဖြင့် မော်စကိုသို့ သွားရောက်ခဲ့။ အပြန်တွင် အရှေ့ဂျာမဏီ၊ ချက်ကိုစလိုဗက်ကီးယားနှင့် တရုတ်ပြည်သူ့သမ္မတနိုင်ငံများသို့ လှည့်လှည်။
၁၉၆၃ - ဥရောပခရီးများကို `ဆိုရှယ်လစ်တိုင်းပြည်များသို့´အမည်ဖြင့် စာအုပ်ပြုစုထုတ်ဝေ။ C.Wright Mills ၏ Listen Yankees ကို `အို ယန်းကီးတို့´၊ Anna Lewis Strong ၏ Cash and Violence in Laos ကို `ငွေနှင့် လက်နက်´ အမည်ပေးကာ ဘာသာပြန်ထုတ်ဝေ။
၁၉၆၄ - ပြည်သူချစ်သော အနုပညာသည်များ ပြုစုထုတ်ဝေ။ ထိုစာအုပ်ဖြင့် ၁၉၆၄ ခုနှစ် စာပေဗိမာန် `အနုပညာဆိုင်ရာစာပေ ပထမဆု ရရှိခဲ့။
၁၉၆၆ - Edgar Snow ရေးသားသည့် The other side of the River ကို `ဘဝချင်းမတူသည့် တရုတ်ပြည်´ အမည်ဖြင့်ဘာသာပြန် နှစ်တွဲခွဲ ထုတ်ဝေ။
၁၉၆၇ - ၇ ဇူလိုင် တွင် လူထုသတင်းစာ ရပ်စဲခံရ။ `အောင်ဗလ၊ ဖိုးစိန်၊ စိန်ကတုံး´စာအုပ် ရေးသားထုတ်ဝေ။
၁၉၆၉ - `ရွှေရိုးဘကလေး´ နှစ်တွဲခွဲထုတ်ဝေ။ ကာတွန်းဘကလေး ၏ `ရွှေတလေး ကာတွန်းများ´ကို ဖြည့်စွက်အမှာရေးသားထုတ်ဝေ။
၁၉၇ဝ - `ရွှေမန်းတင်မောင်´စာအုပ် ပြုစုထုတ်ဝေ။ မတ်လ ၃ ရက်တွင် ကျင်းပသော ကွန်သာယာ စာတမ်းဖတ်ပွဲတွင် `ဗမာ့ဖန်ကျီ လုပ်ငန်း´ စာတမ်းဖတ်။
၁၉၇၁ - မန္တလေး ဓမ္မဗိမာန်တွင် `ကနေ့ ဗမာ့သဘင်´ စာတမ်းဖတ်။
၁၉၇၂ - မန္တလေးနိုင်ငံတကာ စာအုပ်နှစ် စာတမ်းဖတ်ပွဲတွင် `ကမ္ဘာ့အကြီးဆုံးစာအုပ်´ စာတမ်းဖတ်။
၁၉၇၃ - `အငြိမ့်´ စာအုပ် နှစ်တွဲ ထုတ်ဝေ။ `ကမ္ဘာ့အကြီးဆုံးစာအုပ်´ ထုတ်ဝေ။
၁၉၇၄ - ` ကမ္ဘာ့အကြီးဆုံးစာအုပ်´ကို ဒေါက်တာသန်းထွန်းမှ ` The World Biggest Book´ အမည်ဖြင့် အင်္ဂလိပ်ဘာသာပြန်ဆို ထုတ်ဝေ။
၁၉၇၅ - `ရွှေဒေါင်းတောင်´ ဆောင်ပါးများစာအုပ် ထုတ်ဝေ။
၁၉၇၆ - `ဆရာကြီး သခင်ကိုယ်တော်မှိုင်း´ စာအုပ်ထုတ်ဝေ။ ၁၉၊ သြဂုတ် ဟံသာဝတီသတင်းစာ စနေစာဖတ်ဝိုင်း စာတမ်းဖတ်ပွဲတွင် `အတ္ထုပတ္တိစာပေ´ စာတမ်းဖတ်။
၁၉၇၈ - သြဂုတ်လ ၂၁ တွင် လူထုဦးလှ၊ သား ကိုငြိမ်းချမ်း (ညီပုလေး)တို့နှင့်အတူ ၁ နှစ် ၁ လ ၁ ရက် ကြာ အထိန်းသိမ်းခံရ။
၁၉၇၉ - သြဂုတ်လ ၂၂ တွင် အထိန်းသိမ်းခံရာမှပြန်လွတ်ပြီး Chester Ronning ၏ A Memoir of China in Revolution ကို ` တော်လှန်တဲ့ တရုတ်ပြည် ကျွန်တော်သိသမျှ´နှင့် ဘာသာပြန် ထုတ်ဝေ။
၁၉၈၂ -သြဂုတ်လ ၇ တွင် နှစ်ပေါင်း ၄၃ နှစ်ကြာ ပေါင်းသင်းလာခဲ့သည့် ခင်ပွန်းသည် လူထုဦးလှ ကွယ်လွန်။
၁၉၈၃ - `လူထု ချစ်သမျှ လူထုဦးလှ´ စာအုပ်ထွက်ရှိ။
၁၉၈၄ - မတ်လ ၄ ရက်တွင် မန္တလေးမီးကြီးအတွင်း ကြီးပွားရေးစာအုပ်တိုက်၊ ပုံနှိပ်တိုက်၊ စက္ကူသိုလှောင်ရုံ၊ စာအုပ်သိုလှောင်ရုံများ မီးလောင်ဆုံးရှုံး။
၁၉၈၅ - နိုဝင်ဘာ ၂၉ တွင် ကျရောက်သည့် အသက် ၇ဝ ပြည့်မှ စတင်ကာ အမရပူရ၊ တောင်လေးလုံးကျောင်းတွင် မွေးနေ့ပွဲများ နှစ်စဉ်ကျင်းပ။ `ချင်းတွင်းမှပင်လယ်သို့´ စာအုပ်ထုတ်ဝေ။
၁၉၈၉ - မေ ၂၇ တွင် ` ပြည်သူချစ်သောအနုပညာသည်များ´ စာအုပ်ငွေရတုပွဲအား တောင်လေးလုံးကျောင်းတွင် ကျင်းပ။ `မြန်မာ့ မဟာဂီတ´ ၊ `အာဖရိက ဝတ္ထုတိုများ´စာအုပ်များ ထုတ်ဝေခဲ့။
၁၉၉ဝ - လူထုဦးလှနှင့် ပူးတွဲရေးသားသည့် `ဆေးလိပ်နဲ့ လူသား´ စာအုပ်ထုတ်ဝေ။
၁၉၉၁ - ဓနမဂ္ဂဇင်းတွင်ရေးသားခဲ့သည့် ဆောင်းပါးများကိုစုစည်း၍ `မန္တလေးသူ မန္တလေးသားများ´ အမည်ဖြင့် စာအုပ်ထုတ်ဝေ။
၁၉၉၂ - ရနံ့သစ်မဂ္ဂဇင်းတွင် ´ ဇမ္ဗူဒီပါ အောင်ထွန်း´ ကလောင်ခွဲဖြင့် နိုင်ငံတကာဆောင်းပါးများ ရေးသားခဲ့။ `ထိုင်းဝတ္ထုတိုများ(၁)´ စာအုပ်ထုတ်ဝေ။
၁၉၉၃ - မဂ္ဂဇင်းများတွင်ရေးသားခဲ့သည့် မန္တလေးဆိုင်ရာဆောင်းပါးများကို စုပေါင်း၍ `ရတနာပုံ မန္တလေး၊ မန္တလေး၊ ကျွန်မတို့ မန္တလေး´ စာအုပ်ထုတ်ဝေ။ `ထိုင်းဝတ္ထုတိုများ(၂) စာအုပ်ထုတ်ဝေ။
၁၉၉၄ - `သာသနာ့တန်ဆောင် ဆရာတော်ကြီးများ´စာအုပ်ထုတ်ဝေ။ `ရွှေဒေါင်းတောင်ဆောင်းပါးများကို ဂျပန်ဘာသာနှင့်ပြန်ဆို ထုတ်ဝေ။ ပြန်ဆိုသူမှာ ဂျပန်အမျိုးသမီး Yasuko Dobashi (မြန်မာအမည် ဒေါ်ယဉ်ယဉ်မြ) ဖြစ်ပြီး ထုတ်ဝေသည့်စာအုပ်တိုက်မှာ Shinjuku Shobo Co,Ltd ၊ စာအုပ်တန်ဖိုး ယန်း ၂၇၁၈။ အသက် ၇၉ နှစ်ပြည့်မွေးနေ့ အမှတ်တရအဖြစ် `ကျွန်မတို့ငယ်ငယ်က´ ကိုယ်ရေးအတ္ထုပတ္တိစာအုပ်ကို ရေးသားထုတ်ဝေ။
၁၉၉၅ - မန္တလေးမြို့ ဗဟိုအမျိုးသားကျောင်း ကျောင်းသားဟောင်းများ ဦးစီးထုတ်ဝေသည့် ၇၅ ကြိမ်မြောက် အမျိုးသားနေ့စိန်ရတု အထိမ်းအမှတ်မဂ္ဂဇင်းတွင် တာဝန်ခံအယ်ဒီတာအဖြစ် ဆောင်ရွက်။ `ကမ္ဘာ့အကြီးဆုံးစာအုပ်´အား ၅ ကြိမ်မြောက် ထုတ်ဝေခဲ့။
၁၉၉၆ - ကမ္ဘာ့အကြီးဆုံး ကျောက်ဆင်းတုတော်´ စာအုပ်ပြုစုထုတ်ဝေခဲ့။
၁၉၉၇ - `မြန်မာ့ခေတ်သစ်ပန်းချီ´ စာအုပ်။ `တောင်လေးလုံးမှ နတ်ကျွန်းထိ´စာအုပ်များ ထုတ်ဝေခဲ့။ ဒီဇင်ဘာတွင် `ပြည်သူချစ်သော အနုပညာရှင်များ´ပဉ္စမအကြိမ်၊`အမေ့ရှေးစကား´ပထမတွဲ စာအုပ်များထုတ်ဝေခဲ့။
၁၉၉၈ - ` ၈၃ နှစ် ၈၃ ခွန်း´ လက်ကမ်းစာစောင် ပြုစုထုတ်ဝေ။ ၈၃ နှစ်ပြည့် မွေးနေ့ပွဲကို တောင်လေးလုံးကျောင်းတွင် ပြုလုပ်ခဲ့။ မန္တလေး ဗြဟ္မစိုရ်လူမှုကူညီရေးအသင်းကြီး၏ ဦးဆောင်နာယကအဖြစ် ဆောင်ရွက်။
၁၉၉၉ - ` တောင်အာရှ ပြတင်းပေါက်များ ဝတ္ထုတိုစု´ ။ `ကျွန်တော်တို့ မန္တလေးက မန္တလေးတောင်´စာအုပ်ထုတ်ဝေခဲ့။
၂ဝဝဝ - `အမေ့ရှေးစကား ဒုတိယတွဲ´ စာအုပ်ထုတ်ဝေခဲ့။
၂ဝဝ၁ - ` ငယ်ကကျွမ်းတဲ့ ခင်ပွန်းသည်သို့´ စာအုပ် ပြုစုထုတ်ဝေခဲ့။
၂ဝဝ၂ - ငွေနှင့်လက်နက် (ဒုတိယအကြိမ်)၊ ၊ ဆေးလိပ်နှင့်လူသား (လူထုဦးလှနှင့်) ဒုတိယအကြိမ်၊ `၁၂ ပွဲဈေးသည်နှင့် ကျွန်မတို့ အညာ´ စာအုပ်များ ထွက်ရှိခဲ့။
၂ဝဝ၃ - `မြန်မာပြည်တွင် စစ်ဆေးခဲ့သော အမှုအခင်းများ´(တတိယအကြိမ်)၊ `လွမ်းသူ့စာ´စာအုပ်များ ထွက်ရှိ။
၂ဝဝ၄ `ချင်းတွင်းမှပင်လယ်သို့´ (ဒုတိယအကြိမ်)၊ ` သက်တန့်ရောင်´(ဒုတိယအကြိမ်)၊ `မြန်မာ့ မဟာဂီတ´(ဒုတိယအကြိမ်)၊ `စာအုပ်ဆိုင်က လူဝင်လူထွက် အတွေးအမြင်ဆောင်းပါးများ ထွက်ရှိ။
၂ဝဝ၅ - နိုဝင်ဘာ ၂၉ တွင် အသက် ၉ဝ ပြည့်မွေးနေ့ပွဲအား တောင်လေးလုံးကျောင်းတွင် ကျင်းပ( တောင်လေးလုံးကျောင်းတွင် နောက်ဆုံး ကျင်းပသော မွေးနေ့ပွဲလည်း ဖြစ်သည်)။ အငြိမ့် နှစ်တွဲပေါင်း ဒုတိယအကြိမ် ထွက်ရှိ။
၂ဝဝ၆ - ဧပြီတွင် မြမဉ္ဖူ ဝတ္ထုတိုများ ထုတ်ဝေ။ နိုဝင်ဘာ ၂၉ အသက် ၉၁ နှစ်ပြည့်မွေးနေ့ပွဲအား သမီးကြီး ဒေါ်သန်းရင်မာ နေအိမ်တွင် ကျင်းပ။
၂ဝဝ၇ - နိုဝင်ဘာ ၂၉ အသက် (၉၂)နှစ်ပြည့်မွေးနေ့ပွဲအား အမရပူရမြို့ မဟာဂန္ဓာရုံကျောင်းတိုက်တွင် သံဃာအပါး ၁ဝဝဝ ကျော်အား ကိုယ်တိုင် ဆွမ်းကပ်လှူဒါန်း။ အမေ့ရှေးစကား တတိယတွဲအား ထုတ်ဝေ။
၂ဝဝ၈ - ဧပြီ ၇ ရက်နေ့ မနက် ၈ နာရီ ၃၇ မိနစ်တွင် ကွယ်လွန်။

(ပိတောက်ပွင့်သစ်မဂ္ဂဇင်း၊ ၂ဝဝ၉ နိုဝင်ဘာလထုတ်မှ ကူးယူဖော်ပြသည်)
#ခရက်ဒစ်-copy-မင်းနဒီခ ထံမှ

https://www.facebook.com/maung.nioo/posts/2369241833104448

read more

(သမန်းဆိတ်နဲ့ဟစ်ပီအိုစုံတွဲ)မျိုးမြင့်ချို

(သမန်းဆိတ်နဲ့ဟစ်ပီအိုစုံတွဲ)

သမန်းဆိတ်မောင်နှမ

အဲ့ဒါ ပင်န်ဆယ်လ်ဗေးနီးယားတောနယ်က ဟစ်ပီဟောင်းလင်မယားမွေးထားတဲ့ ဆိတ်တွေထဲက တစုံတွဲ။ အဲ့လို ဆိတ်တွေ၊ သိုးတွေ၊ မြင်းတွေ၊ နို့စားနွားမတွေ၊ ကြက်တွေ၊ ဘဲတွေ၊ ကြက်ဆင်တွေ အကောင်ဗလောင်စုံအောင် မွေးထားတယ်။ သိတ်အများကြီးတော့ မဟုတ်ဘူး။ ခြံကလည်း ဧက ၇ဝ လောက်ကျယ်တယ်။ ပြောင်းချိန်ပြောင်း၊ ပဲပ်စပ်ချိန်ပဲပိစပ်၊ ပန်းနှမ်းချိန်ပန်းနှမ်း၊ ဆီထုတ်မုန်ညင်းချိန်မုန်ညင်း ရာသီအလိုက် စိုက်တယ်။ အဲ့ဒါတွေရိပ်သိမ်းတော့ လယ်ထွန်စက်လိုဟာနဲ့ တွဲပြီးဆင်ထားတဲ့ ရိပ်စက်နဲ့ရိပ်တယ်။ အခွံချွတ်တာ ခွာတာ လှေ့တာ ဘာတာတွေလည်း စက်နဲ့လုပ်တယ်။ အချိန်တန်ရင် ကုမ္ပဏီတွေက ခြံအထိလာဝယ်တယ်။

Sweet Corn တွေပြုပ်စားတယ်၊ Pop Corn တွေ ပေါက်ပေါက်ဖောက်တယ်၊ ပြောင်းမှုန့်ကိုအိမ်မှာတင် ကြိတ်တယ်။ ကျနော့်ကို ပြောင်းကိတ် ချက်ခြင်းဖုတ်ကျွေးတာ မွှေးနေတာပဲ။ ယာတွေထွန်ယက်တာကို ခိုင်းမြင်းကြီးတွေနဲ့ထွန်တယ်။ ဟိုနားဒီနားသွားရင် ဆွဲမြင်းလှည်းလေးတွေနဲ့ သွားတယ်။ ညနေစောင်းတိုင်း လင်မယား ၂ ယောက် စီးမြင်းတွေစီးပြီး ခွေးတအုပ်နဲ့ ၁ဝ မိုင်လောက် တောင်ဆင်းတောင်တက် လမ်းသလားတယ်။

အကျည်းတန်လှချိန်ရောက်တာနဲ့ ရေမိုးချိုးပြီး ကြမ်းပြင်ပေါ် တူရကီကော်ဇောကြီးခင်း၊ ဧရာမကြေးဝါခွက်ကြီးတွေထဲ မလိုင်တက်ပြီး ပျစ်နှစ်နေအောင် ကျိုထားတဲ့ဆိတ်နို့ကို ကြံသကာသကြား ခပ်ပြီးချတယ်၊ ပြီးရင် ဆေးခြောက်ပြောင်းကြီးတွေထဲ ဆေးခြောက်တွေသိပ် မီးကျီးခဲလေးတွေ တင်တင်ပြီး အဆုပ်ပေါက်ထွက်မတတ် ရှူတယ်၊ ၂ ပြောင်းလောက်စီ ရှူပြီးတော့ နှုတ်ခမ်းတွေမှာ မလိုင်နှစ်တွေကပ်တဲ့အထိ ဆိတ်နို့တွေကို တဂွပ်ဂွပ်သောက်တယ်။ ဂစ်တာတီးတယ်၊ မိန်းမက စည်းလိုဟာလေးနဲ့လိုက်ပေးတယ်၊ သီးချင်းဆိုလိုက် ဆေးခြောက် ပြောင်းကို တယောက်တလှည့် ဆေးဖြည့်ပေးလိုက် မီးတင်ပေးလိုက် ပါးစပ်တေ့ပေးလိုက်၊ တခါတလေ အိမ်လုပ် မုန့်အချိုလေးတွေမြုံ့လိုက်၊ ခွေးကြီးတွေကတော့ စားသောက်ပြီး ဘေးနားမှာထိုင်နေကြတယ်။ တခါတလေ ဂစ်တာသံအလိုက် လိုက်ပြီးအူတယ်။ အိမ်ထဲလွှတ် မွေးထားတဲ့ ဘာငှက်မှန်းမသိတဲ့ငှက်တွေကလည်း တဝုံးဝုံးနဲ့ တအိမ်လုံး လျှောက်ပျံနေတာ။

အသား ငါး လုံးဝမစားဘူး။ နွားနို့ ဆိတ်နို့ကိုလက်နဲ့ညှစ်တယ်၊ ကျိုသောက်တယ်၊ မလိုင်လုပ်တယ်၊ ချီးစ်လုပ်တယ်။ ဆိတ်နို့ချီးစ်က ဘယ်ချီးစ်နဲ့မှ မတူအောင် စိမ့်တယ်။ အိမ်မှာ ဆန်ကြိတ်စက်အသေးစားလေး ထားတယ်။ ထမင်းစားတာ များတယ်။ ဟင်းကတော့ အိန္ဒိယဆန်တဲ့ဟင်းတွေ များတယ်။ ကျနော်လည်း သူတို့နဲ့ရောပြီး တညနေသား ဆေးခြာက် ၂ ပြောင်းလောက် လိုက်ရှူတယ်။ ပြီးတော့ ထမင်းနဲ့ဟင်းနဲ့ အာလူးပြုပ်တွေနဲ့ ပဲသီးစိမ်းကြော်တွေနဲ့ စားကြတယ်။ ပဲဟင်းလို ဟင်းရည်တမျိုးလည်းပါတယ်။

၂ ယောက်လုံးက ဂျာမန်တွေ၊ မျက်လုံးပြာတွေ။ ယောက်ျားဆံပင်က ခါးလည်တောင်ကျော်မယ်။ ထိပ်တော့ နည်းနည်းပြောင်နေပြီ။ မိန်းမကတော့ ဆံပင်တိုနဲ့။ ၂ ယောက်လုံးမှာ တူတာက တက်တူးတွေပြည့်နေတာနဲ့ မျက်နှာကရှိသမျှနေရာတွေမှာ အပေါက်တွေဖောက် ကွင်းတွေတပ် အစို့တွေထိုးထားကြတာပဲ။ Woodstock ဂီတပွဲအကြောင်း၊ Rights movements တွေအကြောင်း၊ ၁၉၆ဝ ပြည့်နှစ်များဆီက အမေရိကန် Life Style အကြောင်း၊ လူငယ်တွေအကြောင်းပြောရင်း ယောက်ျားက သူ ကောင်မလေး ဘယ်နှယောက်နဲ့ တွဲခဲ့ကြောင်း အတူနေခဲ့ကြောင်းပြောတော့ မိန်းမက ပြုံးပြီး “တို့ လက်မထပ်က ငါ့မယ် ရည်းစား ၃ ယောက်နဲ့ မနိုင်နင်းပေါ့။ သူက အဲ့ထဲကတယောက်။ သူက ငါ့ကို လက်ထပ်ပါရစေဆိုတော့ ဟို ၂ ယောက်လည်း တခြားအတွဲရှာသွားတယ်။ ခုတော့ သူတို့လည်း သားတွေသမီးတွေနဲ့၊ တို့သာ ကလေးမရတာလို့ပြောတော့ သူယောက်ျားက ဆေးခြောက်နဲ့ရီဝေမှေးစင်းနေတဲ့မျက်လုံးအစုံမှာ ချစ်စိတ်တရွှမ်းရွှမ်းနဲ့ ငေးမောနားထောင်ရင်း “အင်းနော်“တဲ့။
(၂ဝ၁၄ မှာ သူတို့ဆီသွားလည်ခဲ့တယ်။ ၅ ညလောက် အိပ်ခဲ့တယ်။ အရင်ရေးထားကို ဖတ်ချင်ရင်က အောက်မှာပါပါတယ်။ ခုပြန်အောက်မေ့ပြီး ပြန်မှတ်မိတာလေးတွေ ထပ်ဖြည့်ရေးတာပါ) မျိုးမြင့်ချို နိုဝင်ဘာ ၂၉၊ ၂ဝ၁၈

(သမန်းဆိတ်)
ခင်ဗျားတို့ “သမန်းကျား” ကြားဖူးတယ်ဟုတ်။ တွေ့တော့ မတွေ့ဖူးဘူးမဟုတ်လား။ ကျနော်လည်း မတွေ့ဖူးပါ။ သမန်းကျားနဲ့ပတ်သက်ပြီး ပထမဆုံးကြားဖူးတာက အိမ်ပြေးရင်း မျက်လှည့်ဆရာနောက်လိုက် ဘင်ထုလူစု ဘဝတုန်းကပါ။ ကျနော့်ဆရာ မျက်လှည့်သမားက တခါတလေ အတည်ပေါက်နဲ့ လူတွေကို ငေါက်လားငန်းလားလေသံနဲ့ “ယောနယ် ဆောနယ် ဂန့်ဂေါနယ်မှာ ဘာဖြစ်တယ် ညာဖြစ်တယ်တွေ လျှောက်လျှက်ပြောရင်း သမန်းမြစ်ကိုကိုက် နောက်ဂျွမ်းပစ် ကျားဖြစ်”ဘာညာတွေလည်း ပါတာပေါ့။ သူလည်း အဲ့ဒီသမန်းကျားကို တွေ့ဖူးတာတော့ မဟုတ်ပါဘူး။ ရုပ်ရှင်လူကြမ်းမင်းသား သမန်းကျားကိုမြင့်တော့ လူချင်းမသိတောင် ကြားတော့ကြားဖူးကြမှာပါ။ 

ဒီ အနောက်ဘက်နဲ့ ဥရောပဘက်မတော့ သမန်းဝံပုလွေဆိုတာရှိတယ်ဗျ။ ဘယ်သူမှတော့ တွေ့ဖူးတယ်မကြားမိပါဘူး။ ကျနော် တခေါက် ပင်န်ဆယ်လ်ဗေးနီးယားဘက်က တောင်တန်းကြီးတွေကြား လူသူအရောက်အပေါက်နည်းတဲ့၊ လွန်ခဲ့တဲ့ နှစ် ၂ဝဝ လောက်က အမေရိကန် လူဖြူတွေ နေနည်းကားအတိုင်း နေထိုင်စားသောက် မွေးမြူရေးလုပ်ကြတဲ့ နေရာတွေဘက်ရောက်ခဲ့တယ်။ နေကြတာကလည်း တအိမ့်တအိမ် တခြံ့တခြံက မိုင်နဲ့ချီဝေးတာ၊ ဟိုင်းဝေးတွေနဲ့လည်းဝေးတော့ တိတ်ဆိတ်ပြီ နေလို့ကောင်းတယ်။ မိုးလင်းမိုးချုပ် သဘာဝ အသံတွေပဲကြားနေရတာ။ ကျနော်က ၅ ရက်လောက်ကြာတယ် အဲ့ဒီမှာနေခဲ့တာ။ ခန မို့လို့လားမသိဘူး ပျော်စရာကောင်းတယ်။ 

ကျနော်တည်းတဲ့အိမ်က လင်မယားက ဟစ်ပီဟောင်းတွေပါ။ ပညာတတ်တွေပါ။ တကိုယ်လုံး တက်တူးတွေနဲ့။ အသက်တွေက ၆ဝ ဝန်းကျင်တွေ။ ဥစား နို့သောက် အသားမစားတဲ့ အိုဗိုလက်တို ဗက်ဂျီတေယီယန်းတွေ။ အရက်မသောက်ပေမယ့် ညနေစောင်း ခြံထဲက ပြန်တက် ရေမိုးချိုးပြီးတာနဲ့ မလိုင်တက်ပြီး ပျစ်နေအောင်ကျိုထားတဲ့ ဆိတ်နို့ခွက်ကြီးဘေးချ၊ မုန့်အချိုတွေ ပန်းကန်ပြားကြီးထဲထည့်၊ ၆ဝ-၇ဝ ကာလများဆီက ခေတ်စားတဲ့သီချင်းတွေကို ဂစ်တာနဲ့တီးဆိုလိုက် ဆေးခြောက်လေးရှူလိုက် နှုတ်ခမ်းတဝိုက် မလိုင်ဖတ်တွေကပ်တဲ့အထိ ဆိတ်နို့တွေသောက်လိုက် မလိုင်မုန့်ချိုတွေမြည်းလိုက်နဲ့  (၂)နာရီစာလောက် ထမင်းမေ့ဟင်းမေ့ လောကမေ့နေတော့တာပဲ။ တအိမ်လုံး ဆေးခြောက်နံ့တွေလှိုင်လို့၊ မျက်လုံးတွေလည်း ရီဝေလို့၊ ဂီတသံရယ်မောသံနဲ့ အေးအေးချမ်းချမ်းမို့ ကြည်နူးစရာပါ။ ပူတဲ့ရာသီတွေဆို ကိုယ်တုံးလုံးနီးပါး နေကြသတဲ့။ ကျနော်ရောက်ချိန်က အေးနေလို့တော်သေးတယ်။ ဆေးဝါးဆိုလည်း ဗိန္ဓောဆေးတွေပဲ ကိုယ်တိုင်ဖော်စပ် သုံးကြတယ်။ 

ဆိတ်တွေသိုးတွေလည်း မွေးကြတယ်။ လိမ်မာလွန် သိုးကျောင်းခွေးကြီးတွေလည်း မွေးထားကြတယ်။ ဆိတ်နို့ကလုပ်တဲ့ Goat Cheese နဲ့ လက်လုပ်ဂျုံနဲ့ အိမ်ဖုတ် ခရမ်းချဉ်သီးကြက်သွန်နီကပ် ပေါင်မုန့်ကြီးတွေအပါအဝင် ဓာတုဆေးဝါးအပြုအပြင်မပါတဲ့ အစားတွေ အတူထိုင်စား ကြတာလည်း အရသာတမျိုးပါ။ ညဆို အိမ်လှော်ထောင်း ကော်ဖီခွက်ကိုယ်စီနဲ့ ထင်းတုံးရှိူ့မီးလင်းဖိုကြီးရှေ့မှာ။ တခါတလေ ဧည့်သည်တွေလည်း ပါတတ်တယ်။ 

တည စကားပြောကြရင်း သမန်းဝံပုလွေအကြောင်း စကားစပ်မိကြတယ်။ အိမ်ရှင်က သမန်းဝံပုလွေ တကယ်ရှိရှိတယ်လို့ သူထင်တဲ့ အကြောင်း စကားခံပြီး “လွန်ခဲ့တဲ့ ၆ နှစ်လောက်က သူ့သိုးတွေ မကြာမကြာ တောကောင်အကိုက်ခံရကြောင်း တကောင်မှတော့ ပါမသွားဖူးကြောင်း၊ ကုတ်ရာခြစ်ရာတွေနဲ့ ဒဏ်ရာတွေဘာတွေရတာမျိုး မျက်လုံးထွက်သွားတာမျိုး ပေါင်လိုနေရာက အသားတွေ အကွင်းလိုက်ကြီး ပဲ့ပါသွားတာမျိုးတွေလောက်ပဲရှိကြောင်း၊ စွပ်ကြောင်းနဲ့ ခြေရာနဲ့ချေးကိုကြည့်တော့ ဝံပုလွေလို့သူထင်ကြောင်း။ ဒါပေမယ့် ဝံပုလွေဆိုလည်း အုပ်နဲ့နေရမှာဖြစ်ကြောင်း၊ အနည်းဆုံး ၂ ကောင်တော့ နေရမှာဖြစ်ကြောင်း။ ခုက လာလာဆွဲတိုင်း တကောင်စာခြေရာပဲ တွေ့ကြောင်း။ လာတတ်တဲ့လမ်းကြောင်းမှာ လင့်ထိုးပြီး ညလုံးပေါက် သေနတ်ကိုင်ထိုင်စောင့်လည်း တခါမှမမိကြောင်း။ သိုးတွေကတော့ ပုံမှန်လိုလို အကိုက်ခံနေရကြောင်း၊ သူ့မှာ ဒီလောက်ကောင်းတဲ့ သိုးထိန်းခွေးတွေရှိတဲ့ကြားက အဲ့သလိုဖြစ်တာဆိုတော့ သူလည်း ဖီလင်ငုတ် ကြောင်း၊ သူများပြောလို့ ခြေသလုံးအိမ်တိုင် ပယောဂဆရာခေါ်ပြီး မန်းခိုင်းမှုတ်ခိုင်းလည်း မပျောက်ကြောင်း။ ဒါပေမယ့် နောက်တော့ ဘယ်ကဘယ်လို ဖြစ်တယ်မသိ ပျောက်သွားတော့ကြောင်း စတာတွေ တနံတလျားပြောပြတယ်။ 

မနက်ကျရင် အဲ့တုန်းက သမန်းဝံပုလွေအကိုက်ခံရပြီး စိတ်ဖေါက်ပြန်သွားတဲ့ ဆိတ်သိုးကြီးကို ပြမယ်လို့ပြောပြီး စကားဝိုင်း လက်စသတ်ဖို့ လုပ်နေတုန်း ကျနော်က “ဆိတ်က ဘယ်လို စိတ်ဖေါက်ပြန်သွားတာလဲ”ဆိုတော့ “အဲ့ဒီကစပြီး ဘယ်ဆိတ်မနဲ့မှ မိတ်လည်း မလိုက်တော့ဘူး။ အရောတဝင်လည်း မနေတော့ဘူး။ ဆိတ်မတွေ သားတောင်းလို့ သူ့နားလာကပ်ရင် စိတ်တွေတိုပြီး လိုက်ခွေ့ရင်ခွေ့ မခွေ့ရင် ဆိတ်မတွေ သားတောင်းသလို သူလည်းသားတောင်းတဲ့အသံနဲ့အော်ပြီး ဆိတ်မတွေဆီ အတင်းပြေးတော့တာပဲ။ ဆိတ်မတွေကလည်း သူ့ကြည့်ပြီးလန့်နဲ့။ တခြံလုံးဝုန်းဒိုင်းကြဲပဲ။ နောက်ဆုံး တခြားဆိတ်သိုးတစ်ကောင် ထပ်ဝယ်ပြီး ဆိတ်မတွေနဲ့ထား၊ သူ့ကိုတော့ တစ်ကောင်တည်းသတ်သတ် ခွဲထားလိုက်ရတာပေါ့ကွာ။ ဒါပေမယ့် အဖော်မရှိတော့ သူ့ခမျာ သနားစရာကွာ။ အချိန်ရှိသမျှ အော်ချည်းနေတော့တာပဲ။ တခါတလေ အော်ရင်း အသံတွေပြာ မျက်ရည်တွေ နှာရည်တွေပါကျနဲ့ကွာ သနားစရာပဲ။ လူလိုပဲ။ ဒါနဲ့ တို့လည်း သူနဲ့မွေးဘက် သူ့ညီမအရင်း ဆိတ်မလေးနဲ့ အတူထားပေးလိုက်တော့မှ ငြိမ်သွားတော့တာ။ မိတ်တော့ မလိုက်တော့ဘူး။ ဟိုကောင်မလေးလည်း သားတောင်းချိန်က ခြံကျယ်ထဲက ဆိတ်သိုးအသစ်နဲ့ သား သွားစပ်၊ ပြီးရင် သူနဲ့ပြန်ထား၊ သူနဲ့နေရင်း ဇီးရင့်ကလေးမွေးပေါ့ကွာ။ သူ့ညီမမွေးသမျှ ကလေးတွေတော့ သူအတော်ချစ်ပုံပဲ။ ပုံမှန်ဆို ဒီ ဆိတ်အမျိုးအစား ဆိတ်သိုးဆိုတာက သူ့သားအရင်းဖြစ်ပေ့စေ ဆိတ်ထီးလေးတွေဆိုရင် မွေးကင်းစတောင် ရန်ရှာတတ် ရန်လိုတတ်တယ်ကွ။ ခုတော့ သူက သူ့တူတွေ တူမတွေနဲ့ လုံးထွေးနေတာကွ။ တခါတလေများ လျှက်တောင် ပေးလိုက်သေးတယ်” လို့ပြောပြီး စကားဝိုင်းသိမ်းတယ်။

မနက်ကြတော့ သမန်းဝံပုလွေအကိုက်ခံ ဆိတ်သိုးကြီးနဲ့ သူ့နှမလေးကို သွားကြည့်ကြတယ်။ ခု ခင်ဗျားမြင်တာ သူပဲ။ သူ့ကြည့်ရင်း လိင်အင်္ဂါနဲ့လိင်စိတ်ပြောင်းမှုတွေအကြောင်းတောင် တွေးမိသေးတယ်။ ကျနော်ကတော့ သူ့ကို သမန်းဆိတ်လို့ နံမည်ပေးရင်ကောင်းမလား တွေးမိတာပါပဲ။
မျိုးမြင့်ချို(နိုဝင်ဘာ ၂၉၊ ၂ဝ၁၄)

read more

(ပြည်သူ့ပါတီ ဈေးကွက်တင်ပြီ)မျိုးမြင့်ချို

(ပြည်သူ့ပါတီ ဈေးကွက်တင်ပြီ)
ကိုကိုကြီး ပြည်သူ့ပါတီ (PP) အဝယ်လိုက်မယ့်သဘောရှိတယ်၊ အရောင်းသွက် ၁ဝ ထဲပါနိုင်တယ်၊ ဝယ်မယ့်သူတွေ၊ ဝယ်ရောင်းလုပ်မယ့်သူတွေကို ဈေးခေါ်ဖို့၊ ငွေအိပ်ဖွင့်ဖို့ အမျိုးသားရေးအမြည်းလေး ဟင်္သတကနေ စပေးပါပြီ၊ လက်ကြီးသမားတွေကတော့ ပုံအောပြီးလောင်းမယ့်လက္ခဏာ သိတ်မမြင်ဘူး။ လောလောဆယ်မှာ သေချာပေါက် ပေါက်ကောင်ကြီးက ရှိနေတုန်းဆိုတော့ "ရံ"ထားတဲ့သဘော "ကာ"ထားတဲ့သဘောတော့ ချထိုးထားကြမယ်ထင်ပါတယ်။ မဟန်တော့လည်း အရှူံးနည်းတာပေါ့။ အလျော်ရတော့လည်း မဆိုးဘူးပေါ့။

လစ်ဘရယ်လ်ဒီမိုကရေစီမှာ နိုင်ငံရေးသမားဆိုတာ "ပြည်သူ" အမည်ပေါက်နဲ့ဆိုင်ဖွင့်ပြီး ကိုယ့်ကိုယ်ကိုယ် ထုတ်ရောင်းရတာချင်းအတူတူ အစွံထုတ်နိုင်တဲ့လူ ဈေးဖွင့်စကားပြောတာပဲ၊ ၈၈ ငြိမ်းပွင့်နံမည်နဲ့ ဈေးခေါ်တုန်းက ဝယ်လက် အတော်များခဲ့တယ်၊ လက်မလည်အောင် ရောင်းရတယ်၊ မြိုးမြိုးမြက်မြက်လေး အိတ်ထဲဝင်တော့ စောင်မန်တွေ ဇောင်းထလွန်းပြီး ၈၈ တမျိုးဆက်လုံးရဲ့ချဉ်ဖတ် ဖြစ်သွားတယ်၊ ခု ငြိမ်းပွင့်က ဈေးပေါင်ကျိုးပြီ၊ တကောင်တကျပ်ကနေ တကျပ်ဖိုး ၃ ကောင်နဲ့ ချရောင်းတောင် ဝယ်သူ "အင်"သွားပြီ၊ ဝန်ဆောင်မှုဆိုတာ Lip Service မှ မဟုတ်တာ။

PP ကြည့်ရတာ မဟာမိတ်ဆက်ဆံရေးခေါင်းစဉ်အောက်နေ မဘသခေါ်တဲ့ဘုန်းကြီးဆိုးတွေ၊ အမျိုးသားရေးပါတီဆိုတဲ့စစ်ဗိုလ်ဆိုးတွေ၊ ရဋ္ဌပါလခေါ်တဲ့ဖွံ့မြီးဆွဲတွေနဲ့ လုံးလားထွေးလားတော့ တွေ့ရမယ်ထင်တယ်၊ ကြံ့ဖွံ့ကို သွားပလူးရင် နားကားသွားမယ်မှန်းတော့ PP လည်း တွက်မိမယ်ထင်တယ်။ NLD ကို မေမေ့ဆန္ဒနဲ့အညီပါလို့ လှမ်းမြှုတာတောင် မေမေ့သားတွေက ကြိုကန်နေကြပြီ၊ မေမေ့သားတွေက စိုးစရာရှားလို့ မဲကွဲမှာတောင် စိုးသတဲ့။ တခြား ခေတ်ပြိုင်ပါတီတွေလည်း PP ကို ဘယ်လိုဆက်ဆံမလဲ၊ PP နဲ့ ဘယ်လိုဆက်ဆံမလဲကို အလေးအနက်ထား စဉ်းစားနေရပြီ၊ လူမျိုးစုပါတီတွေကတော့ မကောင်းတတ်လို့ အခေါ်အပြောလုပ်ဦးတောင် ရခိုင်ကိစ္စမှာ ကိုကိုကြီးရဲ့ "အမျိုးသားရေး လက်မောင်းကြွက်သားညှစ်ပြ"တာ မြင်ပြီးကတည်းက PP ဟာ ကိုယ်ပေါင်းစိတ်ခွာလုပ်ရမယ့်ပါတီမှန်း သိသွားကြပြီထင်တယ်။ အဲ့ဒီတုန်းက ရခိုင့်လဘက်နဲ့ လူမျိုးစုတွေကိုမျက်နှာလုပ်တာမှန်ပေမယ့် ဗမာတွေပြောတဲ့ အမျိုးသားရေးဝါဒဆိုတာ ဗမာလူမျိုးကြီးဝါဒမှန်း ဘာသာတူတူ မတူတူ လူမျိုးစုတွေဘက်က သိနှင့်ပြီးသားဖြစ်တယ်။

PP ကိုမကြိုက်လို့ရတယ်၊ ဆန့်ကျင်လို့ရတယ်၊ ကိုကိုကြီးနိုင်ငံရေးကို ရှုတ်ချလို့ရတယ် ဒါပေမဲ့ သူ့ပရိတ်သတ်နဲ့သူရှိတယ်၊ သူ့နောက်ခံနဲ့ သူလာတယ်၊ သူ့စင်သူဆောက်ပြီး ထထွက်လာတယ်ဆိုတာတော့ ငြင်းလို့မရဘူး။ ကျောင်းသားခေါင်းဆောင်ဘဝကနေ၊ ဒီမိုကရေစီတက်ကြွလှုပ်ရှားသူအဖြစ်ပြောင်းခဲ့ပြီး ခုမှ သူ့ နိုင်ငံရေးသမား ကလာလရေကြည်က စတည်တာ။ နိုင်ငံရေးသမားအဖြစ်ပြောင်းတာ၊ သူ့မှာ နိုင်ငံရေးရှိတယ်။ စိုက်လိုက်မတ်တပ် လုပ်လာသူဖြစ်တယ်။ ဘယ်သူကြိုက်ကြိုက် မကြိုက်ကြိုက် သူ့ရပ်ခံချက်အတိုင်းသွားသူဖြစ်တယ်၊ NGO လိုလို ပရဟိတလိုလိုကို ယာယီရပ်တည်ရေးအရလုပ်ခဲ့ပေမယ့် တချိန်မှာ နိုင်ငံရေးလုပ်ဖို့ သူ့မှာ ရည်မှန်းချက်ရှိတယ်။

သူလုပ်မယ့်နိုင်ငံရေးဟာ "နိုင်ငံရေးကောင်း"လား "နိုင်ငံရေးဆိုး"လား ကတော့ ကျောင်းသားဘဝက၊ တက်ကြွလှုပ်ရှားသူဘဝက လုပ်ခဲ့တာတွေပဲကြည့်ပြီးပြောမယ်ဆို မှန်ဖို့တော့မနီးစပ်ဘူး။ ခု သူ နိုင်ငံတော်ဆိုတဲ့ "အာဏာ"ကို လိုချင်လာပြီ၊ ဒါ သဘာဝကျတယ်။ နိုင်ငံရေးလုပ်ပြီး အာဏာရယူရေးသဘောထားမရှိဘူးဆို ဘယ်တော့မှလည်း အာဏာမရဘူး။ အာဏာဆိုတာ ဘာလုပ်မယ်မလုပ်ဘူးကို ပေါ်လစီနဲ့ဆုံးဖြတ်ချက် ချမှတ်တာဖြစ်တယ်၊ ဟိုဘဝတွေက သူဟာ Decision Maker and Policy Maker မဟုတ်ဘူး။ ခု သူ ဆုံးဖြတ်သူ မူချသူဖြစ်ဖို့ကြိုးစားနေပြီ၊

ခုချိန်ဟာ ပါတီထောင်လို့ အကောင်းဆုံးအချိန်ဖြစ်နေတယ်၊ ဒေဝေါကြီးနဲ့ခြောက်လို့ရနေသေးတယ်၊ ၂ဝဝ၈ နာခံနေရလို့ပါဆိုပြီး ပြည်သူကို မျက်ရည်ခံလေးထိုးလိုက်၊ ပြင်ပြမယ်လို့ကြုံးဝါးလိုက်၊ အရင်အစိုးရကြောင့်လို့ ရှာစရာရမယ်လေးပြလိုက်နဲ့ ဂျင်ခြေလည်လို့ ရနေတာဖြစ်တယ်၊ ဒါ့ကြောင့် ဒီအချိန်မှာ ထထောင်တာလို့ယူဆမယ်ဆို မမှားတန်ဘူး၊ ကိုကိုကြီး အချိန်တွက်တာ ကွက်တိဝင်တယ်၊

လူ"သန့်"တာလည်း "စင်"ထွက်သွားတယ်၊ မီးသေမယ့်လူတွေချည်း "စု"ထားတာမြင်ရတယ်။
ခါင်းဆောင်မှုနဲ့ ခေါင်းဆောင်ဆိုတာကို "စုပေါင်းခေါင်းဆောင်မှု"ဆိုတဲ့ အကာပြဲ့ပြဲ့အနှစ်မဲ့စကားလုံးနဲ့ ဖမ်းစားမှန်းသိပေမယ့် နောက်လိုက်မယ့်သူတွေက တသိုက်သိုက် တဖြောင့်ဖြောင့် ဘယ်အထိလိုက်မလဲကတော့ မခန့်မှန်းနိုင်သေးဘူး။ အားလုံးက ခေတ်ပြိုင်တွေချည်းကိုး၊ အားလုံးက သူ့နေရာနဲ့ ဗိုလ်ဖြစ်လာကြတဲ့ အာဂလူတွေချည်းကိုး၊ ခွာတိုင်းတာတွေ ပခုံးချင်းယှဉ်တာတွေရှိနိုင်ပေမယ့် လောလောဆယ်အနေအထားမှာ ကိုကိုကြီးရဲ့ အအုပ်အစီးအောက်မှာ အစည်းမပျက်ဖြစ်နေစရာရှိနေဦးမယ်လို့ ထင်တယ်။
မျိုးမြင့်ချို(အောက်တိုဘာ ၂၉၊ ၂ဝ၁၈)

read more

(အမေရိကားပြည်ထောင်စုမှာ တရားဝင်အိမ်ထောင်ပြုမယ်ဆို) မျိုးမြင့်ချို

(အမေရိကားပြည်ထောင်စုမှာ တရားဝင်အိမ်ထောင်ပြုမယ်ဆို)

အမေရိကပြည်ထောင်စုမှာ မိဘသဘောတူညီချက်မလိုပဲ မိမိဆန္ဒအလျှောက် အိမ်ထောင်ပြုနိုင်တဲ့အသက်အရွယ် သတ်မှတ်ချက်ဟာ တပြည်နယ်နဲ့တပြည်နယ် ကွဲပြားပါတယ်။

ပြည်နယ် ၅ဝ အနက် ၄၈ ပြည်နယ်မှာတော့ အနည်းဆုံး အသက် ၁၈ နှစ်ပြည့်တဲ့ မိန်းမယောက်ျားမဟူ မိဘသဘောတူညီချက်မလိုဘဲ အိမ်ထောင်ပြုလို့ရပါတယ်။

နီဘရားစကားပြည်နယ်မှာတော့ ၁၉ နှစ်ရောက်မှ အိမ်ထောင်ပြုခွင့်ရှိပြီး မစ်စစ္စပီပြည်နယ်မှက ၂၁ နှစ်ကျမှ အိမ်ထောင်ပြုလို့ရပါတယ်။

သတ်မှတ်ထားတဲ့အသက်တော့ မပြည့်ဘူး ဒါပေမယ့် မနေနိုင်တော့ပါဘူးဆိုရင် မိဘများသဘောတူညီချက်နဲ့ ပြုလို့ရတာလည်းရှိပါတယ်။ ကယ်လ်ဖိုးနီးယား၊ ကော်လိုရာဒို၊ ကင်န်တပ်ကီ၊ လူဝီဇီးယားနား၊ တက္ကဆက်စ်ပြည်နယ်တွေမှာ မိဘတွေသဘောတူတယ်ဆို ဘယ် အသက်အရွယ်ဖြစ်ဖြစ် အိမ်ထောင်ပြုလို့ရပါတယ်။

အဲ့ဒီပြည်နယ်တွေထဲကမှ ကင်န်တပ်ကီပြည်နယ်မှာဆို တရားသူကြီးတယောက်ယောက်က သဘောတူတယ်ဆိုလည်း ပြုလို့ရပြီး တက္ကဆက်စ်မှာတော့ ယောက်ျားလေး အသက် ၁၄ နှစ်အောက် မိန်းကလေး အသက် ၁၃ နှစ်အောက်တွေတော့ ဘယ်သူသဘောတူတူ လက်ထပ်လို့ကိုမရပါဘူး။

အိုင်ဒါဟိုး၊ အလီနွိုင်း၊ အိုင်အိုဝါး၊ မိန်း၊ မစ်ချီဂန်၊ မင်နီဆိုးတား၊ နီဗားဒါး၊ နူးယော့ခ်(စီးတီးမဟုတ်ပါ၊ ပြည်နယ်ကိုပြောတာပါ)၊ မြောက်ဒါကိုတာ၊ ဗားမွန့်တ်၊ ဝစ္စကွန်ဆင်န်၊ ဝေါ်ရှင်တန်ဒီစီတို့မှာတော့ အသက် ၁၆ နှစ်နဲ့အထက်ဆို မိဘတွေသဘောတူရင် အိမ်ထောင်ပြုလို့ရပါတယ်။ သဘောက ၁၈ နှစ်မပြည့်ခင်စပ်ကြား မိဘသဘောတူရင် ယူလို့ရပါတယ်။

အလာစကာ၊ အရီဇိုးနား၊ ကနတ်တီကပ်၊ ဖလော်ရီဒါ၊ ဂျော်ဂျာ၊ မေရီလင်န်းဒ်၊ မွန်တားနား၊ နူးမက္ကဆီကို၊ မြောက်ကယ်ရိုလိုင်းနား၊ အိုကလာဟိုးမား၊ ပင်န်ဆယ်လ်ဗေးနီးယား၊ တောင်ဒါကိုတာ၊ တင်န်နက်ဆီ၊ ဗဂျီးနီးယား၊ ဝိုင်ယိုးမင်း စတဲ့ပြည်နယ်တွေမှာတော့ မိဘရော တရားရေးဌာနကရော ၂ ခုလုံးကသဘောတူမှသာလျှင် အသက် ၁၆ နှစ်အောက်တွေ အိမ်ထောင်ပြုလို့ရပါတယ်။

ဟဝိုင်းအီးမှာတော့ မိဘ ဒါမှမဟုတ် တရားသူကြီးတယောက်ယောက်က သဘောတူတယ်ဆို အသက် ၁၅ နှစ်နဲ့အိမ်ထောင်ပြုလို့ရပါတယ်။

အယ်လ်ဘားမားနဲ့ ယူတားပြည်နယ်တွေမှာတော့ အသက် ၁၄ နှစ်နဲ့အိမ်ထောင်ပြုမယ်ဆို မိဘသဘောတူညီချက်ပါမှ ရပါတယ်။

နီဘရားစကားနဲ့ အော်ရီဂွန်တို့မှာတော့ အသက် ၁၇ နှစ်နဲ့အိမ်ထောင်ပြုမယ်ဆို မိဘသဘောတူညီချက်လိုပါတယ်။ 

တခါ မိန်းမ ယောက်ျား အလိုက်တော့လည်း ပြည်နယ်ပေါ်မူတည်ပြီး အိမ်ထောင်ပြုနိုင်တဲ့အသက် သတ်မှတ်ချက်တွေ ကွဲပြားတာရှိပြန်ပါတယ်။ နူးဟမ့်ပ်ရှိူင်းယား ပြည်နယ်မှာ မိဘများသဘောတူတယ်ဆို ယောက်ျားလေး ၁၄ နှစ်နဲ့အိမ်ထောင်ပြုလို့ရပြီး မိန်းကလေးကျ ၁၃ နှစ်ဆိုရပါပြီ။ ကင်န်းဆပ်နဲ့ မက်ဆာချူးဆက်စ်ပြည်နယ်တွေမှာတော့ မိဘတွေသဘောတူရင် ယောက်ျားလေး အသက် ၁၄ နှစ်၊ မိန်းကလေးဆို ၁၂ နှစ်နဲ့တင် ပြုလို့ ရပါတယ်။

အာကင်န်ဆော၊ ဒဲလ်ဝဲယား၊ အင်ဒီယားနား၊ မစ်ဇူရီ၊ နူးဂျာဇီ၊ အိုဟိုင်းယိုး၊ ရို့ဒ်အိုင်းလင်န်းဒ်၊ တောင်ကယ်ရိုလိုင်းနား ပြည်နယ်တွေမှာတော့ ကိုယ်လေးလက်ဝန်ရသွားလို့ ဒါမှမဟုတ် မီးဖွားရမှာမို့လို့ဆိုတဲ့သဘောတူညီခွင့်ပြုချက်ပါရင် အသက်ပြည့်ပြည့် မပြည့်ပြည့် အိမ်ထောင်ပြုလို့ ရနိုင်ပါတယ်။

ကိုယ်က အိမ်ထောင်တော့ပြုချင်တယ် ပြုမယ်လို့လည်းတွေးနေတယ် ဒါပေမယ့် ကိုယ့်ပြည်နယ်ရဲ့ တရားဝင်အိမ်ထောင်ပြုနိုင်တဲ့ အသက်အရွယ် သတ်မှတ်ချက်တွေ စည်းမျဉ်းတွေကိုလည်း သိတ်မရေရာဘူးဆိုရင်တော့ မိသားစုရေးရာကိစ္စလိုက်တဲ့ ရှေ့နေရှေ့ရပ်တွေနဲ့ တိုင်ပင်သင့်ပါသတဲ့။ သူတို့က ခင်ဗျားကို နတ်လမ်းညွှန်နိုင်သလို လျှောက်လွှာတွေဘာတွေ တင်ဖို့လိုရင်လည်း ကူညီညာပေးနိုင်ပါတယ်တဲ့။

ကဲ ဘယ်လိုလဲ ဒီလာပြီး တအိုးတအိမ်ထူထောင်ကြမလား။(အကြမ်းဖျဉ်းသဘော သိရအောင်လေး ပြောပြတာပါ။ ဗမာပြည်မှာလည်း အသက် ၁၈ နှစ်ပြည့်ပြည့် မပြည့်ပြည့် အိမ်ထောင်ပြုနိုင်တယ်ဆိုလား အဲ့ဥပဒေကို ပြည်သူ့လွှတ်တော်ကအတည်ပြုပြီး အမျိုးသားလွှတ်တော်ကို တင်ထားတယ်ကြားတယ်။ အမျိုးသားလွှတ်တော်ကပါ ထောက်ခံတယ်ဆို ဒီဥပဒေအသက်ဝင်သွားမှာပါ။ အမျိုးသားလွှတ်တော်က သဘောမတူဘူးဆိုရင်တော့ ပြည်ထောင်စုလွှတ်တော်တင် မဲခွဲဆုံးဖြတ်မယ့်သဘောရှိပါတယ်။ ဒါက သူ့ဆရာနဲ့သူ့ဒကာမို့ ကြားက ငထွားလည်း ခါးမနာချင်ပါ။ အမေရိကပြည်ထောင်စုမှာတော့ ဂလိုဗျလို့ မောင်းထုလိုက်တာပါ) မျိုးမြင့်ချို(နိုဝင်ဘာ ၂၈၊ ၂ဝ၁၈)  

read more

(မြန်မာ့စီးပွားရေး တက်နေလား ကျနေလား) Dr Tin Sein ရေးတဲ့စာ

(မြန်မာ့စီးပွားရေး တက်နေလား ကျနေလား)

Dr Tin Sein ရေးတဲ့စာ

ဂျပန်ကုမ္ပဏီတွေ လူတိုးနေတယ်၊ အသစ်တွေ ထပ်ဝင်တယ်၊ စင်ကာပူက ထပ်ဝင်လာတယ်၊ ယိုးဒယား၊ မလေးရှားနဲ့ဗီယက်နမ် အသစ်တွေ တိုးလာတယ်။ 

ကမ္ဘာ့ဘဏ်လို နိုင်ငံတကာအဖွဲ့အစည်းတွေကကောက်လို့ရတဲ့ စာရင်းအင်းအချက်အလက်တွေပေါ်မူတည်ပြီး မြန်မာ့စီးပွားရေး 6% 7% နဲ့ တိုးတက်တယ်လို့ပြောပါတယ်။ အစိုးရကလည်း စီးပွားရေးတက်နေတယ်လို့ အခိုင်အမာပြောနေပါတယ်။ ဒါပေမဲ့ MMRD ကုမ္ပဏီက ပြည်တွင်းလုပ်ငန်းရှင်တွေကိုလေ့လာပြီးတော့ ပြီးခဲ့တဲ့သုံးနှစ်အတွင်း ဆက်တိုက်ကျနေတယ်လို့ ပြောကြပါတယ်။

(ဘယ်ဟာမှန်သလဲ)

My comment: 

တိုင်းကြတဲ့ပေတံ မတူလို့ပါ။ နိုင်ငံတကာအဖွဲ့အစည်းတွေက နိုင်ငံတခုရဲ့စီးပွားရေး တိုးတက်လား မတိုးတက်လားဆိုတာကို တိုင်းတာတဲ့ အချက်တွေရှိပါတယ်။ GDP, Export, Import, Purchasing power. ကုန်သွယ်ရေးလိုငွေ စတဲ့အချက်တွေပေါ်မူတည်ပြီး တိုင်းတာပါ။ 

အဲဒီအဖွဲ့အစည်းတွေပြောတာက Macro economy တစ်နိုင်ငံဆိုင်ရာစီးပွားရေးအခြေအနေကို ပြောတာပါ။

မြန်မာနိုင်ငံက စီးပွားရေးလုပ်ငန်းရှင်တွေကပြောတာက micro economy တဦးချင်းစီ စီးပွားရေးကောင်းတာ မကောင်းတာကိုပြောတာပါ။

မြန်မာနိုင်ငံသားလုပ်ငန်းရှင်အများစုအနေနဲ့ စီးပွားရေးလုပ်ငန်းတွေတော့ မကောင်းတာအမှန်ပါ။ ဒါ ဘယ်လိုမှ ငြင်းလို့မရပါဘူး။ 

မြန်မာနိုင်ငံရဲ့စီးပွားရေး တိုးတက်နေပေမယ့် မြန်မာနိုင်ငံက ပြည်တွင်းလုပ်ငန်းရှင်များရဲ့စီးပွားရေးလုပ်ငန်းတွေ ကျဆင်းနေတယ်လို့
ပြောရမှာပါ။ 

ဒီတော့ ပြည်တွင်းလုပ်ငန်းရှင်အများစုရဲ့ လုပ်ငန်းကျနေပြီး နိုင်ငံရဲ့စီးပွားရေးတက်နေတာ မဖြစ်နိုင်ဘူး။ နိုင်ငံတကာအဖွဲ့အစည်းတွေ မှားပြီး တွက်ချက်ကြတာလို့ ယူဆလိုက်ရင် အဲဒီ ပြည်တွင်းလုပ်ငန်းရှင် နောက် နှစ်အနည်းငယ်အတွင်းမှာ လုပ်ငန်းပြုတ်နေပါပြီ။ လုပ်ငန်းရှင် မဟုတ်တော့ပါဘူး။ 

တကယ်ဖြစ်နေတာက ဒီလိုပါ။ အခုနှစ်ပိုင်း ငါးနှစ်အတွင်း မြန်မာပြည်မှာ လာပြီးအလုပ်လုပ်တဲ့ နိုင်ငံခြားကုမ္ပဏီ လေးငါးထောင်လောက် ရှိနေပါပြီ။ တချို့လုပ်ငန်းက ဝန်ထမ်း ဆယ်ဂဏန်း၊ တချို့က ငါးထောင် တသောင်း လောက်ရှိပါတယ်။ စာရင်းအသေအချာကောက်ထားတာ မရှိပေမယ့် အကြမ်းအားဖြင့် လူ တသန်း နှစ်သန်းကြားလောက် အလုပ်ခန့်ထားတာပါ။ 

အရင်းအနှီးအများဆုံးမြုပ်နှံပြီး နိုင်ငံခြားထုတ်ကုန်တန်ဖိုးအများဆုံးက ရေနံဓာတ်ငွေ့ပါ။ လူသိအများဆုံးနဲ့ နိုင်ငံသားအများဆုံးသုံးဖြစ်တာက Telenol, Oredoo တို့လို telecommunication လုပ်ငန်းတွေပါ။ Coca Cola, KFC, Starbuck တို့လို အမေရိကန်ကုမ္ပဏီတွေပါလာသလို 

CP, Hwawai, Grab, ZTE တို့လို ကမ္ဘာ့အဆင်မှီ အိမ်နီးချင်းနိုင်ငံက ကုမ္ပဏီတွေလည်းပါလာပါတယ်။ 

အဲဒီကုမ္ပဏီတွေက အလုပ်အကိုင် သိပ်မဖန်တီးပေးနိုင်ပေမယ့် ကုမ္ပဏီအကြီးတွေကအလုပ်ခေါ်ရင် လုပ်ခလစာ မြင့်မြင့်ပေးပြီးခေါ်တတ် ပါတယ်။ အင်ဂျင်နီယာကျောင်းဆင်းတော်တော်များများဟာ စင်္ကာပူလစာကို မရှူံးလောက်အောင်ရကြပါတယ်။ GDP တမျိုးသားလုံးထွက်ကုန် ပမာဏမှာ အချိုးအစားတော်တော်များများပါဝင်နေပြီး နိုင်ငံစီးပွားရေးတိုးတက်နေတယ်ဆိုတဲ့ပုံရိပ် ထွက်စေတာပါ။ 

အခု ၂၀၁၈ ခုနှစ် မြန်မာ့သမိုင်းတလျောက်မှာ ကုန်သွယ်မူ export import ပမာဏ အမြင့်မားဆုံးဖြစ်လောက်အောင် မြင့်တက်လာတာ FDI နိုင်ငံခြားရင်းနှီးမြုပ်နှံမူကြောင့်ဆိုတာ ငြင်းလို့မရပါဘူး။ မြန်မာစီးပွားရေးကို အင်ဂျင်အသစ်နဲ့မောင်းနှင်နေတယ်ဆိုတာ အမှန်ပါ။ ဒါတောင် ရခိုင်အရေးအခင်းကြောင့် ရင်းနှီးမြုပ်နှံမူအရှိန် ကျသွားလို့ပါ။ 

နိုင်ငံခြားကုမ္ပဏီအများစုက အောက်ခြေအလုပ်သမားတွေအတွက် အလုပ်အကိုင်အခွင့်အလမ်း သိပ်မဖန်တီးပေးတဲ့အတွက် ဓနခွဲဝေမူ သေချာ မရှိသေးတဲ့အပြင် ကုမ္ပဏီအများစုဟာ အခွန်ကင်းလွတ်ခွင့်ကာလမှာဘဲရှိနေတဲ့အတွက် အခွန်ငွေလည်းမရသေးပါ။ ယှဉ်ပြိုင်ခံရတဲ့ မြန်မာလုပ်ငန်းရှင်တွေတော့ လုပ်ငန်းပြုတ်လုပြုတ်ခင် ဖြစ်နေပါပြီ။ 

မြန်မာလုပ်ငန်းရှင်များ လုပ်ငန်းမကောင်းလို့ကျရှူံးရခြင်းရဲ့ အကြောင်းရင်းများ

၁။ နည်းပညာနိမ့်ကျခြင်း 

မြန်မာလုပ်ငန်းရှင်အများစု လုပ်ကြတာက စားသောက်ကုန်ထုတ်လုပ်ခြင်း အများစုဖြစ်ပြီး နည်းပညာအဆင့်နိမ့်ကြပါတယ်။ နောက်ပြီး ထုတ်ကုန်အဆင့်သိပ်မများတဲ့ လုပ်ငန်းတွေဘဲ လုပ်နိုင်ပါတယ်။ 

အခု AFTA ဖြစ်သွားတော့ အိမ်နီးချင်းနိုင်ငံကသွင်းလာတဲ့ ကုန်ပစ္စည်းတွေကို ဘယ်လိုမှယှဉ်ပြိုင်နိုင်တာ မရှိပါဘူး။ ပြည်တွင်းစက်ရုံအများစုက စက်အဟောင်းတွေအများကြီးစုမိသွားပြီး သံတိုသံစအနေနဲ့ ရောင်းစားရမယ့်အဆင့် ဖြစ်နေပါပြီ။ ဥပမာ ဆီစက်ဆိုပါတော့ အကုန်နီးပါး ရပ်နေပါပြီ။ ရေခဲစက်ဆို ပြုတ်တာကြာပါပြီ။ 

မြန်မာပြည်ထုတ် ၈၁/၄" နှစ်လုံးထိုး ကွန်ပလပ်စာဆိုတာ နာမည်ကြီးပါ။ ဂျပန်တယောက်ကို ပြပြီး ဒါကို မြန်မာပြည်ကထုတ်တာလို့ပြောတော့ အရမ်း အံ့သြသွားပါတယ်။ ရုတ်တရက် အထင်ကြီးပြီး အံ့သြတာလို့ထင်ခဲ့ပေမယ့် သူက အဲလို efficient မဖြစ်တဲ့ compressor ကို တကမ္ဘာ လုံး မသုံးတာကြာပြီ။ စွမ်းရည်ပိုကောင်းတဲ့ ၃" ၆ လုံးထိုး compressor တွေဘဲသုံးတော့တယ်လို့ ပြောလိုက်တော့မှ ကိုယ့်ကိုသနားပြီး အံ့သြ သွားမှန်းသိလိုက်ရပါတယ်။ တခြားလုပ်ငန်းတော်တော်များများမှာလည်း ဒီအတိုင်းပါဘဲ။ 

၂။ အကြံအဖန် လုပ်ကြလို့ပါ။

ဓာတ်ပုံမှာပါတဲ့အုတ်က မြန်မာလုပ်ငန်းရှင်ဖုတ်ထားတဲ့အုတ်နဲ့ FDI ကြောင့် အခုတလော တနိုင်တပိုင်လာဖုတ်တဲ့ ဈေးကွက်ထဲမှာ
လေးပေါင်အုတ်လို့ခေါ်တဲ့အုတ်တို့ပါ။ မြန်မာလုပ်ငန်းရှင်ဖုတ်တဲ့အုတ်က အခုရက်ပိုင်း မိုးသုံးလေးရက်ရွာတော့ အရည်ပျော်သွားပါတယ်။ 

FDI အုတ်ကတော့ နဂိုအကောင်းအတိုင်း ကျန်နေပါတယ်။ မြန်မာအုတ်ကို အုတ်ပုံစံရိုက်တော့ မြေနီဆိုးပြီး ထင်းနဲ့ဖုတ်ပါတယ် ထင်းအကုန် သက်သာအောင် အကာလောက်ကျက်တာနဲ့ မီးထိုးတာရပ်လိုက်ပါတယ်။ လာပို့ရင် အုတ်ပွဲစားက တဆင့်လာပို့ပြီး အလုံးရေခိုးပါတယ်။ 

FDI တွေက ဒါကို ချက်ချင်းသတိထားမိသွားပါတယ်။ သူတို့က မြေစေးလုပ်ပြီး ကျောက်မီးသွေးမှုန့်ဝယ်ပြီး ရောလိုက်ပါတယ်။ လျပ်စစ်နဲ့ ဖုတ်ပြီး အရည်အသွေးက နိုင်ငံတကာကအုတ်တွေလို ကောင်းလာပါတယ်။ လာပို့ရင် အရေအတွက်အပြည့်အပြင် အပို ၄၊ ၅၊ ၁ဝ လုံး ပါလာတတ်ပါတယ်။ 

ဒါဟာ FDI တွေ ဝင်လာတော့ ချက်ချင်းအောင်မြင်သွားပြီး မြန်မာလုပ်ငန်းရှင်တွေ ချက်ချင်းကျရှုံးသွားတဲ့ အကြောင်းရင်းတခုပါ။

၃။ အမျှော်အမြင် မရှိလို့ပါ။

ရေတို အကျိုးအမြတ်ကိုဘဲကြည့်ပြီး လုပ်ကြပါတယ်။ မျက်တောင်တဆုံးဘဲ ကြည့်ကြပါတယ်။ မျက်စိတဆုံး မကြည့်ကြပါဘူး။ နိုင်ငံတကာမှာ လုပ်ငန်းအောင်မြင်မူကို consumer ဘယ်လောက်များများရဲ့အကျိုးကို သယ်ပိုးနိုင်ကောင်းမလဲဆိုတာကို တိုင်းတာပေမယ့် မြန်မာလုပ်ငန်းရှင် တွေက ရေတိုအမြတ်ဘဲကြည့်တာပါ။ 

အခု နိုင်ငံခြားထွက်လည်ကြ၊ ရှော့ပင်းထွက်ကြ၊ ဆေးထွက်ကုကြ၊ ကျောင်းသွားတက်ကြပေမယ့် စက်ရုံလေ့လာရေး၊ လုပ်ငန်းလေ့လာရေး
လုပ်ငန်းရှင်တွေ့ဆုံပွဲ business matching တွေ၊ စီးပွားရေး seminar တွေ သွားတက်ကြတဲ့သူအတော်နည်းပါသေးတယ်။ နိုင်ငံခြားထွက်တာ အရသာခံပြီးကြွားဖို့လောက်ဘဲဖြစ်နေတာပါ။ စဉ်ဆက်မပြတ် သင်ယူလေ့လာနေရမယ်ဆိုတာ သတိမထားမိကြပါဘူး။ ဒါနဲ့ မြန်မာပြည်ကနေ နိုင်ငံခြားသွားလည်ကြတဲ့ မြန်မာပြည်ကလူတွေက ဘာစီးပွားရေးလုပ်ပြီး အောင်မြင်နိုင်မလဲဆိုတာ သတိမထားမိကြပါဘူး။ 

ဒါပေမဲ့ မြန်မာပြည်ရောက်လာတဲ့ နိုင်ငံခြားသားတွေက မြန်မာပြည်မှာ ဘာစီးပွားရေးလုပ်ပြီးအောင်မြင်နိုင်မလဲဆိုတာ ချက်ချင်း သတိထားမိ ကြပြီး မြန်မာလုပ်ငန်းရှင်တွေထက် အရည်အသွေးပိုကောင်းအောင် လုပ်လိုက်ကြတာပါ။ 

ဒါအပြင် မြန်မာလုပ်ငန်းရှင်တွေက ဘာသာစကားကျွမ်းကျင်အောင်လေ့လာဖို့ လိုတာလည်း သတိမပြုမိကြပါဘူး။ အထူးသဖြင့် စီးပွာရေးလုပ်ပြီးအောင်မြင်ဖို့ တရုတ်ဘာသာစကား တတ်ဖို့လိုတယ်ဆိုတာ သိပ်သတိမထားမိသေးလို့ပါ။ 

၎။ အလုပ်သမားတွေ မကောင်းလို့ပါ။

ပညာတတ် မြန်မာလူငယ်လေးတွေကိုတော့ မြန်မာပြည်ရောက်နေတဲ့ နိုင်ငံခြားကုမ္ပဏီ FDI တွေက လစာကောင်းကောင်းပေးပြီးခေါ်သွားလို့ ကုန်နေပါပြီ။ ပညာတတ်ဖြစ်ရင် အတွေ့အကြုံသိပ်မရှိသေးတဲ့လူတွေဘဲ မြန်မာလုပ်ငန်းရှင်တွေ ခေါ်နိုင်တော့တာပါ။ အသစ်ခေါ်သင်ပေးလိုက် လူရည်လည်သွားရင် နိုင်ငံခြားကုမ္ပဏီဆီရောက်သွားလိုက် ဖြစ်နေတာပါ။ ပြည်တွင်းလုပ်ငန်းရှင်တွေခေါ်လို့ရတဲ့ဝန်ထမ်းတွေ ခိုကြတာ ခိုးကြတာ ထုံးစံလိုဖြစ်နေပါပြီ။ 

၅။ ပူးပေါင်းဆောင်ရွက်ဖို့ စိတ်ကူးမရှိကြတာပါ။

ပြည်တွင်းကလုပ်ငန်းရှင်းအချင်းချင်းပူးပေါင်းဆောင်ရွက်ဖို့ အားနည်းတဲ့အပြင် နိုင်ငံခြားကုမ္ပဏီတွေနဲ့ပူးပေါင်းဆောင်ရွက်ဖို့လည်း အားနည်း တတ်ပါတယ်။ 

မြန်မာလုပ်ငန်းရှင်အများစု စဉ်းစားကြတာက နိုင်ငံခြားကုမ္ပဏီဝါးမျိုသွားမှာ စိုးရိမ်ကြတာပါ။ ထူးထူးခြားခြားတွေးနည်းနဲ့ ကန့်ကွက်တာလည်း
ရှိပါတယ်။ မြန်မာ့ဂီတပညာရှင်နဲ့ နိုင်ငံခြားဂီတပညာရှင်တွေ ပူးပေါင်းလုပ်ဆောင်တော့ မြန်မာ့တူရိယာနဲ့ နိုင်ငံခြားတူရိယာတွေ ပေါင်းစပ်
တီးခတ်တာမျိုးကို မြန်မာ့ဂီတပျောက်ကွယ်သွားမှာစိုးလို့ဆိုပြီး ကန့်ကွက်တာမျိုးပါ။ မြန်မာ့တူရိယာတွေက နိုင်ငံတကာကိုပြန့်နှံ့သွားပြီး
ကမ္ဘာကိုလွမ်းမိုးသွားနိုင်တာမျိုးလည်းဖြစ်နိုင်တယ်ဆိုတာမျိုး မတွေးကြပါဘူး။ နမူနာပြောရရင် ထိုင်းအစားအစာက နိုင်ငံတကာကလူတွေ စားလို့အဆင်ပြေအောင် နိုင်ငံတကာအစားအစာတွေနဲ့ပေါင်းပြီး ကပြားဟင်းလုပ်ထားတာပါ။ အခု တကမ္ဘာလုံး ပြန့်နှံ့နေပါပြီ။ 

နိုင်ငံတကာကလူတွေနဲ့ ပူးပေါင်းဆောင်ရွက်ပြီး လိုသလိုညှိနှိုင်းမူမရှိရင် မြန်မာ့ယဉ်ကျေးမူဘဲဖြစ်ဖြစ် မြန်မာ့စီးပွားဘဲဖြစ်ဖြစ် မြန်မာလူမျိုးဘဲ ဖြစ်ဖြစ် တွင်ကျယ်နိုင်တဲ့ ဂွင် တဖြည်းဖြည်းကျဉ်းမြောင်းလာပြီး ကြာရင် ပျောက်ကွယ်သွားမှာပါ။

၆။ လုပ်ငန်းရှင်တွေ ကြံဖန်ငြင်းခုန်နေလို့ပါ။

မြန်မာတွေ တဦးချင်းတော်ကြပါတယ်။ တကမ္ဘာလုံးကလူတွေနဲ့ ယှဉ်ပြိုင်နိုင်ကြပါတယ်။ ဒါပေမဲ့ လေးငါးဦးလောက်ပေါင်းပြီး တခုခု  လုပ်ရင်တော့ တကမ္ဘာလုံးကလူတွေရဲ့နောက်ဆုံးနီးပါးကို ရောက်သွားတတ်ပါတယ်။ တယောက်နဲ့တယောက် ရှာကြံအပြစ်ပြော ဆရာလုပ် နေကြလို့ပါ။ လုပ်ငန်းရှင်တွေလည်း ဒီအတိုင်းပါဘဲ။ ပိုက်ဆံသာ ချမ်းသာတာပါ။ စိတ်ဓာတ်ဆင်းရဲတတ်ပါတယ်။

၇။ လျှပ်စစ်မီး မရလို့ပါ။

ဒါတော့ အမှန်ပါ။ လိုသလောက် မရတဲ့အပြင် မကြာမကြာ မီးပြတ်တတ်ပါတယ်။ လာတဲ့လျပ်စစ်မီးကည်ဲး မီးအား voltage ကျတတ်ပါတယ်။ 

တချို့နေရာမှာ စက်တွေလည်ဖို့မရလောက်အောင် ကျတတ်ပါတယ်။ အဲဒါရဲ့နောက်ဆက်တွဲက တူညီတဲ့ဝန်အားကိုလုပ်နိုင်အောင် မီးပိုစား တယ်။ Ampere တက်ပါတယ်။ အဲဒါ သွယ်ထားတဲ့မီးကြိုးတွေ လျှပ်စစ်ပစ္စည်းတွေ လောင်တတ်ပါတယ်။ မီးအားမြှင့်စက်သုံးတော့ ကုန်ကျ စရိတ်ပိုကုန်ပါတယ်။ ဒါနဲ့ နိုင်ငံခြားကထုတ်ကုန်တွေကို ပြိုင်ထုတ်ဖို့ လျှပ်စစ်များများသုံးမယ့်လုပ်ငန်းတွေ မလုပ်နိုင်တော့ပါဘူး။

၈။ လုပ်ငန်းလုပ်လို့ခက်အောင် အစိုးရရဲ့လုပ်ထုံးလုပ်နည်းတွေ ခက်လို့ပါ။
မူဝါဒ မကြာခဏပြောင်းတတ်လို့ပါ။ အခုတော့ လုပ်ထုံးလုပ်နည်းတွေ အတော်ဖြေလျော့ပေးပြီးနေပါပြီ။ ဒါပေမဲ့ ထပ်လျော့ဖို့လိုတဲ့အပြင် လျှော့လွန်းလို့ စည်းမဲ့ကမ်းမဲ့လုပ်တာမျိုးတွေ ဥပဒေဘောင်အပြင်ကလုပ်တာတွေကိုထိန်းသိမ်းဖို့ လိုလာပါတော့မယ်။

၉။ တရားဥပဒေ စိုးမိုးဖို့ rule of law လိုပါတယ်။

အခု မြန်မာနိုင်ငံကနေ နိုင်ငံခြားထွက်လည်တဲ့သူ တနှစ်ကို သုံးသန်းလောက်ရှိပါတယ်။ ထိုင်း တနိုင်ငံထဲကို သုံးသိန်းကျော်သွားလည်ပါတယ်။

နိုင်ငံခြားထွက်အလုပ်လုပ်တဲ့သူတွေ လေးငါးသန်းလောက်ရှိနေနိုင်ပါတယ်။ အဲဒီ မြန်မာနိုင်ငံသားတိုင်း တခြားနိုင်ငံရောက်သွားရင် အခွန် ဆောင်ဖို့လိုရင် ဆောင်ပါတယ်။ စည်းကမ်းတွေလည်း လိုက်နာကြပါတယ်။ အမှိုက်လည်း စနစ်တကျပစ်ပါတယ်။ ကွမ်းတံထွေးတွေလည်း လျောက်မထွေးကြပါဘူး။ အလုပ်ချိန်လည်း မနောက်ကျပါဘူး။ ခိုကပ်ပြီးလည်း မလုပ်ကြပါဘူး။ တယောက်နဲ့တယောက်လည်း ကူညီတတ်ကြ ပါတယ်။ 

ဒါပေမဲ့ မြန်မာပြည်ပြန်ရောက်တော့ အခွန်လည်း မဆောင်ပါဘူး။ စည်းကမ်းလည်း မလိုက်နာတော့ပါဘူး။ အမှိုက်လည်း စနစ်တကျမပစ်တော့ ပါဘူး။ ကွမ်းတံထွေးလည်း ထွေးချင်ရာထွေးပါတယ်။ အလုပ်ချိန်လည်း အမြဲနောက်ကျပါတယ်။ အလုပ်မှာလည်း ခိုကပ်တတ်ကြပါတယ်။ 

တယောက်နဲ့တယောက်လည်း ပုတ်ခတ်တိုက်ခိုက်နေတတ်ပါတယ်။ လူကတော့ ဒီလူတွေပါဘဲ။ နိုင်ငံခြားမှာတော့ ဥပဒေချိုးဖောက်ရင် ထိထိ ရောက်ရောက် အရေးယူပါတယ်။ ဒီတော့စည်းကမ်းဥပဒေလိုက်နာကြ ပါတယ်။ မြန်မာပြည်ပြန်တော့ ဥပဒေချိုးဖောက်တာမျိုးကို မသိကျိုးကျွံ ပြုထားတယ်။ တရားဥပဒေစိုးမိုးမူ မရှိဘူးဆိုပါတော့။ ဒါနဲ့ လူတွေ နေချင်သလို နေလာကြတယ်။ 

ပြီးတော့ ပြည်သူတွေ စီးပွားရေးအဆင်ပြေအောင် အစိုးရက စီစဉ်ပေးရမယ်။ အစိုးရမှာ တာဝန်ရှိတယ်လို့ ပြောလာတယ်။ နိုင်ငံအတွက် တာဝန်မဲ့လွန်းပါတယ်။ 

ကြားဘူးတာက ဂျပန်ခေတ်တုန်းက ခိုးတာဝှက်တာ လိမ်တာ မရှိကြဘူးလို့ လူကြီးတွေ ပြောကြတာပါ။ ခိုးတဲ့ဝှက်တဲ့ ကလိမ်ကကျစ်လုပ်တဲ့ သူတွေကို လက်သဲခွံခွာတာမျိုး လုပ်ခဲ့လို့ပါ။

မြန်မာနိုင်ငံကို စင်္ကာပူလိုကြီးပွားတိုးတက်တာမျိုးဖြစ်စေချင်ရင် ဥပဒေစည်းကမ်း ထိန်းတာမျိုး တင်းတင်းကြပ်ကြပ်လုပ်သင့်ပါတယ်။ 

ဥပမာ စင်္ကာပူကလို ကြိမ်ဒဏ်မျိုးပေးပြီး စင်္ကာပူကကြိမ်ဒဏ်ပေးတဲ့သူတွေဖိတ်ပြီး ဘယ်လိုရိုက်လဲဆိုတာ ဗီဒီယိုရိုက်ပြီး တနိုင်ငံလုံးပြသင့် တာပါ။ စည်းမဲ့ကမ်းမဲ့လုပ်တာ လွန်နေပါပြီ။ အဲဒီလို စည်းမဲ့ကမ်းမဲ့နေလာသူတွေကို အလုပ်ခန့်ရပြီး အပြစ်တခုခုကျူးလွန်လို့ အလုပ်ထုတ်ရင် အလုပ်ထုတ်ခဲ့ရင် အလုပ်သမားအဖွဲ့အစည်းတွေက ကာကွယ်တတ်ပါတယ်။ အစိုးရကလည်း အောက်ခြေဆင်းရဲသားတွေကို လူလူချင်းစာနာ ထောက်ထားရမယ်လို့ယူဆပါတယ်။ ဒါနဲ့ ပြည်တွင်းလုပ်ငန်းရှင်အများစု လုပ်ငန်းပြုတ်ကြတာပါ။ 

၉။ အရင်းအနှီး ရဖို့ခက်တာပါ။

လုပ်ငန်းရှင်တော်တော်များများ ပြောကြပါတယ်။ ဒါပေမဲ့ ပိုက်ဆံက လုပ်ငန်းအောင်မြင်ဖို့လိုတဲ့အချက် အများကြီးထဲက တခုပါ။ ရဖို့ခက်တာ လည်း အမှန်ပါ။ လူတိုင်း ငွေအရင်းအနှီးရှာဖို့ အချိန်ကုန် အလုပ်မဖြစ်တဲ့အချိန်မှာ ကိုယ့်ဖာသာကိုယ် မေးသင့်တာက ပိုက်ဆံရှိရင် တကယ် အလုပ်ဖြစ်အောင်လုပ်နိုင်မလား ဆိုတာပါ။ ဒါ့အပြင်လုပ်ငန်းရှင်တွေအားလုံး လိုအပ်တဲ့အရင်းအနှီးတွေရနေရင် ပြိုင်ဆိုင်မူများပြီး အမြတ်ရဖို့ ထင်ထားသလိုလွယ်မှာ မဟုတ်ဘူးဆိုတာ သတိထားသင့်ပါတယ်။ နိုင်ငံခြားက FDI တွေက လုပ်ငန်းတိုင်း ချေးငွေရတာချင်းတူတဲ့ သူတို့နိုင်ငံမှာပြိုင်လုပ်ဖို့ခက်လို့ အရင်းအနှီးရဖို့ခက်တဲ့မြန်မာနိုင်ငံကို စွန့်စားပြီး လာလုပ်ကြတာပါ။ 

ဒါကြောင့် လုပ်ငန်းရှင်တွေက အမြတ်တကယ်လိုချင်ရင် ချေးငွေရဖို့ခက်တာကို ကုန်းအော်နေဖို့ထက် ကိုယ့်မှာရှိတဲ့ငွေပမာဏနဲ့ကိုက်တဲ့ ဘာလုပ်ငန်းကို ဘယ်နယ်ပယ် ဘယ်နယ်မှာ ရှာလုပ်ရမလဲဆိုတာပါ။ ပိုက်ဆံရမယ့်လုပ်ငန်း အရင်လုပ်ပါ။ ရလာတော့မှ ကိုယ်လုပ်ချင်တာ လုပ်ပါ။

၁ဝ။ ဘဏ်တိုးများတာပါ။။

ပြည်တွင်းက အတိုးများများပေးရတာတူတဲ့လူချင်း ပြိုင်ရင် ကိစ္စမရှိပေမယ့် အခုလို အတိုးနည်းတဲ့ နိုင်ငံခြားသားလုပ်ငန်းရှင်တွေနဲ့ပြိုင်ရတာ မလွယ်ပါဘူး။

ဘာလုပ်ရင်ကောင်းမလဲ။

ဖြစ်တာက အရင်အစိုးရအဆက်ဆက်ကဖြစ်ခဲ့ပြီး နှစ်ရှည်လများဖြစ်ခဲ့နေတာတွေဆိုတော့ အချိန်ယူပြီး ပြုပြင်တည်ဆောက်ဖို့လိုနေပါတယ်။

#credit MBA classmate Dr Tin Sein

တဆင့်ပြန်လည်မျှဝေပေးခြင်းသက်သက်ပါ။

တွေ့တာယူတာက ဒီနေရာကဖြစ်ပါတယ်။ https://www.facebook.com/search/top/?q=Dr%20Tin%20Sein&epa=SEARCH_BOX

read more

ဗိုလ်လင်းထင်၏ ကိုယ်ရေးအရာရှိနှင့်တွေ့ဆုံခြင်း (အင်တာဗျူးပြုလုပ်သူ မန်းထိန်ဝင်းစိန်)

ဗိုလ်လင်းထင်နဲ့နော်လီဇာဘင်ဆင်

ဗိုလ်လင်းထင်၏ ကိုယ်ရေးအရာရှိနှင့်တွေ့ဆုံခြင်း အင်တာဗျူးပြုလုပ်သူ မန်းထိန်ဝင်းစိန်

၉-၄-၂ဝ၁၆ ဖားအံမြို့မှအပြန် သထုံမြို့နယ် မြသပိတ်တောင်ဘုရားလမ်းတွင်နေထိုင်သူ စောဂျူးထံ ဝင်ရောက်တွေ့ဆုံခဲ့သည်။ စောဂျူးသည် KNU ဗိုလ်ချုပ်ဟောင်းစောအုန်းဖေ၏သားဖြစ်ပြီး တစ်ချိန်က KNU တပ်မဟာ(၅) တပ်မင်းဗိုလ်လင်းထင်၏ ကိုယ်ရေးအရာရှိလည်းဖြစ်ခဲ့သည်။ တပ်မဟာမှူးကို ယခင်အချိန်က တပ်မင်းဟုခေါ်ဝေါ်သုံးစွဲခဲ့သည်။ စောဂျူးအား KNU လက်နက်ကိုင်ထဲတွင် သူ ပါဝင်ပတ်သက်ခဲ့ဖူးသည့် အကြောင်းကို မေးမြန်းခွင့်ရခဲ့ရာ စောဂျူးမှလည်း စိတ်ရှည်လက်ရှည် ဖြေကြားပေးခဲ့သည်။

စာရေးသူ- ဝေါမူမူ ကိုစောဂျူး။
(မင်္ဂလာနံနက်ခင်းဟု အဓိပ္ပါယ်ရသည်)
စောဂျူး – ဝေါမူမူပါ။စာရေးသူ – ၁၉၆၃ခုနှစ် ဇွန်လ(၁၁)ရက်နေ့ တော်လှန်ရေးကောင်စီအစိုးရ ငြိမ်းချမ်းရေးဆွေးနွေးပွဲခေါ်ခဲ့တဲ့ အချိန်တုန်း ကိုစောဂျူးအဖေ ဗိုလ်ချုပ်စောအုန်းဖေနဲ့အဖွဲ့တွေ ပါဝင်ခဲ့တဲ့အကြောင်းတွေ မေးချင်လို့ပါ။
စောဂျူး – ဟုတ်ကဲ့မေးပါ။

စာရေးသူ – အဲ့ဒီတုန်းက ငြိမ်းချမ်းရေးဆွေးနွေးပွဲလာတဲ့အထဲမှာ ကရင်အဖွဲ့ထဲက နှစ်ဖွဲ့ခွဲပြီးလာကြတယ်လို့ သိရတယ်။ ဘာကြောင့် တူတူမလာကြဘဲ ခွဲပြီးလာကြသလဲ။
စောဂျူး – ဟုတ်ပါတယ်။ မန်းဘဇန်ခေါင်းဆောင်တဲ့ KNUP နဲ့ စောဟန်တာသာမွှေးခေါင်းဆောင်တဲ့ KRC ဆိုပြီး နှစ်ဖွဲ့ သီးခြားစီ လာခဲ့ကြ ပါတယ်။

စာရေးသူ – ဘာကြောင့် ကရင်အဖွဲ့ နှစ်ဖွဲ့ဖြစ်နေရတာလဲ။
စောဂျူး – အစကတော့ KNUP နဲ့ KRC ဆိုတာ တူတူပါပဲ။ KNUP နိုင်ငံရေးဦးဆောင်ပါတီဖြစ်ပြီး KRC ဆိုတာ အုပ်ချုပ်ရေးပိုင်းကို တာဝန် ယူရတယ်။ ၁၉၄၉ခု၊ ဇန်နဝါရီလ(၃၁) ကရင်တော်လှန်ရေး စတင်တုန်းက KNU က ဦးဆောင်ခဲ့တယ်။ ၁၉၅ဝခုနှစ် ၊ သြဂုတ်လ(၁၂) ရက် ကျတော့ ဥက္ကဌကြီးစောဘဦးကြီး ကျဆုံးခဲ့တယ်။ ၁၉၅၃ခုနှစ်ကျတော့ KNU တော်လှန်ရေးအတွက် နိုင်ငံရေးစစ်ရေး လမ်းစဉ်သစ်တစ်ခုကို ဝါးခယ်မမြို့နယ်၊ ပါးရိုက်သောင်တန်း(ပရိုက်ဟု အသံထွက်သည်)မှာ ကျင်းပတဲ့ KNU ကွန်ဖရင့်ကနေ ချမှတ်လိုက်တယ်။ အဲ့ဒီလမ်းစဉ်ကို ကရင့်တော်လှန်ရေးရဲ့ ဒုတိယလမ်းစဉ်လို့ ခေါ်ခဲ့တယ်။ အဲ့ဒီကွန်ဖရင့်ကိုလည်း ဝိန့်ထောင်ကွန်ဖရင့်လို့ အမည်ပေးခဲ့တယ်။ အဓိပ္ပါယ်ကတော့ ရွှေမြို့တော်ကွန်ဖရင့်ပေါ့။ KNU ကိုလဲ KNUP လို့ ပြောင်းခဲ့တယ်။

စာရေးသူ – KRC ဆိုတာကကော။
စောဂျူး – KNUP ရဲ့ ဒုတိယလမ်းစဉ်ကို ၁၉၅၃ခုနှစ်က စပြီး ဧရာဝတီတိုင်းမှ စတင်ကျင့်သုံးခဲ့တယ်။ ၁၉၅၅/၁၉၅၆ အရှေ့ကော်သူးလေ ခေါ်တဲ့ သံလွင်မြစ်အရှေ့ဘက်ကို ဖြန့်ကျက် ကျင့်သုံးခဲ့ကြတယ်။ ၁၉၅၅ မှာ KNUP ရဲ့ ဥက္ကဌတာဝန်ကို စောဟန်တာသာမွှေး တာဝန်ယူပြီး မန်းဘဇန်က ဧရာဝတီတိုင်းကိုတာဝန်ယူဖို့ ကျန်ခဲ့တယ်။ ၁၉၅၅ခု တောင်ငူခရိုင်၊ မောကိုရွာအစည်းအဝေးမှာ KRC ကို ဖွဲ့စည်းခဲ့တယ်။ ဥက္ကဌအဖြစ် စောဟန်တာသာမွှေး ၊ ဒုဥက္ကဌအဖြစ် မန်းဘဇန်(နိုင်ငံရေးတာဝန်ခံ) စကောလယ်တောက အတွင်းရေးမှူးအနေနဲ့ အုပ်ချုပ်ရေး တာဝန်ယူပြီး စစ်ရေးတာဝန်ခံကိုတော့ ဗိုလ်ချုပ်မင်းမောင်က တာဝန်ယူခဲ့တယ်။

စာရေးသူ – အဲ့ဒါနဲ့ KNUP နဲ့ KRC ဘယ်အချိန်မှာ ကွဲသွားကြသလဲ။
စောဂျူး – ၁၉၆၃ခု ဧပြီလ(၂ဝ)ရက်က စောဝါး ညီလာခံကြတော့ မန်းဘဇံခေါင်းဆောင်တဲ့ KNUP နဲ့ စောဟန်တာသာမွှေးခေါင်းဆောင်တဲ့ KRC တို့ မူဝါဒချင်းမတူညီကြတော့ဘဲ ကွဲသွားကြပြန်တယ်။ ဒါကြောင့် ငြိမ်းချမ်းရေးဆွေးနွေးပွဲကို တစ်ဖွဲ့စီ လာကြတာပါ။

စာရေးသူ – အဲ့လိုကွဲကြတော့ မကွဲအောင်ထိန်းတဲ့သူတွေ မရှိဘူးလား။
စောဂျူး – ကရင်တော်လှန်ရေး အဲ့ဒီလိုကွဲတော့ ကျနော့်အဖေ(ဗိုလ်ချုပ်စောအုန်းဖေ) တော်တော် စိတ်ထိခိုက်ခဲ့တယ်။ ဒါပေမဲ့ ကျနော့်အဖေ KRC ဘက်ပါမှ ဗိုလ်ထရူးမင်းနဲ့ ဗိုလ်လင်းထင်ပါမှာဖြစ်လို့ စောဟန်တာသာမွှေးက အဖေ့ကိုပါအောင် စည်းရုံးခဲ့တယ်။ အဲ့ဒီတုန်းက ညီလာခံမှာ ဗိုလ်ချုပ်တာမလာဘောလည်း မျက်ရည်တောင်ကျခဲ့တယ်။ ဒါပေမဲ့ KNUP ဘက်မှာ ကျန်ခဲ့တယ်။ ဗိုလ်ချုပ်တာမလာဘောဆိုတာ အခု ပဒိုနော်စီဖိုးရာစိန်ရဲ့အဖေပေါ့။

စာရေးသူ – KRC ငြိမ်းချမ်းရေးဆွေးနွေးပွဲလာတော့ ဘယ်သူတွေပါကြသေးသလဲ။
စောဂျူး – KRC မှာ စောဟန်တာသာမွှေးခေါင်းဆောင်ပြီး ကျနော့်အဖေ ဗိုလ်ချုပ်စောအုန်းဖေ၊ ပဒိုဝေသော၊ ပဒိုဝရီကျော်၊ ဂျေဖူးညို၊ ပဒိုဖိုးညော၊ ပဒိုဘဝင်း၊ တပ်ဖက်က တပ်မဟာ(၅) တပ်မဟာတပ်မင်း ဗိုလ်လင်းထင်၊ ဒုတပ်မင်း ဗိုလ်ဝင်းတို့ပါကြတယ်။

စာရေးသူ – KRC စဖွဲ့စဉ်တုန်းက ဗိုလ်ချုပ်မင်းမောင် ပါမလာတော့ဘူးလား။
စောဂျူး – ၁၉၆၁ အောင်သိဒ္ဓိစစ်ဆင်ရေးမှာ ဗိုလ်ချုပ်မင်းမင်းကျဆုံးတော့ သူ့နေရာကို ကျနော့်အဖေ သူ့နေရာတာဝန် ပြန်ယူရတယ်။

စာရေးသူ – ငြိမ်းချမ်းရေးဆွေးနွေးတဲ့ကာလမှာ ဆက်ဆံရေးရုံးကို ဘယ်မှာထားသလဲ။
စောဂျူး – ဆက်ဆံရေးရုံးက သထုံဗိုလ်ဝင်းအိမ်မှာ ထားတယ်။ ဆက်ဆံရေးရုံးတာဝန်ခံက ဗိုလ်မှူးကြီးမိုးဇက်ပါ။

စာရေးသူ – ကိုစောဂျူး အဲ့ဒီတုန်းက ဘာတာဝန်ရှိသလဲ။
စောဂျူး – အဲ့ဒီတုန်းက ကျနော့်အသက်က(၂ဝ)လောက်ပဲ ရှိသေးတယ်လေ။ ဗိုလ်လင်းထင်နဲ့ ဗိုလ်ဝင်းတို့ခရီးထွက်ရင် ကျနော့်ကို ခေါ်သွားလေ့ရှိတယ်။ တစ်ခါတစ်လေ တပ်မဟာ ရုံးစိုက်တဲ့ သထုံမြို့နယ်ထဲက မြစ်ကျိုးရွာမှာ တခါတလေ ဗိုလ်လင်း ထင်နဲ့ ရန်ကုန် ကုန်းမြင့်သာကို လိုက်ရတယ်။ တခါတလေ ဆက်ဆံရေးရုံး၊ သထုံဗိုလ်ဝင်းအိမ်မှာ နေရတယ်။ အဓိက တာဝန်က တော့ ဗိုလ်လင်းထင်ရဲ့ ကိုယ်ရေးအရာရှိပါ။

စာရေးသူ – အဲ့ဒီတုန်းက KRC လက်အောက်ခံတပ်ဖက်က တာဝန်ရှိသူတွေ ဘယ်သူလဲ။
စောဂျူး – KRC တပ်မဟာ(၅)က သထုံမြစ်ကျိုးမှာ ဌာနချုပ် လုပ်ထားတယ်။ တပ်မဟာမှူးက ဗိုလ်လင်းထင်၊ ဒုတပ်မဟာမှူးက ဗိုလ်ဝင်း၊ တပ်မဟာ(၅)လက်အောက်မှာ တပ်ရင်း(၃)ရင်း ရှိတယ်။ လင်းယုန်တပ်ရင်းကို တပ်ရင်းမှူး ဗိုလ်မှူးကြီးမိုးဇက်၊ ဒုတပ်ရင်းမှူးက ဒုဗိုလ်မှူးကြီး ကြီးရွှေ၊ ဗိုလ်မှူးဝေထူးတို့ဦးဆောင်ပြီး ကျိုက်ထိုမှာ ဌာနချုပ်ထားတယ်။ ဗိုလ်မှူးဝေထူးဆိုတာ စောဘဦးကြီးနဲ့အတူကျဆုံးခဲ့တဲ့ ဗိုလ်ချုပ်စိုင်းခေရဲ့သားပါ။ ကြယ်တာရာတပ်ရင်းက တပ်ရင်းမှူး ဗိုလ်မှူးကြီးဖားလူကျော်ဦးဆောင်ပြီး သထုံမှာအခြေစိုက်တယ်။ ခြင်္သေ့တပ်ရင်းကတော့ တပ်ရင်းမှူး ဒုဗိုလ်မှူးကြီးသာရွှေ၊ ဒုတပ်ရင်းမှူးက ဗိုလ်မှူးဒင်္ဂါး၊ ဘီးလင်းမှာ ဌာနချုပ်ထားတယ်။ ငြိမ်းချမ်းရေး လုပ်ရာမှာ ဒုမဟာတပ်မှူး ဒုဗိုလ်မှူးကြီးဖလဲယာကလေးနဲ့အင်အား တစ်ဝက်လောက်ပဲ ပါလာတယ်။ တပ်မဟာမှူးနဲ့ အင်အားတစ်ဝက် လောက်ကတော့ မပါလာဘဲ ကျန်ခဲ့တယ်။

စာရေးသူ – တော်လှန်ရေးကောင်စီနဲ့ ငြိမ်းချမ်းရေးဆွေးနွေးခဲ့ကြတဲ့ လက်နက်ကိုင်အဖွဲ့တွေထဲမှာ ဘယ်အဖွဲ့တွေ အောင်မြင်ခဲ့သလဲ။
စောဂျူး – KRC တစ်ဖွဲ့တည်း အောင်မြင်ခဲ့တာပါ။ ကျန်တာ ဘယ်အဖွဲ့မှ မအောင်မြင်ခဲ့ပါဘူး။ ၁၉၆၄ မတ်လ(၁၂)ရက် နေ့မှာ KRC နဲ့ တော်လှန်ရေးကောင်စီ ငြိမ်းချမ်းရေးလက်မှတ် ထိုးခဲ့ကြပါတယ်။ KRC တစ်ဖက်က ကျနော့်အဖေ ဗိုလ်ချုပ်စောအုန်းဖေ၊ ဗိုလ်ချုပ်အောင်စိန်၊ ဗိုလ်ချုပ်စိန်မှုံတို့လည်း ပါတယ်။ ဗိုလ်ချုပ်အောင်စိန်ဆိုတာ ကရင်လက်နက်ကိုင်တော်လှန်ရေး စတော့ အစိုးရစစ်တပ် အမြောက်တပ်ကနေ ဘက်ပြောင်းလာတာဖြစ်တယ်။

စာရေးသူ – KRC နဲ့ တော်လှန်ရေးကောင်စီ ငြိမ်းချမ်းရေးလက်မှတ် ရေးထိုးနိုင်ခဲ့ပေမဲ့ ဗိုလ်လင်းထင်ရဲ့ အခြေအနေ ဘယ်လိုဖြစ်သွားတယ် ဆိုတာ ပြောပြပါလား။
စောဂျူး – ၁၉၅၆ စက်တင်ဘာ(၂၈)ရက်နေ့ တစ်နေ့မှာ သထုံစစ်တပ်တပ်ရင်းမှူးက ဗိုလ်လင်းထင်ကို စစ်သားတစ်ယောက်နဲ့ ဘလက်လေဘယ်တစ်လုံး လက်ဆောင်လာပေးတယ်။ အဲ့ဒီအချိန်မှာ ဗိုလ်လင်းထင်မရှိဘူး။ ဗိုလ်ဝင်းနဲ့အတူ ဖီးယက်ကားလေးတစ်စီးနဲ့ ထွက်သွားတယ်။ နောက်မှ ဗိုလ်လင်းထင်နဲ့ဗိုလ်ဝင်း ကျောက်တစ်လုံးရွာက ဖားလူကျော်ဆီသွားမှန်း သိရတယ်။ ညနေရောက်တော့ တပ်မဟာ(၅)၊ မြစ်ကျိုးဌာနချုပ်က ဗိုလ်မှူးဝေထူး၊ ဗိုလ်လင်းထင်ဆီ စာတစ်စောင် မြစ်ကျိုးသူကြီးနှင့်ပို့တာ ရောက်လာပြန်တယ်။ ဗိုလ်လင်းထင်ပြန်ရောက်ပြီး စာကိုဖောက်ဖတ်ကြည့်လိုက်တော့ ဗိုလ်မှူးကြီးမိုးဇက်နဲ့ ဒုဗိုလ်မှူးကြီး ကြီးရွှေတို့ တပ်မဟာ(၅)အမိန့်ကို မနာခံလိုတော့ကြောင်း သိရတယ်။ (၁၉၆၅ ဖြစ်မည်ဟုတွက်မိပါသည်။ စာရိုက်မှားတာဖြစ်နိုင်သလို ပြောပြသူ ခုနှစ်အမှတ်များတာလည်း ဖြစ်နိုင်ပါသည်)

ဗိုလ်လင်းထင်လည်း ဗိုလ်ဝင်းနဲ့ကျနော့်ကို ဘီးလင်း နတ်ကြီးရွာ ဒုဗိုလ်မှူးကြီး ကြီးရွှေကို သွားခေါ်ခိုင်းခဲ့တယ်။ ဗိုလ်ဝင်းလည်း သထုံစစ်တပ်ကို ကားအကူအညီလှမ်းတောင်းတော့ စစ်ကားတစ်စီးရောက်လာတယ်။ ကားရောက်တော့ ဗိုလ်ဝင်းက ကားခေါင်းခန်းထဲက လိုက်ပြီး ကျနော်နဲ့ ရဲဘော်သုံးယောက်က နောက်ခန်းကလိုက်ကြတယ်။ ပါလာတဲ့ သထုံစစ်တပ်က စစ်သား (၄)ယောက်ဟာ အရပ်ဝတ်နဲ့ ပေမယ့် ခါတိုင်းလို ကျနော်တို့နဲ့မျက်နှာချင်းဆိုင်မထိုင်ကြဘဲ၊ ကျနော်တို့ကို တစ်ယောက်ဆီ ညှပ်ထိုင်နေကြတာ ကျနော်တို့လည်း သတိ မထားမိခဲ့ဘူး။ ကားထွက်တော့ ကားဒရိုင်ဘာက စပယ်ယာဘီး မေ့ကျန်ခဲ့ကြောင်း ဘီးလင်းအထိသွားရမှာဖြစ်လို့ တပ်ရင်းကို စပယ်ယာဘီး ပြန်ယူမယ်ဆိုပြီး တပ်ရင်းဘက်ကို ကားပြန်မောင်းခဲ့တယ်။

တပ်ရင်းရောက်တော့ ဗိုလ်ဝင်းက အတော်ဘဲ တပ်ရင်းမှူး နှုတ်ဆက်လိုက်အုံးမယ်ဆိုပြီး တပ်ရင်းရုံးပေါ်ကို တက်သွားတယ်။ အတော် ကလေးကြာတော့ စစ်ဗိုလ်တစ်ယောက်ရောက်လာပြီး ဗိုလ်ဝင်းက သူသေနတ်ပေးလိုက်ပါလို့ ပြောတယ်။ ကျနော်လည်း စိတ်ထဲမသန့်တာနဲ့ ဗိုလ်ဝင်းကိုင်တဲ့သေနတ်ကို မပေးဘဲ ကျနော်ကိုင်တဲ့ ဘရောင်နီပစ္စတိုကို ပေးလိုက်တယ်။ တစ်အောင့်လောက်ကြာတော့ အဲ့ဒီစစ်ဗိုလ် ပြန်ရောက်လာပြီး ဗိုလ်ဝင်းက ပေးလိုက်တာ သူ့သေနတ်မဟုတ်ကြောင်း ကျနော့်ကိုပြောတော့ ကျနော်လည်း ဗိုလ်ဝင်းကိုင်တဲ့ လားမားပစ္စတို ကို ပေးလိုက်တယ်။ သေနတ်နှစ်လက် ပေးပြီးတာနဲ့ ကျနော်တို့ လေးယောက်စလုံးလည်း အဖမ်းခံရတော့တာပါပဲ။ အဲ့ဒီတော့မှ ကျနော်တို့ လည်း တပ်ရင်းရုံးပေါ်မှာ ဗိုလ်ဝင်းကို အရင် ဖမ်းထားပြီးကြောင်း သိရတော့တယ်။

စာရေးသူ – အဲ့ဒီလို အဖမ်းခံရပြီး ခင်ဗျားတို့ကို ဘယ်မှာထားလဲ။
စောဂျူး – အဲ့ဒီည ဗိုလ်ဝင်းနဲ့ ကျနော်တို့လေးယောက် သထုံတပ်ရင်းရုံးမှာပဲ ဖမ်းထားတယ်။

စာရေးသူ – အဲ့ဒီတုန်းက သထုံတပ်ရင်းက တပ်ရင်းဘယ်လောက်လဲ။
စောဂျူး – တပ်ရင်းက(၂၄) တပ်ရင်းမှူးက ဗိုလ်မှူးအုန်းကြည်ပါ။

စာရေးသူ – နောက်ထပ် ဘာဆက်ဖြစ်သေးလဲ။
စောဂျူး – အဲ့ဒီည သထုံတပ်ရင်းရုံးထဲမှာ အဖမ်းခံနေရတုန်း ညဘက်ကြတော့ ကာဘိုင်သံနှစ်ချက်ကြားလိုက်ရပြီး တပ်ရင်းရုံးထဲက စစ်သားတွေလည်း အောင်ပြီဆိုတဲ့ကြွေးကြော်သံ ကြားလိုက်ရတယ်။ မနက်မိုးလင်းတော့ ဗိုလ်မှူးကြီးမိုးဇက်နဲ့ ဒုဗိုလ်မှူးကြီး ကြီးရွှေတို့ သထုံတပ်ရင်းရုံးထဲရောက်လာကြပြီး ပြန်ထွက်သွားတာကို တွေ့လိုက်ရတော့ ဗိုလ်မှူးကြီးမိုးဇက်နဲ့ ဒုဗိုလ်မှူးကြီး ကြီးရွှေတို့ ကျနော်တို့ကို သစ္စာဖောက်လိုက်ပြီဆိုတာ သိလိုက်ရတယ်။

စာရေးသူ – ကဲဆက်ပြောပါအုံး။
စောဂျူး – ဗိုလ်ဝင်း၊ ကျနော်၊ ဗိုလ်မှူးပြူး၊ ဗိုလ်မှူးကြီးဖားလူကျော်၊ ဗိုလ်မှူးဝေထူး၊ ဗိုလ်မှူးဂေါ်ဖရီ၊ ဒုဗိုလ်မှူးကြီးဖဲယားကလေး၊ ဗိုလ်ဘခက်၊ ခွန်ဗဆွေ၊ ပဒိုဘွိုင်း၊ ဗိုလ်မှူးမိုးဝေတို့အားလုံး မော်လမြိုင်ထောင်ကို အပို့ခံလိုက်ရတယ်။

စာရေးသူ – ကိုစောဂျူး ထောင်ဘယ်လောက် ကျခဲ့သလဲ။
စောဂျူး – ကျနော် မော်လမြိုင်နဲ့အင်းစိန် ထောင်နှစ်ခုပေါင်း (၉)နှစ်လောက်နေခဲ့ရတယ်။

စာရေးသူ – တခြားလူတွေကော။
စောဂျူး – ဗိုလ်ဝင်းတော့ မော်လမြိုင်ထောင်မှာ သုံးနှစ်ကျပြီး ပြန်လွတ်တယ်။ ပြီးတော့ သထုံပါတီယူနစ်အတွင်းရေးမှူး၊ ဗိုလ်မှူးကြီး ထရူးမင်းက ဦးထွန်းမင်းဆိုတဲ့နာမည်နဲ့တောင်ငူမှာ ပါတီယူနစ်ဥက္ကဌတွေ ဖြစ်သွားကြတယ်။

စာရေးသူ – KRC ထိပ်ပိုင်းခေါင်းဆောင်တွေလည်း ဘာတွေဆက်ဖြစ်သွားကြသေးလဲ။
စောဂျူး – စောဟန်တာသာမွှေးက ပညာရေးသုတေသနဌာနမှာ အထူးအရာရှိ၊ ပဒိုဘထွန်းက ကရင်ပြည်နယ်မှာ ပညာရေးတာဝန်ခံ ရာထူးတွေရသွားကြတယ်။ ပဒိုဝေသောနဲ့ ပဒိုဝရီကျော်တို့ကတော့ နိုင်ငံဂုဏ်ရည်ပထမအဆင့်ဘွဲ့တွေ ရသွားကြတယ်။

စာရေးသူ – ဗိုလ်လင်းထင်က နောက် ဘာဖြစ်သွားသေးလဲ။
စောဂျူး – ဗိုလ်လင်းထင်က တော်လှန်ရေးကောင်စီနဲ့လုပ်တဲ့ငြိမ်းချမ်းရေး တပ်ပိုင်းဆိုင်ရာကိစ္စတွေ သဘောကွဲလွဲပုံရတယ်။ ငြိမ်းချမ်းရေးကို မယုံကြည်ဘဲ တောထဲပြန်သွားဖို့ဘဲ ကျနော်ထင်တယ်။ ထားဝယ်ခရိုင် ကလိန်ချောင်းစခန်း ဗိုလ်မှူးကြီးအော်လီဗာဆီကို စာပို့ခိုင်းလိုက်လို့ ကျနော် ပို့ခဲ့ရတယ်။

စာရးသူ – ထားဝယ်ကို ဘယ်လိုသွားခဲ့သလဲ။
စောဂျူး – လေယာဉ်နဲ့ပဲ သွားရတယ်။ စာကို စီးကရက်သံဗူးထဲ ထည့်သွားရတယ်။ ဗိုလ်လင်းထင်က ကျနော့်ကို စီးကရက်သောက်ရင် ဘေးကအလိပ်ကိုဘဲ သောက်ဖို့ အလယ်အလိပ်ကိုမသောက်ဖို့ ပြောထားခဲ့တယ်။ စာထဲ ဘာပါသလဲတော့ ကျနော်လည်း မသိဘူး။

စာရေးသူ – အဲ့ဒီတုန်းက KRC နဲ့ တော်လှန်ရေးကောင်စီ ငြိမ်းချမ်းရေးဆွေးနွေးရေးအပေါ် ဗိုလ်လင်းထင် ဘယ်လိုမြင်တယ်လို့ ယူဆသလဲ။
စောဂျူး – စောဟန်တာသာမွေးတို့ ကုန်းမြင့်သာမှာ အစည်းအဝေးလုပ်ရင် ဗိုလ်လင်းထင်တက်လေ့မရှိဘူး။ နိုင်ငံရေးမှူးတွေဖြစ်ကြတဲ့ ပဒိုဘွိုက်နဲ့ခွန်ဘဆွေပဲ တက်လေ့ရှိတယ်။ တော်လှန်ရေးကောင်စီနဲ့လုပ်တဲ့ ငြိမ်းချမ်းရေးကို သူ ယုံကြည်ပုံမရဘူးလို့ပဲ ပြောချင်တယ်။ အောက်က တပ်မှူးတွေကို အခြေအနေမကောင်းရင် တောထဲပြန်သွားဖို့ ပြောထားပုံရတယ်။ ဒါ ကြောင့် ဒီသတင်းကို ဗိုလ်မှူးကြီးမိုးဇက်နဲ့ ဒုဗိုလ်မှူးကြီး ကြီးရွှေတို့ တပ်မတော်ကိုသတင်းပို့တယ်လို့ပဲ ပြောရမှာပေါ့။

စာရေးသူ – အဲ့ဒီတုန်းက တော်လှန်ရေးကောင်စီက ငြိမ်းချမ်းရေးဆွေးနွေးပွဲမအောင်မြင်ရင် လာတဲ့နေရာထိ ပြန်ပို့ပေးမယ်။ ၇ရက်အတွင်း အတိုက်အခိုက်မလုပ်ဘူးလို့ကတိပေးခဲ့တယ် မဟုတ်လား။
စောဂျူး – ဟုတ်ပါတယ်။ ဒါပေမဲ့ သခင်စိုးနဲ့ ငြိမ်းချမ်းရေးဆွေးနွေးပွဲပျက်ပြီးတော့ တောထဲရောက်မှ တပ်မတော်က လိုက်တိုက်ခိုက်ခဲ့သေး တယ်။ ၁၉၆၄ခု၊ နိုဝင်ဘာ(၁၄)ရက်နေ့မှာ မ-ဒ-ည-တ နဲ့ ငြိမ်းချမ်းရေးဆွေးနွေးပွဲ ပျက်တယ်။ ဗကပ၊ KNUP-NMSP တို့ အတူတူပြန်ကြပြီး ပဲခူးရိုးမက KNUP တပ်တွေလာကြိုတော့ တိုက်ပွဲမဖြစ်ခဲ့ဘူး။ ဒါပေမဲ့ ငြိမ်းချမ်းရေးဆွေးနွေးပွဲပျက်တယ်လို့ ရေဒီယိုကလည်း ကြေညာရော၊ ပန်းတနော် တောကျောင်းရွာမှာ အစည်းအဝေးလုပ်နေတဲ့ KNU အရံဗဟိုကော်မတီဝင် မန်းဘစောကို စစ်တပ်ကတက်ဖမ်းတာ မမိလိုက်ဘူး။ တောကျောင်းရွာဆိုတာ ပဒိုမန်းရှာရဲ့ဇာတိရွာပေါ့။

စာရေးသူ – ဗိုလ်လင်းထင် နောက်ထပ် ဘာဖြစ်သွားသေးလဲ။
စောဂျူး – ကျနော်နဲ့ သထုံတပ်ရင်းမှာ အဖမ်းခံနေရတုန်း သထုံမြို့ထဲက ကာဘိုင်သံနှစ်ချက်နဲ့ သထုံတပ်ရင်းကစစ်သားတွေ အောင်ပြီဆိုတဲ့ ကြွေးကြော်သံကြားရတယ်လို့ ကျနော်ပြောခဲ့တယ် မဟုတ်လား။ အဲ့ဒီညက ဗိုလ်လင်းထင်ဟာ သူ ခိုင်းလို့ ကျနော်တို့လိုက်ခေါ်ပေးရတဲ့ ဘီးလင်းက ဒုဗိုလ်မှူးကြီး ကြီးရွှေအလာကိုစောင့်ရင်း သထုံကျုံးကြီးလမ်းက ဒေါက်တာစောဟိန်းအိမ်ကို ညစာသွားစားတယ်။ ဒေါက်တာ စောဟိန်းဆိုတာ ဗိုလ်ထရူးမင်းရဲ့နှမ အန်တီဒေါ်ရစ်နဲ့ရတာ။ ဗိုလ်ဝင်းနဲ့ကျနော်တို့ ပြန်ရောက်မလာတာ သထုံတပ်ရင်းက ဖမ်းထားလိုက်ပြီ ဆိုတာ ဗိုလ်လင်းထင်လည်း မသိခဲ့ဘူး။ ဗိုလ်လင်းထင်လည်း ဒေါက်တာစောဟိန်းအိမ်မှာ ညစာစားတုန်း သထုံစစ်တပ်ကဝင်ဖမ်းတာ ခံလိုက်ရတယ်။ ကားပေါ်မှာ ရုန့်ရင်းဆန်ခတ်ဖြစ်ပြီး ဗိုလ်လင်းထင်ဦးခေါင်းကို ကာဘိုင်နဲ့ နှစ်ချက်ဆင့်ပစ်လိုက်တော့ ဗိုလ်လင်းထင်လည်း ကျဆုံးသွားတယ်။ သထုံတပ်ရင်းမှာ ကျနော်တို့အဖမ်းခံရတုန်းကြားခဲ့ရတဲ့ ကာဘိုင်သံနှစ်ချက်ဟာ ဒါပဲ ဖြစ်မှာပါ။ အဲ့ဒီတစ်ညလုံး သထုံ၊ ဘီးလင်း၊ ကျိုက်ထို၊ မော်လမြိုင်မြို့တွေမှာ သံချပ်ကာကားနဲ့ မိုးလင်းတဲ့အထိ စစ်တပ်တွေ ကင်းလှည့်ကြတယ်လို့ ပြောကြတယ်။ ဗိုလ်လင်းထင်အလောင်းကိုလည်း မော်လမြိုင်သယ်ပြီး ပင်လယ်ထဲ အစဖျောက်လိုက်တယ်လို့ သိရတယ်။

စာရေးသူ – ၁၉၅၄ကို နိုဝင်ဘာလ(၁၅)ရက် စစ်တောင်းကနေ မုတ္တမအသွား ရန်ကုန်-မော်လမြိုင်ရထားကို ဒုံဝန်းနဲ့ သိမ်ဆိပ်ဘူတာကြားမှာ ဗိုလ်လင်းထင် ရထားမိုင်းခွဲစဉ်က တက္ကသိုလ်ကျောင်းသူ(၃ဝ)ဆိုလား၊ (၁ဝဝ)ဆိုလား ဗိုလ်လင်းထင်က တရုတ်ဖြူဗိုလ်ချုပ်လောလီဆီကို ရောင်းစားလိုက်တယ်ဆိုတဲ့သတင်းကော ပြောပြပါလား။
စောဂျူး – ဒီမေးခွန်းကိုမေးတဲ့အတွက် ကျေးဇူးတင်ပါတယ်။ ကျနော် သိပ်ဖြေချင်တဲ့မေးခွန်းပါ။ အဲ့ဒီတုန်းက ရထားမိုင်းခွဲတာ ဗိုလ်လင်းထင် မဟုတ်ပါ။ ဒုတပ်မင်း ဗိုလ်ဝင်းပါ။ စစ်လက်နက်ပစ္စည်းကို လူစီးရထားနဲ့ပို့တာသတင်းရလို့ ဖြတ်တိုက်တာပါ။ လက်နက်တွေလည်း အများကြီး ရခဲ့ပါတယ်။ ဘယ်တက္ကသိုလ်ကျောင်းသူကိုမှ မဖမ်းခဲ့ပါဘူး။

စာရေးသူ – ဖဆပလအစိုးရက စစ်လက်နက်ပစ္စည်းတွေကို စစ်ယာဉ်တွေနဲ့မပို့ဘဲ လူစီးရထားနဲ့ ဘာကြောင့်ပို့တယ်လို့ ထင်သလဲ။
စောဂျူး – ဖဆပလ အစိုးရက စစ်လက်နက်ပစ္စည်းတွေကို စစ်ယာဉ်တွေနဲ့မပို့ဘဲ လူစီးရထားနဲ့ပို့တယ်ဆိုတာ သူတို့ လုံခြုံရေးအတွက် လူထုကိုအကာအကွယ်ယူချင်တာနဲ့ လိုအပ်ရင် နိုင်ငံရေးညစ်ပတ်လို့ရအောင်လို့ပဲ ပြောချင်တယ်။

စာရေးသူ – တက္ကသိုလ်ကျောင်းသူ(၁ဝဝ)လား (၃ဝ)လား ကိစ္စကိုတော့ ကိုစောဂျူး ဘာထပ်ပြောချင်သေးသလဲ။
စောဂျူး – မဟုတ်ဘူးလို့ဘဲ ထပ်ပြောချင်တယ်။ သမိုင်းပါမောက္ခစောထွန်းအောင်ချိန်ဆိုတာ ကျနော်နဲ့ ညီအစ်ကိုနှစ်ဝမ်းကွဲ တော်ပါတယ်။ သူ့အဖေနဲ့ ကျနော့်အဖေ ညီအစ်ကိုတစ်ဝမ်းကွဲ၊ သူ့အဖိုးနဲ့ ကျနော့်အဖိုးက ညီအစ်ကိုအရင်းတွေပါ။ ဗိုလ်ဝင်းက တက္ကသိုလ်ကျောင်းသူ (၃ဝ) ကိစ္စ မဟုတ်တဲ့အကြောင်း အဲ့ဒီတိုက်ပွဲကို ဗိုလ်လင်းထင်မဟုတ်ဘဲ သူကိုယ်တိုင် ဦးစီးတိုက်ခဲ့ကြောင်း ကျနော့်အစ်ကို စောထွန်းအောင်ချိန်ကို အဖြစ်မှန်ပြန်ရေးဖို့ ကျနော့်ကိုပြောခိုင်းတယ်။ ကျနော် (၂) ခါတောင် သူ့ (စောထွန်းအောင်ချိန်)ကို ပြောပါတယ်။ သူ မရေးရဲတာလား၊ မရေး ချင်တာလားတော့ ကျနော် မသိဘူး။ သူ့ဆန်စားလျှင် ရဲရတယ်လို့သာ ကျနော့်ကို ပြန်ပြောတယ်။

စာရေးသူ – ဗိုလ်လင်းထင်နဲ့ နော်လွီဇာဘင်ဆင် ယူကြတာကော တကယ်ချစ်ကြလို့လား။ တစ်ဦးတစ်ယောက် ဒါမှမဟုတ် အဖွဲ့အစည်း တစ်ခုခုက ကြိုးကိုင်စေခိုင်းလို့လား။
စောဂျူး – ဒါကတော့ ကျနော်မသိဘူး။ နော်လွီဇင်ဘင်ဆင်ရဲ့အဖေ စောဘင်ဆင်ကို ဖဆပလအစိုးရကဖမ်းထားတုန်းက သူ့အမေနဲ့အတူ လှည်းကူးမှာလာနေတုန်း ကျနော်တို့နဲ့သိကျွမ်းခဲ့ဖူးတယ်။ နော်လွီဇင်ဘင်ဆင်ကို ကျနော်က ဗိုလ်လင်းထင် မိန်းမများတာသိရဲ့နဲ့ ဘာလို့ ယူရသလဲလို့ ကျနော် မေးဖူးတယ်။

စာရေးသူ – နော်လွီဇာဘင်ဆင် ဘယ်လိုပြန်ဖြေသလဲ။
စောဂျူး – မိန်းမဆိုတာ နှာခေါင်းမပါရင် (××××) ကြွေးရင်တောင် စားတယ်လို့ဘဲ ကျနော့်ကို ပြန်ပြောတယ်။

စာရေးသူ – ဗိုလ်ချုပ်နေဝင်းနဲ့ နော်လွီဇာဘင်ဆင်တို့ ကောလဟလသတင်းတွေထွက်တာနဲ့ ပတ်သက်ပြီးကော ကိုစောဂျူး ပြောပြနိုင်မလား။
စောဂျူး – နော်လွီဇာဘင်ဆင်က အဲ့ဒီတုန်းက ဗိုလ်ချုပ်နေဝင်း ကလေးတွေကို စာသင်ပေးရတယ်။ မဟုတ်ဘူးလို့ဘဲ ကျနော့်ကို ပြောခဲ့တယ်။

စာရေးသူ – ကိုစောဂျူးအဖေ ဗိုလ်ချုပ်စောအုန်းဖေကျတော့ အဖမ်းလည်း မခံရဘူး။ ဘာရာထူးမှလည်း မရတာ ဘာကြောင့်လဲ။
စောဂျူး – ကျနော့်အဖေက ဗိုလ်လင်းထင်ကိစ္စကို သူဘာမှမသိတာ။ တော်လှန်ရေးကောင်စီက သူ့ကိုမယုံကြည်ဘူး။

စာရေးသူ – တော်လှန်ရေးကောင်စီနဲ့ KRC လက်မှတ်ရေးထိုးခဲ့တဲ့ ငြိမ်းချမ်းရေးအပေါ်ကို စောဂျူးအဖေ ဘယ်လိုမြင်လဲ။
စောဂျူး – ကျနော့်အဖေ(ဗိုလ်ချုပ်စောအုန်းဖေ)က တော်လှန်ရေးကောင်စီဟာ ဘာမှ ကတိမတည်ဘူးလို့ ပြောခဲ့ဖူးတယ်။ အဲ့ဒီတုန်းက ဗိုလ်မြက ကျနော့်အဖေနဲ့ စောဟန်တာသာမွှေးကို တောထဲပြန်သွားဖို့ခေါ်သေးတယ်။ KRC မရှိတော့ပေမယ့် ကရင်တော်လှန်ရေး ကမ္ဘာမှာ ရှိသေးတယ်ဆိုတာ ပြချင်တဲ့သဘောပေါ့။

စာရေးသူ – သူတို့ သွားဖြစ်ကြသေးလား။
စောဂျူး – မသွားဖြစ်ကြတော့ပါဘူး။ အသက်တွေလည်း ကြီးနေကြပြီ။ ကျန်းမာရေးလည်း သိပ်မကောင်းကြတော့ဘူး။ စစ်တပ်ကလည်း စောင့်ကြည့်တာ ခံနေရတယ်။

စာရေးသူ – တာဘလု- အခုလို ပြောကြားပေးတဲ့အတွက် ကျေးဇူးပါပဲ ကိုစောဂျူး။
(ကျေးဇူးတင်ပါသည်ဟု အဓိပ္ပါယ်ရသည်)

ယူတာကဒီနေရာကဖြစ်ပါတယ် http://kicnews.org/2018/11/%e1%80%97%e1%80%ad%e1%80%af%e1%80%9c%e1%80%b9%e1%80%9c%e1%80%84%e1%80%b9%e1%80%b8%e1%80%91%e1%80%84%e1%80%b9%e1%81%8f-%e1%80%80%e1%80%ad%e1%80%af%e1%80%9a%e1%80%b9%e1%80%b1%e1%80%9b%e1%80%b8%e1%80%a1/

read more