ကျွန်တော်တွေးမိသလို ရေးပါမည် (၂၉ဝ) ဝင်းအောင်ကြီး (မောင်အောင်မွန်)
ဖျောက်နေသည့်ကြား ပျောက်မသွားသေးသူ ဒေါက်တာထင်အောင်
(၁)
၁၉၅၁ ခု၊ ကျွန်တော် အကြိုတက္ကသိုလ်ဝင်တန်း(Pre-Matric) ရောက်လာ၍ အင်္ဂလိပ်စာ(၃)အုပ်ထဲ Selections From Burmese Folk-Tales By Maung Htin Aung လည်း ပါသည်။ စာအုပ်ရေးသူသည် ရန်ကုန်တက္ကသိုလ်ပါမောက္ခချုပ် ဒေါက်တာထင်အောင်မှန်းလည်း သိလိုက်ရသည်။ ကြားဖူးပြီးသား ရိုးရာပုံပြင်များပါ။ အသင်ပြကောင်းသောဆရာကြောင့် ဒေါက်တာထင်အောင်၏ အင်္ဂလိပ်စာရေးသားပုံကို မြည်းစမ်းခွင့်ရလိုက်ပြီ။
နောက်နှစ်ကျတော့ ရန်ကုန်တက္ကသိုလ်ရောက် သူငယ်ချင်းကိုတင်ညွန့်ထံမှ စာတွေထဲ ဒေါက်တာထင်အောင်အကြောင်း မကြာခဏပါ၏။ မမြင်ဖူးခင်ကတည်းက သဘောကျနေသော ဆရာကြီးအား ၁၉၅၃ ခု၊ ရန်ကုန်တက္ကသိုလ်ကျောင်းသားအဖြစ် ဆုံခွင့်ကြုံခွင့်ရကတည်းက ကြိုက်လိုက်ရာ ယနေ့အထိပါ။
၁၉ဝ၉ ခု၊ မေလ (၁ဝ)ရက်နေ့ဖွား မောင်ထင်အောင်တို့ သားချင်း(၆)ယောက်အနက် ယောက်ျားလေး (၄)ယောက်ထဲ သူကအငယ်ဆုံး ဖြစ်သည်။ မောင်တင်ထွဋ်၊ မောင်မြင့်သိန်းနှင့် မောင်ကျော်မြင့်ပြီးတော့မှ သူပါ။ နှမနှစ်ယောက်က တင်စောမူနှင့် ခင်စောမူ။ ညီအစ်ကိုတွေထဲ နံပါတ်(၄) ဖြစ်သောကြောင့်နေပါလိမ့်မည်၊ ရန်ကုန်တက္ကသိုလ်ပါမောက္ခချုပ်ဖြစ်လာစဉ် အမျိုးသား အဆောင်လိုက်ဘော်လီဘောပြိုင်ပွဲ ဒေါက်တာထင်အောင်က သူချီးမြှင့်သည့်ဖလားကို 4th Brother’s Cup ဟုနာမည်ပေး၏။
ကျောင်းသားများက ညီပုလေးဒိုင်းဟု ချစ်စနိုးခေါ်ကြသည်။
(၂)
၁၉၄၈ ခု၊ စက်တင်ဘာလ (၁၈)ရက်ညကို ဒေါက်တာထင်အောင် မေ့၍ရမည်မထင်ပါ။
သူတို့အစ်ကိုကြီး ICS ဦးတင်ထွဋ်သည် သြဂုတ်လ(၁၆)ရက်နေ့ကမှ နိုင်ငံခြားရေးဝန်ကြီးအဖြစ်ကနှုတ်ထွက်ကာ တပ်မင်းကြီးဖြစ်လာ၏။ စက်တင်ဘာလ (၁၇)ရက်ညတွင် သူအယ်ဒီတာချုပ်လုပ်နေသော New Time of Burma သတင်းစာခေါင်းကြီးပိုင်းရေး အပြန် ကားပေါ်သို့ လူတစ်ယောက်က လက်ပစ်ဗုံးပစ်ဖောက်ရာ ပြင်းထန်စွာဒဏ်ရာရ၏။ သွေးသံရဲရဲနှင့် ဆေးရုံကြီးသို့သယ်သွား၍ ဒေါက်တာထင်အောင်တို့ အပြေးအလွှား လိုက်သွားကြသည်။
ဦးတင်ထွဋ်သည် နဖူး၊ ဘယ်ဘက်မေး၊ ဘယ်ဘက်ပေါင်၊ ဘယ်ဘက်ဒူး၊ ဘယ်ဘက်ခြေမျက်စိ၊ ဘယ်ဘက်ခြေဖျား၊ ဘယ်ဘက်လက်ဖျားထိပ်- ဒဏ်ရာပေါင်း(၈) ခုနှင့် လူးလှိမ့်ခံနေရသည်ကို ဒေါက်တာဘသန်းတို့ ကြိုးစားကုသနေကြ၏။ စစ်ဦးစီး ဗိုလ်ချုပ်စမစ်ဒွန်းရောက်လာ၏။ မနက်မိုးလင်းတော့ ရက်သားပူပူနွေးနွေး နိုင်ငံခြားရေးဝန်ကြီး နာမည်ကြီးဦးကျော်ငြိမ်းနှင့်အတူရောက်လာသော ဝန်ကြီးချုပ်သခင်နုက အိန္ဒိယကဆရာဝန်ကြီး ပင့်ကာကုသလိုကြောင်း ပြောကြားသည်။
သို့သော်လည်း ည(၇)နာရီ (၃၅)မ်ိနစ်အချိန်၌ ဦးတင်ထွဋ် ကွယ်လွန်သွား၏။ လူသတ်ကောင်ကို ရန်ကုန်ရဲမင်းကြီး ဦးအောင်ချိန်တို့ စုံစမ်းနေရာ ပေါ်လုလုအခြေတွင် သခင်နုတို့က ဦးအောင်ချိန်အားဖယ်ရှားပြီး သူ့နေရာလူစားခန့်လိုက်သည်။ လူသတ်ကောင်ကို တပြည်လုံး သိကြပြီး သေသည်ထိပေါ်တင်ကြီးနေသွား၏။
ဒေါက်တာထင်အောင်သည် ပုထုစဉ်လူသားမို့ အဘယ်မှာလျှင် မနာကြည်းပဲ နေပါမည်နည်း။
(၃)
ရန်ကုန်မြို့စိန်ပေါလ်ကျောင်းက ၁ဝ တန်းအောင်သော မောင်ထင်အောင်၊ ပညာဆက်သင်ပုံအကြောင်း ရှာမရပါ။ အင်္ဂလန်နိုင်ငံ Oxford တက္ကသိုလ်နှင့် Cambridge တက္ကသိုလ်တို့တွင် တက်ခဲ့ပုံသာ သွားတော့ရပါသည်။ Burmese Folk-Tales By Maung Htin Aung စာအုပ်ကို Oxford တက္ကသိုလ်က ၁၉၃၇ ခု၊၌ ပုံနှိပ်ထုတ်ဝေကြောင်းတွေ့ရသည်။
၁၉၃၆ ခု၊ ဒုတိယကောလိပ်သပိတ်အပြီး ပေါ်ထွက်လာသော အမျိုးသားတက္ကသိုလ် ညနေသင်တန်း၌ အင်္ဂလိပ်စာနှင့်နိုင်ငံရေးသိပ္ပံ ဘာသာရပ်များ စေတနာ့ဝန်ထမ်းပို့ချကြောင်း မှတ်တမ်းများတွင်ပါရှိသည်။ ဒုတိယကမ္ဘာစစ်ကြီးအပြီး ရန်ကုန်တက္ကသိုလ် ပြန်ဖွင့်သောအခါ ၁၉၄၆-၄၇ အထိ အုပ်ချုပ်ရေးမှူး၊ အခေါ်အဝေါ်ပြောင်းလိုက်၍ ၁၉၄၇-၅၉ ခု၊အထိ ပါမောက္ခချုပ်ဖြစ်ခဲ့၏။
၁၉၅၉ ခု၊ အိမ်စောင့်အစိုးရဝန်ကြီးချုပ် ဗိုလ်ချုပ်ကြီးနေဝင်းက ဒေါက်တာထင်အောင်အား ပါမောက္ခချုပ်အဖြစ်ကဖယ်ရှားပြီး ဒုတိယအဓိပတိ အဖြစ်သို့ပို့လိုက်သည်။ ထို့နောက် သီရိလင်္ကာဆိုင်ရာ မြန်မာသံအမတ်အဖြစ် ကိုလံဘိုမြို့သွားရောက်အမှုထမ်းရသည်။ ထိုစဉ်က သံအမတ် ဆိုသည်မှာ ယခင်ကကဲ့သို့ Career Diplomats များမဟုတ်တော့ဘဲ ပြည်တွင်း၌ မထားလိုသူများကိုသာ ခန့်လေ့ရှိ၏။
ဒေါက်တာထင်အောင်လိုပုဂ္ဂိုလ်အား ပဲခူတိုင်းလောက် မရှိတရှိနိုင်ငံသို့ပို့ခြင်း၏ နောက်ကွယ်ကအကြောင်းကို စိတ်ဝင်စား၍ ကျွန်တော်ရှာဖွေ လေ့လာရတော့သည်။ တပ်မတော်အရာရှိများ အရည်အသွေးမြင့်မားရေးကို အစဉ်တစိုက်လုပ်လေ့ရှိသော Brain of Army ဟု တင်စားခံရသူ ဗိုလ်မှူးကြီးမောင်မောင်က ဦးဆောင်ပြီး စစ်တက္ကသိုလ် (DSA) ဖွင့်ရန်စီစဉ်သည်။ ဘွဲ့ရပြီးမှ တပ်ထဲဝင်ခြင်းထက် (၁ဝ)တန်းအောင်ကတည်း စစ်ပညာနှင့်တက္ကသိုလ်ပညာ ပြိုင်တူသင်ကြခြင်း၏သက်ရောက်မှုမို့ အစိုးရကလည်း သဘောတူဖော်ဆောင်ပေး၏။
ပါမောက္ခချုပ်ဒေါက်တာထင်အောင်တို့ကလည်း သင်ရိုးညွှန်းတမ်းများရေးဆွဲရာ၌ ဝင်ကူသလို ဆရာများလည်း စေလွှတ်ပေး၏။ သည်လိုနှင့် ၁၉၅၅ ခု၊ နှစ်တွင် စစ်တက္ကသိုလ် (DSA) ဖွင့်၏။ အဆင်ပြေ၏။ သို့သော်လည်း (DSA)သင်တန်းသားတွေထဲ တက္ကသိုလ်ဝင်စာမေးပွဲ မအောင်ပဲ၊ တန်းမြင့် (High School Final) သာအောင်သူများ ပါနေ၍ ပြဿနာတက်လာပြီ။ (DSA)သည် ရန်ကုန်တက္ကသိုလ်နှင့် ဆက်နွှယ်ထားသည်။
ဘွဲ့ကိုလည်း ရန်ကုန်တက္ကသိုလ်ကသာ ပေးရပါမည်။ ရန်ကုန်တက္ကသိုလ်အက်ဥပဒေအရ တက္ကသိုလ်ဝင်စာမေးပွဲ အောင်သူများသာ ရန်ကုန်တက္ကသိုလ်တက်ခွင့်ရှိ၍ ဘွဲ့ပေးချိန်တွင် ပြဿနာဖြစ်မည်။ ဒေါက်တာထင်အောင်သည် ဥပဒေပါရဂူ (LLD)ဘွဲ့ကို တက္ကသိုလ်ကြီး (၄) ခုလောက်က ရထားသူ၊ ဝတ်လုံတော်ရလည်း ဖြစ်နေသူ၊ ရန်ကုန်တက္ကသိုလ် အုပ်ချုပ်ရေးမှူးအဖြစ် တာဝန်ယူဖူးသူ စသည်တို့ကြောင့် ထိုကိစ္စအရေးကြီးပုံကို ကောင်းစွာသိ၏။
ထိုသင်တန်းသားများအား ထုတ်ပယ်ခြင်းမပြုဘဲ တက္ကသိုလ်ဝင်စာမေးပွဲ သီးသန့်လုပ်ပေးရန် အကြံပေးကမ်းလှမ်းသည်။ ပညာတတ် ဗိုလ်မှူးကြီးမောင်မောင် (ပထဝီဝင်ပါမောက္ခ ဒေါက်တာ ဒေါ်သင်းကြည်၏မောင်) က သဘောပေါက်နားလည်၍ ပြဿနာပြေလည်ကာ (DSA) 1st Batch သင်တန်းဆင်းနိုင်ခဲ့ကြပုံကိုကြည့်ပါ။
ဗထူး၌(၂)နှစ် မေမြို့သို့ပြောင်းပြီး(၂)နှစ်ပြည့်ပြီးနောက် သင်တန်းသား (၅၄)ယောက်အား စစ်ဘက်ဆိုင်ရာများစစ်ဆေးသလို ပညာပိုင်း ဘာသာရပ်များက ရန်ကုန်တက္ကသိုလ်က သွားစစ်ပြီးနောက် အောင်စာရင်း ထွက်လာသောအခါ (၃၆) ယောက်အောင်သည်၊ ၁၉၅၉ ခု၊ ရန်ကုန်တက္ကသိုလ်ဘွဲ့နှင်းသဘင်တွင် အိမ်စောင့်အစိုးရဝန်ကြီးချုပ် ဗိုလ်ချုပ်ကြီးနေဝင်း အဓိပတိအဖြစ် ဘွဲ့လက်မှတ်များပေးပြီး ကြည်း-ရေ-လေ တပ်များ၌ ဗိုလ်များဖြစ်ခဲ့ကြ၏။ သို့သော်လည်း ထိုကိစ္စကို သေချာစွာမသိသော ဗိုလ်ချုပ်ကြီးနေဝင်းက ဒေါက်တာထင်အောင်အပေါ် အထင်လွဲဆဲဟု ဆိုကြ၏။ ထို့ပြင် တကသ နှင့် ရောလွန်း၍ ကြည့်မရခြင်းဟုလည်းဆိုကြပြန်သည်။
(၄)
တကယ်တော့ တကသ သည် ကျောင်းသားအားလုံးကို ကိုယ်စားပြုသည်ဟု ရန်ကုန်တက္ကသိုလ် အက်ဥပဒေ၌ အတိအလင်းဖော်ပြ ထားပါသည်။ တကသ ကိစ္စရပ်များတွင် ပါဝင်ဆောင်ရွက်ရန် ပါမောက္ခချုပ်၌ တရားဝင်တာဝန်ရှိ၏။ ၁၉၄၉ ခု၊၌ ကျောင်းသားအချို့သည် တောခို၍ဖြစ်စေ၊ တပ်မတော်ဘက်က ဝင်တိုက်ရင်းဖြစ်စေ တိုက်ပွဲတွင်ကျဆုံးကြ၏။ ပညာတိုင်းတစနှင့် အချိန်မတန်မီ သေဆုံးသွားရသူများ အား ၁၉၅ဝ ခု၊ တွင် ဂုဏ်ပြုဆုတောင်းပွဲတရပ်ကို တကသ အမှုဆောင်ဖြစ်ဖူးသူ ပါမောက္ခဒေါက်တာသာလှတိှု့နှင့်အတူ ပါမောက္ခချုပ်က ကျင်းပရာသို့ တကသဥက္ကဋ္ဌ ဦးမောင်မောင်ကျော်တို့လည်း တက်ရောက်ကြသည်။
တက္ကသိုလ်စာတိုက်ရှေ့ကွင်းပြင်ကို အောင်ကျော်ရင်ပြင်ဟု ခေါ်တွင်စေသည်။
၁၉၅၃ ခု၊ သြဂုတ်လ တကသ ပထမအသုတ်ရွေးကောက်ပွဲ ပျက်သွားသည်။ အောက်တိုဘာ ကျောင်းပိတ်ရက်ကို တလအစား (၁၅)ရက်သို့ ပြောင်းလဲရန် ဆီနိတ်ကဆုံးဖြစ်ရာ၊ ကျောင်းသားများက မကျေနပ်ကြ၊ ယခင်ကကဲ့သို့ တလပိတ်စေချင်သည်။ ထိုသဘောထားတင်ပြမည့် တကသ မရှိ။ အဖွဲ့အစည်းပေါင်းစုံကိုယ်စား Action Committee ဝင်တို့အား ဒေါက်တာထင်အောင်က သူ၏မော်တော်ကားနှင့် ခေါ်ဆောင်ကာ ဒု အဓိပတိ ဒေါက်တာဘိုကြီးနှင့် ဆွေးနွေးညှိနှိုင်းစေသည်။ သို့သော် မပြေလည်။
ကမ္ဘာအလယ် ထယ်ဝါတင့်တယ်သော ရန်ကုန်တက္ကသိုလ်သို့ လက်နက်ကိုင်တပ်များဝင်ပြီ။ ကျောင်းသားတို့သွေး မြေကျရလေပြီ။ သီးခြားကင်းလွတ်သောတက္ကသိုလ် (Independent University) ဖြစ်မှုတွင်းသို့ ဝင်ရောက်စွက်ဖက်မှုကို ပါမောက္ခတို့ တုံလှုပ်သွားကြ၏။ တကသ မရှိ၍သာ ထိုသို့ ဖြစ်ရဟုလည်း ယုံကြည်ကြသည်။
ထို့ကြောင့် တကသ အဓွန့်ရှည်ရေး ၁၉၅၄-၅၅ ခု ရွေးကောက်ပွဲကို ကြီးကြပ်ပေးရန် ပါမောက္ခ(၆)ဦး ပါဝင်သောအဖွဲ့ကို ဒေါက်တာထင်အောင် တို့က လုပ်ဆောင်ပေး၏။ ၁၆-၁-၅၁ နေ့တုန်းကလည်း တကသ က တက္ကသိုလ်ချင်းနှင့် နိုင်ငံခြားဆက်သွယ်ရေးဋ္ဌာနဖွင့်ရာ ဒေါက်တာ ထင်အောင်က သဘာပတိ၊ တကသဥက္ကဋ္ဌ ဒု သဘာပတိ၊ ဒေါက်တာသာလှက ဘဏ္ဍာရေးမှူးအပြင် အခြားပါမောက္ခများ၊ ကျေင်းသား ခေါင်းဆောင်များပါဝင် နိုင်ငံတကာဆက်ဆံရေးကိစ္စများစွာ ဆောင်ရွက်သည်၊ အစဉ်အလာ လမ်းဖွင့်ပေးခဲ့သည်။
ပါမောက္ခချုပ်တာဝန်နှင့်သာမဟုတ် တကသ အတွက်ဆို ဒေါက်တာထင်အောင်က လိုလိုလားလားပါ။ ထိုခေတ်က မြန်မာပြည်သို့ အလည်ရောက်လာသော နိုင်ငံခြားဧည့်သည်တော်ကြီးများ ရန်ကုန်တက္ကသိုလ်သို့ လာရောက်လေ့ရှိ၏။ ဘွဲ့နှင်းသဘင်ခန်းမ၌ အိမ်ရှင်အဖြစ် ဒေါက်တာထင်အောင်က ကြိုဆိုမိတ်ဆက်ပေးပြီးနောက် ကျောင်းသားများအား နှုတ်ခွန်းဆက်စကား ပြေကြားစေလေ့ရှိသည်။
၁၉၅၇ ခု၊ နှစ်က မြောက်ဗီယက်နမ်ခေါင်းဆောင်ကြီး ဟိုချီမင်းအား ရန်ကုန်တက္ကသိုလ်ကချီးမြှင့်သည့် ဂုဏ်ထူးဆောင်ဥပဒေပါရဂူဘွဲ့(LLD) ကို အဓိပတိဦးနုက အပ်နှင်းသည်။ စိတ်ဝင်စားသူများတက်ခွင့်ရ၍ ကျွန်တော်လည်း ရောက်သွားသည်။ ဒေါက်တာထင်အောင်က ဧည့်သည်တော်သမတကြီးခင်ဗျာ၊ ကျွန်ုပ်တို့တက္ကသိုလ်၏ ကျောင်းသားသမဂ္ဂ ဥက္ကဋ္ဌပါ--ဟုကြေညာလိုက်ရာ ခေါင်းပေါင်းနှင့် တကသဥက္ကဋ္ဌ ဦးစိုးသိန်းဝင်လာတော့ တယောက်မကျန် မတတ်ရပ်ကာ ကြိုဆိုကြသည်။
ဒေါက်တာထင်အောင်က မိတ်ဆက်ပေးအပြီး ဦးစိုးသိန်းက ဟိုချီမင်းအား တကသ အလံငယ်ပေး၏။
(၅)
၁၉၅၆-၅၇ ခု၊ တွင် ကျွန်တော် ရန်ကုန်တက္ကသိုလ် ပဲခူးခရိုင် ကျောင်းသူကျောင်းသားများအသင်း၏ အထွေထွေအတွင်းရေးမှူးအဖြစ် အရွေးခံရသည်။
တနေ့တွင် ပါမောက္ခချုပ်ရုံးသို့ အမြန်လာရောက်ရန် ဆင့်ခေါ်စာရရှိ၍ အပြေးအလွှားရောက်သွား၏။ ခပ်လှမ်းလှမ်းကသာမြင်ဖူးသော ဒေါက်တာထင်အောင်အား အနီးကပ်မြင်ရ၊ နှစ်ယောက်ချင်း စကားပြောခွင့်ရလိုက်လေပြီ။ ရန်ကင်းကောလိပ်တွင် ပဲခူးသားများနှင့် စိန်ပေါလ် ကျောင်းသားဟောင်းများ ရန်ဖြစ်ကြသောကိစ္စ သွားရောက်ဖြေရှင်းခိုင်းခြင်းဖြစ်ပါသည်။
“အခြေအနေအရ ရန်ကင်းကိုဖြစ်စေ ထီးတန်းကိုဖြစ်စေ မလွှဲမရှောင်သာလို့ပို့ထားရပေမေယ့် တက္ကသိုလ်ကျောင်းသား Gentleman ဆိုတာ သိဖို့လိုတယ်၊ တက္ကသိုလ်ကျောင်းသားချင်း ရန်ဖြစ်တယ်ဆိုတာ ဟောဒီလို ဘယ်လက်သီးနဲ့ညာလက်သီး ထိုးသလိုပဲ၊ ကိုယ်ပဲနာတယ် မဟုတ်လား၊ အေး အဲဒါသွားရှင်းပြ”ဟု ခေါ်ဆိုတာဝန်ပေးခြင်းဖြစ်သည်။
ဒေါက်တာထင်အောင်သည် ပဲခူးသား၊ စိန်ပေါလ်ကျောင်းသားဟောင်း။ သို့သော် ယခုကိစ္စ၌ ပါမောက္ခချုပ်အနေနှင့် ကျယ်ကျယ်ဝန်းဝန်း ရှုမြင်သုံးသပ်ကြောင်း ထိုစဉ်ကပင် ကျွန်တော်သဘောပေါက်နားလည်ခဲ့၏။ ဆရာက ကျောင်းသားများကိုချစ်၏။ ဆရာ့ကိုလည်း ကျောင်းသားများက ချစ်ကြ၏။
ထိုနှစ်တွင် ကျွန်တော်တို့ အမှုဆောင်အဖွဲ့က ပဲခူးမဂ္ဂဇင်းထုတ်သည်။
ပါမောက္ခချုပ်၏သဝဏ်လွှာ ချီးမြှင့်ဖို့ ကျွန်တော်သွားရောက်မေတ္တာရပ်ခံရာ ရေးပေး၏။ ဒေါက်တာထင်အောင် အဆုံးသတ်ထားပုံက -----I myself can claim to be a Puguan, as I was born at Pegu, and I offer my felicitations to my fellow Peguans. ထို့နောက် ဆရာ့နာမည်နှင့် ရှည်လျားလှသည့် ဘွဲ့များဖော်ပြထား၏။
၁၉၅၅ ခု၊ ဒီဇင်ဘာလ (၆)ရက်နေ့ကို ကျွန်တော်ကောင်းစွာ မှတ်မိနေသေး၏။
ထိုနေ့က ဆိုဗီယက်ကွန်မြူနစ်ပါတီ အထွေထွေအတွင်းရေးမှူး နီကေတာခရုရှော့ဖ်နှင့် ဝန်ကြီးချုပ်ဘူဂါနင်တို့ ရန်ကုန်တက္ကသိုလ်သို့ အလည်လာရောက်၍၊ အစဉ်အလာအတိုင်း ပါမောက္ခချုပ်က ဘွဲ့နှင်းသဘင်ခန်းမ၌ ဧည့်ခံမိတ်ဆက်စကား အသီးသီးပြောကြားပြီး ပြန်အထွက်၌ ကျွန်တော်တို့ လက်ဝဲကျောင်းသားများ အနီးကပ်သွားကြ၏။ သုံးလေးယောက်လောက် လက်ဆွဲနှုတ်ဆက်လိုက်ရ၏။ အနားရောက်ဖို့ တိုးဝှေ့ကြရာ ကျွန်တော်လည်း အတော်နီးသွားပြီ။
ထိန်းမနိုင်သိမ်းမရ ဖြစ်တော့မည်။
တော်ကြရောပေါ့ကွာ-- ဧည့်သည်တွေကို အားနာဖို့ကောင်းတယ်ဟု အသံအုပ်ပြီး ခပ်တိုးတိုးသတိပေးရာ ဆရာ့စကား နားထောင်ကြရင်း ထိုစဉ်က ခေတ်စားသောကြွေးကြော်သံကို တယောက်က ပါမောက္ခချုပ် ဒို့ဆရာ-- ကျန်ကျောင်းသားများက သက်တော်ရာကျော် ရှည်ပါစေသားဟုဆိုကြ၏။ ခရုရှော့ဖ်နား မကပ်ရသော ကျွန်တော်သည် ဆရာ့အနားမှာရှိနေ၍ ပြုံးလိုက်သည့်ဆရာ့မျက်နှာကို ကောင်းစွာ မြင်လိုက်၏။
နောက်တကြိမ် ပါမောက္ခချုပ် ဒို့ဆရာ--ဟုတိုင်သောအခါ ရှည်ပါစေ--ရှည်ပါစေ ဟုအော်ကြရာ ဒေါက်တာထင်အောင်က ဒီအရွယ် ရောက်မှတော့ ရှည်မယ်မထင်တော့ပါဘူးကွာလို့ ရယ်ကာပြောသည်။ ဆရာသည် ဝပြီး အရပ်ပုသောကြောင့် ချစ်စနိုးကျီစားကြခြင်းပါ။
အဲဒါ ဒေါက်တာထင်အောင်နှင့် သူချစ်သေ သူ့ကိုချစ်သောကျောင်းသားများပါ။
(၆)
အင်္ဂလိပ်ဘာသာဖြင့် စာအုပ်ကြီး(၁၅)အုပ်ရေးသားသူ ဒေါက်တာထင်အောင် မြန်မာလိုလည်း အရေးကောင်း အပြောကောင်း၏။
မြန်နိုင်ငံဘာသာပြန်စာပေအသင်း အဖွဲ့ဝင်ဖြစ်၏။ စာပေဗိမာန်ရှေ့မြက်ခင်းပြင်တွင် ညဘက် ဟောပြောပွဲများလုပ်၏။ ဒေါက်တာထင်အောင်က သူ၏ Thirty Seven Lords ကိုအခြေခံပြီး (၃၇)မင်းနတ်များအကြောင်း ဟောပြောရာ၊ လူပြည့်လျှံနေ၏။ ကျွန်တော်လည်းသွား နားထောင်သည်။ ခပ်အေးအေး ရှင်းလင်းစွာပြော၏။ ဆရာ့မှာ ဟာသရှိရာ ပြုံးပြီးပြော၏။
ဒေါက်တာထင်အောင်၏ ဂုဏ်သိက္ခာအရှိန်ကြောင့် ပရိသတ်က မရယ်ဝံ့သောအခါ သူကိုယ်တိုင်ရယ်ပြီးပြော၏။ ဘယ့်လောက်ချစ်စရာ ကောင်းလိုက်ပါသနည်း။
ဒေါက်တာထင်အောင်သည် သူပျော်မွေ့သော ရန်ကုန်တက္ကသိုလ်ပရဝုဏ်မှ ထွက်ခွာသွားရသည်။ ပညာသင်ယူခြင်းနှင့် ပညာသင်ပေးခြင်း၌သာ သူ့ဘဝကိုနှစ်မြှုတ်ထားသူမို့ စာမသင်ပဲနေနိုင်သူ မဟုတ်၊ ပါမောက္ခချုပ်ဘဝနှင့်ပင် အင်္ဂလိပ်စာဂုဏ်ထူးတန်း၌ သွားရောက်ပို့ချသည်။
၁၉၆၂ ခု၊ မတ်လ (၂)ရက်နေ့၌ စစ်တပ်ကအာဏာသိမ်းတော့ သူ့အစ်ကို တရားသူကြီးချုပ်ဦးမြင့်သိန်း အဖမ်းခံရပြီး နှစ်အတန်ကြာ ထောင်သွင်းအကျဉ်းချခံရသည်။
မေလ(၉)ရက်နေ့တွင် ရန်ကုန်တက္ကသိုလ်အက်ဥပဒေကြီးကို ကြေညာချက်တိုလေးနှင့်ဖျက်လိုက်၏။
ကိုယ်စားလှယ်စုံ (၄ဝ)ကျော် တက္ကသိုလ်ကောင်စီကို စစ်ဗိုလ်(၄)ဦး ကထိကတဦးနှင့်အစားထိုး၏
ဇူလိုင်လ (၇)ရက်နေ့တွင် ကျောင်းသားများစွာ ပစ်သတ်ခံရ၏။
ဇူလိုင်လ (၈)ရက်နေ့နံနက်တွင် တကသ အဆောက်အအုံ ဖြိုဖျက်ခံလိုက်ရ၏။
ထိုသို့သိရပြီးနောက် ဒေါက်တာထင်အောင်သည် သူချစ်သော ရန်ကုန်တက္ကသိုလ်တွင် သင်ပေးခွင့်မရတော့သည့်အဆုံး Columbia University တွင် ဧည့်ပါမောက္ခ သွားလုပ်သည်။ နှစ်စေ့သွား၍ Fake Forest University သို့ပြောင်း၏။ ထို့နောက် ဘာသတင်းမှ မကြားရတော့။
၁၉၇၈ ခု၊ မေလ(၁ဝ)ရက်နေ့တွင် ကွယ်လွန်ကြောင်း နာရေးကြော်ပါလာသည်။
ထိုနေ့ထုတ် အစိုးရသတင်းစာတွေထဲ တပ်ထွက် စာရေးဆရာဆွေလှိုင်ဦး ကွယ်လွန်ကြောင်းသတင်း ဓာတ်ပုံများနှင့် ဝေဝေဆာဆာ ဖော်ပြကြ၏။ ဒေါက်တာထင်အောင်အကြောင်းသတင်းတို တဝါကျ စာတလုံးလေးပင်မပါ၊ ယခုဆောင်းပါးရေးချိန်ထိ ကျွန်တော်မှတ်မိ ခံစားရဆဲပါ။
(၇)
ကြုံတုန်းဆုံခိုက် ကြိုက်လိုက်ရသူများ စာအုပ်ထဲထည့်ရန် ဒေါက်တာထင်အောင်အကြောင်း ရှာဖွေ၏။ Google ထဲအထိ လိုက်ပြီး ဖျောက်ထားကြသည်။ ရန်ကုန်တက္ကသိုလ်အကြောင်းတွင်လည်း မထင်မရှား ဝိုးတဝါးနှင့် နှစ်ကြောင်း၊ သုံးကြောင်း၊ ဆရာ့ပုံမတွေ့၊ ဦးနေဝင်းပုံတွေ။
ဒေါက်တာထင်အောင်ဟုရှာပြန်ရာ ဒေါက်တာထင်အောင်တွေ အများကြီးတွေ့၏။ နာမည်တူမရှားကိုး။ တက္ကသိုလ်တွေပေါ P.hD တွေ ဒုနှင့်ဒေး ပေါကြွယ်ဝသည့်ဒေသ၌ တဦးတယောက်က သူသာလျှင် ကမ္ဘာကျော်စာအုပ်ကြီး (၁၅)အုပ်ကိုရေးသူပါဟု ပြောလာလျှင်လည်း ဝိုင်းယုံကြပေလ်ိမ့်မည်။
ဤဆောင်းပါရေးချိန်ထိတော့ စနစ်တကျ ဝိုင်းဖျောက်ထားသည့်ကြား ဒေါက်တာထင်အောင်ကတော့ ပျောက်မသွားသေးဟု တွေးမိကြောင်းပါ။
၂ဝ၁၇ ခု၊ နိုဝင်ဘာလ (၁၄)ရက်နေ့
ဖျောက်နေသည့်ကြား ပျောက်မသွားသေးသူ ဒေါက်တာထင်အောင်
(၁)
၁၉၅၁ ခု၊ ကျွန်တော် အကြိုတက္ကသိုလ်ဝင်တန်း(Pre-Matric) ရောက်လာ၍ အင်္ဂလိပ်စာ(၃)အုပ်ထဲ Selections From Burmese Folk-Tales By Maung Htin Aung လည်း ပါသည်။ စာအုပ်ရေးသူသည် ရန်ကုန်တက္ကသိုလ်ပါမောက္ခချုပ် ဒေါက်တာထင်အောင်မှန်းလည်း သိလိုက်ရသည်။ ကြားဖူးပြီးသား ရိုးရာပုံပြင်များပါ။ အသင်ပြကောင်းသောဆရာကြောင့် ဒေါက်တာထင်အောင်၏ အင်္ဂလိပ်စာရေးသားပုံကို မြည်းစမ်းခွင့်ရလိုက်ပြီ။
နောက်နှစ်ကျတော့ ရန်ကုန်တက္ကသိုလ်ရောက် သူငယ်ချင်းကိုတင်ညွန့်ထံမှ စာတွေထဲ ဒေါက်တာထင်အောင်အကြောင်း မကြာခဏပါ၏။ မမြင်ဖူးခင်ကတည်းက သဘောကျနေသော ဆရာကြီးအား ၁၉၅၃ ခု၊ ရန်ကုန်တက္ကသိုလ်ကျောင်းသားအဖြစ် ဆုံခွင့်ကြုံခွင့်ရကတည်းက ကြိုက်လိုက်ရာ ယနေ့အထိပါ။
၁၉ဝ၉ ခု၊ မေလ (၁ဝ)ရက်နေ့ဖွား မောင်ထင်အောင်တို့ သားချင်း(၆)ယောက်အနက် ယောက်ျားလေး (၄)ယောက်ထဲ သူကအငယ်ဆုံး ဖြစ်သည်။ မောင်တင်ထွဋ်၊ မောင်မြင့်သိန်းနှင့် မောင်ကျော်မြင့်ပြီးတော့မှ သူပါ။ နှမနှစ်ယောက်က တင်စောမူနှင့် ခင်စောမူ။ ညီအစ်ကိုတွေထဲ နံပါတ်(၄) ဖြစ်သောကြောင့်နေပါလိမ့်မည်၊ ရန်ကုန်တက္ကသိုလ်ပါမောက္ခချုပ်ဖြစ်လာစဉ် အမျိုးသား အဆောင်လိုက်ဘော်လီဘောပြိုင်ပွဲ ဒေါက်တာထင်အောင်က သူချီးမြှင့်သည့်ဖလားကို 4th Brother’s Cup ဟုနာမည်ပေး၏။
ကျောင်းသားများက ညီပုလေးဒိုင်းဟု ချစ်စနိုးခေါ်ကြသည်။
(၂)
၁၉၄၈ ခု၊ စက်တင်ဘာလ (၁၈)ရက်ညကို ဒေါက်တာထင်အောင် မေ့၍ရမည်မထင်ပါ။
သူတို့အစ်ကိုကြီး ICS ဦးတင်ထွဋ်သည် သြဂုတ်လ(၁၆)ရက်နေ့ကမှ နိုင်ငံခြားရေးဝန်ကြီးအဖြစ်ကနှုတ်ထွက်ကာ တပ်မင်းကြီးဖြစ်လာ၏။ စက်တင်ဘာလ (၁၇)ရက်ညတွင် သူအယ်ဒီတာချုပ်လုပ်နေသော New Time of Burma သတင်းစာခေါင်းကြီးပိုင်းရေး အပြန် ကားပေါ်သို့ လူတစ်ယောက်က လက်ပစ်ဗုံးပစ်ဖောက်ရာ ပြင်းထန်စွာဒဏ်ရာရ၏။ သွေးသံရဲရဲနှင့် ဆေးရုံကြီးသို့သယ်သွား၍ ဒေါက်တာထင်အောင်တို့ အပြေးအလွှား လိုက်သွားကြသည်။
ဦးတင်ထွဋ်သည် နဖူး၊ ဘယ်ဘက်မေး၊ ဘယ်ဘက်ပေါင်၊ ဘယ်ဘက်ဒူး၊ ဘယ်ဘက်ခြေမျက်စိ၊ ဘယ်ဘက်ခြေဖျား၊ ဘယ်ဘက်လက်ဖျားထိပ်- ဒဏ်ရာပေါင်း(၈) ခုနှင့် လူးလှိမ့်ခံနေရသည်ကို ဒေါက်တာဘသန်းတို့ ကြိုးစားကုသနေကြ၏။ စစ်ဦးစီး ဗိုလ်ချုပ်စမစ်ဒွန်းရောက်လာ၏။ မနက်မိုးလင်းတော့ ရက်သားပူပူနွေးနွေး နိုင်ငံခြားရေးဝန်ကြီး နာမည်ကြီးဦးကျော်ငြိမ်းနှင့်အတူရောက်လာသော ဝန်ကြီးချုပ်သခင်နုက အိန္ဒိယကဆရာဝန်ကြီး ပင့်ကာကုသလိုကြောင်း ပြောကြားသည်။
သို့သော်လည်း ည(၇)နာရီ (၃၅)မ်ိနစ်အချိန်၌ ဦးတင်ထွဋ် ကွယ်လွန်သွား၏။ လူသတ်ကောင်ကို ရန်ကုန်ရဲမင်းကြီး ဦးအောင်ချိန်တို့ စုံစမ်းနေရာ ပေါ်လုလုအခြေတွင် သခင်နုတို့က ဦးအောင်ချိန်အားဖယ်ရှားပြီး သူ့နေရာလူစားခန့်လိုက်သည်။ လူသတ်ကောင်ကို တပြည်လုံး သိကြပြီး သေသည်ထိပေါ်တင်ကြီးနေသွား၏။
ဒေါက်တာထင်အောင်သည် ပုထုစဉ်လူသားမို့ အဘယ်မှာလျှင် မနာကြည်းပဲ နေပါမည်နည်း။
(၃)
ရန်ကုန်မြို့စိန်ပေါလ်ကျောင်းက ၁ဝ တန်းအောင်သော မောင်ထင်အောင်၊ ပညာဆက်သင်ပုံအကြောင်း ရှာမရပါ။ အင်္ဂလန်နိုင်ငံ Oxford တက္ကသိုလ်နှင့် Cambridge တက္ကသိုလ်တို့တွင် တက်ခဲ့ပုံသာ သွားတော့ရပါသည်။ Burmese Folk-Tales By Maung Htin Aung စာအုပ်ကို Oxford တက္ကသိုလ်က ၁၉၃၇ ခု၊၌ ပုံနှိပ်ထုတ်ဝေကြောင်းတွေ့ရသည်။
၁၉၃၆ ခု၊ ဒုတိယကောလိပ်သပိတ်အပြီး ပေါ်ထွက်လာသော အမျိုးသားတက္ကသိုလ် ညနေသင်တန်း၌ အင်္ဂလိပ်စာနှင့်နိုင်ငံရေးသိပ္ပံ ဘာသာရပ်များ စေတနာ့ဝန်ထမ်းပို့ချကြောင်း မှတ်တမ်းများတွင်ပါရှိသည်။ ဒုတိယကမ္ဘာစစ်ကြီးအပြီး ရန်ကုန်တက္ကသိုလ် ပြန်ဖွင့်သောအခါ ၁၉၄၆-၄၇ အထိ အုပ်ချုပ်ရေးမှူး၊ အခေါ်အဝေါ်ပြောင်းလိုက်၍ ၁၉၄၇-၅၉ ခု၊အထိ ပါမောက္ခချုပ်ဖြစ်ခဲ့၏။
၁၉၅၉ ခု၊ အိမ်စောင့်အစိုးရဝန်ကြီးချုပ် ဗိုလ်ချုပ်ကြီးနေဝင်းက ဒေါက်တာထင်အောင်အား ပါမောက္ခချုပ်အဖြစ်ကဖယ်ရှားပြီး ဒုတိယအဓိပတိ အဖြစ်သို့ပို့လိုက်သည်။ ထို့နောက် သီရိလင်္ကာဆိုင်ရာ မြန်မာသံအမတ်အဖြစ် ကိုလံဘိုမြို့သွားရောက်အမှုထမ်းရသည်။ ထိုစဉ်က သံအမတ် ဆိုသည်မှာ ယခင်ကကဲ့သို့ Career Diplomats များမဟုတ်တော့ဘဲ ပြည်တွင်း၌ မထားလိုသူများကိုသာ ခန့်လေ့ရှိ၏။
ဒေါက်တာထင်အောင်လိုပုဂ္ဂိုလ်အား ပဲခူတိုင်းလောက် မရှိတရှိနိုင်ငံသို့ပို့ခြင်း၏ နောက်ကွယ်ကအကြောင်းကို စိတ်ဝင်စား၍ ကျွန်တော်ရှာဖွေ လေ့လာရတော့သည်။ တပ်မတော်အရာရှိများ အရည်အသွေးမြင့်မားရေးကို အစဉ်တစိုက်လုပ်လေ့ရှိသော Brain of Army ဟု တင်စားခံရသူ ဗိုလ်မှူးကြီးမောင်မောင်က ဦးဆောင်ပြီး စစ်တက္ကသိုလ် (DSA) ဖွင့်ရန်စီစဉ်သည်။ ဘွဲ့ရပြီးမှ တပ်ထဲဝင်ခြင်းထက် (၁ဝ)တန်းအောင်ကတည်း စစ်ပညာနှင့်တက္ကသိုလ်ပညာ ပြိုင်တူသင်ကြခြင်း၏သက်ရောက်မှုမို့ အစိုးရကလည်း သဘောတူဖော်ဆောင်ပေး၏။
ပါမောက္ခချုပ်ဒေါက်တာထင်အောင်တို့ကလည်း သင်ရိုးညွှန်းတမ်းများရေးဆွဲရာ၌ ဝင်ကူသလို ဆရာများလည်း စေလွှတ်ပေး၏။ သည်လိုနှင့် ၁၉၅၅ ခု၊ နှစ်တွင် စစ်တက္ကသိုလ် (DSA) ဖွင့်၏။ အဆင်ပြေ၏။ သို့သော်လည်း (DSA)သင်တန်းသားတွေထဲ တက္ကသိုလ်ဝင်စာမေးပွဲ မအောင်ပဲ၊ တန်းမြင့် (High School Final) သာအောင်သူများ ပါနေ၍ ပြဿနာတက်လာပြီ။ (DSA)သည် ရန်ကုန်တက္ကသိုလ်နှင့် ဆက်နွှယ်ထားသည်။
ဘွဲ့ကိုလည်း ရန်ကုန်တက္ကသိုလ်ကသာ ပေးရပါမည်။ ရန်ကုန်တက္ကသိုလ်အက်ဥပဒေအရ တက္ကသိုလ်ဝင်စာမေးပွဲ အောင်သူများသာ ရန်ကုန်တက္ကသိုလ်တက်ခွင့်ရှိ၍ ဘွဲ့ပေးချိန်တွင် ပြဿနာဖြစ်မည်။ ဒေါက်တာထင်အောင်သည် ဥပဒေပါရဂူ (LLD)ဘွဲ့ကို တက္ကသိုလ်ကြီး (၄) ခုလောက်က ရထားသူ၊ ဝတ်လုံတော်ရလည်း ဖြစ်နေသူ၊ ရန်ကုန်တက္ကသိုလ် အုပ်ချုပ်ရေးမှူးအဖြစ် တာဝန်ယူဖူးသူ စသည်တို့ကြောင့် ထိုကိစ္စအရေးကြီးပုံကို ကောင်းစွာသိ၏။
ထိုသင်တန်းသားများအား ထုတ်ပယ်ခြင်းမပြုဘဲ တက္ကသိုလ်ဝင်စာမေးပွဲ သီးသန့်လုပ်ပေးရန် အကြံပေးကမ်းလှမ်းသည်။ ပညာတတ် ဗိုလ်မှူးကြီးမောင်မောင် (ပထဝီဝင်ပါမောက္ခ ဒေါက်တာ ဒေါ်သင်းကြည်၏မောင်) က သဘောပေါက်နားလည်၍ ပြဿနာပြေလည်ကာ (DSA) 1st Batch သင်တန်းဆင်းနိုင်ခဲ့ကြပုံကိုကြည့်ပါ။
ဗထူး၌(၂)နှစ် မေမြို့သို့ပြောင်းပြီး(၂)နှစ်ပြည့်ပြီးနောက် သင်တန်းသား (၅၄)ယောက်အား စစ်ဘက်ဆိုင်ရာများစစ်ဆေးသလို ပညာပိုင်း ဘာသာရပ်များက ရန်ကုန်တက္ကသိုလ်က သွားစစ်ပြီးနောက် အောင်စာရင်း ထွက်လာသောအခါ (၃၆) ယောက်အောင်သည်၊ ၁၉၅၉ ခု၊ ရန်ကုန်တက္ကသိုလ်ဘွဲ့နှင်းသဘင်တွင် အိမ်စောင့်အစိုးရဝန်ကြီးချုပ် ဗိုလ်ချုပ်ကြီးနေဝင်း အဓိပတိအဖြစ် ဘွဲ့လက်မှတ်များပေးပြီး ကြည်း-ရေ-လေ တပ်များ၌ ဗိုလ်များဖြစ်ခဲ့ကြ၏။ သို့သော်လည်း ထိုကိစ္စကို သေချာစွာမသိသော ဗိုလ်ချုပ်ကြီးနေဝင်းက ဒေါက်တာထင်အောင်အပေါ် အထင်လွဲဆဲဟု ဆိုကြ၏။ ထို့ပြင် တကသ နှင့် ရောလွန်း၍ ကြည့်မရခြင်းဟုလည်းဆိုကြပြန်သည်။
(၄)
တကယ်တော့ တကသ သည် ကျောင်းသားအားလုံးကို ကိုယ်စားပြုသည်ဟု ရန်ကုန်တက္ကသိုလ် အက်ဥပဒေ၌ အတိအလင်းဖော်ပြ ထားပါသည်။ တကသ ကိစ္စရပ်များတွင် ပါဝင်ဆောင်ရွက်ရန် ပါမောက္ခချုပ်၌ တရားဝင်တာဝန်ရှိ၏။ ၁၉၄၉ ခု၊၌ ကျောင်းသားအချို့သည် တောခို၍ဖြစ်စေ၊ တပ်မတော်ဘက်က ဝင်တိုက်ရင်းဖြစ်စေ တိုက်ပွဲတွင်ကျဆုံးကြ၏။ ပညာတိုင်းတစနှင့် အချိန်မတန်မီ သေဆုံးသွားရသူများ အား ၁၉၅ဝ ခု၊ တွင် ဂုဏ်ပြုဆုတောင်းပွဲတရပ်ကို တကသ အမှုဆောင်ဖြစ်ဖူးသူ ပါမောက္ခဒေါက်တာသာလှတိှု့နှင့်အတူ ပါမောက္ခချုပ်က ကျင်းပရာသို့ တကသဥက္ကဋ္ဌ ဦးမောင်မောင်ကျော်တို့လည်း တက်ရောက်ကြသည်။
တက္ကသိုလ်စာတိုက်ရှေ့ကွင်းပြင်ကို အောင်ကျော်ရင်ပြင်ဟု ခေါ်တွင်စေသည်။
၁၉၅၃ ခု၊ သြဂုတ်လ တကသ ပထမအသုတ်ရွေးကောက်ပွဲ ပျက်သွားသည်။ အောက်တိုဘာ ကျောင်းပိတ်ရက်ကို တလအစား (၁၅)ရက်သို့ ပြောင်းလဲရန် ဆီနိတ်ကဆုံးဖြစ်ရာ၊ ကျောင်းသားများက မကျေနပ်ကြ၊ ယခင်ကကဲ့သို့ တလပိတ်စေချင်သည်။ ထိုသဘောထားတင်ပြမည့် တကသ မရှိ။ အဖွဲ့အစည်းပေါင်းစုံကိုယ်စား Action Committee ဝင်တို့အား ဒေါက်တာထင်အောင်က သူ၏မော်တော်ကားနှင့် ခေါ်ဆောင်ကာ ဒု အဓိပတိ ဒေါက်တာဘိုကြီးနှင့် ဆွေးနွေးညှိနှိုင်းစေသည်။ သို့သော် မပြေလည်။
ကမ္ဘာအလယ် ထယ်ဝါတင့်တယ်သော ရန်ကုန်တက္ကသိုလ်သို့ လက်နက်ကိုင်တပ်များဝင်ပြီ။ ကျောင်းသားတို့သွေး မြေကျရလေပြီ။ သီးခြားကင်းလွတ်သောတက္ကသိုလ် (Independent University) ဖြစ်မှုတွင်းသို့ ဝင်ရောက်စွက်ဖက်မှုကို ပါမောက္ခတို့ တုံလှုပ်သွားကြ၏။ တကသ မရှိ၍သာ ထိုသို့ ဖြစ်ရဟုလည်း ယုံကြည်ကြသည်။
ထို့ကြောင့် တကသ အဓွန့်ရှည်ရေး ၁၉၅၄-၅၅ ခု ရွေးကောက်ပွဲကို ကြီးကြပ်ပေးရန် ပါမောက္ခ(၆)ဦး ပါဝင်သောအဖွဲ့ကို ဒေါက်တာထင်အောင် တို့က လုပ်ဆောင်ပေး၏။ ၁၆-၁-၅၁ နေ့တုန်းကလည်း တကသ က တက္ကသိုလ်ချင်းနှင့် နိုင်ငံခြားဆက်သွယ်ရေးဋ္ဌာနဖွင့်ရာ ဒေါက်တာ ထင်အောင်က သဘာပတိ၊ တကသဥက္ကဋ္ဌ ဒု သဘာပတိ၊ ဒေါက်တာသာလှက ဘဏ္ဍာရေးမှူးအပြင် အခြားပါမောက္ခများ၊ ကျေင်းသား ခေါင်းဆောင်များပါဝင် နိုင်ငံတကာဆက်ဆံရေးကိစ္စများစွာ ဆောင်ရွက်သည်၊ အစဉ်အလာ လမ်းဖွင့်ပေးခဲ့သည်။
ပါမောက္ခချုပ်တာဝန်နှင့်သာမဟုတ် တကသ အတွက်ဆို ဒေါက်တာထင်အောင်က လိုလိုလားလားပါ။ ထိုခေတ်က မြန်မာပြည်သို့ အလည်ရောက်လာသော နိုင်ငံခြားဧည့်သည်တော်ကြီးများ ရန်ကုန်တက္ကသိုလ်သို့ လာရောက်လေ့ရှိ၏။ ဘွဲ့နှင်းသဘင်ခန်းမ၌ အိမ်ရှင်အဖြစ် ဒေါက်တာထင်အောင်က ကြိုဆိုမိတ်ဆက်ပေးပြီးနောက် ကျောင်းသားများအား နှုတ်ခွန်းဆက်စကား ပြေကြားစေလေ့ရှိသည်။
၁၉၅၇ ခု၊ နှစ်က မြောက်ဗီယက်နမ်ခေါင်းဆောင်ကြီး ဟိုချီမင်းအား ရန်ကုန်တက္ကသိုလ်ကချီးမြှင့်သည့် ဂုဏ်ထူးဆောင်ဥပဒေပါရဂူဘွဲ့(LLD) ကို အဓိပတိဦးနုက အပ်နှင်းသည်။ စိတ်ဝင်စားသူများတက်ခွင့်ရ၍ ကျွန်တော်လည်း ရောက်သွားသည်။ ဒေါက်တာထင်အောင်က ဧည့်သည်တော်သမတကြီးခင်ဗျာ၊ ကျွန်ုပ်တို့တက္ကသိုလ်၏ ကျောင်းသားသမဂ္ဂ ဥက္ကဋ္ဌပါ--ဟုကြေညာလိုက်ရာ ခေါင်းပေါင်းနှင့် တကသဥက္ကဋ္ဌ ဦးစိုးသိန်းဝင်လာတော့ တယောက်မကျန် မတတ်ရပ်ကာ ကြိုဆိုကြသည်။
ဒေါက်တာထင်အောင်က မိတ်ဆက်ပေးအပြီး ဦးစိုးသိန်းက ဟိုချီမင်းအား တကသ အလံငယ်ပေး၏။
(၅)
၁၉၅၆-၅၇ ခု၊ တွင် ကျွန်တော် ရန်ကုန်တက္ကသိုလ် ပဲခူးခရိုင် ကျောင်းသူကျောင်းသားများအသင်း၏ အထွေထွေအတွင်းရေးမှူးအဖြစ် အရွေးခံရသည်။
တနေ့တွင် ပါမောက္ခချုပ်ရုံးသို့ အမြန်လာရောက်ရန် ဆင့်ခေါ်စာရရှိ၍ အပြေးအလွှားရောက်သွား၏။ ခပ်လှမ်းလှမ်းကသာမြင်ဖူးသော ဒေါက်တာထင်အောင်အား အနီးကပ်မြင်ရ၊ နှစ်ယောက်ချင်း စကားပြောခွင့်ရလိုက်လေပြီ။ ရန်ကင်းကောလိပ်တွင် ပဲခူးသားများနှင့် စိန်ပေါလ် ကျောင်းသားဟောင်းများ ရန်ဖြစ်ကြသောကိစ္စ သွားရောက်ဖြေရှင်းခိုင်းခြင်းဖြစ်ပါသည်။
“အခြေအနေအရ ရန်ကင်းကိုဖြစ်စေ ထီးတန်းကိုဖြစ်စေ မလွှဲမရှောင်သာလို့ပို့ထားရပေမေယ့် တက္ကသိုလ်ကျောင်းသား Gentleman ဆိုတာ သိဖို့လိုတယ်၊ တက္ကသိုလ်ကျောင်းသားချင်း ရန်ဖြစ်တယ်ဆိုတာ ဟောဒီလို ဘယ်လက်သီးနဲ့ညာလက်သီး ထိုးသလိုပဲ၊ ကိုယ်ပဲနာတယ် မဟုတ်လား၊ အေး အဲဒါသွားရှင်းပြ”ဟု ခေါ်ဆိုတာဝန်ပေးခြင်းဖြစ်သည်။
ဒေါက်တာထင်အောင်သည် ပဲခူးသား၊ စိန်ပေါလ်ကျောင်းသားဟောင်း။ သို့သော် ယခုကိစ္စ၌ ပါမောက္ခချုပ်အနေနှင့် ကျယ်ကျယ်ဝန်းဝန်း ရှုမြင်သုံးသပ်ကြောင်း ထိုစဉ်ကပင် ကျွန်တော်သဘောပေါက်နားလည်ခဲ့၏။ ဆရာက ကျောင်းသားများကိုချစ်၏။ ဆရာ့ကိုလည်း ကျောင်းသားများက ချစ်ကြ၏။
ထိုနှစ်တွင် ကျွန်တော်တို့ အမှုဆောင်အဖွဲ့က ပဲခူးမဂ္ဂဇင်းထုတ်သည်။
ပါမောက္ခချုပ်၏သဝဏ်လွှာ ချီးမြှင့်ဖို့ ကျွန်တော်သွားရောက်မေတ္တာရပ်ခံရာ ရေးပေး၏။ ဒေါက်တာထင်အောင် အဆုံးသတ်ထားပုံက -----I myself can claim to be a Puguan, as I was born at Pegu, and I offer my felicitations to my fellow Peguans. ထို့နောက် ဆရာ့နာမည်နှင့် ရှည်လျားလှသည့် ဘွဲ့များဖော်ပြထား၏။
၁၉၅၅ ခု၊ ဒီဇင်ဘာလ (၆)ရက်နေ့ကို ကျွန်တော်ကောင်းစွာ မှတ်မိနေသေး၏။
ထိုနေ့က ဆိုဗီယက်ကွန်မြူနစ်ပါတီ အထွေထွေအတွင်းရေးမှူး နီကေတာခရုရှော့ဖ်နှင့် ဝန်ကြီးချုပ်ဘူဂါနင်တို့ ရန်ကုန်တက္ကသိုလ်သို့ အလည်လာရောက်၍၊ အစဉ်အလာအတိုင်း ပါမောက္ခချုပ်က ဘွဲ့နှင်းသဘင်ခန်းမ၌ ဧည့်ခံမိတ်ဆက်စကား အသီးသီးပြောကြားပြီး ပြန်အထွက်၌ ကျွန်တော်တို့ လက်ဝဲကျောင်းသားများ အနီးကပ်သွားကြ၏။ သုံးလေးယောက်လောက် လက်ဆွဲနှုတ်ဆက်လိုက်ရ၏။ အနားရောက်ဖို့ တိုးဝှေ့ကြရာ ကျွန်တော်လည်း အတော်နီးသွားပြီ။
ထိန်းမနိုင်သိမ်းမရ ဖြစ်တော့မည်။
တော်ကြရောပေါ့ကွာ-- ဧည့်သည်တွေကို အားနာဖို့ကောင်းတယ်ဟု အသံအုပ်ပြီး ခပ်တိုးတိုးသတိပေးရာ ဆရာ့စကား နားထောင်ကြရင်း ထိုစဉ်က ခေတ်စားသောကြွေးကြော်သံကို တယောက်က ပါမောက္ခချုပ် ဒို့ဆရာ-- ကျန်ကျောင်းသားများက သက်တော်ရာကျော် ရှည်ပါစေသားဟုဆိုကြ၏။ ခရုရှော့ဖ်နား မကပ်ရသော ကျွန်တော်သည် ဆရာ့အနားမှာရှိနေ၍ ပြုံးလိုက်သည့်ဆရာ့မျက်နှာကို ကောင်းစွာ မြင်လိုက်၏။
နောက်တကြိမ် ပါမောက္ခချုပ် ဒို့ဆရာ--ဟုတိုင်သောအခါ ရှည်ပါစေ--ရှည်ပါစေ ဟုအော်ကြရာ ဒေါက်တာထင်အောင်က ဒီအရွယ် ရောက်မှတော့ ရှည်မယ်မထင်တော့ပါဘူးကွာလို့ ရယ်ကာပြောသည်။ ဆရာသည် ဝပြီး အရပ်ပုသောကြောင့် ချစ်စနိုးကျီစားကြခြင်းပါ။
အဲဒါ ဒေါက်တာထင်အောင်နှင့် သူချစ်သေ သူ့ကိုချစ်သောကျောင်းသားများပါ။
(၆)
အင်္ဂလိပ်ဘာသာဖြင့် စာအုပ်ကြီး(၁၅)အုပ်ရေးသားသူ ဒေါက်တာထင်အောင် မြန်မာလိုလည်း အရေးကောင်း အပြောကောင်း၏။
မြန်နိုင်ငံဘာသာပြန်စာပေအသင်း အဖွဲ့ဝင်ဖြစ်၏။ စာပေဗိမာန်ရှေ့မြက်ခင်းပြင်တွင် ညဘက် ဟောပြောပွဲများလုပ်၏။ ဒေါက်တာထင်အောင်က သူ၏ Thirty Seven Lords ကိုအခြေခံပြီး (၃၇)မင်းနတ်များအကြောင်း ဟောပြောရာ၊ လူပြည့်လျှံနေ၏။ ကျွန်တော်လည်းသွား နားထောင်သည်။ ခပ်အေးအေး ရှင်းလင်းစွာပြော၏။ ဆရာ့မှာ ဟာသရှိရာ ပြုံးပြီးပြော၏။
ဒေါက်တာထင်အောင်၏ ဂုဏ်သိက္ခာအရှိန်ကြောင့် ပရိသတ်က မရယ်ဝံ့သောအခါ သူကိုယ်တိုင်ရယ်ပြီးပြော၏။ ဘယ့်လောက်ချစ်စရာ ကောင်းလိုက်ပါသနည်း။
ဒေါက်တာထင်အောင်သည် သူပျော်မွေ့သော ရန်ကုန်တက္ကသိုလ်ပရဝုဏ်မှ ထွက်ခွာသွားရသည်။ ပညာသင်ယူခြင်းနှင့် ပညာသင်ပေးခြင်း၌သာ သူ့ဘဝကိုနှစ်မြှုတ်ထားသူမို့ စာမသင်ပဲနေနိုင်သူ မဟုတ်၊ ပါမောက္ခချုပ်ဘဝနှင့်ပင် အင်္ဂလိပ်စာဂုဏ်ထူးတန်း၌ သွားရောက်ပို့ချသည်။
၁၉၆၂ ခု၊ မတ်လ (၂)ရက်နေ့၌ စစ်တပ်ကအာဏာသိမ်းတော့ သူ့အစ်ကို တရားသူကြီးချုပ်ဦးမြင့်သိန်း အဖမ်းခံရပြီး နှစ်အတန်ကြာ ထောင်သွင်းအကျဉ်းချခံရသည်။
မေလ(၉)ရက်နေ့တွင် ရန်ကုန်တက္ကသိုလ်အက်ဥပဒေကြီးကို ကြေညာချက်တိုလေးနှင့်ဖျက်လိုက်၏။
ကိုယ်စားလှယ်စုံ (၄ဝ)ကျော် တက္ကသိုလ်ကောင်စီကို စစ်ဗိုလ်(၄)ဦး ကထိကတဦးနှင့်အစားထိုး၏
ဇူလိုင်လ (၇)ရက်နေ့တွင် ကျောင်းသားများစွာ ပစ်သတ်ခံရ၏။
ဇူလိုင်လ (၈)ရက်နေ့နံနက်တွင် တကသ အဆောက်အအုံ ဖြိုဖျက်ခံလိုက်ရ၏။
ထိုသို့သိရပြီးနောက် ဒေါက်တာထင်အောင်သည် သူချစ်သော ရန်ကုန်တက္ကသိုလ်တွင် သင်ပေးခွင့်မရတော့သည့်အဆုံး Columbia University တွင် ဧည့်ပါမောက္ခ သွားလုပ်သည်။ နှစ်စေ့သွား၍ Fake Forest University သို့ပြောင်း၏။ ထို့နောက် ဘာသတင်းမှ မကြားရတော့။
၁၉၇၈ ခု၊ မေလ(၁ဝ)ရက်နေ့တွင် ကွယ်လွန်ကြောင်း နာရေးကြော်ပါလာသည်။
ထိုနေ့ထုတ် အစိုးရသတင်းစာတွေထဲ တပ်ထွက် စာရေးဆရာဆွေလှိုင်ဦး ကွယ်လွန်ကြောင်းသတင်း ဓာတ်ပုံများနှင့် ဝေဝေဆာဆာ ဖော်ပြကြ၏။ ဒေါက်တာထင်အောင်အကြောင်းသတင်းတို တဝါကျ စာတလုံးလေးပင်မပါ၊ ယခုဆောင်းပါးရေးချိန်ထိ ကျွန်တော်မှတ်မိ ခံစားရဆဲပါ။
(၇)
ကြုံတုန်းဆုံခိုက် ကြိုက်လိုက်ရသူများ စာအုပ်ထဲထည့်ရန် ဒေါက်တာထင်အောင်အကြောင်း ရှာဖွေ၏။ Google ထဲအထိ လိုက်ပြီး ဖျောက်ထားကြသည်။ ရန်ကုန်တက္ကသိုလ်အကြောင်းတွင်လည်း မထင်မရှား ဝိုးတဝါးနှင့် နှစ်ကြောင်း၊ သုံးကြောင်း၊ ဆရာ့ပုံမတွေ့၊ ဦးနေဝင်းပုံတွေ။
ဒေါက်တာထင်အောင်ဟုရှာပြန်ရာ ဒေါက်တာထင်အောင်တွေ အများကြီးတွေ့၏။ နာမည်တူမရှားကိုး။ တက္ကသိုလ်တွေပေါ P.hD တွေ ဒုနှင့်ဒေး ပေါကြွယ်ဝသည့်ဒေသ၌ တဦးတယောက်က သူသာလျှင် ကမ္ဘာကျော်စာအုပ်ကြီး (၁၅)အုပ်ကိုရေးသူပါဟု ပြောလာလျှင်လည်း ဝိုင်းယုံကြပေလ်ိမ့်မည်။
ဤဆောင်းပါရေးချိန်ထိတော့ စနစ်တကျ ဝိုင်းဖျောက်ထားသည့်ကြား ဒေါက်တာထင်အောင်ကတော့ ပျောက်မသွားသေးဟု တွေးမိကြောင်းပါ။
၂ဝ၁၇ ခု၊ နိုဝင်ဘာလ (၁၄)ရက်နေ့
0 comments:
Post a Comment