“ဂျပန်အလံ” ဝင်းဖေ(ရေကြည်ရေသန့်ဝတ္ထုတိုများ)

“ဂျပန်အလံ” ဝင်းဖေ(ရေကြည်ရေသန့်ဝတ္ထုတိုများ)
ဂျပန်တပ်ကြပ်ရဲ့ပါးကို ဘယ်ပြန်ညာပြန် သုံးလေးခေါက်လောက်ရိုက်ပစ်လိုက်တယ်။
ပြီးတာနဲ့ တပ်ကြပ်ကြီးရဲ့လက်ထဲက ပန်းချီပုံတွေကိုဖျပ်ခနဲ ...။

မြို့ထဲထွက်တော့မလို့ပြင်နေတုန်း ဦးလေးဦးကျော်မြက ကျွန်တော့်ကို ဖုန်းဆက်ခေါ်ပါတယ်။ ဦးလေးဦးကျော်မြကို ကျွန်တော်တို့ညီအစ်ကို တစ်တွေက ကျော်ကျော်မြလို့ ခေါ်ကြရပါတယ်။ နှုတ်ကျိုးနေကြပါပြီ။ ဘယ်က ဘယ်လိုစပြီး အဲဒီလိုခေါ်ကြမှန်း မမှတ်မိတော့ပါ။

ကျော်ကျော်မြဟာ အလွန်ပျော်တတ်ပါတယ်။ သတ္တိ လည်း သိပ်ကောင်းတယ်။ ကာယဗလလည်း လိုက်စားတော့ သန်မာထွားကြိုင်းတယ်။
အခု ကျွန်တော့်ကို ဖုန်းဆက်ပြီးခေါ်ရတဲ့အကြောင်းကိုလည်း ကျော်ကျော်မြက ကျွန်တော့်ကိုတစ်ခါတည်း ပြောပြပါတယ်။ လပိုင်းအတွင်း သူ သေရတော့မယ်တဲ့။ နေရလှရင် လွန်ရောကျွံရော ခြောက်လလောက်ပဲတဲ့။ ကင်ဆာပါပဲတဲ့။ ရယ်ရယ်မောမောနဲ့ ပေါ့ပေါ့ပါးပါးပဲ ပြောပြ ပါတယ်။

ကျွန်တော့်အိမ်က စပီကာဖုန်းနဲ့နားထောင်မိတာမို့ ဘေးလူတွေလည်းကြားနေရတော့ ဧည့်ခန်းထဲမှာရောက်နေတဲ့ ဆွမ်းခံဦးပဉ္ဇင်းက-
"ဒကာကြီး ဦးလေးက အတော်နောက်တတ်တာပဲ။ ရယ်စရာဆိုပေမယ့် အတော်ကြမ်းတယ်"လို့ မိန့်တော်မူပါတယ်။ ကျော်ကျော်မြ နောက်တတ်တာမှန်ပါတယ်။ ဒါပေမယ့် အခုကိစ္စမှာတော့ နောက်နေတာမဟုတ်ကြောင်း၊ သူ တကယ်သေတော့မှာဖြစ်ကြောင်း ကျွန်တော်က ဦးပဉ္ဇင်းကို ပြန်ရှင်းပြတော့ ဦးပဉ္ဇင်းဟာ အတော်ကြီးကို နားမလည်နိုင်အောင်ဖြစ်သွားပုံရတယ်။ ကျွန်တော်လည်း ဆက်ရှင်းမနေတော့ပါဘူး။

ကျော်ကျော်မြတို့နေတဲ့ အင်းစိန်ကို ခပ်သုတ်သုတ်ပဲထွက်ခဲ့တယ်။
ကျော်ကျော်မြ သေတော့မယ်ဆိုမှ သူ့ကို အရေးတကြီးမေးမြန်းထားလိုက်ဖို့ကိစ္စကလေးတစ်ခုကို အပူတပြင်း သတိရလာတယ်။ ဒီလိုပါ။ ဟိုး... နှစ်ပေါင်း ၅ဝ ကျော်လောက်က အဖြစ်အပျက်ကလေးနဲ့ ပတ်သက်ပါတယ်။

အရင်က ဘာပြုလို့ မေးမထားမိတာလဲဆိုတော့ မေးမယ် မေးမယ်ဆိုပြီး အကြောင်းအမျိုးမျိုးကြောင့် မမေးဖြစ်ခဲ့ဘူးလို့ပဲ ဖြေရပါတော့မယ်။

ဟိုး... နှစ်ပေါင်း ၅ဝ ကျော် ဒုတိယကမ္ဘာစစ်ကြီးစဖြစ်တော့ မန္တလေးက မိသားစုအမြောက်အမြားဟာ အနောက်ဘက်က ဧရာဝတီမြစ်ကြီးကို ဖြတ်ကူးပြီး စစ်ကိုင်းတောင်ပေါ်က ဘုန်းကြီးကျောင်းတွေ၊ သီလရှင်ဇရပ်တွေ ဘုရားပုထိုးတန်ဆောင်းတွေမှာ စစ်ပြေးတိမ်းရှောင်ခိုလှုံ ကြရတယ်။

ကျွန်တော်တို့မိသားစုက ပထမ မင်းကွန်းဘက်၊ နောက်တော့ စစ်ကိုင်း ခေမေကချောင်၊ နောက်တော့ မြောက်ဘက်ထပ်ရွှေ့ပြီး မြန်အောင် ချောင် ရောက်သွားကြပါတယ်။ အဲဒီတုန်းက ကျွန်တော့်အသက် ၈ နှစ်လောက်ပေါ့။ ကျွန်တော်တို့ကလေးတွေကို ဘုန်းကြီးကျောင်းတွေက သင့်တင့်သလို စာသင်ပေးပ တယ်။ ကျွန်တော်တို့ကို စာသင်ပေးတာက မြန်အောင်ဆရာတော်ကြီးရဲ့ တပည့်လက်ရုံးတွေထဲက ဦးပဉ္ဇင်း တစ်ပါးဖြစ်တဲ့ ဦးပဉ္ဇင်းဃော တဲ့။ ဘွဲ့နာမည်အပြည့်အစုံကိုတော့ ကျွန်တော်မေ့သွားပြီ။ သိပ်တော့ အရေးမကြီးပါဘူး။

ကျွန်တော်တို့ သင်ကြရတာကတော့ ထုံးစံအတိုင်း ပရိတ်ကြီးတို့၊ မင်္ဂလာ့သုတ်တို့ ဆိုတာတွေပါပဲ။ ကျွန်တော့်တို့ ဆရာဦးပဉ္ဇင်းမှာက ထူးခြားတဲ့အကျင့်စရိုက်တစ်ခုရှိတယ်။ သူက ပိုးဆိုးဆေးရောင်စုံတွေကို ရေနဲ့ဖျော်ပြီး ပန်းချီရေးတာ ဝါသနာပါတယ်။ ကျွန်တော်ကလည်း ငယ်ငယ်ကတည်းက ပန်းချီရေးတာ သိပ်ဝါသနာပါလေတော့ ဦးပဉ္ဇင်းဃောကတည်း သူ့တပည့်၊ သူ့ကျောင်းသားတွေထဲမှာ ပန်းချီဝါသနာပါ တဲ့ကျွန်တော့်ကို အချစ်ဆုံးပါပဲ။

ဦးပဉ္ဇင်းဃော ပန်းချီရေးတာကို မြန်အောင်ဆရာတော်ကြီး ရဟန်းအနေနဲ့ ပစိပစပ်မများစေချင်လို့ ဆက်မလုပ်ဖို့ အရိပ်အမြွက် တားမြစ်တော် မူဖူးသတဲ့။ ဒါပေမယ့် ဦးပဉ္ဇင်းဃောကလည်း သူ့ဆန္ဒနဲ့သူ့ဝသီကိုမစွန့်နိုင်လို့ ဆရာတော်ကြီး မမြင်လောက်တဲ့အကွယ်မှာသွားပြီး ပန်းချီရေး တာပါပဲ။

ဦးပဉ္ဇင်းဃောရဲ့ ပန်းချီရေးချင်တဲ့စိတ်ကလည်း တော်တော်ဆန်းပါတယ်။ သူ့ဟာက ပန်းချီရေးတယ်လို့သာပြောရတာ။ သူများလို ရှုမျှော်ခင်း ပုံတွေ၊ လူပုံတွ၊ အဆောက်အဦးတွေ ဘာညာ အဲဒါမျိုးတွေရေးတာဆွဲတာ မဟုတ်ဘူး။ ဦးပဉ္ဇင်းဃောက အလံတွေကိုဆွဲတာ၊ သူ့ဆီမှာ ကမ္ဘာ့နိုင်ငံအသီးသီးက သူ့ဟာသူ ရနိုင်သမျှစုထားတဲ့အလံပုံတွေ အများကြီးရှိတယ်။ အဲဒါတွေကို သူက ရေနဲ့ဖျော်ထားတဲ့ ပိုးဆိုးဆေး ရောင်စုံတွေနဲ့ သပ်သပ်ရပ်ရပ် စိတ်ရှည်လက်ရှည် ပြန်ပြီးတော့ဆွဲတယ်။ အရောင်ခြယ်တယ်။ နောက် သူကိုယ်တိုင်ထွင်ပြီး ရေးဆွဲထားတဲ့ အလံတွေလည်းရှိတယ်။
အဲဒီလို ကိုယ်ပိုင်အလံဒီဇိုင်းအများစုမှာတော့ တိရစ္ဆာန်ပုံတွေကို သုံးထားတယ်။ အမျိုးမျိုးပဲ၊ သိပ်လှတယ်။ ကျွန်တော်ကတော့ အဲဒီတုန်းက ကလေးပဲ။

ဦးပဉ္ဇင်းဃောရေးတဲ့အလံတွေ၊ ကူးရေးထားတဲ့အလံတွေအားလုံးကို သိပ်ကြိုက်တာပဲ။ ဦးပဉ္ဇင်းဃောကိုလည်း လွှတ်အထင်ကြီးတာ။
တစ်ခုတော့ရှိတယ်။ ဦးပဉ္ဇင်းဃောကို အလံတွေတင်မဟုတ်ဘဲ တခြားရှုမျှော်ခင်းပုံတွ၊ လူပုံတွေ၊ ကာတွန်းရုပ်တွေ၊ ဆင်၊ မြင်း၊ ကျား၊ ခြင်္သေ့ဆိုတာတွေလည်း ဆွဲစေချင်တာပေါ့။ ကြောက်ကြောက်နဲ့ ဦးပဉ္ဇင်းကို တစ်ခါလျှောက်ကြည့်တော့ ဦးပဉ္ဇင်းက တိုတိုပဲဖြေတယ်။ မဆွဲချင်ဘူးတဲ့။ ကျွန်တော်လည်း နောက်ဆက်ပြီး မလျှောက်ရဲတော့ပါဘူး။

ဦးပဉ္ဇင်းဃောက သူ့ဆီလာတဲ့လူကြီးတွေကိုလည်း သူကူးဆွဲထားတဲ့ နိုင်ငံစုံကအလံတွေကို ထုတ်ထုတ်ပြတတ်တယ်။ ဘယ်အလံတွေက ဘယ်လိုကောင်းပြီး ဘယ်အလံတွေကတော့ ဘယ်လိုညံ့တယ်၊ ဘာညာဆိုတာတွေကိုလည်း ရှင်းပြတတ်တယ်။ ဘာ့ကြောင့် ကောင်းတယ်၊ ဘာ့ကြောင့် ညံ့တယ်ဆိုတာမျိုးတွေပေါ့။ သူ့ကိုယ်တိုင် ဒီဇိုင်းအလံတွေမှာက ကျွန်တော် စောစောကပြောခဲ့တဲ့အတိုင်းပဲ တိရစ္ဆာန်တွေကို အမျိုးမျိုးသုံးထားတာ သိပ်လှတာပဲ။ သိတယ်မဟုတ်လား။ ပိုးဆိုးဆေးတွေကို ရေနဲ့ဖျော်ပြီးရေးတာဆိုတော့ အရောင်တွေက သိပ်တောက်ပြီး သိပ်ကြည့်လို့ကောင်းတယ်။ သိပ်လှတယ်။

အဲ ... နောက်တစ်ခုရှိတာက နိုင်ငံတကာကအလံတွေကို ကူးဆွဲတဲ့အခါမှာ နဂိုရှိတဲ့အရောင်တွေ အတိုင်းဆွဲတဲ့အပြင် မူလအရောင်တွေကို သူကြိုက်တဲ့အရောင်တွေနဲ့ ပြောင်းပြောင်းပြီး ဆွဲလိုက်တာတွေလည်းရှိတယ်။ ဥပမာ အင်္ဂလိပ်ဗြိတိသျှယူနီယံဂျက်အလံမှာ အနီရောင်ရယ်၊ အပြာရောင်ရယ်၊ အဖြူရယ်၊ ကြက်ခြေခတ်ဒီဇိုင်းဆိုပေမယ့် ဦးပဉ္ဇင်းကြီးက မူလဒီဇိုင်းကိုမပြောင်းဘဲ အရောင်တွေကို ပြောင်းပစ်လိုက်တာမျိုး တွေရှိတယ်။ ယူနီယံဂျက်အလံက အနီနေရာမှာအစိမ်း၊ အပြာနေရာမှာ အဝါနု၊ အဖြူနေရာမှာ အနက် လုပ်ပစ်လိုက်တယ်။ တစ်မျိုး ပြောင်းသွားပြီး တစ်မျိုးကြည့်လို့ကောင်းတာပဲ။

ဦးပဉ္ဇင်းကြီး အကြိုက်ဆုံး အလံဒီဇိုင်းတွေကတော့ ယူနီယံဂျက်အင်္ဂလိပ်အလံနဲ့ ဂျပန်အလံပဲ။ အလံဆိုတာ ဒေါင်လိုက်ရော၊ အလျားလိုက် ရော၊ တစောင်းရော လိုအပ်သလိုချိန်နိုင်ဖို့ လိုတယ်တဲ့။ ယူနီယံဂျက်အလံနဲ့ ဂျပန်အလံတွေကို ဘယ်လိုချိတ်ချိတ် ဘယ်တော့မှ ပြောင်းပြန် ဖြစ်မသွားနိုင်ဘူးတဲ့။ ဘယ်တော့မှ မမှားနိုင်ဘူးတဲ့။ အမေရိကန်အလံဆိုရင် ကြယ်တွေအများကြီးနဲ့ အစင်းအစင်းတွေများနေလို့ ရဲတယ်၊ နုတ် တယ်တဲ့။ ပြီးတော့ ဂရုစိုက်ပြီးမချိတ်ရင် ပြောင်းပြန်လည်းဖြစ်၊ ဇောက်ထိုးလည်းဖြစ်။ အမျိုးမျိုးမှားနိုင်တယ်တဲ့။ ဒီဇိုင်းထုတ်တဲ့လူ ညံ့တယ်လို့ ဝေဖန်တတ်ပါတယ်။

အင်္ဂလိပ်အလံနဲ့ ဂျပန်အလံတွေကိုတော့ ဦးပဉ္ဇင်းကြီးက သူ့နဂိုအရောင်တွေအတိုင်းလည်း ကူးကူး ဆွဲတယ်။ နောက် သူကြိုက်တဲ့ အရောင် တွေနဲ့လည်း ပြောင်းပြောင်းဆွဲပြီး ကျေနပ်အားရနေတတ်တယ်။

အဲ ... တစ်ခုပြောရဦးမယ်။ ဒုတိယကမ္ဘာစစ်ကြီးစဖြစ်တာနဲ့ ဂျပန်တွေက တစ်နိုင်ငံပြီးတစ်နိုင်ငံသိမ်းလာလိုက်တာ ဘာကြာလိုက်လို့လဲ။ ဗမာပြည်ထဲ ရောက်လာတယ်။ ရောက်တယ်ဆိုတာနဲ့ ဂျပန်စာနဲ့ဂျပန်စကားသင်တဲ့ကျောင်းတွေ အမြန်ဆုံးဖွင့်၊ ဗမာတွေကို တက်သုတ်ရိုက် စသင်တော့တာပဲ။

ကျွန်တော်တို့ကလေးတစ်သိုက်လည်း ဂျပန်စာနဲ့ဂျပန်စကားကို ခေမေသကချောင်သွားပြီး တက်ကြသင်ကြရတယ်။ ကျွန်တော်တို့ကို သင်ပေးတဲ့ဂျပန်ဆရာကို ကျွန်တော်မှတ်မိသလိုပြောရရင် ခဲ့မုဆာဝါတဲ့။ လူကြီးတွေပြောကြတာကတော့ ဆရာခဲ့မုဆာဝါဟာ အရပ်သား ကျောင်းဆရာတဲ့။ တခြား ကျောင်းတွေမှာဆိုရင် ဂျပန်စစ်သားတွေထဲကထွက်ပြီး စာသင်ပေးတာတဲ့။ မောက်မာတယ်။ ဒေါသကြီးတယ်၊ ရိုင်းစိုင်းတယ်တဲ့။ မထင်ရင် မထင်သလို နားအုံကျင်းတာတို့၊ ပါးရိုက်တာတို့ သိပ်လုပ်တာပဲတဲ့။ စစ်တပ်ကဆိုတော့ ပညာလည်း သိပ်မတတ် ကြဘူးလို့ဆိုတယ်။

ဆရာခဲ့ မုဆာဝါကတော့ အဲဒါမျိုးတွေ မရှိပါဘူး။ အတော်ကြီးကို ယဉ်ယဉ်ကျေးကျေးရှိပါတယ်။ နေရာတော်တော်များများမှာ ဗမာတွေ ယဉ်ကျေးသိမ်မွေ့လှပါတယ်ဆိုတာထက်တောင် ဆရာခဲ့မုဆာဝါက ယဉ်ကျေးပါသေးတယ်။ ကျွန်တော်တို့ ကလေးတစ်အုပ်စုလုံးက ဂျပန် ဆရာ ခဲ့မုဆာဝါကို ချစ်ကြပါတယ်။ ကျွန်တော်တို့နဲ့ တွေ့ရအောင်ဆိုပြီး ဆရာခဲ့မုဆာဝါက ဦးပဉ္ဇင်းဃောကျောင်းကိုတောင် မကြာမကြာ လာတတ်တယ်။ ဦးပဉ္ဇင်းကြီးရေးတဲ့အလံတွေကိုလည်း သိပ်ကြိုက်တာ။

အဲဒီတုန်းက ဦးလေးကျော်ကျော်မြတို့က လူပျိုပေါက်တွေပေါ့။ ဂျပန်ကျောင်းကိုလည်း ကျွန်တော်တို့ထက် အများကြီးစောပြီး တက်ကျရတယ်။ ဦးလေးကျော်ကျော်မြက ဉာဏ်ကောင်းတော့ ဂျပန်စာနဲ့ဂျပန်စကားကို တော်တော်ကြီးကို တတ်သွားတာ။ နောက်ပိုင်းကျတော့ ဂျပန်စကား ပြန်တောင် လုပ်နိုင်လာတယ်။

ကျွန်တော်တို့ ဂျပန်စာသင်လို့ နှစ်လလောက် ရှိသေးတယ်၊ တစ်နေ့တော့ ဂျပန်တပ်စုတစ်စု ဦးပဉ္ဇင်းဃောကျောင်းဝင်းထဲကို ရောက်လာကြပါ လေရော။ တော်တော်ရိုင်းတဲ့ တပ်ကြပ်ကြီးတစ်ယောက်ဦးဆောင်တဲ့ အုပ်စုလေးတစ်ခုပါ။ စစ်သား လေးငါးဆယ်ယောက်လောက်ပဲရှိမယ် ထင်ပါရဲ့။ ဆရာတော်ကြီးဆီမှာလည်း ခွင့်မတောင်းဘူး။ ဦးပဉ္ဇင်းကြီးကိုလည်း အသိမပေးဘူး။ ဂရုမစိုက်ဘူး။ ကျောင်းဝင်းထောင့်က သန်းပင် ရိပ်မှာ သူတို့ပါလာတဲ့ပစ္စည်းတွေကိုချ၊ မီးဖိုတစ်ခုစပြီးဖို၊ ဘာညာပေါ့လေ။ စားဖို့သောက်ဖို့ ပြင်ဆင်ကြတာနဲ့တူပါတယ်။

သူတို့နဲ့ပါလာတဲ့ ကြက်မကလေးတစ်ကောင်ကိုလည်း ခြေထောက်မှာ ကြိုးတစ်ချောင်းနဲ့ စစ်အိပ်ကြီးတစ်ခုက ခါးပတ်နဲ့ ချည်ထားတယ်။

ကျွန်တော်တို့ ကလေးတစ်သိုက်ကတော့ ပထမခပ်ဝေးဝေးက လှမ်းပြီးကြည့်နေကြတယ်။ နောက်ပိုင်း အတင့်ရဲလာတော့ သူတို့ ကြိုးချည် ထားတဲ့ ကြက်မကလေးကို အစာကျွေးကြ၊ ရေတိုက်ကြပေါ့လေ။ ဦးပဉ္ဇင်းဃော ကတော့ ပထမ ခဏထွက်ကြည့်ပြီး ချက်ချင်းဆိုသလိုပါပဲ ပြဿနာကိုရှောင်တဲ့အနေနဲ့ ကျောင်းထဲပြန်ဝင်သွားတယ်။ နောက် ... ခဏနေတော့ အဲဒီဂျပန်တပ်ကြပ်ကြီးလည်း ဦးပဉ္ဇင်းကြီးရဲ့ ကျောင်းကလေးထဲကို စစ်ဖိနပ်ကြီးမ မချွတ်ဘဲဝင်သွားတယ်။

ဂျပန်တပ်ကြပ်ကြီး ဘာသွားလုပ်ပါလိမ့်ဆိုပြီး ကျွန်တော်တို့ ကလေးတစ်သိုက်လည်း အဲဒီကို ပြေးသွားကြည့်ကြတယ်။ အတွင်းကို မဝင်ရဲ ပါဘူး။ ကျောင်းပြင်ကနေ အထဲကိုချောင်းကြည့်ကြရတာပါ။ ဂျပန်တပ်ကြပ်ကြီးက ဘာတွေပြောလို့ ဦးပဉ္ဇင်းကြီးက ဘာတွေပြန်ပြောနေမှန်း မသိဘူး။ တစ်ယောက်နဲ့တစ်ယောက် ဘာမှ နားလည်ကြဟန်မတူပါဘူး။ ဘယ်နားလည်ကြမှာလဲ၊ တစ်ယောက်က ဂျပန်လိုပြောပြီး တစ်ယောက်က ဗမာလိုပဲ ပြောနေတဲ့ဥစ္စာ။ နောက်တော့ ဂျပန်တပ်ကြပ်ကြီးက ဘာမှဆက်ပြောမနေတော့ဘဲ ဦးပဉ္ဇင်းကြီး ပန်းချီကားတွေ ထည့်ထားတဲ့ဗီရိုကို ဆွဲဖွင့်တယ်။

အဲဒီဗီရိုထဲမှာ ဦးပဉ္ဇင်းကြီးရဲ့ပန်းချီကားတွေ အကုန်ရှိတယ်လေ။ တစ်ထပ်ကြီးပဲ။ အဲဒါတွေကိုတွေ့တော့ ဂျပန်တပ်ကြပ်ကြီးဟာ တော်တော် စိတ်ဝင်စားသွားပုံရတယ်။ ပုံတွေကို အထပ်လိုက်ထုတ်ယူလာပြီး ကြမ်းပေါ်မှာချ၊ တစ်ခုပြီးတစ်ခု ကြည့်တော့တာပဲ။ ဦးပဉ္ဇင်းကြီးကတော့ တော်တော်စိတ်ရှုပ်နေတဲ့ပုံပဲ။ အဲဒီအချိန် ကြက်မလေးကို ဂျပန်စစ်သားတစ်ယောက်က သတ်လိုက်ပြီလေ။ ခြေထောက်နှစ်ချောင်း စုကိုင်ပြီး မြေကြီးပေါ်ကို သုံးချက်လောက် ဆင့်ရိုက်လိုက်တာပါပဲ။

အဲဒီအချိန်ပဲ ဦးပဉ္ဇင်းကြီးကျောင်းပေါ်က "ခူးရား၊ ဘတ်ကဲရိုး" ဆိုတဲ့အသံကြိးကို ကြားကြရတာပါပဲ။ ချက်ချင်းဆိုသလိုပဲ ဂျပန်တပ်ကြပ်ကြီးက အလံပုံပန်းချီကားတွေက တစ်ဖက်၊ နောက်တစ်ဖက်နဲ့ ဦးပဉ္ဇင်းကြီးရဲ့ လက်မောင်းကို ခပ်ကြမ်းကြမ်းဆွဲပြီး ကျောင်းပြင်ခေါ် ထုတ်လာတယ်။ ကျောင်းရှေ့က မြေကွက်လပ်ပေါ်ကိုရောက်တော့ ဂျပန်တပ်ကြပ်ကြီးက ဒေါသတကြီးနဲ့ ဦးပဉ္ဇင်းကြီးကို တွန်းပစ်လိုက်လို့ ဦးပဉ္ဇင်းကြီးဟာ မြေကြီးပေါ်ကို လဲကျသွားတယ်။

ဒီတော့မှ ဂျပန်တပ်ကြပ်ကြီးက သူယူလာတဲ့ အလံပုံပန်းချီကားတွေနဲ့ ဦးပဉ္ဇင်းကြီးကို ပစ်ပေါက်လိုက်တယ်။ စက္ကူပန်းချီကား သုံးလေးဆယ် လောက်ဟာ ဖွာလန်ကျဲသွားတယ်။ ဂျပန်တပ်ကြပ်ကြီးဟာ ပါးစပ်က ရုတ်ရင်းကြမ်းတမ်းတာတွေကို ဆဲရေးတိုင်းထွာရင်း ကုန်းထလာတဲ့ ဦးပဉ္ဇင်းကြီးကို ပခုံးကနေကိုင်ပြီး သုံးလေးချက် ဆွဲဆောင့်တယ်။ နောက် ... ဦးပဉ္ဇင်းကြီးကို ပါးရိုက်ဖို့လက်ပြန်ရွယ်လိုက်တဲ့အချိန်မှာ ဘယ်အချိန်က ဘယ်လိုရောက်လာမှန်းမသိလိုက်ရတဲ့ ဆရာခဲ့မုဆဝါရဲ့ ဟန့်တားလိုက်တဲ့အော်သံကို ကြားကြရတာပဲ။

ဦးလေးကျော်ကျော်မြတို့ လူငယ်တစ်သိုက်လည်း ရောက်လာကြတယ်။ ဆရာခဲ့မုဆဝါက ချက်ချင်းပဲ ဂျပန်တပ်ကြပ်ကြီးလက်က ဦးပဉ္ဇင်းကြီး လက်ကို လွှတ်ခိုင်းလိုက်ပြီး "ဘာဖြစ်နေကြတာလဲ"လို့လည်း မေးပုံရတယ်။ ဂျပန်တပ်ကြပ်ကြီးက အလံပုံပန်းချီကားတချို့ကို မြေကြီးပေါ်က ကုန်းကောက်ပြီး ဆရာခဲ့မုဆာဝါကိုပြရင်း ဘာတွေမှန်းတော့ မသိဘူး။ ဒေါသတကြီး အော်ဟစ်ပြောဆိုတယ်။

ဆရာခဲ့မုဆာဝါက တပ်ကြပ်ကြီး ပြတဲ့ ပန်းချီကားတွေကို တစ်ချက်ပဲကြည့်လိုက်ပြီး မြန်လိုက်တဲ့ ဖြစ်ချင်း။ ဂျပန်တပ်ကြပ်ရဲ့ပါးကို ဘယ်ပြန် ညာပြန် သုံးလေးခါလောက် ရိုက်ပစ်လိုက်တယ်။ ပြီးတာနဲ့ တပ်ကြပ်ကြီးရဲကလက်ထဲက ပန်းချီပုံတွေကို ဖျတ်ခနဲယူလိုက်ပြီး လက်ညှိုးနဲ့ ထောက်ထောက်ပြရင်း ဘာတွေမှန်းမသိဘူး ရှင်းပြတယ်။ ကျန်တဲ့စစ်သားတွေအပါအဝင် ဂျပန်တပ်ကြပ်ကြီးဟာ တ "ဟိုက်" " ဟိုက်" နဲ့ ဟုတ်ကဲ့ချင်းထပ်အောင်ပြောရင်း ခါးတွေကိုလည်း အကြိမ်ကြိမ်ကိုင်းပြီးအလေးပြုရင်း အရိုအသေပေးနေကြရယ်။ ပြီးတာနဲ့ ဆရာခဲ့မုဆာဝါက ဂျပန်တပ်စုကလေးကို အဲဒီနေရာက ချက်ချင်းထွက်သွားကြဖို့ နှင်ထုတ်လိုက်တယ်။

အဲဒါပါပဲ။ အဲဒီတုန်းက ကျွန်တော်တို့က ငယ်သေးတယ်လေ။ ဂျပန်စာကလည်း သင်ခါစ၊ ဘာမှလည်း မတတ်သေး။ ဘာတွေဖြစ်ကုန်တယ် ဆိုတာလည်း မသိလိုက်ပါဘူး။ အဲဒီတုန်းက ဦးပဉ္ဇင်းကြီးဟာ ရှက်လည်းရှက်၊ စိတ်လည်း အတော်ထိခိုက်ပုံရတယ်။ သူ့ဇာတိရွာရှိတဲ့ ရေမျက်ကြီးအင်းဘက်ကို ပြန်ကြွသွားလို့ ကျွန်တော်တို့တောင် တစ်လလောက် ဦးပဉ္ဇင်းကြီးကျောင်း ပျက်ကြရသေးတယ်။ အင်းစိန်ရောက် လို့ ကျော်ကျော်မြနဲ့တွေ့ရင် ဒီတုန်းက ဘာမှန်းမသိလိုက်တာတွေကို မေးရမယ်။ ဂျပန်တပ်ကြပ်ကြီးက ဦးပဉ္ဇင်းကြီးကို ဘာပြုလို့ရန်ရှာ ရတာလဲ။ ဆရာခဲ့မုဆာဝါက ဂျပန်တပ်ကြပ်ကြီးကို ပါးရိုက်ပြီး ဘာတွေရှင်းပြတာလဲဆိုတာ အဲဒါတွေ သိချင်တယ်ဗျာ။

အင်းစိန်က ကျော်ကျော်မြတို့အိမ်ကိုရောက်တော့ အလွန် ကာယဗလတောင့်တင်းသန်မာတဲ့ ကျော်ကျော်မြဟာ ၆ လလောက်အတွင်း သုံးပုံတစ်ပုံလောက် ဆွဲချလိုက်သလိုကျသွားတာကို တွေ့ရတယ်။ ကျွန်တော် သူနဲ့မတွေ့ရတာလည်း ၆ လလောက်ရှိပြီလေ။

"ဖုန်းထဲကပြောတုန်းက မင်း စိတ်မချမ်းသာမှာစိုးလို့ သုံးလေးလလောက်ပဲ နေရတော့မယ်လို့ ပြောလိုက်တာကွ။ တကယ်တမ်းက နောက်ထပ် အရက်နှစ်ဆယ်ထက် မကျော်နိုင်တော့ဘူးလို့ စန်းလေးက အသေအချာကို ပြောလိုက်ပြီကွ"လို့ ကျော်ကျော်မြက ပြုံးပြုံးရယ်ရယ်နဲ့ပဲ ပြောပါတယ်။ စန်းလေးဆိုတာက သူ့ငယ်သူငယ်ချင်း ကင်ဆာရောဂါအထူးကုဆရာဝန်ကြီး ဒေါက်တာစန်းတင့်ကို ပြောတာပါ။

ဦးလေးကျော်ကျော်မြဟာ သူ့အနေနဲ့ ဒီဘဝမှာ ရက်ပေါင်းနှစ်ဆယ်လောက်ပဲ နေရတော့မယ်။ မုချ သေရတော့မယ်ဆိုတဲ့ကိစ္စကို ပြောပြနေပုံက လွယ်လိုက်တာ။ နောက်ရက်ပေါင်း နှစ်လလောက်အတွင်း မန္တလေး ခဏသွားလိုက်ဦးမယ်ကွာ။ ဘာမှာဦးမလဲလို့ ပြောနေ သလိုပါပဲ။

အဲ ... ကျွန်တော်ကလည်း ကျွန်တော်ပဲ။ စိတ်ဆိုတာ ဖြစ်တတ်ပုံကိုပြောပါတယ်။ ကျွန်တော် တစ်လမ်းလုံးစဉ်းစားလာတဲ့ အတိတ်က အကြောင်းတွေနဲ့ မေးချင်တဲ့စိတ်ကလောကြီးနေတယ်။ ဒါနဲ့ လိုရင်းကို မေးပစ်လိုက်တာပါပဲ။

ဟိုး ... လွန်ခဲ့တဲ့နှစ်ပေါင်းငါးဆယ်ကျော်က ဦးပဉ္ဇင်းဃောကျောင်းရှေ့မှာ ဂျပန်တပ်ကြပ်ကို ဂျပန်စာသင်ဆရာ ခဲ့မုဆာဝါက ဘယ်ပြန်ညာပြန် ပါးရိုက်ပြီး ငေါက်ငမ်းရှင်းပြနှင်ထုတ်လိုက်တဲ့အချိန်က ကျော်ကျော်မြတို့လည်း ရောက်လာတယ်ဆိုတော့ ဘာတွေရှင်းပြလိုက်တာလဲ မှတ်မိ သေးသလားလို့ မေး လိုက်တယ်။
"သိပ်မှတ်မိတာပေါ့ကွာ"လို့ဆိုပြီးတော့ ကျော်ကျော်မြက စိတ်ပါလက်ပါ ရှင်းပြပါတယ်။ ဂျပန်တပ်ကြပ်ကြီးက ဦးပဉ္ဇင်းကြီး ကျောင်းပေါ်တက် ပြီး ဗီရိုထဲက အလံပုံပန်းချီကားတွေကို ထုတ်ကြည့်တဲ့အခါ အင်္ဂလိပ်အလံပုံတွေကိုတွေ့တော့ ဒေါသထွက်သတဲ့။ နောက် ... ဂျပန်အလံပုံတွေ ကို တွေ့ပြန်တော့ သဘောကျသွားသတဲ့။ ဒါပေမဲ့ ဂျပန်အလံက နေလုံးနီကြီးကို အစိမ်းရောင်နေလုံးကြီးအဖြစ် အရောင်ပြောင်းဆွဲတာ၊ ရောင် ခြည်တန်းနဲ့ နေလုံးနီတွေကို အစိမ်းရောင်ပြောင်းဆွဲထားတာတွေတွေ့တော့ အလွန်ဒေါသထွက်သတဲ့။ ဒါဟာ ဂျပန်အင်ပါရာကို တိုက်ရိုက် စော်ကားတာပဲဆိုပြီး ရိုက်ဖို့နှက်ဖို့လုပ်တော့တာပဲတဲ့။

ဆရာ ခမုဆာဝါကကျတော့ တစ်အချက်က ဂျပန်တပ်ကြပ်ကြီးအနေနဲ့ ဘုန်းကြီးတစ်ပါးကို မလေးမစားနဲ့ ကိုယ်ထိလက်ရောက် စော်ကားတာ ကို မကြိုက်တာ။ နောက် ... ဘုန်းကြီးကျောင်းထဲလာပြီး ကြက်သတ်၊ ငှက်သတ် လုပ်နေကြတာလဲမကြိုက်။ နောက် ... ဂျပန်အလံက နေလုံး နီနီကို အစိမ်းရောင်ပြောင်းဆွဲတာနဲ့ပတ်သက်လို့ ဒါဟာ ဂျပန်နိုင်ငံတော်ကိုစော်ကားတာ မဟုတ်ကြောင်း၊ တပ်ကြပ်ကြီးဟာ အနုပညာ ဗဟုသုတနည်းကြောင်း၊ အနီကို အစိမ်းပြောင်းဆွဲဖို့ အနုပညာသည်မှာအခွင့်အရေးရှိကြောင်း၊ လွတ်လပ်ခွင့်ရှိကြောင်း၊ ပြောင်းလဲစဉ်းစား တတ်တဲ့ တီထွင်ဉာဏ်ဖြစ်ကြောင်း၊ ဒီပုံတွေကို မိမိ အစကတည်းက မြင်ဖူးကြောင်း ... စသဖြင့် ဖြစ်တယ်လို့ ကျော်ကျော်မြက အသေးစိတ် ရှင်းပြပါတယ်။

ထူးခြားတာက ကျော်ကျော်မြဟာ သူ့ကို လူနာလာမေးကြတဲ့ မိတ်ဆွေတွေကိုလည်း ဒီအကြောင်းတွေကိုပဲ ပြန်ပြန်ပြောနေတဲ့ကိစ္စပါပဲ။ သူ့ရောဂါအကြောင်းကို မပြောတော့ဘူးတဲ့။

အထူးခြားဆုံးကတော့ ကျော်ကျော်မြဟာ နေရလှရင် ရက်နှစ်ဆယ်ပါပဲဆိုပေမယ့် ရက်ပေါင်းနှစ်ဆယ်ကျော်လာလို့လည်း မသေတဲ့အပြင် ကင်ဆာရောဂါဟာ ထူးထူးဆန်းဆန်း သက်သာပျောက်ကင်းသွားလို့ နောက်ထပ် ငါးနှစ်ကျော်လောက်တောင် နေသွားပါတယ်။

ဝင်းဖေ(ရေကြည်ရေသန့်ဝတ္ထုတိုများ)

https://www.facebook.com/permalink.php?story_fbid=2224893277781217&id=1648554798748404&__tn__=K-R