မြန်မာကဗျာဖတ်ခြင်း(၂) စံညိမ်းဦး

မြန်မာကဗျာဖတ်ခြင်း(၂)

''နာရီတခုတည်းနဲ့ ရွာလည်''
အမျိုးသမီးကဗျာဆရာမ(၃)ယောက်ကို စိတ်ဝင်စားစရာဖြစ်မိတယ်။ အနောက်နန်းမတော်မမြလေးရယ်။ လှိုင်ထိပ်ခေါင်တင်ရယ်။ တောင်တွင်း ရှင်ငြိမ်းမယ်ရယ် ဖြစ်တယ်။

အမှန်က အမျိုးသမီးကဗျာဆရာမရယ်ပြောရင် 'မယ်ခွေ၊ မင်းကြီးကတော်ခင်ဆုံ၊ မိဖြူ၊ မိညို'စသဖြင့် ရှိသေးတယ်။ ဒါပေမဲ့ ထို၃ယောက်ကို ပိုစိတ်ဝင်တစားဖြစ်မိတယ်။ ဘာလို့စိတ်ဝင်စားလဲမေးရင် စိတ်ဝင်စားလို့ဖြစ်တယ်။ တဦးချင်းအလိုက် ကဗျာပုံသဏ္ဍာန်အဖုံဖုံ ရေးကြပေမယ့် နာမည်ကျော်တာ 'ဘောလယ်'တယောက်။ 'ပတ်ပျိုး'တယောက်။ 'အိုင်ချင်း'တယောက်ဖြစ်တယ်။ ဒါကို နောက်ပိုင်းမှဆက်ရေးပါမယ်။ မမြလေးတို့ လှိုင်ထိပ်ခေါင်တင်တို့ရဲ့ နံမည်ကျော်ကဗျာတွေကို မြန်မာပရိသတ်က စာယဉ်ပြီးသားများဖြစ်တယ်။ သီချင်းတွေ နားထောင်ဖူး သလို စာသမား၊ ဂီတသမား၊ ရုပ်ရှင်သမားတွေ အမျိုးမျိုးယူသုံးကြတာမို့ မစိမ်းဘူး။ ကျနော် ခုပြောလိုတာအဓိက က 'နာရီတခုတည်းနဲ့ကို ရွာလည်'တဲ့အကြောင်း ဖြစ်တယ်။ ကဗျာဖတ်ရင်း မူးနောက်ရတဲ့ဖီလင်ပါ။ တကယ်က ကျနော်မသိတာပါ။

ရှေးကဗျာဖြစ်ဖြစ်၊ မျက်မှောက်ကဗျာဖြစ်ဖြစ်၊ နိုင်ငံတကာကဗျာဖြစ်ဖြစ် သူ့ခေတ်နဲ့သူကဗျာဟာ ဆက်စပ်တယ်။ သူ့ခေတ် လူမှုအဆောက် အအုံဟာ သူ့ကဗျာမှာထိစပ်နေတယ်။ ခေတ်ဟောင်းကဗျာဆရာရဲ့ ကဗျာမှာသုံးတဲ့ ခေတ်ဟောင်းဘာသာစကားကို မျက်မှောက်စာဖတ်သူက နားလည်ဖို့မလွယ်တာ သဘာဝကျတယ်။ ဒါကြောင့်လည်း ခက်ဆစ်ဖွင့်ချက်တွေ၊ ပေါရာဏဖွင့်ချက်တွေမပါဘဲ မခံစားနိုင်ဘူးဖြစ်ကြရတယ်။ ခေတ်ဟောင်းဘာသာစကားက ကာလ အင်မတန်ဝေးကွာလွန်းတဲ့အခါမှာဆို ပိုလို့ဆိုးတယ်။ ဘယ်လိုမှ နားမလည်နိုင်တော့ဘူး။ ဒီအထဲကမှ နာရီတခုနဲ့ရွာလည်တာ ပြောချင်တယ်။

''ကြာချည်ရံ၊ နာရီပြန်ပဟိုရ်ညိတ်ပါပေါ့၊ မှေးမှိတ်လို့စက်ပါသော်၊ ရေးမျှမပျော်၊ လာနိုးငယ်မျှော်၊ ကြာမော်မြင့်ဆောင်ထီး၊ ရွှေဘောတော်တဉာဏ်ပွေလို့၊ မလာနေတာရှည်တာကြောင့် တွေးရခက်ကြီး''တဲ့
(မမြလေးရဲ့လေးချိုးတပုဒ်မှ)

''သုံးပဟိုရ်တီးပါပေါ့ မျှော်မမြင်၊ ရွှေကြက်သံချို ဆော်လာသွင်းတယ်လေ၊ လင်းမယ်လို့ပြင်''တဲ့
(လှိုင်ထိပ်ခေါင်တင်ရဲ့ ပုလဲမြိတ်စုံဘောလယ်မှ)

''လွမ်းရက်နဲ့ဆောင်ဆီမှာ ကြက်သံညီဆော်ညောင်းလို့ ရွှေမောင်းသည်ခါဆော် လင်းခုပေါ့နော်''
(လှိုင်ထိပ်ခေါင်တင်ရဲ့ ပုလဲရည်ငွေဥချီ တေးထပ်မှ)

''စိန်ခြူးကြာညောင် လရောင်လင်းပါလို့ မှန်ရွှေပြူတင်းငယ်က မယ်ခုမျှော်၊သုံးချက်စည်တော် ရိုက်ဆော်ညှင်းနယ်လေး လင်းပြန်လုနော်''
(စိန်ခြူးကြာညောင် ဘောလယ်မှ)

မမြကြုတ်ခေါ် နန်းမတော်မမြလေးနဲ့ မဖွားကြီးခေါ် လှိုင်ထိပ်ခေါင်တင်က အမေနဲ့သမီးဖြစ်တယ်။ နှစ်ယောက်လုံး အိမ်ထောင်ရေးဇာတာ ညံ့တယ်။ အလွမ်းဇာတ်ချည်းပဲ။ မမြလေးက အသတ်ခံရလို့သေတယ်။ နှစ်ယောက်လုံး ကြုံရတဲ့ချစ်မေတ္တာက ပဒေသရာဇ်နန်းတွင်းအချစ်ဆိုတော့ကာ ဒင်ပြည့်ကျပ်ပြည့်ရယ် မဖြစ်ဘူး။ အလွမ်းနဲ့အဆွေးနဲ့ အမျှော်နဲ့လည်နေတာပါပဲ။ ဇာတ်လမ်းတွေဖတ်ပြီး ကြေကွဲပူဆွေးစရာ ဖြစ်တယ်။ အလွမ်းကို ကူးစက် စာနာစေတယ်။ ခက်နေတာက ဖြောင့်ဖြောင့် မလွမ်းနိုင်ဘူး၊ နားမှ မလည်တာကိုး။ ကဗျာအလိုက ညမှာအိပ်မပျော်တာမှန်း သိတယ်။ ချစ်သူကို မိုးလင်းလုထိ စောင့်နေတာတွေ။ ချစ်သူက မိုးလင်းခါနီးထိ ပြန်မလာတာတွေကို စကားလုံးတချို့ ပြထားတယ်။ ဒါကြောင့် လုံးပြီးမှန်းသမ်းရောကြိတ် နားလည်ခံစားပေးနိုင်တယ်။ ဒါပေမဲ့ စနိုးစနောင့် ဖြစ်ရတယ်။ ရေးပြထားရက်နဲ့ ဘာမှန်းမသိတာပဲ။ နာရီအချိန်အသုံးနှုန်းတွေ ဖြစ်တယ်။ ဒါနဲ့ အခြားဟာတွေကျ နားလည်နေသလား မေးစရာဖြစ်တယ်။ ဒါလည်း ကြိုးစားရဖို့ပဲရှိတယ်။ ခေတ်ဟောင်းစာနဲ့ ခေတ်ဟောင်းဘာသာစကားကိုး။ အဖတ်များစာနာရင် သိလာ ရိပ်စားလာနိုင်ဖို့ရှိတယ်။ နာရီကတော့ မြန်မာနာရီစနစ်ကို သိကိုသိမှလိုဖြစ်တယ်။ အဲ့ဒါနဲ့ ကျနော်ရွာလည်တာပဲ။ မြန်မာနာရီသုံးတယ်။ နာရီမောင်းကတီးရင် 'နောင်'မြည်မယ်။ ပဟိုရ်စည်ကတီးရင် 'ဒိုင်း'လို့မြည်မယ်။ နောင်ဒိုင်းလို့လည်း အသံစွဲပြီးပြောတတ်ကြတယ်။ လျှောက်ရှာကြည့်တော့ မြန်မာအချိန်အတိုင်းအတာနဲ့ပတ်သက်ပြီး မြန်မာအဘိဓာန် (၁၉၉၁)နှာ ၄၅ဝမှာ ဒီလိုတွေ့တယ်။
၁။
''မျက်စိ ၁ဝမှိတ်= တခဏ။ ၁ဝခဏ=၁လယ။ ၁ဝလယ=၁ခရာ(၁မုဟုတ်)။ ၁ဝခရာ=၁ပြန်။ ၆ပြန်=၁ဗီဇနာ။ ၁၅ဗီဇနာ=၁ပါဒ်။ ၄ပါဒ်=၁နာရီ။ ၆ဝနာရီ=၁ရက်။ ၃ဝရက်=၁လ။ ၁၂ လ=၁နှစ်။''
၂။
'ပဟိုရ်'ကို ဒီလို အနက်ဖွင့်တာလည်း တွေ့တယ်။ စက်(၃)နာရီနှင့်ညီမျှသော ရှေးမြန်မာအချိန်အပိုင်းအခြား (နေ့ ၄ပဟိုရ်၊ ည၄ပဟိုရ်)။ ပဟိုရိစည်ကိုတော့ မြန်မာဘုရင်လက်ထက် အချိန်နာရီအချက်ပေး တီးခတ်သည့်စည်ကြီးလို့ တွေ့တယ်။
၃။
(၁)နေ့ကို မြန်မာနာရီက (၆ဝ)ရှိတယ်။ ပဟိုရ်အားဖြင့် နေ့(၄)ကြိမ်တီး ည(၄)ကြိမ်တီး။ ပေါင်းတနေ့(၈)ကြိမ် ကျတယ်။ မောင်းက(၁)နာရီမှာ (၁)ချက်တီးတယ်။ နေ့တာအတိုအရှည်လိုက်ပြီး (၇)မောင်း (၈)မောင်းတီးတယ်။ (၇)မောင်းမှာ ပဟိုရ်(၁)ကြိမ်။ (၈)မောင်းမှာ ပဟိုရ်(၁)ကြိမ်။ နေဝင်ချိန်မှာ ပဟိုရ်(၄၄)ချက် တီးတယ်။ အဲ့ဒီအချိန်ကို(၁)ချက်တီးလို့ ခေါ်ပြန်တယ်။

ယနေ့ကာလ စက်နာရီ ညဦး(၉)နာရီခန့်ဖြစ်တယ်။ ဆက်ပြီး(၈)မောင်းပြည့်ရင် ပဟိုရ်(၂၂)ချက်တီးရတယ်။ (၂)ချက်တီးလို့ အချိန်လို့ ဆိုပြန်တယ်။ (၈)မောင်းပြည့်ပြန်ရင် (၄၄)ချက်တီးတယ်။ အဲ့ဒါကို(၄)ချက်တီးလို့ ခေါ်ပြန်တယ်။ နံနက်နေထွက်ချိန်နဲ့ ကွက်တိလုပ်တယ်။ (၇)မောင်းစေ့ရင် (၁)၁ချက်တီးပြီး နံနက်(၁)ချက်တီးလို့ သုံးတယ်။

မမြလေးရဲ့လေးချိုးထဲက''ကြာချည်ရံ နာရီပြန်ပဟိုရ်ညိတ်ပါပေါ့ မှေးမှိတ်လို့စက်ပါသော် ရေးမျှမပျော် လာနိုးငယ်မျှော်''ထဲက''နာရီပြန် ပဟိုရ်ညိတ်ပါပေါ့''ဆိုတဲ့အချိန်ဟာ ညနာရီကနေ နေ့နာရီကိုပြန်တဲ့ ပဟိုရ်စည်သံပင် ကြားနေရပြီ။ ရေးရေးမျှ အိပ်လို့မပျော်ဘူး။ လာဦးမလား မျှော်နေတယ်ပေါ့။ တကယ်မူးနောက်သွားတယ်။ ဒါကို ဆရာဒဂုန်နတ်ရှင် ရှင်းထားတာကို ချုံ့ပြီးပြန်ရေးတာ။ နောင်ဒိုင်းနောင်ဒိုင်းနဲ့ ကြားယောင်မိတယ်။ စိုင်းခမ်းလိတ်ရေးတဲ့ ''ရွှေပဟိုရ်စည်သံမကြားရတဲ့အဝေးမှာ''ဆိုတဲ့သီချင်းလည်း သွားသတိရမိတယ်။ ဒီတော့ အခက်သားကလားပေါ့။

အတော်တော့ ဂွကျတယ်ဆိုစရာ ဖြစ်ရတယ်။ အရသာလိုချင်တော့ အလုပ်တွေရှုပ်ပြီး မတတ်နိုင်။ မသိလည်း ဘာမှတော့မဖြစ်ဘူး။ အိပ်မပျော်ဘူး။ စောင့်နေ မျှော်နေရှာတယ်။ ဒီလို သဘောပေါက်လို့ရတယ်။ ခံစားပေးလို့ဖြစ်တယ်။ ဒါပေမဲ့ ဆိုလိုချင်တာက ဒီနာရီကိစ္စလိုပဲ အခြားတွေ ဘယ်လောက်ရှိနေမယ်ဆိုတာ တွေးလို့ရတယ်။

'စိန်ခြူးကြာညောင်'ဆိုဘာလဲဟ။ ဖြစ်စရာတွေပဲ။ ခက်တယ်။ ခက်တော့ မဖတ်ရုံရှိတော့တာ။ မဖတ်တော့ မသိဘူး။ မသိတာမှ ကိုယ့်စာပေပါ မသိဘူးထိ ဖြစ်စရာရှိတယ်။ ခိုးချဖို့မဟုတ်ဘူး။ ရှေးကကဗျာဆရာတွေ ဘာလုပ်ခဲ့တယ်။ ဘယ်လို အားထုတ်ခဲ့တယ်။ ဘယ်လို တွေးခေါ် ခဲ့တယ်။ မြန်မာစာပေနဲ့ကဗျာရဲ့ ဇာတိနဲ့ဗီဇကို လေ့လာကြည့်တာပဲ။ တကယ်တော့ မြန်မာစာပေကို ခက်ခက်ခဲခဲနဲ့ စုစည်းဖန်တီးမှုဟာ ချီးကျူးစရာဖြစ်တယ်။

ရှေးက ရှိခဲ့ပေမယ့် ခေတ်ပျက်ရှည်ကြီးထဲမှာ တစစီ ပျောက်ဆုံးသွားတာတွေကို (၁၉၂ဝ)ကျောင်းသားသပိတ်ကျေးဇူး နောက်ပိုင်း အမျိုးသားကျောင်းတွေပေါ်လာမှ ဝါယမထုတ်ကြရတာဖြစ်တယ်။ ရှာကြဖွေကြ စုကြဆောင်းကြ ပြုစုကြတီထွင်ကြနဲ့ဆိုရာ မြန်မာပညာရှိများ ကျေးဇူးလို့ ဆိုရမှာဖြစ်တယ်။ ကျနော့်အမြင်ဖြစ်တယ်။ သဘောမတူခွင့်ရှိတယ်။

''မနက် ၉ နာရီ
မနက် ၉ နာရီ
ဤကမ္ဘာမြေလောက
ရုံးတက်ကြ၊ ရုံးဆင်းကြ
အဲသလို လှည့်လည်တယ်။
ဂန္တဝင်မမ
သူမ လာပါပြီ။
စာတိုက်ပုံးထဲ
စာတစ်စောင် ထည့်လိုက်တယ်''
ဦးအောင်ချိမ့်ရဲ့'ဂန္ထဝင်မမ''ထဲက ကဗျာတပိုဒ်ကို သတိရမိတယ်။

''မနက်၉နာရီ''နေရာမှာ ''ဘယ်နှပဟိုရ်ဘယ်နှချက်တီး''လို့ ခေတ်ဟောင်း ဘာသာစကားအသုံးနဲ့ ထည့်ရေးရင် ကျနော်တို့ အတော်လည်ထွက်မလား တွေးမိတယ်။ ဒီအတိုင်းပဲ 'မနက်၉နာရီ'ကိုပဲ နောင်အနှစ်(၁ဝဝ)လောက်မှာ ထိုကာလ ခေတ်သစ်ဘာသာစကား အသုံးပြုသူတွေခဗျာ ''ဘာလဲမနက်၉နာရီဆိုတာ'' မဖြစ်ဘူးပြောနိုင်ဘူး။ မန်နျူရယ်လ်ကနေ အန်တာလော့ဂ်ကနေ ဒစ်ဂျစ်တယ်စနစ်ကနေ ဘာဖြစ်မည်မသိ။ နိဂုံးချုပ်ရရင် နာရီတခုတည်းနဲ့ရွာလည်ခဲ့တာကို ပြောလိုရင်းဖြစ်တယ်။

စံညိမ်းဦး
၁ဝ၊ ၁၂၊ ၁၇
ည ၁:ဝ၇နာရီ