ဘယ်သူ့ဗုဒ္ဓဘာသာအမှန်ဆုံးလဲ (လင်းထက်ဆွေ - စုစည်းတင်ပြသည်)

ဘယ်သူ့ဗုဒ္ဓဘာသာအမှန်ဆုံးလဲ (လင်းထက်ဆွေ - စုစည်းတင်ပြသည်)

ဗုဒ္ဓဘာသာ မှာ အခြားသော ဘာသာတရားများနဲ့ မတူ ထူးခြားတဲ့အချက်ရှိတယ်။ ဘာသာတရားတိုင်းမှာတော့ ဂိုဏ်းကွဲတွေရှိကြတာ အမှန်ပါပဲ။ ဒါပေမဲ့ ကျမ်းစာအရတော့ ဆိုင်ရာဂိုဏ်းကွဲတွေအားလုံးက တစ်ခုတည်းသော ကျမ်းစာကို လက်ခံကြတာပဲ များပါတယ်။ ဗုဒ္ဓဘာသာမှာ အခြားသောဘာသာတရားများနဲ့ မတူတာက ဂိုဏ်းအသီးသီးမှာ မိမိတို့ ကိုယ်ပိုင်ပိဋကတ်စာပေတွေ သီးခြားစီရှိနေတာပဲ ဖြစ်တယ်။

ထေရဝါဒဂိုဏ်းမှာက ပါဠိပိဋကတ်ရှိနေပြီးတော့ မဟာယာနဗုဒ္ဓဘာသာမှာတော့ သက္ကဋပိဋကတ်ကို ဘာသာပြန်ဆိုထားတဲ့ တိဗက်ပိဋကတ် တရုပ်ပိဋကတ် မွန်ဂိုလီးယားပိဋကတ် စသဖြင့်ရှိနေပါတယ်။ ဂိုဏ်းကွဲတွေအားလုံးကလည်း မိမိတို့ဂိုဏ်းရဲ့ ပိဋကတ်ဟာ မူလ ဘုရားဟော ပိဋကတ်ဖြစ်ကြောင်း အသန့်စင်အမွန်မြတ်ဆုံးဖြစ်ကြောင်း ယုံကြည်ကြတာပါပဲ။
ဒါဆိုရင် ဘယ်သူ့ဗုဒ္ဓဘာသာအမှန်ဆုံးလဲဆိုတဲ့မေးခွန်း ဖြစ်ပေါ်လာပါတယ်။ ဘယ်သူ့ပိဋကတ်က မူလဘုရားဟောပိဋကတ် အစစ်အမှန်လဲ ဆိုတာ စိတ်ဝင်စားစရာကောင်းတဲ့ မေးခွန်းတစ်ရပ် ဖြစ်လာခဲ့ပါတယ်။

(ဂန္ဓာရဒေသမှ ပေါ်တော်မူ ဓမ္မစာပေများ)

လွန်ခဲ့တဲ့နှစ်ပေါင်း ၂ဝဝဝ ကျော်လောက်က ဗုဒ္ဓဘာသာဝင်ရဟန်းတော်တွေဟာ သစ်ခေါက်ပုရပိုက်တစ်ချို့မှာ ပိဋကတ်ကျမ်းစာတွေကို ရေးသားပြီး မြေအိုးတွေထဲမှာထည့်လို့ (အခု ပါကစ္စတန်နိုင်ငံ ဂန္ဓာရဒေသမှာရှိတဲ့) သဲကန္တာရထဲမှာ မြုပ်ထားခဲ့ပါတယ်။ သူတို့ ဘာ ရည်ရွယ်ချက်နဲ့ ဒီလိုမြုပ်ထားခဲ့သလဲဆိုတာ ဘယ်သူမှ မသိပါဘူး။ မြင့်မြတ်တဲ့ဓမ္မစာပေတွေကို အလေးအမြတ်ပြု စွန့်ထားခဲ့တာလား။
စေတီထူပါ တစ်ခုခုမှာပဲထည့်သွင်းဋ္ဌာပနာဖို့ရန် စီစဉ်ခဲ့တာလား။ ရာစုများစွာကိုဖြတ်ပြီး ဗုဒ္ဓရှင်တော်ရဲ့ ဓမ္မတရားတွေကို ရာစုခေတ်သစ် ကလူသားတွေဆီရောက်အောင် အချိန်စုဘူး(Time-Capsule) ထဲ ထည့်ပို့လိုက်တာဆိုရင်တော့ ဒီ ရဟန်းတော်တွေရဲ့ လုပ်ဆောင်ချက် အောင်မြင်တယ်လို့ပဲဆိုရမှာ ဖြစ်တယ်။ ဒီလုပ်ရပ်ဟာ ဘယ်လောက်ကြီးကျယ်ခမ်းနားတယ်ဆိုတာတောင် သူတို့ သိချင်မှသိပေလိမ့်မယ်။

ဒီ ပေါ်တော်မူဓမ္မစာပေတွေကို ရှာဖွေတွေ့ရှိခဲ့ခြင်းဟာ ရှေးဟောင်းဗုဒ္ဓဘာသာစာပေလေ့လာမှုဆိုင်ရာနယ်ပယ်ကို အကြီးအကျယ် ရိုက်ခတ်စေခဲ့တာကြောင့်ပဲ ဖြစ်တယ်။ ရှေးဟောင်းဗုဒ္ဓဘာသာ စာပေလေ့လာသူပညာရှင်တွေအတွက် အရင်က မှားယွင်းနေတဲ့ အမြင်ဟောင်းတွေကို အသစ်ပြန်လည်ပြန်ဆင်နိုင်ခွင့် ရလာခဲ့တယ်။ ထူးခြားတဲ့အမြင်သစ်တွေလည်း ရလာစေခဲ့ပါတယ်။ အရင်ကရှိခဲ့တဲ့ ဘာသာရေးဂိုဏ်းဂဏစွဲတွေနဲ့ ယူဆခဲ့တဲ့အမှားတွေကိုလည်း ထောက်ပြလာနိုင်ခဲ့ကြပါတယ်။

ဒီလို အသစ်ရှာဖွေတွေ့ရှိချက်ဟာ ရှေးဟောင်းဗုဒ္ဓဘာသာ စာပေလေ့လာမှုဆိုင်ရာနယ်ပယ်ကနေ လက်တွေ့ဓမ္မကျင့်စဉ် အားထုတ်နေသူ တွေအထိ ပျံ့နှံ့ရောက်ရှိလို့ အမြင်ပြောင်းစေခဲ့ပါတယ်။ ဗုဒ္ဓဘာသာဂိုဏ်းဂဏတွေ (ထေရဝါဒ၊ မဟာယာန၊ ဇင်၊ ဝဇိရာယာန)အကြား ရှိနေတဲ့ အတ္တစွဲတွေ ဂိုဏ်းဂဏစွဲစိတ်တွေကို ပြောင်းလဲစေနိုင်ခဲ့ပါတယ်။ ဒီနေ့ခေတ်ရဲ့ ပို့စ်မော်ဒန်ယဉ်ကျေးမှုဝန်းကျင်ကလည်း ဗဟုအမှန်တရားတွေ အပြိုင်လက်ခံနေကြရတဲ့ကာလမှာ ဒီတွေ့ရှိချက်ဟာ ဂိုဏ်းဂဏစွဲသန်တဲ့ ဗုဒ္ဓဘာသာလောကအတွက် အလင်းတစ်ချက် ပြိုးပျက်လက်လိုက် သလိုပါပဲ ။

ဒီ ပိဋကတ်ကျမ်းစာတွေ စတင်တွေ့ရှိခဲ့တာ ၁၉၉၄ ခုနှစ်လောက်က ဖြစ်ပါတယ်။ ဖေါက်ထွင်းသူတစ်စုဟာ ရှေးဟောင်းဗုဒ္ဓဘာသာ သစ်ခေါက်ပုရပိုက်(၂၉) ခုလောက်ပါတဲ့မြေအိုးတွေကို အာဖဂန်နိုင်ငံအရှေ့ပိုင်းနဲ့ ပါကစ္စတန်နိုင်ငံအနောက်မြောက်ပိုင်းထိစပ်ရာ ဒေသတစ်ဝိုက်မှာ တူးဖော်တွေ့ရှိခဲ့ကြတယ်။

ဒီ နေရာက ရှေးအခါ က ဂန္ဓာရတိုင်းလို့ခေါ်တဲ့ နေရာဒေသပဲဖြစ်တယ်။ ခရစ်နှစ် အစပိုင်း ရှေးအခါက ဗုဒ္ဓဘာသာစာပေယဉ်ကျေးမှုတွေ အကြီးအကျယ်ထွန်းကားခဲ့တဲ့ နေရာလည်းဖြစ်တယ်။ ဘီစီ(၄) ရာစု ကနေ အေဒီ(၃) ရာစုအထိ ဂန္ဓာရတိုင်းမှာ ယဉ်ကျေးမှုတွေ လူ့အဖွဲ့ အစည်းတွေ ဆက်တိုက်ထွန်းကားခဲ့တယ်။ အစပထမက ဒီဒေသဟာ အာခေမိနစ် အင်ပါယာ(Achaemenid Empire) ရဲ့လက်အောက်ခံ ဒေသဖြစ်တယ်။

နောက်တော့ အလက်ဇန်းဒါးဘုရင်ရဲ့ မက်ဆီဒိုနီယန်အင်ပါယာ(Macedonian Empire) အောက် ကျရောက်တယ်။ ဂရိကိုလိုနီတွေနဲ့ ဘက်ထရီရှား အိန္ဒိယတိုင်းရင်းသားတွေအကြား ကူးလူးဆက်ဆံမှုတွေ ဖြစ်ခဲ့တယ်။ ဘီစီ(၁) ရာစုလောက်ကစတင်လို့ ဆီသိယန်(Scythian) ပါသီယန်(Parthian) ကုရှန်(Kushan) မျိုးနွယ်တွေက ဒီဒေသကို လွမ်းမိုးအုပ်စိုးခဲ့ကြပါတယ်။ နာမည်ကျော် ဂန္ဓာရအနုပညာလက်ရာတွေလည်း ပေါ်ပေါက်ခဲ့ပါတယ်။

တူးဖေါ်တွေ့ရှိခဲ့တဲ့ ရှေးဟောင်းဗုဒ္ဓဘာသာ သစ်ခေါက်ပုရပိုက်တွေကို ပါကစ္စတန်နိုင်ငံ ပက်ရှဝါမြို့တော်ရဲ့ ရှေးဟောင်းပစ္စည်းဈေးကွက်မှာ စတင် တွေ့လာရပါတယ်။ ဒီအချိန်ဟာ တာလီဘန်အစွန်းရောက်တွေ အာဖဂန်နစ္စတန်နိုင်ငံ ဘာမီယန်ဒေသက ဗုဒ္ဓရုပ်ပွားတော်ကြီးကို ဒိုင်းနမိုက်နဲ့ဖြိုချတဲ့ကာလလည်း ဖြစ်ပါတယ်။ ဗြိတိသျှအမျိုးသား စာကြည့်တိုက်က ဒီ ရှေးဟောင်း ဗုဒ္ဓဘာသာသစ်ခေါက်ပုရပိုက်တွေကို ဝယ်ယူစုဆောင်းခဲ့ပါတယ်။

(ဂန္ဓာရီဗုဒ္ဓဘာသာ ပိဋကတ်ကျမ်းစာ စုဆောင်းမှုများ)
အင်္ဂလန်ကိုရောက်ရှိလာတဲ့ ဒီ ရှေးဟောင်းဗုဒ္ဓဘာသာ သစ်ခေါက်ပုရပိုက်ကျမ်းစာအလိပ်တွေကို ရှေးဟောင်းပစ္စည်းလေ့လာသူ ပညာရှင်တွေ က ဂရုတစိုက်ကိုင်တွယ်ဖြည်ထုတ်လို့ လေ့လာကြတဲ့အခါ သူတို့ တစ်ခါမှ မမြင်ဘူးတဲ့ ရှေးဟောင်းအက္ခရာတစ်မျိုးနဲ့ ရေးသားထားတာဖြစ်လို့ ဘယ်လိုမှ အဓိပ္ပါယ်မဖေါ်နိုင်အောင် ဖြစ်ခဲ့ကြတယ်။ ဒီ ရှေးဟောင်းအက္ခရာတစ်မျိုးဟာ ဂန္ဓာရတိုင်းမှာပေါ်ပေါက်ခဲ့ဖူးတဲ့ ဂန္ဓာရီအက္ခရာ (Gandhari Alphabets) ဖြစ်မယ်လို့ထင်ကြတဲ့အတွက် ဒီကျမ်းစာတွေကို အနက်ဖွင့်ပေးနိုင်မယ့်ပညာရှင်အနည်းငယ်ထဲက တစ်ဦးတည်း ဖြစ်တဲ့ အမေရိကန်နိုင်ငံ ဝါရှင်တန်တက္ကသိုလ်က သက္ကဋနဲ့ဗုဒ္ဓစာပေပညာရှင် ရစ်ချတ်ဆော်လမွန်(Richard Salomon)ဆီကို မိတ္တူကူးပြီး ပို့ပေးခဲ့ပါတယ်။

လေ့လာစစ်ဆေးချက်တွေအရ အဖြေထွက်လာတာကတော့ ဒီရှေးဟောင်း ဗုဒ္ဓဘာသာသစ်ခေါက်ပုရပိုက်ကျမ်းစာတွေဟာ သိပြီးသမျှ ဗုဒ္ဓဘာသာဆိုင်ရာစာပေတွေထဲမှာ ရှေးအကျဆုံးမှတ်တမ်းတင်ထားတဲ့ ပိဋကတ်စာပေဖြစ်တယ် ဆိုတာပါပဲ။ အခု ဒီ ကျမ်းစာတွေကို ဗြိတိသျှစာကြည့်တိုက်စုဆောင်းမှု(British Library Collection)လို့ ခေါ်တွင်ပြီး ဒါတွေကို အင်္ဂလိပ်ဘာသာပြန်ဆိုတဲ့လုပ်ငန်းကို ရှေးဦး ဗုဒ္ဓဘာသာစာပေလက်ရာများ ပရိုဂျက်(Early Buddhist Manuscript Project) အမည်နဲ့ ဆော်လမွန်ကဦးစီးပြီး လုပ်ဆောင်နေပါတယ်။

နောင်ဆယ်စုနှစ်တစ်ခုအတွင်းမှာ ဒီလို ဂန္ဓာရီအက္ခရာနဲ့ရေးသားထားတဲ့ ဗုဒ္ဓဘာသာပိဋကတ်ကျမ်းစာတွေ အလျှိုလျှို ထပ်မံတွေ့ရှိလာ ပါတယ်။ ဒီကနေ့အချိန်ထိဆို တစ်ကမ္ဘာလုံးမှာ ဂန္ဓာရီအက္ခရာနဲ့ရေးသားထားတဲ့ ဗုဒ္ဓဘာသာပိဋကတ်ကျမ်းစာစုဆောင်းမှု ငါးခုလောက်တောင် တွေ့ရှိခဲ့ပြီဖြစ်ပါတယ်။ ရာပေါင်းများစွာသော ပိဋကတ်ကျမ်းစာတွေ နောက်ထပ်ရာပေါင်းများစွာသောဓမ္မစာပေ အပိုင်းအစတွေကို စုဆောင်းတွေ့ရှိခဲ့ပြီဖြစ်ပါတယ်။

အခုအချိန်အထိတော့ ကမ္ဘာပေါ်မှာ ဂန္ဓာရီဗုဒ္ဓဘာသာ ပိဋကတ်ကျမ်းစာစုဆောင်းမှု(၅) ခုလောက်ရှိတယ် သိရပါတယ်။

(၁) ဗြိတိသျှစာကြည့်တိုက်စုဆောင်းမှု(British Library Collections) က ၁၉၉၄ ခုနှစ်က စခဲ့တယ်။ လက်ရေးမူတွေဟာ ဂန္ဓာရဒေသသုံး ခါရိုဌီ ( Kharosthi) အက္ခရာတွေနဲ့ မှတ်တမ်းတင်ထားတာ ဖြစ်တယ်။ ရစ်ချတ်ဆော်လမွန်ရဲ့ အလိုအရဆိုရင်တော့ ဂန္ဓာရီပိဋကတ်တွေဟာ ရှေးဟောင်း ဓမ္မဂုတ္တကဂိုဏ်းရဲ့ကျမ်းစာတွေဖြစ်နိုင်တယ်လို့ မှန်းဆရပါတယ်။ ဗြိတိသျှစာကြည့်တိုက်က စုဆောင်းခဲ့တဲ့ ပုရပိုက်စာလိပ်တွေ ဟာ နာဂရာဟာရဒေသအနီးရှိ ရှေးဟောင်းဓမ္မဂုတ္တကဂိုဏ်းရဲ့ စာကြည့်တိုက်က ဖြစ်နိုင်တယ်လို့ဆိုတယ်။ ဓမ္မပဒ အဝါဒါနသုတ္တတွေနဲ့ အဘိဓမ္မာဆိုင်ရာကျမ်းတွေ ပါဝင်ပါတယ်။

(၂) ဆီနီယာ စုဆောင်းမှု (The Senior Collections) ကတော့ ဗြိတိသျှလူမျိုး ရှေးဟောင်ပစ္စည်းစုဆောင်းသူ ဆီနီယာရဲ့ ဝယ်ယူစုဆောင်းမှု ပါပဲ။ ပိဋကတ်တစ်ခုလုံးနီးပါး စုဆောင်းရရှိထားပါတယ်။ ဒီ စုဆောင်းမှုမှာတော့ မြေအိုးတွေအပေါ်မှာ မက်ဆီဒိုနီးယားအင်ပါယာသုံး လ အမည်တွေ ရေးထိုးထားပါတယ်။ ကုရှန်မင်းဆက်တွေနဲ့ ဆက်စပ်နေပါတယ်။ အေဒီ (၁)ရာစုလောက်မှာ ပြုစုခဲ့တဲ့ ပိဋကတ်တွေဖြစ်မယ်လို့ ဆုံးဖြတ်ကြပါတယ်။ သက္ကဋပိဋကတ်ရဲ့ သံယုတ္တနိကာယ်တစ်ခုလုံးနဲ့ တိုက်ဆိုင်တူညီမှုရှိတဲ့ပိဋကတ်ကို တွေ့ရပါတယ်။

(၃) ရှိုယန်း စုဆောင်းမှု (The Schoyen Collection)ကတော့ ဘာမီယန်ဒေသက လှိုဏ်ဂူတွေထဲက ရရှိခဲ့တာဖြစ်ပါတယ်။ နော်ဝေးလူမျိုး ရှေးဟောင်းပစ္စည်းစုဆောင်းသူ မာတင်ရှိုယန်းက ဝယ်ယူစုဆောင်းခဲ့ပါတယ်။ အေဒီ (၂)ရာစုလောက်မှာပြုစုခဲ့တဲ့ ပိဋကတ်တွေဖြစ်မယ်လို့ ဆုံးဖြတ်ကြပါတယ်။ ဒီစုဆောင်းမှုမှာ နောက်ပိုင်း သက္ကဋပိဋကတ်တွေလည်း ပါဝင်နေပါတယ်။ အဘိဓမ္မာ ဝိနည်းနဲ့ မဟာယာနသုတ္တန်တွေ ပါဝင်နေပါတယ်။

(၄) ဝါရှင်တန်တက္ကသိုလ်စုဆောင်းမှုမှာတော့ ရှေးဟောင်း အဘိဓမ္မာဂိုဏ်းတစ်ခုရဲ့ကျမ်းတွေ ပါဝင်ပြီး ၂ဝဝ၂ မှာ တွေ့ ရှိစုဆောင်းခဲ့ တာဖြစ်တယ်။

(၅) ခိုတန် ဓမ္မပဒ(The Khotan Dharmapada) ကတော့ ၁၈၉၂ ခုနှစ်မှာ တရုပ်နိုင်ငံတောင်ပိုင်း ဆင်ကျန်ပြည်နယ် အရင်က ခိုတန်ပြည် ရှိခဲ့တဲ့ဒေသမှာ ရှာဖွေတွေ့ရှိခဲ့ပါတယ်။ ဂန္ဓာရီပြာကရစ်ဘာသာနဲ့ရေးထားတဲ့ ဓမ္မပဒဖြစ်ပြီး ၁၉၆၂ ခုနှစ်မှာ ဂျွန်ဘရိုး(John Brough) က ဘာသာပြန်ဆိုခဲ့ပါတယ်။

ဒီပိဋကတ်ကျမ်းစာတွေဟာ ဘီစီ (၁)ရာစုကနေ အေဒီ (၃)ရာစုအထိ နှစ်ပေါင်း ၄ဝဝ လောက်အတွင်း ဂန္ဓာရဒေသမှာ ရေးသားမှတ်တမ်း တင်ခဲ့ကြတဲ့ကျမ်းစာတွေ ဖြစ်ပါတယ်။ ဂန္ဓာရီဗုဒ္ဓဘာသာ ပိဋကတ်ကျမ်းစာတွေဟာ ရှေးအကျဆုံး ဗုဒ္ဓဘာသာ ပိဋကတ်ကျမ်းစာတွေ တင်မကပဲ တောင်အာရှဒေသတစ်ခုလုံးမှာ အခုထိတွေ့ရှိရသမျှ လူသားတို့ ပေထက်အက္ခရာတင်ရေးသားထားတဲ့ စာပေလက်ရာတွေထဲမှာ လည်း ရှေးအကျဆုံးဖြစ်ပါသတဲ့။ ဗုဒ္ဓဘာသာပိဋကတ်ကျမ်းစာတွေကို ပေထက်အက္ခရာတင်ရေးသားမှု စတင်တဲ့အချိန်ကာလလောက်မှာပဲ ဒီ ဂန္ဓာရီဗုဒ္ဓဘာသာပိဋကတ်ကျမ်းစာတွေ ပေါ်ပေါက်ခဲ့လိမ့်မယ်လို့ ပညာရှင်တွေခန့်မှန်းကြပါတယ်။

ဒီတွေ့ရှိချက်မတိုင်ခင် က ဗုဒ္ဓဘာသာဆိုင်ရာ လက်ရေးမူတွေကို တွေ့ရှိခဲ့ကြဖူးပါတယ်။ တစ်ခုကတော့ တရုပ်ပြည်အနောက်မြောက်ပိုင်းက တက်ကလာမာကန်သဲကန္တာရ(Taklatmakan Desert)အနီးမှာရှိတဲ့ ထွန်းဝမ်(Dunhuang) အရပ်မှာ တွေခဲ့တာပါ။ (၂ဝ) ရာစု အစပိုင်း လောက်မှာ ထွန်းဝမ်အရပ်က လှိုဏ်ဂူတွေထဲမှာ တရုပ်ဘာသာစကား တိဗက်ဘာသာစကား စသည်တို့နဲ့ရေးသားထားတဲ့ ဗုဒ္ဓဘာသာဆိုင်ရာ လက်ရေးမူတွေ အမြောက်အများတွေ့ခဲ့ကြပါတယ်။ ဒီ ဗုဒ္ဓဘာသာဆိုင်ရာ လက်ရေးမူတွေကတော့ အေဒီ (၈)ရာစု ကနေ အေဒီ (၁၂)ရာစု အတွင်း ရေးသားခဲ့ကြတာတွေဖြစ်ပါတယ်။

ထိုနည်းတူပဲ ၁၉၃၁ နှစ်မှာ အိန္ဒိယနိုင်ငံ ကာရာကိုရမ်တောင်တန်းတွေ နားက ဂီးလ်ဂစ်(Gilgit)အရပ်မှာ ရှေးဟောင်းသက္ကဋဘာသာနဲ့ ရေးသားထားတဲ့ ဗုဒ္ဓဘာသာဆိုင်ရာလက်ရေးမူတွေ တွေ့ရှိခဲ့ပါသေးတယ်။ ဒီလက်ရေးမူတွေကတော့ အေဒီ (၆)ရာစုဝန်းကျင်က လက်ရာတွေ လို့ ပညာရှင်တွေ သတ်မှတ်ကြပါတယ်။ ဒီ ဗုဒ္ဓဘာသာဆိုင်ရာလက်ရေးမူတွေထဲမှာ နာမည်ကျော် မဟာယာနကျမ်းစာတွေဖြစ်တဲ့ ဝဇိရစ္ဆေဒိကာပညာပါရမိတာသုတ္တန် သဒ္ဒမ္မပုဏ္ဍရိကသုတ္တန် စတာတွေပါဝင်နေပါတယ်။ ဒီ ဗုဒ္ဓဘာသာဆိုင်ရာလက်ရေးမူတွေနဲ့ နိုင်းယှဉ် ရင်တောင် ဆိုခဲ့တဲ့ ဂန္ဓာရီဗုဒ္ဓဘာသာပိဋကတ်ကျမ်းစာတွေဟာ ရာစုနှစ်ပေါင်းများစွာ ရှေးကျနေတာကို တွေ့ရပါတယ်။

လေ့လာမှု အစပိုင်းမှာတော့ ဂန္ဓာရီဗုဒ္ဓဘာသာ ပိဋကတ်ကျမ်းစာတွေဟာ အရင်က သိနှင့်ပြီးတဲ့ ပါဠိပိဋကတ်နဲ့ တိဗက်ပိဋကတ် တရုပ်ပိဋကတ် ဘာသာပြန်တွေထဲမှာပါပြီးသား ဓမ္မနဲ့ဝိနယတွေကိုပဲ ဂန္ဓာရီဘာသာစကားနဲ့ရေးထားတာပဲလို့ ထင်ခဲ့ကြတယ်။
ဒါပေမဲ့ နောက်ပိုင်းတွေ့ရှိချက်တွေအရ အရင်ကမသိခဲ့တဲ့အဘိဓမ္မာဆိုင်ရာကျမ်းစာတွေ အခြား သုတ္တန်ဒေသနာကျမ်းတွေ အဋ္ဌကထာ ကျမ်းတွေ သျှတ္တရကျမ်းတွေကိုပါ တွေ့ရှိလာခဲ့ပါတယ်။

ဒီအထဲ မှာ ခေတ်ပြိုင် ဂန္ဓာရဒေသရဲ့ သမိုင်းမှတ်တမ်းတွေပါ တွေ့ရတယ်။ နောက်ပြီး မဟာယာနဗုဒ္ဓဘာသာရဲ့ ရှေးအကျဆုံးပညာပါရမီတာ သုတ္တန်ကျမ်းတွေနဲ့ အခြား မဟာယာနဗုဒ္ဓဘာသာဆိုင်ရာ ကျမ်းဂန်အများအပြားကို တွေ့ရပါတယ်။

(ပိဋကတ်သမိုင်း အမြင်ပြောင်းလဲခြင်း)

ဒီ ဂန္ဓာရီ ဗုဒ္ဓဘာသာပိဋကတ်ကျမ်းစာတွေကို ရှာဖွေတွေ့ရှိနိုင်ခဲ့ခြင်းဟာ ဗုဒ္ဓဘာသာစာပေသမိုင်းလေ့လာမှုအတွက် ကြီးမားတဲ့ အထောက်အပံ့ဖြစ်စေခဲ့ပါတယ်။ ကျွမ်းကျင်ပညာရှင်တွေရဲ့အလိုကတော့ ဂန္ဓာရီဗုဒ္ဓဘာသာပိဋကတ်ကျမ်းစာတွေထဲမှာ ဗုဒ္ဓဓမ္မနဲ့ပတ်သက်ပြီး အတွေးအမြင် အသစ်အဆန်းမပါရှိပါဘူး။ ပဉ္စမမြောက်သစ္စာတရားတစ်ခု ထပ်တိုးထည့်ထားတာမျိုး၊ မဂ္ဂင် (၈)ပါးလမ်းစဉ်မှာ နောက်ထပ် အင်္ဂါ အသစ်တွေ တိုးထားတာမျိုးတွေတော့ မရှိပါဘူး။ ဂန္ဓာရီဗုဒ္ဓဘာသာပိဋကတ်ကျမ်းစာတွေဟာ အရင့်အရင်က ရှာဖွေတွေ့ရှိခဲ့တဲ့ ဗုဒ္ဓဘာသာ ပိဋကတ်စာပေတွေနဲ့ အနှစ်သာရသင်ကြားမှုတွေက အတူတူပါပဲ။ ဒါပေမဲ့ ဗုဒ္ဓဘာသာ ပိဋကတ်စာပေအုပ်စုအသစ်တစ်ခုကို တွေ့ရှိလိုက် ရတာဟာ ဗုဒ္ဓဓမ္မကို ကျင့်သုံးနေသူတွေအတွက်တော့ ထူးခြားလှတဲ့အမြင်တွေကို ပေးပါတယ်။

ဗုဒ္ဓဘာသာ ပိဋကတ်စာပေလောကမှာ ငါ့ပိဋကတ်က မူလအစစ်၊ သူ့ပိဋကတ်က မူလအစစ်မဟုတ်ဆိုတဲ့အငြင်းပွားမှုတွေရှိခဲ့တာတွေကို ဒီ တွေ့ရှိချက်က အဖြေတစ်ခုပေးနိုင်လို့ပါပဲ။

ဘယ်လို အဖြေမျိုးပေးမယ်ထင်ပါသလဲ။ ဂိုဏ်းဂဏတစ်ခုခုရဲ့ပိဋကတ်ကို အနိုင်ပေးလိုက်တာမျိုး မဟုတ်ပဲ ဒီ ငြင်းခုန်မှုတွေရဲ့ အခြေခံအနုမာန အယူအဆမှားကြောင်းကိုပြနိုင်ခဲ့တာပဲ ဖြစ်ပါတယ်။

ရှင်တော်ဗုဒ္ဓဟာ မိမိ ဗောဓိဥာဏ်ကိုရရှိတော်မူပြီးတဲ့အခါ (၄၅)ဝါလုံးလုံး အိန္ဒိယနိုင်ငံအရှေ့ပိုင်း ဂင်္ဂါမြစ်ဝှမ်းလွင်ပြင်မှာ တရားရေအေး တိုက်ကျွေးတော်မူခဲ့ပါတယ်။ တပည့်သာဝကတွေထဲက မှတ်ဉာဏ်အကောင်းဆုံးရှင်အာနန္ဒာက ရှင်တော်ဗုဒ္ဓရဲ့တရားတွေကို တစ်လုံးမကျန် တစ်သဝေမတိမ်းမှတ်သားခဲ့ပြီး ဗုဒ္ဓပရိနိဗ္ဗာန်ပြုတော်မူပြီးနောက် ပထမသင်္ဂါယနာတင်တဲ့အခါ ဒီလိုမှတ်သားခဲ့တာတွေကို ရှင်အာနန္ဒာက ပြန်လည်ရွတ်ဆိုပြပါတယ်။
ကျန်ရဟန်းတော် ၅ဝဝ ကလည်း ထပ်မံရွတ်ဆိုကြပြီးတော့ တစ်ခုတည်းသော သန့်စင်မွန်မြတ်တဲ့ ဗုဒ္ဓဓမ္မရဲ့ပိဋကတ်တွေကို မှတ်တမ်းတင် နိုင်ခဲ့တယ်လို့ ဆိုတယ်။

ဗုဒ္ဓဘာသာဂိုဏ်းတွေအားလုံးက မိမိတို့ရဲ့ ဆိုင်ရာပိဋကတ်စာပေဟာ ဆိုခဲ့တဲ့ ပထမသင်္ဂါယနာတင်တဲ့အချိန်မှာရှိနေခဲ့တဲ့ မူလပိဋကတ် တွေဖြစ်တယ်လို့ပဲ အခိုင်အမာပြောဆိုကြပါတယ်။ ဗုဒ္ဓဘာသာဂိုဏ်းတွေအားလုံးက အခုလက်ရှိပစ္စုပ္ပန်မှာတည်ရှိနေတဲ့ မိမိတို့ရဲ့ ဆိုင်ရာ ပိဋကတ်စာပေဟာ ပထမသင်္ဂါယနာတင်ပိဋကတ်စာပေနဲ့ တစ်လုံးမကျန် တစ်သဝေမတိမ်း ထပ်တူဖြစ်ကြောင်းလည်း ယုံကြည်ကြပါတယ်။
ဒီလိုမှမတူရင် မိမိတို့ရဲ့ ဆိုင်ရာပိဋကတ်စာပေဟာ ဘုရားဟောအစစ် မဖြစ်နိုင်တော့လို့ အားကိုးအားထားပြုလောက်စရာလဲ မဖြစ်နိုင်ဘူးလို့လည်း ယူဆကြပါတယ်။ ဒါကတော့ အံ့သြစရာကိစ္စပါပဲ။ အံ့သြစရာကိစ္စလို့ဆိုရာမှာ ဗုဒ္ဓဘာသာဟာ မတည်မြဲမှု အနိစ္စတရား ကို တွင်တွင်ကြီးဟောကြားပေမယ့် မိမိတို့ရဲ့ ဆိုင်ရာပိဋကတ်စာပေဟာ သမိုင်းစဉ်တစ်လျှောက် ဝစ္စပေါက်တစ်လုံးသော်မှ အပြောင်းအလဲ မဖြစ်နိုင်ဘူးလို့ ထင်မြင်ယူဆကြတာကို ဆိုလိုပါတယ်။

ဗုဒ္ဓဘာသာဟာ အစိုးမရမှု အနတ္တတရားကို တွင်တွင်ကြီးဟောကြားပေမယ့် မိမိတို့ရဲ့ ဆိုင်ရာပိဋကတ်စာပေဟာ သမိုင်းစဉ်တစ်လျှောက် ရဟန်းတော်များက အစိုးရ ပိုင်နိုင်စွာ လုံးဝ မဖိတ်မစင် လက်ဆင့်ကမ်းနိုင်ခဲ့တယ်လို့ ထင်မြင်ယူဆကြတာကို ဆိုလိုပါတယ်။

ဗုဒ္ဓဘာသာဝင်တွေက ဒီလိုယုံကြည်ကြပေမယ့် သမိုင်းက အလုပ်လုပ်ပုံကတော့ တစ်မျိုးတစ်ဘာသာဖြစ်တယ်။ ဒီနေရာမှာ သမိုင်းရဲ့ အမှန်တရားတွေ အချက်အလက် အထောက်အထားတွေကိ မျက်ကွယ်မပြုပဲ ပကတိအရှိအတိုင်း မြင်အောင်ကြည့်နိုင်ခဲ့ရင် ဗုဒ္ဓဘာသာဝင်တွေအနေနဲ့ တစ်ယူသန်ဂိုဏ်းဂဏအစွဲတွေကနေ လွတ်မြောက်ပြီးတော့ ဂိုဏ်းတွေအကြားရှိနေတဲ့ ကွဲပြားခြားနားချက်တွေ ကိုလည်း သဘောထားကြီးကြီးနဲ့ လက်ခံနိုင်လာမှာဖြစ်တယ်။

(ဗုဒ္ဓပိဋကတ် စာပေသမိုင်းကို သစ်ပင်မိုဒယ်ဖြင့်ကြည့်ခြင်း)

ရစ်ချတ်ဆော်လမွန်ရဲ့အလိုအရဆိုရရင် အစဉ်အလာအရ ဗုဒ္ဓစာပေပညာရှင်တွေဟာ အရင်ကာလတည်းက ဗုဒ္ဓပိဋကတ်စာပေသမိုင်းကို သစ်ပင်မိုဒယ်(Tree Model)နဲ့ မြင်ယောင်ကြည့်ခဲ့ကြတယ်လို့ ဆိုပါတယ်။ ဒီ မိုဒယ်အရဆိုရင် အခက်တွေကလိုက်ရင် အကိုင်းတွေကို ရောက်မယ်၊ အကိုင်းတွေက တစ်ဆင့်ဆက်လိုက်ရင် ပင်စည်ကို ရောက်မယ်၊ ပင်စည်ကနေဆက်လေ့လာရင် အမြစ်ဆီကို နောက်ဆုံး ရောက်မယ်ဆိုတဲ့အမြင်ပါ။

အခု လက်ရှိ ရှိနေတဲ့ ထေရဝါဒဂိုဏ်းရဲ့ ပါဠိပိဋကတ် ပြီးတော့ မဟာယာနဗုဒ္ဓဘာသာရဲ့သက္ကဋပိဋကတ်ကို ဘာသာပြန်ဆိုထားတဲ့ တိဗက်ပိဋကတ် တရုပ်ပိဋကတ် မွန်ဂိုလီးယားပိဋကတ် စသဖြင့်တွေဟာ အကိုင်းအခက်တွေလို့သဘောထားလိုက်ရင် ဒီ အကိုင်းအခက်တွေ အားလုံး ဆုံဆည်းရာ မူလပင်စည်သဖွယ်ဖြစ်တဲ့ ရှေးအကျဆုံးပိဋကတ်တစ်ခု ရှိနေမယ်။ ဒီ ရှေးအကျဆုံးပိဋကတ်တစ်ခုဟာ အမြစ်သဖွယ် ဖြစ်တဲ့ ရှင်တော်ဗုဒ္ဓရဲ့ တိုက်ရိုက်သွန်သင်ဆုံးမချက်တွေကနေ ဖြစ်ပေါ်လာတာပဲဖြစ်ရမယ်လို့ ပညာရှင်အများက သစ်ပင်မိုဒယ်ကိုလက်ခံပြီး ဒီ ပိဋကတ်ကိုတွေ့လိမ့်နိုးနဲ့ ရှာဖွေခဲ့ကြတာဖြစ်ပါတယ်။

ဒါဆိုရင် အခု ရှာဖွေတွေ့ရှိခဲ့တဲ့ ဂန္ဓာရီဗုဒ္ဓဘာသာပိဋကတ်ကျမ်းစာတွေဟာ ဒီ သစ်ပင်မိုဒယ်အရ ပင်စည်သဖွယ် မူလပိဋကတ်များ ဖြစ်နေလေရော့လား။ ပညာရှင်တွေဟာ ဂန္ဓာရီဗုဒ္ဓဘာသာပိဋကတ်ကျမ်းစာတွေကို စေ့စေ့ငုငုလေ့လာကြည့်တဲ့အခါ သူတို့မျှော်လင့်သလို ဒါဟာ ပင်စည်သဖွယ်မူလပိဋကတ် မဟုတ်တဲ့အပြင် ဗုဒ္ဓစာပေရဲ့သမိုင်းဟာ သူတို့တွေးထင်ထားတဲ့သစ်ပင်မိုဒယ်နဲ့လည်း အံမဝင်ဘူးဆိုတာ တွေ့ခဲ့ကြပါတယ်။

(ဗုဒ္ဓပိဋကတ်စာပေသမိုင်းကို မြစ်ဝကျွန်းပေါ်မိုဒယ်ဖြင့်ကြည့်ခြင်း)

ဗုဒ္ဓဘာသာဆိုင်ရာ ပိဋကတ်စာပေဟာ တစ်ခုတည်းသော မူလရင်းမြစ်ကနေဆင်းသက်ဖြာထွက်ပြီးတော့ ပိဋကတ်စာပေအသီးသီး ဖြစ်ထွန်းပေါ်ပေါက်လာတယ်ဆိုတဲ့ အနုမာနအယူအဆကို မှားမှန်းသဘောပေါက်လာကြပါတယ်။ အတိတ်သမိုင်းကို ပြောင်းပြန်ဆန်တက်ပြီး လေ့လာတဲ့အခါ မျှော်လင့်ထားသလို တစ်ခုတည်းသောမူလရင်းမြစ်ပိဋကတ်ကို မတွေ့ရပဲ ရင်းမြစ်အမျိုးမျိုးကနေ စတင်လာတဲ့ ပိဋကတ်စာပေအသီးသီးရဲ့ အပြန်အလှန်ယှက်နွယ် က်သွယ်နေမှုကိုပဲ တွေ့ရပါတော့တယ်။

အကိုင်းအခက်တွေ အချင်းချင်းလိမ်ယှက်ထွေးရှုပ်နေတဲ့ ခြုံတောပမာ ဒါမှမဟုတ် မြစ်သိမ်မြစ်မွှာ မြစ်လက်တက်ပေါင်းများစွာ ယှက်နွယ် ဆက်သွယ်နေတဲ့ မြစ်ဝကျွန်းပေါ်တစ်ခုပမာပဲ ပိဋကတ်စာပေအသီးသီးဟာ ဆက်သွယ်နေကြတာမို့ တစ်ခုတည်းသော မူလရင်းမြစ်ပိဋကတ် အနုမာနကို နောက်ဆုံးမြေမြုပ်သင်္ဂြိုဟ် လိုက်ရပါတော့တယ်။

အခု လက်ရှိ ရှိနေတဲ့ ထေရဝါဒဂိုဏ်းရဲ့ပါဠိပိဋကတ် ပြီးတော့ မဟာယာနဗုဒ္ဓဘာသာရဲ့ သက္ကဋပိဋကတ်ကို ဘာသာပြန်ဆိုထားတဲ့ တိဗက်ပိဋကတ် တရုပ်ပိဋကတ် မွန်ဂိုလီးယားပိဋကတ် စသဖြင့်တွေဟာ ဘယ်ဟာကမှ မူလပိဋကတ်ဖြစ်တယ်လို့မပြောနိုင်တော့လို့ ပါပဲ။

ဒီလိုအခြေအနေမှာ ဗုဒ္ဓဘာသာဂိုဏ်းအသီးသီးဟာ ဘယ်သူ့ကိုမှ ဘယ်သူ တစ်မူးပိုမသာသင့်တဲ့အခြေအနေပါပဲ။ ရှေးဦး ဗုဒ္ဓဝါဒဟာ အာဂုံဆောင်ဓမ္မအစဉ်အလာ(Oral Tradition)တစ်ခုသာဖြစ်ပြီး ပိဋကတ်စာပေမှန်သမျှရဲ့အစကို ခြေရာကောက်တာတွေဟာ ဒီလိုပဲ သမိုင်းအချိုးအကွေ့တစ်နေရာမှာ ဝေဝေဝါးဝါး ရပ်တန့်သွားရတာမဆန်းဘူးလို့ ဒေါက်တာ ဆော်လမွန် က ဆိုပါတယ်။

ဒီ သမိုင်းရဲ့အချိုးအကွေ့တစ်နေရာမှာ ရဟန်းတော်တွေဟာ ရှင်တော်ဗုဒ္ဓရဲ့တရားတော်တွေကို အာဂုံဆောင်ထိန်းသိမ်းလာရာကနေ ပိုလို့ ခိုင်မြဲတည်တံ့နိုင်တဲ့ စာပေမှတ်တမ်းအသွင်ကို ကူးပြောင်းခဲ့ကြတဲ့ကာလဟာ ထူးခြားတဲ့အပြောင်းအလဲတစ်ခုဖြစ်ပြီး ပိဋကတ်စာပေမှန်သမျှရဲ့ အစလို့လည်း ဆိုနိုင်ပါတယ်။

ထေရဝါဒအစဉ်အလာရဲ့အဆိုအရ ပါဠိပိဋကတ်ကို ဘီစီ (၁)ရာစုခန့်မှာ သီဟိုဠ်မှာ ပေထက်အက္ခရာတင်ခဲ့တယ်လို့ဆိုသော်လည်း ဒီကနေ့ အထိ အစောဆုံးရှာဖွေတွေ့ရှိထားတဲ့ပါဠိပိဋကတ်လက်ရေးမူတွေဟာ အေဒီ (၈)ရာစုထက် မစောပါဘူး။ အခု ရှာဖွေတွေ့ရှိခဲ့တဲ့ ဂန္ဓာရီ ဗုဒ္ဓဘာသာပိဋကတ်ကျမ်းစာတွေဟာ ဘီစီ (၁)ရာစုခန့်မှာ ရေးသားခဲ့တယ်လို့သိရပြီဖြစ်တဲ့အတွက် ပါဠိပိဋကတ်ကို ဘီစီ (၁)ရာစုခန့်မှာ သီဟိုဠ်မှာ ပေထက်အက္ခရာတင်ခဲ့တယ်ဆိုတဲ့ ထေရဝါဒအစဉ်အလာရဲ့အဆိုဟာ ဖြစ်နိုင်ခြေရှိပါတယ်။ အိန္ဒိယရဲ့နေရာဒေသတစ်ခုမှာ စာရေးသားခြင်းအတတ်ကို ကျင့်သုံးနေကြပြီဆို အခြားနေရာဒေသတွေမှာလည်း ခေတ်ပြိုင်အရေးအသားနဲ့ စာပေမှတ်တမ်းတင်မှုတွေ ရှိနေမှာ အမှန်ပါပဲ။

(သမိုင်းကိုဆန်တက်၍ မူလပိဋကတ်ကိုရှာပုံတော်ဖွင့်ခြင်း)

တကယ်လို့ တစ်ခုတည်းသော မူလရင်းမြစ်ပိဋကတ်ကိုသာ ရှာဖွေတွေ့ခဲ့မယ်ဆိုရင် အာဂုံဆောင်ရာကနေ စာပေအရေးအသားအဖြစ် စတင်မှတ်တမ်းတင်တဲ့ကာလမှာပဲ ရှာတွေ့နိုင်မှာဖြစ်ပါတယ်။ ဒါကြောင့်လည်း ဗုဒ္ဓစာပေပညာရှင်တွေဟာ ရှေးအကျဆုံးအရေးအသားဖြစ်တဲ့ ဂန္ဓာရီဗုဒ္ဓဘာသာပိဋကတ်ကျမ်းစာတွေကို တွေ့ရှိခဲ့ချိန်မှာ ဒါဟာ မူလပိဋကတ်များဖြစ်လေမလားရယ်လို့ တွေးထင်ခဲ့ကြတာဖြစ်တယ်။ ပညာရှင်တွေ အသုံးပြုတဲ့နည်းကတော့ ဂန္ဓာရီဗုဒ္ဓဘာသာပိဋကတ်ကျမ်းစာတွေကို ပါဠိ သက္ကဋ တိဗက် တရုပ် စတဲ့ ပိဋကတ်မူတွေနဲ့ တိုက်ဆိုင်စစ်ဆေးနိုင်းယှဉ်ကြည့်တဲ့နည်းပါပဲ။

ဒီလို နိုင်းယှဉ်ကြည့်ခဲ့လို့ ရှိခဲ့ပြီးပိဋကတ်မူတွေနဲ့ အများဆုံးတူညီနေတဲ့အပိုင်းဟာ မူလပိဋကတ်ဖြစ်ပြီး ဒီပိဋကတ်ကို ဂန္ဓာရီဗုဒ္ဓဘာသာ ပိဋကတ်ကျမ်းစာတွေထဲမှာ ရှာတွေ့နိုင်လိမ့်မယ်လို့ မျှော်လင့်ခဲကြတာပဲဖြစ်တယ်။

ဒါပေမဲ့ မျှော်လင့်တဲ့အတိုင်း အဖြေကထွက်မလာပဲ အထင်နဲ့အမြင်လွဲခဲ့ပါတယ်။ ဆော်လမွန်က ဥပမာတစ်ခု ထုတ်ပြတယ်။ ဂန္ဓာရီဗုဒ္ဓဘာ သာပိဋကတ်ကျမ်းစာမှာပါတဲ့  ခဂ္ဂဝိသာဏသုတ်ကို ပါဠိ သက္ကဋ တိဗက် တရုပ် စတဲ့ ပိဋကတ်မူတွေနဲ့ တိုက်ဆိုင်စစ်ဆေး နိုင်းယှဉ်ကြည့်တဲ့ အခါ ထူးခြားချက်တွေကို တွေ့လာရတယ်။

ဂန္ဓာရီဗုဒ္ဓဘာသာပိဋကတ်ကျမ်းစာမှာပါတဲ့ “ခဂ္ဂဝိသာဏသုတ်” ဟာ အစီအစဉ်နဲ့ သုတ် ဖွဲ့စည်းတည်ဆောက်ပုံအရ ထေရဝါဒ ပါဠိပိဋကတ် လာ ခဂ္ဂဝိသာဏသုတ်ရဲ့ အစီအစဉ်နဲ့ သုတ် ဖွဲ့စည်းတည်ဆောက်ပုံနဲ့ဆင်တူတာကို တွေ့ရပါတယ်။ ဒါပေမဲ့လည်း အထဲမှာပါဝင်နေတဲ့ စာသားတွေနဲ့ဝေါဟာရတွေက သက္ကဋပိဋကတ်ရဲ့ ခဂ္ဂဝိသာဏသုတ်နဲ့ သွားပြီးတူညီနေတာကို တွေ့ရပါတယ်။

ဒီတော့ ဂန္ဓာရီပိဋကတ်ဟာ ပါဠိပိဋကတ်နဲ့ပိုနီးစပ်သလား သက္ကဋပိဋကတ်နဲ့ ပိုနီးစပ်သလား အပြတ်ဆုံးဖြတ်လို့မရနိုင်တဲ့အသွင်ကို ဆောင်နေပါတယ်လို့ ဆော်လမွန် က ပြောပါတယ်။ အတိအကျပြောရရင်တော့ ဂန္ဓာရီပိဋကတ်ဟာ ပါဠိပိဋကတ် သက္ကဋပိဋကတ် နှစ်ခုလုံးနဲ့ တစ်မျိုးစီ ဆင်တူနီးစပ်တယ်လို့ ပဲ ဆိုနိုင်ပါလိမ့်မယ်။
နောက်ထပ် သုတ္တန်အများအပြားကို တိုက်ဆိုင်စစ်ဆေးကြည့်တဲ့အခါမှာလည်း အလားတူပဲဖြစ်နေတာကို တွေ့လာရတော့ နောက်ဆုံး ပညာရှင်တွေ ကောက်ချက်ဆွဲလိုက်တာကတော့ ဂန္ဓာရီပိဋကတ်ဟာ ပါဠိပိဋကတ် သက္ကဋပိဋကတ်တွေထက်စောပြီး အရင်ရှိနေနှင့်တဲ့ မူလရင်းမြစ်ပိဋကတ်မဟုတ်ပဲ နှစ်ပေါင်းများစွာ သမိုင်းရဲ့အံဝှက်ထဲမှာပျောက်ကွယ်နေခဲ့တဲ့ ပါဠိပိဋကတ် သက္ကဋပိဋကတ်တွေနဲ့ ခေတ်ပြိုင် ညီနောင် ပိဋကတ်တစ်ခုသာဖြစ်လိမ့်မယ်လို့ ယူဆခဲ့ကြပါတော့တယ်။

ဒီ တွေ့ရှိချက်နဲ့အတူ ဗုဒ္ဓစာပေပညာရှင်တွေဟာ မူလရင်းမြစ်ပိဋကတ်တစ်ခုကို ဆုပ်ဆုပ်ကိုင်ကိုင် ရှာဖွေတွေ့နိုင်လိမ့်မယ်ဆိုတဲ့ မျှော်လင့်ချက် ကို အပြီးတိုင်စွန့်ခဲ့ကြပါတော့တယ်။ မူလရင်းမြစ်ပိဋကတ်တစ်ခုရှိခဲ့မယ်ဆိုလည်း ရှေးဦးအာဂုံဆောင်ကာလမှာရှိခဲ့တာပဲ ဖြစ်မယ်။
ရုပ်ဝတ္တုစာပေအမှတ်အသားအသွင်နဲ့တော့ ဘယ်အခါမှမတွေ့နိုင်တော့ဘူးလို့သာ ကောက်ချက်ချခဲ့ကြပါတော့တယ်။

သူတို့တွေ့ရှိခဲ့တဲ့အချက်ကတော့ ဘီစီ (၁)ရာစု မှာ ပါဠိပိဋကတ်နဲ့အပြိုင် အခြားဘာသာစကားတစ်ခုနဲ့ ပိဋကတ်တစ်ခုက အိန္ဒိယပြည်ရဲ့ အခြားနေရာဒေသတစ်ခုမှာ ရှိနေခဲ့တာဖြစ်တယ်ဆိုတဲ့အချက်ပါပဲ။

ဝါရှင်တန်တက္ကသိုလ်က သက္ကဋစာပေ ပါမောက္ခကောလက် ကောက်စ် ( Collett Cox)ရဲ့ မှတ်ချက်ကတော့ လက်ရှိ ပိဋကတ်နှစ်ခုရှာတွေ့ရင် ဘီစီ (၁)ရာစုမှာ ပါဠိပိဋကတ်နဲ့အပြိုင် အခြားဘာသာစကားတွေနဲ့ အခြားသောပိဋကတ်တွေရှိနေနိုင်တယ်လို့ ဆိုပါတယ်။
၁၈၉၂ ခုနှစ်ကတည်းက ဂန္ဓာရီဘာသာစကားနဲ့ရေးသားထားတဲ့ ဓမ္မပဒလက်ရေးမူတစ်ခုကို ရှာဖွေတွေ့ရှိပြီးလည်း ဖြစ်ပါတယ်။

အိန္ဒိယမှာ စာအရေးအသား စတင်ပေါ်ပေါက်ချိန်ကစလို့ ယဉ်ကျေးမှုထွန်းကားတဲ့ တိုင်းဒေသတွေအားလုံးမှာ ဒီလို အလားတူ သာသာ ကွဲတွေနဲ့မှတ်တမ်းတင်ထားကြမ.့် ပိဋကတ်တော်မူကွ တွေ အများကြီးရှိနေနိုင်မယ်လို့လည်း ကောက်စ် က မှန်းဆခဲ့ပါတယ်။

(ရင်းမြစ်မူလ ပိဋကတ်စာပေ အနုမာနကျဆုံးခြင်း)

ဒီတော့ ဒီအချက်က ဘာကိုညွန်ပြနေသလဲ။ ဗုဒ္ဓဝါဒဟာ အစကတည်းက ရင်းမြစ်အမျိုးမျိုးနဲ့ ဒေသအသီးသီးမှာ ဆရာစဉ်သမားစဉ် အဆက်ဆက်နဲ့ အသီးသီးရှိနေနိုင်ပြီး ဒီ ဆရာစဉ်သမားစဉ်တွေအားလုံးရဲ့ မူလရင်းမြစ်ဟာလည်း ရှင်တော်ဗုဒ္ဓရဲ့သင်ကြားချက်တွေပဲ ဖြစ်လိမ့်မယ်။ ခေတ်ပြိုင် ဂျိန်းဘာသာဆိုင်ရာစာပေမှတ်တမ်းတွေမှာလည်း ဒီသဘောမျိုးဖေါ်ပြထာတာကို တွေ့ရတယ်။ ရှင်သာရိပုတ္တရာ ရှင်အာနန္ဒာစတဲ့ ဗုဒ္ဓရဲ့သာဝကကြီးတွေကို သီးခြား သမဏ အစုအဖွဲ့တွေရဲ့ခေါင်းဆောင်တွေအဖြစ် ရေးသားမှတ်တမ်းတင်ခဲ့တာတွေ ရှိပါတယ်။

ကမ္ဘာ့ထိပ်သီး ပါဠိစာပေပညာရှင်ဖြစ်တဲ့ အော်စကာ ဖွန်ဟိုင်နျူဘား(Oskar von Hinuber) က ဘယ် ပါဠိစာပေပညာရှင်မှ မူလရင်းမြစ် ပိဋကတ်တော်တစ်ခုရှိခဲ့မယ်ဆိုတဲ့ ထင်မြင်ယူဆချက်အနုမာန မရှိကြတော့ဘူးလို့ ဆိုပါတယ်။ ဟိုင်နျူဘားရဲ့အမြင်အရဆိုရင် ပါဠိပိဋကတ်မှာ ဖေါ်ပြထားတဲ့ ပထမသင်္ဂါယနာပွဲဟာ ရှေးဦးသံဃာအဖွဲ့အစည်းအတွင်းမှာ အတွင်းပဋိပက္ခများ အားပြိုင်မှုများရှိနေနိုင်တယ်လို့ ဆိုပါတယ်။ အဓမ္မဝါဒတွေ အားမကောင်းခင် ဓမ္မနဲ့ဝိနယကို ထိန်းသိမ်းစောင့်ရှောက်ဖို့အတွက် ပထမသင်္ဂါယနာပွဲကိုကျင်းပခဲ့ရတာလို့ ဆိုတဲ့အတွက် အယူအဆရေးရာပိုင်းမှာ အမြင်မတူညီမှုတွေရှိနိုင်တယ်လို့လည်း ယူဆရပါတယ်။

ပထမသင်္ဂါယနာပွဲမှာပါဝင်ကြမယ့် ရဟန်းတော် ၅ဝဝ ကလွဲလို့ ကျန်တဲ့ရဟန်းတွေအားလုံးကို (သံဃကံပျက်မှာစိုးတဲ့အတွက်) ရာဇဂြိုဟ်ပြည် ကနေ မင်းအာဏာနဲ နှင်ခဲ့တာကလည်း စိတ်ဝင်စားဖို့ကောင်းတဲ့အဖြစ်အပျက်ပဲ ဖြစ်ပါတယ်။ (၄၅)နှစ်ပတ်လုံး ဗုဒ္ဓဟောကြားခဲ့သမျှ တရား အကုန်လုံးကို ရဟန်းတော် ၅ဝဝ က အသိအမှတ်ပြုခြင်း ဖြစ်နိုင်မဖြစ်နိုင်ဆိုတာကိုလည်း စဉ်းစားစရာအဖြစ် ဟိုင်နျူဘားက တင်ပြပါတယ်။ ပထမသင်္ဂါယနာပွဲအပြီး ဝါကျွတ်ချိန်မှာ ဒက္ခိဏဂီရိဇနပုဒ်ကနေ ရာဇဂြိုဟ်ကို နောက်ပါရဟန်းတွေနဲ့အတူရောက်လာတဲ့ အရှင်ပုရာဏ က သင်္ဂါယနာတင်ထားတဲ့ဓမ္မဝိနယတို့ကို မလေ့လာနိုင်တော့ပဲ မိမိဘာသာမိမိ ဘုရားရှင်ထံကကြားသိခဲ့ရတဲ့အတိုင်း ဆောင်မယ်ပြောဆိုခြင်းကို ထောက်ရင် ပါဠိပိဋကတ်အပြင် အခြားအခြားသော ဘာသာစကားများနဲ့ အာဂုံဆောင်ထားတဲ့ပိဋကတ်တွေလည်း ရှိနိုင်တယ်လို့ ယူဆစရာ ရှိပါတယ်။

ဒီ အဖြစ်အပျက်လေးက အလွန် အရေးကြီးပါတယ်။ ဗုဒ္ဓဘာသာဝင်တွေကိုယ်တိုင်က ရှေးအခါကာလကတည်းက ဗုဒ္ဓဘာသာမှာ ဒေသ အလိုက် ဆရာအလိုက် ဂိုဏ်းကွဲအမျိုးမျိုးရှိနေနိုင်ကြောင်း လက်ခံထားကြတယ်ဆိုတာကို ဖေါ်ပြနေတယ်လို့ ဟင်နျူးဘားက ဆိုပါတယ်။ ဘာသာရေးမှာတော့ ဂိုဏ်းဂဏအစွဲဆိုတာ ရှိပါတယ်။ ကိုယ့်ဂိုဏ်းကကျမ်းစာကမှ အစစ်ဆုံးအမှန်ဆုံးလို့ ယုံကြည်တတ်ကြတာ သဘာဝပါပဲ။ ဒါမှလည်း ဒီကျမ်းစာတွေဟာ အားကိုးလောက်တယ်လို့ ဘာသာဝင်တွေက လက်ခံကြမှာဖြစ်လို့ပါပဲ။ ဒီလို ယူဆလိုက်တဲ့အခါမှာ အခြားဂိုဏ်းတွေရဲ့ ပိဋကတ်ကျမ်းစာတွေက အတုအယောင်တွေ ပြင်ဆင်သွတ်သွင်းချက်တွေ အမှားတွေ အဖြစ်လည်း ဆိုကြမှာပါပဲ။

(ပိဋကတ်စာပေသည် သမိုင်း၏ထုတ်ကုန်)

တကယ်တော့ သမိုင်းလေ့လာမှုတွေကဖေါ်ပြနေတဲ့ အမှန်တရားကတော့ ဒီ ပိဋကတ်စာပေတွေဟာ နတ်ရေကန်ထဲက ထွက်ပေါ်လာသလို ဘွားကနဲ ဖြစ်ပေါ်တည်ရှိလာတာမျိုးမဟုတ်ပဲ ခေတ်အဆက်ဆက် အထပ်ထပ်ရေးသားစုဆောင်းခဲ့ကြတဲ့ စာပေအစုအဝေးတွေပဲ ဖြစ်ပါတယ်။
သမိုင်းရဲ့အလှည့်အပြောင်းမျိုးစုံကို ဖြတ်သန်းပြီးမှ ပေါ်ပေါက်လာတဲ့စာပေတွေပဲ ဖြစ်ပါတယ်။ ဘာသာရေးအဖွဲ့အစည်းတွေအနေနဲ့ကတော့ သမိုင်းဖြစ်စဉ်ကိုမျက်ကွယ်ပြုလို့ မိမိရဲ့ကိုယ်ပိုင်ပိဋကတ်ကိုပဲ အကောင်းဆုံးလို့မြင်တတ်ကြတာ ဓမ္မတာဖြစ်ပါတယ်။
ဒါပေမဲ့လည်း ဗုဒ္ဓဘာသာစာပေရဲ့သမိုင်းက နောက်ဆုံးမှာညွှန်ပြနေတဲ့အမှန်တရားကတော့ ဒီလို ပကတိသန့်စင်ပြီး လူသားတို့ရဲ့ဖန်တီးမှုတွေ နဲ့ကင်းတဲ့ မူလပိဋကတ်တစ်ခုဆိုတာဟာ စိတ်ကူးယဉ်အိပ်မက်တစ်ခုပဲဖြစ်တယ်လို့ စတန်းဖို့ဒ်တက္ကသိုလ်က ဘာသာရေးစာပေ ပါမောက္ခ ပေါလ်ဟာရစ်ဆန် (Paul Harrison) က ဆိုပါတယ်။

ရှေးဟောင်း ပိဋကတ်စာပေတွေကို ဘာသာပြန်နေတဲ့ ပါမောက္ခဟာရစ်ဆန်က ဘာသာပြန်လုပ်ငန်းရဲ့အခက်အခဲကိုလည်း ရှင်းပြတယ်။
ဘာသာပြန်သူတွေဟာ မူကွဲအမျိုးမျိုးဖြစ်နေတဲ့လက်ရေးမူတွေကို တိုက်ဆိုင်ပြီး အပိုတွေကိုဖယ်ထုတ်ရင် စစ်မှန်တဲ့ အတွင်းသား အကြောင်းအရာက ကျဉ်းသထက်ကျဉ်းလာမယ်။ နောက်ဆုံး ဘာမှထပ်ပြီး ထုတ်ပယ်စရာမလိုတော့တဲ့အခြေအနေကိုရောက်ရင် ဒါဟာ မူလနဲ့ အနီးစပ်ဆုံးမူပဲဖြစ်မယ်လို့ယူဆပြီးတော့ အလုပ်လုပ်ကြပါတယ်။

ဒါပေမဲ့ အလုပ်လုပ်ရင်းတွေ့ရှိလာရတာကတော့ ပို၍ပို၍ ကွဲပြားမှုတွေပဲ ဖြစ်ပါသတဲ့။
ပါမောက္ခဟာရစ်ဆန်ရဲ့အလိုအရဆိုရင် ဒီလို မတူကွဲပြားဝေဝါးတဲ့အခြေအနေကိုတွေ့ရတာကိုက ဗုဒ္ဓဓမ္မက ညွှန်ပြနေတဲ့ အနတ္တအသာရ သုညတ သဘောတရားတွေပါပဲ။ လူရဲ့အတွင်းစိတ်ထဲမှာ ခိုင်မာတဲ့ စစ်မှန်တဲ့ သန့်စင်တဲ့ ထူးခြားတဲ့ တစ်သီးတစ်သန့်ဖြစ်တဲ့အတ္တကို စွဲနေတယ်။

မိမိရဲ့ပိဋကတ်ကလည်း ခိုင်မာတဲ့ စစ်မှန်တဲ့ သန့်စင်တဲ့ ထူးခြားတဲ့ တစ်သီးတစ်သန့်ဖြစ်တဲ့အတ္တလိုပဲ တစ်ခုတည်း စစ်စစ်မှန်မှန်ကို ရှိရမယ်လို့ အထင်ရောက်နေပါတယ်။ သမိုင်းက ပြတဲ့အမှန်တရားကတော့ ဒီလို အတ္တနဲ့တူတဲ့ မူလပိဋကတ်တစ်ခု မရှိဘူးဆိုတာပဲဖြစ်တယ်လို့ ဟာရစ်ဆန်က သုံးသပ်ပါတယ်။ ဒါပေမဲ့လည်း လူ့စိတ်သဘာဝမှာ အတ္တအစွ က အနုသယအနေနဲ့ကပ်ငြိနေတော့ ဒီ အစွဲကို ချွတ်ရ အတော်ခက်ပါတယ်။

အရင်က သစ်ပင်မိုဒယ်ကိုလက်ခံခဲ့ကြတဲ့ပညာရှင်တွေဟာ အတိတ်ကနေ အနာဂတ်ကို ပိဋကတ်စာပေစီးဆင်းတဲ့ ထောင်လိုက်တစ်လမ်းသွား ဖြစ်စဉ်(One-way vertical Influences)တွေကိုပဲ တွေးခဲ့ကြတယ်။ ခေတ်ပြိုင်ရှိနေတဲ့ဗုဒ္ဓဘာသာဂိုဏ်းတွေအချင်းချင်း အလျားလိုက် အပြန် အလှန် လွှမ်းမိုးဆက်သွယ်မှုဖြစ်စဉ်(Cross-Horizontal Influences)တွေကိုတော့ ထည့်တွက်ပုံမရဘူးလို့ ဟာရစ်ဆန်က သုံးသပ်ပါတယ်။
ဒါအပြင် ပိဋကတ်စာပေ မူ အသီးသီးကနေ ကူးရေးကြတဲ့အခါ မရည်ရွယ်ပဲနဲ့ မူသစ်တွေဖန်တီးနေမိတတ်တာတွေလည်းဖြစ်နိုင်တယ်လို့ သူ က ဆိုပါတယ်။

ဒါကြောင့် ရှေးဟောင်းပိဋကတ်လက်ရေးမူတွေကိ လေ့လာတဲ့အခါ ပိုစောတာ နည်းနည်းနောက်ကျတာလို့တော့ ရှိနိုင်တယ်။ ဘီစီ (၂)ရာစု က ဂန္ဓာရီပိဋကတ်လက်ရေးမူတွေက အေဒီ (၈)ရာစု သီဟိုဠ်ပိဋကတ်လက်ရေးမူတွေထက်တော့ ပိုရှေးကျလို့ ရှေးဦးဗုဒ္ဓဝါဒကို ပိုလို့ ထွန်းလင်း ပြနိုင်မယ်လို့ပဲ ပြောလို့ရမယ်။ တစ်စုံတစ်ခုသောပိဋကတ်လက်ရေးမူကိုပဲ မူလပိဋကတ်ဖြစ်ပါတယ်လို့ပြောဖို့ ခိုင်မာတဲ့ အထောက်အထား မရှိဘူးလို့ ဟာရစ်ဆန်က ထောက်ပြပါတယ်။

သမိုင်းကို ဆန်တက်လို့ အတိတ်ကိုပြန်သွားတဲ့အခါ မဟာယာနနဲ့ မဟာယာနမဟုတ်တဲ့ဂိုဏ်းတွေရဲ့အကြားမှာ အနားသတ် ခွဲခြားထားတဲ့ မျဉ်းကြောင်းဟာ ဝေဝါးသထက် ဝေဝါးလို့သွားပါတယ်။ မဟာယာနမဟုတ်တဲ့ဂိုဏ်းတွေရဲ့အကြားမှာလည်း အပြန်အလှန်လွှမ်းမိုးမှုတွေ ကူးစက်မှုတွေ အယူဝါဒဆင်တူမှုတွေ တွေ့လာရလို့ ဗုဒ္ဓစာပေရဲ့သမိုင်းဟာ လှေကြီးထိုးရိုးရိုးမဟုတ်ပဲ ရှုပ်ထွေးပွေလီတဲ့အသွင်ရှိတယ်ဆိုတာ တွေ့ရပါလိမ့်မယ်။

(ပိဋကတ်ဟူသမျှ ဗုဒ္ဓဝစန (ဘုရားဟော)ဖြစ်ကြောင်း)

တကယ်တော့ ရှင်တော်ဗုဒ္ဓကိုယ်တိုင်က မိမိရဲ့သွန်သင်ဆုံးမချက်တွေကို လူသားအားလုံးအတွက် ရည်စူးခဲ့တာပဲဖြစ်လို့ လူမျိုးတစ်မျိုး ဒေသတစ်ခု ဘာသာစကားတစ်ခုရဲ့ဘောင်ထဲမှာ အသေချုပ်နှောင်ထားချင်တဲ့ဆန္ဒမျိုးမရှိခဲ့ပါဘူး။ ကောသလတိုင်း မဂဓတိုင်းနဲ့ အိန္ဒိယပြည် အရှေ့ပိုင်းတစ်ခွင်မှာ သာသနာပြုခဲ့စဉ်မှာ ဆိုင်ရာဒေသနဲ့သင့်လျှော်တဲ့ ဒေသိယဘာသာစကားတွေ(Dialects)ကိုသုံးပြီး ပြောခဲ့မှာ အမှန်ပါပဲ။
ရှေးဦး သံဃာအဖွဲ့အစည်းကလည်း ဗဟိုချုပ်ကိုင်မှုမရှိပဲ လွတ်လပ်စွာဖွဲ့စည်းထားတဲ့ ရွှေ့လျှား သံဃာအဖွဲ့အစည်းမျိုး ဖြစ်ဟန်တူပါတယ်။

ရဟန်းတော်တွေဟာ မိမိတို့ ဥပနိဿယပြုရမယ့်ဆရာတစ်ဆူဆူထံမှာ ဝန်းရံလို့ ဝိနည်းတော်အတိုင်း ကျင့်သုံးနေထိုင်ကြပြီး ဒုက္ခလွတ် မြောက်ရေးတရားတွေ အားထုတ်ခဲ့ကြတာဖြစ်ပါတယ်။ရှင်တော်ဗုဒ္ဓကိုယ်တိုင်လဲ မိမိရဲ့သွန်သင်ချက်တွေ အသွင်အမျိုးမျိုးနဲ့ နေရာဒေသ အသီးသီးမှာ ပျံ့နှံ့ရောက်ရှိနေလိမ့်မယ်ဆိုတာ ကြိုတင်မြင်ခဲ့ဟန်တူပါတယ်။ ပါဠိပိဋကတ် အင်္ဂုတ္တရနိကာယ် စတုက္ကနိပါက်မှာပါရှိတဲ့ မဟာပဒေသ တရား (၄)ပါးအရဆိုရင် ပေါ်ပေါက်လာသောတရားသစ်ဟူသမျှကို ချက်ချင်းလက်ခံခြင်း ငြင်းပယ်ခြင်းမပြုပဲ ဘုရားရှင်ဟော တော်မူခဲ့ပြီးသော ဓမ္မဝိနယပိဋကတ်များတွင် သွတ်သွင်းတိုက်ဆိုင်စစ်ဆေးကြည့်ပြီးမှ လက်ခံခြင်း ငြင်းပယ်ခြင်းပြုကြရန် ဟောကြားချက် ရှိတာကိုထောက်လို့ ရှင်တော်ဗုဒ္ဓဟာ ပိဋကတ်စာပေနဲ့ပတ်သက်လို့ တော်တော်လေးလစ်ဘရယ်ဖြစ်သူလို့ မြင်ရပါတယ်။ စာပေရဲ့ ၏ သည် မရွေ့ ဆိုတာထက် စာပေကပေးတဲ့သင်ကြားမှုအနှစ်သာရကိုပဲ ဂရုစိုက်တော်မူပါတယ်။

အေဒီ (၈)ရာစုတွင်ပေါ်ထွန်းခဲ့တဲ့ မဟာယာနရဟန်းတော် ဒဿနပညာရှင် သန္တိဒေဝရဲ့ သိက္ခာသမုစ္စယကျမ်းမှာလဲ ဘုရားဟော(ဗုဒ္ဓဝစန) ဖြစ်ကြောင်းလက်ခံရန် အကြောင်းတရား (၄)ပါးကိုဖေါ်ပြထားခဲ့တာကို အောက်ပါအတိုင်းတွေ့နိုင်ပါတယ်။
(၁) သစ္စာဓမ္မကိုညွန်ပြခြင်း မိစ္ဆာဓမ္မကို ပယ်ရှားခြင်း
(၂) ဓမ္မဝါဒ ကို သင်ကြားခြင်း အဓမ္မဝါဒ ကို မဟောကြားခြင်း
(၃) ကိလေသာတရား ခေါင်းပါးရေးကိုညွန်ပြခြင်း ကိလေသာတရားပွားစီးရေးကို မညွန်ပြခြင်း
(၄) နိဗ္ဗာန်နှင့်အလျှော်ဖြစ်ခြင်း သံသရာလည်မှုနှင့်ဆန့်ကျင်ခြင်း

ဒီအချက်က ဂန္ဓာရီပိဋကတ်ှာဖွေတွေ့ရှိမှုမှာ ထင်ရှားလို့နေပါတယ်။ မဟာယာနနဲ့ မဟာယာနမဟုတ်တဲ့ဂိုဏ်းတွေရဲ့စာပေတွေကို ဒီမှာ ရောထွေးပြီးတွေ့ရလိ့ ပါပဲ။ ဒီအချက်က ညွှန်ပြနေတာကတော့ ဒီ ပိဋကတ်တွေရေးသားတဲ့အချိန်တုန်းက မဟာယာနဗုဒ္ဓဘာသာဟာ သီးခြားဂိုဏ်းတစ်ခု မဟုတ်သေးပဲ မဟာယာနမဟုတ်တဲ့ဂိုဏ်းတွေရဲ့အတွင်းထဲမှာ သန္ဓေတည်ရှိနေခဲ့မယ်ဆိုတာ ထင်ရှားနေပါတယ်။ မဟာယာနဗုဒ္ဓဘာသာကျင့်ကြံတဲ့ရဟန်းတွေဟာ မဟာယာနမဟုတ်တဲ့ဂိုဏ်းတွေရဲ့ ဝိနည်းတွေနဲ့အညီနေထိုင်ကြလိမ့်မယ်လို့လည်း မှန်းဆနိုင်ပါတယ်။ ဟာရစ်ဆန်ရဲ့အလိုအရဆိုရင် ဂန္ဓာရီပိဋကတ်မှာပါတဲ့ မဟာယာနသုတ္တန်တွေဟာ တော်တော်လေး ဖွံ့ဖြိုးတိုးတက်တဲ့ အဆင့်ကိုရောက်နေတာမို့ ဒီသုတ္တန်တွေရဲ့အစဟာ ဂန္ဓာရီပိဋကတ်ထက်တောင် အလွန်ရှေးကျနိုင်ကြောင်း ယူဆပါတယ်။ ရှေးဦး မဟာယာနဗုဒ္ဓဘာသာဟာ ပညာရှင်တွေ တွေးထင်ယူဆကြတာထက်တောင် များစွာရှေးကျ ပေါ်ပေါက်လာနိုင်ပေမယ့် ဟာရစ်ဆန်ရဲ့ အလိုအရ ဗုဒ္ဓလွန်ပြီးမှ မဟာယာနဗုဒ္ဓဘာသာပေါ်ပေါက်တာကိုတော့ လက်ခံရမယ်လို့ဆိုပါတယ်။ လေ့လာကြည့်တဲ့အခါမှာ မဟာယာန ဗုဒ္ဓဘာသာသုတ္တန်တွေနောက်မှာ သာဝကယာနလမ်းစဉ်ရောနေတဲ့သုတ္တန်တွေလည်းရှိတာကို ကြည့်ရဖြင်းအားဖြင့် ဒီကာလဟာ အယူအမြင်တွေ ကျင့်စဉ်တွေ ထွေပြားစည်ပင်ချိန် သီးပွင့်ဝေဆာချိန်ဖြစ်မယ်လို့ မှန်းဆရပါတယ်။

အာသောက မင်းမတိုင်ခင်အချိန်အထိ ဗုဒ္ဓဘာသာဟာ လွတ်လပ်စွာပွင့်လန်းနေတဲ့ ဂိုဏ်းဂဏပေါင်းစုံရှိနေမယ်လို့ မှန်းဆရပါတယ်။ ပညာပါရမီတာလမ်း သုခဝတီလမ်း ဗုဒ္ဓကိုကိုးကွယ်တဲ့လမ်းအစုံ ရှိနေချိန်ဖြစ်ပြီးတော့ ဒီ ဂိုဏ်းဂဏပေါင်းစုံအားလုံး ပေါင်းစည်းမှုအဖြစ် မဟာယာနဗုဒ္ဓဘာသာ ပေါ်ပေါက်လာခဲ့တာဖြစ်တယ်လို့ ကောက်ချက်ချကြပါတယ်။

ဗုဒ္ဓဘာသာသမိုင်းကိုလေ့လာကြည့်ရင် ဂိုဏ်းဂဏတွေနဲ့ သူတို့အသီးသီးဆောင်ထားကြတဲ့ ပိဋကတ်စာပေတွေဟာ မြစ်လက်တက်တွေ မြစ်မွှာတွေလို ကွဲထွက်လိုက် ပြန်ပေါင်းစည်းလိုက်နဲ့ ကွန်ယက်သဖွယ် စီးဆင်းနေတာပဲဖြစ်တယ်။ သစ်ပင်လို ဗဟိုချက်မ ရင်းမြစ်တစ်ခုတည်း က မဟုတ်ပဲ ရင်းမြစ်များစွာကနေ စီးဆင်းလာတာမျိုးသာ ဖြစ်ပါတယ်။

မဟာယာနဗုဒ္ဓဘာသာ ပေါ်ပေါက်လာခဲ့တာဟာ ရှေးဦးဗုဒ္ဓဘာသာကို အခြေခံ ဆင့်ကဲတိုးတက်လာခဲ့သောဖြစ်စဉ်ရဲ့ သမိုင်းဆိုင်ရာ ယဉ်ကျေးမှုဆိုင်ရာ သမူဟသဘော(Historical Cultural Synthesis)သာ ဖြစ်ပါတယ်။ နောက်ဆုံးတော့ ဗုဒ္ဓဘာသာရဲ့အသွင်မှန်သမျှဟာ (ဝိမုတ္တိရသ)တစ်ခုတည်းဆီကိုပဲ ဦးတည်နေတာကိုပဲ တွေ့ရပါတော့တယ် ။ ဘယ်သူ့ဗုဒ္ဓဘာသာအမှန်ဆုံးလဲဆိုတဲ့ မေးခွန်းအတွက်အဖြေ

အထက်မှာတင်ပြခဲ့သလို ပိဋကတ်စာပေတွေဟာ ပြောင်းလဲတိုးတက်ပြီး အချင်းချင်းလွှမ်းမိုးကူးစက် ပေါင်းစပ်မှုတွေရှိခဲ့တဲ့အခြေအနေမှာ ဘယ်သူ့ဗုဒ္ဓဘာသာ အမှန်ဆုံးလဲဆိုတဲ့မေးခွန်းအတွက် တစ်ခုတည်းသောအဖြေ မရှိနိုင်ပါဘူး။ ဒါပေမဲ့ ဂိုဏ်းဂဏစွဲ အယူအဆ (Sectarianism) က ဗုဒ္ဓရဲ့ နုတ်မြွက်တရားကို မိမိတို့သာပိုင်ဆိုင်တယ်လို့ထင်နေပါတယ်။ ပိဋကတ်စာပေတွေဟာ ပြောင်းလဲတိုးတက် အချင်းချင်း လွှမ်းမိုးကူးစက် ပေါင်းစပ်မှုတွေဖြစ်ခဲ့တယ်ဆိုတာဟာ မြစ်တစ်ခုစီးဆင်းနေသလိုပါပဲ။ မိမိ ပိဋကတ်စာပေဟာ မြစ်အညာကလား၊ မြစ်အကြေကလား၊ ဒါတွေအားလုံးရောစပ်နေတာလားမသိနိုင်ပေမယ့် ဂိုဏ်းဂဏစွဲအယူအဆသန်သူတွေကတော့ မိမိ ပိဋကတ်စာပေဟာ မြစ်အညာက အသန့်စင် အကြည်လင်ဆုံး ရေအဖြစ်ယူဆကြတာပါပဲ။ ဒီ စွဲလန်းမှုနဲ့ပဲ ပိဋကတ်စာပေတွေကို အသက်နဲ့လဲလို့ ကာကွယ် စောင့်ရှောက်ထိန်းသိမ်းခဲ့ကြတာ ဖြစ်တယ်။

ဘာသာရေးဂိုဏ်းတွေက ဗုဒ္ဓရဲ့နုတ်မြွက်တရားကိုဟောခဲ့တဲ့ ဝန်းကျင် (Context)ကနေဆွဲထုတ်ပြီး စကားလုံးဝေါဟာရ ပညတ်တင်ထား လိုက်ရင် ငြိမ်သက်တည်တံ့ခိုင်မာပြီး အပြောင်းအလဲမရှိသော အနက်အဓိပ္ပါယ်ကိုဆောင်နေမယ်လို့ ထင်ကြပါတယ်။ ဥပမာဆိုရရင် ဗုဒ္ဓရဲ့ နုတ်မြွက်တရားကို ရတနာသေတ္တာထဲမှာ ကျောက်မျက်ရတနာကို ထည့်သိမ်းထားသလို ဒီရတနာသေတ္တာကို မျိုးဆက်တစ်ခုပြီးတစ်ခု ပကတိမပြောင်းလဲပဲ လက်ဆင့်ကမ်းသွားနိုင်လိမ့်မယ်လို့ထင်မြင်ကြပုံပါပဲ။ တကယ်တော့ ဘာသာစကားက အလုပ်လုပ်ပုံက ဒီလောက် မရိုးစင်းပါဘူး။

သူတို့ထင်မြင်သလို နှမ်းဆီဟာ နှမ်းစေ့ထဲမှာကိန်းပြီး တည်ရှိနေသလို အနက်အဓိပ္ပါယ်တွေဟာ စကားလုံးဝေါဟာရပညတ်တွေထဲမှာ ပကတိမပြောင်းလဲပဲ ထာဝရတည်နေတာမျိုး မဟုတ်ပါဘူး။ ဘာသာစကားရဲ့ အနက်အဓိပ္ပါယ်တွေဟာ ဆိုင်ရာယဉ်ကျေးမှုနောက်ခံဝန်းကျင် သမိုင်းနဲ့ လူမှုရေးအခြေအနေ နောက်ခံဝန်းကျင်တွေထဲမှာကြီးပြင်းလာရတဲ့လူသားတွေရဲ့ စကားလုံးဝေါဟာရပညတ်တွေကို အနက်အဓိပ္ပါယ် ဖွင့်ဆိုချက်တွေသာ ဖြစ်တယ်။ ဆိုင်ရာယဉ်ကျေးမှုနောက်ခံ ဝန်းကျင်သမိုင်းနဲ့ လူမှုရေးအခြေအနေ နောက်ခံဝန်းကျင်တွေ ပြောင်းလဲနေသလို အနက်အဓိပ္ပါယ်ဖွင့်ဆိုချက်တွေကလဲ လိုက်ပါပြောင်းလဲနေမှာ ဖြစ်တယ်။

ဗုဒ္ဓရဲ့ နုတ်မြွက်တရားကို ပိဋကတ်စာပေအဖြစ် မှတ်တမ်းတင်ထားတဲ့တွက် ရှင်တော်ဗုဒ္ဓဟောခဲ့တဲ့တရားတော်တွေကို သိရတယ်ဆိုတဲ့ ကျေးဇူးတော့ ရှိတာအမှန်ပဲ။ ဒါပေမဲ့ ဒီတရားတွေရဲ့အနက်မှန်ကိုသိဖို့ကတော့ ဒီတရားတွေကိုဟောခဲ့တဲ့ ဘီစီ (၅)ရာစုကာလ အိန္ဒိယနိုင်ငံရဲ့ ယဉ်ကျေးမှုနောက်ခံဝန်းကျင် သမိုင်းနဲ့လူမှုရေးအခြေအနေ နောက်ခံဝန်းကျင်တွေကို နားလည်မှသာ ဖြစ်နိုင်မယ်။

ဘီစီ (၅)ရာစုကာလ အိန္ဒိယနိုင်ငံရဲ့ နောက်ခံအခြေအနေတွေကို ပိုသိလေ ဒီတရားတွေရဲ့အနက်မှန်ကို ပိုနားလည်နိုင်လေလေပါပဲ။ ဒါပေမဲ့ ယဉ်ကျေးမှုနောက်ခံဝန်းကျင် သမိုင်းနဲ့လူမှုရေးအခြေအနေ နောက်ခံဝန်းကျင်တွေဆိုတာ အလွန်ကျယ်ဝန်း အပြန်အလှန်ဆက်နွယ်နေ တစ်ခဏပြီး တစ်ခဏ ပြောင်းလဲနေတဲ့အနိစ္စတရား ခယ ဝယ တရားတွေပဲဖြစ်တယ်။ ဒါအပြင် ဗုဒ္ဓနဲ့ တရားနာသူတွေရဲ့ သီသန့်ပုဂ္ဂလိက ဆက်နွယ်မှုတွေကည်ဲး ရှိနေပြန်တဲ့အခါ တရားကိုဟောအပြီးမှာ တရားတော်ရဲ့အနက်စစ်အနက်မှန်ဟာ ဆက်သွယ်မှုဖြစ်ပွားပြီး နောက်ခံ ဝန်းကျင်ပြောင်းတာနဲ့အတူ ပျောက်ကွယ်သွားပါတယ်။

ဘာသာရေးဂိုဏ်းတွေက ဒါကို ထိန်းချုပ်ဖို့အတွက် အနက်အဓိပ္ပါယ်ဖွင့်ဆိုချက်တွေကို တရားသေဖြစ်အောင်ပြုလုပ်ထားတဲ့ အဋ္ဌကထာ ဋီကာ စာပေတွေနဲ့ ဗုဒ္ဓရဲ့နုတ်မြွက်တရားကို ဘောင်ခတ်ဖို့ကြိုးစားခဲ့ကြတာကို တွေ့ရတယ်။ ဒီလိုကြိုးစားပေမဲ့လည်း အဋ္ဌကထာ ဋီကာစာပေတွေ ကိုယ်တိုင်က စကားလုံးဝေါဟာရပညတ်တွေနဲ့ ဖွဲပစည်းထားတာဖြစ်ပြီးတော့ ဒီ စကားလုံးဝေါဟာရပညတ်တွေကိုယ်တိုင်ကလည်း အနက်ဖွင့်ဆိုချက်တွေ ပြောင်းလဲနေမှာ ဖြစ်ပါတယ်။

အဋ္ဌကထာ ဋီကာစာပေတွေဆိုတာ ကိုယ်တိုင်က ဂိုဏ်းဂဏစွဲအမြင်တွေကနေထွက်ပေါ်လာတဲ့ စာပေတွေဖြစ်လို့ ဂိုဏ်းဂဏ ရှုထောင့်မတူတဲ့ အမြင်တွေကလက်ခံမှာမဟုတ်တော့ နိုင်းရရှုထောင့်အမြင်တွေသာ ဖြစ်နေပြန်ပါတော့တယ်။

ဒီတော့ ဘယ်သူ့ဗုဒ္ဓဘာသာ အမှန်ဆုံးလဲဆိုတဲ့ မေးခွန်းအတွက် အဖြေကတော့ ဗုဒ္ဓညွှန်ပြခဲ့တဲ့ ဝိမုတ္တိရသကိုပေးတဲ့တရားမှန်သမျှ အရှေ့ဖြစ်ဖြစ် အနောက်ဖြစ်ဖြစ် တောင်ဖြစ်ဖြစ်မြောက်ဖြစ်ဖြစ် ၁ဝဝ% ပြည့် ဗုဒ္ဓဓမ္မပဲဖြစ်တယ်လို့ဆိုရမှာပါပဲ။ ဗုဒ္ဓဘာသာရဲ့ ဂိုဏ်းကွဲအသီးသီး မှာ ရှင်တော်ဗုဒ္ဓရဲ့ တရားတော်အခြေခံတွေဖြစ်တဲ့ သစ္စာ(၄)ပါး မဂ္ဂင် (၈)ပါး ပဋိစ္စသမုပ္ပါဒနိဒါန (၁၂)ပါး လက္ခဏာရေး (၃)ပါး သတိပဋ္ဌာန် (၄)ပါး ဗောဓိပက္ခိယတရား (၃၇) ပါး ဝိမုတ္တိတရား စတာတွေက အတူတူပဲ ဖြစ်ပါတယ်။

သမိုင်းနောက်ခံ ယဉ်ကျေးမှုနောက်ခံအခြေအနေတွေကွဲပြားမှုကြောင့်သာ ဓမ္မကိုဖေါ်ဆောင်တဲ့နည်းဗေဒတွေ ကျင့်စဉ်တွေ ကွဲပြားခြားနား နေကြတာဖြစ်ပါတယ်။

ဒီရှုထောင့်ကကြည့်ရင် ဗုဒ္ဓဘာသာရဲ့ဂိုဏ်းကွဲအသီးသီးဟာ နေရာဒေသအသီးသီးမှာ တစ်ကွဲစီဖြစ်နေတဲ့ညီနောင်တွေနဲ့ တူပါတယ်။ ညီနောင်တွေအားလုံး မိမိမျိုးရိုးရဲ့ဂုဏ်လက္ခဏာတွေ တစ်ခုမဟုတ်တစ်ခုတော့ ပိုင်ဆိုင်နေကြတာပါပဲ။ မျိုးရိုးရဲ့ ဗီဇလက္ခဏာတွေဟာ ညီနောင်တွေအားလုံးဆီမှာ ပျံ့နှံ့တည်ရှိနေတာကိုထောက်ပြီး အားလုံးဟာ တစ်အူတုံဆင်းပဲဖြစ်တယ်ဆိုတာ ထင်ရှားနေပါတယ်။ ဒါကြောင့်မို့ မိမိဂိုဏ်းကသာ အစစ်မှန်ဆုံးဖြစ်တယ်၊ မိမိတရားကသာ ရွှေစင်လက်ကောက်ဖြစ်တယ်၊ အခြားသောဂိုဏ်းတွေက အတုအယောင် အရောနှောတွေဖြစ်တယ်၊ တန်ဖိုးမရှိတဲ့ကြေးလက်ကောက်တွေဖြစ်တယ်လို့ ဘယ်ဂိုဏ်းဂဏကမှ ပြောပိုင်ခွင့်မရှိသလို ဒီလို ပြောဆိုခြင်းဟာ ဗုဒ္ဓဘာသာ ပိဋကတ်စာပေတွေရဲ့ဖြစ်ထွန်းတိုးတက်တဲ့သမိုင်းကို မသိကျိုးကျွံပြုရာ ကျနေပါတယ်။ ဓမ္မတရားအမှန်ကို ဘယ်လိုရှာကြမလဲ

ဗုဒ္ဓဝါဒရဲ့ ဓမ္မတရားအမှန်ကို ဘယ်လို ရှာကြမလဲဆိုတာ ရှင်တော်ဘုရားက ကာလာမသုတ်ထဲမှာ ညွှန်ပြထားတယ်။ အကြင် ဓမ္မတရား တစ်ရပ်ဟာ...

(၁) ကျင့်သုံးကြည့်တဲ့အခါ မိမိအတွက် ကုသိုလ်တွေ တုးပွားပြီးတော့ အကုသိုလ်တွေကို လျှော့ပါးစေရင်
(၂) လောကမှာရှိတဲ့ ပညာရှိသူတော်ကောင်းတွေက ချီးမွမ်းအပ်တဲ့တရားဖြစ်ရင် ဒီ ဓမ္မတရားဟာ ကျင့်ဆောင်ထိုက်တဲ့ဓမ္မတရားပဲဖြစ်တယ်။ အကြင်ဓမ္မတရားတစ်ရပ်ဟာ

(၁) ကျင့်သုံးကြည့်တဲ့အခါ မိမိအတွက် အကုသိုလ်တွေတိုးပွားပြီးတော့ ကုသိုလ်တွေကိုလျှော့ပါးစေရင်
(၂) လောကမှာရှိတဲ့ ပညာရှိသူတော်ကောင်းတွေက ကဲ့ရဲ့အပ်တဲ့တရားဖြစ်ရင်ဒီ ဓမ္မတရားဟာ မကျင့်ဆောင်ထိုက်တဲ့ ဓမ္မတရားပဲဖြစ်တယ်။

ဒီတော့ မေးစရာဖြစ်လာပါတယ်။ ကျင့်သုံးကြည့်တဲ့အခါ မိမိအတွက် ကုသိုလ်တွေတိုးပွားပြီးတော့ အကုသိုလ်တွေကိုလျှော့ပါးစေတဲ့ ဓမ္မတရား လောကမှာရှိတဲ့ ပညာရှိသူတော်ကောင်းတွေက ချီးမွမ်းအပ်တဲ့ဓမ္မတရားဟာ ဘယ်လိုဓမ္မတရားမျိုးဖြစ်လေမလဲ။ ဒီလိုဓမ္မတရားစစ်စစ်ရဲ့ ဂုဏ်လက္ခဏာ (၆)ခုရှိတယ်လို့ ဟောကြားထားပါတယ်။

(၁) ပထမ ဂုဏ်လက္ခဏာကတော့ အစ အလယ် အဆုံး သုံးပါး၌ ကောင်းခြင်းဂုဏ်နှင့်ပြည့်စုံသော ဓမ္မတရား (သွက္ခာတ ဓမ္မ) ဖြစ်ရမယ်။ ဓမ္မဆိုတာ ခရီးတစ်ခုလိုပဲ။ လမ်းဟာ အစ အလယ် အဆုံး အပိုင်းအားလုံးမှာ အပြစ်အနာအဆာမရှိ အမှားအယွင်းမရှိပဲ ပြည့်စုံနေတဲ့ ဓမ္မတရား ဖြစ်ရပါမယ်။

(၂) ဒုတိယဂုဏ်လက္ခဏာကတော့ လက်ငင်းလက်တွေ့ ကျင့်ကြံသိမြင်နိုင်တဲ့တရား (သန္ဒိဋ္ဌိက ဓမ္မ) ဖြစ်ရမယ်။ စစ်မှန်တဲ့တရားဟာ လေပေါ်မှာ စိတ်ကူးယဉ်ဆောက်ထားတဲ့ ဆင်စွယ်ရဲတိုက်မဟုတ်ဘူး။ လက်တွေ့ဘဝထဲမှာကျင့်ကြံပြီး ကျင့်သုံးမှုရဲ့အကျိုးကို လက်ငင်း လက်တွေ့ ရရှိခံစားစေနိုင်ရမယ်။

(၃) တတိယ ဂုဏ်လက္ခဏာတော့ အချိန်မရွေး နေရာမရွေးကျင့်ဆောင်နိုင်တဲ့ဓမ္မတရား (အကာလိက ဓမ္မ) ဖြစ်ရမယ်။ အ-ကာလိကဆိုတာ ဘဝရဲ့ ဘယ်လို အချိန်မျိုးမှာဖြစ်ဖြစ် ဆင်းရဲချမ်းသာ သုခ ဒုက္ခ အမြင့်အနိမ့် အချိန်အခါအမျိုးမျိုး ဘဝရဲ့ အယုတ်အလတ်အမြတ် အရွယ်မရွေး အမြဲ ကျင့်သုံးထိုက်တဲ့တရား ဖြစ်ရမယ်လို့ဆိုချင်ပါတယ်။

(၄) စတုတ္တ ဂုဏ်လက္ခဏာကတော့ လာပါ ရှုပါ စုံစမ်းပါဟု ဖိတ်ခေါ်ခြင်းငှာထိုက်တဲ့ ဓမ္မတရား (ဧဟိပဿိက ဓမ္မ) ဖြစ်ရပါမယ်။ ဓမ္မတရား ဟာ လျှို့ဝှက်နက်နဲပြီး လူတစ်ချို့လောက်ပဲသိနိုင်တဲ့ စိတ်ကူးယဉ်လူလွန်တရားတွေ မဖြစ်ရဘူး။ မိမိလူမျိုး မိမိယဉ်ကျေးမှုထဲမှာပဲ ကွက်ကွက်ကလေးကျင့်သုံးနိုင်တဲ့တရားမျိုးလည်း မဖြစ်ရဘူး။ အသိဥာဏ်ရှိတဲ့ စွမ်းနိုင်တဲ့လူသားတိုင်း လက်တွေ့စမ်းသပ်ကြည့်လို့ရပြီးတော့ ရလာဒ်တွေအချင်းချင်းလည်း တိုက်ဆိုင်စစ်ဆေး အဖြေထုတ်ကြည့်နိုင်တဲ့ဓမ္မတရားဖြစ်ဖို့ လိုပါတယ်။

(၅) ပဉ္စမ ဂုဏ်လက္ခဏာကတော့ မိမိတို့၏စ်ိတ်သန္တန်၌ အမြဲဆောင်ထား ကပ်ထားခြင်းငှာ တည်အောင်ကျင့်ခြင်းငှာထိုက်သော ဓမ္မတရား (သြပ နေယျိက ဓမ္မ) ဖြစ်ရပါမယ်။ ဓမ္မတရားတစ်ခုဟာ ရိုသေစွာကျင့်ဆောင်ခြင်း (သက္ကစ္စ ဓမ္မ) ဖြစ်ဖို့ လိုသလို စဉ်ဆက်မပြတ် ကျင့်ဆောင် ခြင်း (သာတစ္စ ဓမ္မ)လည်း ဖြစ်ရပါမယ်။ မိမိစိတ်သန္တန်ကို တရားနဲ့ အမြဲ ရွဲစိုထုံးမွမ်းထားအပ်တဲ့ဓမ္မတရားမျိုးလည်း ဖြစ်ရပါမယ်။ ရံခါ ကျင့်လိုက် မကျင့်လိုက် ပူးလိုက်ကွာလိုက်ဖြစ်နေတဲ့တရားမျိုး မဖြစ်စေရပါဘူး။

(၆) ဆဋ္ဌမ ဂုဏ်လက္ခဏာကတော့ ပညာရှိသူတို့သည် မိမိတို့၏ဉာဏ်တို့ဖြင့် အသီးသီးကိုယ်ပိုင် ကိုယ်တိုင်သိအပ်သော ဓမ္မတရား (ပစ္စတ္တံ ဝေဒိတဗ္ဗော ဝိညူဟိ ဓမ္မ) ဖြစ်ရပါမယ်။ ဓမ္မဟာ အဆင့်အမျိုးမျိုး အလွှာအမျိုးမျိုးရှိသလို ရှုထောင့်အမျိုးမျိုး နည်းလမ်းအဖုံဖုံလည်း ရှိပါလိမ့်မယ်။ ဓမ္မဟာ တစ်ခုတည်းသဘောဖြစ်သလို ဓမ္မဟာ အများသဘောကိုလည်း ဆောင်ပါတယ်။ မိမိ အလွှာ အဆင့် ရှုထောင့် အသီးသီးကနေ ဓမ္မရသကို မိမိအတိုင်းအတာနဲ့မိမိ ကိုယ်တိုင်ကိုယ်ကျ ထိသိခံစား (ကာယသစ္ဆိကရဏ) ဖြစ်နိုင်ပါတယ်။ ဉာဏ်ဖြင့် သက်ဝင်ကျက်စား (ဥာဏသစ္ဆိကရဏ) ဖြစ်နိုင်ပါတယ်။

ဒီ ဂုဏ်လက္ခဏာတွေနဲ့ပြည့်စုံသောဓမ္မတရားဟာ အမှန်တကယ် လက်ခံကျင့်သုံးထိုက်တဲ့ ကျင့်သုံးကြည့်တဲ့အခါ မိမိအတွက် ကုသိုလ်တွေ တိုးပွားပြီးတော့ အကုသိုလ်တွေကိုလျှော့ပါးစေတဲ့ဓမ္မတရား၊ လောကမှာရှိတဲ့ ပညာရှိသူတော်ကောင်းတွေက ချီးမွမ်းအပ်တဲ့ဓမ္မတရား ဖြစ်ကြောင်း ဘုရားရှင်ဟောတော်မူခဲ့ပါတယ်။ ဒီ အနက်ဖွင့်ချက်ကို လက်ခံနိုင်ရင်တော့ ဗုဒ္ဓဘာသာရဲ့ဂိုဏ်းဂဏအသီးသီးဟာ ရှင်တော်ဗုဒ္ဓရဲ့ တရားဝင် အမွေခံသားသမီးတွေပဲ ဖြစ်ကြတယ်လို့ဆိုနိုင်ပါကြောင်း တင်ပြလိုက်ရပါတယ်။ ။

Wednesday, April 11, 2012
ဘယ်သူ့ ဗုဒ္ဓဘာသာ အမှန်ဆုံးလဲ (လင်းထက်ဆွေ-စုစည်းတင်ပြသည်)