မြို့တော်ခန်းမထက်ကအလံတော်-၃ (မောင်လှဝင်း-မြင်းခြံ)

ကမ္ဘာ့အလုပ်သမားလှုပ်ရှားမှု အတွေ့အကြုံသင်ခန်းစာများ (၃) မြို့တော်ခန်းမထက်က အလံတော်(မောင်လှဝင်း-မြင်းခြံ) [၁၇၈၉ ခုနှစ်က ပြင်သစ်တော်လှန်ရေးဟာ ဓနရှင်တော် လှန်ရေးပဲ။ ဒီတော်လှန်ရေးလည်းဖြစ်ပွားလာရော ပြင်သစ်တော်လှန်ရေးရဲ့အတွေ့အကြုံဟာ ဥရောပသမိုင်းတခုလုံးအပေါ်မှာလွှမ်းမိုးသွားခဲ့တယ်။ ပြင်သစ်ပြည်က (၁၈၄၈)ခုနှစ်တော် လှန်ရေးများဟာလည်း ဆိုရှယ်လစ်တော်လှန်ရေးမဟုတ်ပါဘူး။ ဒါပေမယ့် သူက ဆိုရှယ် လစ်တော်လှန်ရေးအတွက် လမ်းခင်းပေးခဲ့တယ်။ (၁၈၄၈)ခုနှစ်မှာဖြစ်ပွားခဲ့တဲ့ ဇွန်လ ပဲရစ် အရေးအခင်းမှာ ရီပတ်ဘလစ်ကင်(သမ္မတဂိုဏ်းသား) ဓနရှင်လူတန်းစားကအလုပ်သမားတွေ ကိုပစ်သတ်ခဲ့တဲ့ဖြစ်ရပ်ကနေညွှန်ပြလိုက်တဲ့အချက်ကတော့ ပစ္စည်းမဲ့လူတန်းစားတခုတည်း သာလျှင် ဆိုရှယ်လစ်လက္ခဏာရှိကြောင်း နောက်ဆုံးအခိုင်အမာပြုသက်သေပြလိုက် တာဖြစ်တယ်။ အဲဒီအချိန် အဲဒီကာလအထိဖြစ်ပွားခဲ့တဲ့ သမိုင်းစဉ်အဆက်ဆက်တော် လှန်ရေးများအားလုံးရဲ့အဆုံးသတ်ရလဒ်ဟာ (နိဂုံးချုပ်ချက်ဟာ)“အုပ်စိုးသူလူတန်းစားတရပ်ရဲ့နေရာမှာ အခြားအုပ်စိုးသူလူတန်း စားတရပ်ကအစားထိုးတဲ့ဖြစ်စဉ်ပဲ”ဖြစ်တယ်။ ဒါပေမယ့် အဲဒီအစားထိုး လိုက်တဲ့လူတန်းစားဟာ အုပ်စိုးခံပြည်သူလူထုနဲ့ ဆက်စပ်နေတဲ့လူနည်းစုကလေးမျှသာဖြစ်ခဲ့တယ်။ ပစ္စည်းမဲ့လူတန်းစားရဲ့လှုပ်ရှားမှုတွေ ကတော့ တော်လှန်ရေးဆင်နွှဲရာမှာ အများတကာ့အများစု ပြည်သူလူထုရဲ့အကျိူးစီးပွားအတွက် အများတကာ့အများစုကြီးရဲ့ ကိုယ်ပိုင်အသိရှိပြီး အမှီခိုကင်းတဲ့ လှုပ်ရှားမှုတွေဖြစ်လာတယ်။ ပဲရစ်ဘုံအဖွဲ့ကာလမှာကျတော့ ပြင်သစ်ပစ္စည်းမဲ့လူတန်းစားရဲ့သမိုင်းမှာ ပထမဦးဆုံးအကြိမ် အဖြစ်နဲ့ နိုင်ငံရေးအာဏာကို (၂) လတိုင်တိုင်သိမ်းပိုက်နိုင်ခဲ့တယ်။ ဒါကြောင့် အိန်ဂယ်က “အဲဒီ ပစ္စည်းမဲ့အာဏာဟာ ဘယ်လိုမျိုးလဲဆိုတာ သိလိုကြပါသလား၊ ပဲရစ်ဘုံအဖွဲ့ကိုသာကြည့်လိုက်ကြပါတော့” လို့ ညွှန်ပြခဲ့တယ်]

ပြင်သစ်ပြည်လူတန်းစားတိုက်ပွဲများထဲမှ မာ့က်စ်နှင့်အိန်ဂယ်တို့က ယင်းသို့အလွန်တရာတန်ဖိုးရှိသည့်နိဂုံးချုပ်ချက်များနှင့် သဘောတရားများဆွဲထုတ်ယူနိုင်ခဲ့ကြသည်။ ယင်းကဲ့သို့ နိဂုံးချုပ်ချက်များနှင့်သဘောတရားများ ဆွဲထုတ်ယူနိုင်လောက်အောင် လည်း ပြင်သစ်ပြည်လူတန်းစားတိုက်ပွဲများသည် သမိုင်းအရအရေးပါမှုရှိပြီး ကြွယ်ဝလှသည့်အတွေ့အကြုံများရှိခဲ့ပါသည်။ လူသားတို့သည် မိမိတို့သမိုင်းကို မိမိတို့ကိုယ်တိုင်ရေးခဲ့ကြသည်။ သို့ရာတွင် ထိုသမိုင်းကို သူတို့ဆန္ဒအတိုင်းသူတို့စိတ် တိုင်းကျ ရေးနိုင်ခဲ့ကြသည်မဟုတ်ပါ။ သူတို့ကိုယ်တိုင်ရွေးချယ်ထားသည့် အခြေအနေအောက်မှာရေးနိုင်ခဲ့ကြသည်လည်းမဟုတ်။ အတိတ်ကာလကလက်လွှဲပေးလိုက်ပြီး မျက်မှောက်ကာလမှာ တိုက်ရိုက်ရင်ဆိုင်တွေ့ကြုံနေရသည့်အခြေအနေများအောက်မှာသာ ယင်းသမိုင်းကိုရေးခဲ့ကြရခြင်းဖြစ်သည်။ ကွယ်လွန်သွား ပြီဖြစ်သည့်မျိုးဆက်အားလုံးတို့၏ အစဉ်အလာတွေက သက်ရှိ(လက်ရှိ)နေထိုင်သူများ၏ဦးနှောက်ထဲမှာ ခြောက်အိပ်မက်တခုလို အနှောင့်အယှက်ပြုနေတဲ့ အတွေ့အကြုံအဖြစ် ဝန်ထုပ်ဝန်ပိုးတခုပမာဖိထားပါသည်။ယင်းအတွက် လက်ရှိလူသားများသည် မိမိကိုယ်ကိုတော်လှန်ပြောင်းလဲရာမှာနှင့် အရာကိစ္စတွေကိုတော်လှန်ပြောင်းလဲကြရာတွင် (သို့မဟုတ်)အရင်ဘယ်တုန်းကမှ မတည်ရှိဖူးသေးသောအရာများကိုဖန်တီးကြရာတွင်…အတိအကျပြောရလျှင် အကျပ်အတည်းတွေနှင့်ရင်ဆိုင် ရသည့်ကာလ၊ တော်လှန်ရေးအရေးတကြီးအပူတပြင်းဖြစ်လာသည့်ကာလများတွင် စိုးရိမ်ပူပန်စိတ်များပေါ်လာတတ်ပြီး အတိတ်တုန်းက လှုပ်ရှားပြုမူဆောင်ရွက်ရာတွင်ထားရှိခဲ့ကြသည့်စိတ်ဓာတ်များကို ပြန်လည်၍ထုတ်ယူသုံးစွဲကြရပါသည်။ အတိတ်ကာလ လူသားတို့ထံမှ နာမည်များ…တိုက်ပွဲများ…ကြွေးကြော်သံများ…လုပ်နည်းလုပ်ဟန်နှင့်ထုံးတမ်းစဉ်လာများ …အစရှိသည်တို့ကို ကမ္ဘာ့သမိုင်းမြင်ကွင်းသစ်မှာအသုံးပြုဖို့အတွက် ချေးငှားထုတ်ယူတာမျိုးတွေဖြစ်တတ်သည်။

အတွေ့အကြုံတွေကို လူသားတို့အသုံးချလေ့ရှိသည့်နည်းနာများထဲက အကြောင်းရင်းဥပမာတရပ်ဖြစ်ပါသည်။ လက်ရှိတော်လှန်ရေးများသည် လည်း ဤသဘောအတိုင်း အတိတ်တော်လှန်ရေးအတွေ့အကြုံများကို အသုံးချကြရပါသည်။ (၁၈)ရာစုတုန်းကလိုမျိုး ဓနရှင်တော်လှန်ရေးများသည် မုန်တိုင်းတိုက်သည့်နှယ်အရှိန်လျင်မြန်စွာနှင့် အောင်ပွဲများတခုပြီးတခု ရရှိခဲ့သည်။ အကျိုးဆက်တွေမှာလည်း ပို၍ပို၍ မြင့်မားလာခဲ့သည်။ လူတွေရော၊ အရာကိစ္စတွေပါတောက်ပပြီး အရောင်လက်နေခဲ့ကြသည်။ စိတ်ထဲတွင် ပျော်ရွှင်မှုတွေနှင့်ပြည့်လျှမ်းနေခဲ့ကြသည်။ သို့ရာတွင် ဤအခြင်းအရာများသည် သက်တမ်းတိုခဲ့ကြသည်။ နောက်ဆုံးအဆင့်အထိအောင်ပွဲအရှိန်တက်ခဲ့ပြီး မကြာမီမှာပဲ တနည်းအားဖြင့် မုန်တိုင်းရိုက်ခတ်မှုကာလ၏အကျိုးဆက်များ၊ ရလဒ်များကိုရှင်းရှင်းလင်းလင်းနိဂုံးမချုပ်ရသေးမီမှာပဲ လူ့အဖွဲ့အစည်းသည် ပြန်လည်နိမ့်ကျသွားခဲ့ရပြန်သည်။ ကာလရှည်နိမ့်ကျမှုဟု ဆိုရပါလိမ့်မည်။ ဓနရှင်လူ့အဖွဲ့အစည်းအတွင်းမှ နိမ့်ကျမှုဟုလည်းဆိုနိုင်သည်။ ထို့ကြောင့် (၁၉)ရာစုနှစ် တော်လှန်ရေးမျိုးကဲ့သို့သောပစ္စည်းမဲ့တော်လှန်ရေးများသည် ကိုယ့်ကိုယ်ကိုဝေဖန်သုံးသပ်မှုများ လုပ်ရတော့သည်။ သူတို့၏ ကိုယ်ပိုင်အရေးကိစ္စတွေ၊(တဦးချင်းကိုယ်ကျိုးစီးပွားထိပ် တင်မှုတွေ) ရိုက်ချိုးဖို့ကိုယ့်ဘာသာကြိုးစားရတော့သည်။ အသစ်ပြန်စနိုင်ဖို့အတွက် နောက်ပြန်လှည့်ပြီး ရှင်းရှင်းလင်းလင်းနားလည်အောင် ပြန်လည်သုံးသပ်ရသည်။
ပစ္စည်းမဲ့တို့က ရန်သူကိုဖြိုချတိုက်ပွဲဝင်ခဲ့သည့်အတွေ့အကြုံတွင် သူတို့တိုက်ခိုက်ပစ်လိုက်သည့်ရန်သူများသည် မြေကြီးပေါ်မှာအားယူကာ အသစ်ပြန်လည်ရှင်သန်ပေါက်ဖွားလာခြင်းကို တွေ့မြင်ရသည်။ သူတို့ရှေ့မှာ ကြီးမားသည့်အလုံးအထည်ဖြစ်လာသည်။(ဒါဟာ မာ့က်စ်နဲ့အိန်ဂယ်တို့ရဲ့သုံးသပ်ချက်ပါ။ မျက်မှောက် (၂၁)ရာစုအခြင်းအရာများကလည်း ဒီသုံးသပ်ချက် မှန်ကန်နေကြောင်းတွေ့ရှိရပါတယ်။ စာရေးသူ) အားကောင်းမောင်းသန် ပြန်ဖြစ်လာသည်။ ထိုကြောင့် သူတို့၏ ပထမဆုံးအကြိမ် ကြိုးပမ်းတိုက်ပွဲဝင်ခဲ့သည့်ကာလက မိမိတို့၏ချို့ယွင်းချက်၊ အားနည်းချက်၊ မပြည့်စုံမှုများကို ပစ္စည်းမဲ့လူတန်းစားသည် ကိုယ့်ကိုယ်ကိုအညှာတာကင်းမဲ့စွာ ရက်ရက်စက်စက်သရော်သည်။ လှောင်ပြောင်သည်။ အမြဲတမ်း နောက်ဆုတ်တပ်လန်နေရတဲ့အဖြစ်မျိုး ခဏခဏမကြုံစေရန်အတွက် နောက်ပြန်ဆုတ်လို့မရတော့သည့်အနေအထား မရောက်မီအချိန်အတွင်းမှာကိုယ့်ကိုယ်ကို ပြင်းပြင်းထန်ထန်ဝေဖန်ရေးလုပ်ရခြင်းဖြစ်သည်။ 

ရှေ့တိုက်ပွဲများအတွက် နောက်ပြန်လှည့်ပြီး ရှင်းလင်းအောင်သုံးသပ်ခြင်းသည် ပစ္စည်းမဲ့လူတန်းစားနှင့်အဖိနှိပ်ခံပြည်သူများအတွက် လိုအပ်ချက်တခုဖြစ်ကြောင်းထင်ရှားပါသည်။ ထိုစဉ်က ပြင်သစ်တော်လှန်ရေးအတွင်းဝယ် အလွန်လှပသောကြွေးကြော်တပ်လှန့်သံကလေးတခု ရှိခဲ့ဖူးသည်။ တော်လှန်ရေးတိုက်ပွဲအတွင်း ပါဝင်လာစေဖို့လှုံ့ဆော်သံဖြစ်သလို ကိုယ့်ကိုယ်ကိုဝေဖန်ရေးအတွက်လှုံ့ဆော်သည်လည်းဖြစ်နိုင်သည်။

“အခြေအနေတွေကိုယ်တိုင်က သင်တို့ကို ဖိတ်ခေါ်နေပါတယ်။
ဒီမှာ နှင်းဆီတွေလေ…
ဒီမှာ လာရောက်ကခုန်ကြ။
သင်စွမ်းနိုင်သမျှ
ဒီမှာ ပါဝင်ကပြလှည့်”

ကမ္ဘာ့အလုပ်သမားလှုပ်ရှားမှု အတွေ့အကြုံ သင်ခန်းစားများ – အပိုင်း(၂)

ဥရောပတိုက်အရင်းရှင်စနစ် ခေတ်ထလာမှု

(၁၄)ရာစုနှစ်နှင့် (၁၅)ရာစုနှစ်က ဥရောပတိုက်၏သမိုင်းရုပ်ပုံကားချပ်ကိုကြည့်လျှင် ထုတ်လုပ်ရေးအတတ်ပညာတိုးတက်မြင့်မားလာမှု၊ ကုန်စည်ထုတ်လုပ်ရေးမြင့်မားလာမှုနှင့် ပြည်ပရောင်းဝယ်ဖောက်ကားရေးထွန်းကားလာမှုတို့ကို တွေ့မြင်ရလိမ့်မည်၊ ၄င်းဖြစ်ထွန်းမှုများသည် အီတလီ၊ ပြင်သစ်၊ ဂျာမနီတိုင်းပြည်များ၏မြို့တချို့တွင် စတင်ပေါ်ပေါက်လာခဲ့ခြင်း ဖြစ်သည်၊ အထူးသဖြင့် ပင်လယ်ဆိပ်ကမ်းမြို့များ၌ဖြစ်၏။

၎င်းနေရာများတွင် အရင်းရှင်စနစ်ခေတ်ဦးကာလမှသည် အရင်းရှင်စနစ်ခေတ်ကောင်းဆီသို့ တစတစတက်လှမ်းလာနေသောဖြစ်စဉ်ကိုတွေ့ရှိရသည်၊ အရင်းရှင်စနစ်ဖြစ်ထွန်းလာမှုတွင် အကြမ်းအားဖြင့် အခြေခံအချက်(၂) ချက်ရှိသည်၊

(၁) လူနည်းစုဓနရှင်များ၏လက်တွင်းသို့ အရင်းအနှီးများစုပုံရောက်ရှိလာခြင်း၊

(၂) ပစ္စည်းမဲ့များတိုးပွားကြီးထွားလာခြင်း၊

ထိုခေတ်ကာလက ဥရောပတိုက်၏သမိုင်းဖြစ်စဉ်များကိုလေ့လာကြည့်လျှင် အထက်ပါအချက် (၂) ချက်၏ဘောင်အတွင်း အကျုံးဝင်နေသည်ကိုတွေ့ရသည်။

(၁၄၇၅)ခုနှစ်တွင် ရိုင်ဖယ်သေနတ်ကို စတင်တီထွင်ထုတ်လုပ်နိုင်ခဲ့ကြသည်၊ ဤအချက်သည်လည်း ဥရောပတိုက်သားများအနေဖြင့် နယ်မြေသစ်တိုးချဲ့ဝင်ရောက်ရန်။ ဈေးကွက်သစ်ရှာဖွေရန်နှင့် ကိုလိုနီနယ်ပယ်များလုယက်ရန်တို့အတွက် အခွင့်သာမှုဖြစ်စေခဲ့ပြန်သည်။

(၁) လူနည်းစုဓနရှင်များ.လက်တွင်းသို့ အရင်းအနှီးများ စုပုံရောက်ရှိလာခြင်း၊

ဓနရှင်လူတန်းစားဖြစ်တည်ရေးတွင်လည်း လိုအပ်သည့်အခြေခံအချက် ၂ ချက်ရှိသည်။ ထုတ်လုပ်ရေးပရိဘောဂများထူထောင်ခြင်းနှင့် ဖလှယ်ရေးနည်းလမ်းများရှာဖွေခြင်းတို့ ဖြစ်သည်။ ဓနရှင်လူတန်းစားသည် ထုတ်လုပ်ရေးကိရိယာကို အဆက်မပြတ်တော်လှန်ပြောင်းလဲနေရ လေသည်။ တချိန်တည်းတွင် ထုတ်လုပ်ရေးဆက်ဆံမှုကိုလည်း အဆက်မပြတ်တော်လှန်ပြောင်းလဲနေရပြန်သည်၊ ထိုသို့မလုပ်လျှင် သူ  မတည်တံ့နိုင်ပါ။

ပဒေသရာဇ်ခေတ်လက်မှုတပိုင်းစက်မှုလုပ်ငန်းကို ခေတ်သစ်စက်မှုလုပ်ငန်းကအစားထိုးဖယ်ရှားပစ်ခဲ့ရသည်၊ လက်မှုပညာသည်လေးများ၏ အလုပ်ရုံများအား စက်မှုအရင်းရှင်ကြီးများ၏စက်ရုံကြီးများအဖြစ် ပြောင်းပစ်ခဲ့ရသည်။ ၄င်းနောက်တွင် သူ(အရင်းရှင်)သည် စက်မှုလုပ်ငန်းအထွက်ပစ္စည်းကိုရောင်းချဖို့ (ဖလှယ်ဖို့)အတွက် ဈေးကွက်ကိုအဆက်မပြတ်တိုးချဲ့ရန်လည်းလိုအပ်လာသည်။ ထို့ကြောင့် ဓနရှင်လူတန်းစားတို့ ကမ္ဘာအနှံ့ခြေဆန့်ပြေးလွှားကြရခြင်းဖြစ်သည်။ ဤသို့ဖြင့် ကမ္ဘာအနှံ့ခြေဆန့်ရခြင်းတွင် နောက်ထပ်အကြောင်းအချက်များလည်း ရှိသေးသည်။ သူ့စက်ရုံများတွင် ပြည်တွင်းကထွက်ရှိသောကုန်ကြမ်းများကိုသုံးစွဲရုံနှင့်လုံလောက်မှုမရှိတော့၊ အဝေးဆုံးနယ်ပယ်မှ သယ်ဆောင်လာရသောကုန်ကြမ်းများကိုသုံးစွဲရသည့်အခြေအနေသို့ဆိုက်ရောက်လာသည်။ သူ ထုတ်လုပ်လိုက်သော အထွက်ပစ္စည်းများကိုလည်း မိမိပြည်တွင်းမှာသာမက ကမ္ဘာအနှံအပြားကသုံးစွဲလာကြအောင် ပို့ဆောင်ဖြန့်ချိတာလည်းလုပ်လာရသည်။ ဤသို့ဖြင့် ဓနရှင်လူတန်းစားသည် ဖလှယ်ရေးနည်းလမ်းသစ်များရှာဖွေလာရသည်။

ကုန်စည်ရောင်းဝယ်ရေး(ဖလှယ်ရေး) နည်းလမ်းများတိုးပွားများပြားလာသည်နှင့်အမျှ ထုတ်လုပ်ရေးပရိဘောဂထူထောင်မှုသည်လည်း ပိုမိုကြီးမားလာသည်။ သည့်နောက်တွင် အသေးစားထုတ်လုပ်ရေးကလေးများမှာ မောင်းထုတ်ခံလိုက်ရသကဲ့သို့ ဘေးသို့လွင့်ထွက်သွားသည်။ အရင်းရှင်ပိုင်စက်မှုလုပ်ငန်းက ရောင်းဝယ်ဖလှယ်ရေးလုပ်ငန်းများတွင်အချက်အချာဖြစ်လာပြီး ဤနည်းဖြင့် လူနည်းစုဓနရှင်လူတန်းစား၏လက်တွင်းသို့ အရင်းအနှီးများစုပြုံရောက်ရှိလာသည်။

ကိုလိုနီနယ်မြေများ လုယက်ခြင်း။ ကိုလိုနီနိုင်ငံများနှင့်ကုန်စည်ဖလှယ်ခြင်းတို့သည်လည်း အရင်းအနှီးပိုမိုတိုးများလာစေသောအကြောင်းအချက်တခုဖြစ်သည်၊ ဤအချက်က ပြည်ပရောင်းဝယ်မှုထွန်းကားလာစေသည်၊ အကြီးမားဆုံးအမြတ်အစွန်းရရှိစေသော အကြောင်းရင်းလည်းဖြစ်သည်၊။ (၁၁)ရာစုတုန်းက ဘာသာရေးအတွက်တိုက်ခိုက်ခဲ့ရသောခရူးးဆိတ်စစ်ပွဲကြောင့် ဥရောပတိုက်နှင့်အရှေ့တိုင်းနိုင်ငံများ၏ ဆက်သွယ်မှုပိုမိုများပြားလာခဲ့သည်။ ခရူးဆိတ်စစ်ပွဲဆိုသည်မှာ အာရှမိုင်းနားနှင့်ဘိုင်ဇန်တိုင်နိုင်ငံတို့ကို ပြန်လည်သိမ်းပိုက်ပြီး တူရကီလက်ထဲမှ အထွဋ်အမြတ်နယ်မြေ (Holy Land) ကို သိမ်းပိုက်အောင်နိုင်ဖို့အတွက် ဥရောပတိုက်၏အာဏာာပိုင် ပုပ်ရဟန်းမင်းကြီး ဒုတိယမြောက်အာဗင် (Urban) က (၁ဝ၉၅)ခုနှစ်မှာ စစ်သားစုဆောင်းကာ စတင်တိုက်ခိုက်လာခဲ့သည့်စစ်ပွဲဖြစ်၏၊ ရဟန်းမင်းအဆက်ဆက် ဘုရင်အဆက်ဆက်တိုက်ခိုက်ခဲ့သောစစ်ပွဲဖြစ်သည်။ (၁၂ဝ၃)ခုနှစ်တွင် စတုတ္ထခရူးဆိတ်တပ်မတော်က ကွန်စတန်တီနိုပယ်မြို့ကိုသိမ်းပိုက်ရရှိလိုက်သည်၊ ယင်းနောက် ဗင်းနစ်ရေတပ်သည် အရှေ့နိုင်ငံများသို့ဇိမ်ခံပစ္စည်းအသုံးအဆောင်များ ရောင်းဝယ်ဖောက်ကားမှုလုပ်လာသည်။ မာကိုပိုလိုလက်ထက် (၁၂၅၄)မှ (၁၃၂၄)ခုနှစ်အထိ အရှေ့အနောက် ပင်လယ်ရေကြောင်းခရီး စတင်လမ်းပွင့်ကာကူးသန်း သွားလာနိုင်ခဲ့ကြသည်။ (၁၄၉၈)ခုနှစ်ကစတင်ပြီး ဥရောပတိုက်သားများသည် ဂွတ်ဟုတ်အငူ ( Cape of Good Hope) ကိုကွေ့ပတ်ကာ အရှေ့တိုင်းသို့ ပိုမိုခရီးတို အောင်သွားနိုင်သောလမ်းခရီးကို စတင်တွေ့ရှိခဲ့ကြသည်။ ၄င်းသည်လည်း အရင်းရှင်စနစ်အတွက် ဈေးကွက်တိုးချဲ့ဖို့အတွက်လည်းကောင်း၊ ကိုလိုနီနယ်သစ်ရှာပြီးလုယက်ဖို့အတွက်လည်းကောင်း၊ ၄င်းအပြင်ဤနည်းဖြင့် အရင်းရှင်စနစ်ကိုကြီးထွားစေဖို့အတွက်လည်းကောင်း အခွင့်ကောင်းတခုဖြစ်လာခဲ့သည်။ ပေါ်တူဂီတို့ သည် (၁၄၁၈)ခုနှစ်ကစပြီး အာဖရိကတိုက်အနောက်ဘက်ကမ်းခြေဒေသများသို့ သွားလာလှည့်ပတ်နေခဲ့ကြပါပြီ၊ သူတို့အတွက် ကိုလိုနီနယ်သစ်ရှာဖွေခဲ့ခြင်းဖြစ်သည်။ ဤရည်ရွယ်ချက်ဖြင့် စပိန်နှင့်ပေါ်တူဂီတို့သည် ရေကြောင်းသိပ္ပံကျောင်းများ ဖွင့်လှစ်ခဲ့ကြသည်၊ ပေါ်တူဂီမှမင်းသားဟင်နရီ (Prince Henry) သည် (၁၄၂၁)ခုနှစ်မှသည် (၁၄၆ဝ)ခုနှစ်အထိ အာဖရိကတိုက် အနောက်ဘက်ကမ်းခြေသို့ စူးစမ်းလေ့လာရေးအဖွဲ့များ နှစ်စဉ်စေလွှတ်ခဲ့သည်။

(၁၄၇၅)ခုနှစ်တွင် ရိုင်ဖယ်သေနတ်ကိုစတင်တီထွင်ထုတ်လုပ်နိုင်ခဲ့ကြသည်၊ ဤအချက်သည်လည်း ဥရောပတိုက်သားများ အနေဖြင့် နယ်မြေသစ်တိုးချ့ဝင်ရောက်ရန်။ ဈေးကွက်သစ်ရှာဖွေရန်နှင့်ကိုလိုနီနယ်ပယ်များလုယက်ရန်တို့အတွက် အခွင့်သာမှုဖြစ်စေခဲ့ပြန်သည်။ (၁၄၉၇)ခုနှစ် တွင် ဗာစကိုဒဂါးမား (Vasco da Gama) က ဂွတ်ဟုတ်အငူကိုကွေ့ပတ်ပြီး အိန္ဒိယပြည်သို့ စတင်ရောက်ရှိသွားနိုင်ခဲ့သည်။ (၁၅၂၁)တွင် စပိန်ဘုရင်၏စေလွှတ်ချက်အရ မက်ဂျယ်လန် (Magillan) သည် အတ္တလန္တိတ်နှင့်ပစိဖိတ်သမုဒ္ဒရာကိုကျော်ဖြတ်သည့်လမ်းကြောင်းမှတဆင့် အရှေ့အိန္ဒိယက္မန်းစုသို့ရောက်ရှိသွားခဲ့ပြန်သည်။

ထိုအချိန်က ဥရောပတိုက်သည် အမျိုးသားဘုရင်စနစ် (National Monarchy) ထွန်းကားနေသည့်အချိန်ဖြစ်၏။ ဘူး (Bourg) မြို့များ၌ ဓနရှင်လူတန်းစား၏တစိတ်တပိုင်းဖြစ်တည်လာခြင်းက ဘုရင်၏သြဇာအာဏာကြီးထွားရေးကို အထောက်အကူပြုပေးခဲ့သည်။ ဥရောပတိုက်တွင် ယခင်က ပဒေသရာဇ်နယ်စားပယ်စားတွေက ဘုရင်ထက်ပိုမို၍ သြဇာအာဏာလွှမ်းမိုးထားနိုင်သော အနေအထားတွင်ရှိခဲ့သည်။ သို့အတွက် ဘုရင်နှင့်နယ်စားပယ်စားတွေအကြား အကျိုးစီးပွားအရနှင့်အုပ်ချုပ်ရေးအရ ထိပ်တိုက်ပဋ္ဋိပက္ခဖြစ်ခဲ့ကြသည်။ ယင်းအခြေအနေတွင် ဘုရင်သည် ဓနရှင်လူတန်းစားသစ်၏ လူအားရောငွေကြေးထောက်ပံ့မှုအားကိုပါအသုံးပြုပြီး မြေရှင်ပဒေသရာဇ်လူတန်းစားတို့၏ လွှမ်းမိုးချုပ်ကိုင်မှုတို့ကို တွန်းလှန်ဖယ်ရှားနိုင်ခဲ့ခြင်းဖြစ်သည်။ ဤသို့ဖြင့် ဘုရင်၏သြဇာအာဏာကြီးထွားလာပြီး အင်္ဂလန်၊ ပြင်သစ်၊ စပိန်စသောနိုင်ငံတို့တွင် အမျိုးသားဘုရင်စနစ် (National Monarchy) စတင်ထွန်းကားလာသည်။

အရှေ့တိုင်းသို့သွားသောရေကြောင်းခရီးလမ်းပွင့်သွားသည့်အခါ…. ဥရောပတိုက်သားများသည် ယခင်က အိန္ဒိယသမုဒ္ဒရာတလွှား ကူးသန်းရောင်းဝယ်ရေးကိုချုပ်ကိုင်ခဲ့ကြသောအာရပ်နှင့်အရှေ့အိန္ဒိယသားတို့ကိုဖိနှိမ်ဖယ်ရှားပြီး အရှေ့တိုင်းဆိုင်ရာကူးသန်းရောင်းဝယ်ရေးလုပ်ငန်းကို လုယက်ခဲ့ကြသည်။ ဤဖြစ်စဉ်မှာ လွယ်ကူချောမွေ့စွာဖြစ်လာခဲ့သည်တော့ မဟုတ်ပါ။ အာရပ်ရေတပ်ကို တိုက်ပွဲများတိုက်ပြီး ဖျက်ဆီးအနိုင်ယူခဲ့ရခြင်း ဖြစ်ပါသည်။

ပေါ်တူဂီတို့သည် အိန္ဒိယအနောက်ဘက်ကမ်းခြေမှ ဂိုအာ (Goaသ)မြို့တွင်အခြေစိုက်ပြီး အိန္ဒိယသမုဒ္ဒရာအနောက်ခြမ်းကို လွှမ်းမိုးချုပ်ကိုင်ခဲ့ ကြသည်၊ ဟင်းခတ်အမွှေးအကြိုင်ကူးသန်းရောင်းဝယ်ရေးလုပ်ငန်းကိုလက်ဝါးကြီးအုပ်ရေးရည်ရွယ်ပြီး (၁၅၁၁)ခုနှစ်တွင် မလက္ကာကိုသိမ်းယူခဲ့ကြသည်၊ ထို့ကြောင့် စူလတန်နှင့်ပေါ်တူဂီတို့သည်(၁၅၂၆)ခုနှစ်အထိ တိုက်ပွဲများတိုက်လာခဲ့ကြရသည်။ ပေါ်တူဂီတို့သည် (၁၅၁၄)ခုနှစ် တွင် တရုတ်နိုင်ငံတောင်ဘက်ကမ်းခြေသို့ စတင်ရောက်ရှိလာကြသည်။ သို့ရာတွင် တရုတ်တို့က ပေါ်တူဂီတို့အကြောင်းကိုသိထားပြီးသား။ ထို့ကြောင့် တရုတ်က ပေါ်တူဂီတို့ကိုလက်မခံခဲ့ကြ။ ဤသို့ဖြစ်သည့်တိုင်ပေါ်တူဂီတို့သည် (၁၅၅၇)ခုနှစ်တွင် တရုတ်နိုင်ငံတောင်ပိုင်းရှိ မကာအိုကို အခြေစိုက်နေထိုင်ခွင့်ရအောင်ကြိုးပမ်းနိုင်ခဲ့ကြသည်။ ဤအခြေအနေများနှင့်စပ်လျဉ်း၍ ကားလ်မာ့က်စ်က “ဓနရှင်လူတန်းစားရဲ့ ဈေးပေါတဲ့ကုန်စည်တွေဟာ တရုတ်တံတိုင်းကြီးတွေအားလုံးကို ဖြိုခွဲဖျက်ဆီးပစ်လိုက်တဲ့ အမြောက်ကြီးတွေဖြစ်ခဲ့ကြတယ်” ဟု မှတ်ချက်ချခဲ့သည်၊ ပေါ်တူဂီတို့သည် ဂျပန်နှင့်လည်း ကူးသန်းရောင်းဝယ်ရေးလုပ်ခဲ့ကြသည်၊ ပေါ်တူဂီတို့သည် မြန်မာပြည်ကိုပင်လျှင်အလွတ်မပေးခဲ့ပါ၊ ပေါ်တူဂီဒီဘရစ်တို ( de Brito) သည် (၁၅၉၉)ခုတွင် သံလျှင်ကိုသိမ်းပိုက်ခဲ့သည်။ သို့သော်လည်း (၁၆၁၃)ခုနှစ်တွင် အနောက်ဘက်လွန်မင်း က သံလျှင်ကိုပြန်လည်သိမ်းယူပြီး ဒီဘရစ်တိုကို ကွပ်မျက်ပစ်ခဲ့သည်။

ဥရောပတိုက်သားများ အရှေ့တိုင်းသို့သွားရောက်ပြီး ကူးသန်းရောင်းဝယ်ရေးလုပ်ကြသည့်အခါ ဤလုပ်ငန်းသည် ကုန်သည်တဦးချင်း၏ ဓနအင်အားနှင့်မစွမ်းဆောင်နိုင်တော့သည့်မနိုင်ဝန်ဖြစ်လာခဲ့သည်။ ထို့ကြောင့် စုပေါင်းအရင်းအနှီးနှင့်ကုမ္ပဏီများ စတင်ထူထောင်လာကြရ တော့သည်။

(၁၂)ရာစုကတည်းက ဥရောပမြို့ကြီးများတွင် ကုန်သည်ကြီးများအသင်းဆိုတာမျိုးရှိနေခဲ့ပြီ။ (၁၂)ရာစုမှသည် (၁၅)ရာစုအတွင်း အီတလီပြည်ကိုဗဟိုပြုပြီး ဘဏ်စနစ်ဖွံ့ဖြိုးလာခဲ့သည်။ ဤအချက်က ကိုလိုနီဈေးကွက်သစ်ဆိုင်ရာ ကူးသန်းရောင်းဝယ်ရေးကို များစွာအထောက်အကူပြုပေးခဲ့သည်။ ဤနည်းဖြင့် အင်္ဂလိပ်အရှေ့အိန္ဒိယ ကုမ္ပဏီ၊ ဒတ်ခ်ျအရှေ့အိန္ဒိယကုမ္ပဏီနှင့်ပြင်သစ် အရှေ့အိန္ဒိယကုမ္ပဏီ…..စသည်တို့ ပေါ်လာခဲ့ကြသည်။ ဤသုိ့သောကူးသန်းရောင်းဝယ်ရေးလုပ်ငန်းများကို သက်ဆိုင်ရာနိုင်ငံ၏ဘုရင်များက အပြိုင်အဆိုင်အားပေးအားမြှောက်ပြုခဲ့ကြသည်။ ချုပ်ကြည့်လျှင် အရှေ့တိုင်းဆိုင်ရာကုန်သွယ်မှု၊ လုယက်မှု၊ သွေးစုပ်မှုတို့မှရရှိလာသောအမြတ်အစွန်းများသည် ဥရောပတိုက် အရင်းရှင်စနစ်ကြီးထွားဖွံ့ဖြိုးရေးအတွက် အထောက်အကူဖြစ်စေခဲ့သည်။ အထောက်အကူပြုပေးသည့်အတိုင်းအတာ ပမာဏသည်လည်း ကြီးမားသည်ဟုဆိုနိုင်သည်၊ ဥပမာ — (၁၇၆ဝ)ခုနှစ်က အင်္ဂလန်၏ရင်းနှီးမြှုပ်နှံမှုစုစုပေါင်း ပေါင်ငွေ ၆-သန်း။ ၇ သန်းသာ ရှိနေသေးသည့်အချိန်တွင် အိန္ဒိယပြည်မှအင်္ဂလန်သို့ “ပဏ္ဏာ”အဖြစ်ဆက်သရသည့်အခွန်တော်ငွေသည်ပင်လျှင် တနှစ်လျှင် ပေါင် ၂-သန်း အရေအတွက်ရှိခဲ့သည်။

ဥရောပဓနရှင်လူတန်းစား၏ တခြားသောကူးသန်းရောင်းဝယ်ရေးလုပ်ငန်းတခုမှာ “ကျွန်ကုန်ကူးခြင်း” ဖြစ်သည်၊ ဥရောပတိုက်သားတို့သည် အမေရိကတိုက်တွင်ကိုလိုနီထူထောင်ပြီး သီးနှံများစိုက်ပျိုးလာကြသည့်အခါ လုပ်အားမလုံလောက်မှုဖြစ်ခဲ့သည်၊ ထို့ကြောင့် အာဖရိကတိုက် အနောက်ဘက်ကမ်းခြေမှတိုင်းရင်းသားတို့ကို အမေရိကသို့ ကျွန်အဖြစ်တင်ပို့ရောင်းချကြသည်။ ဥရောပတိုက်သားတို့ အမေရိကတိုက်ကိုတွေ့ရှိလိုက်ခြင်းသည် ရွှေကြောကြီးတွေ့ရှိလိုက်သည့်နှယ်ဖြစ်ခဲ့ရသည်။ (တကယ့်ရွှေများကိုလည်း ရရှိခဲ့ကြပါသေးသည်။) သို့ရာတွင် တခြား သောလူ့အဖွဲ့အစည်းတခုမှာကား နာလန်ပြန်မထူနိုင်တော့သည်အထိ ဖျက်ဆီးပစ်ခြင်းခံခဲ့ရသည်။ (အမေရိကတိုက်မှ ဒေသခံတိုင်းရင်းသားများ) တခြားသောလူ့အဖွဲ့အစည်းတခုသည်လည်း ကျွန်ပြုခံလိုက်ရသည်။ (အာဖရိကတိုက်မှ ဒေသခံတိုင်းရင်းသားများ)အမေရိကတိုက် (ကမ္ဘာသစ်)ကို (၁၄၉၂)ခုနှစ်မှာ ကိုလံဘတ်(Columbus)ွ က စပိန်နယ်သစ်ရှာဖွေသူများနှင့်အတူရောက်ရှိသွားခဲ့ကြပြီး ကမ္ဘာသစ်ကိုသိမ်းပိုက်နိုင်အောင်ကြိုးပမ်းခဲ့ကြသည်။ (၁၄၅၁)ခုနှစ်မှသည် (၁၅၂၆)ခုအတွင်းဟု အကြမ်းအားဖြင့်သတ်မှတ်နိုင်သည်။ အမေရိကတိုက်သို့ ရှေးဦး ရောက်ရှိသွားခဲ့သူ အမေရိဂိုဗက်စ်ပုချီ (Amerigo Vespucci) က သူ ရောက်ရှိသွားခဲ့သောကမ္ဘာသစ်အကြောင်း စာဖြင့်ရေးသားဖြန့်ချိခြင်း ပြုလုပ်ခဲ့သည်။ သူ့ကိုအစွဲပြုပြီး ယင်းကမ္ဘာသစ်ကို ‘အမေရိက’ ဟု အမည်ပေးခဲ့ခြင်းသာဖြစ်သည်။ (၁၅၁၉-၂၁)ခုနှစ်များတွင် စပိန်စွန့်စားသူ (Corte’s) က မက္ကဆီကိုအားသိမ်းပိုက်ခဲ့သည်။ ပီဇာရိုိ (Pizarro) က (၁၅၃၁-၃၅) ခုနှစ်များတွင် ပီရူးကိုသိမ်းပိုက်သည်။ ယင်းဒေသများကို ဗဟိုပြုပြီး ရေကြောင်းနှင့်ကုန်းကြောင်းတို့မှချီတက်ပြီး တောင်အမေရိကတလွှား နယ်မြေအများအပြားကို ထပ်မံသိမ်းယူခဲ့ကြပြန်သည်။ (၁၆)ရာစုသို့ရောက်ရှိသည့်အခါတွင် (ဘရာဇီးလ်ကို ပေါ်တူဂီတို့သိမ်းပိုက်ထားခြင်းမှအပ) လက်တင်အမေရိကတခုလုံးကို စပိန်တို့သိမ်းပိုက်ပြီးဖြစ်သွားသည်။ (ရင်းမြစ်ကျကျလေ့လာလျှင် အလွန်အဆင့်အတန်းမြင့်မား ခဲ့ကြောင်းသိရှိလာရသော) အင်ဒီးယန်းယဉ်ကျေးမှုသည် ခရစ်ယာန်ယဉ်ကျေးမှုသစ်အောက်တွင် တနည်းပြောရလျှင် လူဖြူနှင့်စပိန်ကပြားတို့၏ဓနရှင်ယဉ်ကျေးမှုသစ်အောက်တွင် တိမ်ကောပပျောက်သွားသည့်အဖြစ်သို့ ဆိုက်ရောက်ခဲ့ရသည်။ (၁၅၄၁)ခုနှစ်တဝိုက်က အင်ဒီးယန်းတို့ကို စပိန်တို့ကသတ်ဖြတ်ချေမှုန်းခဲ့သည်မှာအရေအတွက် (၁၂)သန်းမှ (၁၅)သန်းအထိ ရှိခဲ့သည်။ သူတို့သည် (၁၅၂၁)ခုနှစ်မှ (၁၅၆ဝ)ခုနှစ်အထိ ကမ္ဘာသစ်မှ ရွှေ (၁၅၇,ဝဝဝ)ကီလို။ ရွှေဖြူ (၄,၆၇ဝ,ဝဝဝ)ကီလို ရရှိသွားခဲ့ကြသည်။ ကိုလံဘတ် ပထမဦးဆုံးစတင်ခြေချခဲ့ရာနေရာဖြစ်သော ‘မောတီ’၌ ဒေသခံ ဟာရာဝက်အင်ဒီးယန်းလူမျိုး သန်းဝက်လောက်သည် မျိုးဆက် (၂ )က်အတွင်း မျိုးပြုတ်အောင်အသတ်ခံခဲ့ကြရသည်။ မက္ကဆီကိုတွင် (၁၅၂ဝ)ခုနှစ်က အင်ဒီးယန်း လူဦးရေသန်း(၂ဝ)ရှိခဲ့ရာက (၁၆ဝ၇)ခုနှစ်တွင် (၂)သန်းလောက်သာကျန်တော့သည့်အခြေ ဆိုက်ရောက်သွားခဲ့ရသည်၊ ထို့ကြောင့် ကားလ်မာ့က်စ်က “ဥရောပတိုက်တွင် အခစားအလုပ်သမားများကို ဇာပဝါပါးဖုံးပြီးကျွန်ပြုခဲ့သည်၊ ကမ္ဘာသစ်ကကျွန်ပြုခြင်းတွင်မူ ကျွန်ပြုမှုကို အောက်ခြေပဏ္ဏက် စိုက်ပြီး ဗြောင်ကျကျပြုလုပ်ခဲ့ကြလေသည်” ဟု ဝေဖန်ခဲ့ခြင်းဖြစ်သည်။ ဒေသခံတိုင်းရင်းသားများနေထိုင်ခဲ့သော နေရာဒေသများတွင် ဒေသခံများအစား ကျွန်တို့ဖြင့်အစားထိုးခဲ့ခြင်းဖြစ်သည်။ အာဖရိကတိုက်သားများအား ကျွန်အဖြစ်ကုန်ကူးခြင်းနှင့် စပ်လျဉ်းသောစာရင်းဇယားများကို လေ့လာကြည့်ရှုမည်ဆိုပါက….

အမေရိကတိုက်သို့ ကျွန်အဖြစ်အပို့ခံကြရသော အာဖရိကတိုက်သားများအရေအတွက်သည်….

၁၆ ရာစုနှစ်တွင် ၉ဝဝ,ဝဝဝ။

၁၇ ရာစုနှစ်တွင် ၂,၇၅ဝ,ဝဝဝ။

၁၈ ရာစုနှစ်တွင် ၇,ဝဝဝ,ဝဝဝ။

အနှစ် ၄ဝဝ အတွင်း အာဖရိကတိုက်သား သန်း (၁ဝဝ)ခန့် ကျွန်ပြုခံရသည့်အဖြစ်အောက်တွင် နည်းမျိုးစုံဖြင့်သေကြေသွားခဲ့ရသည်။ ၄င်းအပြင် (၁၅)ရာစုအနှောင်းပိုင်းမှသည် (၁၆)ရာစု အနှောင်းပိုင်းကာလအတွင်း ပေါ်တူဂီတို့သည် အာဖရိကတိုက်မှနေ၍ ရွှေ (၂၇ဝ,ဝဝဝ) ကီလိုဂရမ်ကို ရယူသွားနိုင်ခဲ့ကြသည်။

(ဒီစာတမ်းကိုအပိုင်း ဆယ်ပိုင်းခွဲထားတာတွေ့ရပါတယ်။ စာမျက်နှာအနေနဲ့ ၆ဝ လောက်ရှိပါတယ်။ အကုန်လုံးတချိန်တည်းတင်မရတာရယ်၊ ဖတ်သူအနေနဲ့ နားနားဖတ် ပြန်ပြန်တွေးဖို့အချိန်လိုမယ်လို့ယူဆတာရယ်ကြောင့် တစ်ကြိမ်တင် ၂ မျက်နှာနှုန်းနဲ့ အကြိမ် ၃ဝ ခွဲတင်မယ်တွေးမိ ပါတယ်။ လူ့သမိုင်းမှာရှောင်လို့မရတဲ့ရုန်းကန်ရင်ဆိုင်ရမှုတွေအကြောင်း လေ့လာတယ်ဆိုတာကိစ္စကောင်းဖြစ်သလို၊ ကိုယ်တိုင်“ဆိုင်”ရမယ့် အခါမှာလည်း အတွေးအခေါ်အရ၊ လုပ်ဟန်နည်းနာအရ၊ လက်တွေ့အရပြင်ဖို့အထောက်အမဖြစ်ဖို့ရည်ရွယ်ပါတယ်။ (မျိုးမြင့်ချို)