ငြိမ်းချမ်းရေးပဲ့တင်သံ အပိုင်း-၃ဝ (မျိုးမြင့်ချို)

နိုဝင်ဘာ ၂၉ ရက် ၂ဝ၁၂ နေ့ကအာရ်အက်ဖ်အေမှထုတ်လွှင့်ပြီး

သောတရှင်များခင်ဗျား…အနာဂတ်စစ်အာဏာအထိုင်ချစချိန်ဖြစ်တဲ့ (၁၉၉၂)ကနေ(၉၅)အထိကာလမှာ စစ်အစိုးနဲ့အပစ်ရပ်ခဲ့တာ စုစုပေါင်း (၇)ဖွဲ့ဖြစ်ပါတယ်။ အဲဒီအထဲမှာ ဦးဂေဘရယ်ပျံဦးဆောင်တဲ့ KNG လို့ဆိုတဲ့ ကယန်းအမျိုးသားကာကွယ်ရေးအဖွဲ့လည်းပါပါတယ်။ အဲ့ဒီအဖွဲ့ဟာ KNLP လို့ခေါ်တဲ့ ကယန်းပြည်သစ်ပါတီကနေ ခွဲထွက်လာတဲ့အဖွဲ့ဖြစ်ပါတယ်။ စစ်အစိုးရနဲ့အပစ်ရပ်ဖို့ ကြားဝင်ဆောင်ရွက်ပေးသူက ဦးစံအောင်လို့ဆိုပါတယ်။ ပြီးခဲ့တဲ့သီတင်းပတ်တွေက ကျနော်တင်ပြခဲ့တဲ့အဖွဲ့အစည်းတွေနည်းတူ ဒီအဖွဲ့လည်းမိခင်အဖွဲ့အစည်းကနေ ခွဲထွက်လာတာမှန်ပေမယ့် သူ့ကျတော့ မတရားသင်းကနေ ဖျက်ပေးတယ်လို့မတွေ့မိခဲ့ပါဘူး။ ဖော်ဖေါ်ဝါရီ ၂၇ ရက် ၁၉၉၂ ခုနှစ်က အပစ်ရပ်ပြီးတဲ့နောက်မှာ ကယားပြည်နယ်အထူးဒေသ(၁)အဖြစ်နဲ့ ဖယ်ခုံမြို့နယ် မိုးဗြဲဒေသမှာရုံးစိုက်ပြီး စီးပွားရေးလုပ်နေခဲ့ပေမယ့် နောက်ပိုင်းမှာ ဋ္ဌာနေပြည်သူ့စစ်အဖြစ် အသွင်ပြောင်းသွားတာတွေ့ရပါတယ်။

၁ဝ ခုမြောက်အပစ်ရပ်ခဲ့တာကတော့ ကချင်လွတ်လပ်ရေးအဖွဲ့ဖြစ်ပြီး KIO အဖြစ် ပိုထင်ရှားလူသိများပါတယ်။ ကေအိုင်အိုမှာ ကချင်လွတ်လပ်ရေးတပ်မတော် ကေအိုင်အေရယ်လို့ တပ်အနေနဲ့လည်းရှိပါတယ်။ ဒီအဖွဲ့ရဲ့နောက်ခံကို အကျဉ်းချုပ်အဖြစ်တင်ပြရရင် ဦးနုဝန်ကြီးချုပ်အဖြစ်ရှိနေစဉ်က ဗုဒ္ဓဘာသာကိုနိုင်ငံတော်ဘာသာအဖြစ် ပြုလုပ်ရေးရည်မှန်းချက်နဲ့
အစီအစဉ်လုပ်ခဲ့ဖူးပါတယ်။ အဲ့ဒီ အစီအစဉ်ကို အခြားဘာသာဝင်တွေမပြောနဲ့ ဗုဒ္ဓဘာသာဝင်ရဟန်းတချို့နဲ့ လူအချို့ကတောင်မနှစ်မြို့လို့ အခြေအတင်အငြင်းအခုံတွေ ဖြစ်ခဲ့ဖူးပါတယ်။ အဲဒီကိစ္စကိုအကြောင်းပြုပြီး ဇော်စိုင်း၊ ဇော်တူး၊ ဇော်ဒန်ဆိုတဲ့ညီအကိုတတွေကဦးဆောင်ပြီး ကချင်လူငယ်တချို့နဲ့အတူ (၁၉၆၁)ခုနှစ်မှာ ကချင်လွတ်လပ်ရေးအဖွဲ့အဖြစ်နဲ့ စတင်သန္ဓေတည်ခဲ့တာဖြစ်ပါတယ်။ ကာလတခုကြာတဲ့အထိ ဗကပနဲ့မဟာမိတ်တွေ ဖြစ်ခဲ့ဖူးပါတယ်။ အဖွဲ့အစည်းမှာ ခေါင်းဆောင်မှုအပြောင်းအလဲတွေအစဉ်အဆက်ရှိပေမယ့် လူမျိုးစုတော်လှန်ရေးအဖွဲ့တွေထဲမှာတော့ အင်အားတောင့်တင်းတဲ့ လက်နက်ကိုင်အဖွဲ့အစည်းတခုလည်းဖြစ်ပါတယ်။ (၁၉၉၃)ခုနှစ်က စပြီး စစ်အုပ်စုနဲ့ (၅)ကြိမ်တိုင်တိုင်ဆွေးနွေးပြီး တဲ့နောက် (၉၄)ခုနှစ်ရောက်မှ အပစ်အခတ်ရပ်စဲရေးလုပ်ခဲ့တာလည်းဖြစ်ပါတယ်။

သောတရှင်များခင်ဗျား..ကေအိုင်အို/ကေအိုင်အေလို့ဆိုတဲ့ အဲ့ဒီအဖွဲ့မှာ တခြားအပစ်ရပ်အဖွဲ့တွေနဲ့မတူတဲ့ သီးခြားအခြေအနေတချို့ရှိပါတယ်။ အဲဒီအဖွဲ့ဟာ တောခိုပြီးနောက်ပိုင်း မတရားသင်းအဖြစ် အသတ်မှတ်ခံရပေမယ့် ခု အပစ်ရပ်တဲ့အချိန်ထိအောင် မတရားသင်းအဖြစ်ကနေ တရားဝင်ဖျက်ပေးခံရတာတော့ မတွေ့ရပါဘူး။ ဘယ်တုန်းကမှ မတရားသင်းမဖြစ်ဖူးသူတွေကိုတောင် မတရားသင်းကနေထုတ်ပေးနေရတဲ့အချိန်မျိုးမှာ သူ့တို့ကိုကျတော့အပစ်ရပ်ပြီးတာတောင် မတရားသင်းထဲ ဆက်ထည့်ထားတာကလည်း တွေးစရာဖြစ်နေပါတယ်။ အဲ့ဒီအဖွဲ့ရဲ့ နောက်ထူးခြားချက်တခုက စစ်အုပ်စုဟာ ဒီတဖွဲ့နဲ့ကလွဲလို့ အခြားဘယ်အဖွဲ့အစည်းနဲ့မှ စာချုပ်စာတမ်းနဲ့အပစ်အခတ်ရပ်စဲရေး မလုပ်ခဲ့တာပဲဖြစ်ပါတယ်။ အခြားအဖွဲ့တွေနဲ့တော့ Gentleman Agreement လို့ဆိုတဲ့ နှုတ်ကတိနဲ့သာ အပစ်အခတ်ရပ်စဲရေးလုပ်ခဲ့တာဖြစ်ပါတယ်။ တခါ အပစ်ရပ်ပြီးမကြာခင်မှာပဲ တပ်နေရာချထားရေးတွေနဲ့ပတ်သက်လို့ စစ်အစိုးရနဲ့စစ်ရေးတင်းမာမှုတွေအထိ ပြန်ဖြစ်ခဲ့ရရုံမက ခုချိန်ထိလည်း သူသေကိုယ်သေတိုက်နေရတဲ့အဖွဲ့လည်း ဖြစ်နေပြန်ပါတယ်။ ခုအနေအထားကနေကြည့်ပြောရင် အပစ်အခတ်ရပ်စဲရေးပျက်သွားပြီလို့ ပြောဖို့ခက်သလို မပျက်သေးဘူးလို့လည်းပြောဖို့မလွယ်ပါဘူး။

ပကတိအနေအထားအပေါ်ကနေကြည့်ရမယ်ဆိုရင် အပစ်အခတ်ရပ်စဲရေးကျိုးပေါက်သွားပြီလို့တော့ ဆိုနိုင်ပါတယ်။ အပစ်ရပ်ပြီးကတည်း ပြန်ပြန်တိုက်နေခဲ့ရတာဟာ ခု ဦးသိန်းစိန်ရဲ့ကြံ့ဖွံ့အစိုးရထိတိုင်အောင်ပါပဲ။ တဘက်မှာလည်း ခုခံစစ်ကိုတိုက်နေရင်း တဘက်မှာလည်း နိုင်ငံရေးအရဆွေးနွေးဖို့တောင်းဆိုနေရတဲ့ အနေအထားပါပဲ။ အပစ်ရပ်စဉ်ကရထားခဲ့တဲ့ကတိအတိုင်း နိုင်ငံရေးအရဆွေးနွေးကြမယ်ဆိုတဲ့အဆင့်ကို ခုထိမရောက်သေးတာကတော့ သေချာလှပါတယ်။ လူတွေပြောလေ့ရှိကြတဲ့ “စစ်လည်းမတိုက် ငြိမ်းချမ်းရေးလည်းမရ”ဆိုတဲ့ အခြေအနေလို့တောင် ပြောဖို့ခက်ပါတယ်။ ဖြစ်နေတဲ့အဖြစ်က ငြိမ်းချမ်းရေးမပြောနဲ့ အပစ်အခတ်ရပ်စဲရေးတောင် တည်တည်တန့်တန့်မရှိသေးတဲ့ အနေအထားဖြစ်နေလို့ပါပဲ။

သောတရှင်များခင်ဗျား..စစ်အစိုးရနဲ့ (၁၁)ဖွဲ့မြောက်အပစ်ရပ်ခဲ့တာကတော့ (ကလလတ)လို့ဆိုတဲ့ ကရင်နီပြည်နယ်လူမျိုးပေါင်းစုံလွတ်မြောက်ရေးတပ်ဦးဖြစ်ပါတယ်။ ဒီအဖွဲ့ကတော့ သူ့မိခင်အဖွဲ့အစည်းဖြစ်တဲ့ KNPP လို့ဆိုတဲ့ ကရင်နီအမျိုးသားတိုးတက်ရေးပါတီကနေ နိုင်ငံရေး သဘောတရားရေးကွဲကြပြဲကြရာကနေ (၁၉၇၈)နှစ်ထဲမှာ ခွဲထွက်လာခဲ့တာဖြစ်ပါတယ်။ (၈ဝ) ခုနှစ်ထဲရောက်တော့ ကလလတအဖြစ်ဖွဲ့စည်းပြီး ဗကပဆီကလက်နက်နဲ့ တခြားအကူအညီတွေယူခဲ့ဖူးပါတယ်။ တခါ (၁၉၈၉)ထဲမှာ ဗကပပြိုကွဲခဲ့ပြီးတဲ့နောက် ကယန်းပြည်သစ်ပါတီ၊ ရလလဖတို့နဲ့ပေါင်းပြီး လူမျိုးပေါင်းစုံပြည်သူ့ဒီမိုကရေစီတပ်ပေါင်းစုအနေနဲ့ ဆက်လုပ်နေခဲ့ပါတယ်။ (၉၄)ခုနှစ်ထဲကျတော့မှ စစ်အစိုးရနဲ့ အပစ်အခတ်ရပ်စဲရေးလုပ်ခဲ့တာဖြစ်ပါတယ်။ ဒီ့နောက်တော့ ကယားပြည်နယ်အထူးဒေသ(၂)အနေနဲ့ ဟွေဆိုင်းမှာအခြေစိုက်ပါတယ်။ (၂၀၀၉) ထဲရောက်တော့ စစ်အစိုးရရဲ့ဖိအားပေးတာကို တောင့်မခံနိုင်တော့အဆုံး နယ်ခြားစောင့်တပ်အဖြစ် အသွင်ပြောင်းပေးလိုက်ပါတယ်။ ပြောရရင် ဒီအဖွဲ့ဟာ တောထဲရှိနေစဉ်ကာကတည်းက မတရားသင်းအဖြစ် အသတ်မှတ်ခံချင်ခံခဲ့ရနိုင်ပါတယ်။ တရားဝင်ထုတ်ဖော်ကြေညာတာကတော့ မကြားမိခဲ့ဖူးပါဘူး။ ဒါပေမယ့် သတ်မှတ်ခံရသည်ဖြစ်စေ မခံရသည်ဖြစ်စေ အပစ်ရပ်ခဲ့တဲ့အချိန်မှာ မတရားသင်းအဖြစ်ကနေ ပယ်ဖျက်ပေးတာတော့မရှိခဲ့ပါဘူး။

သောတရှင်များခင်ဗျား…KNLP လို့ဆိုတဲ့ ကယန်းပြည်သစ်ပါတီကတော့ (၁၂) ဖွဲ့မြောက်အပစ်ရပ်ခဲ့တာဖြစ်ပါတယ်။ အဲ့ဒီအဖွဲ့ကို (၁၉၆၄) ခုနှစ်မှာ ရွာသူကြီးဗိုလ်ပျံကဦးဆောင်ပြီး ကယန်းတပ်မတော်လို့ စထူထောင်ခဲ့တာဖြစ်ပါတယ်။ အဖွဲ့ဖွဲ့ပြီးသိတ်မကြာခင်မှာပဲ စစ်တပ်နဲ့ဖြစ်ခဲ့တဲ့ တိုက်ပွဲတချို့မှာအရေးနိမ့်ခဲ့ပြီးတဲ့နောက် အဖွဲ့ရဲ့ခေါင်းဆောင်အများစု လက်နက်ချသွားခဲ့ပါတယ်။ (၁၉၇ဝ)ခုနှစ်အနှောင်းပိုင်းကာလတွေရောက်တော့မှ ငိန်းကယန်းထန် ခေါ် ဦးရွှေအေးရဲ့ခေါင်းဆောင်မှုနဲ့ ကယန်းပြည်သစ်ပါတီကို ဖွဲ့စည်းခဲ့တာဖြစ်ပါတယ်။ ဒီအဖွဲလည်း ဗကပနဲ့ဆက်သွယ်ပြီး လက်နက်နဲ့တခြားအကူအညီတွေယူခဲ့ဖူးပါတယ်။ (၁၉၉၄) ခုနှစ်ထဲမှာ အပစ်အခတ်ရပ်စဲရေးလုပ်ခဲ့ပြီး ကယားပြည်နယ် အထူးဒေသ (၃)အနေနဲ့ လွိုင်ကော်မှာရုံးစိုက်ပြီး ဋ္ဌာနချုပ်ကိုတော့ ပြင်ဆောင်မှာထားပါတယ်။ ဒီကယန်းပြည်သစ်ပါတီဟာလည်း သက်တမ်းရှည်ပြီး ဖွဲ့စည်းစည်အချိန်တွေထဲက မတရားသင်းအဖြစ်ရှိနေခဲ့တဲ့ အဖွဲ့အစည်းဖြစ်ပါတယ်။ သူလည်းပဲ ပြည်သူ့စစ်အဖြစ်အဖြစ် အသွင်ပြောင်းဖို့ စစ်အစိုးရရဲ့ဖိအားပေးတာတွေခံခဲ့ရပါတယ်။ အပစ်အခတ်ရပ်စဲရေးလုပ်ချိန်မှာ သူ့ကိုလည်း မတရားသင်းအဖြစ်ကနေပယ်ဖျက်ပေးတာတော့ မတွေ့ခဲ့ပါဘူး။

သေတရှင်များခင်ဗျား လာမယ့်အပတ်တွေမှာ ဖော်ပြဖို့ကျန်နေသေးတဲ့အဖွဲ့တချို့အကြောင်းဆက်လက် တင်ပြပေးပါ့မယ်။

ကျနော်မျိုးမြင့်ပါခင်ဗျား