သမ္မတကြီးအမိန့်မပေးဘူးနှင့်ပေးတယ် (မျိုးမြင့်ချိ)

သမ္မတသိန်းစိန်ကိုယ်တော်တိုင် အမိန့်မပေးဘူး/ပေးတယ်ဆိုသူတွေကို မေးကြည့်ပြောကြည့်ပါရစေ။ သူဘာလဲ အရင်ကြည့်ကြစို့။ သူလည်းကာ/လုံအဖွဲ့ဝင်။ သူ့သဘောထားမပါပဲ ကာ/လုံအလုပ်မလုပ်သလို ကာ/လုံအလုပ်လုပ်တာ လည်း သူတို့ တစ်စုလုံးတစ်စုံလုံးဆိုင်ရာ အကျိုးစီးပွားအထိုင်ပေါ်ကနေလုပ်ကြတာ။ ဖြစ်တဲ့ကိစ္စပေါ်လိုက်ပြီး၊ တယောက်တလှည့် အလှည့်ကျအလံရှူးလုပ်တဲ့နည်းဟာ ခုချိန်ထိအသုံးတည့်တုန်း။ တစ်စုံလုံးအကျိုးစီးပွားက ၁၉၅၈ ကတည်းကသန္ဓေတည်ခဲ့ပြီး၊ ခုချိန်မှာ ဖွဲ့စည်းပုံနဲ့၊ လွှတ်တော်နဲ့၊ ရွေးကောက်ပွဲနဲ့၊ မှတ်ပုံတင်ပါတီတွေနဲ့အထိုင်ကျ နေပြီဖြစ်တဲ့ စစ်တပိုင်းအစိုးရပါ။ အရောင်တင်ပေးသူတွေနဲ့မို့ ပိုတောင်တောက်ပနေတယ်ထင်ရမယ်။ သူတို့ တလျှောက်လုံးမှာ တစ်စုံလုံးဆိုင်ရာအကျိုးစီးပွားကို ဘယ်တယောက်ကမှ ဖေါက်ပြီးထိပါးခဲ့တာမရှိဘူး။ ဟင်္သာကိုးသောင်းဇာတ်ကို သူတို့ကပိုနောကြေပါတယ်။ တစ်ဦးချင်းအကျိုးစီးပွားက ကိုယ်ပိုင်နဲ့ပုဂ္ဂလိကကိစ္စမျှသာ ဖြစ်ပြီး တစ်စုံးလုံးဆိုင်ရာအကျိုးစီးပွားက ဇာတ်တူခြင်းဖြစ်တယ်။ အဲ့ဒီအသား ဘယ်တော့မှသူတို့မစားခဲ့ဖူးဘူး။ စစ်အုပ်စုနဲ့ စစ်အုပ်စုအကျိုးစီးပွားတိုရဲ့ခေါင်းကိုင်ဖခင်ကြီး ဗိုလ်နေဝင်းဇာတ်သိမ်းမလှခဲ့တာ၊ အကိုင်ခံလိုက်ရတာ၊ ဗိုလ်တင်ဦးလေယဉ်ပျက်ကျရတာ၊ ဗိုလ်ခင်ညွန့်အကိုင်ခံလိုက်ရတာ၊ ဦးတင်ဦး၊ ဘိုနီ၊ မျက်မှန်တင်ဦး၊ ဗိုလ်အောင်ရွှေနဲ့ဆိုရှယ်လစ်တပ်မှူးကြီးများ ပြောရရင်အများသား။ အားလုံးတယောက်နဲ့တယောက် တဂိုဏ်းနဲ့တဂိုဏ်းအပျောက် ရှင်းတာ ဖြုတ်ထုတ်ရှင်းတာ စစ်အုပ်စုအကျိုးစီးပွားကြီးကို သွားထိပါးမိလို့ တနည်းပြောရရင် လူထုဘက်ကိုလိုက်မိလို့ လူထုဘက်ကိုမျက်နှာမူမိလို့မဟုတ်ဘူးတာလူတိုင်းသိတယ်။ အချင်းချင်း စားမာန်ခုတ်ရင်း စားခွက်လုရင်း ကိုယ်ပိုင်အကျိုးစီးပွားတွေ ထိပ်တိုက်တိုးမိကြပြီး အပွန်းအရှတွေဖြစ်ကုန်တာပါ။ ဇာတ်တူခြင်းဆိုတဲ့ အုပ်စုကြီးအကျိုးစီးပွားအသားကိုမစားတော့ အချင်းချင်းသာပြန်ဖဲ့ကြရွဲ့ကြတယ် ဟင်္သာတွေမပျက်တဲ့အပြင် ကိုးသောင်းတော်ကျော်နေပြီ။ ဘယ်သူမှ တစ်စုံလုံးဆိုင်ရာ စစ်အုပ်စုအကျိုးစီးပွားကို ထိပါးတာမရှိခဲ့ဖူးဘူး။ ခုလည်းမရှိသေးဘူး။ နောင်လည်း ရှိမယ်လို့ ဘယ်သူမှအာမ မခံနိုင်ဘူး။ စစ်အုပ်စုအကျိုးစီးပွားဟာ ဘီအီးဒီစီ၊ ဒီအက်စ်အိုင်စတာတွေကနေ စလာလိုက်တာ ခုဦးပိုင်အထိပဲ။ ဦးပိုင်ဟာ စစ်တပ်လက်ဝါးကြီးအုပ် နိုင်ငံတော်အမည်ခံ လက်ဝါးကြီးအုပ်စီးပွားရေးပဲ။ သမ္မတကြီးလည်း အုပ်စုဝင်တယောက်ပဲ ဂိုဏ်းတဂိုဏ်းရဲ့ဂိုဏ်းဝင်ပဲ ဂိုဏ်းသားပဲ။ သူလည်းမထိပါးဘူး။ ထိပါးလို့လည်း မရဘူး။ မရအောင်လည်း အစီအမံနဲ့အုံနဲ့ကျင်းနဲ့ စနစ်တကျတည်ဆောက်ထား အခြေခံရှိနေပြီးသား။ အဲ့ဒါကြီး သွားထိပါးရလောက်အောင် ဦးသိန်းစိန်အဲ့သလောက် မအ ဘူး။ အ ရင် လူတချို့အတွက် သမ္မကြီးလို့ခေါ်စရာတောင် ရှိမယ်မဟုတ်ဘူး။ ကချင်ပြည်နယ်က ပြည်တွင်းစစ်မီး တောက်မြဲလောင်မြဲဖြစ်တာ ကာချုပ်မင်းအောင်လှိုင်တယောက်တည်းကြောင့် မဟုတ်ဘူး။ ငါ..ကာချုပ်ဆိုပြီး ထင်ရာလုပ်လို့မရဘူး။ ကာ/လုံမူအတိုင်း သူလည်းလိုက်နာတာ။ သူ့မှာ ပိုဆိုးတာက နေဝင်းတို့ စောမောင်တို့ သန်းရွှေတို့လို တပ်ကိုတစ်စုံလုံးချုပ်ကိုင်လို့မရဘူး။ ခေတ်မတူဘူး။ နေဝင်းထက်စာရင် သန်းရွှေကမှလုပ်ချင်ရာလုပ်လို့ရခဲ့သေးတယ်။ နေဝင်းကသူ့လောက်မလွတ်လပ်ဖူး။ နေဝင်းက ဖက်ဆစ်တော်လှန်ရေး နယ်ချဲ့ဆန့်ကျင်ရေးထဲက သူ့ဆရာတချို့၊ ထောက်ရမယ့်မျက်နှာတချို့၊ ရဲဘော်သုံးကျိပ်ဝင်တချို့ သူ့ခေတ်မှာရှိနေသေးတော့ ထိန်းပြီးလုပ်ခဲ့ရတယ်။ စစခြင်းပွဲမကြမ်းဝံ့ခဲ့ဘူး။ နောက်မှအပြတ်ကိုင်တာ။ သန်းရွှေက ဝင်လာကတည်းက ဓါးထမ်းပြီးဝင်လာတာ။ မင်းအောင်လှိုင်က သူတို့လိုအခွင့်အရေး အခွင့်အလမ်းနဲ့အခြေအနေမရခဲ့ဘူး။ မရှိခဲ့ဘူး။ တပ်ကိုင်ရတာ ဘာမှမကြာသေးဘူး။ ဝင်ဟေ့ဆိုလို့သာဝင်လာရတယ် သူ့ဇာတ်ရုပ်သူဘာမှန်း ချက်ခြင်းမသိသေးဘူး။ ခုမှ လူရည်လည်ဖို့ စလုပ်ရတုန်း။ ဒါကတစ်ချက်။ နောက်တစ်ချက်က တိုင်းမှူးတွေသူ့လူ မဖြစ်သေးဘူး။ ဖြစ်အောင်လုပ်ဖို့လည်း မလွယ်သေးဘူး။ သူ အာဏာသိမ်းဖို့ဆိုတာ တပ်ကို သူ့လက်သူ့ခြေဖြစ်အောင်လုပ်နိုင်မှရမှာ။ ခု မရသေးတာအမြင်ပဲ။ နောက်တစ်ချက်က ကာချုပ်ဆိုပေမယ့် စီနီယာတွေသြဇာကလွတ်အောင် သူ့လက်သူ့ခြေဖြစ်အောင် တပ်ကိုမလုပ်ရသေး မလုပ်နိုင်သေးဘူး။ တိုင်းမှူးတွေအကုန် သူ့လူတွေမဖြစ်သေးဘူး။ ဖြစ်အောင်လည်း လုပ်မရသေးဘူး။ ကာချုပ်ကအာဏာသိမ်းချင်ရင် အနည်းဆုံးတိုင်းမှူးတွေ သူ့လူဖြစ်အောင် စစ်တိုင်းအားလုံးကသေနတ်တွေအကုန်ကို အမိန့်ပေးနိုင်လောက်အောင် တပ်အပေါ်သြဇာကြီးမှ ရှိမှရတယ်။ မင်းအောင်လှိုင်သြဇာ အဲ့သလောက်မကြီးသေးဘူး။ ကြီးခွင့်မပေးသေးဘူး။ ကြီးခွင့်ပေးလာမယ်၊ ရသွားမယ်ဆိုရင်တော့တမျိုးဖြစ်မယ်။ နေဝင်းအာဏာမသိမ်းခင်ကတည်းက တပ်ကိုတလက်ကိုင်တပ် သူ့တပ်ဖြစ်အောင်လုပ်ထားတာ။ နောက်ပိုင်း သူ့စိတ်တိုင်းကျဖြစ်တော့မှ သူစိတ်ချတဲ့လူတွေလက်ထဲအပ်ပေးတာ။ သန်းရွှေခင်ညွန့်ဂိုဏ်းက စောမောင်ကိုဖယ်ပြီးဝင်ချလာချိန်မှာ စောမောင်ကတပ်အပေါ်တည်ဆောက်ပြီးသား။ ဒါကြောင့် လက်ကျန်စောမောင်ဂိုဏ်းသားတချို့ကို ယာယီသုံးရသေးတယ်။ နောက်တော့ တပ်အပေါ်သူ့သြဇာညောင်းပြီဆိုမှ နံပတ်ဝမ်းနေရာထိုင်ပြီး အာဏာရှင်ကြီးလုပ်ရတာ။ ဂိုဏ်းပေါင်းစုံသန့်ရှင်းရေးလုပ်ပြီး ပြိုင်ဘက်ကင်းလာတာ။ ခု ကာချုပ်က အဲသလိုလုပ်လို့မရနိုင်သေးဘူး။ နောက်ပြီး သမ္မတကြီးအမိန့်ကိုမနာခံပဲ ထင်ရာလုပ်နေတာ မဟုတ်ဘူး။ တစ်စုလုံးတစ်စုံလုံးရဲ့အကျိုးစီးပွားကို သမ္မတကြီးနည်းတူ သူလည်းဖော်ဆောင်ပေးနေတာ။ ကာကွယ်နေရတာ။ ခုနေ မင်းအောင်လှိုင်က သူ့တပ်တွေကို (ကချင်ပြည်နယ်မှာတိုက်နေတာတွေရပ်)လို့ အမိန့်ပေးကြည့်ပါလား။ တိုက်ပွဲတွေမရပ်ခင်မှာတင် မင်းအောင်လှိုင် အရင်ရပ်သွားလိမ့်မယ်။ ဦးသိန်းစိန်က တိုက်ပွဲတွေရပ်လို့ အမိန့်ပေးကြည့်ပါလား သူပဲ အရင်ရပ်သွားမှာပဲ။ပြောရရင် ခုချိန်မှာ တစ်စုံလုံးဆိုင်ရာအကျိုးစီးပွားကို အတိအလင်းအကာအကွယ်ပေးထားတာက ၂၀၀၈ ဖွဲ့စည်း အုပ်ချုပ်ပုံအခြေခံဥပဒေပဲ။ အဲ့ဒါနဲ့ အခိုင်အမာအကာအကွယ်ယူပြီး အခိုင်အဖြီးဖြစ်အောင်လုပ်နေတာလည်း လူတိုင်း သိနေတာပဲ။ အဲ့ဒါ သူတို့အသက်ဗူးပဲ။ အဲ့ဒါ ဟင်္သသာတွေအသိုက်ပဲ။ အဲ့ဒီမှာ ဟင်္သာတွေပေါက်တာပဲ။ အဲ့ဒါ သူတို့ရဲ့ ဇာတ်တူခြင်းအဆောက်အဦကြီးပဲ။ အဲ့ဒါကြီး အဲ့ဒီဥပဒေကြီးစိုးမိုးတာကို(တရားဥပဒေစိုမိုးရေး)လို့ပြောရင် နိုင်ငံရေးအဆံချောင်တာပဲ။ ပြောမယ်ဆို လူတိုင်းမှာ ပြောစရာတွေများမှာပါ။ အခြားသူတွေလည်း မိမိအမြင်ကိုပြောကြစေချင်ပါတယ်။ သမ္မတကြီးကိုယုံသူတွေလည်း ဆက်ယုံကြပါစေ။ မယုံသူတွေလည်းမယုံကြပါစေ။ စစ်အုပ်စု၊ စစ်အာဏာ၊ စစ်ဗျူရိုကရေစီယန္တယားနဲ့ စစ်အကျိူးစီးပွားကြီးကိုဖျက်ဖို့ဆန့်ကျင်တွန်းလှန်သူတွေလည်း ဆန့်ကျင်တွန်းလှန်ကြစေပေါ့။ တခါတလေ စကားများမယ်။ တခါတလေ အငြင်းအခုန် သည်းသန်ပြင်းထန်မယ်။ တခါတလေရန်ဖြစ်မယ်။ တခါတလေမှာရန်ဖြစ်ရုံလောက်ပဲ ရန်သူမဖြစ်ကြကြေးပေါ့။ တခါတလေမှာမှာတော့ ရန်ဖြစ်ပြီးနောက် ရန်သူပါဆက်ဖြစ်ကြတာပေါ့။ ဘာဖြစ်လဲ ရန်သူဖြစ်တာ မိတ်ဆွေဖြစ်တာ။ အထူးအဆန်းမှတ်လို့။ ခေတ်က ရန်သူ့ရဲ့ရန်သူဆိုတိုင်း မိတ်ဆွေဖြစ်ကြတဲ့၊ မိတ်ဆွေဖြစ်ရတဲ့၊ မိတ်ဆွေဖြစ်ကြရတဲ့ခေတ်မှ မဟုတ်တော့တာ။ တစ်ခုပဲ ကြားနေသလိုလို ရွှေပြည်အေးလိုလိုမျက်နှာဖုံးစွပ်ပြီး လူသတ်သမားတွေ ရာဇဝတ်ကောင်တွေကို သူတော်ကောင်းတွေနဲ့ကယ်တင်ရှင်တွေ၊ ဒီမိုကရေစီဖခင်ကြီးတွေလို ရာဇဘိသေကခံမပေးကြရင်ပြီးတာပါပဲ။ မျိုးမြင့်ချို