Saturday, April 9, 2016

ဥပဒေမသိလို့ပါ(မျိုးမြင့်ချို)

0 comments
နေဦးဗျ ဥပဒေအကြောင်းမသိလို့ မေးပါရစေ။

ခု နိုင်ငံတော်၏အတိုင်ပင်ခံပုဂ္ဂိုလ်ခန့်အပ်တာက ဥပဒေဖြစ်သွားပြီမဟုတ်လား။ အဲ့ဒီဥပဒေကို ဖွဲ့စည်းအုပ်ချုပ်ပုံအခြေခံဥပဒေထဲ ထပ်ထည့်ရမှာလား။ ထည့်စရာမလိုဘူးလား။ လွှတ်တော်ကပြဌာန်း သမ္မတက အတည်ပြုပေးတဲ့ဥပဒေမှန်သမျှ ဖွဲ့စည်းပုံထဲ ထပ်ထပ်ဖြည့်ရတာလား။ သိသူတွေ ပြောပြရှင်းပြပါဦးဗျ။

ကျနော် ဘုမသိဘမသိတွေးနေမိတာက အဲ့သလို လွှတ်တော်ကပြဌာန်း သမ္မတကလက်မှတ်ထိုးထိုးပြီး အတည်ဖြစ်ဖြစ်သွားတဲ့ဥပဒေတွေကို ဖွဲ့စည်းပုံထဲ ထပ်ထပ်ထည့်လို့ရတယ်ဆို ကောင်းတယ်ထင်လို့ပါ။

လောလောဆယ် ပြင်ဖို့လည်းမဖြစ်နိုင် အစားထိုးဖို့လည်းမလွယ် ဖျက်ဖို့လည်းဝေးစွဖြစ်နေတဲ့ ဒီ ၂ဝဝ၈ စစ်စိုးမိုးဖွဲ့စည်းပုံထဲက ဒီမိုကရေစီမကျ မမျှတ စစ်-ဗိုလ်ကျလွန်းတဲ့ပုဒ်ထီးပုဒ်မတွေ (သူတို့စကားနဲ့ဆို အခြေခံမူ ၁ဝ၄ ချက်ဆိုလား)ကို အပြည့်မဟုတ်တောင် တစုံတရာလွှမ်းမိုးနိုင် ကျော်လွှားနိုင် ကွေ့ပတ်သွားနိုင်မယ့်ဥပဒေမျိုးတွေ 
များများပြဌာန်းအတည်ပြုပြီး ၂ဝဝ၈ ဖွဲ့စည်းပုံထဲ ထပ်ထပ်ထည့်ရင် ဘယ့်နှယ်နေမလဲဗျ။

သဘောက “မပြင်ဘူး ထပ်ဖြည့်မယ်”

မနေ့က ကျနော်ပြောသလို ကာလုံကိုလည်း သူ့အတိုင်းထား (စစ်ဘက်အရပ်ဘက် ဆက်ဆံရေးရှိတယ်ဆိုတဲ့အနေအထား မယွင်းရအောင်)လူထုရွေးကောက်ခံအစစ်တွေနဲ့ချည်းဖွဲ့စည်း နိုင်ငံတော်၏အတိုင်ပင်ခံဂ္ဂိုလ်ကဦးစီးတဲ့ အမျိုးသားလုံခြုံရေးကောင်စီဖွဲ့တာမျိုးပေါ့ဗျာ။

စိတ်ထဲရှိတာ တွေးမိတွေးရာ တွေးမိတာတွေပါ။

နိုင်ငံရေးအရကြည့်ရင် ကြည့်လို့မြင်လို့ နားလည်လို့ရစေဦး လက်ရှိ(သူတို့ပြောတဲ့)
တည်ဆဲဥပဒေတွေအရ လုပ်လို့ရ/မရ၊ လုပ်လို့ဖြစ်/မဖြစ်တွေတော့ မပြောတတ်ပါ။

သေချာတာ တခုကတော့ မိမိကိုယ်တိုင် ကာကွယ်စောင့်ရှောက်ပါ့မယ်လို့
ကျမ်းကျိန်သစ္စာပြုထားတဲ့အရာကို ခုလိုမျိုးလုပ်တာ မကာကွယ် မစောင့်ရှောက်ရာမရောက်လို့ ကျမ်းမစူးပါဘူး။

ပိုသေချာတာကတော့ ဒီဖွဲ့စည်းပုံ သစ္စာခံရမယ့်အရာမဟုတ်တဲ့အတွက် ဘယ်ထောင့်ကကြည့်ကြည့် သစ္စာစူးတာမဖြစ်သလို သစ္စာဖေါက်လည်းမမြည်ပါဘူး။
ရတယ်ဆို ရဲရဲသာလုပ်ကြပါဗျ။

ဧပြီ ၈၊ ၂ဝ၁၆

0 comments:

Post a Comment