Saturday, April 9, 2016

အင်န်အယ်လ်ဒီသတင်းစာ(မျိုးမြင့်ချို)

0 comments
အင်န်အယ်လ်ဒီအနေနဲ့ ပါတီစာစောင်(ဒီလှိုင်း)ကို ပါတီ့အာဘော်ကိုဖန်တီးတဲ့ ပါတီ့မူကိုင်စွဲတဲ့ နေ့စဉ်ထုတ်သတင်းစာအဖြစ် ပြောင်းလဲနိုင်ရင်ပိုကောင်းမယ်။

အဲ့ဒါမှ ကိုယ်အစိုးရမဖြစ်တော့တောင် ကိုယ့်ပါတီမူတွေ အာဘော်တွေကို စဉ်ဆက်မပြတ်ဖြန့်ချိနေလို့ရတယ်။ စီးပွားရေးအရ အောင်မြင်အောင်လုပ်နိုင်ရင် ပါတီရန်ပုံငွေအတွက်တောင် အခရာကျတဲ့ဌာနဖြစ်လာမယ်။

ခုလို အစိုးရခေါင်းဆောင်(သမ္မတ ကိုယ့်လူ)ဖြစ်နေတုန်း၊ လွှတ်တော်ကို ကိုယ်စီးထားနိုင်တုန်း နိုင်ငံပိုင်သတင်းစာကို အစိုးရအာဘော်တွေ အစိုးရပေါ်လစီတွေနဲ့ထုတ်ဝေနေတာကို ကိုယ့်မှာလုပ်ခွင့်ရှိနေခိုက် ဥပဒေနဲ့ပြဌာန်းပြီး အပြီးသတ်ပိတ်ပင်ပစ်ဖို့ကောင်းတယ်။

ခုလို လုပ်နေတာဟာ စာနယ်ဇင်းလွတ်လပ်ခွင့်အရလည်းပြောစရာဖြစ်သလို၊ မီဒီယာစီးပွားရေးအရလည်း မလျော်ကန်ဘူး။ အဆိုးဆုံးက လူထုငွေ အလွဲသုံးစားလုပ်ပြီး အစိုးရကို တရားဝင်ဝါဒဖြန့်ခွင့် ပြုထားရတာပဲ။

အာဏာရှင်စနစ်ကိုမကြိုက်ဘူး ဆန့်ကျင်တယ်ဆို အာဏာရှင်တွေ လက်ကတုံးတောင်ဝှေးကို ကိုယ် ဆက်မထောက်မိဖို့ပါပဲ။
ဧပြီ ၉၊ ၂ဝ၁၆

0 comments:

Post a Comment