Sunday, April 10, 2016

သွေးပျက်သူများ(မျိုးမြင့်ချို)

0 comments
ခုကျောင်းသားတွေအပါအဝင် ဒီမိုကရေစီရေးတက်ကြွလှုပ်ရှားသူတွေ တရားမဲ့မှုမှန်သမျှကို မဟုတ်မခံတွန်းလှန်ခဲ့သူတွေ ထောက်ခံအားပေးသူတွေ
အကျဉ်းထောင်တွေကနေ ပြန်လွတ်လာတာကိုကြည့်ပြီး အစိုးရိမ်ကြီးစိုးရိမ် အလန့်ကြီးလန့်နေတာ စစ်အာဏာရှင်တွေဖြစ်တယ်။
လန့်လို့ပဲ ဖမ်းထားတာ။
လန့်လို့ပဲ မလွှတ်ဝံ့တာပါ၊

ဦးထင်ကျော်ဦးဆောင်တဲ့အရပ်သားတပိုင်းအစိုးရနဲ့ ဒေါ်အောင်ဆန်းစုကြည်ရဲ့ နိုင်ကျဉ်းတွေလွတ်ရေး မဆိုင်းမတွအရေးယူဆောင်ရွက်မှုကို မနှစ်မြို့ကြသူတွေထဲမှာ ထိပ်ဆုံးကပါတာလည်း စစ်အလိုတော်ရိတွေပဲဖြစ်တယ်။

နိုင်ကျဉ်းတွေရှိနေတာမကြိုက်လို့ နိုင်ကျဉ်းတွေလွတ်လာမှာမစိုးရိမ်လို့ လွှတ်ပေးတဲ့လုပ်ရပ်ဟာ သတ္တိရောဗျတ္တိပါပါတယ်လို့ ယုံကြည်ပါတယ်။

နောင်လည်း (နိုင်ငံရေးလှုပ်ရှားသူဟာ မိမိနဲ့ဆန့်ကျင်ဘက်ဖြစ်နေဦးအောင်) တရားမဲ့ဖမ်းဆီးချုပ်နှောင်ထောင်ချ အပြစ်ပေးအရေးယူတာတွေမလုပ်ပဲ ဥပဒေကြောင်းအရ တရားမျှတစွာစီရင်မှု၊ ခုခံချေပခွင့်နဲ့ နိုင်ငံသားတယောက်ရဲ့ရပိုင်ခွင့်တွေရှိတဲ့ တရားခွင်မျိုးတွေသာတွေ့ရဖို့ မျှော်လင့်ပါတယ်။

လူ့အခွင့်အရေးဟာ အစိုးရတိုင်း တနည်းမဟုတ်တနည်းနဲ့ ချိုးဖေါက်ကြပါတယ်။ ဒါပေမယ့် ချိုးဖေါက်သူတိုင်းကို၊ ချိုးဖေါက်တဲ့အစိုးရကို၊ အစိုးရအရာရှိကို၊ အာဏာပိုင်တွေကို ဥပဒေကြောင်းအရ စီရင်ဆုံးဖြတ်ခံယူစေတာနဲ့ မခံယူစေတာမှာအခြေခံပြီး အာဏာရှင်အစိုးရနဲ့ ဒီမိုကရေစီအဆိုးရဆိုပြီး ယေဘုယျခွဲပြောကြတာပါပဲ။

ခုလည်း စစ်အာဏာရှင်တွေ ကျောင်းသားတွေလွတ်လာတာမြင်ပြီး လန့်ဖြတ်ကုန်တာ သိသာပါတယ်။

ဒါ ဘာမှမဆန်းဘူး။ စစ်အာဏာရှင်အဆက်ဆက်ဟာ
မတရားမှုကိုဆန့်ကျင်တဲ့ကျောင်းသားဆို သေအောင်ကြောက်တာပဲ။

ကြောက်လည်း ကြောက်ရမှာပဲ။ ခုလည်း ကြောက်လို့ တန်ပြန်ဖြိုခွဲရေးတွေ မီးစဖက်ရေမှုတ်တဖက်တွေ လှည့်ဖျားစကားနဲ့ ရန်တိုက်ပေးတာတွေ သွေးခွဲသပ်လျှိုတာတွေ လုပ်နေတာပါပဲ။
ဒါသဘာဝပဲ။ တရားမဲ့သူလုပ်သမျှဟာ တရားလက်လွတ်ချည်းဖြစ်တာပါပဲ။

ဒီနေရာမှာ သဘာဝမကျဘူးလို့ထင်ချင်စရာတခုက ဒီမိုကရေစီရေး ကျောင်းသားအရေး ပညာရေး လူ့အခွင့်အရေးစတာတွေ လုပ်ခဲ့သူတွေထဲကတချို့ပါ ကျောင်းသားတွေလွတ်လာတာမြင်ပြီး
သွေးပျက်နေကြ ထိတ်လန့်တုန်လှုပ်ကြ သွေးပျက်စပြုလာကြတာတွေပါပဲ။

အစိုးရကမလန့်ပဲ သူတို့ကလန့်နေတာ၊ အစိုးရကသွေးမပျက်ပဲ သူတို့ပျက်နေတာ၊ အစိုးရက မကြောက်ပဲ သူတို့ကြောက်နေကြတာ ဘာ့ကြောင့်လဲ။ ချင့်ချိန်တွေးဆကြည့်ကြဖို့ပါ။
ဧပြီ ၁ဝ၊ ၂ဝ၁၆

0 comments:

Post a Comment