စစ်မြေပြင်မှပုံရိပ်များ(အပိုင်း ၅၅) မျိုးမြင့်ချို

မတ်ခ်ျလ ၂၂ ရက် ၂၀၁၂ နေ့က အာရ်အက်ဖ်အေက လွှင့်ထုတ်ပြီးဖြစ်ပါတယ်။

            စစ်ထောက်လှမ်းရေးကား ရဲစခန်းဝင်းထဲကနေမောင်းထွက်လာချိန်မှာတော့ အလုံပိတ်ကားနောက်ခန်းထဲမှာတယောက်ထဲထိုင်ရင်း ဘယ်နေရာ ရောက်နေပြီဆိုတာကို စိတ်နဲ့လိုက်မှတ်နေမိပါတယ်။ ဒီလမ်းက ကျနော် နေ့ရှိသ၍သွားလာနေတာဆိုတော့ ဘယ်နေရာဘာဆိုတာ အကုန်နီးနီးစိတ်နဲ့သိနေတာပါ။ ဒီလိုနဲ့ မောင်းလာလိုက်တာ ရေကြည်အိုင်စစ်ထောက်လှမ်းရေးတပ်နေရာကို ရောက်လာပါရော။ နောက်တော့ ကားရပ်သွားပြီး "နောက်လှည့်ထား"ဆိုတဲ့အသံနဲ့အတူ သစ်သားတံခါးလေးဖွင့်သံကြားရပါတယ်။ ကျနော့်ကိုအပြင်ဘက် ဆွဲထုတ်၊ ချိုင်းထောက်တွေပြန်ပေး၊ ကုတ်ကနေဆွဲခေါ်လာပါတယ်။ တနေရာရောက်တော့ ကုလားထိုင်တလုံးမှာထိုင်ခိုင်းပြီး ကိုယ်ရေးအချက်အလက်တွေမေးကြပါတယ်။ မေးရင်း ဘာအမှားအယွင်းမှ မရှိတဲ့ကြားက အသားလွတ်ဆဲဆိုကြိမ်းမောင်းပြီး လေးငါးချက်လောက် အရိုက်အပုတ်ခံရပါသေးတယ်။ နောက်တော့ မတ်တပ်ရပ်ခိုင်းပြီး တကိုယ်လုံးအနှံ့ရှာဖွေရေးလုပ်ပါတယ်။ ရှာရင်းနဲ့ ကျနော့်အိပ်ထဲက ဆေးလိပ်ဗူးမီးခြစ်နဲ့ ပါသမျှပိုက်ဆံအကုန်သိမ်းတဲ့အပြင် လက်ကလက်ပတ်နာရီပါချွတ်ယူလိုက်ကြပါတယ်။ နောင်မှာ အဲဒီပစ္စည်းတွေ ပြန်တောင်းပေမယ့် တခုမှပြန်မရတော့ပါဘူး။

            အဲဒီနောက် တနေရာကိုခေါ်သွားပြန်ပါတယ်။ ခေါင်းစွပ်ထဲကနေ ဘယ်နေရာဘာရှိတယ်ဆိုတာမသိရတော့ သူတို့ဆွဲခေါ်တဲ့နောက် လျှောက်လိုက်ရတာ အတော် ကသိကအောက်ဖြစ်ရတာပါပဲ။ "ငုံ့..ငုံ့"လို့ပြောတဲ့အခါ ငုံ့လျှောက်ပြီး "ကျော်..ကျော်"လို့ ပြောတဲ့အခါ ဘာမှန်းမသိပဲ ကျော်ရပြန်ပါတယ်။ လျှောက်နေရင်းတယောက်က မင်း ဘယ်ရောက်နေလဲဆိုတာ သိလားလို့မေးပါတယ်။ ကျနော်သိတာပေါ့။ ဒါ ရေကြည်အိုင်စစ်ထောက်လှမ်းရေးတပ်ဆိုတာ၊ ဒါပေမယ့် "သိတယ်"လို့ဖြေလိုက်ရင် ရန်များအရှာခံရမလားမသိဘူး။ "မသိဘူး"  ဖြေရင်ကောယုံပါ့မလား။ ကျနော် ဒီနယ်သားဆိုတာ သူတို့သိပြီးသားမဟုတ်လား။ မဖြေရင်လည်း ရန်ရှာခံရနိုင်တယ်။ ဒီတင် ကျနော် စလိမ်ရပါပြီ။ "သိတယ်"လို့ ခတ်တိုးတိုးဖြေလိုက်တော့ သိရင်ပြောစမ်းကွာတဲ့။ ကျနော်က "မှော်ဘီမြို့ထဲမှာပါ"လို့ အပိုင်သိသလိုလေသံမျိုးနဲ့ ဖြေချလိုက်ပါတယ်။ ဒီတော့ တယောက်က "ဟ. အတော်မှတ်ဥာဏ်ကောင်းတဲ့ခွေးကောင်ပဲကွ" ဆိုပြီး မှတ်ချက်ချတာကြားတော့ ကျနော် ခေါင်းစွပ်ထဲကနေ ပြုံးမိလိုက်ပါတယ်။

           

            နောက်ထပ်  ဘာသတိပေးသံမှမကြားတော့ ကျနော်လည်း ပုံမှန်မြေညီပေါ်မှာလိုလျှောက်လာရင်း ခြေဖျားနဲ့တခုခုနဲ့ ဒုတ်ကနဲဆောင့်မိပြီး ရှေ့ကိုဟပ်ထိုးလဲကျသွားပါတယ်။ မျက်နှာနဲ့မြေကြီးဆောင့်မိပြီး အတော်လည်းနာသွားပါတယ်။ ဒေါသနဲ့အတင်းကုန်းထပြီး ခေါင်းစွပ်ကိုဆွဲလည်းမလိုက်ရော နောက်ကနေ ဖျောင်းကနဲဇက်ပိုးကိုရိုက်ချတာခံလိုက်ရပါတယ်။ မျက့်စေ့တွေပြာပြီး လူလည်းပြန်လဲကျသွားပါတယ်။ တယောက်ကရယ်ကျဲကျဲအသံနဲ့ "ဆောရီး..ဆောရီး၊ မေ့သွားလို့"ဆိုပြီး ပြောင်သလိုပျက်သလိုလုပ်ပါတယ်။ အတော်အခံရခက်တဲ့ကိစ္စပါပဲ။

            နောက်တော့ အဆောက်အဦးတခုထဲ ရောက်လာမှန်းသတိထားမိပါတယ်။ တခါနည်းနည်းပါးပါး ထပ်မေး လက်မှတ်ထိုးခိုင်းပြီး တနေရာကိုဝင်ခိုင်းပါတယ်။ ထိုင်ခိုင်းပြီး ခေါင်းစွပ်ကိုချွတ်ပေးရင်း "မင်း ဒီမှာ ကောင်းကောင်းမွန်မွန်နေ၊ အပေါက်ကနေ ဟိုချောင်း ဒီချောင်းမလုပ်နဲ့၊ ဘေးခန်းတွေနဲ့လည်း အချက်ပေးတာဘာညာမလုပ်နဲ့၊ လိုတာရှိရင်တံခါးကို ၃ ချက်ခေါက်ပြီး နောက်လှည့်ထိုင်နေ၊ လာပြီးလုပ်စရာ ရှိတာလုပ်ပေးမယ် ကြားလား" လို့ပြောပြီး တံခါးဆောင့်ပိတ်လိုက်သံ၊ အပြင်ကနေသော့ခတ်လိုက်သံတွေပါ ကြားရပါတယ်။ အခန်းက ၈ ပေ ၁၀ ပေလောက်ကျယ်မယ်ထင်ရပြီး မျက်နှာကျက်အမိုးနိမ့်နိမ့်မှာ  နီကျင်ကျင်မီးသီးလေးတလုံး လင်းနေပါတယ်။ နောက်ဘက်မှာ ပြူတင်းပေါက်ရှိပေမယ့် ဂျက်ချထားပါတယ်။ အဝင်အထွက်တံခါးပေါက်မှာတော့ ချောင်းကြည့်ပေါက်ကလေးဖေါက်ထားပြီး အပြင်ကနေ Shutter နဲ့ ပိတ်ထားတဲ့ပုံပါပဲ။ အတွင်းဘက်နံရံတွေက အင်္ဂတေသားတွေဖြစ်ပြီး အပေါ်မှာ ၄ -၂ သစ်သားချောင်းတွေ ကပ်ရိုက်ထားပါတယ်။ ကြမ်းခင်းကတော့ကွန်ကရိဖြစ်ပြီး ထောင့်မှာတော့ ၄ လက်မလောက်မြင့်တဲ့ သစ်သားကွပ်ပျစ်လေးတလုံးချထားပါတယ်။  အဲဒီကွပ်ပျစ်ကလေးပေါ်မှာလည်း စစ်စောင်ကြမ်းတထည်က လွဲလို့ ဘာမှမရှိပါဘူး။ ရေအိုးလေးဘာလေးများ တွေ့မလားဆိုပြီးဝေ့ဝိုက်ရှာလိုက်တော့ ကွပ်ပျစ်ကလွဲလို့ ဘာမှမရှိပါဘူး။

            ကျနော်လည်း မောလည်းမော၊ နာလည်းနာ၊ ဆာလည်းဆာ၊ ရေလည်းငတ်နဲ့မို့ အတော်လေး ပင်ပမ်းနေပါတယ်။ ကွပ်ပြစ်ပေါ်တုံးလုံးလှဲချမလို့လုပ်တုန်း ရှေ့နံရံသစ်သားချောင်းပေါ်မှာ တခုခုနဲ့ခြစ်ပြီးရေးထားတာလိုလိုတွေ့တာနဲ့ အသာရွှေ့ပြီးဖတ်ဖို့လုပ်ပါတယ်။  အချွန်တခုခုနဲ့ ကသောကမျောခြစ်ထားတာမို့ မထင်မရှားနဲ့ဖြစ်နေပါတယ်။ ဖတ်လို့ရသမျှစာမှာတော့ "၁၉၇၄ ခုက ဒီကိုရောက်တယ်"ဆိုတာကလွဲလို့ ရက်နဲ့လကိုလည်း ပီပီပြင်ပြင်မမြင်ရတော့ပါဘူး။ အမည်ကလည်း စိုးထွန်းလား၊ မိုးထွန်းလား မသဲကွဲတော့ပါဘူး။ စိတ်ထဲမှာတော့ ငါ့အရင် ဒီကိုရောက်ခဲ့သူ တယောက်နေမှာပဲလို့ မှတ်လိုက်ပါတယ်။ ဒီလူ ဘယ်သူလဲ၊ ဘယ်ကလူလဲ၊ ဘာကိစ္စနဲ့ ဒီကိုရောက်ခဲ့တာလဲ၊ ဒီမှာ သူ ဘာတွေများကြုံခဲ့ရသလဲ၊ ခု ဒီလူသက်ရှိထင်ရှားရှိသေးလား၊ မရှိတော့ဘူးလား၊ ရှိတယ်ဆိုရင်ရော ဘယ်ရောက်လို့ ဘာတွေဖြစ်နေပြီလဲ၊ မရှိတော့ဘူးဆိုရင်ရော ဘယ်လိုမျိုးမရှိတော့တာလဲဆိုတာတွေကို သောင်စဉ်ရေမရတွေးနေမိပါတယ်။

        နောက်တော့ ရေငတ်နေတာနဲ့ အခန်းတံခါးကို ၃ ချက်ဆင့်ခေါက်၊  နောက်ပြန်လှည့်ပြီးထိုင်နေတုန်း တံခါးပေါက်က Shutter ဖွင့်သံနဲ့ “ဘာလဲ” ဆိုတဲ့အသံကြားလိုက်ရပါတယ်။ ရေသောက်ချင်လို့ပါလို့ ပြောတော့ “ခဏနေဦး အရေးထဲ“ဆိုပြီး တအောင့်လောက်ကြာတော့ တံခါးဖွင့်သံနဲ့အတူ အခန်းထောင့်မှာ လေးလေးပင်ပင်အရာတခုခုကိုချနေတဲ့အသံတွေ ကျနော်ကြားနေရပါတယ်။ နောက်တော့မှ “ရေကို လိုသလောက်ခပ်သောက်၊ ပိုလို့ကြမ်းပေါ် ဟိုသွန်ဒီသွန်မလုပ်နဲ့“ လို့ပြောပြီး ပြန်ထွက်သွားတော့မှ အခန်းထောင့်မှာသောက်ရေအိုးတလုံး၊ စစ်ပန်ကန်ပြားနဲ့ဖုံးပြီး စစ်မတ်ခွက်တလုံး မှောက်လျှက်တင်ထားတာ တွေ့လိုက်ရပါတယ်။ အဖုံးကိုဆွဲလှန်ပြီးအိုးထဲကြည့်လိုက်တော့ အိုးအပြည့်နီးပါးဖြည့်ထားတဲ့ရေဟာ ကြည်လင်အေးမြနေတာမို့ ကျနော့်ရေသောက်ချင်စိတ်ကိုဘယ်လိုမှတားမရအောင် ဖြစ်လာပါတော့တယ်။ ဒါနဲ့ ခွက်ကိုမယူပြီး အိုးထဲနှစ်ခပ်လိုက်ပါတော့တယ်။

နောက်တပတ်ဆက်ပါဦးမယ်။

ကျနော်မျိုးမြင့်ပါခင်ဗျား။

မျိုးမြင့်။