ဖွဲ့စည်းပုံပျက်ခြင်း အလံလဲခြင်း(မျိုးမြင့်ချို)

(၄၇)ဖွဲ့စည်းပုံအခြေခံဥပဒေဟာာ (၆၂)စစ်အာဏာသိမ်းမှာအသက်ငင်ပြီး (၇၄)ဖွဲ့စည်းပုံအစားထိုးတာမှာ ဇိဝိန်ချုပ်တယ်။ (၇၄)ဖွဲ့စည်းပုံဟာ (၈၈)အရေးတော်ပုံမှာအကွပ်မျက်ခံရပြီး (၂ဝဝ၈)ဖွဲ့စည်းပုံနဲ့ဖုတ်ကျည်းသင်္ဂြိုဟ်ခံရတယ်။ ခု(၂ဝဝ၈)ကတော့ (၉ဝ)ရလဒ်ကိုစတေးပြီး ဘယ်တော့ နိဌိတံမလဲ။

(၄၇)ဟာ ဗိုလ်အောင်ဆန်း အမှူးပြုတဲ့ တိုင်းပြုပြည်ပြုလွှတ်တော်ကဆွဲတာ။ လွှတ်တော်ကိုယ်စားလှယ်တွေက (ပြဿနာအချို့ရှိတာ မှန်ပေမယ့်) လူထုကရွေးကောက်တင်မြှောက်ခဲ့တာ။ (ဖဆပလ ဆိုရှယ်ဒီမိုကရက်တွေ ခြေရှုပ်ခဲ့တာအထင်အရှားရှိပေမယ့်) ပါတီစုံ ဒီမိုကရေစီ၊ ဖက်ဒရယ်မူနဲ့ အရင်းရှင်စီးပွားရေးစနစ်ကို ဦးတည်တာ။

(၇၄)ဟာ စစ်ဗိုလ်တွေ ဆွဲတာ။ တနည်းပြောရရင် သေနတ်ခါးချိတ်ပြီးစစ်မိန့်နဲ့ဆွဲတာ။ လူထုဆန္ဒမပါ။ လူထုကိုယ်စားလှယ်တွေ ဆွဲတာမဟုတ်။ တစ်ပါတီအာဏာရှင်စနစ်၊ တစ်ပြည်ထောင်မူနဲ့ ပြည်တွင်းဖြစ် လက်လုပ်ဆိုရှယ်လစ်ဝါဒကို ဦးတည်တယ်။

(၂ဝဝ၈)ဗိုလ်သန်းရွှေစစ်နန်းဆက်က ဆွဲတာ။ သူ့လူတွေနဲ့အတူ (ခေါင်းခေါက်ရွေးထားတဲ့) လူထုကိုယ်စားလှယ်တချို့ကို သေနတ်နားထင်တေ့ပြီး ဆွဲတာ။ တနည်းပြောရရင် (၉ဝ)ရွေးကောက်ပွဲရလဒ်ကိုသားမယားပြုကျင့်ပြီး အလိုမတူတဲ့ကိုယ်ဝန် ဆောင်ခိုင်းတာ။ ပေါ်စေပျောက်စေပါတီစုံ၊ ဒီမိုကရေစီအရေခြုံ၊ တစ်ပြည်ထောင်မူနဲ့စစ်အုပ်စုစစ်ခရိုနီ အကျိုးစီးပွားကာကွယ်ရေးစနစ်ကိုဦးတည်တယ်။ ထူးခြားချက်က စစ်အာဏာကိုပါတီတွေကဦးခိုက်ရပြီး စစ်အုပ်စုမကြိုက်ရင် နောက်ပြန်လှည့် (စစ်အာဏာသိမ်း)ခွင့် တရားဝင်ယူထားတာ။

(၄၇)ဖွဲ့စည်းပုံကို စစ်ဗိုလ်တွေဖျက်တာ။ တနည်းပြောရရင် စစ်အာဏာကဖျက်တာ။ အာဏာလက်ရှိက ဖျက်တာ။

(၇၄)ကျတော့ လူထုက ဖျက်တာ။ တနည်းပြောရရင် အာဏာလက်မဲ့အာဏာ Powerless Power ကဖျက်တာ။

(၂ဝဝ၈)ကျတော့ရော ဘယ်ကြမ္မာနဲ့တိုးမလဲ။ ဘယ်သူ့အဖျက်ခံရမလဲ။

ဗမာပြည်မှာ လွတ်လပ်ရေးကာလကနေ ဒီနေ့အထိ ဖွဲ့စည်းပုံနဲ့အလံ(၃)ကြိမ်ပြောင်းတယ်။ ဖွဲ့စည်းပုံပြောင်းတာနဲ့အလံလဲတာမှာ စစ်အုပ်မှာအတွေ့အကြုံရှိသလို လူထုမှာလည်းရှိတယ်။ စစ်အုပ်စုအလိုတော်ရိတွေ၊ အကြံပေးတွေ၊ အခါတော်ပေးတွေက စစ်အာဏာအကျိုးစီးပွားကိုမထိပါးမယ့် ပြင်ရေးကိုနှပ်ကြောင်းပေးတယ်။ ဒါကို တပ်ကလည်း အကြိုက်တွေ့တယ်။ နိုင်ငံရေးပါတီတွေ (လွှတ်တော်ဝင်)ကလည်း လူထုကို မသိမသာအဲ့ဒီလမ်းကြောင်းဘက် ကြောင်းပေးနေတာတွေ့တယ်။ စဆွဲကတည်းက လူထုဆန္ဒနဲ့ဆွဲတာ မဟုတ်မှန်းလည်းသိတယ် စစ်လွှတ်တော်နဲ့စစ်အာဏာရှေ့မှောက်မှာကာကွယ်စောင့်ရှောက်ပါ့မယ် ကျမ်းကျိန်ပြီး ခုမှ (ပြင်ချင်လား မပြင်ချင်ဘူး လားကို) လူထုဆန္ဒမေးမြန်းကြည့်ရဦးမယ်လုပ်တာဟာ နိုင်ငံရေးစင်ကြယ်မှုကင်းတဲ့အပြုအမူပဲ။ (လက်နက်ကိုင်ဖြစ်ဖြစ် မကိုင်ဖြစ်ဖြစ်) လူမျိုးစုတွေနဲ့ လွှတ်တော်ပြင်ပအင်အားစုတွေက ဖျက်ပြီးအသစ်ရေးဖို့တင်တယ်။ ဘယ်အတိုင်းအတာထိဖြစ်မလဲ မဖြစ်ဘူးလဲကတော့ ဆဝါးဖို့ ခက်နေသေးတယ်။

ဒါပေမယ့် မှတ်ထားပါ။ ထပ်ပြောချင်ပါတယ်။ သမိုင်းရေးဖြစ်ပေါ်တိုးတက်မှုတွေဟာ(သမိုင်းဆိုင်ရာအလှည့်အပြောင်းတွေဟာ) အာဏာလက်ရှိတွေရဲ့စိတ်အလိုနဲ့ကင်းကွာပြီးမှဖြစ်တယ်ဆိုတာပါပဲ။ အရေးအကြီးဆုံးအချက်က ဖွဲ့စည်းပုံအခြေခံဥပဒေဖျက်တဲ့ အတွေ့အကြုံဟာ စစ်အုပ်စု(စစ်တပ်)မှာတင်ရှိတာမဟုတ်ဘူး။ လူထုမှာလည်းရှိတယ်ဆိုတာပါပဲ။

မျိုးမြင့်ချို(အောက်တိုဘာ ၁၄၊ ၂ဝ၁၃)