Monday, October 14, 2013

စစ်အမတ်နဲ့စကားစမြည်(အောင်မျိုးထွန်း)

0 comments
စစ်အမတ်နဲ့စကားစမြည်(အောင်မျိုးထွန်း)
(မှတ်ချက် မူရင်းရေးသူက ဖေ့စ်ဘွတ်ခ်မှာ စတေးတပ်စ်အနေနဲ့ရေးတာဖြစ်ပြီး ဘာခေါင်းစဉ်မှပေးမထားပါ။ မိမိဘာသာပေးထားတဲ့ခေါင်းစဉ်ဖြစ်ပါတယ်။ မျိုးမြင့်ချို)
လွန်ခဲ့တဲ့ ၁ နှစ်လောက်တွေ့ခဲ့တုန်းက သူဟာ အမတ်တစ်ဦးဖြစ်ပါတယ်ဆိုပြီး ငယ်ရင်းပေါင်းဖော်သူငယ်ချင်း မိတ်ဆက်ပေးလို့ နေပြည်တော်လွှတ်တော်စစ်အမတ်တစ်ယောက်နဲ့ လက်ဖက်ရည်ဆိုင်တစ်ဆိုင်မှာ ခဏတာဆုံခဲ့ဖူးတဲ့သူက ကျွန်တော်နဲ့ထပ်မံတွေ့ဆုံလိုကြောင်းဆန္ဒရှိနေတာကြောင့် ဒီကနေ့မှာတော့ သူငယ်ချင်းရဲ့ယောက်ဖတော်စစ်အမတ်ကို နောက်တစ်ကြိမ်တွေ့ဖြစ်ခဲ့ကြပါတယ်။

စစ်ဘောင်းဘီချွတ်အမတ်များ၊ အာဏာရပါတီအမတ်များထက်စာရင် စစ်အမတ်နဲ့စကားပြောချင်စိတ်လည်း ကိုယ့်မှာထက်သန်နေတာကြောင့် ရန်ကုန်မြို့တစ်နေရာမှာတွေ့ဆုံတုန်း သူက ဓာတ်ပုံရိုက်ခြင်း၊ အသံဖမ်းခြင်း၊ ရေးခြစ်မှတ်သားခြင်းနဲ့ အမည်သညာထုတ်ဖော်ခြင်းမပြုဖို့ ဦးစွာ မေတ္တာရပ်တဲ့အတွက် အဆိုပါကိစ္စများကို ကိုယ့်ဘက်ကမလုပ်နိုင်ပေမယ့် အပြန်အလှန်ပြောဆိုမှုတွေအတွက် ကျေနပ်အားရ မိခဲ့ပါတယ်။

စစ်အမတ်ဖြစ်လာဖို့ဘယ်အကြောင်းများကိုအခြေခံပြီး ကာ/ချုပ် ကရွေးချယ်ခဲ့ပါသလဲဆိုတဲ့အမေး ကို နောက်တန်းအထိုင်တပ်များနဲ့ အုပ်ချုပ်ရေးပိုင်း၊ သက်မွေးမှုပညာရပ် (စစ်ဆရာဝန်၊ စစ်အင်ဂျင်နီယာ) ကျွမ်းကျင်သူတွေကို ရွေးချယ်တာဝန်ပေးတယ်လို့ယူဆကြောင်း ပြန်လည်ဖြေဆိုပါတယ်။ ဒါနဲ့တစ်ဆက်တည်း လွှတ်တော်သက်တမ်းတလျှောက် အယောက် (၂ဝ)ခန့်သောစစ်အမတ်များသာ မလှုပ်မရွှေ့နေရာတည်မြဲခဲ့ပြီး ကျန်တဲ့စစ်အမတ်အများစုဟာ ကာ/ချုပ်အမိန့်နဲ့ လွှတ်တော်ထဲ ဝင်စို့ထွက်စို့အလုပ်ခံနေရတယ်လို့ဆိုပါတယ်။

အခြားသောအမတ်များ (မဲခိုးခိုး မဲမှန်မှန်)ဟာ ဘာဘဲဖြစ်ဖြစ် ပြည်သူလူထုကရွေးချယ်လို့ အမတ်နေရာရခဲ့တာဖြစ်တယ်ဆိုပြီး အရပ်သားအမတ်များကြားမှာဂုဏ်ယူစွာပြောဆိုနေချိန်မှာ စစ်အမတ်များအနေနဲ့ ပြည်သူ့ရွေးချယ်မှုမပါဝင်ဘဲ လူတစ်ဦးတစ်ယောက်ကဂုတ်ဆွဲပြီး “အခန့်သားဝင်ထိုင်စေ” စနစ်ကြောင့် အမတ်ဖြစ်လာခဲ့ရမှုအပေါ်သိမ်ငယ်အရှက်ရစိတ်ဖြစ်နေ ပါသလားဆိုတဲ့ အမေးကို ဖြစ်စရာရှိတယ်လို့ကိုမစဉ်းစားမိတဲ့အပြင် စစ်တပ်ကိုယ်စားပြုပါဝင်မှုဟာ မြန်မာပြည်နိုင်ငံရေးကိုထိန်းကြောင်းဖို့ မဖြစ်မနေလိုအပ်မှာသေချာကြောင်းပြန်ဖြေပါတယ်။

၂ဝဝ၈ ဖွဲ့စည်းပုံကိုပြင်ဆင်ရေးကိုသာအားစိုက်သင့်ပြီး အသစ်ရေးဆွဲရေးဟာ စစ်တပ်ကို အာဏာသိမ်းချင်အောင်ဖိတ်ခေါ်ဘိသကဲ့သို့ဖြစ်နေတဲ့အတွက် ပြည်သူတွေပြင်ချင်တဲ့အပိုဒ်အခန်းများကို ဆန္ဒပြုပြီးသကာလ လွှတ်တော်သို့တင်ပြရမှာဖြစ်ကြောင်းကိုလည်း ထူးမခြားနား ကြားလိုက်ရချိန်မှာဖွဲ့စည်းပုံထဲက ပြင်ဆင်ရေးအခန်းမှာပါတဲ့အချက်အလက်တွေအရ ပြင်ဆင်ရေးဟာ ပြည်သူတွေ ဘယ်လောက် ဒင်းကြမ်းပြည့်လိုလားပါစေဦး စစ်အမတ်တွေနဲ့၊ စစ်တပ်ကျောထောက်နောက်ခံပြုထားတဲ့ စစ်အာဏာရှင်စနစ်ကပါက်ဖွားသန္ဓေတည်လာတဲ့ကြံ့ဖွံ့ပါတီအမတ်တွေထောက်ခံမှုမရဘူးဆိုရင် ပြင်ဆင်ရေးဟာအလုပ်မဖြစ်နိုင်ကြောင်းနဲ့ စစ်အုပ်စုကိုထိခိုက်နစ်နာစေမှာမဟုတ်တဲ့ သာမြင်ညောင်ညပြင်ဆင်ရေးကိစ္စများအတွက်သာ စို့စို့ပို့ပို့အရာရောက်နိုင်မယ်ဖြစ်ကြောင်း ကိုယ့်ရဲ့တုန့်ပြန်မှုကို သူက နားစိုက်ထောင်နေချိန်မှာ အခုရော စစ်တပ်က ၂ဝဝ၈ ဖွဲ့စည်းပုံအားကိုးနဲ့ အနုနည်းဆန်ဆန်အာဏာသိမ်းထားတာမဟုတ်ဘူးလားလို့ ထပ်ဆင့်မေးခွန်းထုတ်လိုက်တဲ့အခ စစ်အမတ်က ရယ်မောနေပါတယ်။

ပြည်တွင်းငြိမ်းချမ်းရေးနဲ့ပတ်သက်ပြီး အတော့်ကိုသဘောကွဲလွဲမှုကြီးမားတဲ့ အပြန်အလှန်ပြောဆိုခြင်းတွေ ရှိခဲ့ပါတယ်။ ဒါကလည်း စစ်သားတစ်ယောက်ရဲ့ခံစားမှုနဲ့တိုက်ရိုက်ဆက်နွယ်နေတဲ့အရေးမို့  စစ်အမတ်ဘက်ကအမြင်တွေဟာ အရင်အာဏာရှင်စနစ် တိတိပပအုပ်စိုးတဲ့ကာလများက ပြန်ကြာရေးဌာနပိုင် ဝါဒဖြန့်ချိရေးအမျိုးမျိုးကထုတ်လွှတ်တဲ့လေသံ ရပ်တည်ချက်အမြင်အတိုင်း ဘာမှထူးထူးခြားခြားပြောင်းလဲလာတဲ့ပြောဆိုမှုမျိုးကို မကြားခဲ့ရပါ။ အပစ်မရပ်တဲ့တိုင်းရင်းသားလက်နက်ကိုင်အဖွဲ့များ(အထူးသဖြင့် ကချင်နဲ့  ဝ)ကိုပင်းပြင်းထန်ထန် တစ်ဖက်စောင်းနင်းပြောဆိုတိုက်ခိုက်တာမျိုးကို ကြားလိုက်ရပါတယ်။ ကေအိုင်အိုနဲ့ကချင်တပ်ဟာ ကချင်လူထုကိုကိုယ်စားမပြုကြောင်းနဲ့ ငြိမ်းချမ်းရေးမဖြစ်မှသာ မိမိအကျိုးစီးပွားအတွက် အထောက်အကူပြုမှာဖြစ်ကြောင်းကို စစ်အမတ်ကပြောဆိုသွားတော့
ကိုယ်ကလည်း ဗမာစစ်တပ်ကရော ဗမာလူမျိုးတွေရဲ့ထောက်ခံလိုလားမှုဘယ်လောက်တောင်ရနေသလဲ၊ မဲပုံးထောင်ပြီး အဖြူအမည်းသိအောင်လူထုဆန္ဒခံယူကြည့်ပါလားလို့ ချက်ချင်းပြန်ပက်တော့ စစ်အမတ်က သူတို့စစ်တပ်လည်း ပြည်သူအကြိုက်စစ်တပ်မဟုတ်ဘူး ဆိုတာကိုတော့မငြင်းမဆန် လက်ခံခေါင်းညိမ့်ခဲ့တာကို ကြားလိုက်ရပါတယ်။

ဒါဆိုရင် ပြည်တွင်းစစ်အပြုတ်မတိုက်နိုင်တာ တကယ်ဘဲမနိုင်လို့လား၊ မီးမွှေးထားပြီး စစ်တပ်ရဲ့အခန်းကဏ္ဍကို ပြည်သူတွေအာရုံကျလာအောင် တမင်ရည်ရွယ်ချက်ရှိရှိ ပြည်တွင်းစစ်ကိုဆွဲဆန့်ထားချင်လို့လားလို့ ကိုယ်ကပြန်လှန်မေးတဲ့အခါ သူတို့ရဲ့နောက်မှာ တရုတ်တို့ ထိုင်းတို့က အားပေးအားမြှောက်လုပ်နေလို့ အပြတ်ရှင်း၍မရပါကြောင်း ပြောပါတယ်။ ဒီအခါ အဲဒီတရုတ်အစိုးရကဘဲ စစ်အာဏာရှင်အစိုးရနဲ့ အဖက်ဖက်က နိုင်ငံရေးစီးပွားရေးအရ ဖက်လှဲတကင်း ပလူးပလဲဆက်ဆံရေးတွေ တောက်လျှောက်ရှိခဲ့တာမဟုတ်လားလို့ ကိုယ်ကမေးတော့ ဒါဟာ နိုင်ငံတိုင်းရဲ့အစိုးရတွေဟာ သူတို့နိုင်ငံအကျိုးစီးပွားအတွက် မည်သည့်အုပ်စု၊ မည်သည့်အဖွဲ့အစည်းကိုမဆို ခပ်ပြောင်ပြောင်ဆက်ဆံနေမှာဖြစ်ကြောင်း စစ်အမတ်က ဖြေပြန်ပါတယ်။ ဒီအဖြေမှာတော့ သူနဲ့ကိုယ် အမြင်တူပါတယ်။
ဒါနဲ့ ချက်ချင်းဆိုသလိုဘဲ မိမိတို့တိုင်းပြည်ရဲ့အစိုးရတွေဟာ အထူးသဖြင့် ဗိုလ်နေဝင်းအာဏာသိမ်းပြီးနောက် နိုင်ငံတကာနဲ့ဆက်ဆံတဲ့အခါ
ကိုယ့်တိုင်းပြည်ကိုယ့်လူမျိုးအကျိုးစီးပွားကို ဘာကြောင့်ဦးစားမပေးခဲ့သလဲမေးတဲ့အခါ စစ်အမတ်က သူတို့အကျိုးစီးပွားကိုသာ တစိုက်မတ်မတ်ရှေ့ရှုခဲ့လို့ဖြစ်ကြောင်းနဲ့ ဆယ်သက်ဆယ်ဘဝစားမကုန်အောင် ခိုးယူအကျင့်ပျက်ခြစားနေတာတွေကိုပြောစရာရှိတာမပြောချင်ပေမယ့် နိုင်ငံ့အခြေခံဖွံ့ဖြိုးရေးကိစ္စများဖြစ်တဲ့ တစ်တိုင်းပြည်လုံးမီးထိန်ထိန်လင်းရေး၊ လမ်းပန်းဆက်သွယ်ရေးချောမွေ့လွယ်ကူစွာ သွားလာနိုင်ရေးတို့အတွက် ကောင်းကောင်းကန်းကန်းမလုပ်ဆောင်ခဲ့တဲ့အပေါ် စစ်အမတ်ဟာ အတော်လေးမကျေမချမ်းမြည်တွန်တောက်တီးနေတာကိုတွေ့ရပါတယ်။ ဆိုလိုတာက စစ်ဗိုလ်ချုပ်တွေ ကျိကျိတက်ချမ်းသာကြွယ်မှုအပေါ်နှုတ်ပိတ်ရေငုံပေးမယ်၊“ခိုးလည်းခိုး ပြည်သူအတွက် နည်းနည်းတော့ စွန့်ကြဲပေး” ဆိုတဲ့လမ်းစဉ်ကိုလိုလိုလားလား ပေါ်ပေါက်လိုစိတ်ရှိပုံရပါတယ်။ နည်းမှန်လမ်းမှန် တရားသဖြင့်ပေးတဲ့ဝန်ထမ်းလစာအပြင် အခြားနည်းနဲ့ရတာမှန်သမျှကို လက်သင့်မခံရဘူးဒါဟာ အကျင့်ပျက်လာဘ်စားမှုမြောက်တဲ့အတွက် လုပ်ကိုမလုပ်သင့်ဘူးလို့မမြင်ဘူးလားလို့ ကိုယ်ကပြောတော့ အများမိုးခါးရေသောက်တာကိုးဆိုပြီး လှီးလွှဲချပြောဆိုသွားပါတယ်။

ကရင်လက်နက်ကိုင်ခေါင်းဆောင်တစ်ဦးဖြစ်တဲ့မန်းငြိမ်းမောင်နဲ့ ရှစ်ဆယ့်ရှစ် ငြိမ်း/ပွင့်အဖွဲ့က မင်းကိုနိုင်တို့ကို နိုင်ငံရေးလမ်းကြောင်းမှန်ကန်သင့်လျော်ပေတယ်ဆိုပြီးလည်း မှတ်ချက်ပေးသွားပါတယ်။ ရယ်ဒီကယ်လမ်းပေါ်မလျှောက်ဘဲ ပူးပေါင်းဆောင်ရွက်တဲ့အတွက်
မင်းကိုနိုင်တို့အဖွဲ့အပေါ် အတော်သဘောကျနေပုံကိုသတိပြုမိတယ်။

စစ်အမတ်ပြောတဲ့စကားတွေထဲထူးခြားတာတစ်ခုက ခေတ်အဆက်ဆက်အစိုးရတွေရဲ့လုပ်ရပ်ကို “မှားခဲ့တယ်”လို့ ကြိမ်ဖန်များစွာမှတ်ချက်ပေးတာတွေ့ရပြီး စစ်အမတ်က ဒီလိုပြောပေမယ့် လက်ရှိစစ်ခေါင်းဆောင်(ခင်ဗျားတို့ ဂေါ့ဖားသားမင်းအောင်လှိုင်)အပါအဝင်၊ သမ္မတသိန်းစိန်၊ လွှတ်တော်ဥက္ကဌများ၊ အာဏာရပါတီထိပ်တန်းခေါင်းဆောင်ပိုင်းအားလုံးလိုလိုဟာတစ်ချိန်က အစိုးရများဟာ သူတို့အမြင်နဲ့သူတို့တိုင်းပြည်ကောင်းမယ်ထင်တာကိုလုပ်ခဲ့ပါတယ်ဆိုပြီး “မှားခဲ့ပါတယ်”လို့ဝန်ခံဖို့ရာ တီကောင်ဆားတွန့်သလို အကြောက်ကြီးကြောက်နေတာဘယ်လိုကြောင့်ပါလဲ ဆိုတဲ့မေးခွန်းအပေါ် စစ်အမတ်တစ်ယောက်ပန်မဖြေနိုင်ခဲ့ပါဘူး။ ဒါပေမယ့် သူက အရင်ကလူ ဘာဘဲလုပ်ခဲ့လုပ်ခဲ့ အခုသူ ဘာလုပ်နေသလဲဆိုတာကိုသာကြည့်ပြီးဆုံးဖြတ်ရမယ်လို့ တုံ့ဆိုင်းတုံ့ဆိုင်းပြောပြန်ပါတယ်။ ကိုယ်ကလည်း ပြည်သူတစ်ဦးအနေနဲ့ တိုင်းပြည်နဲ့လူထုကို အမျိုးမျိုးဒုက္ခပေးခဲ့တဲ့လူတွေက သူတို့လုပ်ခဲ့တဲ့အပေါ်မှားယွင်းခဲ့ကြောင်းဝန်ခံဖိ့ ငြင်းဆန်သ၍ သူတို့ရဲ့ဘယ်လိုလုပ်ဆောင်မှုမျိုးမဆိုအယုံအကြည်မရှိကြောင်း၊ ရိုးသားတယ်လို့မထင်ကြောင်း ပြောခဲ့တယ်။

စစ်အမတ်နဲ့ကိုယ်နဲ့ သဘောမျှမိကြတဲ့အချက်က အစိုးသစ်တက်လာပြီးနောက် တိုင်းပြည်မှာ လူသတ်မှုတွေ၊ မတော်မတရာပြုကျင့်မှုတွေ၊ ဘာသာရေးအခြေခံ နေအိမ်အဆောက်အအုံမီးရှို့ဖျက်ဆီးမှု အုပ်စုဖွဲ့သတ်ဖြတ်မှုတွေ စတဲ့တရားဥပဒေလက်လွတ်ထိန်းမနိုင်သိမ်းမရ အရုပ်ဆိုးအကျည်းတန်စေတဲ့ အဖြစ်အပျက်တွေ ဆတိုးဖြစ်ပွားလာနေကြောင်းနဲ့ ဆင်းရဲသားလူမွဲတွေပိုမိုတိုးပွားလာနေတဲ့ အကြောင်းပဲ ဖြစ်ပါတယ်။ သူရောကိုယ်ရော ဒါကိုလက်သင့်ခံပြီး တရားဥပဒေမဲ့ဖြစ်နေတာတွေ ဟာ နောက်ကွယ်ကလက်ရှိနေတာကို သူကလက်ခံပြီး ဒီလို လှုပ်လှုပ်ရှားရှားအခြေအနေကိုနှစ်သက်နေသူတွေ အစိုးရအဖွဲ့နဲ့အာဏာရပါတီအမတ်တွေထဲရှိနေတယ်လို့ ကိုယ်ကပြောတဲ့အခါ စစ်အမတ်က ဒါကို ငြင်းဆန်သွားပြန်ပါတယ်။ ဘယ်သူကနောက်ကွယ်မှာရှိနေသလဲလို့တဲ့တိုးမေးတော့ အကျိုးစီးပွား
ဖြစ်နေသူတွေပေါ့လို့သာ မတင်မကျဖြေသွားပါတယ်။

NLD ပါတီဥက္ကဌဒေါ်စုနဲ့ပတ်သက်ပြီးလည်း ဒီကနေ့တိုင်းပြည်ကို ဒေါ်စုတို့ပါတီတက်အုပ်ချုပ်ကြည့်စေချင်စမ်းပါဘိလို့ ခပ်သောသော
ခပ်ထေ့ထေ့ပြောပြီး ဒေါ်စုတို့အနေနဲ့ ပြည်တွင်းငြိမ်းချမ်းရေးကို ဦးသိန်းစိန်နေရာကဝင်လုပ်ကြည့်တဲ့အခါ အခုလောက်တောင် ခရီးရောက်မယ်လုံးဝမထင်ကြောင်းလည်း ပြောဆိုပါတယ်။ အခု အောင်မင်းတို့လုပ်နေတဲ့ငြိမ်းချမ်းရေးကြိုးပမ်းမှုကို တကယ်ယုံကြည်လားလို့မေးတော့ စစ်အမတ်က ယုံတယ်လို့ဖြေပါတယ်။ ပြည်တွင်းစစ်လုံးဝရပ်စဲပြီးလူထုမျှော်လင့်တဲ့ငြိမ်းချမ်းရေးပန်းတိုင်သို့ ရောက်နိုင်မယ် ထင်သလားဆိုတော့ မထင်ဘူးလို့ဖြေပြန်ပါတယ်။ ဘာ့ကြောင့်လဲထပ်ဆင့်မေးတဲ့အခါ အစုအဖွဲ့အားလုံးဟာ မိမိတို့အကျိုးအတွက်လုပ်နေကြပြီး ပြည်သူတွေကိုမက်လုံးလောက်သာပေးပြီး အသုံးချနေလို့ဖြစ်ကြောင်း ဆိုပြန်ပါတယ်။ ဒီအထဲမှာ စစ်အမတ်တွေရဲ့ မိခင်ဖခင်လို့သတ်မှတ်နိုင်တဲ့ စစ်တပ်ရောပါပါသလားမေးတဲ့ အခါ “ပါတာပေါ့ဗျာ”လို့မဆိုင်းမတွပြောပြီး တိုင်းပြည်ရှေ့ရေးရင်လေးစရာလို့လည်း စစ်အမတ်က ခိုညည်းသကဲ့သို့ပျင်းရိပျင်းတွဲလေသံနဲ့ ပြောဆိုသွားခဲ့ပါတယ်။

ပြောဆိုမှုတွေဟာ ၂ နာရီနီးပါးကြာခဲ့ပြီး တွေ့ခဲ့ရတဲ့ အနှီစစ်အမတ်ဟာ သိပ်ပြီး စစ်ကြောင်ကြောင် ကြွတက်လွန်းတဲ့ စစ်ရူးစစ်မူးတစ်ယောက်မဟုတ်ချေလို့မှတ်ချက်ပေးနိုင်သော်ငြား ကိုယ့်စိတ်ထဲမှာတော့ သူ့ရဲ့အဓိက နိုင်ငံရေးရပ်တည်ချက်တွေဟာ စစ်အုပ်စု စစ်ဝါဒကြီးစိုးမှု
လျော့ပါးနောက်ဆုတ်ရေးအတွက် မျက်နှာမူမနေဘူးလို့သာ ယူဆမိတယ်။
https://www.facebook.com/aungmyo.tun.52


0 comments:

Post a Comment