သခင်အောင်ဆန်းနဲ့မရင်အေးတို့ ဇာတ်လမ်း(သခင်တင်မောင်-ကျုံမငေး)

သခင်အောင်ဆန်းနဲ့ မရင်အေးတို့ ဇာတ်လမ်း သခင်အောင်ဆန်းအတွက်ကတော့ မြစ်ဝကျွန်းပေါ် ရွာကြီးတစ်ရွာက မြေပိုင်ရှင်စက်သူဋ္ဌေး သမီးကလေး မရင်အေးကို ကျွန်တော်ရွေးပါတယ်။ မရင်အေးကို ရွေးရတဲ့အကြောင်းရင်းကတော့ မရင်အေးဟာရုပ်ရည်ချောသလောက် သဘောလည်းကောင်းတယ်။ စိတ်လည်း ရှည်တယ်။ ပြီးတော့ သူ့မှာ အုပ်ထိန်းသူဆိုလို့ အမေတယောက်တည်းပဲရှိတယ်။ အမွေဆိုင်ကလည်း မောင်လေးတယောက်ပဲ ရှိတယ်။ အဲဒီ မောင်ကလေးကလည်း ကျွန်တော်တို့ ဒို့ဗမာအစည်းအရုံးဝင်သခင်တယောက် ဖြစ်တယ်။ သခင်အောင်ဆန်းနဲ့လည်း ရင်းနှီးတယ်။ သခင်အောင်ဆန်းကိုလည်း ကျောင်းသားဘဝကတည်းက ကြည်ညိုလေးစားခဲ့သူဖြစ်တယ် ဆိုပြီး ရွေးချယ်လိုက်တာပါပဲ။

သခင်အောင်ဆန်းနဲ့မရင်အေးတို့ဇာတ်လမ်းကလေးဟာ တော်တော်ကလေးရင်နင့်စရာကောင်းတဲ့ အဖြစ်အပျက်ကလေးလို့ဆိုလိုက်ချင်ပါတယ်။ ဒီဇာတ်လမ်းကလေးဟာ ကာယကံရှင်တွေမဆိုထားနဲ့၊ စပ်ကြားက ဇာတ်ဆရာလုပ်မိတဲ့ကျွန်တော်တောင်မှ ရင်နာခဲ့ရပါတယ်။ ဒီနေရာမှာ ဇာတ်လမ်းအစ ကို ပြန်ကောက်ရပါလိမ့်မယ်။ သခင်အောင်ဆန်းဟာ အခုလို ဘဝကြင်ဖေါ်ဖူးစာဘက်ကို ရှာဖို့တို့၊ ဘာတို့ကို လုံးဝစိတ်ဝင်စားခဲ့တဲ့လူမဟုတ်ပါဘူး။ သူ့စိတ်ဟာ ဟိုတချိန်တုန်းက ဖြစ်ပေါ်နေတဲ့ နိုင်ငံရေးအခြေအနေနဲ့ ဗမာပြည်သူတရပ်လုံးရင်ဆိုင်နေရတဲ့ပြဿနာတွေထဲမှာဘဲ အာရုံစူးစိုက်နေရတဲ့လူဖြစ်ပါတယ်။

ဘေးကရဲဘော်တွေက ဒီလို ဒီလိုလုပ်ရမယ်ဆိုလို့သာ သူကသဘောတူလိုက်ရတယ်။ သူ့သဘောကတော့ ဒီကိစ္စကို ရေးကြီးခွင်ကျယ်မထားဘူး။ ဒီကိစ္စဟာ လုပ်ဖြစ်ချင်မှလုပ်ဖြစ်ချင်မှလုပ်ဖြစ်မှာဘဲလို့လဲ သဘောထားဟန်တူပါတယ်။ ဘာကြောင့်လည်းဆိုတော့ မော်လမြိုင်ညီလာခံပြီးတဲ့နောက် တလကျော်လောက်အကြာမှာ ကျွန်တော် ရန်ကုန်ကိုရောက်လာပါတယ်။ သခင်အောင်ဆန်းအတွက် မှန်းထားတဲ့သတို့သမီး မရင်အေးရဲ့ဓာတ်ပုံကိုလည်း မရင်အေးတို့မြို့ကိုသွားပြီး ယူခဲ့ပါတယ်။

မရင်အေးနဲ့တွ့တော့လည်း ကျွန်တော့်အပေါ်မှာ အစ်ကိုအရင်းလို ခင်မင်နေတဲ့မိန်းခလေး ဖြစ်တဲ့အတွက် ကျွန်တော်က ....ဟေ့ ... မရင်အေး ၊ ညည်းရဲ့နောင်ရေးအတွက် အကိုကြီး အစီအစဉ်တခုလုပ်နေတယ်။ ညည်းဘာမှ ဂျီးမများရဘူးနော်။ အကိုကြီးသဘောအတိုင်းစီစဉ်လိုက်မယ်။ ညည်းဓာတ်ပုံတပုံသာ ပေးလိုက်ပေတော့
မရင်အေးက ရှက်ကိုး ရှက်ကန်းနဲ့ ....ဟာ ... အကိုကြီးကလည်း ရှက်စရာကြီး။ ညီမအတွက် ဒီလို အလုပ်မျိုးကိုလုပ်နေရသလားလို့ပြောပြီး သူ့ဓာတ်ပုံကိုထုတ်ပေးလိုက်ပါတယ်။ ဒို့ဗမာအစည်းအရုံးဌာနချုပ် မှာ သခင်အောင်ဆန်းနဲ့တွေ့ကြတော့ ကျွန်တော်က ...ကဲ ... ဆရာကြီး ၊ ခင်ဗျားနဲ့မှန်းထားတဲ့ သတို့သမီးလောင်းကလေးရဲ့ဓာတ်ပုံကိုယူလာခဲ့တယ်။ ခင်ဗျားကတော့ ကြိုက်သလား ၊ မကြိုက်ဘူးလား မသိဘူး။ ကျွန်တော့်မှာတော့ တကူးတကန့်သွားယူခဲ့ရတယ်။ ထမင်းကြွေးမယ်သာကြံပေတော့လို့ပြောလိုက်တော့ သခင်အောင်ဆန်းက ....
ဟေး ... ခင်ဗျားတို့ ဒီကိစ္စကို တစ်ကယ်လုပ်နေကြတာလား။ ကျုပ်က ဒီကိစ္စဟာ အလကားပြောနေကြတာလို့ ထင်နေတာဗျ။ မော်လမြိုင်မှာပြောပြီးကတည်းက ကျုပ်ဖြင့် တခါမှ မစဉ်းစားမိပါဘူးဗျာ ´´

သခင်အောင်ဆန်းဟာ အိမ်ထောင်ရေးထက် ဗမာ့လွတ်လပ်ရေးကိုသာ အလေးအနက်ထားတယ်ဆိုတာဟာ ထင်ရှားပါတယ်။ နောက်ပြီး သခင်အောင်ဆန်းက ပြောသေးတယ်။ အဟုတ်ပြောတာပါဗျာ။ ကျုပ်တော့ မိန်းမယူဖို့စိတ်မကူးသေးဘူး။ ခင်ဗျားတို့ပြောတာတွေကိုလည်း မယုံမိဘူး။ အခု ခင်ဗျားက ဓာတ်ပုံတွေ ဘာတွေယူလာတော့ အပျက်ပျက်နဲနှာခေါင်းသွေးထွက် ဆိုသလိုများ ဖြစ်နေတာလားဗျလို့ပြောပြီး ဓာတ်ပုံကို သေသေချာချာစိုက်ကြည့်နေပါတယ်။ ပြီးတော့ သက်ပြင်းရှည်ကြီးချလိုက်ပြီး ....
“ခက်တာပဲဗျာ။ သူကလေးကိုမြင်ရတာ ကျွန်တော်လိုကောင်နဲ့မတန်ပါဘူးဗျာ။ သနားစရာကောင်းပါတယ်။ ကျုပ်တို့က ရှေ့လျှောက်ပြီး ဘာတွေလုပ်လို့ ဘာတွေဖြစ်မယ်မှန်းမသိနိုင်တဲ့လူစားတွေဗျ။ သူတို့လို နုနုနယ်နယ်ကလေးတွေနဲ့ ကျုပ်တို့ရဲ့ခရီးကြမ်းနဲ့ မဖြစ်သေးပါဘူးဗျာ။ ပြီးတော့လည်း ကျုပ်တို့က တစ်ကယ့်မေတ္တာနဲ့ချစ်လို့ ကြံစည်ကြတာလည်းမဟုတ်။ သူ့ကိုယူပြီး သူ့ပိုက်ဆံနဲ့ နိုင်ငံရေးလုပ်ဖို့ကြံကြတာ။ ဒါဟာ မတရားဘူးဗျ။ မှန်လည်း မမှန်ဘူးလို့ဇွတ်ငြင်းနေပါတော့တယ်။

အဲဒီလိုနဲ့ နောက်မကြာခင်မှာပဲ မရင်အေးတို့ခရိုင်မှာ ဒို့ဗမာအစည်းအရုံးညီလာခံကျင်းပတယ်။ အဲဒီ ညီလာခံကို သခင်အောင်ဆန်းနဲ့ကျွန်တော်တို့နှစ်ယောက် ဌာနချုပ်ကိုယ်စားလှယ်အဖြစ် တက်ရောက်ကြပါတယ်။ ကျွန်တော်ကတော့ ညီလာခံကိုသွားကတည်းက စိတ်ထဲမှာ တချက်ခုတ်၊ နှစ်ချက်ပြတ်သဘောနဲ့တက်ခဲ့တာ ဖြစ်ပါတယ်။

ညီလာခံအပြီးမှာ မရင်အေးတို့အိမ်ကို ကျွန်တော်တို့သွားကြပါတယ်။ ညီလာခံကျင်းပတဲ့မြို့နဲ့က သိပ်မဝေးလှဘူး။ မရင်အေးတို့အိမ်ရောက်လို့ မရင်အေးကိုလည်းတွေ့လိုက်ရော၊ သခင်အောင်ဆန်းဟာ မျက်စိပျက် ၊ မျက်နှာပျက်နဲ့ ....ဟေ့လူ .. ဘယ်လိုလုပ်လိုက်တာလဲ။ ခင်ဗျား ကျွန်တော့်ကို တကယ် ဂျောက်ကျအောင်လုပ်နေပြီထင်တယ်လို့ ပြောပါတယ်။
မရင်အေးခမြာမှာတော့ ဘာအကြောင်းမှ မသ်ိရှာသေးဘူး။ သူ့ ဓာတ်ပုံကို ကျွန်တော်ယူလာတုန်းက ဘယ်သူဘယ်ဝါကိုပြဖို့ဆိုတာမပြောခဲ့တော့ အခြေအနေမပျက်၊ ကျွန်တော်တို့စားဖို့၊ သောက်ဖို့တွေကိုသာ လုပ်ကိုင်နေရှာပါတယ်။ မရင်အေးတို့အမေကြီးကတော့ ကျွန်တော်တို့လူငယ်တွေ လွတ်လွတ်လပ်လပ်နေကြနိုင်အောင် ဘုန်းကြီးကျောင်းကိုထွက်သွားပါတယ်။ အကြောင်းမသိသေးတဲ့ မရင်အေးကအိနြေ္ဒမပျက်ပေမယ့် သခင်အောင်ဆန်းကတော့ မနေတတ်၊ မထိုင်တတ်နဲ့ အိမ်အပြင်ဘက်ကိုသာစိုက်ကြည့်နေပြီး ငိုင်နေရှာပါတယ်။
ထမင်းစားသောက်ပြီးတော့ ကျွန်တော်တို့နှစ်ယောက်က အိမ်ခေါင်းရင်းခန်းမှာပက်လက်ကုလားထိုင် နှစ်လုံးနဲ့ ထိုင်နေကြတယ်။ မရင်အေးက လဖက်ရည်ကြမ်းနဲ့ အချို အချဉ်ပွဲလာချတော့မှ ကျွန်တော်က မရင်အေးကို စကားပြောကြရအောင်ဆိုပြီး အနားမှာထိုင်ခိုင်းလိုက်ပါတယ်။ မရင်အေးကလည်း ရိုရိုသေသေ အကိုကြီးအရင်းတွေကို ပြုစုကျွေးမွေးနေရသလို ပြုံးပြုံးရွှင်ရွှင်နဲ့ဘဲ အနားမှာထိုင်ရှာပါတယ်။ ကျွန်တော်က မရင်အေးနဲ့သခင်အောင်ဆန်းကို မိတ်ဖွဲ့ပေးလိုက်ပါတယ်။ မရင်အေးကလည်း သခင်အောင်ဆန်းမှန်း သိပါတယ်။ သတင်းစာထဲမှာ ဓာတ်ပုံကိုမြင်ဘူးပါတယ်လို့ပြန်ပြောလိုက်ပါတယ်။ အဲဒီအချိန်မှာ သခင်အောင်ဆန်းက ဆိုင်းမဆင့် ၊ ဗုံမဆင့် နဲ့ ....“ဒီမယ် ... မရင်အေး ၊ ခင်ဗျား အကိုကြီးသခင်တင်မောင်ဟာ ကောင်းတဲ့လူမဟုတ်ဘူးဗျ။ ခင်ဗျားဓာတ်ပုံကိုယူလာပြီး ကျွန်တော့်ကို ပြတယ်ဗျ။ ကျွန်တော်က ဘာမှသိရတာလည်း မဟုတ်ဘူး။ သူတို့တစ်တွေက အကြံကြီး ကြံနေကြတယ်။ ခင်ဗျားရဲ့ပိုက်ဆံနဲ့ ကျွန်တော် နိုင်ငံရေးလုပ်အောင်ဆိုပြီး စီစဉ်နေကြတယ်ဗျ” လို့ ပြောချလိုက်ရော။
ကျွန်တော်လည်းအံ့အားသင့်နေပြီး ဘာမှ မပြောတတ်အောင်ဖြစ်နေတုန်းမှာ မရင်အေးဟာလည်း တခါထဲ မီးဖိုခန်းထဲကိုဝင်ပြေးပါလေရော။ မရင်အေးနောက်ကို ကျွန်တော်ဝင်လိုက်သွားပြီး အစအဆုံး ကျွန်တော်တို့ရဲ့စီမံကိန်းကို ဖွင့်ဟဝန်ခံလိုက်ပါတယ်။ မရင်အေးကိုလည်း စိတ်မဆိုးဖို့တောင်းပန် ရပြန်ပါတယ်။ မရင်အေးဟာ တော်တော်ကြာကြာကြီးတွေနေပါတယ်။ နောက်တော့ သူ့ဟာသူ အိမ်ရှေ့ခန်းကိုထွက်သွားပြီး သခင်အောင်ဆန်းအနားမှာပဲ သွားထိုင်ပါတယ်။ ကျွန်တော်ကတော့ လိုက်သွားရကောင်းမလား၊ မလိုက်ဘနေရကောင်းမလား ဆိုပြီး ဝေခွဲလို့မရခင်မှာဘဲ မရင်အေးက ကျွန်တော့်ကိုလှမ်းခေါ်လိုက်ပါတယ်။ ကျွန်တော်လည်း ထိုင်မိရော၊ မရင်အေးက တည်တည်ငြိမ်ငြိမ်နဲ့ ပြောလိုက်ပုံကတော့ ....“ဒီမယ် ... အကိုကြီး ၊ အကိုကြီးတို့နှစ်ယောက်စလုံးကို အကိုအရင်းလိုပဲ ကျွန်မသဘောထားပါတယ်။ မောင်လေးကလည်း အကိုကြီးတို့ကိုသိပ်ချစ်တယ်။
သိပ်ကြည်ညိုတယ်။ မေမေဆိုတာကလည်း အကိုကြီးတို့တတွေကို အင်မတန်လေးစားပါတယ်။ ဒီတော့ အခုလို အကိုကြီးစီစဉ်တာဟာ ဘာမှအပြစ်ပြောစရာ မရှိပါဘူး။ ဒီကိစ္စမှာ ကျွန်မသဘောကတော့ အကိုအောင်ဆန်းနဲ့ ကျွန်မနဲ့ဟာ မတန်ပါဘူး။ ကျွန်မတို့ဟာ တောသူတွေပါ။ တောမှာနေပြီး တောသူ ပီပီပဲ နေတတ်စားတတ်ပါတယ်။ အကိုအောင်ဆန်းတို့ကတော့ နောက်ဆိုရင် တိုင်းပြည်ရဲ့ခေါင်းဆောင်ကြီးတွေ၊ တိုင်းပြည်အုပ်ချုပ်တဲ့ဝန်ကြီးတွေဘာတွေ ဖြစ်ကြဦးမှာပါ။ ဒီတော့ ကျွန်မတို့လိုတောသူတွေနဲ့ဆိုရင် မဖြစ်ပါဘူး။ ဒီလိုပြောတာဟာ အကိုအောင်ဆန်းကို ကျွန်မ မချစ်လို့၊ မခင်လို့ ပြောတာ မဟုတ်ပါဘူး။ အကိုအောင်ဆန်းတို့ပါရမီကို ညီမလေးတယောက်အနေနဲ့လည်း ဖြည့်လို့ ရပါတယ်။ ပိုက်ဆံလိုချင်ရင်လည်း တောင်းကြပါ။ မေမေသိအောင်တမျိုး၊ မသိအောင်တမျိုးပေးရင်လည်း ပေးလို့ ရပါတယ်။ ကျွန်မရော၊ မောင်လေးကရော အကိုကြီးတို့နိုင်ငံရေးလုပ်တာကို လေးစားနေကြတာပဲ။ နောက်ဆုံး ... အကိုကြီးတို့လိုတဲ့ ငွေက သိပ်များနေရင် မေမေမသိအောင် ညီမပေးမှာပေါ့” လုိ့ ပွင့်ပွင့်လင်းလင်း ပြောလိုက်ပါတယ်။

ကျွန်တော်က ဘယ်လို ပြန်ပြောရမလဲလို့ စဉ်းစားနေတုန်း သခင်အောင်ဆန်းက ....“ဟုတ်တယ်။ ခင်ဗျားပြောတာ မှန်တယ်။ မှန်တယ်ဆိုတာက နိုင်ငံရေးပါရမီကို ဘယ်အနေနဲ့ပဲဖြစ်ဖြစ်၊ ဖြည့်ဆည်းလို့ ရတယ်ဆိုတာကို ပြောတာ။ ခင်ဗျား ပြောသလို ညီမတယောက်အနေနဲ့ပဲဖြည့်ပါမယ်ဆိုတာကို ကြိုက်ပါတယ်။ ဒါပေမယ့် ကျုပ်တို့က ဝန်ကြီးတွေဘာတွေဖြစ်မှာမို့ ခင်ဗျားတို့လို တောသူတွေနဲ့မတန်ပါဘူးဆိုတဲ့ဟာကတော့ မဟုတ်သေးဘူး။ ဝန်ကြီးဆိုတဲ့ကောင်ကရော ဘာကောင်မုိ့လဲ။ မိုးကျရွှေကိုယ်လည်း မဟုတ်ပါဘူး။ တောသားပါပဲဗျ။ တောရွာဇနပုဒ်က တောမှာမွေးခဲ့တဲ့ အကောင်ပါဗျ။ ခင်ဗျားပြောတဲ့ တောသူမို့လို့မတန်ပါဘူးဆိုတဲ့စကားကို ပြန်ရုပ်သိမ်းလိုက်ပါဗျာ” ဆိုပြီး ဟဲ ဟဲ ... ဟဲဟဲ နဲ့ သဘောကျနေပါတော့တယ်။
ကျွန်တော့်ဝမ်းထဲမှာတော့ ကိုယ့်လူက ဒီလိုတော့လည်း အပြေလည်သားပါကလား။ ချစ်ရေးဆိုပုံကလေးကလည်း မခေပါကလားလုိ့ ပီတိဖြစ်လိုက်မိပါတယ်။ ကျွန်တော်တို့ ပြန်ခါနီးမှာ မရင်အေးက သူ့မေမေဆီမှာ ကျွန်တော်တို့အတွက် အထွေထွေသုံးဖို့ငွေ ၁၀၀ကျပ် ပေးလိုက်မယ်လို့ပြောပြီး ကျွန်တော်တို့ကို စာအိတ်နဲ့ထည့်ထားတဲ့ပိုက်ဆံကို ပေးလိုက်ပါတယ်။ သင်္ဘောပေါ်ရောက်လို့ ဖွင့်ကြည့်လိုက်တော့မှ ရာတန် (၃) ရွက်ဖြစ်နေတာကိုတွေ့ရပါတယ်။ ဟိုခေတ်က ငွေ ၃ဝဝ ကျပ်ဆိုတာ နည်းနည်းနောနောတန်ဖိုး မဟုတ်ပါ။

သခင်အောင်ဆန်းနဲ့ မရင်အေးတို့ ဇာတ်လမ်းကတော့ အခုအတိုင်းပဲ အဆင်ပြေပြေနဲ့ စခဲ့ကြတာပါပဲ။ ဒါပေမယ့် မကြာပါဘူး။ အဲဒီညီလာခံမှာ ဟောခဲ့တဲ့တရားကြောင့် သခင်အောင်ဆန်းဟာ ဆုငွေ (၅) ကျပ် အထုတ်ခံရတဲ့ဘဝကို ရောက်ခဲ့ရပါတယ်။ အဲဒီ ဝရမ်းကို ရှောင်ရင်းတိမ်းရင်းကနေပြီး ဗမာပြည်အပြင်ဘက်ကို ရောက်သွားရတယ်။ နောက် ရဲဘော်သုံးကျိပ်ကိုဦးဆောင်လာခဲ့တဲ့ ဗိုလ်ချုပ်အောင်ဆန်း၊ ဗမာ့လွတ်လပ်ရေးတပ်မတော်စစ်သေနာပတိ ဗိုလ်ချုပ်အောင်ဆန်းအဖြစ်နဲ့ ဗမာပြည်ကို ပြန်ရောက်တဲ့အချိန်မှာ မရင်အေးကတော့ မျှော်သလင့်လင့်နဲ့ရှိနေရှာပေမယ့် ဗိုလ်ချုပ်အောင်ဆန်းကတော့ အထက်ဗမာပြည်သ်ိမ်းပိုက်နိုင်ဖို့အတွက် ဆက်လက်စစ်ချီနေရှာပါတယ်။

သခင်တင်မောင် (ကျုံမငေး)
အိုးဝေဂျာနယ် ၊ အမှတ် - ၂၅ ။ (၁၅. ၈. ၁၉၆၉) နေ့ထုတ်မှ
ယူတာက ဒီနေရာကပါ  https://www.facebook.com/pages/Nayt-Thit/481122195257993