(မျက်စေ့ရှေ့တွေ့တဲ့ချစ်ခြင်း)
ကျနော် အိမ်ခန်းတွဲငှားနေတုန်းဖြစ်တာလေး ပြောပြချင်တယ်။ ဟိုနေ့က အပြင်သွားရင်း အဲ့ဒီ လင်မယားနဲ့ဆုံတော့ မှတ်မိပြီးပြန်သတိရတာနဲ့ ခုပြောပြမှာပါ။ ခု သူတို့မှာ သားသမီး ၃ ယောက်နဲ့။
ကျနော် အိမ်ခန်းတွဲငှားနေတုန်းဖြစ်တာလေး ပြောပြချင်တယ်။ ဟိုနေ့က အပြင်သွားရင်း အဲ့ဒီ လင်မယားနဲ့ဆုံတော့ မှတ်မိပြီးပြန်သတိရတာနဲ့ ခုပြောပြမှာပါ။ ခု သူတို့မှာ သားသမီး ၃ ယောက်နဲ့။
ဇာတ်လမ်းက ဒီလို..ငယ်လင်ငယ်မယား။ အသက်တွေကလည်း ရှိလှမှ ၃ဝ စွန်းစွန်းတွေ။ ၂ ယောက်လုံးအဖြူ၊ အလုပ်အကိုင်ရှိတွေ။ (ပြဿနာဖြစ်တဲ့အချိန်တုန်းက) ၁ နှစ်သာသာ သားလေး တယောက်ရှိတယ်။ ကလေးက သူတို့လိုပဲ မျက်လုံးပြာကြည်တောက်တောက်နဲ့ ချစ်ရာလေး။ ယောက်ျားက ဆေးလိပ်သောက်တယ်။ သောက်တာမှ ဖင်မီးခိုးထွက်တယ်ဆိုတဲ့ အစား။ မိန်းမက တခါတလေ ဘီယာလေးဘာလေးသောက်တယ်ပြောတယ်။ ဒီလောက်ပဲ။ ယောက်ျားက ညသန်းကောင် ဆောင်းတွင်းကြီး အပြင်မှာ ရှိသမျှအကုန်အေးခဲနေတာတောင် တရေးနိုးတိုင်း ဆေးလိပ်သောက်တာနဲ့ သူအဆင်ပြေအောင်ဆိုပြီး အခန်းတွင်းဆေးလိပ်သောက် လို့ရတဲ့ အိပ်ခန်းတွဲတွေပါတဲ့ ကျနော်တိုနေတဲ့အပါတ်မင်န့်ကို ပြောင်းလာတာလို့ပြောတယ်။
ဒီမှာက အိမ်ငှားစားသူ(အိမ်ပိုင်ရှင်)အများစုက အိမ်တွင်း အခန်းတွင်းဆေးလိပ်သောက်တာကို မကြိုက်ဘူး။ မသောက်နဲ့လို့မပြောဘူး။ ပြောင်းတော့မယ့်အခါ အခန်းတွင်းဆေးလိပ်နံ့တွေစွဲနေလို့ ကော်ဇောတွေ နံရံတွေ မျက်နှာကျက်တွေ ပြန်ခွာ ပြန်ဆေးသုတ် ပြန်သန့်ရှင်းရေးလုပ်ရမယ်ဆိုတဲ့ အကြောင်းပြချက်နဲ့ အိမ်ငှားတုန်းကတင်ရတဲ့ စဘော်ငွေပြန်မအမ်းတော့ဘူး။ မကျေနပ်လို့ ရဲသွားတိုင်လည်း ငွေကုန်သံပြာပဲအဖတ်တင်တယ်။ တချို့ အိမ်ပိုင်ရှင်တွေကဆို ဆေးလိပ်သောက်ရင် ဘာဖြစ်မယ်ညာဖြစ်မယ်ကို စာချုပ်ထဲ တပါတည်းထည့်ချုပ်တယ်။ တချို့ကတော့ ဆေးလိပ်သောက်ခွင့်မပြုလို့ ချုပ်တယ်။ တချို့ကတော့(ဟော်တယ်လ်တွေလို) ဆေးလိပ်သမားများ အိမ်တွင်းသောက်နိုင်ရန် အခန်းတွေသတ်သတ်ထားတယ်။ ဈေးနည်းနည်း ပိုတယ်။ များသောအားဖြင့် အိပ်ခန်း အတွဲလိုက်ကြီးမှာ ထောင့်ခန်းတွေဖြစ်တယ်။
အဲ့တုန်းက ကျနော်တို့နေတာလည်း ထောင့်ခန်း။ ဒါပေမယ့် အောက်ဆုံးထပ် ဆေးလိပ်မသောက်သူအခန်း။ ဘီးတပ်ကုလားထိုင် ဝင်ရထွက်ရလွယ်အောင် စီစဉ်ပေးထားတယ်။ အပေါ် ၂ ထပ်က ဆေးလိပ်သမားတွေနေဖို့။ ခုပြောတဲ့လင်မယား ပြောင်းလာကာစက မိန်းမက ကိုယ်ဝန်နဲ့။ နောက်တော့ သိတ်မကြာဘူး ကလေးမွေးတယ်။ ကလေးမွေးပြီး သိတ်မကြာဘူး လင်မယား ညဘက်ညဘက် စကားများတာ အော်တာဟစ်တာတွေကြားရတယ်။ ကလေးငိုသံ အူဝဲအူဝဲကလည်း တော်တော်နဲ့မတိတ်ဘူး။ တခါတလေ ဒုန်းဒုန်းဒိုင်းဒိုင်းတွေလည်း ကြားတယ်။ အောက်ခန်းသမားဒုက္ခ ကျနော်တို့ခံရတယ်။ ဒါပေမယ့် အိပ်ရေးပျက်ခံ သည်းခံပြီး နေခဲ့တာပါပဲ။
ဝုန်းဒိုင်းကြဲဆိုပေမယ့် သူ့မိန်းမကို ရိုက်တာနှက်တာတော့ မဟုတ်လောက်ဘူး။ ဒီမှာ မိန်းမ ကလေးစတာတွေကို ရိုက်ပုတ်ရင် အိမ်တွင်းအကြမ်းဖက်မှုနဲ့ ရုံးရောက်ဂါတ်ရောက် ရောက်ရင်မပြီးတော့ဘူး။ သံသရာလည်ပြီး တိုင်ပတ်တော့တာပဲ။ ဆိုတော့ လင်မယားရန်ဖြစ်ရင် ရိုက်ကြသတ်ကြတာမျိုး နှစ်ဘက်စလုံးက တတ်နိုင်သမျှ ရှောင်ကြတာပါပဲ။ ဘယ်သူက ဘယ်သူ့လုပ်လုပ်ဖြစ်ကြပဟေ့ဆို နည်းနည်းပါးပါး ခြွင်းချက်လေးတွေ ရှိတာလောက်ကလွဲပြီး။ ပုဒ်မလည်းအတူတူ ပြစ်ဒဏ်လည်း အတူတူခံကြရတာပဲ။ ထူးခြားတာက ဒီလင်မယားမှာက အဲ့သလို တံခါးဖွင့်သံ၊ ဆူညံပြီးရင် လှေကားအတိုင်း ဆင်းချလာတဲ့အသံ၊ နောက် ၁ဝ မိနစ်လောက်ရှိ ပြန်တက်သွားတဲ့အသံ ကြားရတာပဲ။ ဘာလဲတော့မသိဘူးဆိုပြီး ကျနော်လည်း စပ်စုချင်လာတယ်။
ဒါနဲ့တနေ့ အောက်ဆင်းတဲ့ခြေသံကြားပြီး သိတ်မကြာခင် ကျနော်လည်း အပြင်ထွက်လိုက်တယ်။ လား..လား..ငနဲက နှင်းတောကြီးထဲမှာ ဆေးလိပ် တွင်တွင်ဖွာနေတာကို။ ခြေဆုံးခေါင်းဖျားတော့ နွေးနေလုံနေပါရဲ့။ ဒါပေမယ့် အအေးက ရေခဲမှတ်အောက် ၁၄-၁၅ ကြီးလေ။ သွေးခဲအောင်အေးတဲ့ အအေးကြီးထဲ ဒီလူ့ခမျာ ဆေးလိပ်ထွက်သောက် နေရှာပါရောလား။ ယူထားတာက ဆေးလိပ်သမားအခန်း။ အခန်းတွင်းသောက်ချင်လို့ အပြင်ထွက်ဒုက္ခမခံချင်လို့မှယူထားပြီး ဘယ့်နှယ် အပြင်ထွက်သောက်ရပါလိမ့်ဆိုပြီး စိတ်ထဲဖြစ်တယ်။
သူလည်း ကျနော့်အသံကြောင့် နောက်ပြန်လှည်ပြီး ပြုံးရင်း “ဒီမိန်းမနဲတော့ ပြဿနာပဲကွာ။ ငါ့ကို ကလေးရှိတယ် အိပ်ခန်းထဲမသောက်နဲ့ဆိုလို ဧည့်ခန်းထဲသောက်တော့လည်းရန်လုပ် မီးဖိုချောင်သောက်တော့လည်း ကွိုင်ရှာ အပေါ်ထပ် အခန်းပြင် စင်္ကြန်ထွက်သောက်တော့လည်း အခန်းတံခါးအဖွင့်အပိတ်လုပ်ရင် အအေးတွင်ဝင်သလို ဆေးလိပ်မီးခိုးတွေပါ ဝင်တယ်ဆိုပြီး ပြဿနာရှာတာနဲ့”လို့ပြောတယ်။ ကျနော်က “မင်းတို့ ခု ကလေးရနေပြီ မဟုတ်လား။ ကလေးကြောင့်နေမှာပေါ့။ ကလေး ဆေးလိပ်မီးခိုး ရှူမိမစိုးလို့ နေမှာပါ၊ အခန်းကလည်း အိပ်ခန်း တစ်ခန်းတည်း One Bedroom ဆိုတော့”လို့ပြောတော့ “ ၂ ခန်းတွဲငှားလည်း ဘာထူးမလဲကွာ။ ဆေးလိပ်က ဘယ်အခန်းသောက်သောက် တအိမ်လုံး အနံ့ရောက်တာပဲဟာ” လို့ပြောပြီး ဆက်သောက်နေတယ်။ ကျနော်လည်း အေးတာနဲ့ ပြန်ဝင်လာတယ်။
အဲ့လိုဖြစ်ပြီး သိတ်မကြာဘူး တည ၂ နာရီထိုးလောက်ကြီး။ ရဲကားတွေ လူနာတင်ကားတွေ ပူပွမ်ပူပွမ်နဲ့ သြဥဆွဲသံတွေ လူသံတွေ အမိုးတင်အချက်ပြမီးရောင်တွေ၊ တံခါးဖွင့်ခိုင်းသံတွေ၊ နောက် ရှင်းပြသံတွေဘာတွေနဲ့ အတော်လေး ဆူညံသွားတယ်။ နောက်တော့လည်း ပြီးသွားတယ် ပြန်ငြိမ်သွားတယ်။ အပေါ်ထပ်မှာတော့ ကလေးငိုသံအူဝဲအူဝဲက မိုးလင်းခါနီးအထိပဲ။
၂ လ လောက်ကြာပြီး တရက် အပြင်ထွက်တော့ ကျနော်တို့လင်မယားနဲ့ ကလေးလေးပွေ့ပြီး ကားဆီသွားနေတဲ့ မိန်းမဖြစ်သူနဲ့ တံစက်မြိတ်အောက်နားမှာဆုံတယ်။ ကျနော်တို့က နှုတ်ဆက်တော့ ပြန်နှုတ်ဆက်ပြီး အားတုံ့အားနာဟန်အပြုံးနဲ့ ကျနော့ဇနီးကို “သူ့ကလေး ဆေးရုံသွားပြမယ့်အကြောင်း၊ ကလေးမှာ အသက်ရှူလမ်းကြောင်းဆိုင်ရာ ပြဿနာတခုခု ရှိနေကြောင်း၊ ကလေးက ညညဆို အသက်ရှူကြပ်ကြပ်ပြီး ကောင်းကောင်းမအိပ်ကြောင်း၊ သူ့ယောက်ျားက အခန်းတွင်းမှာ ဆေးလိပ်သောက်တော့ ကလေးကျန်းမာရေးပိုဆိုးတယ်လို့ သူထင်ကြောင်း၊ ဒါ့ကြောင့် သူ့လူကို အခန်းထဲ ဆေးလိပ်မသောက်ဖို့ပြောကြောင်း၊ ပြောတိုင်းလည်း တယောက်တခွန်း စကားများ ရကြောင်း၊ အခန်းထဲမှာ လျှော့သောက်တယ် ဆိုပေမယ့် သောက်မြဲသောက်ကြောင်း၊ နောက်ဆုံး ပြောရင်းပြောရင်း စိတ်တွေတိုပြီး သူကဆဲတော့ သူ့လူက လက်ပါခြေပါတွေပါပြီး ဆွဲထိုးတာနဲ့ ရဲခေါ်လိုက်ရကြောင်း၊ ခုတော့ လင်မယားစကားများမှုနဲ့ တရားရုံးက လင်မယားခွဲထားကြောင်း၊ တရားရုံးသွား လက်မှတ်ထိုးနေရကြောင်း၊ အလုပ်လည်း ပြုတ်သွားကြောင်း၊ အလုပ်မရှိတော့ သူပဲ ကလေးတဘက်နဲ့အလုပ်လုပ်ရင်း တတ်နိုင်သလောက်ပေးနေရကြောင်း၊ လင်မယား မပြတ်နိုင်တော့ သူတို့ ခိုးခက်တော့တွေ့ကြရကြောင်း၊ သူယောက်ျားကိုလည်း သူသနားကြောင်း၊ ပြတ်လည်းမပြတ်နိုင်ကြောင်း၊ အထက်တန်းကျောင်းသားကတည်းက သမီးရည်းစားဖြစ်ပြီး ယူခဲ့ကြတာဖြစ်ကြောင်း၊ ရဲခေါ်မိတာလည်းမှားသွားကြောင်း စတာတွေနတ်သံနှောတော့တာပါပဲ။ ကျနော်လည်း ဘေးကငြိမ်ပြီး နားထောင်ရင်း ပြုံးနေမိတယ်။
ပြောရရင် ဖို့တ်ဝိန်းနေ ဗမာပြည်သားတွေထဲမလည်း အလားတူ လင်မယားပြဿနာလေးတွေဖြစ်ကြ ရုံးရောက် ဂါတ်ရောက် ထောင်ရောက် တန်းရောက်တွေလည်း ရှိတာပါပဲ။ တချို့များ ၂ ခါပြန် ၃ ခါပြန် ပြန်ပြန်ဖြစ်လို့ လင်မယားမတွေ့ရ၊ အဆက်အသွယ်မလုပ်ရ၊ မိန်းမနဲ့ကလေးတွေနေတဲ့ရပ်ကွက်အနားတောင် မသီရ စတဲ့အကန့်အသတ်တားမြစ်မိန့်တွေနဲ့ နေကြရတာတွေတောင် ရှိပါတယ်။ ဒါပေမယ့်ဘယ်လောက်တားတား မရပါဘူး။ မိကာမှမိရော ခိုးတွေ့ကြတာပါပဲ။ လင်မယား မဟုတ်လား။ ချစ်ခြင်းသဘောအခံရှိတယ် မဟုတ်လား။ ငယ်သံယောဇဉ်တွေရှိတယ် မဟုတ်လား။ သားသမီးလေးတွေမျက်နှာ ထောက်ရမယ် မဟုတ်လား။ စိတ်အခန့်မသင့်ချိန်မှာ ဖြစ်လိုက်တဲ့တဒင်္ဂ မဟုတ်လား။ ဗမာပြည်သားတွေ မဟုတ်လား။ အချိန်တန်တော့လည်း ဇနီးသည်မှာ ဗိုက်ဖုံးအကီင်္ျလေးတဖါးဖါး ကိုယ်ဝန်လေးတကားကား။ အချိန်တန်တော့လည်း သားဖွားခန်းမှာ အူယားဖါးယား။ အချိန်တန်တော့လည်း မွေးစာရင်းမှာ အဖေနံမည် ပါလာတာပဲမဟုတ်လား။
ခုတော့ ဒီ အဖြူမောင်နှံလည်း ရုံးတော်ကမသိအောင် ခိုး ချစ်နေကြရတာပဲမဟုတ်လား။ ထောင်ပြပြီးရုံးမိန့်နဲ ခြောက်တာတောင် မပျယ်တာက ချစ်ခြင်းမဟုတ်လား။ (ဘာမှမဟုတ်ပါဘူး။ မျက်စေ့ရှေ့တွေ့တာတွေ လျှောက်ပြောတာပါ)
0 comments:
Post a Comment