၏အဲ့စကားမျိုး သူပြောလို့ရတယ် ပြောခွင့်ရှိတယ်။ ဒါပေမယ့် လက်တွေ့မှာ ဘာမှလုပ်လို့မရမယ့် ဖွဲ့စည်းပုံအခြေခံဥပဒေဆိုင်ရာ အကန့်အသတ်တွေရှိတယ်။ အဲ့ဒါတွေကို သူလွန်ဆန်ခွင့်မရှိဘူး။ လွန်ဆန်ရင် ဖွဲ့စည်းပုံနဲ့ ဆန့်ကျင်ရာရောက်သလို ချိုးဖေါက်တာလည်းဖြစ်တယ်။ (ဒီမိုကရက်ထဲကလည်း တယောက်စနှစ်ယောက်စ အဲ့သလိုပြောတာရှိတယ်)
တရားဝင်လမ်းကြောင်းအရ သက်ဆိုင်ရာနိုင်ငံတွေ အစိုးရတွေ ကုလသမဂ္ဂအပါအဝင် အဖွဲ့အစည်း အသီးသီးတွေ စိစစ်အသိအမှတ်ပြုပြီး အမေရိကန်ပြည်ထောင်စု အင်ဒီယားနားပြည်နယ်ကို လာအခြေချနေထိုင်မယ့်သူကို လက်မခံဘူးလုပ်ဖို့မဖြစ်နိုင်သလို လက်ခံပြီးသားလူကိုလည်း ဘယ်ကိုမှ မောင်းထုတ်လို့မရဘူး။ အဲ့သလိုတွေလုပ်ရင် ဖွဲ့စည်းပုံနဲ့ ငြိပြီ။
ခုပဲ အိမ်ဦးချီးသွားပါမိတဲ့ ဒေါ်နယ်လ်ထရမ့်ကိုပဲကြည့်။ အိမ်ဖြူတော်ပြောရေးဆိုခွင့်ရှိသူကပါ ထွက်ပြီး “ဖွဲ့စည်းအုပ်ချုပ်ပုံအခြေခံဥပဒေနဲ့ ဆန့်ကျင်တဲ့စကား”ပြောတာဖြစ်လို့ သမ္မတမဖြစ်ထိုက်ဘူးလို့ ပြောနေပြီ။
နောက်တချက်က အမေရိကန်မှာ လူတိုင်း တပြည်နယ်ကတပြည်နယ် လွတ်လပ်စွာပြောင်းရွှေ့နေထိုင်ခွင့် ရှိတယ်။ ဒီနေ့ ကင်န်တပ်ကီကို ဒုက္ခသည်အနေနဲ့ရောက်လာသူဟာ နောက်နေ့ တက္ကဆက်ကို ပြောင်းချင်ရင်ပြောင်းနေလို့ရတယ်။ ပြောင်းနေခွင့်ရှိတယ်။ ဒါလည်း ဖွဲ့စည်းပုံက ခွင့်ပြုထားတဲ့အခွင့်အရေး။ အဲ့နည်းနဲ့ သူ့ပြည်နယ်ထဲကို ပြောင်းဝင်လာမယ့်ဆီးရီးယားဒုက္ခသည်ကို “ငါ့ပြည်နယ်ထဲ မလာနဲ့”လို့ သူမှ မဟုတ်ဘူး ပြည်ထောင်စုသမ္မတကတောင် လုပ်ခွင့်မရှိဘူး။
နောက်တချက်က ဒုက္ခသည်ပြန်လည်နေရာချထားရေး အစိုးရအေဂျင်စီတွေ အစိုးရအထောက်ပံ့ခံအေဂျင်စီတွေ အင်န်ဂျီအိုတွေ ဘာသာရေးနဲ့နွယ်တဲ့လူမှုကူညီရေး အဖွဲ့အစည်းတွေအေဂျင်စီတွေရဲ့ သြဇာအရှိန်အဝါနဲ့ လုပ်ပိုင်ခွင့်တွေကလည်း မသေးလှဘူး။ ဒါတွေကို ကဏ္ဍကောစလုပ်ဖို့ဆိုတာ လွယ်တဲ့ကိစ္စမဟုတ်ဘူး။ မိုက်ခ်ပန့်စ်လည်း ဒါတွေသိပါတယ်။
နိုင်ငံရေးသမားပဲဟာ သိလို့ပဲ ပြည်နယ်အုပ်ချုပ်ရေးမှူးတောင်ဖြစ်နေပြီပဲ။ ဒါပေမယ့် နိုင်ငံရေးသမားဆိုတာက သိတဲ့အတိုင်း ဘယ်အစ်ရှူးဟော့တ်ဖြစ်နေသလဲ ဘယ်အစကောက်ဆွဲရင် နောက်က မဲဘယ်နှပြားပါမလဲကိုတွက်ပြီး လူတွေသွေးဆူနေတုန်း ”ဝုန်း”ကြရတာ မဟုတ်လား။ သူလည်း ဟော့တ်အစ်ရှူးကိုင်ပြီး ဝင်ဝုန်းတာမျိုးပါ။
ဆီးရီးယားဒုက္ခသည်တွေ ငါ့ပြည်နယ်ကိုမလာနဲ့ လက်မခံဘူးလို့ ”ဝုန်း”နေတဲ့ကြားကပဲ မနေ့ညက အင်ဒီယားနားပြည်နယ် ပြည်နယ်အုပ်ချုပ်ရေးမှူးမိုက်ခ်ပန့်စ်ရုံးစိုက်ရာ ပြည်နယ်မြို့တော် အင်ဒီယားနားပိုးလီးစ်ကို ဆီးရီးယားဒုက္ခသည် မိသားစုတစုရောက်ချလာပြီ။ လေဆိပ်မှာ ဝက်ဝက်ကွဲပဲ။
သတင်းသမားတွေရော အခွင့်အရေးဆိုင်ရာအဖွဲ့အစည်းတွေရော ပြန်လည်နေရာချထားရေးကရော လူထုလုံခြုံရေးအေးဂျင့်တွေရော စုံမှစုံပဲ။ ပွဲပဲ။ အားလုံး ဖျတ်ဖျတ်လတ်လတ် ပေါ့ပေါ့ပါးပါးပဲ။
ပြည်နယ်အုပ်ချုပ်ရေးမှူးကြီးအပေါ် အောင်ပွဲခံတဲ့သဘော အပြောတွေအပြုံးတွေ ဘယ်မျက်နှာမှ မတွေ့ရ ဘယ်ပါးစပ်ကမှမကြားရပေမယ့် အမေရိကန်ပြည်သူတွေဟာ အမေရိကန်ဖွဲ့စည်းပုံကခွင့်ပြုထားတဲ့ လူ့အခွင့်အရေး နိုင်ငံသားအရေး ပြောင်းရွှေ့ဝင်ရောက်လာသူအခွင့်အရေး ဒုက္ခသည်များဆိုင်ရာ အခွင့်အရေးနဲ့ လူတယောက်ခြင်းစီရဲ့လွတ်လပ်ခွင့်တွေ အမေရိကန်စံတွေတန်ဖိုးတွေကိုဖော်ပြဖို့ အခွင့်အလမ်းကောင်းတခုကို လက်အလွတ်မခံခဲ့ကြဘူးဆိုတာကို စကားတလုံးမှမပါပဲ အများကြီးပြောလိုက်သလိုပဲ။
ပြည်နယ်အုပ်ချုပ်ရေးမှူးမိုက်ခ်ပန့်စ်တယောက်တော့ နှာခေါင်းကျည်ပွေ့တွေတယ်ပြောမလား ဒေါသဆိပ် ငယ်ထိပ်တက်တယ်ဆိုရမလားပဲ ရှူးရှူးရှားရှားဖြစ်နေတယ်လို့ ဆိုတယ်။ ဒီည ၁၁ နာရီမှာ သူ့တုန့်ပြန်ချက်ကို ချယ်နယ်လ် ၁၅ ကနေထုတ်လွှင့်ပေးမယ်လို့ ခုပဲကြေငြာသွားတယ်။
0 comments:
Post a Comment