ကြံ့ဖွံ့ဇာတ်ကတော့ မဆလ ကနေ တစညအဖြစ်နဲ့သိမ်းသလို သိမ်းသွားမှာပါပဲ။ နောက်ဆုံးတနေ့ ပါတီဖျက်တဲ့အခါ ပါတီပိုင်အမည်ပေါက်ပစ္စည်းတွေကို သူ့အမေ့လင်ဆီကရတဲ့အမွေလို စစ်ဗိုလ်ဝေစုခွဲကြဦးမှာပဲ။ မြန်မာ့ဆိုရှယ်လစ်လမ်းစဉ်ပါတီပိုင်ပစ္စည်းတွေကို ဒီဘက်ခေတ်မှာ စစ်ဗိုလ်တွေ ဝေစုခွဲကြသလိုပေါ့။
ဟိုဘက်ခေတ်က ပြည်သူပိုင်သိမ်းတယ်ဆိုပြီးလုပ်ထားတာတွေကို နဝတ နအဖ နဲ့ သိန်းစိန်ခေတ်အထိ စစ်ဗိုလ်ကြီးတွေနဲ့ စစ်ခရိုနီကြီးတွေ မောင်ပိုင်စီးပစ်လိုက်တာပဲ မဟုတ်လား။
ကြံ့ဖွံ့ကို အသင်းအနေနဲ့တည်ထောင်ပြီး နိုင်ငံပိုင်ခေါင်းစဉ်အောက်နေယူထားတဲ့ ရွှေ့ပြောင်းနိုင်သော မရွှေ့ပြောင်းနိုင်သောပစ္စည်းတွေမှ နည်းလား။ ပါတီဆိုပြီးပြောင်းတော့ အဲ့ဒါတွေ တပါတည်း မ ချသွားတာပဲမဟုတ်လား။ ပါတီပိုင်ဆိုပြီး။
ဆိုတော့ ဗမာပြည်မှာမှမဟုတ်ဘူး ဘယ်ကမ္ဘာမှာဖြစ်ဖြစ် အာဏာသိမ်းတယ်တယ်ဆိုတာ စစ်တပ်ထောင်ပြီး တိုင်းပြည်ဘဏ္ဍာနဲ့လူထုချွေးနှဲစာကို နိုင်ငံတော်အမည်ပေါက် ဗြောင်ဒါးမြတိုက်တာပဲဖြစ်တယ်။ ဒါဟာ ဗမာပြည်မှာ စစ်သူကြွယ်ဗိုလ်ကြီးလုပ်နည်းကားပဲ။ မကောင်းတတ်လို့ပဲဖြစ်ဖြစ် သေဖော်ညှိဖို့ပဲဖြစ်ဖြစ် မကင်းရာမကင်းကြောင်းမို့ပဲဖြစ်ဖြစ် အမြီးကျက်အမြီးစား ခေါင်းကျက်ခေါင်းစား ပုလင်းတူဗူးဆို့(အရပ်သား) စစ်ခရိုနီဆိုတဲ့အကောင်တွေလည်း ပူးတွဲဓနရှင်ကြီးတွေဖြစ်ကြတာပဲမဟုတ်လား။
စစ်ဗိုလ်သူကြွယ်ကြီးများနဲ့ စစ်ခရိုနီကြီးများ မတရားသဖြင့်ရယူပိုင်ထားတဲ့ တိုင်းပြည့်ဘဏ္ဍာ လူထုဥစ္စာတွေကို တရားဥပဒေနဲ့အညီ နိုင်ငံတော်ဘဏ္ဍာတိုက်ထဲ ပြန်ရောက်အောင် လုပ်တာမျိုး၊ အဲ့ဒီပိုင်ဆိုင်မှုတွေအပေါ်ကနေ ထိထိရောက်အခွန်စည်းကြပ်တာမျိုးမှသာ ”စီးပွားရေးတရားဥပဒေစိုးရေး” ဖြစ်သလို နဲ့ နိုင်ငံရေးအရ ”လူထုနဲ့ဖိနှိပ်သူကြား ရင်ကြားစေ့ရေး”မည်မှာပဲ။
တောင်အာဖရိကမှာ မင်န်ဒဲလားလုပ်ခဲ့တာက သူ့ ANC ပါတီအတွက် ရန်ပုံငွေအဖြစ် ယူခဲ့တာမဟုတ်။ နိုင်ငံ့ဘဏ္ဍာတိုက်ထဲ ရသလောက်ပြန်သဲ့ယူ သွင်းယူတာပဲ။ မတူဘူး။ နှိုင်းလို့ကို မဖြစ်ဘူး။ မင်န်ဒဲလားစကား ယူကိုးကားတာကိုက မရိုးသားမှုအခြေခံနဲ့ဆိုတာ လူတိုင်းသိတယ်။
ကျနော်တို့ပြောနေတာက ဒီစစ်ဗိုလ်တွေနဲ့စစ်ခရိုနီပိုင်ပစ္စည်းတွေကို တခုမကျန် ပြည်သူပိုင်သိမ်းဖို့လည်းမဟုတ်သလို အဲ့ဒီလူတွေကိုလည်း စီးပွားရေးမှုတွေနဲ့ တရားစွဲထောင်ချ သေဒဏ်ပေးဖို့လည်း မဟုတ်ဘူး။ အဲ့သလို လုပ်ရအောင်လည်း အင်န်အယ်လ်ဒီဟာ လက်ဝဲနိုင်ငံရေးပါတီမဟုတ်သလို လက်နက်ကိုင်တော်လှန်ရေးနဲ့ အာဏာရမယ့်ပါတီမဟုတ်မှန်း လူတိုင်းသိကြတာပါပဲ။ ပြောနေတာက စီးပွားရေးအရ တရားမျှတမှုနဲ့ လူထုချွေးနှဲစာတွေ နိုင်ငံဘဏ္ဍာတိုက်ထဲ ရောက်နိုင်သမျှပြန်ရောက်ရေး အတွက်ပဲ။ အပြောမတတ်လို့ချော်ထွက်သွားတာ စကားစွန်းထွက်သွားတာတွေရှိဦးတောင် ကျနော်တို့ပြောနေတာတွေမှာ ကိုယ်ကျိုးစီးပွားမပါမှန်း လူတိုင်း ကိုယ့်လိပ်ပြာ ကိုယ်သန့်တယ်။
”သူတို့ပေးတာ မယူနဲ့ဆို ခင်ဗျားတို့လာပေးမှာလား”ဆိုပြီး လိပ်ပြာမလုံစကားမျိုးတွေနဲ့၊ ”သူတို့ကို ပြင်ဆင်ခွင့်ပေးရမယ်”ဆိုတဲ့ မုဒိန်းကောင်ဘက်ကရှေ့နေလိုက်တဲ့စကားမျိုးတွေ၊ ”ခရိုနီကို ဘယ်လိုအဓိပ္ဗါယ်ဖွင့်သလဲ မသိဘူး”ဆိုတဲ့ဆင်ဝှေ့ရန်ရှောင်စကားမျိုးတွေနဲ့ ဖလှော်ဖလှယ်လုပ်ပေမယ့်လည်း ခရိုနီတွေကို စီးပွားရေးသမားတို့၊ စီးပွားရေးလုပ်ငန်းရှင်တို့၊ အမျိုးသားအရင်းရှင်တို့ဆိုပြီး ဖွင့်မရ ခေါ်မရမှန်းတော့သိမှာပါပဲ။
ဗမာပြည်မှာ ခရိုနီက နယ်ပယ်တိုင်းမှာရှိနေတာပါပဲ။ ကြံ့ဖွံ့ဆို ”နိုင်ငံရေးခရိုနီပါတီ”လို့ခေါ်မှ သင့်မယ်ထင်တာပါပဲ။ အင်န်အယ်လ်ဒီကိုလည်း နောင်ဆို ခရိုနီအမည်ပေါက်ပါတီအဖြစ် သမုတ်လာမှာကို ခုကတည်းက သတိကြီးကြီးနဲ့ ကြိုတွေးထားဖို့ပါပဲ။ ဓနရှင်ဒီမိုကရေစီမှာ ဓနရှင်လူတန်းစားအကျိုးစီးပွားအတွက်ဆို သူတို့အိပ်ထောင်ထဲကငွေနဲ့ ပါတီရပ်တည်ရေး လုပ်ရတာမှန်ပေမယ့် မိမိပါတီဟာ ၈၈ ဒီမိုကရေစီရေးလူထုတိုက်ပွဲကြီးရဲ့ အောင်သီးအောင်ပွင့်ဆိုတဲ့ ”နိုင်ငံရေးသိက္ခာ”ကို အထိအပါးမခံ အယိုအယွင်းမခံမှသာ ”လူထုပါတီ ပြည်သူ့ပါတီ”ဖြစ်မှာ။
ပါတီချမ်းသာတိုင်း ရန်ပုံငွေတောင့်တိုင်း လူထုကြည်ညိုလိမ့်မယ်၊ ငွေများများဖြုန်းနိုင်တိုင်း နိုင်လိမ့်မယ်တော့ မထင်လေနဲ့။ ကြံ့ဖွံ့ကိုကြည့်၊ မဆလကိုကြည့် ဘယ်တော့မှ ”လူထုပါတီ ပြည်သူ့ပါတီ”မဖြစ်ခဲ့ဘူး။
ပြန်ကောက်ရရင် ကြံ့ဖွံ့ပါတီအမည်ပေါက်ပစ္စည်းမှန်သမျှလည်း နိုင်ငံပိုင် လူထုပိုင်တွေပဲ။
စစ်ဗိုလ်တွေ ဝေစုမခွဲခင်မှာ တိတိကျကျ စာရင်းဇယားနဲ့တင်ပြခိုင်းဖို့ အရေးဆိုဖို့ လိုလိမ့်မယ်လို့ တွေးမိတာပါပဲ။မျိုးမြင့်ချို (ဒီဇင်ဘာ ၁၇၊ ၂ဝ၁၅)
တက်လာတဲ့ပါတီက လုပ်ရပ်တွေက လွဲနေတယ်လို့တော့ ထင်တာပါပဲ.။ ကိုယ်တိုင်က တတ်ကျွမ်းလို့မဟုတ်ပါဘူး. နိုင်ငံတကာနဲ့ ယှဉ်ကြည့်ယုံပါ...