ဗိုလ်မှူးချုပ်ဟောင်းကျော်ဇော ကိုယ်တိုင်ရေးအထုပ္ပတ္တိ ပဉ္စမတွဲ၊ အခန်း(၁၆)

ဗိုလ်မှူးချုပ်ဟောင်းကျော်ဇော ကိုယ်တိုင်ရေးအထုပ္ပတ္တိ ပဉ္စမတွဲ၊ အခန်း(၁၆)
ဗိုလ်ချုပ်ကတော် ဒေါ်ခင်ကြည်
ကျွန်တော်တို့သည် အစောပိုင်းက အစ်မကြီးဒေါ်ခင်ကြည်နှင့် သိပ်ရင်းနှီးခြင်းမရှိပါ။ ကျွန်တော်တပ်ထဲနေစဉ် ကျွန်တော့်ဇနီးကလည်း မိခင်နှင့်ကလေးစောင့်ရှောက်ရေးအသင်း၊ တပ်မတော်အမျိုးသမီးများအသင်း စတာများမှာ ဝင်ရောက်လုပ်ကိုင်ရရင်း အစ်မကြီးနှင့် လုပ်ငန်းအရတွေ့ဆုံခင်မင်မှုတော့ ရှိခဲ့ပါသည်။ ထိုစဉ်ကတည်းက ကျွန်တော့်ဇနီးကပြောဖူးသည်မှာ အစ်မကြီးအား လူအတော်များများက ဝိုင်းကြည်ညိုလေးစားခြင်းကြောင့် ဖဆပလဝန်ကြီးကတော်များက အတော်မရှုစိမ့်ဖြစ်ကြောင်းသိရပါသည်။ နောက်ပိုင်း သံအမတ်ကြီးအဖြစ် တာဝန်ထမ်းဆောင်ပြီး အငြိမ်းစားယူပြန်လာသည့်အခါကျမှ ကျွန်တော်တို့နှင့်ပိုမိုရင်းနှီးကျွမ်းဝင်သွားခြင်း ဖြစ်ပါသည်။
အစ်မကြီးက တက္ကသိုလ်ရိပ်သာလမ်းတွင် မိန်းကလေးအဖော်နှစ်ဦးသုံးဦးနှင့် နေထိုင်ကာ၊ ပန်းစိုက်အလွန်ဝါသနာပါသဖြင့် ခြံထဲတွင် ပန်းအမျိုးမျိုးစိုက်ကာ၊ ပန်းများကိုလည်း အလှတကြည့်ကြည့်နှင့် နေတတ်ပါသည်။ ကျွန်တော်တို့မိသားစုတွေကိုလည်း မလာတာကြာလျှင် ဖုန်းဆက်ခေါ်တတ်ပါသည်။ အထူးသဖြင့် ဇူလိုင် ၁၉ ရက်အနီးပတ်ဝန်းကျင်တွင် သူအရင်းနှီးဆုံးမိသားစုမိတ်ဆွေများကို တရက်စီခွဲ၍ မိသားစုလိုက်ဖိတ် ထမင်းကျွေးတတ်ပါသည်။ တခါတရံ သြဂုတ်လအထိ မပြတ်ဆက်တိုက် ထမင်းကျွေးရသည့်အခါများ ရှိတတ်ပါသည်။
အစ်မကြီးအိမ်တွင် နိုင်ငံရေးသမားဟောင်းကြီးများ၊ သံတမန်ဟောင်းများ၊ တပ်မတော်မှပင်စင်ယူသွားသူများ၊ တောပြန်များ၊ လူစုံဝင်ထွက် သွားလာရာ၊ သတင်းစုံရတတ်ပါသည်။ အထူးသဖြင့် မဆလခေတ် အစိုးရ၏မတော်မတည့် ပြုမူချက်များအားလုံးကို သူ့ရှေ့တွင် လူများက လာ၍ရင်ဖွင့်ပြောဆိုတတ်ရာ ကျွန်တော်တို့ သူ့အိမ်သွားလည်လျှင် သတင်းစုံကြားရတတ်ပါသည်။ သူ့အိမ်သည် ဘေးမဲ့တောကဲ့သို့ဖြစ်နေပြီး အစိုးရဆန့်ကျင်သည့်လေသံများ၊ ပြောဆိုမှုများ၊ သူ့အိမ်တွင် လွတ်လွတ်လပ်လပ်ပြောဆိုနိုင်သကဲ့သို့ ဖြစ်နေပါသည်။
မဆလ အစိုးရကလည်း ဒါကို သိပုံရပါသည်။ တခါတော့ ဒေါ်ခင်ကြည်အိမ် သူခိုးခိုးခံရသည်ဟု သတင်းထွက်လာရာ၊ ကျွန်တော်နှင့်ကျွန်တော့် ဇနီးတို့ ကမန်းကတန်းသွားရောက်သတင်းမေးရပါသည်။ သူ့အိမ်တွင် အပြင်လူဆို၍ ဥယျာဉ်စောင့်(မာလီ)တဦးသာရှိသည်။ သူခိုးက အိမ်အပေါ်ထပ်ကို ဝရန်တာမှခို၍တက်ပြီး အိပ်ခန်းဘီရိုလေးထဲတွင်ထည့်ထားသည့် အမှတ်တရပစ္စည်းလေးများကိုသာ ယူသွားပါသည်။ ထိုပစ္စည်းလေးများမှာ အစ်မကြီးသံအမတ်ကြီးအဖြစ်တာဝန်ထမ်းဆောင်စဉ်ကရော၊ နောက်ပိုင်းကာလများတွင်ရော၊ နိုင်ငံခြားသံတမန်များက အမှတ်တရပေးသည့် လက်ဆောင်ပစ္စည်းများသာ ဖြစ်ပါသည်။ အဖိုးတန်ပစ္စည်း မပါပါ။
ကျွန်တော့်အမြင်ကတော့ ဤကိစ္စကို စစ်တပ်ထောက်လှမ်းရေးကပဲ လုပ်ဟန်ရှိသည်။ ဒေါ်ခင်ကြည်အား အစိုးရဆန့်ကျင်ရေးများမပြုလုပ်ရန်၊ မပြောဆိုရန်၊ ဟန့်တားခြင်း၊ ခြိမ်းခြောက်ခြင်းဖြစ်ဟန်ရှိပါသည်။ ဥယျာဉ်စောင့်က လက်ထောက်ချပုံ ရပါသည်။ ဒေါ်ခင်ကြည်ကိုယ်တိုင် ကလည်း ဤကဲ့သို့ပင် ထင်ခဲ့ပါသည်။
ကျွန်တော်သည် ဒေါ်ခင်ကြည်နှင့် နောက်ပိုင်း ရင်းရင်းနှီးနှီးဆက်ဆံလာရင်း သူမ၏ မျိုးချစ်စိတ်ရှိမှု၊ တည်တည်ကြည်ကြည်နှင့် ဣနြေ္ဒသိက္ခာ ရှိစွာနေရင်း သူမအား လာရောက်ကြည့်ရှုကြသည့် ဗိုလ်ချုပ်၏တပည့်သားမြေးအားလုံးအပေါ် စိတ်ကောင်း၊ စေတနာကောင်း ပြည့်ဝစွာနှင့် ပေးတန်ပေး၊ ကျွေးတန်ကျွေး၊ အကြံပေးစရာပေးနှင့် နာယကဂုဏ်ပြည့်ဝစွာနေထိုင်နေမှု၊ လာရောက်သမျှ လူအားလုံးကလည်း သူမအား လေးစားကြည်ညိုမှု စတာများကို မြင်တွေ့လာရပါသည်။ ဤကဲ့သို့ မြင်ရတွေ့ရသည့် အခါများတွင် သြော်ဗိုလ်ချုပ်များ၊ ဒါတွေကို မြင်တွေ့ရရင် ဘယ်လောက်များ ဝမ်းသာရှာလေမလည်းဟု ဗိုလ်ချုပ်အား တမ်းတမိပါတော့သည်။
၁၉၉၁ ခုနှစ်၊ ဒေါ်အောင်ဆန်းစုကြည် နိုဗယ်ဆုရကြောင်း ရေဒီယိုသတင်းကြေညာစဉ်မှာလည်း ကျွန်တော်သည် သြော်အစ်မကြီးများရှိရင် ဘယ်လောက်များ ဝမ်းသာရှာလေမလည်းဟု အစ်မကြီးဒေါ်ခင်ကြည်အား တမ်းတမိပြန်ပါသည်။
ထိုတက္ကသိုလ်ရိပ်သာဝင်းထဲတွင် ကျွန်တော်တို့သွားတိုင်း နောက်တအိမ် ဝင်ရောက်လည်ပတ်ရပါသေးသည်။ ထိုဝင်းထဲတွင် တထပ်အိမ် ကလေးဆောက်၍ မှီခိုနေနေသော ဒေါ်ခင်ကြည်၏အစ်မ ဒေါ်ခင်ကြီး(သခင်သန်းထွန်း၏ဇနီး)၏အိမ်ဖြစ်ပါသည်။ ဒေါ်ခင်ကြီးမှာ သိပ်ကျန်းမာရေးမကောင်းလှဘဲ သားသမီးလေးများနှင့် ထိုအိမ်ဝင်းအတွင်းမှာပင် နေခဲ့ပါသည်။ ဒေါ်ခင်ကြည်၏ ကျန်ညီမများလည်း ထိုဝိုင်းထဲတွင်ပင် သီးခြားအိမ်ကလေးများဆောက်၍ နေကြပါသည်။
ကျွန်တော် တောထဲရောက်ပြီးနောက် ကျွန်တော့်ဇနီးလည်း ပုံမှန်မပျက်သွားရောက်လည်ပတ်ကြောင်း ကျွန်တော့်ဇနီးက ပြန်ပြောပြဖူး ပါသည်။
ကျွန်တော်တို့သည် တောတွင်းမှဖမ်းမိ ထောင်ကျပြီးလွတ်လာကြသည့် တောပြန်မိသားစုများနှင့်လည်း ရင်းရင်းနှီးနှီးခင်ခင်မင်မင် နေခဲ့ကြရပါသည်။ ထိုသူများထဲတွင် ကျွန်တော်တို့မိသားစုနှင့် ဆွေမျိုးသားချင်းကဲ့သို့ တောက်လျှောက်ခင်မင်ရင်းနှီးခဲ့သည့် မိသားစုတခု ရှိပါသည်။ ထိုသူများမှာ ဗိုလ်မှူးချစ်ကောင်း၏ဇနီး ဒေါ်ခင်မျိုးညွန့်နှင့် သားသမီးသုံးဦးတို့ ဖြစ်ကြပါသည်။
ကျွန်တော်နှင့် ဗိုလ်မှူးချစ်ကောင်းမှာ ဘီဒီအေကတည်းက သိရှိခဲ့ကြသော်လည်း သိပ်ရင်းနှီးခြင်းမရှိပါ။ သူထောင်က လွတ်လာစဉ်က ကျွန်တော်တို့ နယ်ချဲ့ဆန့်ကျင်ရေး၊ တရုတ်ဖြူဆန့်ကျင်ရေး အမျိုးသားကော်မတီဖွဲ့သည့်ကာလနှင့်တိုးသဖြင့် လာရောက်ပါဝင်ခဲ့ဖူးသော်လည်း မကြာမီမှာပင် တောပြန်ခိုသွားပြီး တောတွင်းတိုက်ပွဲတနေရာတွင် ကျဆုံးသွားခဲ့ရှာပါသည်။
သူ့ဇနီးသည် ဒေါ်ခင်မျိုးညွန့်မှာ သားသမီးသုံးယောက်နှင့်အတူ အတော်ဆင်းရဲပင်ပန်းစွာ လုပ်ကိုင်စားသောက်ရပါသည်။ ကျွန်တော်သာမက ကျွန်တော်တို့ တမိသားစုလုံးက သူတို့အပေါ် အလွန်ကြင်နာစွာ စောင့်ရှောက်ခဲ့ကြပါသည်။
ကျွန်တော့် သားနှစ်ယောက်ဖွင့်သည့် မြေနီကုန်းကစာအုပ်ဆိုင်တွင် သူတို့၏သားလေးကိုခေါ်၍အလုပ်ပေးထားပြီး ကျွန်တော့်သမီးကြီး အလုပ်လုပ်သည့် အရှေ့ပိုင်းဆေးရုံမှ ဆရာဝန်များအတွက်ပေးသည့်အိမ်ခန်းတွင်မူ ဒေါ်ခင်မျိုးညွန့်နှင့် သမီးနှစ်ယောက်ကို ခေါ်ထားပါသည်။ ကျွန်တော်တောခိုလာစဉ် ကျွန်တော့်ဇနီးတယောက်တည်းထားခဲ့ရစဉ်က သူမကျန်းမမာဖြစ်နေတုန်း ဒေါ်ခင်မျိုးညွန့်က သမီးကြီးခင်မအေးနှင့် အတူ ကျွန်တော့်ဇနီးအား လာရောက်စောင့်ရှောက်နေထိုင်ခဲ့ကြောင်း ကျွန်တော့်ဇနီးက ကျွန်တော့်ကို ပြန်ပြောပြပါသည်။
ဒေါ်ခင်မျိုးညွန့်မှာ အလွန်စိတ်ဓာတ်ခိုင်မာကောင်းမွန်သူဖြစ်ပြီး၊ နိုင်ငံရေးရပ်တည်ချက်လည်း ပြတ်သားပါသည်။ သူတို့မိသားစု ချို့တဲ့မှန်း သိသဖြင့် ထိုစဉ်က လုပ်သားပြည်သူသတင်းစာ အယ်ဒီတာချုပ်ကိုလှမြိုင်က သူ့ကိုသတင်းစာကိုယ်စားလှယ် ပေးပါသည်။ သူက လက်မခံပါ။ ဗမာပြည်ကွန်မြူနစ်ပါတီကို အပုတ်ခတ်ဆုံးရေးသားနေသည့်သတင်းစာက ကျွေးသည့်ထမင်း မစားချင်ပါဟု ဆိုခဲ့ပါသည်။ သူ့လုပ်အားနှင့်ပင် ပင်ပင်ပန်းပန်း လုပ်ကိုင်စားသောက်ရှာပါသည်။