၂ဝ၁၅ အောက်တိုဘာ နိုဝင်ဘာနဲ့ ဒီဇင်ဘာမှာရေးဖြစ်တဲ့ တိုနန့်နန့်လေးတွေ(၁) မျိုးမြင့်ချို

၂ဝ၁၅ အောက်တိုဘာ နိုဝင်ဘာနဲ့ ဒီဇင်ဘာမှာရေးဖြစ်တဲ့ တိုနန့်နန့်လေးတွေ(၁) မျိုးမြင့်ချို

(စုစုနွေးရဲ့ငွေဆယ်သိန်း)

ခင်ဗျားတို့ဗျာ လောက်ကိုင်ကိစ္စမှာ ဆယ်သိန်းလှူတာကြတော့လည်း ပါးဖြဲနားဖြဲနဲ့ယူတယ် ပြီးတော့ ဖမ်းလည်းဖမ်းသေးတယ်။ အဲ့ငွေတွေက သူ့တယောက်တည်းရဲ့ ချွေးနှဲစာတင်မဟုတ်ဘူး သူနဲ့သဘောမျှတဲ့ ဖင်ထဲရွှံ့တပိသာလောက်ဝင်ပြီးမှ ထမင်းနပ်မှန်ရရှာတဲ့ ဗမာပြည်က အဖိနှိပ်ခံလယ်သမားတွေရဲ့ ငွေတွေလည်း ပါပါတယ်ဗျာ။

ခုလို ရွှေကိုယူသည် ငွေကိုယူသည် ပြီးတော့လူကိုပါဖမ်းသည် ဆိုတာမျိုးကြီးတော့ လူမြင်မကောင်းပါဘူးဗျာ။ သင့်လည်း မသင့်တော်ပါဘူး ပြန်လွှတ်ပေးလိုက်ပါ။ ဒါမှမဟုတ်လည်း ငွေဆယ်သိန်းကို ပြန်အမ်းလိုက်ပါ။

မစုစုနွေးကို ချက်ခြင်းလွှတ်၊ မလွှတ်ရင် သူ့ဆယ်သိန်း သူ့ပြန်ပေး။

ဒီဇင်ဘာ ၁၆၊ ၂ဝ၁၅

(ကျားကိုမောင်းမဲနေသူများ)

မိမိတိုင်းပြည်ရဲ့ သယံဇာတတွေသာဆုံးရှူံးသွားရပြီး ပြည်သူတွေ အကျိုးခံစားခွင့်မဲ့ရတာအတွက် အဓိကလက်သည်ဟာ လက်ဝါးကြီးအုပ်စစ်အာဏာရှင်စနစ်နဲ့စစ်အုပ်စုဆိုတာ လက်ညှိုးငေါက်ငေါက်ထိုးပြောမှဖြစ်လိမ့်မယ်။ ပြဿနာက လူတင်ပါလို့ နွားကျားကိုက်တာ။ အဲ့သလို မတရားသဖြင့်ရမယ့်အခွင့်အရေးဆို တရုတ်မှမဟုတ် ဘယ်သူဖြစ်ဖြစ် ရသလောက်ယူကြမှာပဲ။ နောက်တချက်တွေးရမှာက တရုတ် ဒီလောက် စီးပွားကြီးထွားလာတာဗမာပြည်က သယံဇာတတခုတည်းကြောင့်မဟုတ်ဘူး အခြားအကြောင်းရင်းတွေလည်း များလှတယ်။ မြင်အောင်ကြည့်ပြီး တရားခံရင်းကို ဆွဲထုတ်ဆန့်ကျင်တိုက်ဖျက်ဖို့ပါ။ နောက်မှ ဖြည်ဖြည်ဖြန့်ဖြန့်ရေးပါဦးမယ်။

ဒီဇင်ဘာ ၁၅၊ ၂ဝ၁၅

(မတူရင် ယောယုဝပို့)

ဒီမနက် မလေးရှားက ဖေ့စ်ဘွတ်ခ်မိတ်ဆွေတယောက်နဲ့ ရောက်တတ်ရာရာတွေပြောကြရင်း သူ့ဘက်က မလေးနိုင်ငံရေးဆီ စကားဦးလေး နည်းနည်းသန်းသွားတယ်။ (နာဂျစ်တို့ပါတီ Meeting လုပ်နေတာတွေတွေ့ရတယ်။ တလောက သူဖြုတ်လိုက်တဲ့ ဒုဝန်ကြီးလည်း တက်လာတာတွေ့ရတယ်၊ ပြန်ပေါင်းထုတ်ပြီလား မပြောတတ်၊ မလေးလည်း မြန်မာနဲ့ အတူတူပါပဲဗျာ၊ တူတာတွေလာထား မတူတာတွေ လုံခြုံတဲ့နေရာပို့၊ သိပ်ဆိုးလာမယ်ဆို ယောယုဝကို တန်းပို့တာပါပဲ)တဲ့ အဲ့ဒါ သူပြောတာတွေထဲက တခုပါ။

အင်း ဟုတ်တော့ဟုတ်သား ဒေါ်စုနဲ့သိန်းစိန် ပထမအကြိမ်တွေ့တော့ ဒေါ်စုကလည်းသမ္မတကြီးယုံတယ်ဆိုပြီးပြော၊ သိန်းစိန်ကလည်း တူတာတွေတွဲလုပ် မတူတာတွေ ဘေးဖယ်ထားဆိုပြီးပြောနဲ့ အုံးအုံးကိုထကရော။

ခုမှ မလေးကလူပြောတာနဲ့ပြန်ကိုက်ကြည့်တော့ ဟုတ်သားပဲ။ သိန်းစိန်ပြောတာ အမှန်ပဲ။ သူတို့ချင်းတူတာတွေ တွဲတက်လုပ်ကြတာ ခုထိပဲ။ သူတို့နဲ့မတူတဲ့လူတွေကိုတော့ ထောင်ထဲပို့တန်ပို့ ပစ်သတ်တန်သတ်လုပ်တာကိုး။

အင်း တူတာတွဲလုပ် မတူတာခွဲလုပ်ဆိုတဲ့ တပ်ပေါင်းစုမူကို ကိုယ်တွေက တသက်လုံးကိုင်လာခဲ့တာ။ စစ်အုပ်စုပြောမှ တူတာတွဲလုပ် မတူတာဘေးဖယ်ထားဆိုတာ
ထောင်ထဲရောက်နိုင်ကျဉ်းတွေနဲ့ လက်ပန်းတောင်းက ဒေါ်ခင်ဝင်းတို့ကိုပြောတာပါ့လားလို့ အရည်လည်သွားသွားတယ်။

အင်း...လုံခြုံရာနဲ့ ယောယုဝဆိုတာ မတူတဲ့သူတွေအတွက် ဆုလဘ်ပါလား။

ဒီဇင်ဘာ ၁၃၊ ၂ဝ၁၅

(ဘူမိဘောကြီး အိုပြီ)

ဘူမိဘောအဒူယာဒက် အသက်ကြီးပြီ။ လက်ပျဉ်းတွဲပြီ။ မင်းအိုကြီးဖြစ်ပြီ။ နောက်ဆုံး စစ်အာဏာသိမ်းချိန်မှာ အရင့်အရင်တွေလောက် လူအကြည်အညို မရှိတော့ဘူး။ ဘုရင်ကို မချစ်မနေရလုပ်မထားပေမယ့် မချစ်ရင်နေမရအောင်လုပ်ထားတဲ့ပြည်မို့ လူတချို့လည်း မချစ်ရမနေနိုင်တွေဖြစ်ကုန်ကြတာလည်းရှိသေးတယ်။ ဒါပေမယ့် အရေအတွက်အားဖြင့်တော့ လျော့လျော့လာပြီ။ ဘုရင်နဲ့ဘုရင့်မိသားစုကို ခနဲ့တဲ့တဲ့ပဲဝေဘန်ဝေဘန် သရော်မော်ကားပဲပြောပြော ရီပွဲပဲဖွဲ့ဖွဲ့ အဲ့ဒါတွေလုပ်ရင် ထောင်နှစ်ကြီးတွေ အတင်းချနေတဲ့ကြားက အဲ့သလိုလုပ်တဲ့လူနဲ့ အရေအတွက်တွေများများလာတာ သက်သေပဲ။ ခုတလော ဘုရင်အိုကြီးရဲ့ သားတော်မောင်ကလည်း ထကြွလာသလိုပဲ။ ထိုင်းစစ်တပ်ထဲက စစ်ဗိုလ်တချို့နဲ့ မင်းသား ပလူးပလဲလုပ်နေတယ်လို့ သတင်းတွေလည်းထွက်တယ်။ မင်းသမီး ချက်ကရီသီရိဒုံလည်း အသံပျောက်နေတယ်။ လက်ရှိအာဏာသိမ်းစစ်ဗိုလ်ချုပ်ကတော့ မျက်ခွက်ပြောင်တယ်။ သတင်းစာရှင်းလင်းပွဲလုပ်နေရင်း သူမကြိုက်တဲ့မေးခွန်းမေးရပါ့မလားဆိုပြီး သတင်းထောက်ကို လက်ထဲကစားနေတဲ့ငှက်ပျောသီးနဲ့တောင် ထုဝံ့သူပဲ။
ကွယ်ရာမှာ လူတွေကို သေနတ်နဲ့ပစ်တာလောက်တော့ စာတောင်မဖွဲ့လောက်တော့ဘူး။ ထိုင်းမှာ ထီးနန်းလုမယ့် မင်းပျိုမင်းလွင် ဘယ်နှပါးရှိမရှိ ကျနော်လည်း သေချာမသိဘူး။ ထီးပြိုင်နန်းပြိုင် ပတ်လည်နိုင်ငံတွေမရှိတော့တဲ့ ပဒေသရာဇ်ခေတ်မဟုတ်လို့သာ ထိုင်းက လက်လုပ်လက်စားအခြေခံပြည်သူတွေအတွက် တော်နေသေးတာ။

ဒီဇင်ဘာ ၁၃၊ ၂ဝ၁၅

(နိုင်ငံရေးအမှိုက်ကောက်ပွဲ)

အမေရိကန်ပြည်ထောင်စုအပါအဝင် နိုင်ငံအသီးသီးကိုရောက်နေကြတဲ့ အင်န်အယ်လ်ဒီပါတီဝင်တွေနဲ့ ပြည်တွင်းနိုင်ငံရေး ဒီမိုကရေစီရေးလှုပ်ရှားမှုတွေကို
ထောက်ခံဝန်းရံ အားပေးသူတွေလည်း ရောက်ရာနိုင်ငံ နေတဲ့မြို့တွေရပ်ကွက်တွေမှာ အမှိုက်ကောက်လှုပ်ရှားမှုလုပ်ကြရင် ကောင်းမှာပဲလို့ တွေးနေမိတယ်ဗျာ။

ချမ်းသာတိုးတက်ပြီး သန့်ရှင်းစည်းစနစ်ကျတဲ့ပြည်တွေမို့ အမှိုက်မရှိဘူးတော့ မဆိုပါနဲ့။ ကောက်မယ်ဆို ကောက်စရာနေရာတွေနဲ့ ကောက်စရာအမှိုက်တွေမှ တပုံတခေါင်းကြီးပါ။ နးယော့ခ်စီးတီးဆိုရင် လမ်းကြိုလမ်းကြားတွေ မြေအောက်ဘူတာရုံတွေမှာဆို အမှိုက်တင်မက ကြွက်တွေပါ သောင်းကျန်းနေတာမျက်မြင်ပါ။

ဒါဆို ပြည်တွင်းက အမှိုက်ကောက်လှုပ်ရှားမှုကြီးနဲ့ ပြည်ပရောက်ဒီမိုကရေစီအင်အားစုများရဲ့
အမှိုက်ကောက်လှုပ်ရှားမှု ၂ ခု ပေါင်းစည်းဆက်စပ်မိသွားပြီး ပြည်သူတွေလည်း အားတက်ကြ အရှိန်အဟုန်လည်းပိုကောင်းလာ
မှာပါ။

တခြားတခြားသော ပြည်တွင်းနိုင်ငံရေးလှုပ်ရှားမှုတွေ အားကောင်းလာဖို့ နိုင်ငံတကာကသတိထားအာရုံစိုက်လာစေဖို့ ထောက်ခံဝန်းရံရေးအတွက်
ပြည်ပနိုင်ငံတွေကနေ တက်တက်ကြွကြွဦးဆောင်ဆော်သြလှုပ်ရှားခဲ့သူတွေ ဒီကိစ္စမှာလည်း ထထကြွကြွရှိကြရင်ကောင်းမှာပဲ။

ဒီဇင်ဘာ ၁၃၊ ၂ဝ၁၅

(ရွှေကြီး စာဖတ်နားသည်)
သန်းရွှေနဲ့ဒေါ်စုတွေ့ကြတဲ့ကိစ္စက ဒေါ်စုပြောလို့ဟုတ်မှန်ကြောင်း အခိုင်အမာပြောလို့ရပြီ။ တွေ့ပြီး ဘာတွေပြောကြကတော့ ဒေါ်စုပြောသလိုဆို သန်းရွှေသွားမေးမှ သိရမှာပဲ။ သူကတော့ မပြောဘူးတဲ့။ နှစ်ယောက်ကြားက ကိစ္စတဲ့။ သွားမေးရအောင်လည်း အဲ့ငနဲကြီးနဲ့တွေ့ဖို့ မဖြစ်နိုင်၊ တွေ့ပြန်တော့လည်း သူက အဖက်လုပ်ပြီး စကားပြန်ပြောဦးမှ။ နဂိုကမှ နှုတ်နည်းရတဲ့ကြားထဲ ခုနောက်ပိုင်း စာချည်းလှိမ့်ဖတ်နေတာ မဟုတ်လား။

ဘာစာတွေဖတ်လဲတော့ မသိပါဘူး စာတတ်ပါတယ်ဆိုတဲ့လူတွေ စကားကြွယ်လှချည်ရဲ့ ဆိုသူတွေ သန်းရွှေနဲ့တွေ့ရင် ဘာသံမှကိုထွက်မလာတော့လာ။ တခါတည်း နှုတ်ပိတ် လွှတ်လိုက်သလား အာစေးခွံ့လိုက်လေသလား မပြောတတ်။ တချို့ကြ ထွက်တော့ထွက်ပါရဲ့ ဒါပေမယ့် ဝူးဝူးဝါးဝါးနဲ့ ခွေးအလှည်းနင်းဖြစ်ကုန်တယ်။ အသံကို မပီတော့တာ။

ရွှေကြီးကလည်း ရွှေကြီး နှုတ်နည်းတဲ့နေရာ ပြောစမှတ်တွင် သြချလောက်တယ်။ သေနတ်ခါးထိုးပြီး နှစ် ၂ဝ ကျော်ဗိုလ်ကျသွားတာ တိုင်းပြည်ကို စကားလေးတခွန်းတောင် ပြောဖော်မရဘူး။

ရွှေကြီးဟာ စစ်ဗိုလ်ငယ်လေးဘဝက နံမည်ကြီး သခင်နိုင်ငံရေးသမားတယောက်ရဲ့ လက်အောက်ကနေပြီး တပ်မတော်စိတ်ဓါတ်စစ်ဆင်ရေးနဲ့ဝါဒဖြန့်ချိရေးမှာ တာဝန်ကျဖူးတယ်လို့ သိရတယ်။

စစ်တပ်ထဲမှာ စစ်တိုက်ကောင်းရုံသက်သက်နဲ့နံမည်ကြီးတဲ့ဗိုလ်တွေထဲက နံပတ်ဝမ်းဖြစ်ခဲ့တဲ့သူ၊ နံပတ်ဝမ်းခွဲ ဖြစ်ခဲ့ဖူးသူ၊ နံပတ်တူးဖြစ်ခဲ့ဖူးသူ တယောက်မှမရှိဘူး။ ဖြစ်ခဲ့ရင်လည်း ဘုန်းမီးနေလက ကြာကြာမတောက်ပဘူး။ အဲ့ဒီလူတွေထဲမှာ သူရဦးတင်ဦးတို့၊ သူရကျော်ထင်တို့၊ ဗိုလ်စောမောင်တို့အပါအဝင် တခြားသူတွေလည်း ရှိသေးတယ်

နေဝင်းတို့ မျက်မှန်တင်ဦးတို့ သန်းရွှေတို့ ခင်ညွန့်တိုကြည့်။ လူပါးတွေချည်းပဲ ပုလင်းကွဲ ထိခါမှထိရော အတော်ကြာကြာတော့ ဗိုလ်ကျသွားနိုင်တာပဲ။

နေဝင်းနဲ့သန်းရွှေမှာ ဘာအခွင့်အရေးကွာသွားလဲဆိုတော့ နေဝင်းက တခုခုလုပ်မယ်ကြံတိုင်း လွတ်လပ်ရေးအတွက် အတူလုပ်ခဲ့တာတို့၊ ဖက်ဆစ်တော်လှန်ရေးမှာပါခဲ့သူတွေမို့လို့တို့၊ ရဲဘော်သုံးကျိပ်ဝင်အချင်းချင်းမိုို့ စတဲ့ ထောက်ထားစရာမျက်နှာတွေ ငဲ့ညှာရမယ့် မိသားစုတွေအပြင် နိုင်ငံရေးငယ်ကြောက် ကြောက်ရမယ့်သူတွေကိုပါ ထည့်ထည့် တွက်နေရတယ်။ တခါတလေ စိတ်သွားတိုင်းကိုယ်ပါ လုပ်မရဘူး။ ဒါ့ကြောင့် တပယ်ပြီးတပယ် အပယ်ပေါင်းများစွာကို အသုတ်လိုက်အသုတ်လိုက်ခွဲခွဲပြီး ရှင်းရင်းရှင်းရင်းနဲ့ အချိန်ကုန်ပြီး သူ့နေဝင်ချိန်အထိ သူ့အာဏာနဲ့ သူ့မိသားစုစီးပွား သူ့သားမြေးများကို စနစ်တကျကာကွယ်ချိန် မမီလိုက်ဘူး။ ဒါ့ကြောင့်ပဲ ရွှေကြီးအရှင်း ခံလိုက်ရတာပဲ။

ရွှေကြီးကြ ဘယ်မျက်နှာမှထောက်ထားစရာမလို၊ ဘယ်ကောင့်မှ သောက်ဂရုစိုက်စရာ မလို၊ ဘယ်သူ့မှငဲ့ကြည့်နေစရာမရှိ၊ ဘာနိုင်ငံရေးငယ်ကြောက်ရော ကြီးကြောက်ပါမရှိတော့ ထင်တိုင်းကြဲလို့ရတယ်။ ဝုန်းချင်ရင် အကုန်ဆွဲဝုန်းပြီး စားချင်ရင် အကုန်ဆွဲစားလို့ ရသွားတယ်။ ကြဲလည်းကြဲ ဝုန်းလည်းဝုန်း ဆွဲလည်းစားခဲ့တာချည်းပဲ။ ဒီတင် ခင်ညွန့်တို့အုပ် အမြီးကုပ်သွားတာပဲ။ နောက်ဆုံး ဂဏန်းငြိမ်လောက်ပြီဆိုမှ ၂ဝဝ၈ နဲ့ သူ့အကျိုးစီးပွား သူ့မိသားစုအကျိုးစီးပွားအပြင် သူ့လက်ထက်ပွားစစ်အုပ်စုအကျိုးစီးပွားကြီးကိုပါ ကာကွယ်စောင့်ရှောက် ထိန်းသိမ်းရှင်သန် ဆက်လက်ကြီးပွားနေအောင် လုပ်ခွင့်ရခဲ့တာပဲ။

နောက်တချက်အရေးကြီးတာက ရွှေကြီးက နေဝင်းလို သူလုပ်တာ ဟိုလူ့လွှဲချ ဒီလူ့လွှဲချလည်း မလုပ်ဘူး။ သူမလုပ်ဘူးလည်း မပြောဘူး၊ လုပ်တယ်လည်း မပြောဘူး။ နေဝင်းက လက်ပူးလက်ကြပ်မိတာတောင် မုန်လာဥပါလုပ်တဲ့လူမျိုး။ ရွှေကြီးက သူ့လက်ထက်မှာ သတ်ဖြတ်သုတ်သင်ခဲ့သမျှ နှိပ်စက်ညှဉ်းပမ်းသမျှ မတရားမှုမှန်သမျှ သူ့မှာတာဝန်မရှိဘူးလို့ တခွန်းမှ မပြောဘူး။ ရှိတယ်လည်း ဝန်မခံဘူး။ ဒါပေမယ့် သူတာဝန်ခံဖြစ်တယ်၊ သူနံပတ်ဝမ်းဖြစ်တယ်၊ သူခိုင်းလို့ ကျန်တဲ့အကောင်တွေပါ အကုန်အလိုတူအလိုပါ လုပ်ကြတာဖြစ်တယ်၊ ဒါ့ကြောင့် သူရော သူနဲ့အတူလုပ်ခဲ့ကြတဲ့ အကောင်တွေရော ဘယ်တကောင်တမြီးကိုမှ လက်ဖျားနဲ့တောင်မတို့စေရဆိုပြီး ဖွဲ့စည်းပုံနဲ့ ကိုယ့်ကိုယ်ကို လွတ်ငြိမ်းခွင့်ပေးပြီးသား။ သူတော်ကောင်း လုပ်ယူပြီးသား။

ရွှေကြီးက သိတဲ့အတိုင်းပဲ စကားနည်းတယ်။ လုပ်စရာရှိတာ လုပ်တယ်။ တခါတလေများ လုပ်သွားတောင် လူတောင် မသိလိုက်ရဘူး။ ပြီးမှ ဟာကနဲ ဟင်ကနဲတွေဖြစ်ကုန်ကြ လက်ဖျားတွေခါကြ၊ လက်သီးတွေဆုပ်ကြ၊ လက်မောင်းတွေတန်းကြ၊ အံတွေကြိတ်ကြ၊ တက်တွေခေါက်ကြ၊ လက်ခုပ်တွေတီးကြနဲ့ တုန့်ပြန်သံတွေထွက်လာတာ။ ဒါတွေကိုလည်း ရွှေကြီးကကြိုက်ပုံပဲ။ တယောက်တည်း ကြိတ်ပြီး အရသာတွေတောင် ခံချင်ခံနေဦးမှာ။

ခုလည်း သူ့မှာ ရွှေစရာဇယား တခုခုရှိလာတာသေချာတယ်။ သူရွှေ့တဲ့ဇယားတိုင်းဟာ စစ်အုပ်စုဘုံအကျိုးစီးပွားချည်းမို့ ဒီတကွက်အတွက်လည်း ဘာမှန်းရေရေရာရာ မသိကြဦးတောင် အားလုံး ကြိတ်အူမြူးကြမှာပါပဲ။

ဒါကြောင့် ဗိုလ်ချုပ်မှူးလေးနေရွှေသွေးအောင်နဲ့ ”ငါ့လာတွေ့ခိုင်းစမ်းကွာ” လုပ်ပြီး နောက်တကွက် ထပ်ရွှေ့တာပဲ။ စစ်အုပ်စုအကြိုက်ပါ။ သမ္မတမသိဘူးတို့ ကာချုပ်မသိဘူးတို့ ရွှေမန်းက ပွဲစားလုပ်တာတို့ အာဏာလွှဲမယ့်ကိစ္စအပေါ် ဘာသက်ရောက်မှုမှဖြစ်မှာမဟုတ်ဘူးတို့ ဆိုတာတွေကလည်း ”ငါ့ဇယားထဲ မင်းတို့ကို ညှပ်မရအောင် မင်းတို့တာဝန် ကင်းကြောင်း လူတွေထင်အောင် မင်းကဒါပြော မင်းကဒါပြော” လုပ်ထားတာလို့ မြင်တယ်။

တနည်းပြောရရင် ရွှေကြီးက လက်ရှိကာချုပ်တွေ သမ္မတွေဘာတွေကို ”လူလည်ကျပြီး ကွက်ကျော်ရိုက်သွားတယ်တို့ မော်စီတုန်း ယန်စီမြစ်ထဲဆင်း ရေလက်ပစ်ကူးပြသလိုမျိုး ငါမသေဘူး ရေကူးတတ်တယ်” လုပ်ပြတာတို့ဆိုတဲ့အမြင်ဝေဝါးရှုပ်ထွေးမှုတွေ လူတွေကြား မဖြစ် ဖြစ်အောင် တမင်ဆင်တဲ့အကွက်မဟုတ်ဘူးလို့ ခင်ဗျား ကျနော် ယတိပြတ် ငြင်းနိုင်ပါ့မလား။

နိုင်ငံရေးသမားဆိုးတွေနဲ့ အနေနီးဖူးတဲ့စစ်ဗိုလ်မျိုး၊ စစ်ထောက်လှမ်းရေး လုပ်ခဲ့ဖူးတဲ့စစ်ဗိုလ်မျိုး၊ စိတ်ဓာတ်စစ်ဆင်ရေးနဲ့ ဝါဒဖြန့်ချိရေးကိုင်ဖူးတဲ့ စစ်ဗိုလ်မျိုးဟာ ကောက်ကျစ်တဲ့နေရာ သွေးအေးအေးနဲ့ရက်စက်တဲ့နေရာ အာဏာရမက်ပြင်းတဲ့နေရာ ဓနဥစ္စာလောဘဇောတိုက်တဲ့နေရာမျိုးမှာ ပြိုင်စံရှားတာပဲ။

ဒီဇင်ဘာ ၁၂၊ ၂ဝ၁၅

(စစ်မုဒိန်း)
ကျနော့်မှတ်တမ်းကားထဲမှာ ရှေ့တန်းမှာ ခြေလျင်တပ် တတပ်က အမျိုးသမီးပေါ်တာတယောက်ကို မုဒိန်းကျင့်ပြီးသတ်ပစ်တဲ့အကြောင်း ကျနော့်ကိုယ်တွေ့အရ ပြောထားပါတယ်။ အဲ့ဒီအခန်းကိုအကြောင်းပြုပြီး မကြိုက်သူတွေ ဝိုင်းဆဲလိုက်ကြတာမှ မနည်းဘူး။ ဘယ်နေရမှာလဲ..ပြော၊ ဘယ်အချိန်ကလဲ..ပြော၊ ဘယ်တပ်လဲ...ပြ၊ ဘယ်ကောင်လည်း ကိုယ်ပိုင်နံပတ်နဲ့ အတိအကျပြောတွေ ဘာတွေလည်း ပါပါတယ်။ မပြနိုင်ရင် သတ်ပစ်မယ်ဆိုတာအထိတောင် ပါပါတယ်။

တချိန်ချိန်ကြ ကျနော်လည်း မှတ်တမ်းရုပ်ရှင်ရိုက်ရမယ်၊ ဒီအခန်းလည်း ထည့်ပြောဖြစ်မယ်လို့ မသိခဲ့တာလည်းပါသလို ကိုယ်တိုင်ကလည်း ဒိုင်ယာရီရေးကျင့်မရှိတဲ့အပြင် စစ်သားဘဝတုန်းက အပြင်မှာအရပ်ထဲမှာပြန်ပြောဖို့မပြောနဲ့ တပ်ထဲက လူပျိုလိုင်းမှာတောင် ပြန်မပြောရဲ့တဲ့ကိစ္စမို့ မှတ်မှတ်သားသားကို မထားခဲ့ရတာပါ။

ခု နည်းပညာတွေရဲ့အကျိုးကျေးဇူးနဲ့ ဖေ့စ်ဘွတ်ခ်အပါအဝင် လူထုမီဒီယာတွေ လှိုင်လှိုင်ပေါလာတော့ ဘယ်စစ်တပ်က ဘယ်စစ်ဗိုလ် ဘယ်စစ်သား ကိုယ်ပိုင်နံပတ် ဘယ်လောက်လောက် ရာထူးအဆင့်ဘယ်ရွေ့ဘယ်မျှ ဘယ်နေ့ ဘယ်နေရာ ဘယ်အချိန်မှာ ဘယ်လိုအမျိုးသမီးတွေကို ဘယ်ပုံဘယ်နည်း မုဒိန်းတွေကျင့်ကြ နှုတ်ပိတ်သတ်ဖြတ်ကြတွေ ဖုံးမနိုင်ဖိမရပေါ်လာတော့မှ ကျနော့် ဝိုင်းဆဲခဲ့ကြသူတွေ အသံတိမ်သွားလား။

အဲ့သလို လူထုနည်းနဲ့ စစ်မုဒိန်းလူသတ်ကောင်တွေ လက်သည်ပေါ်ပေါ်လာတော့ စစ်တပ်နဲ့ဆိုင်တဲ့အမှုကြီးငယ်မှန်သမျှ အဆုံးသတ်စီရင်ချက်ဟာ ကာကွယ်ရေးဦးစီးချုပ်ထံမှသာ ဆင်းသက်စေရမယ်ဆိုတဲ့ ကိုယ့်လူကိုယ်ကာတဲ့ဥပဒေထုတ်ပြီး ကာရတာပဲမဟုတ်လား။

ဒါတောင် ကျနော်ပြောတုန်းက တောထဲတောင်ထဲမှာ၊ ရှေ့တန်းစစ်မြေပြင်လို့ဆိုတဲ့ လူသူအရောက်အပေါက်နည်းတဲ့ ဒေသတွေမှာ။ လူမသိသူမသိ ကြိတ်ပြီးဖြစ်နေကြတာပါ။
ခုတော့ စစ်မုဒိန်းလူသတ်ကောင်တွေက မြို့လည်ကောင်တွေမှာ ပြောင်ပြောင်တင်းတင်းဖြစ်နေပြီ မဟုတ်လား။

ဘာကြာသေးလို့တုန်း စစ်တွေဘက်မှာ ခွင့်ပြန်လာတဲ့စစ်သားက ၇ နှစ် သမီးလေးကို မုဒိမ်းကျင့်ခဲ့တာပဲ။ ကလေးမလေး အဲ့ဒီဒဏ်နဲ့သေတာပဲ။

ဒီဇင်ဘာ ၁၂၊ ၂ဝ၁၅