နောက်ပြန်လှည့်/မလှည့်ကိစ္စ (ဖတ်ကြည့်ဗျာ။ ဗကပ ရဲ့အာဘော်..)
(၁) နောက်ပြန်လှည့်/မလှည့်ကိစ္စကို ပြည်တွင်းပြည်ပက စိတ်ဝင်စားကြတယ်။ NLD ဥက္ကဋ္ဌရဲ့ အနောက်နိုင်ငံများခရီးမှာ ဒီကိစ္စကပဲ ရှေ့တန်းရောက်မေးခွန်းဖြစ်တယ်။ NLD ဥက္ကဋ္ဌကလည်း ယတိပြတ်မဖြေနိုင်ဘူး။ ဦးသိန်းစိန်ကိုစိတ်ချရပေမယ့် အခြားစစ်တပ်အာဏာပိုင်တွေကို စည်းရုံးနိုင်ပါ့မလားဆိုတာ သံသယရှိတဲ့သဘောပြောတာတွေ့ရတယ်။ (NLD နဲ့ ဦးသိန်းစိန်ပေါင်းပြီးစည်းရုံးရင်တော့ အောင်မြင်စရာရှိတယ်လို့လည်း ထင်နေပုံရတယ်)
(၂) အရှေ့က တရုတ်ကလည်း စိတ်ဝင်စားဟန်ရှိတယ်။ ကြံ့/ဖွံ့အထွေထွေအတွင်းရေးမှူးကိုဖိတ်ခေါ်ပြီး တီးခေါက်ကြည့်တာတွေ့ရတယ်။ တရုတ်စိတ်ဝင်စားတာက တမျိုးဖြစ်တယ်။ (၁၉၈၉) ကနေ (၂၀၁၀) အထိ ချုပ်ဆိုခဲ့တဲ့စာချုပ်စာတမ်းတွေရဲ့အနာဂတ်ကို စိတ်ပူတာဖြစ်တယ်။
ကြံ့/ဖွံ့အထွေထွေအတွင်းရေးမှူးကလည်း စိတ်အေးအောင်အာမခံခဲ့တယ်။
(၃) ပြည်ပက စိတ်ဝင်စားတာဟာ သူတို့အကျိုးစီးပွားပေါ် အခြေခံတာပဲ။ တီးခေါက်ကြည့်ကြတာပဲဖြစ်တယ်။ မိမိတို့စိတ်ပူတာက တမျိုးဖြစ်တယ်။ နောက်ပြန်လှည့်/မလှည့်ဆိုတာဟာ ဗြောင်ကျတဲ့စစ်အာဏာရှင်စနစ်ဆီ ပြန်သွား/မသွားကို စကားလုံးတမျိုးနဲ့ပြောတာပဲဖြစ်တယ်။
(ဗကပ) က ယတိပြတ်ပြောပါမယ်။
(က) အချိန်မရွေး နောက်ပြန်လှည့်နိုင်ပါတယ်။ ဒါပေမယ့် လက်ရှိနိုင်ငံတကာအခင်းအကျင်းအတိုင်း နိုင်ငံကြီးတွေကလိုက်နာကျင့်သုံးနေရင်၊ ပါဝါပျော့လွန်ပွဲကို အမေရိကန်နဲ့အပေါင်းအပါတွေကတဖက်၊ တရုတ်-ရုရှား(ဆိုတဲ့နိုင်ငံတွေ) နိုင်ငံတွေကတဖက် ဆက်လက်ဆွဲနေကြရင် နောက်ကြောင်းပြန်လှည့်ဖို့ စစ်အုပ်စုက စဉ်းစားမှာမဟုတ်ပါဘူး။
(ခ) နောက်တကြောင်းက "၂၀၀၈ အခြေခံဥပဒေ" ကို ပြည်သူကတိုက်ရိုက်စိန်ခေါ်တာမလုပ်ရင်၊ "၂၀၀၈ အခြေခံဥပဒေ"အတိုင်း ရှောရှောရှူရှူစခန်းသွားလို့ရနေရင် နောက်ကြောင်းပြန်လှည့်ဖို့ စိတ်ကူးမှာ မဟုတ်ပါဘူး။ (အာရပ်နွေဦးလိုဖြစ်မှာကို ဦးသိန်းစိန်ရော NLD ဥက္ကဋ္ဌပါ မလိုလားဘူးလို့ ပြောနေပါတယ်။ ဒါပေမယ့် ထိန်းမနိုင်သိမ်းမရဖြစ်မှာလည်း သူတို့တွက်မိပုံရပါတယ်။ အလုပ်သမား၊ လယ်သမားနဲ့ လူငယ်အလုပ်လက်မဲ့ပြဿနာ၊ ဆင်းရဲမွဲတေမှုလျှော့ချရေးပြဿနာရှိနေတာကို သူတို့သိပါတယ်)
(၄) မျက်မှောက် နိုင်ငံတကာနဲ့ပြည်တွင်းအခြေအနေအရ (တွက်ဆ) ရတာက စစ်အုပ်စုက သမ္မတရဲ့အာဏာနဲ့ အရေးပေါ်အခြေအနေကြေညာတာ၊ ပုဒ်မ(၄၀၁) ကျင့်သုံးတာကိုပဲ စစ်အုပ်စုက လိုလားပါလိမ့်မယ်။
အရေးပေါ်အခြေအနေကြေညာနိုင်ဖို့ အာဏာမက်တဲ့စစ်ဗိုလ်တွေက တမင်ဖန်တီးနိုင်ပါတယ်။ ဗမာပြည်မှာ ရခိုင်မှာဖြစ်သလိုမျိုး ဖန်တီးနိုင်တဲ့ဒေသတွေ သိတ်များပါတယ်။
(၅) အချုပ်အခြာအာဏာက (၁၉၆၂) ကစပြီး ခုထက်ထိစစ်အုပ်စုလက်ထဲမှာပါ။ ဒါကိုမေ့နေရင် ဒုက္ခရောက်ကြလိမ့်မယ်။ "၁၉၉၀"ရွေးကောက်ပွဲ NLD ခွင်လုံးကျွတ်နီးပါးနိုင်တုန်းက နဝတ ဘာလုပ်ခဲ့သလဲဆိုတာ မမေ့သင့်ပါ။
"၂၀၀၈ အခြေခံဥပဒေ"ရဲ့ နိဒါန်းကိုလည်း အသေးစိတ်လေ့လာကြစေချင်တယ်။ "စစ်အာဏာသိမ်းတာ တရားတယ်" လို့ ရေးထားတာပါ။
"၂၀၀၈ အခြေခံဥပဒေ" အလုပ်ဖြစ်နေသမျှတော့ နံမည်ပျက်ခံပြီး စစ်အာဏာသိမ်းပွဲလုပ်ကြမှာ မဟုတ်ပါကြောင်း။
ပြည်သူ့အာဏာဂျာနယ်ထဲက (နောက်ပြန်လှည့်/မလှည့်ကိစ္စ) ဗကပ အာဘော်ပါခင်ဗျား။
လိုချင်တာအားလုံးရနေမှတော့ စစ်အုပ်စုက ဘာကြောင့်နောက်ပြန်လှည့်မလဲ။
အပျော့ဂိုဏ်းအမာဂိုဏ်းဆိုတဲ့စဉ်းစားနည်းကနေပြီး နောက်ပြန်လှည့်/မလှည့်စဉ်းစားနည်း ပေါ်တာဖြစ်သည်။ လွဲမှားတဲ့ကောက်ချက်ကိုပဲ ဖြစ်စေပါလိမ့်မည်။ "နောက်ပြန်မလှည့်အောင် ချော့ထား" "သမ္မတဦးသိန်းစိန်ကို အားပေး" ဆိုတဲ့လမ်းစဉ်အမှား ဖြစ်စေလိမ့်မည်။ မိမိတို့ပြည်သူတွေစဉ်းစားရမှာက သူတို့ နောက်ပြန်လှည့်/မလှည့်မဟုတ်ပါ။ မိမိတို့နောက်ပြန်လှည့်လို့မရတဲ့အနေအထားသို့ မရောက်ရေးပဲဖြစ်သည်။ (ပြည်သူ့အာဏာဂျာနယ် (အမေရိကန်-တရုတ်ပါဝါပျော့လွန်ပွဲ စစ်အုပ်စုတွင်း"အာဏာလွန်ပွဲ")ဆောင်းပါးမှကောက်နှုတ်ချက်)
0 comments:
Post a Comment