အာဏာဟာသေနတ်ပြောင်းကထွက်တယ် (ရဟိုင်းသူ)

အာဏာဟာသေနတ်ပြောင်းကထွက်တယ် (ရဟိုင်းသူ)

(ပြည်သူ့အာဏာ(အမှတ် ၃၄)ကနေ ကူးယူဖော်ပြတယ်လို့ဆိုထားပါတယ်)

မာ့စ်ဝါဒကို ထိုးနှက်တိုက်ခိုက်သောအခါ ဆန့်ကျင်တိုက်ခိုက်သူတို့ အသုံးအများဆုံးနည်းမှာ စကားလုံးတို့ကိုအဓိပ္ပါယ်တလွဲဖွင့်ဆိုပြီး သိက္ခာချသောနည်းဖြစ်သည်။ မာ့စ်ဝါဒီတို့ မပြောသောစကား၊ မပြောသောအဓိပ္ပါယ်ကို ပြောသယောင်လုပ်ပြီး၊ ထိုသို့ ပြောသည်မှာ မကောင်းဟု မတော်မတရားစွပ်စွဲပြောဆိုသော နည်းဖြစ်သည်။ ထိုသို့သော သာဓကအမြောက် အများရှိသည်။ ယင်းတို့အနက်တခုကို ယခု ပြောချင်ပါသည်။

”အာဏာဟာသေနတ်ပြောင်းကထွက်တယ်”ဆိုသောစကားကို လူတော်တော်များများ မကြိုက်ကြ။ ဆိုလိုရင်းအမှန်ကိုနားမလည်ဘဲ တလွဲအဓိပ္ပါယ်ကောက်ပြီး မကြိုက်ကြခြင်းဖြစ်သည်။ တလွဲအဓိပ္ပါယ်ကောက်ကြခြင်းမှာလည်း တလွဲအဓိပ္ပါယ်ဖွင့်ပြီး မဟုတ်မတရားသိက္ခာချသူတွေ ရှိခဲ့သောကြောင့်ဖြစ်သည်။

”အာဏာဟာသေနတ်ပြောင်းကထွက်တယ်”ဆိုသောစကားကို မော်စီတုန်းက အာဏာရှင်မို့ပြောသည်ဟု စွပ်စွဲကြသည်။ ပြည်သူတွေကို သေနတ်နှင့်အုပ်ချုပ်ရမည်၊ သေနတ်နှင့်ဖိနှိပ်ရမည်ဟု မော်စီတုန်း ကပြောသလိုလို ထင်ကြသည်။ ထိုစကား မမှန်ပါ။ ပြောင်းပြန်ဖြစ်သည်။ သမိုင်းတလျောက်တွင် ပြည်သူကို တန်ဖိုးထားခြင်း၊ ပြည်သူကိုဦးထိပ်တင်ခြင်း၊ ပြည်သူ့အာဏာထူထောင်ရန်ကြိုးပမ်းခြင်းအလုပ်တို့ကို ပါတီမူဝါဒအဖြစ်နှင့် ယုံယုံကြည်ကြည်စွဲစွဲမြဲမြဲလိုက်နာပြီး လက်တွေ့အကောင်အထည်ဖော်ကြသူများတွင် သက်တမ်းအရှည်ကြာဆုံးပါတီများမှာ ကွန်မြူနစ်ပါတီများသာဖြစ်သည်။ ကမ္ဘာ့သမိုင်းတလျောက်တွင် ကွန်မြူနစ်များလောက် ဘယ်သူတွေမှ ပြည်သူလူထုအတွက် အနစ်နာမခံကြဖူးပါ။

စင်စစ် ”အာဏာဟာသေနတ်ပြောင်းကထွက်တယ်”ဟု ဥက္ကဌမော်စီတုန်းပြောခဲ့ခြင်းမှာ သူဖြစ်ချင်သောအရာကို ပြောခဲ့ခြင်းမဟုတ်ပါ။ အာဏာသေနတ်ပြောင်းကထွက်ခြင်းသည် ကောင်းသည်၊ မှန်သည်၊ ဖြစ်ထိုက်သည်ဟု ထိုအဆိုဘက်ကနေရှေ့နေလိုက်ထောက်ခံပြီး ပြောဆိုခဲ့ခြင်းလည်းမဟုတ်ပါ။ သူပြောသည်မှာ ဖြစ်နေသောအရာကိုပြောခြင်းသာဖြစ်သည်။ အရှိတရား၊ ပကတိတရားကိုသာ ပြောနေခြင်းဖြစ်သည်။ လူမှာ ခြေနှစ်ချောင်းရှိတယ်၊ နွားမှာခြေလေးချောင်းရှိတယ်၊ ရေမှာ အောက်ဆီဂျင်နဲ့ဟိုက်ဒရိုဂျင်ဓါတ်ပါတယ်၊ အနုမြူဗုံးပေါက်ကွဲရင် လူပေါင်းများစွာသေကြေစေနိုင်တယ်ဆိုသည့်စကားတို့နှင့် အလားသဏ္ဍန်တူသောအမှန်တရားတခုကို ပြောလိုက်ခြင်းသာဖြစ်ပါသည်။ ထိုကဲ့သို့သောအမှန်တရားမျိုးသည် ခင်ဗျားတို့ကျွန်တော်တို့ ကြိုက်သည်ဖြစ်စေ၊ မကြိုက်သည်ဖြစ်စေ သူ့ဖာသာမှန်နေသော အမှန်တရားမျိုးဖြစ်သည်။ လူတို့၏ကြိုက်ခြင်း၊ ကြိုက်ခြင်း၊ လိုခြင်း၊ မလိုခြင်းဟူသော ဆန္ဒစွဲတို့နှင့်ကင်းလွတ်ပြီး သူ့ဖာသာသီးခြား မှန်ကန်နေသော အမှန်တရားဖြစ်သည်။ Objective Truth ဖြစ်သည်။ အနုမြူဗုံးပေါက်ကွဲရင် လူပေါင်းများစွာသေနိုင်တယ်ဟုပြောသောသူကို အနုမြူဗုံးအသုံးပြုပြီး လူသတ်ချင်စိတ်ပေါက်နေသောသူဟု စွပ်စွဲလျှင်မမှန်သလို၊ ”အာဏာဟာသေနတ်ပြောင်းကထွက်တယ်”ဟုပြောသောသူကို မော်စီတုန်းဟာ အာဏာရှင်မို့ ပြည်သူကိုသေနတ်နှင့်ဖိနှိပ်ချင်လို့ပြောတာပဲဟု ကောက်ချက်ချခြင်းမှာလည်း မမှန်ကန်နိုင်ပါ။

တကယ်တော့ အာဏာဟာသေနတ်ပြောင်းကထွက်တယ်ဆိုသောစကားသည် အာဏာရှင်တို့၏စကားဟု ထင်မှတ်ကောက်ယူနေကြသူများသည် မော်စီတုန်း၏စာပေများကိုမဖတ်ဖူးဘဲ ပြောနေကြခြင်းဖြစ်ကြောင်း အလွန်ပင်ထင်ရှားပါသည်။ မော်စီတုန်း၏စာပေများကိုဖတ်ရှုဖူးလျင် မော်စီတုန်းသည် ပြည်သူလူထုကို ဘယ်လောက်အားထားယုံကြည်ကြောင်း ထင်ရှားစွာသိမြင်နိုင်ပါသည်။ ပြည်သူလူထုကိုစည်းရုံးပြီး တော်လှန်ရေးဆင်နွဲနိုင်ရန် ခရီးရှည်ချီတက်ပွဲကြီးကို ဘယ်လို စီစဉ်အကောင်အထည်ဖော်ခဲ့ကြောင်း သိနိုင်ပါသည်။ မော်စီတုန်း၏ပြောက်ကျားစစ်သဘောတရားများကိုဖတ်ဖူးလျင် မော်စီတုန်းသည် ပြောက်ကျားစစ်သေနင်္ဂဗျူဟာများကို ပြည်သူကိုအခြေခံရေးသားခဲ့ကြောင်းသိရှိနိုင်ပါသည်။ မော်စီတုန်း၏ ပြောက်ကျားစစ်သေနင်္ဂဗျူဟာများသည် ကွန်မြူနစ်ဟုတ်ဟုတ် မဟုတ်ဟုတ် စစ်နှင့်ပတ်သက်သူတိုင်း မဖြစ်မနေလေ့လာကြရသော စစ်ရေးသိပ္ပံကျမ်းတွေဖြစ်သည်ကို စစ်ပညာလေ့လာသူတိုင်း၊ နိုင်ငံရေးလေ့လာသူတိုင်း သိရှိကြပါသည်။ ထိုစစ်ရေးသိပ္ပံကျမ်းတို့သည် စစ်တိုက်မည့်သူများအတွက်သာ အသုံးဝင်သည်မဟုတ်ဘဲ သေနင်္ဂဗျူဟာချမှတ်ဆောင်ရွက်ရသောကိစ္စတိုင်းအတွက် အသုံးဝင်သော ကျမ်းများဖြစ်သည်။ အထူးသဖြင့် ပြိုင်ဘက်နှင့်၊ ရန်သူနှင့်သူနိုင်ကိုယ်နိုင် အပြိုင်ကြဲကြရမည့်ကိစ္စများတွင် သေနင်္ဂဗျူဟာပိုင်းကိုလေ့လာလိုသူတိုင်းအတွက် မဖြစ်မနေလေ့လာအပ်သော ဘာသာရပ်များပင်ဖြစ်သည်။ သမိုင်းကိုမလေ့လာလျင် ”အ” တတ်ပါသည်။ နိုင်ငံရေးသဘောတရားများကို မလေ့လာလျှင်၊ စာမဖတ်လျှင်လည်း တုံးတတ်ပါသည်။ နိုင်ငံရေးကြောင်းပြောလိုလျင်၊ နိုင်ငံရေးမှာဝင်ရောက်ပတ်သက် လိုလျှင် နိုင်ငံရေးသဘောတရားစာပေများကို ဖတ်ရှုလေ့လာဖို့လိုအပ်ပါသည်။ ”အာဏာဟာသေနတ်ပြောင်းကထွက်တယ်”ဆိုသောစကားကိုဝေဖန်လိုလျင် သင်သည် အနိမ့်ဆုံးအဆင့်အနေဖြင့် မော်စီတုန်းရေးသားသော စစ်နှင့်သေနင်္ဂဗျူဟာပြဿနာစာတမ်းကို ဖတ်ဖူးရပါလိမ့်မည်။ အဘယ်ကြောင့်ဆိုသော် အာဏာဟာသေနတ်ပြောင်းကထွက်တယ်ဆိုသောစကားကို မော်စီတုန်းက ထိုစာတမ်းတွင်ထည့်သွင်းရေးသားခဲ့သောကြောင့် ဖြစ်ပါသည်။

ထိုစာတမ်းတွင် မော်စီတုန်းရေးခဲ့သည်မှာ “ နိုင်ငံရေးအာဏာဟာ သေနတ်ပြောင်းထဲက ထွက်လာတာဖြစ်တယ်ဆိုတဲ့အမှန်တရားကို ကွန်မြူနစ်ပါတီဝင်တိုင်း နားလည်ထားရမယ်” ဟုရေးခဲ့ခြင်းဖြစ်သည်။ ပါတီဝင်တွေကို ဦးဆောင်ညွှန်ပြသင်ကြားပေးခြင်းဖြစ်သည်။ သို့သော် ထိုဆောင်းပါးထဲမှာပင် “ကွန်မြူနစ်ပါတီဝင်များဟာ ပုဂ္ဂလိက(အကျိုး)အတွက် စစ်အာဏာ မလုရ။ ဘယ်နည်းနဲ့မှ မလုရ။ ကျန်းကိုထောင်ကို ဘယ်တော့မှ အတုမယူရ။ ဒါပေမယ့် ပါတီအတွက်နဲ့ ပြည်သူတို့အတွက် စစ်အာဏာလုရမယ်” ဟု အတိအလင်းရေးသားခဲ့ပါသည်။ အင်္ဂလိပ်ဘာသာပြန်မှာ 
They must fight for military power for the people ဟု အတိအလင်းရေးထားပါသည်။ ထီုစာသားကိုကြည့်လျင် ဥက္ကဌမော်သည် အာဏာသည်သေနတ်ပြောင်းကထွက်သည်ဆိုသည့် အရှိတရားကိုထောက်ပြခဲ့ပြီး ပြည်သူတွေအတွက် သေနတ်ပြောင်းကိုလုယူရန်လိုကြောင်း ညွှန်ကြားခဲ့သည်ကို ရှင်းရှင်းလင်းလင်းမြင်နိုင်ပါသည်။

အာဏာဟာသေနတ်ပြောင်းကထွက်တယ်ဟု သူပြောခြင်းသည် အာဏာကိုတကယ်ပိုင်ဆိုင်ထိန်းချုပ်သူမှာ သေနတ်ကိုင်ထားသူသာဖြစ်သင့်သည်ဟူသော အဓိပ္ပါယ်မဟုတ်ပါ။ မဟုတ်ရုံသာမက အာဏာကို ပြည်သူကပိုင်ဆိုင်ထိန်းချုပ်နိုင်ရန်၊ အလုပ်သမား၊  လယ်သမားလူတန်းစားက ပိုင်ဆိုင်ထိန်းချုပ်နိုင်ရန်၊ ဥက္ကဌမော်သည် သူ့ဘဝတလျှောက်လုံး မြုပ်နှံအလုပ်လုပ်သွားသူဖြစ်သည်။ သူ့လက်ရွေးစင်ကျမ်းများကို ဖတ်ကြည့်လျင် ပြည်သူ့အာဏာအတွက်အလေးအနက်ထားပြီး တောက်လျောက်စူးစိုက်ရေးသားခဲ့ကြောင်း တွေ့နိုင်ပါသည်။ သူ၏ နာမည်ကျော် ဒီမိုကရေစီသစ်ကျမ်းကိုဖတ်ကြည့်လျင်လည်း သူ့သဘောကို နားလည် နိုင်ပါသည်။ ”အာဏာဟာသေနတ်ပြောင်းကထွက်တယ်”ဆိုသည်မှာ အာဏာကိုသေနတ်ပြောင်းထဲမှ ထုတ်လုပ်သည် (produce  လုပ်သည်) ဟုသာ ဆိုချင်တာဖြစ်ပါသည်။ အင်္ဂလိပ်လိုဘာသာပြန်မူမှာ Political power grows out of the barrel of a gun. ဟုရေးထားသည်။ အင်္ဂလိပ်ဘာသာပြန်မူကို www.marxists.org တွင် ကြည့်နိုင်သည်။ (Selected Works, Volume II ထဲက Problems of War and Strategy) ဗမာ ဘာသာပြန်ကိုတော့ www.marxistsburma.weebly.com တွင် ဖတ်နိုင်သည်။ (အတွဲ ၂ ပထမအုပ်ထဲက စစ်နဲ့သေနင်္ဂဗျူဟာပြဿနာများစာတမ်း)။  

အာဏာဟာသေနတ်ပြောင်းကထွက်တယ်ဆိုသောစကားကို မကြိုက်နှစ်သက်သူတွေကို မေးချင်ပါသည်။ အာဏာသည် သေနတ်ပြောင်းကမထွက်လျင် ဘယ်ကများထွက်ပါသနည်း။ ဤဆောင်းပါးကိုခဏရပ်ပြီး သင်ကိုယ်တိုင်စဉ်းစားကြည့်ပါ။ ယနေ့ ကမ္ဘာပေါ်တွင်တည်ရှိနေသော နိုင်ငံရေးအာဏာတို့တွင် နောက်မှ ”သေနတ်နှင့်စစ်တပ်နှင့် ကျောထောက်နောက်ခံပြု ပေးမထားသောအာဏာ” ဘယ်မှာ ရှိပါသနည်း။ ဂျပန်တွင် အမြဲတန်းစစ်တပ်မရှိဘဲ အကြာကြီးရပ်တည်ခဲ့သည်ဟု သင်က ဆိုချင်ဆိုပေလိမ့်မည်။ ဂျပန်တွင် နိုင်ငံရေးအာဏာကို ပြည်သူတို့အပေါ်ကျင့်သုံးနိုင်ရန် လက်နက်ကိုင်ရဲတပ်ဖွဲ့ရှိသည်။ ဂျပန်၏ နိုင်ငံရေးအာဏာတည်မြဲအောင် ကျောထောက်နောက်ခံပြုပေးထားသော တကယ့်သေနတ်ပြောင်းမှာ အမေရိကန်သေနတ်ပြောင်း ဖြစ်သည်။ အမေရိကန်စစ်တပ်က ဂျပန်ကို နှစ်ပေါင်းများစွာချုပ်ချယ် ထားသလို၊ တခြားပြိုင်ဘက် နိုင်ငံရေးအာဏာတို့၏အန္တရာယ်မှလည်း ကာကွယ်ထားသည်။ ယနေ့ ကမ္ဘာပေါ်တွင်လည်းကောင်း၊ ပြီးခဲ့သောအတိတ်ကာလကမ္ဘာတွင်လည်းကောင်း စစ်တပ်ဖြင့်၊ သေနတ်ဖြင့် ကျောထောက်နောက်ခံပြုမထားသော အာဏာဟူ၍တခါမျှမရှိခဲ့ဖူးချေ။ စကားကပ်သပ်ပြောလိုပါမူ အာဏာသည်သေနတ်ပြောင်းထွက်လာသည်မဟုတ်ဘဲ၊ ဓါးကစီးလာသောအချိန်မျိုး ရှိခဲ့ဖူးပါသည်ဟု ဆိုလျင်မူကားမှန်သည်ဟု ဆိုရပါမည်။ အနော်ရထာတို့၊ ကူဗလိုင်ခန်၊ ဂျင်ဂစ်ခန်တို့၏အာဏာသည် ဓါးနှင့်မြားတို့ကနေ စီးထွက်လာခြင်းဖြစ်သည်။ သို့သော် သဘောတရားမှာအတူတူသာဖြစ်သည်။ စစ်တပ်နှင့်လက်နက်နှင့် ကျောထောက်နောက်ခံပြုမထားသောအာဏာဟူ၍ကား တခါမျှ မပေါ်ဖူးပါသေးချေ။

၎င်းအပြင် နိုင်ငံရေးအာဏာမရှိဘဲ၊ သို့မဟုတ် နိုင်ငံရေးအာဏာ၏ထောက်ခံချက်မရဘဲ ကျွန်တော်တို့ ဘာမျှ ထိထိရောက်ရောက်လွတ်လွတ်လပ်လပ် လုပ်၍မရနိုင်ပါ။ ကုန်ကုန်ပြောရလျင် နိုင်ငံရေးအာဏာက သဘောမတူပါက ကျွန်တော်တို့သည် အခမဲ့ ပရဟိတဆေးခန်းတခန်းကိုမျှ လွတ်လွတ်လပ်လပ် တည်ထောင်၍မရကြောင်းကို ဗမာပြည်၏လက်တွေ့အခြေအနေများက သင်ခန်းစာပေး သင်ပြခဲ့ပြီးဖြစ်ပါသည်။ နိုင်ငံရေးအာဏာရှိလျင်၊ ပညာရေးကိုလည်း ဆောင်ရွက်နိုင်သည်၊ ကျန်းမာရေးကိုလည်း ဆောင်ရွက်နိုင်သည်၊ ယဉ်ကျေးမှုကိုလည်း တည်ဆောက်နိုင်သည်၊ စီးပွားရေးကိုလည်းတည်ဆောက်နိုင်ပါသည်။ ထို့အပြင် နိုင်ငံရေးအာဏာကိုအလွဲသုံးစားပြုပြီး သားစဉ်မြေးဆက် ချမ်းသာကြွယ်ဝရေးကိုပင် စစ်အာဏာရှင်တို့လုပ်နေကြသည်ကို ကျွန်တော်တို့ မျက်ဝါးထင်ထင်တွေ့မြင်နေရပါသည်။ နိုင်ငံရေးအာဏာကိုအလွဲသုံးစားပြုပြီး စစ်အာဏာရှင်တို့ကို အထောက်အကူပြုမည့် သေဖော်သေဖက်စီးပွားရေးအခွင့်ထူးခံများမွေးထုတ်ပေးပြီး အုပ်စုဂိုဏ်းဂဏဖွဲ့နေ သည်ကိုလည်း တွေ့မြင်ရပါသေးသည်။

ဥက္ကဌမော်က သူ့စာတမ်းထဲတွင် “ကျနော်တို့ရဲ့မူဟာ ပါတီက သေနတ်ကိုဦးစီးဖို့ ဖြစ်တယ်။ သေနတ်က ပါတီကိုဦးစီးတာမျိုးကိုတော့ ဘယ်တော့မှခွင့်မပြုနိုင်ဘူး”ဟု ရေးသားခဲ့ပါသည်။ “ဒါပေမယ့် သေနတ်ရှိရင် ကေဒါတွေ၊ ကျောင်းတွေ၊ ယဉ်ကျေးမှုတွေ၊ လူထုလှုပ်ရှားမှုတွေကို ဖန်တီးနိုင်သေးတယ်”ဟုလည်း သူတို့၏ ယင်အန်းအတွေ့အကြုံကို ထောက်ပြပြောဆိုခဲ့ပါသည်။ “မာ့စ်ဝါဒနိုင်ငံတော် သဘောတရားအမြင်နဲ့ ကြည့်မယ်ဆိုရင် စစ်တပ်ဟာ နိုင်ငံတော်အာဏာထဲက အဓိကအစိတ်အပိုင်းဖြစ်တယ်” ဟုလည်း ရေးသားခဲ့ပါသည်။

စစ်ဘုရင်တွေဟာ စစ်တပ်ရှိမှအာဏာရှိမယ်ဆိုတဲ့မူကို ကောင်းကောင်းနားလည်ထားကြတယ်ဟုလည်း ထောက်ပြပါသည်။ ကျွန်တော်တို့နိုင်ငံတွင် တပ်မတော်အင်အားရှိမှ၊ တိုင်းပြည်အင်အားရှိမည်ဟု စစ်အာဏာရှင်တို့က ကြွေးကြော်လှုံ့ဆော်နေခြင်းသည်လည်း အာဏာ၏သဘောကို စစ်အာဏာရှင်တို့က ကောင်းကောင်းနားလည်ထားသောကြောင့်ဖြစ်သည်။ စင်စစ် သူတို့ အာဏာတည်မြဲဖို့ ဖြစ်သည်။ တကယ့်အတွင်းသဘောအနှစ်သာရမှာ တပ်မတော်အင်အားရှိမှ စစ်အာဏာရှင်တွေအင်အားရှိမည်ဟု ဆိုလိုခြင်းသာဖြစ်သည်။

ကျွန်တော်တို့ ဒီမိုကရေစီသမားအများစုမှာမူ အာဏာ၏သဘောသဘာဝကို နားမလည်ကြ။ အာဏာဟူသည် သေနတ်ပြောင်းကထွက်သည်ဟူသော အခြေခံသိပ္ပံနည်းကျအတွေးအခေါ်ကို သဘောမပေါက်ကြ။ သဘောမပေါက်ရုံသာမက ရွံစရာ၊ မုန်းစရာ၊ ကြောက်စရာစကားဟုပင် ထင်သူကထင်ကြသည်။ တချို့ ဒီမိုကရေစီသမားတို့က အာဏာရှင်တွေကိုစည်းရုံးသိမ်းသွင်းပြောဆိုလျင် နားလည်လာလိမ့်မည်ဟု စိတ်ကူးယဉ်ကြသည်။ အာဏာရှင်တို့လည်း တိုင်းပြည်ကိုချစ်ကြသည်၊ သူတို့ နားမလည်သဘောမပေါက်လို့သာ မိုက်နေကြသည်ဟု ထင်နေကြသည်။ မိမိတို့အသိဥာဏ်နုံနဲ့သည်ကို မိမိဖာသာမရိပ်စားမိဘဲ အာဏာရှင်တွေကို ပညာပေးမှဖြစ်မည်ဟုစိတ်ကြီးဝင်သူက ဝင်ကြသည်။ ကျောင်းသားတပ်မတော်ကိုဖျက်ပြီး စစ်ဗိုလ်ကြီးများကို ယဉ်ပါးလာအောင်လိမ္မာလာအောင် တရားရေအေးတိုက်ကျွေးဖို့ကြိုးစားကြရန် တိုက်တွန်းသူကတိုက်တွန်းခဲ့ကြသည်။ ဤသို့သော အတွေးအခေါ်မှားများ၊ အာဏာ၏သဘောတရားကိုနားမလည်သော အတွေ့အကြုံနုနယ်မှုများကြောင့် ဒီမိုကရေစီအရေးတော်ပုံကြီးမှာ ကြာသင့်သည်ထက်ကြာခဲ့ရပါသည်။

တကယ်တော့ ကျွန်တော်တို့အနေနှင့် ပြည်သူ့အာဏာခေတ်ကိုတည်ထောင်နိုင်ဖို့ဆိုလျင် ပြည်သူ့အာဏာကို ကျောထောက်နောက်ခံပြုပေးမည့် သေနတ်ရှိဖို့မဖြစ်မနေလိုအပ်ပါသည်။ အာဏာဟူသည် ရှေးခေတ်ကရော ယခုခေတ်တွင်ပါ၊ သေနတ်ပြောင်းကသာထွက်ပါသည်။ တခြားဘယ်ကမျှ မထွက်ပါ။ ထိုအချက်ကိုနားမလည်သေးသမျှမှာ လွတ်မြောက်ရေးနှင့်ဝေးနေဦးမည်သာ ဖြစ်ပါသည်။

မှတ်ချက်။.....။ပြည်သူ့အာဏာ အမှတ်(၃၄)မှကူးယူဖော်ပြပါသည်။

ရဟိုင်းသူ။ 

http://www.facebook.com/notes/yahine-thu/အာဏာဟာ-သေနတ်ပြောင်းကထွက်တယ်/231186333671490