ကုန်သွယ်မှုဆိုင်ရာမဟာဗျူဟာခြေလှမ်းများ (လင်းအေးထင်)

ကုန်သွယ်မှုဆိုင်ရာ မဟာဗျူဟာခြေလှမ်းများ

(လင်းအေးထင်) ခေတ်မောင်းအတွဲ (၁)

အမေရိကန်ရဲ့TPP နဲ့  တရုတ်ရဲ့ Trilateral FTA

ကုန်သွယ်မှုအတွက် အပေးအယူလုပ်ညှိနှိုင်းရတာ ရံဖန်ခါများကျ ကြမ်းတိုက်တာနဲ့ပင်တူသယောင်။ ကောင်းရာမွန်ရာ လုပ်နေတယ်လို့ ခံစားရမယ်၊ အချိန်အများကြီး ယူရတယ်၊ ခါးချိအောင် လုပ်ရတယ်။ အားလုံးပြီးသွားတော့လည်း အရင်အခြေထက် ထူးထူးကဲကဲကြီး ပြောင်းသွားတာမျိူးတွေ့ရခဲတယ်။

မေ ၁၃ ၂၀၁၂ မှာ တရုတ်၊ ဂျပန်နဲ့ တောင်ကိုရီးယား သုံးနိုင်ငံကြားလွတ်လပ်စွာကုန်သွယ်ရေးဒေသ Trilateral free-trade area ဖော်ဆောင်ဖို့အတွက် စကားတွေ စပြောမယ်လို့ ကြေညာသံထွက်လာတော့ ပထမဆုံးဖြစ်လာတဲ့တုန့်ပြန်မှုက မယုံမရဲ ပခုန်းတွန့်ကြတာပဲ။ ဒုတိယတုန့်ပြန်မှုကတော့ ဒီကိစ္စသာ ရေရေရာရာအခြေအနေတစ်ခုထိဖြစ်လာခဲ့ရင် အတော်ကြီးကျယ်တဲ့ အခြင်းအရာပဲလို့အသိအမှတ်ပြုကြရတယ်။ ဒီ (၃) နိုင်ငံပေါင်းဟာကမ္ဘာ့ကုန်ထုတ်လုပ်မှုရဲ့ (၅)ပုံ-(၁) ပုံ၊ ယူရိုဒေသထက်ပိုကြီး၊ ကမ္ဘာ့ပို့ကုန် (၁၈) ရာခိုင်နှုန်းကျော်တယ်။ တတိယတုန့်ပြန်မှုကတော့ ဒိုဟာ နိုင်ငံစုံပါဝင်သောကုန်သွယ်မှုဆိုင်ရာညှိနှိုင်းခြင်းအစည်းအဝေး (Doha Round) ကွင်းဆက်တွေ (WTO ရဲ့ ကမ္ဘာ့ကုန်သွယ်ရေးမှာအကန့်အသတ်လျှော့ချရေးအတွက်ဆွေးနွေးပွဲတွေရဲ့အကျိူးဆက် အာရှတိုက်အတွင်းလွတ်လပ်သောကုန်သွယ်ခွင့်သဘောတူမှုရရေး FTAs အတွက် သူ့ထက်ငါ လုပ်လာကြခြင်းဟာ အမေရိကန်နဲ့တရုတ်ရဲ့ များလှစွာသော ဗဟာဗျူဟာအားပြိုင်ပွဲတွေထဲကတစ်ခုဖြစ်လာခဲ့ပါပြီဆိုတာကို သတိပြုကြရတယ်။

အဲဒီ့ နိုင်ငံတွေအကြားမျှော်မှန်းလေသော လွတ်လပ်သောကုန်သွယ်ရေးသဘောတူညီမှု ဖြစ်လာပါ့မလားလို့ ပခုန်းတွန့်ဖွယ်ရာ အချက် (၂) ချက်လောက်ကိုကြည့်ကြရအောင်။ ပထမအချက်က အဲဒီ့ (၃) -နိုင်ငံစလုံးမှာ ဈေးကွက်လွတ်လပ်စွာယှဉ်ပြိုင်ဖို့လမ်းပွင့်သွားမှာကိုဆန့်ကျင်မယ့် အရေးပါတဲ့အုပ်စုအတန်းအစားတွေ ရှိနေတယ်။ ဂျပန်လယ်သမားတွေရယ်၊ တရုတ်အစိုးရပိုင် စီးပွားရေးအင်တာပရိုက်စ်တွေရယ်၊ တရုတ်နဲ့သာ နှစ်နိုင်ငံကြားလွတ်လပ်စွာကုန်သွယ်ခွင့်သဘောတူမှုကို ရယူပြီး ဂျပန်ကိုဖြတ်ကျော်တက်ဖို့မျှော်လင့်နေတဲ့ တောင်ကိုရီးယားပို့ကုန်လုပ်ငန်းရှင်တွေရယ်။ ဒုတိယအချက်က ဒီလိုသဘောတူညီမှုဆိုတာတွေမှာ ဒီနေရာဟိုနေရာမှာတော့ သက်ရောက်ခြင်းမရှိစေရဆိုပြီးခြွင်းချက်ပေးမှုတွေနဲ့တင်းကြမ်းပြည့်နေလေ့ရှိတယ်။ တောင်ကိုရီးယားရဲ့ ဥရောပသမဂ္ဂ အမေရိကန်တို့နဲ့ချူပ်ဆိုထားတဲ့သဘောတူမှုတွေဆို နယ်ပယ်အသီးသီးကို ခြုံမိအောင် ထဲထဲဝင်ဝင်ချူပ်ဆိုထားခဲ့ပေသိ အကြီးအကျယ်အငြင်းပွားကြတာမျိူးတွေ ဖြစ်လာနေခဲ့တယ်။ အာဆီယံနဲ့ချူပ်ဆိုထားတဲ့ တရုတ်ရဲ့ကုန်သွယ်ရေးသဘောတူမှုတွေကိုလည်း အမေရိကန်နဲ့ဥရောပသား ကုန်သွယ်ရေးစေ့စပ်ညှိနှိုင်းမှုကျွမ်းကျင်သူများက အလွန် နှာခေါင်းရှုံ့ကြတယ်။ လွတ်လပ်သောကုန်သွယ်ခွင့်ထိ ရောက်အောင်အားမထုတ်ပဲ အနှစ်သာရမရှိတဲ့အစားထိုးစာချူပ်တွေလို့ သမုတ်တယ်။ ဂျပန်ပြည်အခြေအနေကရော၊ ပြည်တွင်းနိုင်ငံရေးဖိအားတွေကြောင့် ဂျပန်အစိုးရအနေနဲ့ ခိုင်မာအားကောင်းတဲ့ လွတ်လပ်-ကုန်သွယ်စာချူပ်တစ်စောင်ဖြစ်လာအောင် အပေးအယူလုပ်နိုင်တဲ့အနေအထားမှာ မရှိဘူး။

မည်သို့ပင်ဆိုစေကာမူ ဒီ (၃) -နိုင်ငံလွတ်လပ်-ကုန်သွယ်ခွင့် FTA ထူထောင်ဖို့အားထုတ်လာကြတာကို အလေးမမူပဲ၊ အပေါ်ယံကြောသင်္ကေတဆောင်လှုပ်ရှားမှုတစ်ခုအနေနဲ့သာတွက်ဆမယ်ဆိုရင်တော့ မှားမယ်။ တရုတ်ဟာ ဂျပန်ရော တောင်ကိုရီးရောရဲ့ အကြီးဆုံးသောကုန်သွယ်ဘက်နိုင်ငံ။ သူတို့ရဲ့အနာဂတ်တွေဟာ တစ်ဦးနဲ့တစ်ဦးအင်မတန်စပ်ယှက်ရောနှောပေါင်းဖက်နေခြင်းကို (၃)-နိုင်ငံစလုံးက အသေအချာ သဘောပေါက်ထားကြတယ်။ အနည်းဆုံး ကိုယ့်ပို့ကုန်တွေအခွင့်အလမ်းပိုပွင့်ရေးအပေါ်မူတည်ပြီး အတိတ်ရဲ့ အာဃာတအတားအဆီးတွေကိုဖယ်ရှားခြင်းမျိူးနဲ့ တစ်ဦးကိုတစ်ဦး သံသယ မကြီးကြတော့ဖို့ အားလုံးမှာဆန္ဒရှိပုံရတယ်။ ဒီ (၃)-နိုင်ငံကြားလွတ်လပ်-ကုန်သွယ်ဒေသ FTA အဖြစ်ဖော်ဆောင်ရေး ဆွေးနွေးမှုတွေလုပ်မယ်ဆိုပြီးကြေညာခဲ့တဲ့ဘေဂျင်းအစည်းအဝေးမှာပဲ စီးပွားရေးရင်းနှီးမြှုပ်နှံခြင်းဆိုင်ရာ အကာအကွယ်ပေးရေးသဘောတူညီမှု investment protection agreement ကို ဒီ (၃)-နိုင်ငံကြား ပထမဆုံးသဘောတူမှုစာချူပ်အဖြစ် ချူပ်ဆိုခဲ့တယ်။ တကယ်ဆို ဒီ (၃)-နိုင်ငံကြားလွတ်လပ်-ကုန်သွယ်ဒေသ FTA ဆိုပြီး ဖော်ဆောင်ခြင်းဟာ ကြားခံအဆင့်တစ်ခုသာ။ သူတို့ရဲ့မဟာဗျူဟာရည်မှန်းချက်ဟာ (၁၀)-နိုင်ငံပါ အာဆီယံကိုပါထည့်သွင်းပြီး ပိုမိုကျယ်ပြောတဲ့ လွတ်လပ်-ကုန်သွယ်ဒေသကြီးဖော်ဆောင်ချင်ကြတာဆိုပြီး ထင်မြင်ရတယ်။

အထက်ပါ (၃)-နိုင်ငံအပေါင်း အာဆီယံလွတ်လပ်-ကုန်သွယ်ဒေသကြီးပေါ်လာတဲ့အခါ၊ အမေရိကန်ကတွန်းအားပေးနေတဲ့ အပြိုင်စီမံကိန်း ပစဖိတ်တလွှားပူးပေါင်းဆောင်ရွက်ရေး Trans-Pacific Partnership TPP ထဲ သွားပေါင်းပြီး အာရှ-ပစဖိတ် လွတ်လပ်-ကုန်သွယ်မဟာဒေသကြီး ပေါ်လာလိမ့်မလားရယ်လို့ သိပ်စိတ်ကူးယဉ်ကောင်းတဲ့ ကုန်သွယ်မှုစေ့စပ်ညှိနှိုင်းရေးသမားတွေကတော့ အိပ်မက်ကမ္ဘာတစ်ခုတောင် တည်ကောင်းတည်မိကြလိမ့်မယ်။ ကမ္ဘာ့ကုန်သွယ်မှုစေ့စပ်ရေး ကျရှုံးခြင်းတွေကို ဒေသတွင်းအောင်မြင်ခြင်းရလာဒ်ကောင်းတွေနဲ့ ထေမိနိုင်မလားရယ်လို့စိတ်ကူးယဉ်ကြတာ။ တကယ့်လက်တွေ့မှာတော့ အမေရိကန်ကအားပေးတဲ့ TPP ဆိုတာ တရုတ်ကအားပေးတဲ့ (၃)-နိုင်ငံလွတ်လပ်-ကုန်သွယ်ဒေသ trilateral FTA  နဲ့ သဟဇာတဖြစ်ဖြစ် ဟန်ချက်ညီဖို့ရာမဟုတ်၊ လက်ဦးကျ စိုးမိုးနိုင်ရေးမဟာဗျူဟာသာ ဖြစ်တယ်။

၂၀၁၂ မေလလယ်ထဲမှာပဲ ဒဲလပ်စ်မှာ အမေရိကန်ရယ် အခြား TPP ၈-နိုင်ငံ (သြစထြေးလျား၊ ဘရူနိုင်း၊ ချီလီ၊ မလေးရှား၊ နယူးဇီလန်၊ ပီရူး၊ စင်္ကာပူ၊ ဗီယက်နမ်) (၁၂)-ကြိမ်မြောက် အလှည့်ကျအစည်းအဝေးလုပ်တဲ့အခါ တရုတ်ကို အဖွဲ့ဝင်နိုင်ငံဖြစ်ဖို့ ဆွေးနွေးချင်ရင်ကြိုဆိုနေတယ်လို့ အမေရိကန်က လေသံပစ်တယ်။ ဆိုပေသိ TPP မှာ ထည့်သွင်းထားနှင့်ပြီး နိုင်ငံပိုင်စီးပွားရေး လုပ်ငန်းတွေရဲ့အခန်းကဏ္ဍလှုပ်ရှားမှုအပေါ် ထိန်းချူပ်ထားရှိတဲ့စည်းမျဉ်းတချိူ့ဟာ တရုတ်အနေနဲ့ အဖွဲ့ဝင် လွယ်လွယ်ဖြစ်မလာဖို့ ရည်ရွယ်ထားခဲ့တာဖြစ်တယ်။

တရုတ်အစိုးရအနေနဲ့ TPP အပေါ် အနှုတ်သဘောမဆောင်သော ပွင့်လင်းမှုအမြင်မျိူးနဲ့ သဘောထားပါတယ်ဆိုပြီး ထွက်ဆိုနေသော်ငြား၊ ပြည်တွင်းမီဒီယာတွေကတော့ အာရှ-ပစဖိတ်ဒေသအတွင်း တရုတ်ရဲ့ပါဝင်ပတ်သက်မှုချိန်ခွင်လျှာထိန်းဖို့ရည်ရွယ်ခြင်းအရင်းခံ အမေရိကန်ရဲ့မဟာဗျူဟာ TPP အပေါ် ကျိူးကြောင်းလျှော်ညီသောသံသယစိတ်နဲ့ သုံးသပ်နေတယ်။ ဥပမာ TPP မှာ ဗီယက်နမ်ပါနေခြင်းလိုမျိူးက ဒီလိုပုံအဓိပ္ပာယ်ဖွယ့်ရခြင်းရဲ့အကြောင်းခံတစ်ခုပဲ။ တရုတ်နဲ့နယ်မြေပိုင်ဆိုင်မှုအကြီးအကျယ်အငြင်းပွားနေတဲ့ဗီယက်နမ်က အမေရိကန်နဲ့ဆက်ဆံရေး အကြီးအကျယ်တိုးမြှင့်တယ်။ စီးပွားရေးမှာ နိုင်ငံပိုင်စီးပွားရေးလုပ်ငန်းတွေရဲ့အခန်းကဏ္ဍကြီးစွာယူထားတဲ့ ဗီယက်နမ်လည်း တကယ်ဆို TPP ကြော်ငြာ ၂၁-ရာစု ကုန်သွယ်ရေးသဘောတူမှုတွေနဲ့ သိပ်ပြီးကိုက်ညီလှတာမှ မဟုတ်တာ။ TPP မှာ မူပိုင်ခွင့်၊ ပတ်ဝန်းကျင်ရေးနဲ့ အလုပ်သမားရေးရာတွေ အသေအချာထည့်ပြထားတာပဲ။

TPP ရဲ့ အကြီးဆုံးမအောင်မြင်မှုကတော့ ဂျပန်ကို အခုထိ အဖွဲ့ထဲဆွဲမခေါ်နိုင်သေးတာ။ TPP အပေါ်တိမ်းညွတ်တဲ့ ဂျပန်ဝန်ကြီးချူပ် နို့ဒကတော့ ဂျပန်မပါတဲ့ TPP က ပေါလ်မက္ကနေးမပါတဲ့ ဘီးတဲလ်စ်လိုပဲတဲ့။ ဂျပန်အနေနဲ့ TPP ထဲ ၀င်ဖို့ နိုင်ငံရေးသတ္တိအတော်လိုတယ်။ ကုန်သွယ်ရေးလိုက်လျောမှုတွေပြု၊ ဂျပန်လယ်သမားတွေရဲ့အငြိုအငြင်ခံပြီးဝင်ဖို့ရာ အချိန်မကျသေးဘူးလို့ တွက်ဆမိပုံပဲ။ ဂျပန်ဝန်ကြီးချူပ်က ရှိစုမဲ့စုနိုင်ငံရေးအရင်းအမြစ်ကို အရောင်းခွန်တိုးမြှင့်ခြင်းလို လူကြိုက်မများတဲ့အခြားစွန့်စားမှုတစ်ခုလုပ်ဖို့နေရာမှာသုံးဖို့ ဆုံးဖြတ်လိုက်တယ်။ အောင်မြင်ရင် နောက်ရွေးကောက်ပွဲထိ ခံမယ်၊ မအောင်မြင်လို့ ထွက်ရရင်ကတော့ သူ့ Democratic Party of Japan DPJ ပါတီတွင်းမှာကို (၃)နိုင်ငံ လွတ်လပ်-ကုန်သွယ်ဒေသ trilateral FTA အပေါ် ပိုတိမ်းညွတ်တဲ့အုပ်စုတွေ ရှိနေကြတယ်။

ဂျပန်မှာ TPP ထဲ ၀င်ချင်တဲ့ လစ်ဘရယ်များရဲ့အခြေခံအကြောင်းနဲ့ မ၀င်လိုတဲ့ကော်န်ဇားဗဒစ်များရဲ့ အခြေခံအကြောင်းက အတူတူ။ (၉၀) နှောင်းပိုင်း WTO ထဲဝင်ဖို့ တရုတ် ကြိုးစားပြင်ဆင်ရသလိုမျိုး။ ကြုံလာမယ့်အပြောင်းအလဲနဲ့လိုက်လျောညီထွေမဖြစ်နိုင်မယ့် ပြည်တွင်းစီးပွားရေးအင်အားစုတွေအပေါ် အတင်းတွန်းပြီးပြင်ဆင်ခိုင်းရတာမျိုးတွေ ဖြစ်လာလိမ့်မယ်။ Lawson စတိုးဆိုင်ခွဲတွေပိုင်ရှင် နိနာမိကတော့ TPP ထဲ အမြန်ဆုံးဝင်၊ အဲ့ဒီက မူတွေကို အတုယူအခြေခံပြီး (၃)နိုင်ငံလွတ်လပ်-ကုန်သွယ်ဒေသ trilateral FTA အတွက် ဆွေးနွေးရာမှာအသုံးချသင့်တယ်လို့ ပြောပါတယ်။ ဆိုထားခဲ့သလို ကုန်သွယ်မှုအတွက် အပေးအယူလုပ်ညှိနှိုင်းရတယ်ဆိုတာ အချိန်ယူမယ်၊ ဘယ်ပုံဇာတ်ပေါင်းမလဲ မရေရာခြင်းဟာ အဆင့်ဆင့်သောလုပ်ငန်းစဉ်တွေရဲ့ နာသာခံခက်ရမှုတွေနဲ့ဆတူ ကြုံရမယ်။

လင်းအေးထင်  ခေတ်မောင်းအတွဲ (၁)

Ref: The Economist: Trading strategies

http://en.calameo.com/read/0013876787e73e273d766?editLinks=1