ခဏခဏ အသတ်ခံရတယ်၊ ဘယ်တော့မှ မသေဘူး (ဟိန်း)

ခဏခဏ အသတ်ခံရတယ်၊ ဘယ်တော့မှ မသေဘူး

(ဟိန်း)

ဟောဒီမြို့ကလေးမှာ ...

တည်းခိုခန်းတွေ ဘာပြုလို့ မရှိတာတုန်း။

အမြန်လမ်းမကြီးက ဘာပြုလို့ မဖြတ်တာတုန်း။

ဘူတာရုံကလေးက ဘာပြုလို့ စုတ်ပြတ်နေတာတုန်း။

ဘာပြုနေတာတုန်း၊ ဘာကို ပြုနေတာတုန်း၊ ဘာတွေကို ပြုနေကြတာတုန်း၊

ပြုခြင်းဟာ မရှင်းမလင်း ...... ။

သဲချောင်းကြီးကနေ ကုန်းရုန်းတက်၊

ချုံတွေကြားမှာ ဆိုင်းဘုတ်ကလေးတွေ့မယ်။

ပြောချင်တာက ...

ချုံတွေကွယ်ထားတယ် ဆိုင်းဘုတ်ကို

မကွယ်နိုင်ဘူး သမိုင်းကို ... အဲ့လို။

ဒါဟာ လူထူးလူဆန်းတစ်ယောက်ကို ငုံထားတဲ့ မြို့ပေါ့။

မကောင်းတာလုပ်သူတွေ စောင့်ရှောက်ခံရပြီး

ကောင်းတာလုပ်သူတွေ စောင့်ကြည့်ခံရတဲ့ ခေတ်မှာ စနစ်မှာ

အမှန်တရားကို သူ့ဆီက အမွေရတယ်။

''မောင်ဖာ ... မင့်သားဟာ ဆူဆူပူပူနဲ့ အကျိုးပေးမယ့် သားပဲ'' တဲ့ ..

လူကြီးသူမတွေ မှန်းတာ မမှားခဲ့ဘူး။

အသက်(၂၀)မှာ စာမူတွေကို ဒိုင်ခံဖတ်၊

အက်ဆေးတစ်ပုဒ်အတွက် ကျောင်းထွက်ခဲ့တဲ့ သူ့ကို

အခုတော့ ညလုံးပေါက် အရက်ဆိုင်တွေ၊ ဂိမ်းဆိုင်တွေက

ခနဲ့တဲ့တဲ့ ပြုံးတယ်။

ရည်းစားစကား မပြောရဲလို့ ဆေးရုံပေါ်ကဆင်းပြေးတဲ့ သူ့ကို

''အချိန်ပိုင်း တည်းခိုနိုင်သည်'' ဆိုတဲ့ဆိုင်းဘုတ်က

လက်ညှိုးထိုးပြီး ရယ်တယ်။

သမီးကလေး ခမည်းပေးဖို့ ရွှေကလေး တစ်ပဲ၊ တစ်မူးအတွက်

နယ်မြို့လေးဆီ ပြန်တက်၊

အမွေတောင်းတဲ့သူ့ကို

လက်မှတ်တစ်ချက်ထိုး သိန်းငါးထောင်ဆိုသူတွေက

မျက်စိတစ်ဖက်မှိတ် ပြောင်ပြတယ်။

ရွှေဘိုက အငြိမ့်မင်းသမီး ညိုညိုယဉ်နဲ့အတွေ့၊ စ

ာရိတ္တသတ္တိကို လှစ်ခနဲအပြ

''ကျုပ်မှာ ကာမပိုင်နဲ့ ဗျ'' တဲ့ ။

ဒါကို ကောင်မလေးတစ်သိုက်ရင်ဘတ်ထဲ

ဒေါ်လာတွေ ထိုးညှပ်ထည့်ပေးနေသူက

လက်ခုပ်လက်ဝါးတီးပြီး လှောင်တယ်။

သူက ရုံးသွားရင်း ကားပေါ်ကဆင်း

လမ်းဘေးမှာအကြော်စားတော့

အထူးယာဉ်တန်းနဲ့ တိုက်ပစ်လိုက်သူက

သေသွားတဲ့ဆိုက်ကားသမားမိသားစုကို တရားစွဲတယ်။

သူက နိုင်ငံအကြောင်းစဉ်းစားရင်း

ဆံပင်ညှပ်မပြီးခင် ထထွက်သွားတော့

''ညီမလေး .. ရေစုံမီးစုံပြုစုပေးကွာ ၊ မုန့်ဖိုးပေးမယ်'' ဆိုသူက

မျက်လုံးမှိတ်ရင်း မထီမဲ့မြင်လုပ်တယ်။

တစ်ဆင့်ခံနဲ့ပြောတဲ့ ရည်းစားစကားက

''ကျုပ်မှာ အချိန်မရှိဘူး ၊ လွတ်လပ်ရေးအတွက် ကြိုးပမ်းရဦးမယ်၊

ကျုပ်မေတ္တာကို မြန်မြန်တုံ့ပြန်ဗျာ''တဲ့။

ပထမတော့

ရယ်ချင်စရာကြီး/ ပြုံးချင်စရာကြီး/ သဘောကျချင်စရာကြီး/

အားနာချင်စရာကြီး/ အူယားချင်စရာကြီး။

နောက်တော့

မဲ့ချင်စရာကြီး/ လေးစားချင်စရာကြီး/ ငိုချင်စရာကြီး/

ကြည်ညိုချင်စရာကြီး/ ရင်ထဲ ဆို့ချင်စရာကြီး။

၃၂ နှစ်သားကလေးဟာ ...

နှုတ်ခမ်းမွှေး ပေါက်မသွားဘူး၊ ကျည်ဆန် ၁၃ တောင့်ရသွားတယ်။

အ၀တ်အစားကောင်းကောင်း မရှိဘူး၊ သွေးအိုင်ထဲ လဲ နေတယ်။

ဗိုက်မရွှဲသွားဘူး၊ ဗိုက်ရွှဲကြီးတွေက မနာလိုတယ်။

ခဏခဏ အသတ်ခံရတယ်/ ဘယ်တော့မှ မသေဘူး။

သတ်ကွင်းနေရာ (ငွေစက္ကူ၊ နံရံပေါ်၊ သီချင်းထဲ၊ စာအုပ်ထဲ၊ ပန်းချီထဲ၊ နှလုံးသားထဲ)။

''ကျုပ်နဲ့ ကိုယ်ကျင့်တရားချင်း ယှဉ်ချင်တဲ့လူ လာဗျာ'' တဲ့ ..

၉၇ နှစ်နှစ် ရှိပြီ .. ။

ခေတ် ( ၄ ) ခေတ်လောက်ရှိပြီ .. ။

ဘယ်သူမှ တုပ်တုပ်မလှုပ်ရဲသေးဘူး။

မလှုပ်ရဲသေးဘူး၊ မြုပ်နေတုန်း

မလှုပ်ဝံ့သေးဘူး၊ မြုပ်နေတုန်း

မလှုပ်ကြသေးဘူး၊ မြုပ်နေတုန်း

လှုပ်ဖို့ မကြိုးစားဘူး၊ မြုပ်နေတုန်း

လှုပ်လေ မြုပ်လေ မဟုတ်

ငါတို့ဟာ မလှုပ်လေ အောက်ဆုံးထိ စုံးစုံးမြုပ်လေပေါ့။

ကျုပ်တို့ဟာ ရာဇ၀င်မှာ အဆဲခံရမယ့်လူစားတွေလား

ရာဇ၀င်မှာ အရေးခံရမယ့်လူစားတွေလား

မျက်ရည်တွေတွေကျရင်း ပြန်စဉ်းစား ..

အပ္ပမာဒေန ဘိက္ခဝေ သမ္ပာဒေထ

တိုင်းရင်းသားအပေါင်းတို့ မမေ့မလျော့ကြကုန်နှင့်

သတိတရားနဲ့ ပြည့်စုံကြကုန် ။

ဟိန်း (17.7.2012)

(တွေ့လို့ ယူတာကဒီနေရာကပါခင်ဗျား) http://www.facebook.com/notes/heinn-fivestrings/ခဏခဏ-အသတ်ခံရတယ်-ဘယ်တော့မှ-မသေဘူး-/378590658875136