သီရိလင်္ကာနိုင်ငံမှ တမီလ်ကျားသင်ခန်းစာ (စောခိုလုံ)

သီရိလင်္ကာနိုင်ငံမှ တမီလ်ကျားသင်ခန်းစာ

(စောခိုလုံ)

မြန်မာနှင့်သီရိလင်္ကာတို့က ရာစုနှစ်ပေါင်းများစွာ ကပင် ဘာသာတရား၊ ယဉ်ကျေးမှုချင်းကူးလူး ဆက်ဆံခဲ့ကြသည်။ နှစ်နိုင်ငံအကြား သံတမန်ဆက်ဆံရေးထူထောင်ခဲ့ကြသည်မှာလည်း နှစ်ပေါင်း ၆ဝ ကျော် ရှိခဲ့ပြီဖြစ်သည်။

သီရိလင်္ကာနိုင်ငံက သူတို့နိုင်ငံရှိ တိုင်းရင်းသား သူပုန်အုပ်စုတခုဖြစ်သည့် 'တမီလ်ကျားများ'ဟု လူသိများကြသည့် တမီလ်အီလမ်ကျားလွတ်မြောက်ရေးအဖွဲ့ (LTTE) ကို ၂ဝဝ၉ ခုနှစ်၊ မေလတွင် အဆုံးသတ်စစ်ဆင်ရေးဆင်နွှဲကာ တိုက်ခိုက်အနိုင်ယူနိုင်ခဲ့သည်။ ဤသို့ဖြင့် သီရိလင်္ကာနိုင်ငံတွင် ဆယ်စုနှစ် ၃ ခုကျော်ဖြစ်ပွားနေသည့် ပြည်တွင်းစစ်ကို နိဂုံးကမ္ပတ်အဆုံးသတ်နိုင်ခဲ့ကြသည်။

တမီလ်ကျားများကိုတိုက်ခိုက်အနိုင်ယူပြီး တလအကြာ ၂ဝဝ၉ ခုနှစ်၊ ဇွန်လတွင် သီရိလင်္ကာသမ္မတ မဟိန္ဒရာရာဂျာပက်ဆာ (Mahindra Rajapaksa) က မြန်မာနိုင်ငံသို့ အလည်အပတ်ခရီးလာရောက်ခဲ့ပြီး နိုင်ငံအကြား ထေရဝါဒဗုဒ္ဓဘာသာကူးလူးဆက်ဆံရေး၊ ယဉ်ကျေးမှုချင်းဆက်ဆံရေးကိစ္စများသာမက နိုင်ငံရေးအရ ချစ်ကြည်ရေးခိုင်မြဲစေရန်လာရောက်ခဲ့ခြင်း ဖြစ်သည်။ ထိုမျှမက နှစ်နိုင်ငံအကြား စစ်ရေးအရပူးပေါင်းဆောင်ရွက်မှုများပြုလုပ်ရန်လည်း ထပ်လောင်းအတည်ပြုခဲ့ကြသေးသည်။ တာမီလ်ကျားသူပုန်များကိုအောင်မြင်ပြီးနောက် သီရိလင်္ကာသမ္မတ က မြန်မာနိုင်ငံသို့ ပထမဦးဆုံးခရီးထွက်လာခဲ့ခြင်းလည်း ဖြစ်သည်။

၂ဝဝ၇ ခုနှစ်တွင် သမ္မတမဟိန္ဒရာရာဂျာပက်ဆာ က မြန်မာနှင့်သီရိလင်္ကာနှစ်နိုင်အကြား ထောက်လှမ်းရေးကိစ္စများနှင့် အကြမ်းဖက်မှုတိုက်ဖျက်ရေးကိစ္စများတွင် ပိုမိုတိုးမြှင့်ဆောင်ရွက်ရန်လည်း သဘောတူညီခဲ့ကြသည်။

အကြမ်းဖက်မှုတိုက်ဖျက်ရေးဟုဆိုလျှင် မြန်မာနိုင်ငံက တိုင်းရင်းသားလက်နက်ကိုင်သူပုန်ထမှုပဋိပက္ခများ ဆက်လက်ကြုံတွေ့နေရဆဲနိုင်ငံတခုဖြစ်ပြီး ယခင်စစ်အစိုးရက တိုင်းရင်းသားတော်လှန်ရေးတပ်ဖွဲ့များကို မကြာခဏဆိုသလို အကြမ်းဖက်သမားများအဖြစ် စွပ်စွဲမှုများရှိနေခဲ့သည်။ ယခုနှစ်နိုင်ငံအကြား နိုင်ငံရေးအရ ဆက်ဆံလာသည်ကိုထောက်ရှုခြင်းအားဖြင့် သံသယရှိစရာမလိုသည့်အချက်မှာ မြန်မာစစ်ခေါင်းဆောင်များက သီရိလင်္ကာသမ္မတမဟိန္ဒရာရာဂျာပက်ဆာ၏ တမီလ်ကျားသူပုန်များအပေါ် အကြင်နာကင်းကင်းဖြင့် စစ်ရေးအရအနိုင်ယူနိုင်ခဲ့မှုအောင်ပွဲအပေါ်တွင်လည်း အထင်ကြီးလေးစားနေပုံရပါသည်။

ထို့အပြင် အခြားသံသယဖြစ်စရာမလိုသည့်အချက်မှာ မြန်မာစစ်တပ်ခေါင်းဆောင်များက သီရိလင်္ကာတို့၏

သောင်းကျန်းသူနှိမ်နင်းရေးစစ်ပွဲမိုဒယ် အပေါ်တွင်လည်း အထင်ကြီးအားကျနေကြမည်ဖြစ်ပြီး သမ္မတ မဟိန္ဒရာက မည်သို့မည်ပုံချေမှုန်းလိုက်သည်ကိုလည်း သင်ခန်းစာယူကောင်းယူလိုကြပေလိမ့်မည်။

သီရိလင်္ကာငြိမ်းချမ်းရေးလုပ်ငန်းစဉ်တွင် နော်ဝေနိုင်ငံ၏အခန်းကဏ္ဍ

၂ဝဝဝ ခုနှစ်တွင် သမ္မတကုမရတွန်ဂါဦးဆောင်သည့် သီရိလင်္ကာအစိုးရနှင့်တမီလ်ပြောက်ကျားများတို့၏ ငြိမ်းချမ်းရေးလုပ်ငန်းစဉ်တွင် နော်ဝေနိုင်ငံကိုလည်း ကြားဝင်ဖြန်ဖြေသူအဖြစ် ပါဝင်ပါရန်ဖိတ်ခဲ့ကြသည်။ ၂ဝဝ၂ ခုနှစ်တွင် သီရိလင်္ကာအစိုးရနှင့်တမီလ်ပြောက်ကျားတို့အကြား အပစ်အခတ်ရပ်စဲရေးသဘောတူညီချက်ကို စာချုပ်ချုပ်ဆိုနိုင်ခဲ့ကြသည်။ ၂ဝဝ၆ ခုနှစ်တွင် အပစ်အခတ်ရပ်စဲရေးသဘောတူညီချက်ကို သမ္မတသစ်မဟိန္ဒရာရာဂျာပက်ဆာနှင့် ပြန်၍ချုပ်ဆိုခဲ့ကြသည်။ သို့သော်လည်း ၂ဝဝ၈ ခုနှစ်တွင် မဟိန္ဒရာရာဂျာပက်ဆာဦးဆောင်သည့် အစိုးရဖက်က ငြိမ်းချမ်းရေးသဘောတူညီချက်ကိုဖျက်သိမ်းခဲ့သည်။ နော်ဝေအရာရှိအများဆုံး ဦးဆောင်ကြသည့် သီရိလင်္ကာစောင့်ကြည့်လေ့လာရေးမစ်ရှင် The Sri Lankan Monitoring Mission (SLMM) လည်း နိုင်ငံအတွင်းမှထွက်ခွာခဲ့ကြရသည်။ ၎င်းနောက်ပိုင်းတွင် တမီလ်ပြောက်ကျားများ(မှာ)

အစိုးရ၏ မေလ ၂ဝဝ၉ ခုနှစ်ထိုးစစ်တွင် လုံးဝချေမှုန်းခြင်းခံလိုက်ရတော့သည်။

၁၉၉၇ ခုနှစ်မှ ၂ဝဝ၉ ခုနှစ်အထိ သီရိလင်္ကာနိုင်ငံတွင် နော်ဝေနိုင်ငံမှကြိုးပမ်းဆောင်ရွက်ခဲ့သော ငြိမ်းချမ်းရေးလုပ်ငန်းများသည် မယ်မယ်ရရအလုပ်ဖြစ်ခဲ့သည်ဟူ၍မရှိဘဲ အကျယ်အပြန့် ပြဿနာများရှိနေကြသည့် စစ်မက်အင်အားစုနှစ်ခုအကြား ယာယီအပစ်အခတ်ရပ်စဲရေးသဘောတူညီချက်မျှကိုသာ စွမ်းဆောင်ပေးနိုင်ခဲ့သည်။ ပြောရမည်ဆိုလျှင် စစ်ပွဲပဋိပက္ခနိဂုံးချုပ်အဆုံးသတ်နိုင်စေရေးကြိုးပမ်းခဲ့သည့် နော်ဝေနိုင်ငံ၏ဆောင်ရွက်ချက်မှာလည်း အရှုံးနှင့်နိဂုံးချုပ်ခဲ့ရသည်ဟုဆိုရမည်ဖြစ်သည်။

ဤသို့ ရှုံးနိမ့်ရမှုကိုပြန်ကြည့်သည့်အခါ အကြောင်းအရင်းအများအပြားရှိနေသည်။ နော်ဝေနိုင်ငံ၏ ငြိမ်းချမ်းရေးညှိနှိုင်းကြသူများက နိုင်ငံ၏ နှစ် ၃ဝ ကြာဖြစ်ပွားနေခဲ့သည့် ပြည်တွင်းစစ်၏အရင်းခံအကြောင်းတရားများကို နားလည်သဘောပေါက်နိုင်ခြင်းမရှိကြသလို ငြိမ်းချမ်းရေးလုပ်ငန်းစဉ်ဆိုသည်မှာ သူတို့က စာရွက်ပေါ်မှလုပ်ငန်းစဉ်ကိုသာနားလည်ထားကြခြင်း ဖြစ်သည်။ ရလဒ်အဖြစ် တမီလ်လူမျိုးတို့၏ ကိုယ်ပိုင်ပြဋ္ဌာန်းခွင့်ရရှိရေးအခွင့်အရေးသည်လည်း ငြိမ်းချမ်းရေးလုပ်ငန်းစဉ်နှင့်အတူ ရှုံးနိမ့်သွားရတော့သည်။ ထို့အပြင် စစ်မက်ဖြစ်ပွားနေသည့်အင်အားစုနှစ်ခုအကြား အခြေခံကျကျအပြောင်းအလဲများကိုလည်း ဆောင်ကြဉ်းပေးနိုင်ခဲ့ခြင်း မရှိပါ။ သို့ပါသော်လည်း ရှုံးနိမ့်ခဲ့ရသည့်ငြိမ်းချမ်းရေးလုပ်ငန်းစဉ်သည်ပင် တမီလ်ပြောက်ကျားတို့ကို မေလ ၂ဝဝ၉ ခုနှစ်တွင် အပြုတ်ဆော်အနိုင်ယူခဲ့သည့် တိုင်းရင်းသားပြည်တွင်းစစ်ပွဲကို တဖက်သတ် အဆုံးသတ်နိဂုံးချုပ်စေခဲ့သောအောင်မြင်မှုကို ဖြစ်စေခဲ့သည်။

မြန်မာ့နိုင်ငံရေးတွင် နော်ဝေနိုင်ငံ၏ အခန်းကဏ္ဍ

နော်ဝေဆိုလျှင် မြန်မာနိုင်ငံကိစ္စတွင် အနောက်နိုင်ငံအစိုးရများအနက်မှ ပထမဦးဆုံး ၎င်း၏ ဖွံ့ဖြိုးရေးဝန်ကြီးကိုစေလွှတ်၍ သမ္မတဦးသိန်းစိန်ကိုတွေ့ဆုံစေခဲ့သောနိုင်ငံဖြစ်သည်။ သမ္မတဦးသိန်းစိန်နှင့် နော်ဝေနိုင်ငံနှင့် ရေအားလျှပ်စစ်လုပ်ငန်း၊ ရေနံနှင့်သဘာဝဓာတ်ငွေ့၊ ခရီးသွားလုပ်ငန်းများတွင် ပူးပေါင်းဆောင်ရွက်လိုသလို၊ ကျန်းမာရေး၊ ပညာရေး၊ သဘာဝပတ်ဝန်းကျင်ကိစ္စများတွင်လည်း ပူးပေါင်းဆောင်ရွက်လိုလှသည်။

ထို့အပြင် နော်ဝေအစိုးရက မြန်မာနိုင်ငံအပေါ် ပိတ်ဆို့အရေးယူမှုများ အဆုံးသတ်ပြီဖြစ်ကြောင်း ကြေညာခဲ့သည်။ နော်ဝေနိုင်ငံ၏နိုင်ငံခြားရေးဝန်ကြီး ဂျိုနပ်စ် ဂါ စတိုး (Jonas Gahr Stoere) က “အတွေ့အကြုံအများအရ အပစ်အခတ်ရပ်စဲရေးဆိုသည်မှာ အခက်ခဲဆုံးကိစ္စ မဟုတ်ပါ။ သို့သော်လည်း တရားမျှတမှုပေါ်ထွန်းလာစေရန် ဖွံ့ဖြိုးရေးလုပ်ငန်းများကို တန်းတူညီမျှရှိရန်၊ မျှတရန်ဆောင်ရွက်ရသည်မှာမှ အခက်ခဲအရှုပ်ထွေးဆုံးကိစ္စဖြစ်ပါသည်” ဟုဖော်ပြပြောဆိုခဲ့သည်။ သို့ဆိုလျှင် နော်ဝေနိုင်ငံအနေဖြင့် သီရိလင်္ကာတွင်ဆောင်ရွက်ခဲ့သည့်အတိုင်း မြန်မာနိုင်ငံတွင်လည်း လာရောက်ဆောင်ရွက်ကြဦးမည်လောဟု မေးရန်သာရှိပါတော့သည်။

သင်ခန်းစာယူစရာများ

နော်ဝေနိုင်ငံက ကမကထပြုခဲ့သည့် သီရိလင်္ကာငြိမ်းချမ်းရေးလုပ်ငန်းစဉ်မှာ အပစ်အခတ်ရပ်စဲရေးသဘောတူညီချက်များ တခုပြီးတခုဆောင်ရွက်ခြင်းမျှသာဖြစ်ပြီး ရေတိုသာ ခံခဲ့သည်။ ငြိမ်းချမ်းရေးလုပ်ငန်းစဉ်မှာ တိုင်းရင်းသားပဋိပက္ခများ ရေရှည်နိုင်ငံရေးအဖြေရှာမှုအတွက် အာမခံချက် မပေးနိုင်ခဲ့ပါ။

၎င်းအစား ရလဒ်က ဆန့်ကျင်ဖက်ဖြစ်ခဲ့သည်။ မိမိတို့ ကိုယ်ပိုင်ပြဋ္ဌာန်းခွင့်ရရှိရေးအတွက်တိုက်ပွဲဝင်နေကြသော တမီလ်ပြောက်ကျားများ နောက်ဆုံးနိဂုံးချုပ်သုတ်သင်ခံရခြင်းရလဒ်သာ ဖြစ်စေခဲ့သည်။ တမီလ်ကျားများက နှစ်ပေါင်း၃ဝ ကျော် ကိုယ်ပိုင်ပြဋ္ဌာန်းခွင့်အတွက်တိုက်ပွဲဝင်ခဲ့ကြသော်လည်း ရလဒ်မထွက်စေသည့် ငြိမ်းချမ်းရေးလုပ်ငန်းစဉ်အချို့ကိုဖြတ်သန်းပြီးနောက်ပိုင်းတွင် သီရိလင်္ကာစစ်တပ်များက(၏) ရက်စက်စွာအကြမ်းဖက် ချေမှုန်းခြင်းခံခဲ့ကြရသည်။

ငြိမ်းချမ်းရေးဆွေးနွေးပွဲများတခုပြီးတခု အပြီး နောက်ဆုံး တမီလ်ပြောက်ကျားများ မည်သို့မည်ပုံချေမှုန်းခံခဲ့ကြရသည်ကို ယခု မြန်မာအစိုးရနှင့် ငြိမ်းချမ်းရေးလုပ်ငန်းစဉ်အတွင်းဆွေးနွေးနေကြသည့် ကရင်အမျိုးသားအစည်းအရုံး (KNU) ခေါင်းဆောင်များ နှိုင်းယှဉ်ကြည့်သင့်လှပါသည်။ မြန်မာနှင့်သီရိလင်္ကာအစိုးရတို့အကြား သံတမန်ဆက်ဆံရေး ရှိထားသည်၊ ထောက်လှမ်းရေးသတင်းအချက်အလက်များ ဖလှယ်နေကြသည်ကိုလည်း KNU တို့က အထူးသတိထားသင့်ပါသည်။

လက်ရှိ တိုင်းရင်းသားတော်လှန်ရေးအင်အားစုများနှင့် ငြိမ်းချမ်းရေးဆွေးနွေးရန်ကြိုးပမ်းနေသည့် သမ္မတဦးသိန်းစိန်၏ရိုးသားမှုအပေါ် သံသယဖြစ်စရာရှိနေပါသေးသည်။

ကချင်တိုင်းရင်းသားတို့နှင့် စစ်ပွဲများဆက်လက်ဖြစ်ပွားနေဆဲရှိပြီး ကရင်ပြည်နယ်အတွင်းတွင်လည်း စစ်လက်နက်ရိက္ခာပစ္စည်းများ ဆက်လက်ပို့ဆောင်နေဆဲ ရှိသည်။ ၎င်းတို့မှာ မြန်မာအစိုးရ၏ မရိုးသားသည့်လုပ်ဆောင်ချက်အချို့နှင့် ငြိမ်းချမ်းရေးလုပ်ငန်းစဉ်များမခိုင်မြဲပုံကိုဖော်ပြနေခြင်း ဖြစ်ပါသည်။

သီရိလင်္ကာအစိုးရကလည်း ဤနည်းနှင်နှင်ပင် ဆောင်ရွက်ခဲ့ပါသည်။ တမီလ်ပြောက်ကျားတို့ထိန်းချုပ်ထားသည့်ရှေ့တန်းဒေသများသို့ ငြိမ်းချမ်းရေးလုပ်ငန်းစဉ်များဆောင်ရွက်နေစဉ်အတွင်း စစ်ရေးအထောက်အပံ့များပို့ဆောင်ခဲ့ကြပါသည်။

သို့အတွက်ကြောင့် ကရင်ကိုယ်စားလှယ်အဖွဲ့များအနေဖြင့် အလေးထားဆွေးနွေးသင့်သည့်အချက်မှာ ကရင်ပြည်နယ်အတွင်းမှ မြန်မာအစိုးရတပ်အများစုဆုတ်ခွာပေးရေးနှင့် ကရင်ပြည်နယ်အတွင်းရှိရှေ့တန်းတပ်များကို လက်နက်ရိက္ခာဆက်လက်ပေးပို့နေမှုကိစ္စများ ချက်ချင်းရပ်ဆိုင်းစေရေး ဖြစ်ပါသည်။

သေချာနေသည့်အချက်မှာ တိုက်ပွဲများဆက်လက်ဖြစ်ပေါ်နေပါက၊ သို့မဟုတ် တိုး၍ဖြစ်ပေါ်လာပါက မြန်မာအစိုးရအနေဖြင့် သီရိလင်္ကာအစိုးရဆောင်ရွက်ခဲ့ကြသည့် သောင်းကျန်းသူချေမှုန်းရေးစစ်ဆင်ရေး မိုဒယ်ပုံစံအတိုင်း လက်ဦးမှုယူသုတ်သင်ကြလိမ့်မည်ဖြစ်သည်။ သီရိလင်္ကာအစိုးရက ၎င်းတို့ဆောင်ရွက်ခဲ့သည့် ရက်စက်ကြမ်းကြုတ်သော၊ အရပ်ဖက်/စစ်ဖက်ခွဲခြားမှုမရှိသော တမ်ီလ်ကျားချေမှုန်းရေးစစ်ပွဲအပေါ် နိုင်ငံတကာပြစ်တင်ဝေဖန်မှုများကို ဂရုမစိုက်လျစ်လျူရှုခဲ့ကြသလို မြန်မာအစိုးရကလည်း အလားတူဆက်လက်ကျူးလွန်ကြမည်ဟု မျှော်လင့်ရပါသည်။

အမှန်ဆိုရလျှင် ကချင်ပြည်နယ်အတွင်း ဆက်လက်ဖြစ်ပွားနေသောတိုက်ပွဲများကိုထောက်၍ နိုင်ငံတကာမိသားစုအနေဖြင့် ၎င်းတို့၏စီးပွားရေးအကျိုးစီးပွားကိုမထိခိုက်မချင်း မြန်မာအစိုးရအပေါ် အခြေအနေတစုံတရာအထိဝေဖန်ပြောဆိုမှုပြုကြမည်မဟုတ်ဆိုသည်မှာ ထင်ရှားနေပါသည်။ လက်တွေ့ အရေးယူဆောင်ရွက်မှုများဆိုလျှင် ပို၍ဝေးပါလိမ့်မည်။

တမီလ်ကျားတို့ကြုံတွေ့ခဲ့ရသည့် ကံကြမ္မာမျိုးရှောင်လွှဲနိုင်ရေးမှာ KNU တို့အပေါ် မူတည်နေပါသည်။

လာမည့်ဆွေးနွေးပွဲများတွင် KNU ကိုယ်စားလှယ်အဖွဲ့အနေဖြင့် လက်ရှိဆွေးနွေးပွဲများသည် အပစ်အခတ်ရပ်စဲရေးအဆင့်ထက် ပို၍ ဖြစ်ပေါ်လာစေရန် တောင်းဆိုသင့်ပါသည်။ ထို့အပြင် မြန်မာအစိုးရ၏ကြိုးပမ်းဆောင်ရွက်နေမှုများသည် တိုင်းရင်းသားလူမျိုးစုများကို စီးပွားရေးမက်လုံးများဖြင့် ဝမ်းချရုံသာဖြစ်ကြောင်း၊ သို့မဟုတ် တိုင်းရင်းသားအရေး၏အရင်းခံပြဿနာကိုဖြေရှင်းခြင်းမဟုတ်ဘဲ၊ တိုင်းရင်းသားပြဿနာကို နောက်ဆုံး စစ်ရေးအရအဆုံးသတ်နည်းဖြင့်ဖြေရှင်းရန်သာဖြစ်ကြောင်း နိုင်ငံတကာမိသားစုထံသို့လည်း ဆက်လက်အသိပေးနေသင့်ပါသည်။   ။

စောခိုလုံ ရေးသားသည့် Drawing from the Sri Lankan Experience ဆောင်းပါးကို ဆီလျော်အောင် ပြန်ဆို

ဖော်ပြပါသည်။

စောခိုလုံ (Saw Kholon) သည် မူရင်းဖားအံမြို့တွင် နေထိုင်သူတဦးဖြစ်၍ သီးခြားလွတ်လပ်သော နိုင်ငံရေး အကဲဖြတ်တဦး ဖြစ်ပါသည်။ အမေရိကန်နိုင်ငံ၊ ဘလူးမင်တန်ရှိ အင်ဒီယားနားတက္ကသိုလ်မှ လူထုအုပ်ချုပ်ရေး ဘာသာအထူးပြုဘွဲ့ ရရှိခဲ့သူလည်း ဖြစ်သည်။ sawklun@gmail.com တွင် ဆက်သွယ်နိုင်ပါသည်။

(ယူတာက) http://www.mizzimaburmese.com/edop/songpa/9688-2012-07-24-11-42-50.html