မြိုးမွငျ့ခြို: ငမိုး မသေသေး   (  နတ်မောက်-ဘုန်းကျော်)

ငမိုး မသေသေး  

(  နတ်မောက်-ဘုန်းကျော် မြ၀တီမဂ္ဂဇင်း အတွဲ ( ၅ ) အမှတ် ( ၉ ) ၁၉၅၇ - ဇူလိုင်လ)

(၁) 

ငမိုး ကိုလူအများတကာက သေလေပြီဟုပြောကြသည်။ အမှန်မှာကား (ငမိုး)မသေသေးဟု ထင်ပါသည်။ ယခု ဇန်န၀ါရီလ တစ်ခုသောနံနက်ခင်းချမ်းချမ်းစီးစီးထဲတွင် တပ်မတော်မော်ကွန်းတိုက်၏ အောက်ထပ်၌ “ငမိုး (ခေါ်)ဗိုလ်ချုပ်အောင်ဆန်း” ကို အမှတ်မထင် ကျွန်တော်တွေ့ရ၏။ တစ်ဦးနှင့်တစ်ဦးတွေ့ကြရာ၌ ယခင်တုန်းကလို ၀မ်းသာအယ်လဲမရှိကြ။ သူကလည်း သူ့အတွေးနှင့်သူ ငိုင်နေ၏။ ကျွန်တော့်မှာလည်း ရင်ထဲမှာ နာနေ၏။ ဘာအတွက် အသဲနာ,ရင်နာဖြစ်ရသည်ကိုကား ကျွန်တော် ဖွင့်မပြောချင်။

တစ်ခါတုန်းက (ငမိုး)အကြောင်း “ဂျာနယ်ကျော်”ထဲတွင် ဖွင့်ပြောဘူးသဖြင့် ငါးကြော်စားကာ ရန်ကုန်ထောင်ထဲ (၃) လကျော်ဝါဆိုခဲ့ရဘူး၏။ ထို့ကြောင့် နာနေသောအသဲကို ကျပ်စည်း၍ထားရမည်။   ငမိုးသည် သူ၏အထုပ္ပတ္တိကို စီကာစဉ်ကာပြသထားသော မှန်ဘီရိုများအား ဦးခေါင်းငိုက်ဆိုက်ဖြင့် တစ်ခုပြီးတစ်ခုလိုက်လံကြည့်ရှုနေ၏။ ထိုမှန်ဘီရိုများထဲ၌ တက္ကသိုလ်သိပ္ပံဌာနမှကြီးမှူးသောပြပွဲတွင် တပ်မတော်မော်ကွန်းတိုက်မှ (ငမိုး) ၏ ဓတ်ပုံ,စာရွက်စာတမ်း,အ၀တ်အစား,အသုံးအဆောင်ကလေးများကို စုဆောင်း၍ပြသထားဘူး၏။   တစ်ဆယ့်သုံးခုမြောက်မှန်ဘီရိုထဲတွင် (ငမိုး) ၏ စီးကရက်ဗူး မီးခြစ်နှင့် ပလေးယားစီးကရက် (၆)လိပ်ရှိ၏။ ငမိုး သည် ဘာမပြောညာမပြော စီးကရက်တစ်လိပ်ကိုယူပြီး မီးညှိသောက်နေလေရာ သူ၏စီးကရက်မှမီးခိုးငွေ့များသည် တစ်ခဏအတွင်း မော်ကွန်းတိုက်အောက်ထပ်၌ ပြည့်လျှံ၍သွားလေ၏။ စီးကရက်မီးခိုးအနံ့ကြောင့် ကျွန်တော်၏ဦးခေါင်းသည် ရီဝေမူးနောက်လာ၏။ ကျွန်တော်၏စိတ်သည် ရပ်တည်နိုင်စွမ်းမရှိဘဲ အတိတ်ဆီသို့ ထွက်ပြေးသွားလေသည်။    

(၂) 

ငမိုး သည် ကျွန်တော့်ထက် အသက် ၆ နှစ်ခန့်ကြီးသည်။ ကျွန်တော်ကျောင်းရောက်၍ ဆရာဦးသာလင်း၏ သူငယ်တန်းတွင်စာသင်နေချိန်ဝယ် ငမိုးသည် ဆရာဦးဘသန်း(ဦးရွှေထိုက်) ၏ တတိယတန်းလောက်တွင် ရောက်နေပေပြီ။ ငမိုးနှင့်ကျွန်တော် အသက်ချင်းကွာခြားသလို စာသင်ရသောအတန်းလည်း ကွာခြား၏။ ကျွန်တော်၏၀မ်းကွဲအကို ကြွက်ကဒိုး (ခေါ်)ကိုဘအေး၊ ယခု ကျွန်တော့်ယောက်ဖ ကိုဘို၊ ကိုဖိုးနီ စသောသူများသာ ငမိုးနှင့်တစ်တန်းထဲ စာသင်ကြရ၏။ ငယ်ရွယ်စဉ်ကလေးဘ၀ကဖြစ်၍ ရေးရေးသာ မှတ်မိတော့၏။   ငမိုး ကျောင်းအဆင်းအိမ်အပြန်တွင် လမ်းသွားရင်းလုံချည်ကျွတ်သွားက ပြန်၍မ၀တ်၊ လုံချည်ကို ပုခုံးတွင်စွပ်၍ မည်သူ့မျှစကားမပြောဘဲ ခပ်သုတ်သုတ်သွားသည်ကို မကြာခဏကြုံရ၏။ ကျွန်တော်တို့ကျောင်းတွင် မျက်နှာကြီးကျောင်းသားအသိုက်အ၀န်း ၂-စု ကွဲနေသည်။ တစ်စုကို ယခုအခါ ကာယကံရှင်များအထင်အရှားရှိ၍ ဖွင့်ဟရေးသားရန်မသင့်။ ကျန်တစ်စုမှာ ငမိုးတို့ ညီအစ်ကိုစု ဖြစ်၏။ ကျောင်းအပြန်တွင် ဤကျောင်းသားစု ၂-စုသည် အမြဲတမ်းရန်ပွဲဆင်ရ၏။ တစ်စုနှင့်တစ်စု ပညာဂုဏ်ပြိုင်ဘက်ဖြစ်ကြ၍ လမ်းသွားရင်း ကျောင်းမှသင်ပေးသောစာများကို ငြင်းခုံကြ၏။ ငြင်းခုံရာမှ လက်သီးချင်းထိုး၊ ကျောက်သင်ပုန်းနှင့်ခုတ်၊ ခဲနှင့်ထုစသည်ဖြင့် ကလေးတို့ဘာဝ လက်နက်မျိုးစုံ အသုံးပြုကြ၏။ ထိုရန်ပွဲတွင် ကျွန်တော်တို့သည် ငမိုးတို့ဘက်မှ ပါဝင်ကြမြဲဖြစ်သည်။ ထိုကျောင်းတော်ကရန်စသည် ငမိုးတို့ ကျွန်တော်တို့ လူရွယ်ပိုင်းရောက်၍လည်း အငွေ့နဲနဲရှိသေး၏။ ငမိုး သခင်ဘ၀၊ နိုင်ငံရေးသမားဘ၀အထိ အငွေ့မစဲ။ ငမိုးနှင့်ကျွန်တော်တို့ပါတီကို ဘယ်တော့မှ အကောင်းမပြောကြပေ။ နောက်ဆုံး ငမိုးသည် (ဗိုလ်ချုပ်အောင်ဆန်း) ဟု နာမည် တဟိုးဟိုးကျော်သည်အထိ၎င်း၊ ကျွန်တော်သည် ငမိုး၏နောက်လိုက် အန္တေ၀ါသိကဖြစ်နေချိန်အထိ၎င်း တစ်ဖက်မှ အကောင်းပြောခြင်းကို မခံကြရ။ “ဒီကောင်တွေ အင်္ဂလိပ်ပြန်လာရင် ထောင်ထဲနေရမယ့်ကောင်တွေပါကွာ” ဟု အပြောခံကြရသေး၏။ ကျွန်တော်တို့ငမိုးတို့မှာ တိုင်းပြည်လွတ်လပ်ရေးရရန် တာဝန်အထုပ်အပိုးကြီးကို ရင်ခွင်တွင်ပိုက်၍ အများတကာနှင့်ပူးတွဲ ဆောင်ရွက်နေရသဖြင့် ထိုကျောင်းတော်ကကိစ္စများကို ခေါင်းထဲမထားနိုင်၊ ရင်ထဲလည်း မထားနိုင်။   ဂျပန်ခေတ် (စိတ်အထင် ၁၉၄၄- ခု နိုဝင်ဘာလ) စစ်ဝန်ကြီးနှင့်စစ်သေနာပတိအဖြစ် ကန်တော်ကြီးပတ်လမ်း (ယခု နတ်မောက်လမ်း)၌ နေထိုင်သောအခါ ကျွန်တော်သည် သူနှင့်အတူနေရ၏။ ထိုအခါက အလုပ်အလွန်များနေသည့်ကြားမှ တစ်ခါတစ်ခါ နေရပ်ဇာတိအကြောင်း ပြန်ပြောင်းပြောမိကြ၏။   “ (......) ဘာလုပ်နေသတဲ့လဲကွ”   “ဒီလူ ကုန်သည်လုပ်နေတယ် ကြားရတာဘဲ”   “အာရှလူငယ်ထဲ မပါဘူးတဲ့လား”   “ပါတယ် မကြားမိပါဘူး”  ငမိုးသည် စားပွဲတွင် လက်ချောင်းကလေးများကို တင်ထားပြီး ဗုံတီးသလိုတီးလိုက်သေး၏။ ပြီးနောက်ငြိမ်နေလေသည်။ ငြိမ်နေပြီးမှ ပြော၏။   “ဒီကောင် ခက်တော့တာဘဲ၊ လူတော့ လူကောင်းဘဲ။ အရည်အချင်းလဲ အသင့်သား၊ ကြွားတတ်တာ ဆိုးတယ်"  ဤကား သူ့အား တစ်ဘ၀တာလုံး အကောင်းဟူ၍တစ်ခွန်းမပြောသော သူ၏ကျောင်းနေဘက်အပေါ်တွင်ထားရှိသော သဘောထားပင်တည်း။ ငမိုး၏ဖြူစင်တိကျသောသဘောထားကို ကျွန်တော်သည် ရုတ်ချည်းသိ ထိမိပြီး အံ့အားသင့်သွားခဲ့ရ၏။ သူ့ သူငယ်ချင်းအပေါ်တွင်ကြင်နာပြီး သူမြှော်မှန်းသလိုမဟုတ်သောကြောင့် ရှုတ်ချခဲ့ခြင်းကား မပြုပေ။   ငမိုးသည် စိတ်ထားကြီးမားပေသည်။

  (၃) 

၁၉၂၉- ခုနှစ်။   ငမိုး စတုတ္ထတန်းအောင်မြင်ပြီးသောအခါ၊ အင်္ဂလိပ်ကျောင်းသို့ပြောင်းသွား၏။ အင်္ဂလိပ်ကျောင်းဆိုသည်မှာ ရေနံချောင်းနေရှင်နယ်ကျောင်းကို ဆိုလို၏။ အဲဒီခေတ်တုန်းက အင်္ဂလိပ်ကျောင်းကို တော်ရုံတန်ရုံကျောင်းသားများ သွားပြီးပညာမသင်နိုင်၊ မိဘ၊ ဦးလေးသားချင်းများတွင် ငွေကြေးတတ်နိုင်မှသာ အင်္ဂလိပ်ကျောင်းသို့ ရောက်နိုင်၏။ ငမိုး၏ မိဘများမှာ ငွေစ, ရှိသူများဖြစ်သည်။ ငမိုး အင်္ဂလိပ်ကျောင်းရောက်သွားပြီး ကျွန်တော်တို့မှာ မြန်မာကျောင်းတွင် ကျန်ရစ်ခဲ့သည်။ ဤတွင် ငမိုးနှင့်ကျွန်တော်တို့ အနေဝေး၍သွား၏။  ဒီလို ....ဒီလိုနှင့် ကျွန်တော်တို့အိမ်အရှေ့ဘက်က ဧကရာဇ်ပင်ကလေးသည် ဧကရာဇ်ပင်ကြီး ဖြစ်လာ၏။ ကျွန်တော့်အစ်ကိုဝမ်းကွဲ ကြွက်ကဒိုးသည် ငယ်နာမည်ပျောက်၍ ဘအေးဖြစ်လာပြီး မိန်မပင် ရနေ၏။ ကျွန်တော်လည်း နှာရည်တွဲလောင်းနှင့် ကလေးဘ၀မှ လူပျိုပေါက်အရွယ်ကဖြစ်လာ၏။ ငမိုးသည်လည်း ကောလိပ်ကျောင်းသားကြီး ဖြစ်သွားပေပြီ။   အဲဒီခေတ်က ကျွန်တော်တို့မြို့မှ ကောလိပ်ကျောင်းတွင်ပညာသင်နေသူ လေးငါးဦးရှိမည်။ အခြားသူများက တမူ၊ ငမိုးက တဘာသာ။ ကျွန်တော် မည်သူ့မျှထိခိုက်စေလိုသော စေတနာမထားပါ။  အချို့ ကောလိပ်ကျောင်းသားကြီးများ နွေဥတုကျောင်းပိတ်အိမ်ပြန်လာရာတွင် “ဘယ်နေ့ရောက်မည်၊ ဘူတာက ကြိုပါ” ဟု အိမ်သို့သံကြိုးရိုက်ထားလေ့ရှိကြ၏။ နတ်မောက်သည် တောမြို့ကလေးဖြစ်၍ မော်တော်ကား နတ္ထိ၊ လှည်းယဉ်များသာ အသုံးပြုကြရ၏။ ဘူတာနှင့်မြို့စပ်ကြားတွင်“ယင်းဘာသာ ကွင်းညာက ရှုလိုက်တော့” ဟူသော ဦးကြော့ လေးချိုးတွင်ပါသည့် ယင်းချောင်းကြီးကခြားထား၏။ မိုးရာသီတွင်ရေရှိ၍ နွေရာသီတွင် ရေမရှိ။ သဲများပြည့်နေ၏။ သံကြိုးစာရသည့်သက်ဆိုင်ရာများက ကောလိပ်ကျောင်းသားကြီးတွေကို လှည်းယဉ်နှင့်သွားကြိုရ၏။ လှည်းယဉ်ဆိုပေမယ့် မခေလှ။ နှီးပေါင်းမိုးတွင် နံဘေး-၀ဲယာနှစ်ဖက်၌ ပြူတင်းပေါက်ပါပြီး ခန်းဆီးတပ်ထားကြ၏။ လှည်းဆောင့်သောအခါ ဖင်မနာအောင် မွှေ့ရာခင်းထား၏။ နွားတွင် ခြူကုံးတွေတချွင်ချွင်နှင့် စိတ်ကြီးဝင်စရာ သိပ်ကောင်း၏။ ရထားကအဆင်း မြို့ထဲအ၀င်၌ တစ်စောင်တစ်မူးပေးရသော (ရန်ကုန်ဂေဇက်) အင်္ဂလိပ်သတင်းစာကြီးကို လှည်းနံရံခြေကန်ဖတ်ရင်း လိုက်ပါလာလျှင်၊ ကောလိပ်ကျောင်းသားပြန်လာပြီဟု သိကြရ၏။   ငမိုးကား အာဂ ငမိုး။ သူ နွေကျောင်းပိတ် အိမ်ပြန်လာလျှင် သံကြိုးလဲမရိုက်၊ ဘယ်သူ့မှလဲ အကြိုမခိုင်း။ အိပ်ရာလိပ်နှင့်သေတ္တာကို လှည်းကြုံနှင့် ငါးမူးပေးပြီးတင်လွှတ်လိုက်တတ်၏။ ရန်ကုန်ရထားဆိုက်သော နေ့ခင်း (၂) နာရီ နေပူပူထဲတွင် ဦးထုပ်မပါ၊ ဖိနပ်မပါ ယင်းချောင်းကို ဖြတ်ကူးလာတတ်၏။ ချည်လုံကွင်း မီးလောင်ပေါက်နှင့် မြို့အရှေ့ဘက်က မြောင်းဘောင်အတိုင်း လျှောက်၏။ ထိုကမှ မြို့ထဲပတ်ဝင်၍အိမ်သို့သွား၏။ တစ်ခါတစ်လေ စပါးလှေ့နေသောလူသိုက်ထဲ ဘာမျှမပြော ၀င်ထိုင်၏။ မောမောနှင့် ရေနွေးကြမ်း နှစ်ခွက်သုံးခွက်ငှဲ့သောက်ပြီး တန်း,ထ, သွားသည်။ နေပူပူ ခြေလျှင်ပြန်လာရာ တစ်ခါက ကျွန်တော်တို့လူငယ်တစ်စု လယ်ကွင်းရေစပ်တွင် စာဝရီးငှက်ကလေးများကို ဂွလေးနဲ့လိုက်ပစ်နေစဉ် ကြုံဘူး၏။ ကျွန်တော်တို့က နှုတ်ဆက်၏။ သူကမကြား၊ တစ်ယောက်ထဲ လက်သီးဆုပ်အံကြိတ်ပြီး စကားပြောသွားသည်။ ဘာပြောတာမှန်းလဲမသိ။ (စစ်သေနာပတိ ဗိုလ်ချုပ်အောင်ဆန်းဘ၀တုန်းက အဲဒီရှုကွင်းကို ကျွန်တော်က ပြန်ပြော၏။ “အဲဒီတုန်းက ကျွန်တော်တို့က ခင်ဗျား စိတ်နောက်နေတယ်ထင်ကြတာ” ဟု ပြောရာ ငမိုးကဘာမျှ ပြန်မပြော၊ ဟက်ဟက်ပက်ပက်သာ ရယ်လေ၏)   ၁၉၃၆-ခုနှစ် ကျောင်းသားသပိတ်ဖြစ်စဉ် ငမိုးသည် နာမည်ထွက်လာ၏။ ငမိုးက မျိုးချစ်စိတ် ၀င်စား၏။ အမျိုးသားလှုပ်ရှားမှုတွေတွင် ပါဝင်နေ၏။ နေရပ်ရှိ သခင်ဗဥာဏ်၊ ကိုသံချောင်း၊ ကိုဘို၊ ထွန်းရှိန်၊ မောက်ညွန့်၊ ကျွန်တော်တို့လူသိုက်သည် ငမိုးလမ်းစဉ်ကိုလိုက်ကြရင်း သတင်းထောက်ဘ၀နှင့် နယ်အရာရှိဆိုးတွေ နှက်သူက နှက်၏။ သခင်လုပ်ငန်း၊ ကျောင်းသားသမဂ္ဂလုပ်ငန်းတွေ လုပ်သူတွေက လုပ်ကြ၏။ နဂါးနီစာအုပ်တွေဖတ်ပြီး ဆွေးနွေးကြ၏။ ငမိုးအစွဲကား ပြင်းထန်၏။   ငမိုး နွေကျောင်းပိတ် ပြန်အလာမျှော်ရင်း သူပြန်လာလျှင် တက္ကသိုလ်မဂ္ဂဇင်း၊ ဒီးဒုတ်ဂျာနယ်၊ ဘားမားဂျာနယ်စသော စာအုပ်များ ပါလာလေ့ရှိ၏။ ကျွန်တော်တို့က ယူပြီးဖတ်၏။ အချို့အိမ်နီးနားချင်းများ နေ့ခင်း နွားစာပြောင်းရိုးစဉ်းနေစဉ် သွားပြီးဖတ်ပြ၏။ ကျွန်တော်တို့က ဒီလိုလုပ်နေစဉ် ငမိုးက ညလသာသာ ရွာထဲမှကလေးတွေစု ပဲကြီးလှော်ဝေပေးပြီး ဒို့ဗမာသီချင်း သင်ပေး၏။ ဤနည်းဖြင့် ကျွန်တော်တို့မြို့ရှိလူငယ်တစ်တွေမှာ ဟိုခေတ်က လူကြီးများအခေါ်အရ ၀ံသာနု၊ ထောင်စာကလေးတွေ၊ သူပုန်ကလေးတွေဖြစ်လေကုန်၏။

  ၃၈- ခုနှစ်တွင် ကျွန်တော်၊ မောက်ညွန့်၊ ထွန်းရှိ်န်တို့သည် ကျောင်းသားသမဂ္ဂခေါင်းဆောင်များဖြစ်၏။

ငမိုး ခေတ္တပြန်လာ၏။ ကျွန်တော်တို့ကျောင်းသားတွေ ထကြွလှုပ်ရှားသည်ကို သူကျေနပ်၍နေသည်။ ကျောင်းသားသပိတ်ဖြစ်ပြီး ကိုအောင်ကျော် ကျဆုံး၏။ ရန်ကုန်သမဂ္ဂမှသံကြိုးရလျှင်ရခြင်း ငမိုးထံသွား၍ ပြောပြရာ ငိုင်နေ၏။ နောက် ကျောင်းသားသမဂ္ဂအစည်းအဝေးကျင်းပရာ သာသနာ့ဟိတစာကြည့်တိုက်သို့ လိုက်လာ၏။ နေ့ခင်း ၁-နာရီခန့်ရှိပြီ၊ ဦးထုပ်မပါဘဲ လိုက်လာ၏။ ကျောင်းသားအစည်းအဝေးတွင် စကားပြော၏။ နာရီဝက်ခန့်ပြော၍ လုပ်ငန်းစဉ်ချပေးပြီး သူ၏အိမ်သို့ နေပူကြီးထဲ၌ပင် ပြန်သွား၏။ အံ့သြဘို့ကောင်း၏။ တစ်ခါတုန်းက တစ်နေ့-နေ့ခင်း မြို့လယ်ရှိ ကိုအီကွမ်း၏တရုတ်လဘက်ရည်ဆိုင်တွင် ငမိုး ရောက်နေ၏။ ငမိုး၏ ပတ်ပတ်လည်တွင် လူစည်ကား၍နေ၏။ အလပ္ပါယ်ဆရာ ကိုညို၊ ဘိန်းစား ကိုကွက်ကြီး၊ ဘိန်းစားကိုဘထွန်း၊ ဆိုင်းဆရာ ကိုရေချမ်း၊ ကိုစို့ကြီး၊ ကိုရေအေး စသော ပရိသတ်များရှိ၏။ ကျောက်စားပွဲတွင် ရေနွေးကြမ်းကရားတင်ပြီး ထိုလူသိုက်နှင့် ဒို့ဗမာအစည်းအရုံးအကြောင်း၊ ကျောင်းသား သမဂ္ဂအကြောင်းတွေ ဆွေးနွေးနေ၏။ ကိုဘကွမ်း၊ နဘိ-ကိုလှဖေ၊ သံရောင်-ထွန်းရှိန်၊ ဘိုနက်၊ ဘခွေးနှင့် ကျွန်တော်တို့လည်း ဆံပင်ညှပ်ဆိုင်တွင် ရေနွေးကြမ်းစုသောက်နေရာမှ သူ့အသံကြား၍ ထ,လာခဲ့ကြခြင်း ဖြစ်၏။ ငမိုးက မျိုးချစ်စိတ်ရှိရန်နှင့်အင်္ဂလိပ်မကောင်းကြောင်းများ ပြော၏။   ဘိန်းစား၊ အရက်သမား၊ ကြက်သမားများမှာ သူတို့၏လုပ်ငန်းတွင်မဖြတ်နိုင်ဘဲ စွဲလမ်းနေသူများဖြစ်၏။ သူတို့သည် သူတို့၏လုပ်ငန်း များမှလွဲ၍ တစ်ခြားဘာကိုမျှ စိတ်ပါဝင်စားသူများ မဟုတ်ကြ။ သူတို့အားမျိုးချစ်စိတ်ထားရှိရန် တရားဟောသူသည် ဘာမျှမြှော်လင့်ချက်ထားရန်မရှိ။   သို့သော် .........ငမိုး နတ်မောက်မှရန်ကုန်သို့ ပြန်သွားသောအခါ၌ ထိုလူတစ်စုသည် သတင်းစာဖတ်သူကဖတ်၍ သခင်အကြောင်း၊ ကျောင်းသားအကြောင်းများကို အရက်ဆိုင်၊ ဘိန်းခန်း၊ ကြက်ပွဲများတွင်ဆွေးနွေးကြသည်အထိ ဖြစ်သွား၏။ အံ့ဖွယ် စည်းရုံးရေးပါတကား။

   (၄) 

အများသိကြသည့်အတိုင်း ငမိုး ဂျပန်သို့သွား၏၊ ပြန်လာ၏၊ ဗိုလ်တေဇဖြစ်လာ၏။ အဲဒီ (ဘီအိုင်အေ) တွင် ကျွန်တော် ဒုက္ခလှလှကြီးတွေ့ရ၏။ ထိုစဉ်က ကျွန်တော်သည် ဟင်္သတ ဗိုလ်ဗသိန်းတပ်မှတဆင့် ဗိုလ်မှူးရန်နိုင်၏တပ်မဟာတွင် ရောက်ရှိနေ၏။ တပ်စခန်းမှာ မန္တလေး ဆပ်ပါးမိုင်းနားစ်တွင်ဖြစ်၏။ တပ်စခန်းထဲတွင် စိန်ပန်းပွင့်နီနီရဲရဲတွေက ယခုရုံးစာရေး မမကလေးတို့၏နှုတ်ခမ်းလို နီရဲ၍နေ၏။ အရှေ့ဘက်တွင်ကား စေတီပုထိုး၊ ဂူကျောင်းဇရပ်တို့ဖြင့် ပြည့်နှက်နေသော မန္တလေးတောင်တည်ရှိ၏။ အချိ်န်အခါကား (ဘီအိုင်အေ) ကိုဖျက်သိမ်း၍ (ဘီ-ဒီ-အေ)သို့ အပြောင်းအလွှဲ ကာလဖြစ်၏။ (ဘီအိုင်အေ) တွင်ပါလာသော တပ်ဗိုလ်များအား၊ အချို့ကို တိုက်ရိုက်ကော်မရှင်ရာထူးပေး၍၊ ကျန်အချို့ကို မင်္ဂလာဒုံ ဗိုလ်သင်တန်းကျောင်းသို့ ရွေးချယ်တက်ရောက်စေရမည်ဖြစ်၏။ တစ်ညနေခင်း၌ ကျွန်တော်၏အိမ်သို့ ဗိုလ်မှူးရန်နိုင်ထံမှ ဆက်သားရဲဘော်ရောက်လာ၏။ တစ်ခါထဲလိုက်ခဲ့ပါဟု မှာကြောင်းပြော၏။ ဘုမသိ ဘမသိ လုံကွင်းနှင့်ပင် ထ,၍လိုက်သွား၏။ တပ်စခန်းမြောက်နားရှိ ဗိုလ်မှူးရန်နိုင်အိမ်အပေါ်ထပ်၊ အရှေ့ဘက်ခန်းသို့ ရောက်သွား၏။ ထိုအခန်းထဲ၌ ဗိုလ်မှူးရန်နိုင်၊ ဗိုလ်ချုပ်နေ၀င်း၊ ဗိုလ်မှူးဇေယျနှင့် အခြား ကျွန်တော်မသိခဲ့ဘူးသော ဗိုလ်မှူးနှစ်ဦးတို့ စုထိုင်ပြီး စကားပြောနေကြ၏။ ကျွန်တော့်အား ဖေါ်ဖေါ်ရွေရွေ နှုတ်ဆက်ကြ၏။ ဗိုလ်မှူးရန်နိုင်က ထိုသူတို့နှင့်မိတ်ဆက်ပေး၏။ ဗိုလ်မှူးရန်နိုင်က ထုံးစံအတိုင်း ပြုံး၍ပြော၏။   “ခင်ဗျား တပ်ကထွက်မယ် ကြံသေးသလား”   “ဟာ....ဘယ်ထွက်ရမှာလဲ ကျွန်တော် ဆက်လုပ်မှာပါ”   “ခင်ဗျားကို ကျွန်တော်တို့က ဒါရိုက်အပွိုင့်မင့်ပေးဘို့ စီစဉ်ထားတာဗျ”   ကျွန်တော် ဘာမျှ ပြန်မပြော၊ အားလုံးက ကျွန်တော့်ကို အားနာသောအကြည့်၊ ကြင်နာသောအကြည့်ဖြင့် ကြည့်နေ၏။ ဗိုလ်မှူးရန်နိင်ကသာ စကားဆက်ပြော၏။   “ဒါပေမယ့် ကျွန်တော်တို့အစီအစဉ်အတိုင်းတော့မဖြစ်ဖူး။ ဒီစာသာ ဖတ်ကြည့်ပါဗျာ”   စာရွက်တစ်ရွက်ကို ပေး၏။ မင်နီနှင့်ရေးထား၏။ စာ၏ဆိုလိုရင်းမှာ “နတ်မောက်မှလာသော သခင်ဘုန်းကျော်ဆိုသူ ကျောင်းသားခေါင်းဆောင်တစ်ယောက်ရှိသည်။ ဟင်္သတ ဗိုလ်ဗသိမ်းတပ်ထဲပါ သွားသည်။ သူ့ကိုရှာပါ။ တိုက်ရိုက်ရာထူး စာရင်းတွင်မထည့်နှင့်” ဟူသတည်း။ အောက်တွင် (ဗိုလ်တေဇ) ဟု လက်မှတ်ထိုးထား၏။ ကျွန်တော်က စာရွက်ကိုခေါက်၍ ပြန်ပေးလိုက်၏။ ဗိုလ်မှူးရန်နိုင်သည် စာရွက်ကိုပြန်ယူရင်း မေး၏။   “ဘယ်လို သဘောရသလဲ”   “သူ့ စာအတိုင်းပေါ့၊ ဘာဘဲဖြစ်ဖြစ် ကျွန်တော်ကတော့ တပ်ထဲဆက်ပါမှာဘဲ”   ဗိုလ်မှူးရန်နိုင်က ၀မ်းသာအားရ လက်ဆွဲနှုတ်ဆက်၏။ အားလုံးက လက်ခုပ်တီးလိုက်ကြလေသည်။ ဒီနေရာ၌ ငမိုး၏စာသည် တိုတိုနှင့်ထိသည်။ တစ်မြို့ထဲသားချင်း၊ လူရင်းပင်ဖြစ်သော်လည်း မျက်နှာသာမပေး။ တိုက်ရိုက်ရာထူးစာရင်းတွင် မပေးစေရ။ ကျွန်တော်တို့အပေါ်အခွင့်အရေးမပေး၍ ကျွန်တော်က စိတ်မဆိုး။ ငမိုး၏ ဓတ်ကြောကိုသိပြီးဖြစ်၏။ အမေစု၏ လယ်ပေါင်၊ ယာပေါင် စာချုပ်များကို တိတ်တိတ်ယူ၍ မီးရှို့ခဲ့သော ငမိုး။ အမေ့ပစ္စည်းတောင်မှ လမ်းမကျဘူးထင်လျှင် လမ်းကျအောင် ဇွတ်လုတ်တဲ့ငမိုး၊ ငမိုးတွင်မျက်နှာစိမ်းမျက်နှာကျက်ဟူ၍ ခွဲခြားခြင်း မရှိ။ တည့်မတ်လိုက်သည်မှာ ချိန်ခွင်လျှာလို ဖြစ်နေ၏။   မောင်မင်းကြီးသားက တည့်မတ်ပါ၏။ ကျွန်တော့်တွင်ကား မင်္ဂလာဒုံဗိုလ်သင်တန်း ကျောင်းတွင် ၉-လလုံးလုံး ဂျပန်၏ပါးအရိုက်ခံ၍ ပဲပင်ပေါက်ရေလုံပြုတ်ကိုစားကာ စစ်ပညာသင်ခဲ့ရ၏။ ဒူးနှင့်တတောင်ဆစ်တို့မှာ ကျွဲပခုံးထနေ၏။ မချိမဆံ့ပင်ပန်း၍ လှလှကြီးဒုက္ခတွေ့ခဲ့ရ၏။   တနင်္ဂနွေနေ့တစ်နေ့တွင် စစ်ကျောင်းအားလပ်၍ သူ့ထံသွားတွေ့၏။ မန္တလေးတွင်ဖတ်ခဲ့ရသော စာနီရဲအကြောင်းပြောပြသောအခါ ငမိုးကမျက်လုံးစောင်း၍ ကြည့်၏။ ပြီးတော့ တစ်ခွန်းခြင်းပြောပြ၏။   “မင်းကို တိုက်ရိုက်ပေးရင် ဘ၀င်မြင့်သွားမှာစိုးလို့ကွ။ ကျောင်းတက်ပြီးမှ ကော်မရှင်ရတော့ ဘယ်သူက ဘာမှပြောစရာမလိုဘူး”   ကျွန်တော့်မှာ သင်တန်းတွင် မိကျောင်းသွားတက်ရ၍ရရှိခဲ့သော ဒူးကအမာရွတ်ကိုသာ လက်နဲ့အသာပွတ်နေ၏။ သူ့ကိုပြန်မပြောရဲ။

(၅)

 မင်္ဂလာဒုံစစ်ကျောင်းမှဆင်းပြီး ၂-နှစ်ခန့်အကြာတွင် ကျွန်တော်သည် ငမိုးထံရောက်သွား၏။ သူ၏ ကိုယ်ရံတော် အဖြစ်နေရ၏။ သူနှင့်တော်လှန်ရေးမထွက်မီ ၃-ရက်ခန့်အလိုအထိ အတူနေခဲ့ရ၏။ တော်လှန်ရေးအပြီး ကျွန်တော့်အား နိုင်ငံခြားလွှတ်ရန်အစီအစဉ်များအတွက် မြူနီစီပယ်စာရင်းကိုင် ချုပ်ဟောင်း (ဗိုလ်မှူးထွေးမောင်) ကို တာဝန်ပေးထား၏။ ကျွန်တော့်ကိုလည်း ပြောထား၏။ ကျွန်တော်က မနေ၊ နိုင်ငံရေးထဲဝဲလည်ရန် တပ်မတော်လူထွက်များနှင့်ဆွေးနွေးပြီး နတ်မောက်သို့ပြန်သွား၏။ ထိုသောအခါ ငမိုးသည် ကျွန်တော့်အား “ငါ” ကိုင်၍ ကြိမ်းဝါးသည်ဟူ၏။   ရန်ကုန်သို့လာရင်း သူ့ထံသွား၏။ ကျွန်တော့်အား အစဦးတွင်စိတ်ဆိုးလွန်း၍စကားမပြော။ ကျွန်တော်က ဇွတ်ပြော၏။ ဒီလိုနဲ့ သူစိတ်ပြေသွားသည်။   ကျွန်တော်လည်း သူ့ဝါဒကိုနာခံကာ မြို့မှနေ၍ ဆောင်ရွက်ပေး၏။ သူ ဒုတိယဘုရင်ခံဖြစ်ချိန် ရွေးကောက်ပွဲအတွက်တရားဟောရင်း နတ်မောက်ရောက်လာ၏။ သူ့ထံတွင်လာနေရန် အတန်တန်ခေါ်၏။ ကျွန်တော်က ငြင်း၏။ နောက်ဆုံး (အမေစု) ကကြားဝင်ဖြန်၏။ “ကဲ ...မင်း ခဏခေါ်ချင်လဲခေါ်သွား၊ မြို့မှာ ကောင်ကလေးမရှိမဖြစ်ဘူး။ တစ်လ နှစ်လနေပီး ပြန်ပို့” နှင့် နိဌိတံကြ၏။ သူနှင့်ရန်ကုန်ုလိုက်လာရပြန်၏။ အတူနေရမည်ဟု ဇွတ်ကြိမ်းမောင်းနေ၏ ။ ကျွန်တော်က ...အင်းလဲမလှုပ် ၊ အဲလဲမလှုပ်၊ သူ တောင်ငူသို့ ရွေးကောက်ပွဲအတွက် ခဏသွားနေစဉ် ကျွန်တော်လည်း နတ်မောက်သို့ပြန်၍ လစ်လာခဲ့၏။ မြို့က လူကြီးတွေက ပူပန်ကြ၏။ “အမယ်လေးဗျာ ....မပူကြစမ်းပါနဲ့။ သူ့မှာ စောင့်ရှောက်မယ့်လူတွေ တပုံကြီးရှိပါတယ်။ ဘာမှလဲ စိုးရိမ်စရာမရှိပါဘူး” ဟု ကျွန်တော်က ပြောရ၏။   သို့သော် ကျွန်တော်ပြန်လာလို့ ၃-လ မကြာခင် ငမိုး သေနတ်ပစ်ခံရလေသည်။ အရပ်က လူကြီးတွေက ကျွန်တော့်ကို ဆဲကြဆူကြ၏။   “မင်းပြောတဲ့တစ်ပုံကြီးဆိုတာ ဘယ်မှာလည်းဟ -ခွေးမသားလေးရ” ဟု ငိုရင်းဆဲကြ၏။ ကျွန်တော်လည်း ထိုင်မှိုင်ရုံကလွဲ၍ ဘာမျှမကြံတတ်။ ငိုတဲ့လူတွေက ငိုကြ၊ ၀မ်းသာတဲ့လူကလဲ ၀မ်းသာ၊ နောက်ဆုံး ငမိုးခမျာ အာဇာနည်ကုန်းတွင် သွားအိပ်နေရရှာ၏။ သူ အာဇာနည်ကုန်းရောက်တာ ၉-နှစ်လောက်ရှိပြီထင်သည်။ ဒီလိုနဲ့ဘဲ လူတွေက (ငမိုး)သေပြီပြောကြသည်။ အမှန်ကား ငမိုး မသေသေးပါ။ တပ်မတော်မော်ကွန်းတိုက်ပြခန်းတွင် အသက်ရှင်လျှက် ရှိသေး၏။   

(၆) 

ကိုငမိုးက စီးကရက်မီးခိုးကြားထဲမှနေ၍ စကားပြောသည်။   “မင်းက ဒီမှာ ဘာလာလုပ်နေတာလဲ”   “ပေါင်းဟောင်း၊ သင်းဟောင်း ရဲဘော်ကြီးတွေကခေါ်လို့ လာခဲ့တာဘဲ၊ တပ်မတော်သမိုင်းရေးရမယ် ပြောတာဘဲ”   “ဘာ..မင်းတို့က ရေးမယ်”   “ဟုတ်ပါတယ်၊ ရေးကြမယ်၊ ကျွန်တော်တို့မှ မရေး၊ ဘယ်သူက လာရေးမှာလဲ”   “အေး..ရေးတော့ရေးပေါ့၊ ငါ တစ်သက်လုံးလုပ်လာခဲ့တာကို မင်းတို့က, ကလောင်တစ်ချောင်းနဲ့များတော့ မဖျက်ဆီးလိုက်ပါနဲ့။ ဗိုလ်ချုပ်လမ်းစဉ်,ဗိုလ်ချုပ်လမ်းစဉ်ဆိုပြီး ငါ့နံမည် ရောင်းစားနေရင်မကောင်းဘူး”   “ကျွန်တော်တို့ကတော့ ရောင်းမစားခဲ့ပါဘူးဗျာ၊ ဘုရားပေးပေး ကျမ်းပေးပေး”   “ဟော..မင်းစကားထဲမှာ ကျွန်တော်တို့ကတော့ဆိုတာ ပါလာတယ်။ ကျွန်တော်တို့က မရောင်း၊ တစ်ခြားလူတွေကတော့ ရောင်းစားသလိုပဲ ပြောစမ်း၊ ဘသူတွေက ရောင်းစားသလဲ”   “ကိုငမိုး သည် ဒေါသတကြီးဝသီအတိုင်း မှန်ဘီရိုမျက်နှာပြင်ကို လက်သီးနှင့်ထု၏။ ပါးစပ်ကလည်း သူသိလိုသောအရာကို ထပ်ကာထပ်ကာ မေးနေ၏။ ကျွန်တော် ကားပြောမလည်ပတ်၍ ကျွန်တော့်စကားနှင့်ကျွန်တော့်ကို ပြန်အချည်ခံနေရ၏။ သြော ....ကို ငမိုး- ကို ငမိုး ၊ လောကကြီးထဲ မဲမဲမြင်တိုင်းကြောက်နေရသော ကျွန်တော့်ဘ၀ကို သူမသိ။ ကျွန်တော် ခင်ဗျားကို အကုန်ဘဲ ဖွင့်ပြောချင်ပါသည် ကို ငမိုး။ ဒါပေသည့် မပြောရဲပါ။   “ဟေ့ကောင်..ငါ မေးနေတာ မကြားဘူးလား”   “ကြားပါတယ်၊ ဒါတော့ မပြောပါရစေနဲ့၊ ခင်ဗျား ကျွန်တော့်ကိုသနားရင် ဒါတော့ မမေးပါနဲ့ဗျာ”   “ငါ မေးတာသာ ဖြေစမ်းပါကွာ၊ မြန်မြန်ဖြေစမ်း”  ကျွန်တော့်မှာ ကိုငမိုးကို အသေအလဲကြောက်ရသူဖြစ်သည်။ ဒီ့အပြင် မဲမဲမြင်တိုင်းကြောက်နေရသူလည်းဖြစ်သည်။ မဖြေလဲခက်၊ ဖြေလဲခက်။ ဤနေရာတွင် ကျွန်တော်တစ်ဦးတည်း လူမိုက် လုပ်လို့ဟန်ပုံမရ။ နီးစပ်ရာတွေကို သူခိုးသေဖော်ညှိပြီးမှ ဖြေ၏။  “ကျွန်တော်က တောမှာနေခဲ့ရတော့သိပ်ပြီး မသိပါဘူး၊ ရန်ကုန်မှာ အမြဲနေတဲ့ ဆရာဇ၀နတို့၊ ဆရာ မောင်ထင်တို့၊ မြန်မာ့အလင်းက သာကဒိုးတို့က ကျွန်တော့်ထက်ပိုပြီး သိပါတယ်။ သူတို့ကို မေးပါ။ သူတို့ဖြေပါလိမ့်မယ်”   “ဒါဖြင့် ဒီလူတွေ ပြောလိုက်၊ ငါ့နံမည် ဘသူတွေရောင်းစားတယ် ဆိုတာ ငါ့ဆီလာပြောလှည့်လို့”   “ဟုတ်ကဲ့..ပြောလိုက်ပါ့မယ်”   ကဲ ....ဆရာတို့၊ ခင်ဗျားတို့ ကြားတဲ့အတိုင်းဘဲ၊ ကြည့်သာပြောကြပေတော့။ အဲဒီတာဝန် ခင်ဗျားတို့ဖြေပြီးမှ ကျွန်တော်ဆက်ပြီးဖြေမည်။   “ငါ သဲ့သဲ့ သတင်း ကြားပါတယ်။ မင်းက ငါ့အထုပ္ပတ္တိရေးတယ်ဆို”   “ကျွန်တော်တစ်ဦးတည်း မဟုတ်ပါဘူး၊ ဗိုလ်မှူး ဘိုရယ်၊ ကိုမေအောင်ရယ် ကျွန်တော်ရယ် ရေးတာ။ စုထုတ်တာပါ။ တစ်ခြား စာရေးဆရာတွေလဲ ပါ,ပါတယ်”   “ အေး ...အိန္ဒိယမှာ ဂန္ဒီသေပြီး ၇-ရက်မှ မရှိသေးဘူး ဂန္ဒီအထုပ္ပတ္တိထွက်လာတာဘဲ။ ချီးမွမ်းသကွာ”   အချီးမွမ်း မစောပါနဲ့ ကိုငမိုး။ ဒီစာအုပ်ကလေးဖြစ်အောင် ဘယ်အထိ အငေါက်အငမ်း၊ အကြိမ်းအမောင်း သောက်မြင်ကပ်ခံခဲ့ရတာတွေကိုသာခင်ဗျားသိရင် ဟောဒီ မှန်ဘီရိုကွဲလိမ့်ဦးမည် ထင်သည်။ ဒါတောင်မှ ....အထုပ္ပတ္တိဆိုလို့သာ အထုပ္ပတ္တိလိုက်ရတာ ...မိုးကြိုးပစ် ကြိမ်ပြောရမယ့်အထုပ္ပတ္တိပါ။ ဒါကလေး ရေးတုန်းကအဖြစ်တွေ ခင်ဗျားမသိဘူး။ ခင်ဗျားသူငယ်ချင်း လုပ်ဖော်ကိုင်ဘက်တွေဆီ သွားမေး၊ မှတ်တမ်းကလေးတင်တာတောင်မှ ခင်ဗျားလူတွေက ဘာပြောတယ်ထင်သလဲ၊ “မင်းဘဲ မမောမပန်း ဒုက္ခရှာလို့” ဟု ငေါက်လွှတ်လိုက်တာတွေ ခင်ဗျားမသိဘူး။ အဲဒီလို စေတနာထားကြမှ “အော် ....ငါလဲ မိုက်လို့လုပ်မိသကိုး” လို့ ကိုယ့်ကိုယ်ကိုယ်တရားချပြီး ပထမတွဲနဲ့ဘဲ ဘရိတ်အုပ်ထားရတာ ခင်ဗျားမသိဘူး။ ပြောပြချင်တယ် ကိုငမိုး။ ဒါပေမယ့် လည်ချောင်းထဲက မထွက်ဘူး။  “ဒါထက် ငါ့ကောင်တွေ ဘယ်သွားနေ သလဲ”   “ခင်ဗျားလူတွေ တောခိုကြသတဲ့၊ ကွန်မြူနစ်လဲ ပါသဗျ”   “ကွန်မြူနစ်ကို အသာထား။ ငါ့ကောင်တွေ ကိုသာ ငါမေးနေတာ”   “တောခိုပါတယ်လို့ ပြောပါပကော”   “အင်း ...ဒုက္ခဘဲ၊ ငါ အစကထဲက မြင်သားဘဲ။ စတုတ္ထအကြိမ်ညီလာခံမှာ ငါဘာပြောခဲ့တုန်း။ မတ်ဇစ်လိဂ်ဖွဲ့ပါ၊ ညီညွှတ်ပါ။ မညီညွတ်ရင် နှစ်ဖက်စလုံး ဖင်စုတ်ကုန်မယ်လို့ အပြောခဲ့သား။ ဘယ်လိုဖြစ်ကြရတာလဲကွ”   “ဒါတွေ မေးမနေပါနဲ့ဗျာ ပြောရရင် ခင်ဗျားလဲစိတ်ညစ် ကျွန်တော်လည်း စိတ်ဆင်းရဲရမှာဘဲ။ အဲဒီတုန်းက ခင်ဗျား စာရေးဆရာလုပ်မယ်ဆို။ ဘာလို့ ဒါတွေ တဖွဖွ မေးနေရတာလဲ”   “စာရေးဆရာလဲ လူထဲက လူပဲကွ။ ကိုယ့်နိုင်ငံအကြောင်းတော့ အနည်းဆုံး လေ့လာထားရမပေါ့။ အေးပါ ...မင်းစိတ်ဆင်းရဲမယ်ဆို ငါမမေးတော့ပါဘူး။ ငါ့အထုပ္ပတ္တိကို

မင်း ဆက်မရေးတော့ဘူးလား”   “အခြေအနေက မပေးဘူးဗျာ၊ ဒါပေမယ့် (အောင်ဆန်းဝါဒ) ဆိုပြီး စာတစ်အုပ်ရေးမလို့တော့ စိတ်ကူးထားတာဘဲဗျ”   “ကောင်းသားဘဲ၊ ဂန္ဒီဝါဒ စာအုပ်လိုပေါ့”   “ဟုတ်ပါတယ်”

  “ကဲ ....ငါသွားတော့မယ်၊ မင်းလဲ သတိထားနေကွ၊ ငါ ရှိတုန်းကလို မိုက်ကန်းကန်းမလုပ်နဲ့၊ ဒါဘဲ သွားမယ် ”  သွားမယ့်သွားတော့လဲ ကိုမိုးအသံကိုသာ ကြားလိုက်ရ။ လူကိုပင် မမြင်လိုက်ပေ။ စီးကရက်မီးခိုးငွေ့ များလည်း တစ်စ,တစ်စလွင့်၍ သွား၏။ ပြခန်းမှန်ဘီရိုများအတွင်းရှိ ကိုမိုး၏ အသုံးအဆောင်ပစ္စည်း အတိုအစကလေးများလည်း ၀မ်းနည်းသောအသွင်ဖြင့် တိတ်ဆိတ်စွာကျန်ရစ်ကြလေသည်။ ကျွန်တော်လည်း ကိုမိုး သေ ,မသေ စဉ်းစား၍နေ၏။ မံသစက္ခုတွင်ကား လူတွေက သေပြီပြောသည်။ ဥာဏစက္ခုတွင်ကား ကိုမိုး၏၀ါဒ၊ ကိုမိုး၏စကားတွေ တည်ရစ်သမျှ၊ တည်ထွန်း၍နေသမျှ၊ ကိုမိုး တစ်ကယ် မသေနိုင်ပါတကား။   ကိုမိုးကိုချစ်သူ၊ ရိုသေသူတွေ အများကြီးရှိသည်။ အဘယ်သူသည် ကိုမိုးအား ဆက်လက် အသက်သွင်းမည်နည်း။ ကျွန်တော်တို့ စောင့်ကြည့်ကြဦးစို့။