ရိုဟင်ဂျာပြသနာ၊ လူ့အခွင့်အရေးနှင့်အမျိုးသားဂုဏ်သိက္ခာ-အပိုင်း(၂) အောင်ထူး(ရှေ့နေ)

ရိုဟင်ဂျာပြသနာ၊ လူ့အခွင့်အရေးနှင့်အမျိုးသားဂုဏ်သိက္ခာ -အပိုင်း(၂) အောင်ထူး(ရှေ့နေ)

နိုင်ငံတကာဥပဒေကိုလိုက်နာဖေါ်ဆောင်ခြင်းဖြင့် ဥပဒေစိုးမိုးရေးကိုတည်ဆောက်ခြင်း။

အရေးကြီးသော နောက်ထပ်ဥပဒေပြသနာတခုမှာ မိမိနိုင်ငံအနေဖြင့် အတည်ပြုလက်မှတ်ရေးထိုးထားသော နိုင်ငံတကာသဘောတူစာချုပ်ကို လိုက်နာရမည့်တာဝန်ဖြစ်သည်။ ဤသည်မှာ "လူ့အခွင့်အရေးကတော့ လိုက်နာနိုင်ရင်ကောင်းပါတယ်” ဟူ၍ ပြောရုံမျှဖြင့် မလုံလောက်တော့။ "လူ့အခွင့်အရေးကို တဘက်က စဉ်းစားပေါ့။ ကိုယ့်နိုင်ငံရဲ့ ထူးခြားတဲ့အခြေအနေလည်းကြည့်ရမယ်” ဟူ၍ ဆင်ခြေပေးပြီး မိမိတိုင်းပြည်ကလက်မှတ်ရေးထိုး အတည်ပြုထားသော နိုင်ငံတကာသဘောတူစာချုပ်ကို မလိုက်နာ၍မရ။ မြန်မာနိုင်ငံအနေဖြင့် နိုင်ငံတကာသဘောတူစာချုပ်နှစ်ခုကိုသာ လက်မှတ်ရေးထိုးအတည်ပြုထားသည်။ တခုမှာ ကုလသမဂ္ဂကလေးအခွင့်အရေးဆိုင်ရာ နိုင်ငံတကာသဘောတူစာချုပ် ဖြစ်သည်။ နောက်တခုမှာ အမျိုးသမီးများအား ခွဲခြားဆက်ဆံမှုပပျောက်ရေးဆိုင်ရာ နိုင်ငံတကာသဘောတူစာချုပ်ဖြစ်သည်။ ဤနှစ်ခုမျှသာရှိသော နိုင်ငံတကာသဘောတူစာချုပ်တို့ကို လိုက်နာဘို့မဆောင်ရွက်လျှင် မြန်မာနိုင်ငံသည် နိုင်ငံတကာအလယ်တွင် မည်ကဲ့သို့မျက်နှာမော်မည်နည်း။ စစ်အစိုးရဖန်တည်းထားသည့်လွှတ်တော်သည် ဤစာချုပ်များအား မည်ကဲ့သို့လိုက်နာဖေါ်ဆောင်ဘို့လိုအပ်ကြောင်း ဥပဒေကြောင်းအရဆွေးနွေးမှုများ ယခုအထိ မကြားရသေးပါ။ ဥပဒေစိုးမိုးရေးကိုတတွတ်တွတ်ရွတ်နေသူများသည် အဘယ်ကြောင့် မသိချင်ယောင်ဆောင်နေပါသနည်း။ စစ်မှန်သည့် ဥပဒေစိုးမိုးရေးအခြေခံမရှိလျှင် တိုင်းပြည် မည်သည့်အခါတွင်မျှ တကယ်တန်း တည်ငြိမ်နိုင်မည်မဟုတ်သည်ကို အသိအမှတ်မပြုကြ၍လား။

ကလေးအခွင့်အရေးဆိုင်ရာ နိုင်ငံတကာသဘောတူစာချုပ်ကိုလိုက်နာကြောင်းပြသည့်အနေဖြင့် စစ်အစိုးရက ၁၉၉၃ ခုနှစ် ကလေးသူငယ်ဥပဒေကိုပြဌာန်းပြီး ပုဒ်မ ၃ (က) တွင် အာက်ပါအတိုင်းတွေ့ရသည်။

ပုဒ်မ ၃ (က) ကလေးသူငယ်အခွင့်အရေးများဆိုင်ရာ ကုလသမဂ္ဂကွန်ဗင်းရှင်းပါ ကလေးသူငယ်၏ အခွင့်အရေးများကို အကောင်အထည်ဖေါ်ဆောင်ရွက်ရန် --------------- ဟူ၍ဖြစ်သည်။ ကလေးသူငယ်များ၏အခွင့်အရေးများအနက် တရပ်မှာ နိုင်ငံသားဖြစ်ခွင့် ဖြစ်သည်။ အများပြည်သူနှင့် နိုင်ငံရေးအခွင့်အရေးဆိုင်ရာ နိုင်ငံတကာသဘောတူစာချုပ် ပုဒ်မ ၂၄(၃) တွင် ကလေးသူငယ်တိုင်းသည် နိုင်ငံသားအဖြစ်ရယူခွင့်ရှိရမည်ဖြစ်ကြောင်း ပြဌာန်းထားသည်။  ကလေးအခွင့်အရေးဆိုင်ရာ နိုင်ငံတကာသဘောတူစာချုပ် အပုဒ် (ရ) (၂) တွင် ကလေးသူငယ်များ နိုင်ငံသားဖြစ်ခွင့်ရစေရန် သက်ဆိုင်ရာတိုင်းပြည်များက ၄င်းတို့၏ အမျိုးသားဥပဒေများနှင့်အညီ ဖေါ်ဆောင်ပေးရမည်ဟု အတိအလင်းပြဌာန်းထားသည်။ ဤသည်ကို လိုက်နာဆောင်ရွက်ကြောင်းပြသသည့်အနေမျိုးဖြင့် စစ်အစိုးရ၏ ၁၉၉၃ ခုနှစ် ကလေးသူငယ်ဥပဒေတွင် အောက်ပါအတိုင်းပြဌာန်းထားသည်။

ပုဒ်မ(၁၀) ကလေးသူငယ်တိုင်းသည် နိုင်ငံသားဖြစ်မှုဆိုင်ရာအခွင့်အရေးကို တည်ဆဲဥပဒေပါ ပြဌာန်းချက်များနှင့်အညီ ရရှိစေရမည်။

ကလေးသူငယ်ဥပဒေအနေဖြင့် တဘက်မှ အခွင့်အရေးပေးထားသလိုလို ပြဌာန်းထားသော်လည်း အခြားတဘက်မှ ပြန်ပိတ်ထားသည်။ ဆိုလိုသည်မှာ တည်ဆဲဥပဒေပြဌာန်းချက်အောက်တွင် အကြုံးဝင်မှသာရရှိမည် ဟူ၍ဖြစ်သည်။ သို့ဖြစ်၍ ကလေးသူငယ်များသည် တည်ဆဲဖြစ်သော ၁၉၈၂ ခုနှစ် မြန်မာနိုင်ငံသားဥပဒေအောက်တွင် နိုင်ငံသားဖြစ်ခွင့် မရကြပါ။ ၂၀၀၈ ဖွဲ့စည်းပုံအခြေခံဥပဒေ ပေါ်လာပြီးနောက် ပိုဆိုးသွားပါသည်။ သို့ဖြစ်၍ ကုလသမဂ္ဂ ကလေးအခွင့်အရေးဆိုင်ရာ နိုင်ငံတကာသဘောတူစာချုပ်ပါကလေးအခွင့်အရေးကို အပြည့်အ၀ခံစားစေရန် စစ်အစိုးရအဆက်ဆက်က ပြဌာန်းလာခဲ့သော ၁၉၈၂ ခုနှစ် မြန်မာနိုင်ငံသားဥပဒေ၊ ၁၉၉၃ ကလေးသူငယ်ဥပဒေ နှင့် ၂၀၀၈ ဖွဲ့စည်းပုံအခြေခံဥပဒေတို့အားပြင်ရန် မုချလိုအပ်ပါသည်။

ပြီးခဲ့သည့်ကာလ က ဖြစ်ရပ်များကို ဘာကြောင့် ပြန်လည်ဖေါ်ထုတ်ဘို့လိုအပ်သလဲ။

ဇူလိုင် လ ၂၃ ရက်နေ့တွင် အယ်လ်ဂျာဇီးရားကထုတ်လွှင့်ခဲ့သည့် ရိုဟင်ဂျာဆိုင်ရာဆွေးနွေးခန်းတွင် ကုလသမဂ္ဂမှ တာဝန်ရှိပုဂ္ဂိုလ်တဦးလည်းပါဝင်ခဲ့သည်။ အမည် မမှတ်မိတော့ပါ။ ၄င်းက ရခိုင်ပြည်နယ်အတွင်း၌ မွတ်ဆလင်ဘာသာဝင်ဦးရေ ရှစ်သိန်းခန့်ရှိကြောင်းပြောကြားသွားခဲ့သည်။ ဘီဘီစီဆွေးနွေးခန်း၌ ၁၉၈၂ ခုနှစ် မြန်မာနိုင်ငံသားဥပဒေပါပြဌာန်းချက်၏ ရှုပ်ထွေးမှုများကြောင့် မပြည့်စုံနိုင်ဘဲ မည်သည့်အဆင့်အတန်းမှမရရှိသူပေါင်းများစွာရှိနေကြောင်း မိမိကထောက်ပြသောအခါ ဦးဘရှိန်က မပြည့်စုံတဲ့လူတွေ မိမိတို့ဆီဘာကြောင့် ရောက်လာသလဲ ဟု ပြန်လည် မေးမြန်းပါသည်။ စာရေးသူလည်း မဖြေနိုင်ပါ။ ဦးဘရှိန်ဆိုလိုချက်အရ ထိုသူများသည် မူလကထဲက မိမိတို့နိုင်ငံအတွင်း အစဉ်တစိုက်အခြေချနေထိုင်နေသူများမဟုတ်၊ နိုင်ငံပြင်ပမှ (အတိအကျအားဖြင့်) ဘင်္ဂလားဒေ့ရ်ှနိုင်ငံမှ ၀င်လာကြသူများဟုဆိုလိုကြောင်း နားလည်ပါသည်။

စင်စစ်အားဖြင့်မူ ဦးဘရှိန်သည် စစ်အစိုးရ၏လွှတ်တော်ကိုယ်စားလှယ်ကြီးတဦးဖြစ်သဖြင့် လွှတ်တော်အတွင်းမေးမြန်းလျှင် ပို၍ အကျိုးရှိနိုင်ပါမည်။ ဖြေရန် တာဝန်အရှိဆုံးပုဂ္ဂိုလ်မှာ သမတတာဝန်ယူထားသူ စစ်ခေါင်းဆောင်ဟောင်းဦးသိန်းစိန်ဖြစ်သည်။ ဦးသိန်းစိန်သည် စိုင်းမောက်ခမ်းနှင့် မတူပါ။ လူသစ်မဟုတ်ပါ။ ၁၉၈၈ ခုနှစ် စစ်တပ်အာဏာသိမ်းပြီးနောက် န၀တ နအဖခေတ်တလျှောက်လုံး ဗိုလ်ချုပ်တဦးအနေဖြင့် ခေါင်းဆောင်မှုအပိုင်းတွင်ပါဝင်လာခဲ့သူဖြစ်သဖြင့် ရှေ့မီနာက်မီဖြစ်သည်။ န၀တ နအဖခေတ်က သူကိုယ်တိုင်ဦးဆောင်ပါဝင် လုပ်ဆောင်ခဲ့မှုများအပေါ် ဆက်လက်တာဝန်ခံရမည်ဖြစ်သည်။ မိမိတို့အစိုးရသစ်တက်တာ အခုမှ တနှစ်ကျော်ပါသေးသည်ဟူ၍အကြောင်းပြကာ မိမိ၏တာဝန်ရှိမှုကို ဟန်ဆောင်ဖုံးကွယ်ခြင်းမျိုး မလုပ်သင့်ပါ။ လူသစ်ကလေး လိုလို၊ ဘာမှ မသိသေးသလိုလို မျက်နှာအနေအထားမျိုးဖြင့် လူထုကို မချည်းကပ်သင့်ပါ။ စစ်ခေါင်းဆောင်ဖြစ်သော်လည်း တာဝန်သိသော၊ တာဝန်ယူရဲသော၊ လုပ်ရဲရင်ခံရဲသည့်သတ္တိနှင့်ပြည့်စုံသော ခေါင်းဆောင်တဦးဖြစ်ကြောင်း ပြသင့်ပါသည်။

ဦးသိန်းစိန်အနေဖြင့် ဗိုလ်ချုပ်နေ၀င်းခေတ်အထိပြန်သွားပြီး တာဝန်ခံရန်တော့ မလိုပါ။ ၁၉၈၈ ခုနှစ်မှစ၍ ၂၀၁၂ ခုနှစ်အထိ ရခိုင်ပြည်နယ်အတွင်းသို့ဝင်လာသူများ မည်သည့်နှစ်တွင် ဦးရေမည်မျှဝင်လာသည်၊ မည်သည့်လမ်းကြောင်းမှ ၀င်လာသည်၊ မည်သည့်နည်းလမ်းဖြင့် ၀င်လာသည်၊ ထိုသူများအနက် ယခုအချိန်၌် ဦးရေမည်မျှသည် နိုင်ငံသားများဖြစ်နေကြပြီ။ ဧည့်နိုင်ငံသားနှင့် နိုင်ငံသားပြုခွင့်ရသူတို့၏ဦးရေမှာ မည်မျှရှိသည်။ မည်သည့်အဆင့်မှမရသူဦးရေမှာ မည်မျှဖြစ်ပြီး ဘာကြောင့် ဤသို့မရရှိခြင်းဖြစ်သည်။ ကလေးဦးရေစုစုပေါင်း မည်မျှရှိပြီး ကလေးအခွင့်အရေးအရနိုင်ငံသားခံစားခွင့်ရပြီးသူပေါင်း မည်မျှရှိပြီ --- အစရှိသဖြင့် တနိုင်ငံလုံးသိ ဖြေကြားရန်တာဝန်ရှိသည်။ သို့မှသာ လူထုတရပ်လုံးလိုက်ပါစဉ်းစားနိုင်ပြီး ၀ိုင်းဝန်းအဖြေရှာနိုင်ကြပါမည်။ အနာဟောင်းများကို ဖေါ်ထုတ်ကုစားခြင်းမပြုဘဲ အပေါ်ယံ ဆီမန်းလောက်မျှဖြင့်ကုသနေလျှင် မိမိတို့နိုင်ငံသည် ကျမ္မာရေးကောင်းမွန်သည့်နိုင်ငံ မည်သည့်အခါတွင်မျှ မဖြစ်နိုင်ပါ။ ယဉ်ကျေးမှုတရပ်သဘွယ်ဖြစ်မသွားမီ အတိတ်ကိုဖုံးကွယ်ထားသည့်လုပ်ဟန်အား ယခုကထဲက စတင် တိုက်ဖျက်ကြဘို့ လိုပါပြီ။

ရိုဟင်ဂျာပြသနာအား စစ်အာဏာရှင်စနစ်ကကျင့်သုံးလေ့ရှိသည့် နိုင်ငံရေးလုပ်ဟန် အခြေခံမှ ချည်းကပ်ခြင်း 

ဦးသိန်းစိန်ခေါင်းဆောင်သည့်စစ်အစိုးရသည် နိုင်ငံလုံခြုံရေး (သို့မဟုတ် ထိုမှ တဆင့်လျှော့၍) အမျိုးသားလုံခြုံရေးဟူသည်ကို လူကြားကောင်းအောင်ကြွေးကြော်မည်ဖြစ်သော်လည်း စင်စစ်အားဖြင့်မူ စစ်အာဏာရှင်စနစ်လုံခြုံရေးအတွက် တချက်ခုတ်၊ အချက်ပေါင်းများစွာပြတ်အောင် လက်ရှိ ရိုဟင်ဂျာ၊ ရခိုင် အဓိကရုဏ်းအား အစီအစဉ်ရှိရှိဖေါ်ခဲ့သည်ဟု သုံးသပ်နိုင်သည်။

(၁) စစ်အာဏာရှင်စနစ် စတင်ခဲ့သည့် ၁၉၆၂ ခုနှစ်မှစ၍ ဘာသာရေး၊ လူမျိုးရေးအဓိကရုဏ်းများအား ၄င်းတို့ကပင်ဖန်တည်းပြီး လူထုထောက်ခံမှုရအောင်လုပ်ခဲ့သည့် သမိုင်းဖြစ်ရပ်များစွာရှိခဲ့သည်။ ယခုဖြစ်ရပ်တွင်လည်း ရိုဟင်ဂျာများအား တတိယနိုင်ငံထွက်အောင် ကုလသမဂ္ဂကစီစဉ်ပေးနိုင်လျှင် အစိုးရကကူညီပါမည်ဟု ဦးသိန်းစိန်က ထုတ်ပြန်ကြေငြာလိုက်သည့်အချိန်တွင် ငါတို့ချစ်တဲ့သမတကြီးဟူသောအသံများ ထွက်ပေါ်လာခဲ့သည်။

(၂) ပြည်တွင်းငြိမ်းချမ်းရေးကို အမှန်တကယ်တည်ဆောက်မည်ဆိုလျှင် စစ်တပ်ကြီးကြီးထားရန်အကြောင်း လုံးဝမရှိတော့ပါ။ ပြည်တွင်းငြိမ်းချမ်းရေးအတွက် လူထုလှုပ်ရှားမှုများ၊ တိုင်းရင်းသားအင်အားစုများ၏လှုပ်ရှားမှုများ အားကောင်းလာလေလေ စစ်တပ်၏အခန်းကဏ္ဍ သိသာစွာလျော့နည်းသွားလေ ဖြစ်ပါသည်။ ဤသည်ကို စစ်အာဏာရှင်ဟောင်း/သစ်များက မလိုလားပါ။ စစ်တပ်၏အခန်းကဏ္ဍကြီးကြီးမားမား ရှိနေသေးကြောင်းပြလိုသည်။

(၃) အရေးအကြောင်းဖြစ်လာလျှင် ဒေါ်အောင်ဆန်းစုကြည်သည်လည်းကောင်း၊ အမျိုးသားဒီမိုကရေစီအဖွဲ့ချုပ်သည်လည်းကောင်း လူထုအနေဖြင့် မည်သို့မျှအားကိုး၍ မရ။ တပ်မတော်ကိုသာ အားကိုးရသည်ဟု လူထုကို အယုံသွင်းလိုသည်။

(၄) ပြီးခဲ့သည့် လ တချို့က ရခိုင်ပြည်လွတ်မြောက်ရေးပါတီနဲ့ရခိုင်တော်လှန်ရေးအဖွဲ့အစည်းများ၊ ခေါင်းဆောင်များ ရခိုင်ပြည်နယ်အတွင်းသွားရောက်သောအခါ ရခိုင်လူထုထောင်ပေါင်းများစွာက သောင်းသောင်းဖျဖျ ကြိုဆိုခဲ့ကြသည်ဟု သိရသည်။ ဤသို့သောအခြေအနေမျိုးကို စစ်အာဏာရှင်များက လုံးဝ ကြိုက်နှစ်သက်လေ့မရှိပါ။ ရခိုင်လူထုကို ပညာပေးဘို့လိုပြီဟု သုံးသပ်ပုံရသည်။ ယခုမူ ရခိုင်လူထု၏ခြေထောက်ကို ရိုက်ချိုးလိုက်နိုင်ပြီဟု ဆိုနိုင်သည်။ စစ်တပ်ကိုအားကိုးနေရသည့်ဘ၀သို့သက်ဆင်းသွားပါသည်။

ရိုဟင်ဂျာ ရခိုင်အဓိကကရုဏ်းအား ငြိမ်းချမ်းစွာဖြေရှင်းဆောင်ရွက်နိုင်ပြီး ရခိုင်ပြည်နယ်အတွင်းရှိလူထုအားလုံး ငြိမ်းချမ်း၊ လုံခြုံ၊ အင်အားပြည့်စုံစွာရပ်တည်နိုင်ခြင်းမရှိလျှင် ပြည်ထောင်စုအတွင်းရှိ အခြားတိုင်းရင်းသားပေါင်းစုံ လူထုအားလုံးပါ အင်အားချည့်နဲ့နေပါမည်။ နောက်ထပ် တရုပ် ဗမာအရေးအခင်းပါ ဖန်တည်းခြင်းခံရပါက စစ်တပ်က ကိုင်မြှောက်ထားသောသေနတ်အောက်၌ အရိပ်အာဝါသခိုပြီး အသက်ရှင်ရသည့်ဘ၀သို့ တိုင်းရင်းသားပေါင်းစုံလူထုကြီးတရပ်လုံး ကျဆင်းသွားနိုင်ပါသည်။

နိဂုံးချုပ်တင်ပြချက်

ရိုဟင်ဂျာ ရခိုင်အဓိကကရုဏ်းအား ငြိမ်းချမ်းစွာဖြေရှင်းဆောင်ရွက်နိုင်ရေးအတွက် အထောက်အကူပြုသည့်အနေဖြင့် အောက်ပါအတိုင်း ဆောင်ရွက်သွားရန် အကြံပြုပါသည်။

(က) ယခုအချိန်၌ ရိုဟင်ဂျာများသည် လူသားချင်းစာနာထောက်ထားသည့် (တနည်းအားဖြင့်) လူအဖြစ်အသက်ရှင်ခွင့်ရနိုင်သည့် အခြေခံစားနပ်ရိက္ခာများပင်မရရှိဟူသောသတင်းများ ထွက်ပေါ်နေပါသည်။ ဤသည်မှာ လုံးဝမဖြစ်သင့်ပါ။ လူ့အခွင့်အရေးရှုဒေါင့်မှကြည့်လျှင် မဖြစ်သင့်သလို မေတ္တာတရားကြီးမားသည်ဟုဂုဏ်ယူကြလေ့ရှိသော ဗုဒ္ဓဘာသာဝင်များအနေဖြင့် အမြန်ဆုံးကူညီစောင့်ရှောက်နိုင်ရန် စဉ်းစားဆောင်ရွက်သင့်ပါသည်။

(ခ) ဆိတ်ဆိတ်နေခြင်းသည် ပြစ်မှုကျူးလွန်မှုများကိုအားပေးရာရောက်ပါသည်။ တရားမျှတမှုကိုလည်း မျက်ကွယ်ပြုရာရောက်သည်။ မိမိတို့အမြင်ကို ကျိုးကြောင်းဆီလျော်စွာ ထုတ်ဖေါ်သင့်ပါသည်။ အနည်းဆုံးအားဖြင့် ဖြစ်ပျက်ခဲ့သမျှ အမှန်တရားများပေါ်ထွက်လာစေရန် ၀ိုင်းဝန်းကြိုးပမ်းသင့်ပါသည်။

(ဂ) ဦးသိန်းစိန်ခေါင်းဆောင်သည့်အစိုးရကိုယ်တိုင်က ၀င်ရောက်ကျူးလွန်မှုကို နိုင်ငံတကာက ရက်စွဲအတိအကျဖြင့်ထောက်ပြလာခဲ့ပြီ ဖြစ်သည်။ ဤဖြစ်စဉ်ကြီးတစုံလုံးကို အစမှအဆုံး သေချာစွာဖေါ်ထုတ်ပြီး နောက်ကွယ်မှကြိုးကိုင်ဆောင်ရွက်နေသူများအပါအ၀င် ဦးဆောင်ကျူးလွန်ကြသည့် တရားခံအားလုံးကို လူမျိုး၊ ဘာသာ၊ အသားအရောင်မရွေးဘဲ ဥပဒေစိုးမိုးရေးအခြေခံဖြင့် ထိရောက်စွာဖေါ်ထုတ်အရေးယူနိုင်မှသာ နောင်သည်လိုအဖြစ်ဆိုးမျိုးမဖြစ်အောင် ကာကွယ်တားဆီးနိုင်ပါမည်။

(ဃ) ပြီးခဲ့သည့် နအဖစစ်အစိုးရအောက်၌ကျူးလွန်ဖြစ်ပွားခဲ့သော နိုင်ငံတကာအဆင့်ရှိသည့်ပြစ်မှုကြီးများကို ကုလသမဂ္ဂကဦးဆောင်ပြီး စုံစမ်းစစ်ဆေးရေးကော်မရှင်ဖွဲ့စည်းစစ်ဆေးစေရန် လှုပ်ရှားမှုကြီးမှာ ၂၀၁၀ ခုနှစ်အထိ အရှိန်ကောင်းစွာရခဲ့ပြီး အောင်မြင်တော့မည့်အနေအထားရောက်ခဲ့သည်။ ၂၀၁၁ ခုနှစ်အတွင်း စစ်အစိုးရက နိုင်ငံရေးအပြောင်းအလဲများလုပ်ပေးသယောင်နှင့် လမ်းကြောင်းလွှဲနိုင်ခဲ့သဖြင့် ယင်းလှုပ်ရှားမှုမှာ ယာယီတိမ်မြှုပ်သွားခဲ့သည်။ ယခုရခိုင်ပြည်နယ်အတွင်း ပြစ်မှုကြီးများထပ်မံကျူးလွန်နေပြန်ပါပြီ။ နိုင်ငံတကာလူ့အခွင့်အရေးအဖွဲ့အစည်း ၅၈ ဖွဲ့က စုပေါင်း၍ ဤမှုခင်းကြီးအပေါ် နိုင်ငံတကာအနေဖြင့် စုံစမ်းစစ်ဆေးရေးလုပ်ပေးရန်တောင်းဆိုလာပါပြီ။ ဤ လှုပ်ရှားမှုကို လူထုတရပ်လုံးထောက်ခံသင့်၊ ၀ိုင်းဝန်းတောင်းဆိုသင့်သည်ဟု မြင်ပါသည်။ နိုင်ငံတကာအနေဖြင့် စုံစမ်းစစ်ဆေးဖေါ်ထုတ်ခွင့်မရပါက နောင် အလားတူပြစ်မှုကြီးများ ထပ်မံကြုံတွေ့ဦးမည်မှာ မလွဲပါ။

(င) ရွာတရွာတွင် သူကြီးကိုယ်တိုင်က ပြစ်မှုကျူးလွန်ကြောင်းစွပ်စွဲခံရသောအမှု၌ သူကြီးသားကို စုံစမ်းစစ်ဆေးရေးအဖွဲ့ခေါင်းဆောင်ထားပြီး အမှုဖေါ်ထုတ်ခိုင်း၍ မရပါ။ မြန်မာနိုင်ငံ၌ တရားစီရင်ရေးယန္တယားတခုလုံးမှာ လွတ်လပ်မှု လုံးဝမရှိဘဲ စစ်ခေါင်းဆောင်များအား ဆန့်ကျင်ရပ်တည်ရဲသည့် အနေအထားမရှိပါ။ လူ့အခွင့်အရေးကော်မီတီဆိုသည်မှာလည်း သမတရုံးအဖွဲ့၏အစိပ်အပိုင်းတခုကဲ့သို့ဖြစ်နေပြီး သူကြီးတူ အဆင့်လောက်သာ ရှိပါသည်။ ဖြစ်ပွားခဲ့သည့်အဓိကရုဏ်းကြီး၌ ဦးသိန်းစိန်ကိုယ်တိုင်က မိမိတို့အစိုးရနှင့်စစ်တပ်၏လက်ချက် မည်သို့မျှပါဝင်ပတ်သက်ခြင်းမရှိကြောင်း သက်သေပြရဲသည်ဆိုလျှင် နိုင်ငံတကာ စုံစမ်းစစ်ဆေးရေးကော်မရှင်တရပ်စေလွှတ်ပေးရေးအတွက် ကုလသမဂ္ဂသို့ အမြန်ဆုံးပန်ကြားရန် တောင်းဆိုသည်။

(စ) ရခိုင်လူထုအား မေတ္တာနှင့်ယှဉ်လျှက်လူ့အခွင့်အရေးကို မြတ်နိုးမှု၊ အသိနှင့်ယှဉ်သောမျိုးချစ်စိတ်၊ တာဝန်ယူမှုရှိသောလူ့အဖွဲ့အစည်းတည်ဆောက်လိုသည့်ဆန္ဒ၊ အမှန်တရားကိုဖေါ်ထုတ်လိုသည့်သတ္တိများ ရှိလာအောင် ၀ိုင်းဝန်းကူညီသင့်ပါသည်။

(ဆ) ရိုဟင်ဂျာများအပါအ၀င် ရှစ်သိန်းခန့်မျှသော မွတ်ဆလင်ဘာသာဝင်များ ရှိနေပြီဖြစ်ကြောင်းသိရသည်။ ဦးဘရှိန်ပြောသကဲ့သိ့ မ၀င်သင့်ဘဲ ၀င်လာသူများရှိနေလျှင် နောင်ကိုဆက်ပြီး မ၀င်လာနိုင်အောင် တားဆီးကာကွယ်သည့်နည်းလမ်းကို အမြန်ဆုံးရှာရမည်မှာ မုချဖြစ်ပါသည်။ ရောက်သင့်၊ ရှိသင့်သော လူဦးရေထက် အဆများစွာပိုကာ စစ်အာဏာရှင်စနစ်နှင့် စစ်ခေါင်းဆောင်သစ်/ဟောင်းများ၏တာဝန်ရှိမှုအောက်တွင်ရောက်ရှိနေကြပြီဖြစ်သူများကိုမူ ရ၀မ်ဒါတွင် ဟူတူများက တူစီများအပေါ်ကျင့်သုံးသည့် လူမျိုးတုံးသတ်ဖြတ်မှုပုံစံမျိုးဖြင့်ရှင်းပစ်၍ မရနိုင်ပါ။  လူသားချင်းစာနာသည့်စိတ်ဓါတ်ကိုပြန်လည်တည်ဆောက်ပြီး လူမျိုး ဘာသာစကား ဓလေ့ထုံးတမ်း ယဉ်ကျေးမှုမတူကြသူများအတူငြိမ်းချမ်းစွာနေထိုင်နိုင်သည့်လူ့အဖွဲ့အစည်းတရပ်အဖြစ် တည်ဆောက်ဘို့ကြိုးစားရန်သာ ရှိပါသည်။

(ဇ) နောင် သည်လိုအဖြစ်ဆိုးမျိုးကို မုချရှောင်လွှဲနိုင်ရန်မှာမူ စစ်အာဏာရှင်စနစ်ကို အမြစ်မှနေ၍ ချေမှုန်းဘို့လိုပါသည်။ အဆိုပါရည်မှန်းချက်အတွက် 

တိုင်းရင်းသားပေါင်းစုံလူထုကြီးတရပ်လုံးလက်တွဲကြဘို့အချိန်ရောက်ပါပြီ။ သို့မှသာ အုပ်ချုပ်ရေးယန္တယားတစုံလုံးကို ပြင်နိုင်မည်ဖြစ်ပြီး ငြိမ်းချမ်းသာသာသည့်ပြည်ထောင်စုကြီး ပေါ်လာနိုင်ပါမည်။

ဤစာတမ်းတိုအား အချိန်တိုအတွင်း အမြန်ဆုံးရေးသားရသဖြင့် မပြည့်စုံနိုင်မည်မှာ သေချာပါသည်။ စာရေးသူအနေဖြင့် စစ်မှန်သည့်ဥပဒေစိုးမိုးရေး၊ လူ့အခွင့်အရေးနှင့်တရားမျှတမှုအခြေခံတွင် မိမိတို့ပြည်ထောင်စုကြီး တည်ငြိမ်၊ တောင့်တင်း၊ ကြီးထွား၊ စည်ပင်သည်ကိုမြင်လိုသော စေတနာဖြင့်သာ ရေးသားပြုစုခြင်းဖြစ်ပါသည်။ မိမိထက်ပို၍ အဆများစွာတတ်ကျွမ်းနားလည်သော ပညာရှင်ကြီးများ၊ နိုင်ငံရေးခေါင်းဆောင်များ၊ ဥပဒေကျွမ်းကျင်သူများ၊ လူထုများ မြောက်များစွာရှိပါသည်။ ရိုဟင်ဂျာ ရခိုင်အဓိကကရုဏ်းအား ငြိမ်းချမ်းစွာဖြေရှင်းဆောင်ရွက်နိုင်ရေးအတွက် နည်းလမ်းမှန်သမျှ ဆက်လက်တင်ပြပေးသွားကြရန် မေတ္တာရပ်ခံပါသည်။

အောင်ထူး (ရှေ့နေ)

ဇူလိုင်လ (၂၄) ရက် ၂၀၁၂ ခုနှစ်

(ယူတာက) http://www.facebook.com/notes/aung-htoo/ရိုဟင်ဂျာပြသနာ-လူ-့အခွင့်အရေးနှင့်-အမျိုးသား-ဂုဏ်သိက္ခာ-အပိုင်း-၂-အောင်ထူး-ရှေ့နေ/489187364444654