ငြိမ်းချမ်းရေးပဲ့တင်သံ အပိုင်း-၂၄ (မျိုးမြင့်ချို)

သောတရှင် များခင်ဗျား NMSP လို့ခေါ်တဲ့ မွန်ပြည်သစ်ပါတီနဲ့လုပ်ခဲ့တဲ့ အပစ်အခတ်ရပ်စဲရေးကိစ္စနဲ့ နောက်ခံအကြောင်းအရာ အနည်းငယ် တင်ပြပါရစေ။ လွတ်လပ်ရေးခေတ်ဦးတုန်းက မွန်လူမျိုးရေးရာအဖွဲ့ချုပ် ဆိုတာရှိခဲ့ဖူးပါတယ်။ (၁၉၄၈) ခုနှစ်ဆန်းပိုင်းကာလမှာ မွန်ပြည်နယ် ချက်ခြင်းပေးဆိုတဲ့ကြွေးကြော်သံနဲ့အတူမော်လမြိုင်မြို့မှာ လူထုဆန္ဒပြပွဲ ကြီးတခုကျင်းပခဲ့ပြီးတဲ့နောက်မှာ ခေါင်းဆောင်တွေဖြစ်ကြတဲ့ နိုင်လှမောင်၊ နိုင်ဘလွင်နဲ့မွန်စံသူတို့ဟာ ဖဆပလအစိုးရနဲ့ မွန်ပြည်နယ်အရေးဆွေးနွေးခဲ့ကြပါတယ်။ လူထုနည်းနဲ့မွန်ပြည်နယ်ဖော် ထုတ်ရေးကိစ္စမအောင်မြင်ရင်ဘာလုပ်ကြမလဲဆိုပြီး မွန်ရေးရာအဖွဲ့ချုပ်နဲ့မွန်တိုင်းရင်းသားအစည်းအရုံးက ခေါင်းဆောင်တွေ တဘက်မှာညှိနှိုင်းနေကြစဉ်မှာပဲ (၁၉၄၈)ခု နှစ်လည်နှောင်းပိုင်းကာလမှာ ဗိုလ်သိန်းနဲ့နိုင်ပန်းသာတို့ဦးဆောင်တဲ့လူငယ်တချို့ဟာ ဇာသပြင်ရဲစခန်းကိုသိမ်းပိုက်ရာကစလို့ မွန်လက်နက်ကိုင်တော်လှန်ရေးနဲ့အတူ MPF လို့ခေါ်တဲ့မွန်ပြည်သူ့တပ်ဦးလည်း ပေါ်ပေါက်ခဲ့ပါတယ်။

ဒီလိုနဲ့ လက်နက်ကိုင်တိုက်ခဲ့ပြီး (၁ဝ)နှစ်လောက်အကြာ (၁၉၅၈) ခု ဇူလိုင်လ (၁၉) ရက်မတော့ ဥက္ကဋ္ဌနိုင်အောင်ထွန်းဦးဆောင်တဲ့ မွန်ပြည်သူ့တပ်ဦးဟာ လက်နက်နဲ့ဒီမိုကရေစီလဲတယ်ဆိုပြီး တပ်ဖျက် လက်နက်အပ်ပြီး ပါတီထောင်ခဲ့ပါတယ်။ ဒါကို လက်မခံတဲ့ခေါင်းဆောင် နိုင်ဘလွင်က နိုင်ရွှေကျင်လို့ နံမည်ပြောင်းပြီး(၅၈) ခုနှစ် ဇူလိုင်လ (၂၀) ရက် နေ့မှာ New Mon State Party လို့ခေါ်တဲ့ မွန်ပြည်သစ် ပါတီကို ဖွဲ့စည်းလိုက်သလို၊ MNLA လို့ဆိုတဲ့ မွန်အမျိုးသားလွတ်မြောက်ရေးတပ်မတော်ကိုလည်း ထူထောင်ခဲ့ပါတယ်။ မွန်ပြည်သစ်ပါတီဟာ လူနည်းစုတိုင်းရင်းသားလူမျိုးစုများအခွင့်အရေးနဲ့ ကိုယ်ပိုင်ပြဋ္ဌာန်းခွင့်တွေကိစ္စကိုကိုင်စွဲပြီး တိုက်ပွဲဝင်ခဲ့တာဖြစ်ပါတယ်။

လက်နက်နဲ့ဒီမိုကရေစီလဲခဲ့တဲ့ မွန်ပြည်သူ့တပ်ဦးဟာ မွန်တိုင်းရင်းသားအစည်းအရုံးနဲ့ပေါင်းပြီး “မွန်ပြည်သူ့ညီညွတ်ရေးတပ်ပေါင်းစု”ကို ဖွဲ့စည်းခဲ့ပြီးနောက် (၁၉၆ဝ)ပြည့်နှစ်ရွေးကောက်ပွဲကို ဝင်ပြိုင်ခဲ့ရာက နိုင်အောင်ထွန်းအပါအဝင်အခြား (၃)ဦးဟာ လွှတ်တော်အမတ်တွေဖြစ်လာခဲ့ကြပါတယ်။ နိုင်အောင်ထွန်းဟာ အစိုးရအဖွဲ့ထဲမှာ မွန်ရေးရာဝန်ကြီးနဲ့ကယ်ဆယ်ရေးဝန်ကြီးလည်း ဖြစ်ခဲ့ပါတယ်။ ဒါပေမယ့် (၁၉၆၃)ခုနှစ် ငြိမ်းချမ်းရေးဆွေးနွေးပွဲအပျက်မှာ နိုင်အောင်ထွန်းနဲ့တပ်ဦးခေါင်းဆောင်တွေ အကုန်လုံးနီးနီးအဖမ်းခံရပြီးတဲ့နောက်(၁ဝ) နှစ်လောက် အထိန်းသိမ်းခံခဲ့ကြရသလို နောက်ပိုင်းမတော့ မွန်ပြည်သူ့တပ်ဦးလည်း အဖျက်ခံရတဲ့အထဲပါသွားပြီး ဇာတ်သိမ်းသွားပါတယ်။

သောတရှင်များခင်ဗျား

အသစ်ဖြစ်ထွန်းလာတဲ့ မွန်ပြည်သစ်ပါတီဟာလည်း အတွင်းပဋိပက္ခတွေနဲ့ကင်းခဲ့တာတော့မဟုတ်ပါဘူး။ (၁၉၈ဝ)ကနေ(၁၉၈၇) ကာလလောက်အထိ  နိုင်ရွှေကျင်ဦးဆောင်တဲ့အစုနဲ့ နိုင်နွန်လာခေါ် နိုင်ဆိတ်နို့ ဦးဆောင်တဲ့အစုကွဲခဲ့ပြီးတဲ့နောက်ပိုင်းမှာ ကြေကွဲစရာဖြစ်ရပ်တွေနဲ့အတူ ဂိုဏ်းဂဏဆန်တဲ့စုဖွဲ့မှုတွေလည်း ရှိနေခဲ့ပါတယ်။ (၁၉၉၃)ခုနှစ်မှာ မွန်ပြည်သစ်ပါတီကတာဝန်ရှိသူတွေနဲ့ ထိုင်းနိုင်ငံဆိုင်ရာ မြန်မာစစ်သံမှူး ဗိုလ်မှူးကြီးသိန်းဆွေတို့ တွေ့ဆုံခဲ့ကြပါတယ်။ တွေ့ဆုံမှုနဲ့ပတ်သက်လို့ အသေးစိတ်မထုတ်ပြန်ခဲ့ပေမဲ့ အပစ်အခတ်ရပ်စဲရေးကိစ္စဖြစ်တယ်လို့ သတင်းတွေထွက်ခဲ့ပါတယ်။ တခါ (၉၃)အောက်တိုဘာလထဲမှာပဲ နအဖရဲ့ထောက်လှမ်းရေးကိုယ်စားလှယ်နဲ့ မွန်ပြည်သစ်တာဝန်ရှိသူတွေ ထပ်တွေ့ခဲ့ကြပြန်ပါတယ်။  တွေ့ဆုံပွဲတိုင်းမှာ မွန်ပြည်သစ်ပါတီဘက်က UNFC လို့ခေါ်တဲ့ တပ်ပေါင်းစုအနေနဲ့ တွေ့ဆုံဆွေးနွေးဖို့တောင်းဆိုခဲ့ပေမယ့်လည်း ထိုင်းနိုင်ငံထဲမှာ မြန်မာစစ်သံမှူးနဲ့ (၅)ကြိမ်မြောက်တွေ့ပြီး တဲ့နောက်မှာတော့ တစ်ဖွဲ့ချင်းအနေနဲ့တွေ့ဆုံမယ်ဆိုပြီး သဘောတူခဲ့ကြပါတယ်။ နောက်တော့ (၁၉၉၃)ကနေ(၁၉၉၅)နှစ်အတွင်း မွန်ပြည်သစ်နဲ့စစ်အစိုးရကိုယ်စားလှယ်တွေ မော်လမြိုင်မှာ (၄)ကြိမ်တွေ့ ဆုံဆွေးနွေးခဲ့ကြပါတယ်။ ဒီ့နောက် (၁၉၉၅)ခု ဇွန်လ (၂၉)ရက်မှာ နှစ်ဘက် အပစ်အခတ်ရပ်စဲရေးလုပ်ပြီး မော်လမြိုင်မှာဆက်ဆံရေးရုံးထားကာ ဋ္ဌာနချုပ်ကိုတော့ ရေးမြို့နယ် ရေးချောင်းဖျားဒေသမှာ စိုက်ထားတာတွေလုပ်ခဲ့ပါတယ်။ ဥက္ကဋ္ဌကတော့ နိုင်ထောမွန်ဖြစ်ပါတယ်။

သောတရှင်များခင်ဗျား..

အပစ်အခတ်ရပ်စဲရေးလုပ်ပြီးနောက်မှာ မွန်ပြည်သစ်ပါတီဟာ ဒေသဖွံ့ဖြိုးရေးတွေ၊ မွန်စာပေနဲ့မွန်ယဉ်ကျေး မှုဖော်ထုတ်ရေးတွေအပြင် အဖွဲ့အစည်းရဲ့စီးပွားရေးလုပ်ငန်းတွေမှာပါ အရှိန်အဟုန်ကောင်းကောင်းနဲ့ ဖြစ်ထွန်းလာပါတယ်။ အပစ်ရပ်ပြီး(၁၅)နှစ် ပြည့်လုနီးမှာ စစ်အစိုးရက တပ်ဖျက်၊ လက်နက်အပ်၊ ပြည်သူ့စစ်လုပ်ဆိုပြီး ဖိအားပေးလာတဲ့အခါမတော့ ပြဿနာတွေစတက်ကြပါတော့တယ်။ အစပိုင်းမှာ စစ်အစိုးရဘက်က မသိမသာဖိအားပေးအကြပ်ကိုင်ခဲ့ပြီး နောက်ဆုံး(၂ဝ၁၀)ဧပြီလ(၇)ရက်နေ့၊ အရှေ့တောင်တိုင်းစစ်ဌာချုပ်မှာ နအဖနဲ့မွန်ပြည်သစ်တို့တွေ့ကြတော့ စရဖအကြီးအကဲဗိုလ်ချုပ်ကြီးရဲမြင့် က“ပြည်သူ့စစ်ဖွဲ့ဖို့လက်မခံရင်(၉၅)ခုနှစ် မတိုင်မီအခြေအနေတွေ ပြန်ရောက်သွားနိုင်တယ်”လို့ ခြိမ်းခြောက်လိုက်ပါတယ်။ ဒီ့နောက် သြဂုတ်လထဲမှာ တိုင်မှူးဗိုလ်ချုပ်သက်နိုင်ဝင်းကလည်း စက်တင်ဘာလ (၁)ရက်နေ့နောက်ဆုံးထားပြီး အသွင်ပြောင်းတာ၊ လက်နက်အပ်တာတွေအပြီးလုပ်ရမယ်၊ မလုပ်ရင် သောင်းကျန်းသူအဖြစ်ပြန်သတ်မှတ်ပြီး ပြန်အတိုက်ခံရမယ်၊ ဆက်ဆံရေးကိစ္စတွေ ဖြတ်တောက်ပစ်မယ်လို့ ဗြောင်အတိအလင်း ထပ်မံခြိမ်းခြောက်ခဲ့ပါတယ်။

မွန်ပြည်သစ်ပါတီဘက်ကလည်း လက်မခံနိုင်ကြောင်း စက်တင်ဘာ (၁)ရက်နေ့မှာပဲ အကြောင်းပြန်ခဲ့လို့ ဆက်ဆံရေးတွေတင်းမာကုန်ပြီး စစ်ရေးပြင်ဆင်မှုတွေပါပြန်ဖြစ်ကာ အပစ်အခတ်ရပ်စဲရေးပျက်တဲ့ အနေအထားထိရောက်ခဲ့ပါတယ်။ နောက်တော့ စစ်အစိုးရဘက်ကလည်း အခြေအနေပေါ်မူတည်ပြီး မသိမသာပြန်ဆက်ဆံ၊ ပြန်ဖွင့်ပေးတာတွေလုပ်လာရင်းကနေ ၂ဝ၁၂ ခုနှစ် ဖေဖော်ဝါရီလထဲမှာတော့ မွန်ပြည်သစ်ပါတီငြိမ်းချမ်းရေးဖော်ဆောင်ရေးအဖွဲ့နဲ့ အစိုးရဝန်ကြီးဦးအောင်မင်းခေါင်းဆောင်တဲ့ ပြည်ထောင်စုအဆင့်ငြိမ်းချမ်းရေးအဖွဲ့တို့ မော်လမြိုင်မှာတွေ့ကြပြန်ပါတယ်။ ဒီတွေ့ဆုံမှုမှာ “နှစ်ဘက်ပစ်ခတ်မှုတွေရပ်ဆိုင်းထားဖို့၊  ပြည်ထောင်စုအဆင့် ငြိမ်းချမ်းရေးဆွေးနွေးပွဲအဖွဲ့နဲ့ ဆွေးနွေးဖို့အတွက် ကိုယ်စားလှယ်၊ နေရာ၊ နေ့ရက် ရွေးချယ်ညှိနှိုင်းတဲ့ကိစ္စတွေအပြင် ဆက်ဆံရေးရုံးတွေကို ဘယ်မှာထားမယ်၊ သတ်မှတ်နေရာတွေကလွဲလို့ တခြားနေရာဒေသတွေကို လက်နက်နဲ့မသွားမလာဖို့စတဲ့ကိစ္စတွေမှာ သဘောတူညီမှုရခဲ့ကြတယ်လို့ ကြားရပါတယ်။

သောတရှင်များခင်ဗျား…နောက်တပတ်မှာ အပစ်ရပ်ထဲက  တင်ပြဖို့ကျန်နေသေးတဲ့အဖွဲ့တွေအကြောင်း 
အပြီးသတ်တင်ပြပြီးတဲ့နောက် ဘယ်အဖွဲ့နဲ့ဘယ်ပုံစံ သဘောတူညီမှုယူခဲ့တယ်ဆိုတာတွေကို ဆက်လက်တင်ပြပါ့မယ်။

နောက်တပတ်ဆက်ပါဦးမယ်။

ကျနော်မျိုးမြင့်ပါခင်ဗျား.