ငြိမ်းချမ်းရေးပဲ့တင်သံ အပိုင်း ၄၁(မျိုးမြင့်ချို

သောတရှင်များခင်ဗျား… ဖေဖော်ဝါရီ ၁၄ ရက် ၂၀၁၃ နေ့က အာရ်အက်ဖ်အေမှ ထုတ်လွှင့်ပြီးဖြစ်ပါတယ်။ နဝတစစ်အစိုးရနဲ့ကေအိုင်အိုတို့လုပ်ခဲ့တဲ့ အပစ်အခတ်ရပ်စဲရေးစာချုပ်ပါအချက်အလက်တွေကို ဆက်လက်တင်ပြပါ့မယ်။ စာချုပ်ရဲ့အပိုဒ်ကြီး ၄ မှာ နှစ်ဖက်ကိုယ်စားလှယ်အဖွဲ့များ အကြိ်မ်ကြိမ်ဆွေးနွေးညှိနှိုင်း ချက်များအရ နားလည်သဘောတူညီချက်များမှာ အောက်ပါအတိုင်းဖြစ်သည်လို့ ဆိုပြီးတော့ အပိုဒ်ခွဲ အပိုဒ်ငယ် (က)နဲ့(ခ)အဖြစ် ခွဲခြားဖော်ပြထားတာတွေ့ရပါတယ်။ အပိုဒ်ငယ်(က)မှာ ကေအိုင်အို ဗဟိုဋ္ဌာနချုပ်နှင့် တပ်မဟာများ၊ တပ်ရင်းများ၊ တပ်ဖွဲ့များတပ်စွဲအခြေပြုသည့်နေရာများကို ပူးတွဲ(က)ပါအတိုင်းထားရှိရန်..လို့ဆိုပြီး ပူးတွဲ(က) ကိုလည်း လျှို့ဝှက်အဆင့်နဲ့တပါတည်း တွဲရက်ဖော်ပြထားပါတယ်။ အဲဒီ ပူးတွဲ(က)ကို အရင်ဆုံးဖော်ပြပါရစေ။

ပူးတွဲ(က)မှာ ကေအိုင်အိုဗဟိုဋ္ဌာနချုပ်နှင့်တပ်မဟာများ၊ တပ်ရင်းများ၊ တပ်ခွဲများတပ်စွဲအခြေပြုသည့်နေရာများလို့ အောက်မျဉ်းသားပြီးဖော်ပြ ထားပါတယ်။ စာရှည်မှာစိုးပေမယ့် လိုအပ်မယ်ထင်လို့ တင်ပြပါရစေ။ ဘာလို့လဲဆိုတော့ ခု တကြော့ပြန်တိုက်ပွဲတွေဟာ အဲ့ဒီ နှစ်ဖက်သဘောတူညီချက်တွေကို ချိုးဖေါက်လို့ပြန်ဖြစ်တာလို့ အများကဆိုကြတာရှိပါတယ်။ နှစ်ဘက်စလုံးက သတ်မှတ်တပ်တည်တပ်စွဲနေရာကို အပြန်အလှန်ကျူးကျော်ကြလို့ဆိုတဲ့ အကြောင်းပြချက်တွေကိုလည်း ကြားကြမယ်ထင်ပါတယ်။ ဒါဆိုရင် နှစ်ဖက်သဘောတူခဲ့တဲ့ တပ်တည်တပ်စွဲနေရာတွေကိုသိဖို့ လိုအပ်လာပါလိမ့်မယ်။ ကျနော့်အမြင်ကတော့ မူလသဘောတူညီချက်ကိုချိုးဖေါက်လို့ ပြန်ဖြစ်ကြတယ်ဆိုတာထက် စာချုပ်ထဲပါတာတွေလုပ်မပေးပဲ စာချုပ်မှာမပါတဲ့ကိစ္စတွေဖြစ်လာဖို့ ဇွတ်ဖိအားပေးအကြပ်ကိုင်ရာကနေ ပြန်ချကြတာလို့မြင်ပါတယ်။ သဘောကတော့ နိုင်ငံရေးဆွေးနွေးဖို့အပစ်အရင်ရပ်ကြတယ်ဆိုတဲ့အမြင်နဲ့ အပစ်အရင်ရပ်ပြီးမှကျုံးသွင်းယူမယ်ဆိုတဲ့အမြင်ကြားက ပြဿနာဖြစ်ပါတယ်။

သောတရှင်များခင်ဗျား...

ပူးတွဲ(က)ကို ကေအိုင်အိုရဲ့ ဗဟိုဋ္ဌာနချုပ်နဲ့တပ်မဟာများ၊ တပ်ရင်းများ၊ တပ်ခွဲများတပ်စွဲအခြေပြုသည့်နေရာများလို့ ခေါင်းစဉ်ခွဲထားပါတယ်။

အဲသလိုခွဲထားပြီးတဲ့နောက် ဗဟိုဋ္ဌာနချုပ်နှင့်လက်အောက်ခံတပ်ရင်းများကို

(က) ဗဟိုဋ္ဌာနချုပ်။ လိုင်စင်စခန်း

(ခ) ရှေ့တန်းလှုပ်ရှားဋ္ဌာနချုပ်။ လိုင်ဂရီဘွမ်

(ဂ) ရင်ဆိုင်ကုန်း။ ဆမားလမ်းခွဲ။

(ဃ) လက်နက်ကြီးကုန်း။ ဆမားလမ်းခွဲစတဲ့နေရာတွေလို့ ခန့်မှန်းမြေပုံအမှတ်တွေနဲ့အတိအကျဖော်ပြထားပါတယ်။ ပြီးတော့မှ

တပ်ရင်း(၃) ဋ္ဌာနချုပ်ကို တိန်ဂါမှာထားပြီး သူ့လက်အောက်ခံတပ်ခွဲ (၆)ခုကိုတော့ လဖိုင်။ ပွန်တောင်။ နင်တပ်အနီး။ စံပိုင်။ မုန်ကာဇွတ်နဲ့ ဆမားဟောတို့မှာထားဖို့ သဘောတူခဲ့တာတွေ့ရပါတယ်။

ဆက်ပြီး အပိုဒ်ခွဲ (စ)မှာ တပ်ရင်း(၂၅၁)ဋ္ဌာနချုပ်ကို အူရာဘွမ်မှာထားပြီး သူ့လက်အောက်ခံ ခွဲ(၃)ခွဲကို အာလောချက်၊ ခဝါဘွမ်နဲ့ပုန်းလိန်တို့ မှာ တပ်တည်ခွင့်ပေးထားပါတယ်။

အပိုဒ်ငယ်(ဆ)မှာတော့ တပ်ရင်း(၂၅၃)ဋ္ဌာနချုပ်ကို လောခွန်မှာထားပြီး သူ့လက်အောက်ခံတပ်ခွဲတခွဲကို တိန်ပွတ်မှာထားဖို့ သဘောတူခဲ့တာတွေ့ရပါတယ်။

ဆက်လက်ပြီး အပိုဒ်ငယ်(ဇ)မှာတော့ တပ်ရင်း(၂၅၄)ဋ္ဌာနချုပ်ကို မုန်လိုက်ချက်မှာထိုင်ဖို့သဘောတူပြီး သူ့လက်အောက်ခံတပ်ခွဲ (၃)ခုကို ခရင်တူခချောင်းဆုံ၊ ကဒုံမြောက်ဖက်ကုန်းနဲ့ ထ်ိန်မြူးအရှေ့ဘက်ကုန်းတွေမှာ တပ်တည်ခွင့်သဘောတူထားတာတွေ တွေ့ရပါတယ်။

ဆက်ပြီး အပိုဒ်ငယ်(ဈ)မှာဖော်ပြထားတာက တပ်ရင်း(၂၅၅)ဋ္ဌာနချုပ်ကို ဂျန်မာကောင်းမှာထိုင်စေပြီး သူ့လက်အောက်ခံတပ်ခွဲ(၃)ခု ကို နရူ/ဖလ၊ ငါတုံနဲ့ခရာစတဲ့နေရာတွေမှာထားဖို့ သဘောတူခဲ့တာတွေ့ရပါတယ်။ ခု ကျနော်ပြောခဲ့တဲ့ ကေအိုင်အိုရဲ့ ဗဟိုဋ္ဌာနချုပ်အပါအဝင် တပ်ရင်းတပ်ဖွဲ့တွေနေဖို့ သဘောတူခဲ့တဲ့နေရာတွေကို ခမလို့ဆိုတဲ့မြေပုံပါနံပတ်တွေနဲ့ အတိအလင်းဖော်ပြထားတာဖြစ်ပါတယ်။

သဘောကတော့ အဲ့ဒီ တပ်တည်တပ်စွဲနေရာဒေသတွေနဲ့ သူနဲ့ဆက်စပ်ဒေသတွေရဲ့အုပ်ချုပ်ရေးကိစ္စတွေကို သက်ဆိုင်ရာတပ်မှူးအကြီးအကဲတွေက ယာယီအားဖြင့်စီမံအုပ်ချုပ်ကြမယ်ဆိုတဲ့အဓိပ္ပါယ်လို့ ယူနိုင်မယ်ထင်ပါတယ်။ ဘာလို့လဲဆိုတော့ ဒီ့အရင်ကတည်းက ဒီ ဒေသတွေကို ကေအိုင်အေကကာကွယ်ပေးထားပြီး ကေအိုင်အိုကပဲ အုပ်ချုပ်ခဲ့တာဖြစ်ပါတယ်။ ဒေသနဲ့အမည်တွေဟာမှတ်မိဖို့မလွယ်သလို လူအများစုအဖို့ ကြားဖူးဖို့တောင်ခဲယဉ်းမှာဖြစ်ပါတယ်။ ဒါပေမယ့် သေချာတာတခုကတော့ အခုတလော ကမ္ဘာနဲ့တဝှမ်းဟိုးလေးတကျော်ဖြစ်ခဲ့တဲ့ လိုင်ဇာဆိုတဲ့မြို့အမည်ကိုတော့ စာချုပ်ရဲ့ဘယ်နေရာမှာမှမတွေ့ခဲ့ရပါဘူး။ အဲ့ဒီမြို့လေးမှာ ဘယ်တပ်တွေ ဘယ်လောက်ထိုင်မယ် မြို့နဲ့ဝန်းကျင်ဒေသအုပ်ချုပ်ရေးကို ဘယ်သူကကိုင်မယ်ဆိုတာလည်း မတွေ့ရပါဘူး။ ဒီလိုဆိုတော့ ဒီလိုင်ဇာဆိုတဲ့မြို့လေးဟာ ဘာမှအရေးပါပုံမရဘူးလို့ ထင်ချင်စရာပါပဲ။ တကယ်လည်း နှစ်ဘက်အပစ်ရပ်ခဲ့ချိန်မှာ လိုင်ဇာဟာသာမန်မြို့ကလေးပါပဲ။ ဒါ့ကြေင့်မို့စစ်အစိုးရအတွက်ရော ကေအိုင်အိုအတွက်ပါ စစ်ရေး၊ နိုင်ငံရေး၊ စီးပွားရေး၊ နယ်စပ်ကုန်သွယ်ရေးတွေမှာ ခုလောက်အရေးမပါခဲ့တာလည်း အမှန်ပါပဲ။ ကေအိုင်အေတို့ရဲ့ ကာလတခုကြာအုပ်ချုပ်စီမံခန့်ခွဲမှုနဲ့အတူ စီးပွားရေးဖွံ့ဖြိုးလာပြီး လိုင်ဇာနယ်စပ်ကူးသန်းရောင်းဝယ်ရေးရဲ့ အချက်အချာနေရာတွေထဲကတခု ဖြစ်လာခဲ့ပါတယ်။ ဖွံ့ဖြိုးလာတဲ့အလျှောက် လူနေစိပ်လာပြီး စီးပွားရေးအလားအလာ ပိုကောင်းလာလေတော့ နှစ်ဖက်စလုံးအဖို့ ပိုပြီးမျက်စေ့ကျချင်စရာဖြစ်လာပါတယ်။

သောတရှင်များခင်ဗျား…လိုင်ဇာဟာစာချုပ်ရဲ့ ဘယ်နေရာမှာမှမပါပေမယ့် စာချုပ်ပါတပ်တည်တပ်စွဲနေရာယဒေသတွေဟာ ကေအိုင်အေရဲ့ စစ်ရေး၊ နိုင်ငံရေးနဲ့လမ်းပမ်းအဆက်အသွယ်အရ အချက်အချာကျတဲ့စိုးမိုးကုန်းတွေ၊ ဗျူဟာမြောက်နေရာတွေပဲဖြစ်ပါတယ်။ စစ်ရေးအမြင်နဲ့ စစ်သဘောအရဆိုရမယ်ဆိုရင် မြို့တမြို့ကိုလက်ရသိမ်းဖို့ဆိုတာဟာ မြို့နဲ့ဆက်စပ်တဲ့စိုးမိုးကုန်းတွေ မြို့နဲ့ဆက်သွယ်ရေးလမ်းကြောင်းပေါ်က အခရာကျတဲ့စခန်းကုန်းတွေကို အရင်သိမ်းရပါတယ်။ မြို့တော့သိမ်းလိုက်ပါရဲ့ အဲ့ဒီ ဗျူဟာမြောက်နေရာတွေကို မစိုးမိုးမထိန်းချုပ်ထားနိုင်ဘူးဆိုရင် လက်ထဲကမြို့ဟာ အချိန်မရွေးအတိုက်ခံရပြီး ပြန်ကျသွားဖို့ အလွန်လွယ်ကူလှပါတယ်။ နောက်တခုကလည်း ကေအိုင်အိုတပ်တွေကို သတ်မှတ်နေရာတွေမှာ တပ်တည်တပ်စွဲခွင့်တွေပေးထားတယ်ဆိုပေမယ့် တကယ်တမ်းကျကတော့ နဝတစစ်အစိုးရရဲ့တပ်တွေက အပြင်စည်းကနေ ဝိုင်းပတ်ထားတာဖြစ်ပါတယ်။

သောတရှင်များခင်ဗျား..နောက်အပတ်တွေမှာ အပစ်ရပ်စာချုပ်ပါအချက်အလက်တွေနဲ့ ကျနော့်ယူဆချက်တွေကို ဆက်လက်ထုတ်နှုတ်တင်ပြပေးပါဦးမယ်။

ကျနော်မျိုးမြင့်ပါခင်ဗျား။