ဒီမေးခွန်းဟာလည်း ပြည်ပကလာတဲ့သူတွေသာမက ပြည်တွင်းနိုင်ငံရေးလောကနဲ့ လက်လုပ်လက်စားပြည်သူတွေကြားမှာပါ ရေပန်းအစားဆုံးမေးခွန်းဖြစ်နေပါတယ်။ အခုဒီမေးခွန်းနဲ့ပတ်သက်ပြီး ဆက်စပ်တွေးတောရသမျှကိုပါပေါင်းရုံးပြီး ဗကသများအဖွဲ့ချုပ်ကိုယ်စား ကျွန်တော် ဖြေရှင်းတင်ပြချင်ပါတယ်။
ကျွန်တော်တို့အနေနဲ့ အခုတလော လူပြောသူပြောများနေတဲ့အယူအဆ(၂)ရပ်စလုံးကို လုံးဝကန့်ကွက်ရပါလိမ့်မယ်။ ဘယ်အယူအဆ(၂)ရပ်လဲဆိုတော့.......
(၁) လူထုကို လမ်းပေါ်ဆွဲတင်တဲ့နည်းလမ်းနဲ့ အစိုးရကိုဖိအားပေးအကျပ်ကိုင်ရင် စစ်တပ်ကအာဏာသိမ်းတဲ့နည်းလမ်းနဲ့နောက်ကြောင်းပြန်လှည့်သွားမယ်ဆိုတဲ့ အယူအဆ...။
(၂) ဒီမိုကရေစီအင်အားစုတွေနဲ့ အစိုးရကတစ်ဖက်လူထုကတစ်ဖက်ဖြစ်ပွားနေတဲ့ပဋိပက္ခတွေမှာ ကြားနေပြီးညှိနှိုင်းပေးရေးကိုဆောင်ရွက်ပေးရမယ်ဆိုတဲ့ အယူအဆ...။
ဒုတိယအယူအဆဟာ ပထမအယူအဆကနေ ဆင့်ပွားပေါ်ထွက်လာပုံရပါတယ်။ ပထမအယူအဆပေါ်အထိုင်ချပြီးစဉ်းစားကြတဲ့အခါ နောက်ကြောင်းပြန်ကောက်သွားရင်ခက်ရချည်ရဲ့လို့
အတွေးဝင်လာပြီး လမ်းပေါ်ထွက်နေတဲ့လူထုကြီးကိုပြန်ထိန်းတဲ့သဘောပါ။ ဒီအယူအဆနှစ်ရပ်စလုံးကို ကျွန်တော်တို့ ဘာကြောင့်ဆန့်ကျင်နေရပါသလဲ...။ ရှင်းပါတယ်။ ဒီအယူအဆ(၂)ခုမှာ ကြောက်စိတ်မသိမသာစွက်နေတာရယ်၊ လက်တွေ့ရင်ဆိုင်ရတဲ့ပြည်သူ့အခက်အခဲအကျပ်အတည်းတွေကိုနောက်တန်းတွန်းပို့ပြီး မိမိတို့နိုင်ငံရေးရည်မှန်းချက်တစ်ခုတည်းသာပြီးမြောက်ဖို့ကြိုးစားနေကြလို့ပါပဲ။
စနစ်တကျသရုပ်ခွဲကြည့်တဲ့အခါ လူထုကြီးက လူအုပ်ကြီးတစ်ခုမဟုတ်ပါဘူး။ လူထုကြီးရဲ့တောင်းဆိုသံတွေဟာ သူတို့အမှန်တကယ်ခံစားနေရတဲ့ဝေဒနာတွေကတစ်ဆင့် ပေါ်ပေါက်လာတာပါ။ ကြုံရာကျပန်းပေါင်းမိကြလို့ ထင်ရာမြင်ရာကို တညီတညွတ်တည်းဝိုင်းလုပ်နေကြသူများမဟုတ်ပါ။ မီးပျက်လို့ဖယောင်းထွန်းတဲ့သူတွေ၊ မြေသိမ်းခံရလို့ ရန်ကုန်မြို့အထိ သပိတ်စခန်းလာဖွင့်ကြသူတွေ၊ ရန်ကုန်က နေပြည်တော်အထိလမ်းလျှောက်ချီတက်ဖို့ကြိုးစားသူတွေ၊ လက်ပံတောင်းတောင်ကို စုဝေးငေးကြည့်နေသူတွေအားလုံးဟာ မိမိတို့နစ်နာချက်တွေအတွက် အသေအရှင်တိုက်ပွဲဝင်နေသူတွေသာဖြစ်ပါတယ်။ သူတို့တောင်းဆိုတာဟာ အစိုးရဖြုတ်ချရေးလည်းမဟုတ်ပါဘူး။ သူတို့အတွက်အကျိုးမရှိတဲ့စနစ်တွေ စီမံကိန်းတွေကိုသာရပ်ဆိုင်းပြီး ဒီမိုကရေစီပြုပြင်ပြောင်းလဲပေးရေးပဲ ဖြစ်ပါတယ်။ ဒါကြောင့် နောက်ကြောင်းပြန်လှည့်ရမယ်ဆိုရင် ဘယ်လိုမှယုတ္တိမကျတဲ့အတွေးအခေါ်သာဖြစ်ရပါမယ်။
နောက်ပြီးတော့အစိုးရအနေနဲ့ ပြည်တွင်းပြည်ပကအတိုက်အခံတွေအားလုံး၂ဝဝ၈ ဖွဲ့စည်းပုံအခြေခံဥပဒေဘောင်အတွင်းသွင်းရေးကို ကြ်ိုးစားပမ်းစားအာရုံစိုက်နေခြင်းဖြစ်တယ်။ ဒီလိုလုပ်ဆောင်နိုင်ဖို့ အနောက်နိုင်ငံတွေရဲ့ထောက်ခံမှုကိုအပူတပြင်းရယူဖို့ အရေးကြီးနေချိန်လည်းဖြစ်တယ်။ အလွန်ဆုံးလုပ်ရင် ပုဒ်မ၁၄၄ ထုတ်ပြန်တာမျိုး၊ ရခိုင်မှာလို ဒေသတစ်ချို့ကိုမာရှယ်လောနဲ့ယာယီအုပ်ချုပ်တာမျိုးပဲ ဆန္ဒရှိလိမ့်မယ်။ သူတို့ဘက်က ရှေ့ကိုသွားနေမှာမဟုတ်သလို နောက်ကိုပြန်လှည့်နေမှလည်းမဟုတ်ဘူး။ ၁၉၆၂ ကတည်းကရရှိထားတဲ့အာဏာကို ၁၉၈၈မှာ ပြန်လည်မွမ်းမံပြီး ၂၀၀၈/၂၀၁၀မှာ ပိုမိုခိုင်မြဲသွားအောင်အထိုင်ချပြီးဖြစ်လို့ လွှတ်တော်ထဲကနေခုခံကာကွယ်ထားနိုင်ပြီဆိုတာ သိသာထင်ရှားနေပါတယ်။
ကျွန်တော်တို့ဒီမိုကရေစီအင်အားစုတွေအနေနဲ့ အကြောက်တရားကိုဖယ်ရှားပြီး အခွင့်အရေးတိုက်ပွဲတွေကိုဆင်နွှဲလာတာ နှစ်ပေါင်း(၂၄)နှစ် ကျော်ပါပြီ။ ရှေ့မှာလည်း လိုချင်တဲ့အနေအထားထိ ဒီမိုကရေစီနဲ့လူ့အခွင့်အရေးမရမချင်း ဆက်လက်တိုက်ပွဲဝင်နေရဦးမှာပါ။ အမျိုးသားသွေးစည်းညီညွတ်ရေးနဲ့ပြည်တွင်းငြိမ်းချမ်းရေးမရသရွေ့ မျက်လုံးပိတ်သည်အထိကြိုးပမ်းနေရဦးမှာပါ။ အခုမှ အမျိုးသားလှုပ်ရှားမှုလက္ခဏာတွေကို မြင်နေရပါတယ်။ ဒါခရီးအစပါ...။ ပန်းတိုင်တစ်ခုမဟုတ်သလို မိုင်တိုင်တစ်ခုလည်း မဟုတ်သေးပါဘူး။ ဒါကြောင့် နောက်ကြောင်းပြန်သွေးလန့်မှုတစ်ခုအကြောင်းပြုပြီး အောက်ကြေးနဲ့
ရသလောက်ယူထားလိုက်မယ်ဆိုတဲ့တွေးဆချက်တွေကို ကျွန်တော်တို့ လုံးဝငြင်းဆန်ကန့်ကွက်လိုက်ပါတယ်။
လူထုကြီးကအေးချမ်းစွာချီတက်ဆန္ဒပြတာဟာ အစိုးရကိုဆန့်ကျင်ရန်မဟုတ်တာကြောင့် ပုဒ်ထီးပုဒ်မတွေတပ်ပြီး တရားစွဲစရာအကြောင်းမရှိပါဘူး။ အေးချမ်းစွာစုဝေးခွင့်၊ ဆန္ဒပြခွင့်ဟာ လူထုမှာနဂိုကတည်းကရှိပြီးသား မွေးရာပါအခွင့်အရေးဖြစ်လို့ လျှောက်လွှာတင်ခွင့်ပြုမိန့်
တောင်းဖို့မလိုအပ်ပါဘူး။ ခွင့်ပြုမိန့်တောင်းရမယ်၊ လူဘယ်နှယောက်ပါရမယ်၊ ဘယ်ကြွေးကြော်သံတွေတော့ခွင့်မပြုဘူး၊ ငါးရက်ကြိုတင်ပြီးမှ တစ်ရက်ပဲပြခွင့်ရမယ်စတဲ့ အသေးစိတ်ချုပ်ချယ်ကန့်သတ်မှုတွေရှိနေမှတော့ ဗမာနိုင်ငံရဲ့လက်ရှိအနေအထားက လွတ်လပ်ခွင့်အပြည့်အ၀ရှိရဲ့လားလို့ မေးခွန်းထုတ်စရာတောင်လိုမယ်မထင်ပါဘူး။
ဒါတောင်မှ အချို့နိုင်ငံရေးသမားတွေက ပြောရမယ့်စကားကိုပြတ်ပြတ်သားသားမပြောဘဲ
စောင်းပါးရိပ်ချေလောက်ပဲပြောလို့ပြော၊ စကားထားဝှက်တမ်းကစားသလို လုပ်လိုလုပ်နဲ့ ယုန်သူငယ်နှာစေး ဝေးဝေးကရှောင်နေတာတွေ အများကြီးတွေ့လာရပါတယ်။ စက်တင်ဘာနောက်ပိုင်း ပြောင်မြောက်တဲ့ပျက်လုံးတွေနဲ့ ပြည်သူ့အချစ်တော်ဖြစ်လာတဲ့
သီးလေးသီးအငြိမ့်အဖွဲ့တောင် လက်ပံတောင်းတောင်သပိတ်စခန်းမှာ ဘုန်းကြီးတွေ မီးလောင်ဗုံးထုခံရတာနဲ့ပတ်သက်ပြီး ပြက်လုံးမထုတ်တာ အစိုးရကိုသရော်တာမတွေ့ရသေးပါဘူး။ ဒီလိုပဲ ပြောသင့်ပြောထိုက်တဲ့သူအချို့ကလည်း အတော်လေးကို ထိန်းထိန်းသိမ်းသိမ်းဘဲပြောနေဆိုနေကြတာကို မြင်မိပါတယ်။
အလုပ်သမားတွေရဲ့အရေးမှာတောင် အလုပ်ရှင်တွေအထိတ်တလန့်ဖြစ်အောင် အလုပ်သမားတွေဘက်ကမလုပ်သင့်ဘူးလို့ဆိုလာကြပါတယ်။ မနေ့တနေ့ကတော့ အလုပ်ရှင်ဘက်ရိုက်လို့ အလုပ်သမားသမဂ္ဂခေါင်းဆောင်တစ်ဦး ခေါင်းကွဲပြီးဆေးရုံပေါ်ရောက်သွားတာကို ကြားရပါတယ်။ အရေးတကြီးပြောချင်တာက ခရိုနီလုပ်ငန်းတွေကိစ္စ...။ တိုင်းပြည်တစ်ပြည်လုံးမှာ ခရိုနီလူတန်းစားရှိရင် တော်တော်နစ်နာပါတယ်။ ရုရှားအပါအ၀င် အရှေ့ဥရောပနိုင်ငံတချို့ကို ဥပမာကြည့်ပါ။ အချို့ကတော့ ခရိုနီဆိုတာရှိသင့်ပါတယ်ဆိုတဲ့ စကားရိပ်စကားငွေ့တွေသမ်းနေသလို အလုပ်ရှင်ချမ်းသာမှ အလုပ်သမားချမ်းသာမယ်ဆိုတဲ့ရွှေပြည်အေးတရားနဲ့ အလုပ်သမားတွေကိုနားချတတ်ကြပါတယ်။
ရဲစခန်း၊ တရားရုံးနဲ့အချုပ်ထောင်တို့ကိုပိုင်ဆိုင်တဲ့အစိုးရအနေနဲ့ ပြည်သူလူထုအကျိုးစီးပွားကို အမှန်တကယ်တမ်းကာကွယ်ဖို့ တရားဥပဒေကိုကျင့်သုံးမှုမရှိသေးရင် ဗမာပြည်မှာ နိုင်ငံရေးအကျဉ်းသားတွေ ထပ်ရှိနေဦးမှာပါဘဲ။ လက်ပံတောင်းတောင်အရေးကြောင့် ဖမ်းဆီးခံခဲ့ရတဲ့ ကိုအောင်မှိုင်းဆန်းတို့သာလျှင်နိုင်ငံရေးအကျဉ်းသား မဟုတ်ဘူး.. နိုင်ငံရေးလွတ်လပ်ခွင့်မရှိတဲ့နိုင်ငံတစ်နိုင်ငံမှာနေရသူအားလုံးဟာ
နိုင်ငံရေးအကျဉ်းသားတွေပါပဲ။ ဒါက်ို အစိုးရနဲ့ပူးပေါင်းပြီးမှ နိုင်ငံရေးအကျဉ်းသားများပြန်လည်စိစစ်ရေးကော်မတီဖွဲ့ဖုိ့ လိုအပ်ပါရဲ့လား.. ဆင်ကောင်ကြီးတွေ့ပြီးမှ ဆင်ခြေရာရှာတဲ့အလုပ်ကို နာမည်ပျက်ခံပြီးလုပ်ဖို့ မလိုဘူးလို့ ထင်ပါတယ်။ နိုင်ငံရေးအကျဉ်းသားဘ၀ကို ကိုယ်တိုင်ရောက်ခဲ့ဖူးတဲ့ကျွန်တော်တို့ဒီမိုကရေစီဘက်တော်သားတွေဟာ တစ်နိုင်ငံလုံး နိုင်ငံရေးအကျဉ်းသားဘ၀ကလွတ်မြောက်ရေးကြိုးပမ်းမှုမှာ ကိုယ်နဲ့ဘ၀တူတွေဘက်က ပြတ်ပြတ်သားသားရပ်တည်ပြီး အမှောင်ရိပ်တွေကိုဖယ်ရှားသွားပါလို့ တိုက်တွန်းလိုက်ရပါကြောင်း...။ ။ ကျော်ကိုကို
ဗကသများအဖွဲ့ချုပ်
(ဒေးဒရဲမြို့နယ်ကျောင်းသားသမဂ္ဂမှထုတ်ဝေသော သမဂ္ဂစာစဉ်အတွက် ဒီဇင်ဘာလကပေးပို့ခဲ့သောစာမူကိုပြန်တွေ့သဖြင့် တင်ပေးလိုက်ရပါသည်)
https://www.facebook.com/rahul.koko
0 comments:
Post a Comment