စုံစမ်းရေးကော်မရှင်နိုင်ငံရေးရပ်တည်ချက် ဘယ်လဲ (ချစ်လှိုင်းဝေ)

လက်ပံတောင်းတောင် ကြေးနီစီမံကိန်းစုံစမ်းစစ်ဆေးရေးကော်မရှင် အပြီးသတ်အစီရင်ခံစာ ၁၃. ၃. ၂ဝ၁၃ ရက်နေ့တွင် သတင်းစာများမှာ ပါလာသည်။ နိုင်ငံရေးစိတ်ဝင်စားသောလော ကနှင့်ကြေးနီတောင် တဝိုက်ကျေးလက်လူထုများနှင့် လူထုအတော်များများ အနီးကပ်ဆုံးဗုံးကွဲသံ

ကြားလိုက်ရသလို လှုပ်လှုပ်ရှားရှားဖြစ်သွားသည်။ လူ့အခွင့်အရေးနှင့်ဒီမိုကရေစီအရေးကိုစိတ်ဝင်စားသော နိုင်ငံတကာမျက်နှာစာမှာလည်း လှုပ်လှုပ်ရှားရှားဖြစ်သွားသည်ကို သိရှိရပေသည်။

ထို့ကြောင့် စုံစမ်းရေးကော်မရှင်အစီရင်ခံစာအား တစေ့တစောင်းစူးစမ်းကြည့်မိသည်။ စုံစမ်းရေးကော်မရှင်၏တာဝန်များအပိုဒ်မှာ အကြံပြုတင်ပြရန်ဆိုသောအချက် (၆)ချက်ဖော်ပြထားသည်။ နောက်တစ်ပိုဒ်က စုံစမ်းရေးကော်မရှင်ဆောင်ရွက်ရာတွင်အခြေခံသည့်မူဆိုပြီး(၃)ချက် ဖော်ပြထားသည်။ (က) နိုင်ငံတော်အကျိုး (ခ) လူထုရေရှည်အကျိုးစီးပွား (ဂ) အပြုသဘောဆောင်သည့်အမြင်တို့ဖြစ်သည်။ စာရေးသူအနေဖြင့် အပိုင်းငါးပိုင်းခွဲ လေ့လာမိသည်။

(၁) စီမံကိန်းနှင့်သဘာဝပတ်ဝန်းကျင်

(၂) စီမံကိန်းနှင့်လူမှုဘဝအခြေခံနှင့် တုန့်ပြန်မှု
(၃) အစိုးရနှင့်ဒေသလူထုပဋိပက္ခ ဖြေရှင်းနည်း
(၄) ကော်မရှင်အဆုံးအဖြတ်နှင့်လူထုအမြင်
(၅) ကော်မရှင်၏နိုင်ငံရေးရပ်တည်ချက်
ကော်မရှင်ပညာရှင်များအဆိုအရ သဘာဝပတ်ဝန်းကျင် (ဇီဝထု၊ မြေထု၊ ရေထု၊ လေထု)အခြေအနေဖော်ပြချက်မှာ စီမံကိန်းနယ်မြေတွင် ရှားပါးမျိုးစိတ်အဖြစ် ရွှေသမင်ကိုတွေ့ရသည်။ စောင့်ရှောက်သင့်သောသတ္တဝါအဖြစ်ဖော်ပြပါသည်။ တိရစ္ဆာန်သည် တောကိုမှီ၍သာ တိုးပွား ရသည်။ စီမံကိန်းကြောင့် တော၊ တောင် အထိုက်အလျောက်ပျက်သုဉ်းပျောက်ကွယ်သွားပါက တိရစ္ဆာန်မျိုးစိတ်များထိန်းသိမ်းရေးထိခိုက်နိုင် သည့်သဘောကိုတွေ့ရသည်။
ဆက်လက်၍စူးစမ်းသော် ကြေးနီသတ္တုတွင်းစီမံကိန်းမြေတွင် လွန်တွင်းတူးခြင်း၊ မိုင်းခွဲခြင်း၊ တူးဖော်ထုတ်လုပ်ခြင်း၊ ကျောက်ချေမွခြင်း၊ ဆန်ကာတိုက်ခြင်း၊ အက်ဆစ်ဖျော်ထုတ်ခြင်း၊ သတ္တုသန့်စင်ခြင်း၊ ကြေရည်ဖျော်ထုတ်ခြင်း၊ လျှပ်စစ်ဖြင့်ကြေးရယူခြင်း စသည့်လုပ်ငန်းများ၊ စွန့်ပစ်ပစ္စည်းများနှင့် ဖုန်မှုန့်များသည် သဘာဝပတ်ဝန်းကျင်နှင့်လူမှုဘဝထိခိုက်မှုများ၊ ဇီဝဝန်းကျင်ဆိုင်ရာထိခိုက်မှုများကိုဖြစ်ပေါ်စေနိုင်သည်ဟု သုံးသပ်ရပါသည်။
အခြားပညာရှင်များ၏တင်ပြချက်လည်းရှိသည်။ သဘာဝပတ်ဝန်းကျင်ထိန်းသိမ်းရေးပညာရှင်၊ ဓာတုဗေဒပညာရှင်နှင့် သစ်တောဗေဒပညာရှင် တို့၏ဟောပြောချက်များဖြစ်သည်။ မီဒီယာများမှထုတ်လွှင့်ချက်များရှိသည်။ စီမံကိန်းလုပ်ငန်းအရ ဤတောင်ကြီးဖြို၊ မြေကြီးထဲမှ ကြေးနီသတ္တု
ထုတ်လုပ်နိုင်ရန် အက်ဆစ်ရည်များနှင့်လောင်းချဖျော်၍ ထုတ်လုပ်ရသည်။ ထိုအက်ဆစ်များမြေကြီးတွင်းစိမ့်ဝင်ပြီးဒေသတွင်းရေတွင်း၊ ရေကန်၊ ချောင်းမြောင်းများမှတဆင့် ချင်းတွင်းမြစ်တွင်းသို့စီးဝင်နိုင်သည်။ ချင်းတွင်းမြစ်တွင်းစီးဆင်းပြီး အကြေဒေသမြစ်ဝကျွန်းပေါ် ချောင်း၊ မြောင်းများအထိစီးဝင်နိုင်သည်။ အဆိုပါအက်ဆစ်ရည်များ သုံးစွဲသောက်သုံးခြင်းဖြင့်ပေါ်ပေါက်လာမည့်အကျိုးဆက်များမှာကောင်းမွန်ဖွယ်ရာမရှိဖြစ်သည်။
တဖန် လက်ပံတောင်းတောင်ကြေးနီစီမံကိန်းနှင့် အနီးပတ်ဝန်းကျင်ဒေသတွင် လေထုအရည်အသွေးတိုင်းတာမှုအရ ရွေးချယ်ထားသော သုံးနေရာစလုံး၌ လေအမှုန်အမွှားများပါဝင်မှု၊ WHOနှင့် USEPA တို့သတ်မှတ်ထားသောလေထုစံချိန်စံညွှန်းထက် နှစ်ဆခန့်ပိုမိုများပြားလျှက် ရှိကြောင်း၊ လေအမှုန်အမွှားများပါဝင်မှုမှာ ကံကုန်းကျေးရွာတွင် လက်ပံတောင်းတောင်ကြေးနီစီမံကိန်းနယ်မြေနှင့်ရွာသစ်ကျေးရွာတို့မှာထက် နှစ်ဆခန့်များပြားနေကြောင်း စသဖြင့်ဖော်ပြထားသည်ကိုတွေ့ရသည်။

အထက်ဖော်ပြပါအချက်အလက်များအား လေ့လာခြင်းအားဖြင့် စီမံကိန်းကြောင့် သဘာဝဘေးဆိုးများဖြစ်ပေါ်နေကြောင်း ထင်လင်းစွာတွေ့ ရှိရပေမည်။

ဤစီမံကိန်းအကောင်အထည်ဖော်မှုကြောင့် ဒေသလူထုမြေယာများ ဧက ၇ဝဝဝ ကျော် သိမ်းပိုက်ခံခဲ့ရသည်။ ဆားလင်းကြီးမြို့နယ်တွင် လူဦး ရေစုစုပေါင်း ၁၉ဝဝဝဝ ခန့် ၊ အိမ်ထောင်စု ၂၇ဝဝဝ ခန့် ဒုက္ခဆင်းရဲအကျိုးဆက်ကိုခံစားနေရသည်။ ဤသို့လယ်မြေသိမ်းယူခြင်း၌ ပွင့်လင်းမြင်သာမှုမရှိပေ။ ဒေသခံများနှင့် ကြိုတင်ညှိနှိုင်းဆွေးနွေးမှုမရှိ။ မြေနှင့်သီးနှံလျော်ကြေးပေးရန်ဟုကြေညာခဲ့သည့် မြေပိုင်ရှင်
လက်မှတ်ထိုးရသည့် စာရွက်စာတမ်းများတွင်မူ မြေယာအားစွန့်လွှတ်ကြောင်းနှင့်လျော်ကြေးငွေ ရရှိကြောင်းဟုရေးထားကြောင်း၊ မြေယာစွန့်လွှတ်ရသူများအတွက် ခိုင်မာသောစာရွက်အထောက်အထားတစုံတရာကို စနစ်တကျပြန်လည်ပေးအပ်ခြင်းမရှိကြောင်း၊ မြေယာလျော်ကြေးသည်လည်း ကာလပေါက်ဈေးအတိုင်းမဟုတ်ခဲ့ကြောင်းတို့ကို ကော်မရှင်အစီရင်ခံစာက ဝန်ခံဖော်ပြထားသည်။ ဤသည်မှာ ပြည့်စုံသည့်ဖော်ပြချက်မဟုတ်ပေ။ ဤစီမံကိန်းဆောင်ရွက်ချက်ကြောင့် ကျေးလက်ဒေသခံပြည်သူများ စီးပွားရေးဘဝ များစွာထိခိုက်နစ်နာခဲ့ရကြောင်းနှင့် မသိနားမလည်သော
ရွာသူရွာသားများအား ကိုလိုနီခေတ် ချစ်တီးငွေရှင်များပြုသကဲ့သို့ မတရားသောစာချုပ်လက်မှတ်များ ရေးထိုးစေခဲ့ခြင်းကိုလည်း တွေ့သိနိုင်ပေ သည်။ ကျောင်းသားလူငယ်များ၏ ပညာရေးလည်း ဝမ်းနည်းဖွယ်ရာထိခိုက်ကြရသည်။
ဗုဒ္ဓဘာသာဝင်များ၏ သမိုင်းဆိုင်ရာ သာသနိကအဆောက်အအုံများ ပျက်စီးယိုယွင်းသွားရသည့်အတွက် ဒေသခံကျေးလက်ပြည်သူများရော တနိုင်ငံလုံးက ဗုဒ္ဓဘာသာဝင်များပါ များစွာစိတ်မကောင်းခြင်းကြီးစွာ ခံစားကြရပေသည်။ ဤကိစ္စအား ဦးသိန်းစိန်နှင့်ဦးပိုင်တို့ထည့်တွက်ပုံမရပေ။
စုံစမ်းရေးအစီရင်ခံစာ၏စီရင်သုံးသပ်ချက်အချို့အားလေ့လာလျှင် လက်ပံတောင်းတောင်စီမံကိန်းနယ်မြေ၏ လက်ရှိဂေဟစနစ်သည် မျက်မှောက်ကာလတွင် အရည်အသွေးကျဆင်းမှု၊ ယိုယွင်းပျက်စီးမှု ကြီးကြီးမားမားမရှိသေးသော်လည်း ကြေးနီသတ္တုတူးဖော်ထုတ်လုပ်ခြင်း၊ သတ္တုသန့်စင်ခြင်းစသည့်လုပ်ငန်းများလုပ်ဆောင်လာပါက ဤနယ်မြေရှိသစ်ပင်၊ သစ်တော၊ သက်ရှိသတ္တဝါ၊ တိရစ္ဆာန်၊ ရေ၊ မြေတို့ ဧကန်မုချ ပြောင်းလဲကာ သိသာထင်ရှားသော ထိခိုက်မှုများဖြစ်ပေါ်စေမည်ဖြစ်သောကြောင့်ကြိုတင်ကာကွယ်မှုပြုရန်ဟု ဖော်ပြထားပြန်ပါသည်။ အထက်ပါ သဘာဝပတ်ဝန်းကျင်နှင့်လူမှုဘဝတို့သည် ကမ္ဘာပေါ်တွင်အကြီးဆုံးသော ကြေးနီစီမံကိန်းတစ်ခုအကောင်အထည်ဖော်ခြင်းကြောင့်
နိုင်ငံနှင့်လူထုခံစားရမည့်ဘေးထွက်ဆိုးကျိုးများအား အထင်အရှားတွေ့မြင်ရပြီဖြစ်သည်။
လက်ပံတောင်းတောင်လူထုသည် ဇွဲသန်သန်ဖြင့် အဘယ့်ကြောင့်ပုန်ကန်နေကြသနည်း။ အထက်၌ဖော်ပြခဲ့သော မတရားစာချုပ်ဖြင့်လယ်မြေ သိမ်းခံရခြင်း၊ တောင်သူလယ်သမားဘဝဖျက်ဆီး ခံရခြင်း၊ လူမှုရေးဘဝများ ကမောက်ကမဖြစ်ခြင်း၊ သဘာဝပတ်ဝန်းကျင်ဖျက်ဆီးခံရသဖြင့် ကျန်းမာရေးဝန်းကျင်ပျက်သုဉ်းလာခြင်းတို့အပေါ်မကျေမနပ်ဖြစ်ကာ ပုန်ကန်ဆန္ဒပြကြခြင်းဖြစ်သည်။ ဗမာ့နိုင်ငံရေးသမိုင်းသည် လယ်သမားပုန်ကန်မှုသမိုင်းရှည်ကြာစွာတည်ရှိနေသောသမိုင်းပင် မဟုတ်ပါလော။ ပဒေသရာဇ်ခေတ်၊ ကိုလိုနီခေတ်နှင့် လွတ်လပ်ရေးခေတ်သမိုင်းများသည် အဓိကအားဖြင့် လယ်သမားနှင့်အုပ်စိုးသူအသီးသီးတို့ကြားပဋိပက္ခဖြစ်ကြောင်း တွေ့ရှိနိုင်သည်။
ယခု လက်ပံတောင်းတောင်ကျေးရွာလူထုသည် မိမိတို့ ဘဝရပ်တည်ရေးနှင့် ဆက်စပ်သောတိုက်ပွဲဖြစ်၍ ပိုင်းပိုင်းဖြတ်ဖြတ် တိုက်ပွဲဆင်နေဟန်ရှိသည်။
ဤသို့သောအခြေအနေတွင် ဦးသိန်းစိန်အစိုးရက မီးစတစ်ဖက်ရေမှုတ်တစ်ဖက်နည်းပရိယာယ် ကျင့်သုံးနေသည်။ လက်ပံတောင်းတောင်ကိစ္စတွင် လုံထိန်းများ သပိတ်စခန်းကိုဝင်စီးမည့်ရက် ကို ဒေါ်အောင်ဆန်းစုကြည် လက်ပံတောင်းတောင်ကျေးရွာလူထုနှင့် တွေ့မည့်အစီအစဉ်ရှိ သည်ကိုသိလျက်နှင့် မရောက်မီတစ်ရက်အလိုမှာ ဝင်စီးဖြစ်အောင်စီစဉ် ဝင်စီးခဲ့သည်။ ဦးသိန်းစိန်အစိုးရက ဤကဲ့သို့သောအစီအစဉ်မျိုး အမေရိကန်သမ္မတမလာမီတစ်ရက်က နိုင်ငံရေးအကျဉ်းသား တစ်ယောက်မျှမပါသော အကျဉ်းသားလွှတ်ပေးရေးစီစဉ်သည်။ အိုဘားမားလာပြီး နိုင်ငံရေးအကျဉ်းသား မလွှတ်သည့်ကိစ္စ ဆူပွက်လာမှ အချို့ လွှတ်ပေးသည်။ ဤသို့ မထိခလုတ်ထိခလုတ် ဖိနှိပ်ဆန့်ကျင်ရေးနည်းနာကို ကျွမ်းကျင်စွာသုံးနေသည်ကိုသတိပြုမိသည်။

ယခု လက်ပံတောင်းတောင်သပိတ်စခန်းအား ဒေါ်အောင်ဆန်းစုကြည် သွားရောက်ပြီး ပြေလည်အောင်လူထုကိုဖြေရှင်းမည်ဟု လူထုထင်မြင်အောင်ဖန်တီးပြီးမှ မိမိတို့အားကသာ အဆုံးအဖြတ်ဖြစ်ဟန် ခြောက်လှန့်၍ ကြောက်လန့်အောင်ဆောင်ရွက်ပြသည်။ အဆိုပါသပိတ်စခန်းဖြိုခွဲရာ၌ သံဃာတော်များမီးလောင်ကျွမ်းစေခဲ့သည့်ဗုံး သုံးခဲ့သည်။ ဤသည်ကို စုံစမ်းရေးကော်မရှင်က မီးခိုးဗုံးဟုအမည်တပ်သည်။ ပုလိပ်တပ်ဖွဲ့ကြေညာသည့်အတိုင်း တသွေမတိမ်းသုံးစွဲခေါ်ဝေါ်သည်။ အံ့သြဖွယ်တော့ကောင်းသည်။ အမေရိကန်ပညာရှင်အဖွဲ့က ဗုံးခွံအား သိပ္ပံနည်းကျစစ်ဆေးကြည့်ရာ မီးလောင်ဗုံးသုံးစွဲခြင်းဖြစ်ကြောင်း၊ ဂျီနီဗာကွန်ဗင်းရှင်းအရ စစ်ပွဲများ၌သုံးသောဗုံးအား ငြိမ်းချမ်းစွာဆန္ဒပြသောလူထုအပေါ်မသုံးစွဲရဟုပိတ်ပင်ချက်ကို ချိုးဖောက်ရာရောက်သည်ဟု တင်ပြကြသည်။ စုံစမ်းရေးကော်မရှင်က မီးလောင်ဗုံးမဟုတ်ဆိုသော အစိုးရပြောလုံးကို ထောက်ခံထားသည်။

စုံစမ်းရေးကော်မရှင်၏လုံထိန်းတပ်ဖွဲ့က သပိတ်စခန်းအားလူစုခွဲခြင်းနှင့်ပတ်သက်၍ဖော်ပြချက် အချို့ကိုလေ့လာကြည့်မိသည်။ ပထမအချက် အနေနှင့်တင်ပြသည်မှာ ဒေသခံလူထုစကားပြောရန် မြို့နယ် အုပ်ချုပ်ရေးမှူးရုံးကကြိုးစားသည်။ တာဝန်ရှိသူတို့ချဉ်းကပ်ပုံညံ့ဖျင်း၍ ဆန္ဒပြသူတို့၏ စိတ်ဓာတ်အရှိန်ပြင်း၍အခြေအနေဆိုးဝါးသည်ဟုဖော်ပြသည်။ ဤသည်မှာ နည်းနာပိုင်းဖြစ်၍ ပဋိပက္ခဖြစ်ရခြင်း၏အရင်းခံမဟုတ်ပေ။ လူစုလူဝေးက တရုတ်ပညာရှင်နှစ်ဦးနှင့်စကားပြန်တစ်ဦး အဓမ္မ ဘုန်းကြီးကျောင်းသို့ခေါ်သွားသည်။ နောက်ပိုင်းပြန်လွှတ်ပေးသည်။ ဝက်မှေးရွာမှလူထုက ခြံဝင်းတံခါးချိုးဖျက်ပြီး စီမံကိန်းနယ်မြေအတွင်းသို့ဝင်သည် ဟု ဖော်ပြပြန်သည်။ နောက်ပိုင်းဆဲဆိုဆူပူမှုများပြုလုပ်ကြသည်ဟု စွပ်စွဲထားသည်။ ဤဖြစ်ရပ်များ ၃. ၃. ၂ဝ၁၂ မှ ၂၅. ၁၂. ၂ဝ၁၂ အထိ တနှစ်တာအတွင်း ၁၂၄ ကြိမ်ဖြစ်ပေါ်ခဲ့သည်။ ဤဖော်ပြချက်များသည် ပလိပ်တပ်ဖွဲ့နှင့်အုပ်ချုပ်ရေးမှူးရုံးတို့၏အစီရင်ခံချက်များကိုပြန်လည်ဖော်ပြနေခြင်းဖြစ်သည်။ အဓိပ္ပာယ်ကတရားသည်ဟုဖော်ပြလို၍ဖြစ်သည်။
ဤမျှ ကျေးရွာလူထုဘက်မှ အခြေအနေဆိုးဝါးလာ၍ ဆန္ဒပြဆူပူသူများအား ပုလိပ်လုံထိန်းတပ်ဖွဲ့များက တည်ဆဲဥပဒေများနှင့်အညီ လုပ်ထုံးလုပ်နည်းများအရဆောင်ရွက်ရခြင်းဖြစ်သည်ဟု စုံစမ်းရေးကော်မရှင် ကဖော်ပြခဲ့သည်။ အခြားတစ်နေရာတွင် ကော်မရှင်က နိုင်ငံတော်တည်ငြိမ်စေရန် ဥပဒေစိုးမိုးရေးသည် များစွာအရေးပါသည်၊ ပြည်သူလူထုကလည်း ဥပဒေကိုလေးစားလိုက်နာရန်လိုအပ်သကဲ့ သို့  နိုင်ငံတော်အဖွဲ့အစည်းကလည်း ဥပဒေလေးစားလိုက်နာရန်လိုအပ်ပါသည်ဟု ဖွင့်ဆိုပြန်သည်။ ဤဖော်ပြချက်သည် တရားဥပဒေအထက်၌မည်သူမျှမရှိဆိုသော နားထောင်ဖွယ်ကောင်းသော အဆိုအမိန့်ကိုရွတ်ပြခြင်းသာဖြစ်သည်။ တစ်ဖက်စောင်းနင်းဖော်ပြချက်တစ်ရပ်မှာ“မြန်မာနိုင်ငံရဲတပ်ဖွဲ့ အနေဖြင့်လည်း ယခုမီးခိုးဗုံး၏အာနိသင်ကို သိရှိခြင်းမရှိကြောင်း၊ ထိုသို့ မသိရှိဘဲသုံးစွဲခြင်းကြောင့်” ဟုဖော်ပြခြင်းက လက်နက်ကိုင်အဖွဲ့အစည်းကြီးတစ်ရပ်က မိမိကိုင်တွယ်သောလက်နက်၏စွမ်းအင်ကို မသိရှိဘဲသုံးစွဲသည်ဟုဆိုခြင်းကြောင့် တကယ်မသိရှိပါဆိုလျှင်လည်း သုံးစွဲသူလက်နက်ကိုင်အစိုးရဌာ နတစ်ခုသည် ညံ့ဖျင်းနုံချာသောအမှုကိုကျူးလွန်သောအဖွဲ့အဖြစ် ကမ္ဘာ့လူပုံအလယ်တွင် အရှက်ရစရာဖြစ်နိုင်ပေသည်။ စင်စစ်က အသိရှိရှိဖြင့် စနစ်တကျသုံးစွဲသည်ကို ကော်မရှင်အဖွဲ့က ဖုံးကွယ်ပေးလိုကြောင်းမှာလည်း လယ်ပြင်ဆင်သွားသလို ထင်ရှားနေလေသည်။
တစ်ခါ ကြေးနီစီမံကိန်းဆက်လက်လုပ်ဆောင်ခွင့်မပြုဘဲရပ်ဆိုင်းစေမည်ဆိုပါက မြန်မာနိုင်ငံသည် ခွင့်ပြုထားသောသဘောတူစာချုပ်ကို လေးစားလိုက်နာခြင်းမရှိဟုယူဆချက် ပေါ်ပေါက်လာနိုင်ပါသည်ဟု
ကော်မရှင်ကဖော်ပြထားသည်ကို တွေ့ရှိရသည်။ မှန်ပါသည်။ တန်းတူမှု များရှိလည်းရှိ။ အပြန်အလှန်နိုင်ငံနှင့်ပြည်သူအကျိုးလည်းရှိ၊ လူထုပွင့်လင်းမြင်သာလက်ခံနိုင်သောအခြေလည်းရှိသော စီးပွားရေးလုပ်ငန်းစာချုပ်များအား မည်သည့်အစိုးရပြောင်းပြောင်း ငြင်းဆိုပယ်ဖျက်ရန်အကြောင်း ရှိမည်မထင်။ ယခုကိစ္စသည် ဤသို့ဖြစ်မဖြစ် လူထုမှ ဆန်းစစ်ရန်လိုအပ်လာသည့်အခြေအနေဖြစ်နေသည်။ ထို့ကြောင့်လူထုက မိမိအကျိုးစီးပွားနှင့်မကိုက်သောဆောင်ရွက်ချက်ဟုယူဆ၍ စီမံကိန်း ပိတ်ပစ်ရန်တောင်းဆိုရခြင်းဖြစ်သည်။ နိုင်ငံဂုဏ်သိက္ခာတို့၊ လူထုအကျိုးစီးပွားတို့ဆိုသောစကားလုံးများ သည် ပြည်သူလူထုအကျိုးစီးပွား၊ ဒီမိုကရေစီနိုင်ငံတော်နှင့်သဘာဝပတ်ဝန်းကျင်အကျိုးစီးပွား များရရှိမှဂုဏ်သိက္ခာဟုခေါ်သင့်သည်။ ၂ဝဝ၈ အခြေခံဥပဒေအစိုးရ၊ စစ်တပ်စီးပွားရေး၊ ဦးပိုင်အဖွဲ့၊ ဝမ်ပေါင်ကုမ္ပဏီအကျိုးစီးပွားပေါ်အခြေခံသောလုပ်ငန်းသည် လူထုနှင့်တိုင်းပြည်အားအကျိုးမပြုနိုင် သဖြင့် ပြည်သူနှင့်နိုင်ငံ့ဂုဏ်သိက္ခာညှိုးနွမ်းစရာအကြောင်းမမြင်ဟု ယူဆပေသည်။
သို့သော် ကြေးနီသတ္တုသည် စက်မှုနိုင်ငံထူထောင်မည်ဆိုလျှင် မရှိမဖြစ်လိုအပ်သော စက်မှုကုန်ကြမ်းဖြစ်သည်။ နိုင်ငံအနေဖြင့် ထုတ်ဖော်သုံးစွဲရမည်သာဖြစ်သည်။ ကမ္ဘာပေါ်ရှိအခြားနိုင်ငံများ လည်း ထုတ်လုပ်သုံးစွဲနေကြသည်။ ဗမာပြည်လည်း စက်မှုနိုင်ငံထူထောင်မည်ဆိုပါကမရှောင်မလွဲသာ ထုတ်ယူသုံးစွဲရမည်ဟု ယူဆပါသည်။ သို့ ဖြစ်ပါ၍ လက်ပံတောင်းတောင်ကြေးနီစီမံကိန်း တူးဖော်လုပ် ကိုင်ရေးအား ဆက်လက်ဆောင်ရွက်လိုပါက ယနေ့ခေတ်တိုက်ပွဲဝင်လူထုကိုယ်စား လှယ်၊ ကြေးနီထုတ်လုပ်သောကုမ္ပဏီ၊ အစိုးရနှင့်လူထုကိုယ်စားပြုသော စီးပွားရေးနှင့်သဘာဝပတ်ဝန်း ကျင်ထိန်းသိမ်းရေးပညာရှင်စုံညီတွေ့ဆုံပြီး ပွင့်လင်းသောဆွေးနွေးညှိနှိုင်းမှုအား အမြန်ဆုံးခေါ်ယူ ကျင်းပသင့်သည်။ ဒေသခံလူထုအပေါ် ဖိနှိပ်မှုအားလုံးချက်ချင်းရုတ်သိမ်းရန်နှင့် ရဟန်းတော်များအား မီးလောင်ဗုံးသုံးစွဲပစ်ခတ်မှုတာဝန်ရှိသူအားလုံး အရေးယူဆောင်ရွက်ရန်တို့ကို ဆောလျင်စွာဆောင်ရွက်ရန် လိုအပ်မည်ဟု ယူဆပေသည်။
ဤနေရာ၌ စုံစမ်းရေးကော်မရှင်၏နိုင်ငံရေးရပ်တည်ချက်ကို ထုတ်နုတ်ရန်လိုလာသည်။ စုံစမ်းရေးအစီရင်ခံစာတစ်ခုလုံးသည် နိုင်ငံရေးဦးတည်ချက် ရပ်တည်ချက်တစ်ရပ်အောက် စွဲယူတွေးခေါ်ရေးသားခြင်းဖြစ်သည်။ သမာသမတ်ကျကျစုံစမ်းဖော်ထုတ်မည်၊ မည်သည့်ကောက်ချက်မျှ မပေး မဆုံးဖြတ်ဟုစုံစမ်းရေးအစီရင်ခံစာမထွက်မီက ကော်မရှင်အဖွဲ့ဝင်တစ်ဦးက မီဒီယာသို့ပြောဖူးသည်။ လက်တွေ့တွင် စီမံကိန်းဆက်လုပ်ရေးကောက်ချက် ဆွဲပေးလိုက်သည်။
အံ့သြဖွယ်တော့မဟုတ်ပါ။ လွတ်လပ်သောကော်မရှင်မဟုတ်သရွေ့ အုပ်စိုးသူလူတန်းစားအစိုးရအလိုအတိုင်း ကပြရသည်က နိုင်ငံရေးဥပဒေတစ်ခုဖြစ်သည် မဟုတ်ပါလား။
ဗမာပြည်နိုင်ငံရေးရပ်တည်ချက် နှစ်မျိုးသာရှိသည်။ တစ်မျိုးက ၂ဝဝ၈ ခုနှစ် ဖွဲ့စည်းပုံအောက် ငုံ့ဝင်ရသောပုဂ္ဂိုလ်အဖွဲ့အစည်းမှန်သမျှသည် ၂ဝ၁ဝ ခုနှစ် ပြည်ခိုင်ဖြိုးအစိုးရဥပဒေစိုးမိုးရေးအောက်၌ ကျိုးနွံစွာလှုပ်ရှားရေးသာ လှုံ့ဆော်ရပ်တည်ကြသည်။ ဤသည်က လမ်းစဉ်တစ်ရပ်။ အခြားလမ်းစဉ်တစ်ရပ်က ၂ဝဝ၈ ဖွဲ့စည်းပုံဥပဒေအောက် ခေါင်းငုံ့မဝင်၊ လူထုအကျိုးစီးပွားအား လူထုလှုပ်ရှားမှုဖြင့်တိုက်ပွဲဝင်သောလမ်းစဉ် ဖြစ်သည်။
နိုင်ငံရေးသည်လည်း ဥပဒေဘောင်တွင်းမှသာလှုပ်ရှားရသည်ဟုခံယူပါက လူထုနိုင်ငံရေးမဟုတ်တော့ပေ။ လွတ်လပ်ရေးတိုက်ပွဲသည် နယ်ချဲ့ဥပဒေဘောင်တွင်းက လှုပ်ရှားမှုမဟုတ်ပေ။ ဖက်ဆစ်ဥပဒေဘောင်တွင်း က လှုပ်ရှားမှုမဟုတ်ပေ။ ချုပ်ပြောလျှင် လူထုနိုင်ငံရေးသည် ဖောက်ပြန်သောဖိနှိပ်သောဥပဒေအောက်မှ လှုပ်ရှားသောနိုင်ငံရေးမဟုတ်ပေ။ ထို့ကြောင့်တစ်ခါက တော်လှန်လှုပ်ရှားသော NLD ပါတီ၏ လမ်းစဉ်သည် “မတရားဖိနှိပ်သောအမိန့်အာဏာဟူသမျှတာဝန်အရဖီဆန်ကြ” ဟု တက်ကြွလှုံ့ဆော်ခဲ့ သည် မဟုတ်လော။

လက်ပံတောင်း၊ မလက်တိုကျေးရွာအုပ်စု၊ ပလောင်းကျေးရွာနှင့်လိုင်ဇာတော်လှန်လှုပ်ရှားမှုအားလုံးသည် နိုင်ငံရေးလူထုတိုက်ပွဲများဖြစ်သည်။ ဥပဒေများက လူထုတိုက်ပွဲနှင့်တော်လှန်ရေးများကို ထိပ်တုံးခတ်လာသောအခါ လူထုသည် လိုက်နာရိုးထုံးမရှိပေ။ ကမ္ဘာ့တော်လှန်ရေး၊ ဗမာ့တော်လှန်ရေးတိုက်ပွဲသမိုင်းက ပြဆိုခဲ့လေသည်။

စုံစမ်းရေးကော်မရှင်၏ဥပဒေစိုးမိုးရေးအယူအဆသည် ဦးပိုင်စီးပွားရေးအဖွဲ့၏အကျိုးစီးပွားကိုကာကွယ်ရေး၊ စစ်ဗိုလ်ချုပ်ဟောင်းများ၏ နိုင်ငံတော်အကျိုးစီးပွားကိုကာကွယ်ရေးနှင့် ၂ဝဝ၈ ဖွဲ့စည်းပုံဥပဒေလေးစား လိုက်နာရေးနိုင်ငံရေးသဘောထားတို့ကို အကာအကွယ်ပေးနေခြင်းသာဖြစ်ပေသည်။ အလုပ်သမား၊ လယ်သမား၊ ကျောင်းသား၊ ငြိမ်းချမ်းရေးသမားနှင့်လူထုလူတန်းစားဆင်းရဲသားတို့၏ ရုန်းကန် တိုက်ပွဲဝင်ရေးသဘောထားနှင့် ဖီလာကန့်လန့်ဖြစ်နေသည်ကို သတိပြုအပ်သည်ထင်ပေသည်။
စုံစမ်းရေးကော်မရှင်သည် အစီရင်ခံစာ၌ (၁) နိုင်ငံတော်ကိုအကာအကွယ်ပေးသည်။ (၂) စီးပွားရေးဦးပိုင်လီမိတက်အကျိုးစီးပွားကိုအကာအကွယ်ပေးသည်။ (၃) မီးလောင်ဗုံးကိုငြင်းပယ်ပြီး သပိတ်စခန်းဖြိုခွဲသောပုလိပ်ယန္တရားကို အကာအကွယ်ပေးသည်။ အထက်ပါအခြေအနေ သုံးရပ်ကို ပြတ်ပြတ်သားသားအကာအကွယ်ပေးသည်။ အဘယ့်ကြောင့်အကာအကွယ်ပေးသည်ကိုတော့ စုံစမ်းရေးကော်မရှင်အဖွဲ့သာ ဆန်းစစ်နိုင်မည်ဖြစ်သည်။ လူထုတိုက်ပွဲနှင့်ကင်းကွာသောနိုင်ငံရေးလမ်းစဉ်၊ ပါတီ၊ ပုဂ္ဂိုလ်တို့သည် နိုင်ငံရေးသမိုင်းတွင် ဘုံးဘုံးလဲကျရသည်သာဖြစ်သည်။ ဖောက်ပြန်သောလမ်းစဉ်၊ လုပ်ငန်းစဉ်နောက်၌ရပ်တည်သောပုဂ္ဂိုလ်၊ ပါတီတို့သည်လည်း ပြည်သူ့ဆန့်ကျင်ရေး၊ ဒီမိုကရေစီဆန့်ကျင်ရေးသမားအဖြစ်ကျဆုံးရသည့်သမိုင်းများအား သတိပြု သုံးသပ်သင့်ကြောင်း တင်ပြလိုက်ရပေသည်။
ချစ်လှိုင်းဝေ
(လူထုပုံရိပ်ဂျာနယ် အတွဲ ၁၊ အမှတ် ၂၆ မှ ကူးယူဖော်ပြပါသည်)

https://www.facebook.com/aungmyo.tun.52?sk=notes