တိုင်းပြည်နှင့်ပြည်သူကိုအလုပ်အကျွေးပြုရေးအတွက် ပြည်ချစ်ဝါဒလမ်းစဉ် (၂)

တိုင်းပြည်နှင့်ပြည်သူကိုအလုပ်အကျွေးပြုရေးအတွက် ပြည်ချစ်ဝါဒလမ်းစဉ် (၂)

ဝင်ရိုးအများရှိသောကမ္ဘာ့စနစ်ဘက်တွင်လည်း အားမသေးပါ။ ဤစနစ်က အသာစီးရပါက ကုလသမဂ္ဂပြုပြင်ရေးတွင် တစုံတရာဆုံးဖြတ်ချက် ကျနိုင်သော်လည်း ရှောရှောရှူရှူတော့ ဖြစ်မည့်ပုံမရှိပါ။ အိန္ဒိယကတော့ လုံခြုံရေးကောင်စီအမြဲတမ်းအဖွဲ့ဝင် ကြီးတကြီးအဖြစ်ပါရမည်ဟုထင်ပုံပေါ်ပါသည်။ ပါကစ္စတန်ကလက်ခံပါမည်လော။ ဂျပန်ပါလာလျှင် တောင်/မြောက်ကိုရီးယားက ကျေနပ်မည်လော။ အာရှကိုကွက်၍ပြောခြင်း ဖြစ်ပါသည်။ အခြားထင်နေသည့်တိုင်းပြည်များ ကမ္ဘာအနှံ့ရှိပါသည်။ ကျေနပ်သူ မကျေနပ်သူ ရှိပါလိမ့်မည်။ ဝင်ရိုးတခုတည်းရှိသောကမ္ဘာ့စနစ် မည်သည့်အခါကမျှ မရှိခဲ့ပါ။ ရှိလည်းမရှိနိုင်ပါ။ အင်ပါယာများ ရှိခဲ့ဖူးပါသည်။ သို့သော် ကမ္ဘာတဝှမ်း လွှမ်းခြုံသောအင်ပါယာ မဟုတ်ပါ။

အင်္ဂလိပ်အင်ပါယာသည်၊ ကမ္ဘာအနှံ့ကျယ်ပြန့်ပါသည်။ သို့သော် ကမ္ဘာ့အင်ပါယာမဟုတ်ပါ။ အပြိုင်အဆိုင်အင်ပါယာများ ရှိပါသည်။ ကမ္ဘာစစ် ဖြစ်ရပါသည်။ အမေရိကန်စိတ်ကူးနေသောပုံစံသည် ကမ္ဘာတခုလုံးမတည်ငြိမ်မှုကိုသာ ဖြစ်စေပါလိမ့်မည်။  NMD လုပ်ထား၊ ခေါင်းထောင်ထ သူကိုအပြတ်နှိမ်၊ ကမ္ဘာ့ပုလိပ်ကြီးလုပ် ဤစိတ်ကူး အလုပ်ဖြစ်ပါမည်လော။ NMD ကို အမေရိကန်အသံ (VOA) က ဘာသာပြန်သည်မှာ ‘ဒိုင်းလွှာ’ဟု ပြန်ပါသည်။ မဆိုးပါ။ ဒိုင်းကောင်းလျှင် လှံကောင်းလာစမြဲ။ မထိုးဖောက်နိုင်သောဒိုင်း ရှိမည်မဟုတ်ပါ။ တခုပဲရှိသည်။ ကမ္ဘာပေါ်တွင် နိုင်ငံအငယ်နှင့်အသေးချည်း ရှိမည်ဆိုလျှင် မထိုးဖောက်နိုင်သောဒိုင်းဖြစ်နိုင်သည်။ ကမ္ဘာပေါ်တွင် နိုင်ငံပေါင်း ၂ဝဝဝ ရှိရေး အပြောအဆိုများကြားရသည်မှာ ဤစိတ်ကူးကြောင့်ဖြစ်မည်။

NMD မှာ ဝင်ရိုးတခုတည်းရှိသောကမ္ဘာ့စနစ်ထူထောင်ရေးအတွက်လှမ်းသော ပထမဆုံးခြေလှမ်း ဖြစ်သည်။ NMD မှာ အာကာသတက်မည့်၊ ငွေအလွန်ကုန်မည့် စီမံကိန်းဖြစ်သည်။ လောလောဆယ်တွင် အမေရိကန်တဦးတည်းသာတတ်နိုင်သည်။ ရုရှားမှာ ယခင်ကလို စိန်ခေါ်လျှင်တိမ်ပေါ်အထိမလိုက်နိုင်၊ အတတ်ပညာယှဉ်နိုင်သော်လည်း ငွေမတတ်နိုင်။ ဥရောပသမဂ္ဂမှာ အတတ်ပညာလည်းရှိ၊ ငွေလည်းရှိသည်။ သို့သော် နိုင်ငံအများ ညှိပြီးလုပ်ရမည်။ ညှိရလွယ်မည် မဟုတ်။ တရုတ်မှာ အတတ်ပညာက အာကာသတက်စ၊ ငွေကြေးအခြေခံ မတတ်နိုင်သေး။ ဂျပန်က အတတ်ပညာ၊ ငွေကြေး လုပ်မည်ဆိုလျှင်တတ်နိုင်သည်။ သို့သော် လူထုက စစ်ကိုနာကျည်းနေသည်။ အမေရိကန်ပြည်သိမ်းတပ်ရေးဆွဲပေးထားသည့်အခြေခံဥပဒေ၏အကန့်အသတ်လည်း ရှိသည်။ အချိန်အများကြီး ယူရလိမ့်မည်။ အမေရိကန်နှင့်အတိုက်အခံလုပ်ဖို့လည်း မလွယ်လှ။ အမေရိကန်က ဂျပန်ကို  NMD ၏လက်အောက်ခံ TMD “တာလတ်တာတို ဒုံးပျံကာကွယ်ရေး”လောက်ပဲ လုပ်စေချင်သည်။ အာကာသတက်စရာမလိုသည့် ကာကွယ်ရေးစနစ်ဖြစ်သည်။

အာကာသတက် လက်နက်တပ်ဆင်နိုင်လျှင် ကမ္ဘာကြီးအပေါ် ဗိုလ်လုပ်၍ရပြီ။

ဤကား NMD ၏စိတ်ကူး။ ထို့ကြောင့် စစ်အေးခေတ် ABM (ဒုံးခွင်းဒုံး ကန့်သတ်ရေး) စာချုပ်ကို ဖျက်ချင်သည်။ ABM ရှိလျှင်  NMD လုပ်မရ။ ABM ကို ရုရှားက အဖျက်မခံချင်။ ရုရှားအနီးကပ်နေရသော EU ကလည်း အင်အားချိန်ခွင်လျှာပျက်မှာစိုးသည်။ တရုတ်ကလည်း ချိန်ခွင်လျှာအပျက်မခံနိုင်။ ဤသို့ဖြင့် ‘အမျိုးသားအကျိုးစီးပွား’ချင်း ပဋိပက္ခဖြစ်နေကြသည်။

ဗမာပြည်ကွန်မြူနစ်ပါတီက  ဝင်ရိုးတခုကမ္ဘာ့စနစ်ကို ပြတ်ပြတ်သားသားဆန့်ကျင်ပါသည်။ အဘယ်ကြောင့်ဆိုသော် ထိုစနစ်ကြောင့်

(က) အမေရိကန်၏ နိုင်ငံရေးအရဗိုလ်ကျလွှမ်းမိုးမှုကို ခံရမည်။

(ခ)  အမေရိကန်လက်ဝါးကြီးအုပ်အရင်းရှင်များ၏ စီးပွားရေးအရလွှမ်းမိုးမှုကို ခံရမည်။

(ဂ)  နိုင်ငံ၏ ဖွံ့ဖြိုးရေးလမ်းကြောင်း ပိတ်သွားမည်။

(ဃ) “မတော်သူသေ တော်သူနေ”စနစ်ကြီးတရားဝင်ဖြစ်လာကာ ခေတ်နှင့်အမီမလိုက် နိုင်သော နောက်အကျဆုံးနိုင်ငံများနှင့်လူမျိုးများ ကွယ်ပျောက်ကုန်မည်။

(င)  မြေကမ္ဘာဂြိုဟ်ကို ထိန်းညှိထားသော သဘာဝစနစ်များ ပျက်စီးမည်။

ထိုစနစ်၏အသေးစားနမူနာကို ယူဂိုဆလားဗီးယားနိုင်ငံဟောင်းတွင် ဖြစ်ပျက်နေသည်များကိုကြည့်က တွေ့နိုင်သည်။ လူမျိုးချင်းနှင့်  နိုင်ငံငယ်ကလေး (မီနီစတိတ် Mini-State) များ အချင်းချင်း တကျက်ကျက်ရန်ဖြစ်နေကြသည်။ (ရန်ဖြစ်မှ ကမ္ဘာ့ပုလိပ်ကြီး အလုပ်ရှိမည်)

- စီးပွားရေးအရ လုံးဝနို့သက်ခံနေရသည်။ (ကမ္ဘာ့လက်ဝါးကြီးအုပ်အရင်းရှင်ကြီးများ စားကျက်တွေ့မည်)

- နေတိုးအဖွဲ့အတွင်းရေးမှူးက ကာယကံမြောက် “ဘုရင်ခံချုပ်”ဖြစ်နေသည်။ (ကိုလိုနီသစ်ပုံစံ ဖြစ်သည်)

- ရွေးကောက်ပွဲဆိုသည်များမှာ ဟန်ပြသက်သက်ဖြစ်နေသည်။ (ငွေကြေးဖြင့်၊ အာဏာဖြင့် ကိုယ့်လူမနိုင်နိုင်အောင် လုပ်နေသည်)

ထိုကမ္ဘာ့စနစ်မျိုးသည် ဗမာပြည်အတွက် မည်သည့်ကောင်းကျိုးမှ ပေးမည်မဟုတ်ပါ။ ထို့ကြောင့် ဆန့်ကျင်ပါသည်။ ထိုစနစ် ကမ္ဘာမလွှမ်းစေရန် တားဆီးပါမည်။

အမေရိကန်အားကြီးသည်မှာ မှန်ပါသည်။ သို့သော် ကမ္ဘာတခုလုံးကို စိုးမိုးနိုင်ရန်ကား အင်အားအကန့်အသတ် ရှိပါသည်။ အမေရိကန်ကို စိန်ခေါ်သူများ စုစည်းမိလာသောအခါ ကမ္ဘာ့ငြိမ်းချမ်းရေးနှင့်တည်ငြိမ်ရေး မုချပျက်စီးပါမည်။ ဒုတိယကမ္ဘာစစ်အပြီးမှစ၍ (၅၅)နှစ်ကျော် တားဆီးနိုင်ခဲ့သည့်တတိယကမ္ဘာစစ် ဖြစ်ပါလိမ့်မည်။

ဝင်ရိုးအများရှိသောကမ္ဘာ့စနစ်ကို ဗမာပြည်ကွန်မြူနစ်များ လိုလားပါသည်။ ကောင်းလွန်း၍ ခြောက်ပြစ်ကင်း၍ လိုလားခြင်းကားမဟုတ်ပါ။ ကောက်ကောက်ထဲမှအဖြောင့်ရှာရာတွင် ခပ်ကွေးကွေးကိုအဖြောင့်သဘောထားပြီး ရွေးရခြင်းဖြစ်ပါသည်။ လူလူချင်း၊ လူမျိုးချင်း ဖိနှိပ်ချယ် လှယ်သွေးစုပ်သည့်စနစ်မချုပ်ငြိမ်းသေးသမျှ၊ ကမ္ဘာ့ဆိုရှယ်လစ်တော်လှန်ရေးမအောင်မြင်သေးသမျှ ဤသို့ပင် ကောက်ကောက်ထဲမှ အဖြောင့်ရှာ၊ ခပ်ကွေးကွေးဟာအဖြောင့်ပဲဟု သဘောထားနေရပါမည်။

ဤဝင်ရိုးအများစနစ်သည် ပထမကမ္ဘာစစ်မတိုင်မီကစနစ်မျိုး မဖြစ်စေဖို့ တကမ္ဘာလုံးသတိရှိရပါမည်။ ကမ္ဘာကိုခွဲဝေပြီး ကိုလိုနီအဖြစ် စိုးမိုးကြ သောစနစ်ဖြစ်သွားပါက ကမ္ဘာစစ်ကိုအသေအချာပြန်ဖြစ် စေပါလိမ့်မည်။ ဝင်ရိုးများအတွင်း ပဋိပက္ခများကား ရှိပါလိမ့်မည်။ ရှောင်လွှဲနိုင်မည် မဟုတ်ပါ။ သာမန်ဖြစ်ရိုးဖြစ်စဉ်ပဋိပက္ခကို ရန်ဘက်ပဋိပက္ခအဖြစ်သို့တိုးပွားမသွားစေရန် ကမ္ဘာ့ပြည်သူများက သတိဖြင့်တားဆီးကြရပါမည်။

ဝင်ရိုးတွေ မည်သည့်နိုင်ငံများဖြစ်မည်ကို အတတ်မပြောနိုင်သော်လည်း ဝင်ရိုးအလောင်းအလျာများကိုကား တွေ့မြင်နေရပါသည်။ စီးပွားရေး အင်အား၊ လူဦးရေအင်အား၊ နိုင်ငံရေးအင်အားရှိသူများသည် ဝင်ရိုးဖြစ်နိုင်ခြေရှိသူများ၊ ဝင်ရိုးဖြစ်ရန်မျှော်လင့်ချက်ရှိသူများဖြစ်ပါသည်။ ဝင်ရိုး တခုတည်းရှိသောကမ္ဘာ့စနစ်ကို ဗမာပြည်ကွန်မြူနစ်များမလိုလားသည့်အဓိကအကြောင်းတခု ရှိပါသည်။ ဤအဓိကအကြောင်းကို မတင်ပြလျှင်ပြည့်စုံမည် မဟုတ်ပါ။ အဓိကအကြောင်းမှာ ဗမာပြည်သည် အရှေ့တောင်အာရှဒေသကြီးအတွင်းပါဝင်နေသော တိုင်းပြည်ဖြစ်ခြင်း၊ ကမ္ဘာပေါ်တွင် လူဦးရေအများဆုံးနိုင်ငံကြီးနှစ်ခု တရုတ်နှင့်အိန္ဒိယအကြားတွင်တည်ရှိသောဒေသဖြစ်ခြင်းနှင့် ဗမာပြည်တွင် ငြိမ်းချမ်းရေးနှင့်တည်ငြိမ်မှုမရှိခြင်း ဖြစ်ပါသည်။

အရှေ့တောင်အာရှ၏ ထူးခြားချက်မှာ -

- ပေါ်တူဂီ၊ စပိန်၊ အင်္ဂလိပ်၊ ပြင်သစ်၊ ဒတ်ခ်ျ၊ အမေရိကန်တို့၏ကိုလိုနီဖြစ်ခဲ့သော သမိုင်းရှိခြင်း။

- နယ်ချဲ့ပေါင်းစုံ စုစည်းမိသောနေရာဖြစ်ခဲ့ခြင်း။

- ဗီယက်နမ်စစ်ဖြစ်ခဲ့သောနေရာ၊ ဆီးတိုးအဖွဲ့ဌာနချုပ်ရှိသောနေရာ ဖြစ်ခဲ့ခြင်း။

- ကမ္ဘာ့အရှေ့ခြမ်းတွင် ရှားရှားပါးပါး ထူးထူးခြားခြားရှိနေသော လူဖြူနိုင်ငံသြစတြေးလျနှင့် ပထဝီအရနီးကပ်နေခြင်းတို့ ဖြစ်သည်။

သြစတြေးလျ၏အခန်းသည် ဝင်ရိုးတခုတည်းသာရှိသောကမ္ဘာ့စနစ်ဖြစ်လာပါက အရှေ့တောင်အာရှတွင် အလွန်ပင်အရေးပါသောအခန်းက ပါလာလိမ့်မည်။ အရှေ့တီမောကိစ္စတွင် သြစတြေးလျဝန်ကြီးချုပ်က • သြစတြေးလျသည် အမေရိကန် စေတလုံးရမြို့ဝန် Sheriff ၏ လက်ထောက်မြို့ဝန်အခန်းက ပါဝင်တာဝန်ထမ်းဆောင်ပါသည်ဟု ပြောခဲ့ဖူးပါသည်။ (ကမ္ဘာ့ရွာဟုဆိုကြသောကြောင့် Sheriff ကို စေတလုံးရရွာသူကြီးဟု ဘာသာပြန်ရမလား မသိပါ)

သြစတြေးလျသည် အမေရိကန်နှင့် အရှေ့ခြမ်းတွင် အရင်းနှီးဆုံးဖြစ်ပါသည်။ အမေရိကန်တိုက်သမျှစစ်တိုင်းတွင် အမြဲပါခဲ့ပါသည်။ လက်ရှိ စစ်ရေးမဟာမိတ်လည်း ဖြစ်ပါသည်။ အရှေ့တောင်အာရှအရေးတွင် စိတ်ဝင်စားမှုလည်းအလွန်ရှိပါသည်။ ဗမာပြည်၏နိုင်ငံရေးအကျပ်အတည်း တွင် သူက နည်းသစ်ဖြင့် ဝင်လာနေပါသည်။ “လူ့အခွင့်အရေးသင်တန်း”ဖြင့်ဝင်ပါသည်။ သူများလို “နိုင်ငံရေးအံတုမှု”ဖြင့် မဝင်ပါ။ စစ်အစိုးရကလည်း ဝမ်းမြောက်ဝမ်းသာ လက်ခံပါသည်။ အမေရိကန်နှင့်ရင်ကြားစေ့ရန်လမ်းကြောင်းတခုပွင့်သည်ဟု ထင်ဟန်ရှိပါသည်။ ဝင်ရိုးတခုတည်းရှိသော စနစ်တွင် နယ်ချဲ့ဗိုလ်ကြီးတဦးသာရှိပါမည်။ သို့သော် ကမ္ဘာကိုပိုင်းခြား၍ လက်ထောက်များ ထားရပါမည်။ အင်္ဂလိပ်ကတော့ နေရာဦးထားပါသည်။ သူ့ကိုယ်သူ နောက်လိုက်အပေါင်းအသင်း (Junior Partner) ပါဟု ပြောနေပါသည်။ သူက ဘယ်ဒေသအပိုင်စားရလိုသလဲဆိုသည်ကား မသိရပါ။ သြစတြေလျကမူ အရှေ့တောင်အာရှအတွက် လက်ထောက်ဖြစ်ချင်မှန်း သိသာပါသည်။ အမေရိကန် “ဧကရာဇ်”၏ အရှေ့တောင်အာရှ “ဘုရင်ခံချုပ်”ဖြစ်ရန် တာစူနေပါသည်။

ဝင်ရိုးတခုသာရှိသောကမ္ဘာ့စနစ်၏ နမူနာတခုကို အာရှ၊ အာဖရိကတွင် တွေ့လိုက်ဖူးပါသည်။

- “ဆိုးသွမ်းနိုင်ငံများ”ကို သူကဆုံးဖြတ်ပါသည်။ အားလုံးအာရှမှ ဖြစ်သည်။

- ပင်လယ်ပြင်မှနေ၍ အာဖဂန်နစ္စတန်နှင့်ဆူဒန်ကို ဒုံးပျံဖြင့် ပစ်သည်။

- အာရှ၏လေပြင်ပိုင်နက်ကို သူ့ပိုင်နက်အဖြစ်သဘောထားကာ လုပ်ဆောင်သည်။

နောက်နမူနာတခုမှာ အမေရိကန်လွှတ်တော်က ကမ္ဘာ့လွှတ်တော်ကဲ့သို့ ကျင့်ကြံသည်။

နောက်နမူနာတခုမှာ တဖက်ကိုပင်းသောဒိုင်လူကြီးလုပ်သည်။ (အာရပ်-အစ္စရေးကိစ္စ) အရှေ့အလယ်ပိုင်း “ဘုရင်ခံချုပ်”အဖြစ် အစ္စရေးကို ခန့်ရန် ရည်ရွယ်ခြင်းဖြစ်သည်။ ဗမာပြည်တွင် အာဏာသိမ်းစစ်အစိုးရရှိနေသောကြောင့် ဤသို့သောကမ္ဘာ့စနစ်မျိုးတွင် တိုင်းပြည်အနေဖြင့် သာဖို့မရှိ။ နာဖို့သာရှိပါသည်။ ဒီမိုကရေစီအစိုးရရှိခဲ့လျှင်လည်း အမြဲမပြတ် ပြည်တွင်းရေးရှုပ်ထွေးနေအောင် အလုပ်ခံရဖို့သာ ရှိသည်။ ထို့ကြောင့် တိုင်းပြည်အတွက် ကောင်းကွက်မရှိနိုင်ပေ။ ဝင်ရိုးအများရှိသောကမ္ဘာ့စနစ်ဖြစ်စေ၊ ဝင်ရိုးတခုသာရှိသောစနစ်ဖြစ်စေ မည်သည့်စနစ်ဖြစ်ဖြစ် “ပြည်ချစ်ဝါဒ”ဖြင့်သာ တိုင်းပြည်ကိုကာကွယ်နိုင်မည်ဖြစ်ပေသည်။

ယခုအခါ ကမ္ဘာ့စနစ်သစ်အတွက် လွန်ပွဲကြီးဖြစ်နေသည်။ ဗမာပြည် ကြားညပ်ခံ၍ မဖြစ်ပါ။ သတိရှိကြရပါမည်။ ဝင်ရိုးအများရှိသည့်စနစ်ဖြစ်လျှင်လည်း အပြိုင်ဆွဲကြမည့်လွန်ပွဲကလေးများတော့ ရှိနေဦးမည်။ “ပြည်ချစ်ဝါဒ”ဖြင့်သာ မိမိတိုင်းပြည်၏အဆင့်နေရာကိုမြင့်တက်စေရန် လုပ်ကြရပါမည်။ “ပြည်ချစ်ဝါဒ”ကိုအခြေခံကာ အမြော်အမြင်ရှိစွာဖြင့် တိုင်းပြည်ကိုဖွံ့ဖြိုးရေးလမ်းမှန်ပေါ်ရောက်အောင် ကြိုးပမ်းကြရမည် ဖြစ်ပါသည်။

(ဂ) ပြည်တွင်းအခြေအနေ

စစ်အေးခေတ်အတွင်း စစ်အာဏာသိမ်းပွဲနှစ်ကြိမ် (၁၉၅၈ နှင့် ၁၉၆၂) ဖြစ်ခဲ့သည်။ (၁၉၅၈)အာဏာသိမ်းပွဲမှာ အာဏာသိမ်းပွဲစစ်စစ် မဟုတ်၊ အာဏာကို အကျပ်ကိုင်တောင်းခြင်း ဖြစ်သည်။ ပါလီမန်နည်းနှင့်လည်းအာဏာလွှဲခဲ့ခြင်းဖြစ်၍ ပြည်ပမှ အမှတ်ထင်ထင်ရှိသူနည်းသည်။ တုံ့ပြန်မှုလည်း မရှိခဲ့။ အနောက်ကမ္ဘာက နေဝင်းအစိုးရအပေါ် မျှော်လင့်ချက်ပင်ထားခဲ့သည်။ ဦးနုမှာ “နုမူ”များချမှတ်ပြီး လက်ဝဲလမ်းစဉ်ဖြင့် ကစားခဲ့သူဖြစ်သည်။ ကြားနေရေးလုပ်ခဲ့သူ၊ တရုတ်နှင့်နီးစပ်ပြီး နယ်နိမိတ်ကိစ္စပြေ လည်အောင်လုပ်နေသူဖြစ်၍ ဦးနုထက် ဗိုလ်နေဝင်းအပေါ်မျှော်လင့်ချက်ထားသည်။ အာဏာသိမ်းစစ်အုပ်စုတွင် ဗိုလ်မောင်မောင်တို့လို အမေရိကန်နှင့်ပူးပေါင်းလိုသူများလည်းရှိနေသည်။ ဗိုလ်မောင်မောင်တို့သည် တရုတ်-ဗမာနယ်နိမိတ်သတ်မှတ်ရေးတွင် ဦးကျော်ငြိမ်းကဲ့သို့ တင်းမာသူများလည်းဖြစ်သည်။ ဦးနု၏ “တာတေစနေသား”စာအုပ်တွင်၊ ဦးကျော်ငြိမ်းက ဘုရင့်နောင်ခေတ် စည်းကြောင်းအတိုင်းသတ်မှတ်ရေးပြောကြောင်း၊ သူကပယ်ချကြောင်း ရေးသည်ကိုဖတ်ရသည်။ ဗိုလ်မောင်မောင်နှင့် စစ်ဗိုလ်တစုကလည်း ဦးကျော်ငြိမ်းလိုပင်ပြောကြသည်။ သူတို့ထဲကတယောက်က တရုတ်ကွန်မြူနစ်လိုချင်သမျှ ခင်ဗျားတို့ဗမာကွန်မြူနစ်တွေက တောင်းတိုင်းပေးလိုက်မှာပဲဟုဆိုသည်။ ဗမာပြည်ကွန်မြူနစ်များသည် ပြည်ချစ်ဝါဒအရာတွင် ဗိုလ်မောင်မောင်တို့ထက်သာပါသည်။ ထိုစဉ်က သူ့ဧည့်ရိပ်သာတွင် အမေရိကန်စစ်သံမှူးရှိနေပါသည်။ အမေရိကန်အကြိုက်ပြောခြင်း ဖြစ်ပါသည်။

“ဗမာက ဘုရင့်နောင်စည်းကြောင်းပြောလျှင် တရုတ်က ကူဗလိုင်ခန်စည်းကြောင်းပြောနိုင်သည်။ ထိုသို့ပြောနေလျှင် မည်သည့်အခါမျှ မပြီးနိုင်”ဟု ကွန်မြူနစ်များကတုံ့ပြန်ပါသည်။ မပြီးစီးလျှင် အမေရိကန်မုချဝင်မည်ဟုလည်း ပြောလိုက်ရသည်။ ဖီမော်၊ ဂေါ်လံ၊ ကန်ဖန် ကိစ္စနှင့်ပတ်သက်ပြီး ဦးဇန်ထားဆင်က သေနတ်ကိုင်ပြီးတိုက်မလိုလိုပြောခြင်းမှာ ဗိုလ်မောင်မောင်တို့အားကိုးနှင့်ပြောခြင်း ဖြစ်သည်။

ဦးနု၊ ဦးဗဆွေတို့လုပ်ထားသည်မှာ နယ်နိမိတ်သတ်မှတ်ရေးပြီးသလောက်ဖြစ်နေ၍ တကြောင်း၊ အာဏာသိမ်းစစ်အစိုးရစစ်စစ်မဟုတ်ဘဲ အိမ်စောင့်အစိုးရဖြစ်နေသဖြင့် ပြင်နိုင်သည့်အာဏာမရှိသောကြောင့်တကြောင်း၊ ဗိုလ်နေဝင်းက သမိုင်းတွင်မည့်အလုပ် လုပ်ခဲ့ချင်၍တကြောင်း လက်မှတ်ထိုးပွဲဖြစ်ခဲ့သည်။ နိုင်ငံတကာကစိတ်ဝင်စားသည်မှာ ဤကိစ္စသာရှိသည်။ နိုင်ငံတကာဆိုသည်မှာလည်း ဗမာပြည်အရေး စိတ်ဝင်စားသူအနည်းစုကိုဆိုလိုခြင်း ဖြစ်သည်။

(၁၉၆၂)ခုနှစ် ဒုတိယ စစ်အုပ်စုအာဏာသိမ်းပွဲတွင်လည်း နိုင်ငံတကာတုံ့ပြန်မှု မရှိပါ။ ကျူးဘားဒုံးပျံအရေးအခင်းတွင် စူပါပါဝါများအလုပ်များနေသည်။ အခြားသူများက တတိယကမ္ဘာစစ်ဖြစ်မည်လောဟု စိတ်စောနေကြသည်။ အိန္ဒိယနှင့်တရုတ်ကလည်း တိဗက်အရေး၊ နယ်စပ်အရေးဖြင့်အလုပ်ရှုပ်နေကြသည်။ အမေရိကန်ကလည်း ဒီမိုကရေစီနှင့်လူ့အခွင့်အရေးပြောသည့်ခေတ် မဟုတ်သေး။ တောင်ဗီယက်နမ်တွင် သွေးထွက်သံယိုအာဏာသ်ိမ်းပွဲလုပ်ရန်ကြံစည်နေသည်။ အာဏာသိမ်းပွဲတွေကိုအားပေးနေချိန် ဖြစ်သည်။ ပြဿနာမရှိ။ ဆိုဗီယက်ကလည်း နေဝင်းတို့က တရုတ်ပြည်ကိုရန်လုပ်၍ ကျေနပ်သည်။ မဆလခေတ်တွင် ဗမာပြည်အရေးပါဝင်လာသည့်လူသစ်မှာ မြောက်ကိုရီးယားဖြစ်သည်။ ပါတီချင်းသဝဏ်လွှာတွေပေးသည်အထိတက်လာပြီးမှ အာဇာနည်ဗိမာန်ဗုံးခွဲသည့်အရေးကြောင့် အဆက်ပြတ်သွားသည်။ ဗမာပြည်အရေးစိတ်ဝင်စားနေကျ ဂျပန်နှင့်လည်း ပုံမှန်ပင်ရှိခဲ့သည်။ “ဆိုရှယ်လစ်စနစ်တည်ဆောက်ရေး”လုပ်ရင်း ဂျပန်အပေါ် စီးပွားရေး၊ ဘဏ္ဍာရေးအရမှီခိုရမှု ကြီးလာသည်။ နိုင်ငံတကာက(အားလုံး မဟုတ်ပါ၊ အတော်များများက) စိတ်ဝင်စားသည့်အရေးမှာ LDC “ဖွံ့ဖြိုးမှု အနည်းဆုံးနိုင်ငံ”အဖြစ် လျှောက်လွှာတင်သောအခါဖြစ်သည်။ LDC ရသွားသောအခါ ပုံမှန်ပြန်ဖြစ်သွားပြန်သည်။ (၁၉၅၈)သည် လည်းကောင်း၊ (၁၉၆၂)သည်လည်းကောင်း နိုင်ငံတကာတွင် မည်သည့်ဂယက်မျှ မထခဲ့။ စစ်အေးခေတ်တွင် ဖြစ်ရိုးဖြစ်စဉ်မျှသာဟု သဘောထားကြသည်။ နဂိုကတည်းက ဗမာပြည်အရေးကိုစိတ်ဝင်စားသူက နည်းပါသည်။ ထိုင်း၊ မလေး၊ စင်္ကာပူ တို့ကလည်း “အနီဒီလှိုင်း” ကိုတားနေသည့် တံတိုင်းအဖြစ် ဗမာပြည်ကိုမြင်နေကြ၍၊ ဗမာပြည်စစ်အစိုးရကို စိတ်ချသည်။ ထိုင်းကတော့ မှောင်ခိုဈေးကွက် အပိုင်ရထား သဖြင့် သာ၍ကျေနပ်သည်။ မဆလအစိုးရကလည်း မှောင်ခိုစီးပွားရေးကို မဆလဆိုရှယ်လစ်စီးပွားရေး၏အထောက်အကူဟုသဘောထားပြီး ကျေနပ်သည်။ နှစ်ဘက်ကျေနပ်နေသဖြင့် နယ်စပ်မှလူမျိုးစုလက်နက်ကိုင်အင်အားစုများ မှောင်ခိုလမ်းတွင်ဂိတ်ဖွင့်ပြီး ဂိတ်ကြေးယူနေသည် ကို ဂရုမပြုပါ။ ပြဿနာလည်း မပေါ်ပါ။ နားလည်မှုအပြည့်ရှိကြပါသည်။