Wednesday, March 6, 2013

တိုင်းပြည်နှင့်ပြည်သူကိုအလုပ်အကျွေးပြုရေးအတွက် ပြည်ချစ်ဝါဒလမ်းစဉ် (၃)

0 comments
တိုင်းပြည်နှင့်ပြည်သူကိုအလုပ်အကျွေးပြုရေးအတွက် ပြည်ချစ်ဝါဒလမ်းစဉ် (၃)
(၁၉၅၈)ပထမစစ်အုပ်စု၊ (၁၉၆၂) ဒုတိယစစ်အုပ်စုလက်ထက်တွင် နိုင်ငံတကာတွင် ဂယက်မထ၊ အိမ်နီးချင်းနှင့်လည်းပြဿနာမပေါ်သည်မှာ စစ်အေးခေတ်ကမ္ဘာ့စနစ်ကြောင့် ဖြစ်ပါသည်။ အာဏာသိမ်းသည်ကို ဗွေမယူသည့်ခေတ်ဖြစ်ပါသည်။ စစ်တပ်ကအာဏာသိမ်း၊ လူသတ်တဲ့ကိစ္စမျိုး ငိုဒင်ဇင် (၁၉၆၃)၊ အာယန်ဒေး (၁၉၇၃)တို့အပေါ်လုပ်ခဲ့ပါသည်။ အာဏာသိမ်းပြီးထောင်ချသော ဗိုလ်နေဝင်းလုပ်ရပ်ကသိမ်မွေ့သည်ဟု သဘောထားပါလိမ့်မည်။ မဆလဆိုရှယ်လစ်တော်လှန်ရေးကိုလည်း ဟန်ပြအတုသာဖြစ်ကြောင်း အမေရိကန်သိပါလိမ့်မည်။ ဗီယက်နမ်စစ်တိုးချဲ့ရေးကအရေးကြီးနေ၍ ဗမာပြည်တွင်ဘာဖြစ်ဖြစ် ဂရုပြုမည်မဟုတ်ပါ။ တရုတ်ပြည်သို့ ကစ်ဆင်ဂျာ လျှို့ဝှက်ခရီး (၁၉၇၁)၊ နစ်ဆင်၏တရားဝင်ခရီး (၁၉၇၂)ပြီးသောအခါတွင်ကား ဗမာပြည်အရေးသည် အမေရိကန်အစီအစဉ်တွင် နောက်တန်းသို့ ရောက်သည်ထက် ရောက်သွားပါသည်။ (၁၉၈၈)တတိယအာဏာသိမ်းပွဲတွင်ကား ဗမာပြည်အရေး ရှေ့တန်းသို့ ပြန်ရောက်လာသည်။ စစ်အေးခေတ် မုချပြီးဆုံးတာ့မည့်အချိန်သို့ရောက်ခဲ့ပြီး၊ (၁၉၈၉)တွင် လုံးဝပြီးဆုံးသွားခဲ့သည်။ အမေရိကန်၏အစီအစဉ်တွင် ဗမာပြည်ကိစ္စကရှေ့တန်းရောက်လာသည်။ သူ၏စဉ်းစားမှုသည်လည်း (၁၈ဝ)ဒီဂရီလှည့်သွားသည်။ ဗမာပြည်စစ်အစိုးရကို တရုတ်နောက်လိုက်အဖြစ် ပုံဖော်တော့သည်။ ထိုင်း- ဗမာအရေးတွင် ထိုင်းနောက်က အမေရိကန်ကကူညီ၊ ဗမာပြည်စစ်အစိုးရနောက်တွင် တရုတ်ပြည်ကိုထားကာ ကြားခံကိုယ်စားလှယ်ဖြင့်တိုက်သောစစ် ဗမာပြည်ထဲတွင် နွှဲချင်သည်။ သို့သော် သူ့အကြံ လူသိတာသာအဖတ်တင်သည်။ စစ်တပွဲ မဖြစ်ခဲ့။ “ထိုင်း-ဗမာအရေး”မှာ ခါတော်မီဖန်တီးသည့် အရေးအခင်းဖြစ်သည်။ အမေရိကန်က ဝင်အသုံးချလိုခြင်းသာဖြစ်သည်။ စတင်ဖန်တီးသူ မဟုတ်ပေ။ စတင်ဖန်တီးသူမည်သူနည်း။  “NLD နဲ့ SPDC” အပေးအယူလုပ်စေ့စပ်သွားလျှင် တက်လမ်းပိတ်သွားမည်ကိုစိုးရိမ်သောစတုတ္ထမျိုးဆက်စစ်အုပ်စုအဖြစ် ထွက်လာချင်သူများဖြစ်သည်။“NLD နဲ့ SPDC” (တတိယမျိုးဆက် စစ်အုပ်စု) တို့က ဒီမိုကရေစီအခြေခံကိုချသွားခဲ့လျှင် စတုတ္ထမျိုးဆက် အတွက် စစ်အစိုးရတက်လုပ်ရန်အခွင့်အရေးပိတ်သွားမည်ကို စိုးရိမ်ကြသည်။ စတုတ္ထမျိုးဆက်စစ်အုပ်စုဝင်များ မည်သူတွေဖြစ်သနည်း။ တာဝန်ထမ်းဆောင်ဆဲ ထိပ်ပိုင်းစစ်ဗိုလ်ကြီးများဖြစ်ကြသည်ဟုသာပြောနိုင်သည်။ ထို့ထက်တိတိကျကျ မပြောနိုင်ပါ။ အဘယ်ကြောင့်ဆိုသော် ဤကိစ္စမျိုးသည် ကြုံကြိုက်တိုက်ဆိုင်မှုနှင့်ဆိုင်၍ ဖြစ်ပါသည်။
မဆလသာ(၁၉၇၄ - ၇၅)အုံကြွမှုကြောင့်ပြိုကျလျှင် ဗိုလ်စောမောင်၊ ဗိုလ်သန်းရွှေ၊ ဗိုလ်မောင်အေး၊ ဗိုလ်ခင်ညွန့်၊ ဗိုလ်တင်ဦး တယောက်မှ တတိယမျိုးဆက်စစ်အုပ်စုဝင် ဖြစ်မလာနိုင်ပါ။ ထိုစဉ်က သူတို့မှာ စစ်တပ်၏ထိပ်ပိုင်းမရောက်ကြသေးပါ။ (၁၉၈၈)ကျမှ မဆလပြို၍၊ သူတို့လည်း ထိပ်သီးများဖြစ်နေ၍ပါလာကြခြင်း ဖြစ်ပါသည်။ နောက်တခု အတိအကျနီးနီးပြောနိုင်သည်မှာ စတုတ္ထစစ်အုပ်စုသည်(၁၉၆၂)ဒုတိယ မျိုးဆက်စစ်အုပ်စုကဲ့သို့လုပ်မှရမည်ဟု ပြောနိုင်ပါသည်။ (၁၉၆၂) စစ်အုပ်စုတွင် ဗိုလ်နေဝင်းနှင့်ဗိုလ်အောင်ကြီးသာ ပထမမျိုးဆက်ထဲမှပါလာ ပါသည်။ ကျန်လူများ လူသစ်ဖြစ်ပါသည်။ ယခုလည်း တတိယစစ်အုပ်စု SPDC ထဲမှ တယောက်နှစ်ယောက် စတုတ္ထစစ်အုပ်စုတွင်ပါနေရ ပါလိမ့်မည်။ မည်သူတွေပါမည်နည်း။ ဗိုလ်နေဝင်းနေရာတက်လာမည့် (နံပါတ်ဝမ်း)တဦးဖြစ်ပါလိမ့်မည်။ နံပါတ်ဝမ်းကလည်း ဗိုလ်နေဝင်းလိုပင် အပြိုင်အဆိုင်များကို အပြတ်ရှင်းရပါလိမ့်မည်။ ဗိုလ်နေဝင်းလိုနိုင်ငံရေးအရင်းအနှီးနှင့် နိုင်ငံရေးအမှီမရှိသူများဖြစ်ကြ၍ စစ်တပ်တွင်း မီးသေရန် ခက်ပါလိမ့်မည်။ ခပ်စောစောကပင် ကွန်မြူနစ်များတွင် တိုင်းပြည်အတွက် စိုးရိမ်မှုတခုရှိဖူးပါသည်။ ထိုစိုးရိမ်မှုမှာ စစ်တပ်အာဏာသ်ိမ်းပွဲနှင့် တန်ပြန်အာဏာ သိမ်းပွဲများ၏ခေတ်၊ ဒေသန္တရစစ်ဘုရင်များခေတ် တခေတ်ပေါ်လာလေမလားဟုစိုးရိမ်ခြင်း ဖြစ်ပါသည်။ NLD ကို အပြီးအပိုင်ဖျက်သိမ်းလိုက်ပြီဟုလည်းကောင်း၊ (၁၉၉ဝ) ရွေးကောက်ပွဲမှာ SLORC နှင့် SPDC တို့ လုပ်ခဲ့ခြင်းဖြစ်၍ စတုတ္ထစစ်အုပ်စုကတာဝန်မယူဟုလည်းကောင်း ကြေညာကာ အာဏာသိမ်းမည်ကို စိုးရိမ်ခြင်းဖြစ်ပါသည်။
အတွေ့အကြုံများသော တစည စစ်ဗိုလ် (ငြိမ်း)များကမူ တိတိလင်းလင်းပင် ထိုသို့မလုပ်ရန် လျှို့ဝှက်မဟုတ်သော“လျှို့ဝှက်”ပးစာဖြင့် ကန့်ကွက်ထားပါသည်။ တစည စစ်ဗိုလ်(ငြိမ်း)များမှာ ဒုတိယမျိုးဆက်စစ်အုပ်စုဝင်များ ဖြစ်ပါသည်။ သူတို့က တပ်ပြိုကွဲလိမ့်မည်ဟု ဟောကိန်းထုတ်ပါသည်။
ပ နှင့် ဒု စစ်အုပ်စုမျိုးဆက် ဗိုလ်အောင်ကြီးကလည်း တပ်အခြေအနေမကောင်းကြောင်း အမေရိကန်ထွက်ပြီး ပြောထားပါသည်။ သူတို့သည် ဤကဲ့သို့သောစကားကို အချက်အလက်မရှိဘဲပြောကြမည် မဟုတ်ပါ။ သို့သော် တတိယစစ်အုပ်စုက ဗိုလ်အောင်ကြီး၊ ဗိုလ်သာကျော်တို့ မနာလို၍ပြောခြင်းဖြစ်သည်ဟု ထင်ပုံရသည်။ သူတို့လက်ထက်ကမလုပ်နိုင်ခဲ့တာတွေ တို့ SLORC နှင့် SPDC က လုပ်နိုင်လို့မနာလိုတာပဲဟု ထင်ရန်အကြောင်းရှိပါသည်။
(၁၉၈၈)ခုနှစ်တွင် အာဏာသိမ်းခဲ့သူများ (၁၉၈၉)တွင် စစ်အေးခေတ်ကုန်ဆုံးခြင်းနှင့်တိုးပါသည်။ ထိုအခါတွင် စစ်အေးခေတ်ပြီးဆုံးခြင်း၏အကျိုးကျေးဇူးကို အလိုအလျောက်ခံစားရပါသည်။ “ငိမ်းအဖွဲ့”ဟူသည်များအလျှိုအလျှိုပေါ်ပါသည်။ အကျိုးကျေးဇူးနှင့်အတူ အန္တရာယ်လည်း ကပ်ပါခဲ့သည်ကိုတော့ သူတို့စစ်အုပ်စု သိခဲ့ပုံမပေါ်ပါ။ အန္တရာယ်ကား စစ်အေးခေတ်တွင်အနိုင်ရလိုက်ပြီဟုထင်ယောင်မှားနေသောအမေရိကန်နှင့် ထိပ်တိုက်တိုးရခြင်းဖြစ်သည်။
စစ်အေးခေတ်အတွင်းက တရုတ်ပြည်မှာ အမေရိကန်နှင့်လက်တွဲဖက် ဖြစ်ခဲ့သည်။ (၁၉၇၁ - ၇၂)တို့တွင် ကစ်ဆင်ဂျာ၊ နစ်ဆင်တို့ခရီးမှ စခဲ့ခြင်းဖြစ်သည်။ ဤသည်မှာ တရုတ်ကွန်မြူနစ်တို့က “တရုတ်ပြည်ချစ်ဝါဒ”အရ လုပ်လိုက်ခြင်းဖြစ်သည်။ (၁၉၈၉)ရောက်သောအခါ ဆိုဗီယက်နှင့်အရှေ့ဥရောပတို့ပြိုကွဲသကဲ့သို့ တရုတ်ပြည်က မပြိုကွဲခဲ့။ မူကြီး (၄)ချက်အပေါ် ကြံ့ကြံ့ခိုင်ရပ်တည်နေသည်။ မူကြီး (၄)ချက်မှာ - ဆိုရှယ်လစ်လမ်းကြောင်းအတိုင်းချီတက်ရေး၊ ပြည်သူ့ဒီမိုကရေစီအာဏာရှင်စနစ်ကျင့်သုံးရေး၊ ကွန်မြူနစ်ပါတီခေါင်းဆောင်မှုကို ထိန်းသိမ်းရေးနှင့် မာ့က်စ်ဝါဒ၊ လီနင်ဝါဒ၊ မော်စီတုန်းအတွေးအခေါ်စွဲကိုင်ရေးတို့ ဖြစ်သည်။
ကွန်မြူနစ်ဝါဒအပေါ် အနိုင်ရလိုက်ပြီဟုအထင်ရောက်နေသောအမေရိကန်အတွက် ဤမူကီး (၄)ချက်က မခံချိမခံသာဖြစ်စေသည်။ ကလင်တန်လက်ထက်ကချမှတ်ခဲ့သည်များကို ဘုရ်ှက ပျော့သည်ဟုထင်လာသည်။ သေနင်္ဂဗျူဟာပြိုင်ဘက်ဟု ပြောလာသည်။ ထိုင်း-ဗမာ အရေးကိုအကြောင်းပြကာ ဗမာပြည်ကိုကြားခံထား၍ တရုတ်နှင့်အားစမ်းသောစစ်ပွဲတပွဲ အမေရိကန်ကနွှဲလိုက်ချင်သည်။ သို့သော် တရုတ်ပြည်က အမြော်အမြင်ရှိစွာဖြင့် ထိုင်း-ဗမာ အရေးကို ပြေလည်ရာပြေလည်ကြောင်း ဖျောင်းဖျသည်။ ဤသို့ဖြင့် ပြဿနာပြေလည် သွားဟန်ရှိသည်။ မကြာမီက ထိုင်းဝန်ကြီးချုပ်၏ဗမာပြည်ခရီးစဉ် ပေါ်လာသည်။ သို့သော် ထာဝရပြေလည်ရန် အတော်ကြာကြာလုပ်ရလိမ့်မည်။
ထိုင်းရော ဗမာပါ နှစ်ဘက်တွင် စစ်အုပ်စုများရှိနေသည်။ ဗမာပြည်တွင် စစ်အုပ်စုကအာဏာရနေသည်။ သို့သော် စစ်အုပ်စု၏သက်တမ်းက ကုန်ဆုံးရတော့မည်။ ယာယီပါဟုပြောပြီးအာဏာယူခဲ့သည်မှာ မဆလ စစ်အုပ်စု၏သက်တမ်း (၂၆) နှစ်၏တဝက် ရှိနေပြီ။ မာရသွန် ကြိတ်ဝိုင်းစကားပြောခြင်းကလည်း မပြီးသေး။
စတုတ္ထစစ်အုပ်စုလောင်းလျာများကလည်း NLD ကို အလျှော့ပေးပြီး ပြေလည်သွားလျှင် သူတို့အလှည့် (အစိုးရလုပ်ဖို့အလှည့်)မရလိုက်မှာ စိုးရိမ်သည်။ ပြဿနာမကြီးကြီးအောင်ချဲ့သာအမေရိကန်ကလည်း ရှိနေသည်။ မပြီးဆုံးသေးသော ထိုင်း-ဗမာအုပ်စိုးသူချင်းပဋိပက္ခက ရှိနေဆဲဖြစ်သည်။ စစ်အစိုးရနှင့်နားလည်မှုရထားသော “ငြိမ်းအဖွဲ့” နှင့် စစ်အစိုးရ၏ကာကွယ်ရေးခွန်ဆာအဖွဲ့မှ လက်ကျန်အင်အားစုတို့၏ ‘ဘိန်းစစ်ပွဲ’ကလည်း တငွေ့ငွေ့လောင်နေဆဲ။ ထို့ကြောင့် ဗမာပြည်ပြည်သူများအနေနှင့် သတိရှိရပါမည်။ အချိန်မရွေး ထပ်၍ ရန်ဖြစ်နိုင်ပါသည်။ တိုင်းပြည်အတွက်အကျိုးမဲ့သောစစ်ကို ကွန်မြူနစ်တို့ မည်သည့်အခါမျှတိုက်မည်မဟုတ်။ တိုင်းပြည်အကျိုးအတွက်တိုက်ဖို့လိုလျှင် လည်း မည်မျှအင်အားကြီးသောရန်သူကိုဖြစ်စေ တိုက်မည်။ ဤကား ကွန်မြူနစ်တို့၏ “ပြည်ချစ်ဝါဒ”ဖြစ်သည်။ တတိယစစ်အုပ်စု SLORC နှင့် SPDC သည် သူတို့လက်ထက်တွင် ငြိမ်းချမ်းရေးရပြီဟု ဝါဒဖြန့်သည်။ သို့သော် တကယ့်ငြိမ်းချမ်းရေးမဟုတ်ကြောင်း သူတို့လည်းသိ၊ တတိုင်းပြည်လုံးလည်းသိသည်။ ကြခတ်ဝိုင်းဆရာတော်ကလည်း သိသည်။ ထို့ကြောင့် မေတ္တာရပ်ခံချက်သြဝါဒထုတ်ပြန်ခြင်း ဖြစ်သည်။
ထိုင်း-ဗမာအရေး ပြင်းထန်ဆဲကာလက နယ်စပ်တွင် သူတို့သြဇာမရှိပါဟုစစ်အစိုးရကဝန်ခံခြင်းမှာ ထိုင်းကိုလိမ်ညာလို၍မဟုတ်၊ အမှန်သြဇာမရှိ၍ ဖြစ်သည်။
“ငြိမ်းအဖွဲ့”များအားလုံး နိုင်ငံရေးစကားတခါမျှ စစ်အစိုးရနှင့်မပြောရသေးပါ။ စစ်အစိုးရနှင့်သာမပြောရခြင်းမဟုတ် သူတို့ချင်းပင် ဆွေးနွေးပြီး နိုင်ငံရေးသဘောပါသောကြေညာချက် ထုတ်ခွင့်မပေး၊ ထုတ်လျှင် ချက်ချင်းတားဆီးခံရသည်။ CRPP ကိစ္စတွင် သဘောထားပေးမိ၍ နောက် မလုပ်ဖို့ ပြင်းပြင်းထန်ထန်ခြိမ်းခြောက်ကာတားမြစ်သည်။ NLD-SPDC စကားပြောပွဲအကြောင်း ပူးတွဲကြေညာချက်ထုတ်သောအခါ နောင်မထုတ်ဖို့ တားမြစ်သည်။ ပြောစရာရှိလျှင် စစ်အစိုးရထံသာစာရေးရမည်ဟု ဆိုသည်။ သူတို့ “ငြိမ်းအဖွဲ့”များလုပ်နိုင်သည်မှာ စီးပွားရေးတချို့ပဲ ဖြစ်သည်။ ဒါလည်း အကန့်အသတ်မဲ့ မဟုတ်။ တချို့စီးပွားရေးလုပ်ငန်းများမှာ နာမည်ခံထားရခြင်းသာဖြစ်သည်။ ကွန်မြူနစ်ပါတီက ရဲဘော်ဟာင်း၊ မိတ်ဆွေဟောင်းများ နိုင်ငံရေးစကားပြောခွင့် ရစေချင်သည်။ ခြေလှမ်းသုံးလှမ်းပေါ်လစီတွင် ဒုတိယခြေလှမ်းအဖြစ် ရဲဘော်ဟောင်း၊ မိတ်ဆွေဟောင်းများပွဲထွက်ရန် စင်မြင့်ထိုးပေးနေခြင်းဖြစ်သည်။
ပထမခြေလှမ်းတွင် တရားဝင်အကြံပေးအဖွဲ့အဖြစ် ဗိုလ်မှူးအောင်နှင့်လုပ်ဖော်ကိုင်ဖက်များကိုထားရန် အကြံပြုခဲ့သည်။ ဗိုလ်မှူးအောင်နှင့်လုပ်ဖော်ကိုင်ဖက်များမှာ နိုင်ငံရေးပါတီများမှဖြစ်သည်။ နိုင်ငံရေးအကြံကောင်းများပေးနိုင်မည်ဟု မျှော်လင့်ပါသည်။ တစညသည်လည်း ဆန္ဒရှိလျှင် အကြံပေးအဖွဲ့တွင် ပါသင့်သည်။ ဗိုလ်အောင်ကြီးလည်း ပါသင့်သည်။ အသက်ကြီး၍ စစ်တန်းလျားပြန်မသွားနိုင်သောSLORC, SPDC အဖွဲ့ဝင်များသည်လည်း စစ်တပ်မှအနားယူပြီးလျှင် ဆန္ဒလည်းရှိပါက အကြံပေးအဖွဲ့ဝင်လုပ်သင့်သည်။ အကြံပေးအဖွဲ့တွင် များများပါနိုင်လေကောင်းလေ ဖြစ်၏။
အာဏာပိုင်ဖြစ်သည့် အစိုးရအဖွဲ့၊ လွှတ်တော်တို့တွင်ကား ပြည်သူကရွေးကောက်သူများသာ ပါသင့်ပါသည်။ စစ်တပ်က ၂၅% ဖြစ်စေ၊ ၁ဝ% ဖြစ်စေ မယူသင့်ပါ။ ရာနှုန်းပြည့် ပြည်သူကရွေးကောက်သူများသာ ပါသင့်သည်။
ခြေလှမ်းသုံးလှမ်းတွင် ပထမခြေလှမ်းတွင် ဒီမိုကရေစီအခြေခံရ၊ ဒုတိယခြေလှမ်းတွင် တန်းတူသွေးစည်းသောပြည်ထောင်စုအခြေခံ၏အစပြု မှုကိုရပြီး၊ တတိယခြေလှမ်းတွင် အမျိုးသားညီညွတ်ရေးနှင့် ပြည်ထောင်စုစစ်စစ်ဖော်ထုတ်ရေးအတွက်မူများရလိမ့်မည်ဟု မျှော်လင့်ပါသည်။ (၂၁)ရာစုကိုတိုးဝင်ရာတွင် စစ်အာဏာရှင်စနစ်ပုံစံဖြင့်တိုးဝင်လျှင် အန္တရာယ်များလှပါသည်။ စစ်အေးခေတ်နှင့်မတူတော့သည်ကို သတိပြုသင့်ကြပါသည်။ စစ်အေးလွန်ခေတ်၏ပျားရည်ဆမ်းအချိန်လည်း ကုန်ခဲ့ပါပြီ။ မလည်ရှုပ်လုပ်ကြလျှင် ကြားညှပ်ခံရပါလိမ့်မည်။ ခြေလှမ်းသုံးလှမ်းပေါ်လစီသည် အနှစ်သာရရှိသောသုံးပွင့်ဆိုင်ဖြစ်ရေးကို ဦးတည်ချက်ထားပါသည်။ အနှစ်သာရမဲ့သောသုံးပွင့်ဆိုင်သည် အတုအယောင်သုံးပွင့်ဆိုင်သာဖြစ်မည်ကို သတိပြုသင့်ပါသည်။ ပင်လုံအစည်းအဝေးပွဲမျိုးလုပ်ရေး ပြောကြသံကြားရပါသည်။ (၁၉၄၇)က ပင်လုံမှာ ဗမာပြည်လွတ်လပ်ရေးရရန်သေချာနေသောအချိန်၊ အာဏာပိုင်အင်္ဂလိပ်များ မုချထွက်သွားတော့မည့်အခြေအနေတွင်ကျင်းပခြင်း ဖြစ်ပါသည်။ (အိန္ဒိယကိုလက်လွှတ်ရလျှင် အိန္ဒိယအရှေ့ဘက်ကို ထိန်းမထားနိုင်ပါ) အစည်းအဝေးတက်သူများမှာ ဗမာပြည်ပြည်မတွင် အာဏာရနေသောဗိုလ်အောင်ဆန်း ဖြစ်ပါသည်။ ရှမ်းပြည်မှတက်သူများကလည်း အာဏာရှိစော်ဘွားများဖြစ်ပါသည်။ (ပြည်သူများအနည်း အကျဉ်းပါပါသည်) ကချင်၊ ချင်းတို့မှတက်သူများလည်း ဒူးဝါးများ၊ တောင်ပိုင်များဖြစ်ပါသည်။ ခြုံ၍ကြည့်လျှင် အာဏာရှိသူများ၏ အစည်းအဝေးဖြစ်ပါသည်။ ဗိုလ်အောင်ဆန်းတွင်လည်း နိုင်ဖဲရှိပါသည်။ လွတ်လပ်သောပြည်ထောင်စုမြန်မာနိုင်ငံ၏သမ္မတ၊ နိုင်ငံခြားရေးဝန်ကြီး၊ ပြည်နယ်ဥက္ကဌနေရာများပေးနိုင်သောအာဏာ ရှိနေပါသည်။ ဗိုလ်အောင်ဆန်းကိုယ်တိုင် မပေးလိုက်ရသော်လည်း ဦးနုက ပေးပါသည်။ ယူလည်းယူကြပါသည်။
ယခုကျင်းပလျှင် အာဏာပိုင်ကစစ်အစိုးရတဦးတည်း ဖြစ်ပါလိမ့်မည်။ NLD လည်း အာဏာမဲ့၊ လူမျိုးစုများလည်းအာဏာမဲ့ဖြစ်ပါသည်။ လူမျိုးစုကိုကိုယ်စားပြုသူများလည်း အလွန်များပါလိမ့်မည်။ ဥပမာ ကချင်လူမျိုးကိုယ်စားပြုသူအဖြစ်တက်မည်ဆိုလျှင် ကချင် “ငြိမ်းအဖွဲ့” သုံးဖွဲ့ရှိသည်။ မြို့ပေါ်တွင် ကချင်အဖွဲ့များရှိသေးသည်။ (၁၉၄၇)တုန်းကကဲ့သို့ ဆမားဒူးဝါးတို့လို မဟုတ်နိုင်ပါ။ အခြားလူမျိုးများလည်း ထိုနည်းအတိုင်းပင် ဖြစ်ပါသည်။ လူမျိုးလိုက်ကိုယ်စားပြုတက်မည့်သူများပြားသည့်အပြင် အားလုံးကလည်း အာဏာမဲ့များဖြစ်ပါသည်။ ထို့ကြောင့် သုံးပွင့်ဆိုင်ကို အနှစ်သာရရှိရှိကျင်းပနိုင်ရန် အာဏာပြဿနာကိုစတင်၍ကိုင်ကြရမည်ဟု ကွန်မြူနစ်များကထင်ပါသည်။ အာဏာပြဿနာကိုပြောခွင့်ရှိသူမှာ NLD သာ ဖြစ်ပါသည်။ အနည်းဆုံးအားဖြင့် NLD သည် အာဏာအဝန်းအဝိုင်းတွင်း ရှိနေရပါမည်။ လုံးဝအာဏာရနေလျှင် အကောင်းဆုံးဖြစ်ပါသည်။
လူမျိုးစုများတွင် ဗမာလူမျိုးနှင့်ပတ်သက်သည့် သဘာဝကျသောအစွဲအလမ်းရှိကြပါသည်။ မည်မျှပင် သဘာဝကျပါစေ၊ အစွဲအလမ်းနှင့် နိုင်ငံရေး(သို့မဟုတ်)တော်လှန်ရေးလုပ်လျှင် ပြည့်စုံမည်မဟုတ်ပါ။ မှားသွားခြင်းတောင် ဖြစ်နိုင်ပါသည်။ အစွဲအလမ်းမှာ ဗမာတွေချင်းရန်ဖြစ်နေခိုက် သုံးပွင့်ဆိုင်လျှင် လူမျိုးစုများအတွက် ကြိုက်ဈေးရနိုင်သည်ဟုထင်ခြင်း ဖြစ်ပါသည်။ သုံးပွင့်ဆိုင်၏အခြေခံမှာ ဆွေးနွေးရေးဖစ်ပါသည်။ စစ်တိုက်ရေး မဟုတ်ပါ။ စစ်တိုက်လျှင် ထိုနည်းလမ်းအသုံးဝင်ချင်ဝင်မည်ဖြစ်သော်လည်း နိုင်ငံရေးဆွေးနွေးလျှင် အသုံးမတည့်ပါ။ စစ်အစိုးရက တဦးတည်းအာဏာကိုင်ထားလျှင် အတုပေါင်းမြောက်မြားစွာလုပ်နိုင်ပါသည်။ အမျိုးသားညီလာခံအတု၊ ပါတီစုံအတုအပြင် သုံးပွင့်ဆိုင်အတုတခု ထပ်မံပေါ်ခြင်းသာဖြစ်ပါလိမ့်မည်။
ငါ့ရန်သူရဲ့ရန်သူဟာ ငါ့မိတ်ဆွေဆိုသည်မှာလည်း စစ်ရေးပုံသေနည်းဖြစ်ပါသည်။ နိုင်ငံရေးတွင်သုံးမိပါက အလွန်မှားသွားနိုင်ပါသည်။ အင်္ဂလိပ်နှင့် ဖဆပလရန်ဖြစ်နေတုန်းက တမျိုး၊ ဖဆပလနှင့်အင်္ဂလိပ် ပေါင်းသွားသောအခါတမျိုး ဖြစ်တတ်ပါသည်။ မိမိတွင် ရည်မှန်းချက်ပန်းတိုင်မရှိသလို ဖြစ်တတ်ပါသည်။

0 comments:

Post a Comment