"စိတ်ပျက်တေးသံ"
ကြိုးစားထားခဲ့တာတွေကို
အငြိုးထားခဲ့လသလား ။
ကြေကွဲမှုတစ်စုံတစ်ရာ
နာကြည်းမှုအထိုက်အလျောက်
ပေါက်ကွဲမှုအပြည့်အ၀
လျာထားချက်တွေက တိကျလွန်းပြန်တယ် ။
ကုက္ကိုရွက်ကြွေတွေ တဖွဲဖွဲ
နေ့ရက်တွေပြန့်ကြဲသွားကြ
ဘယ်တော့များမှလဲ ....
ဘယ်တော့များမှလဲ .. တဲ့။
နေပူပူကွင်းပြင်ထဲ
ကိုယ့်ကိုယ်ကိုတံလှပ်လို့ထင်မိသူပါ
လောကဓါတ်ရှုခင်းကို
သက်ပြင်းတစ်ပုဒ်နဲ့တုန့်ပြန်ဖို့
အသံကိုသွန်ချမိပြန်ပေါ့။
(ကြည်မောင်သန်း)
ဧပြီ ၂၀၀၁ ၊ Fashion Image Magazine
0 comments:
Post a Comment