သတ်သေခြင်း(ကဗျာဘာသာပြန် ကိုကိုသက်)

သတ်သေခြင်း

(ကဗျာဘာသာပြန် ကိုကိုသက်)

ငါ့ခန္ဓာကိုယ်ထဲမှာ မျိုးဆက်နှစ်ဆယ်ရှိခဲ့တယ်။

အနည်းဆုံး။

ဘာကြောင့်လဲတော့မသိ။

မနက်တုန်းက

ပြတင်းပေါက်ပွင့်နေလို့များလား မပြောတတ်

ငါတို့ထဲကတစ်ယောက်

အပေါ်ဆုံးထပ်က ခုန်ချသွားတယ်။

သူပြီးတော့

တစ်ယောက်ပြီးတစ်ယောက်

ငါတို့တွေတစ်ယောက်မကျန် 

ဒိုင်ဗင်ထိုးစင်ပေါ်ကခုန်ချသလို ခုန်ချနေလိုက်ကြတာ

သံကြိုးတွဲလိုက်ကြီးလို

အစုလိုက်အပြုံလိုက်သတ်သေတတ်တဲ့ ကြွက်တွေလို။

နာရီဝက်လောက်ကြာတော့

မိမွေးတိုင်းဖမွေးတိုင်း ငါ..ကိုယ်တုံးလုံး။

အများယောင်လို့လိုက်ယောင်ရတာကို

ရှက်ရှက်နဲ့ ငါလည်းခုန်ချလိုက်တယ်။

တိုက်အမြင့်လေးထပ်နားလောက်မှာ

ငါအသက်ထွက်သွားပုံရတယ်။

နှစ်ထပ်တောင်မရောက်သေးဘူး

ငါ့အကြောင်းလူတွေစကားထဲထည့်မပြောတော့။

ဒါမင်းကို

ဖြတ်သွားဖြတ်လာ တစ်ယောက်ကပြောပြနေတာ။

သူလည်း ငါတို့ထဲကတစ်ယောက်ပဲ။

နှင်းဆီနံ့ရလို့ထွက်ကြည့်တာတဲ့။

(ကဗျာသရုပ်ဖေါ် အနုပညာ ပန်းချီထိန်လင်း)

(မူရင်းကဗျာက) Romania နိုင်ငံသား ကဗျာဆရာ  Marin Sorescu (1936-1996) ၏ Suicide

(ကဗျာတင်ထားတာက) http://www.kaungkin.com/index.php?option=com_content&view=article&id=654:poem&catid=34:2009-04-17-00-31-18&Itemid=77