ဝံသာနုခေတ်(ရေးသူ- လူထုဒေါ်အမာ)

ဝံသာနုခေတ်(ရေးသူ- လူထုဒေါ်အမာ)

အမေတို့ ငယ်ငယ်တုန်းက- တို့အဖေက မြန်မာ ဘိလပ်ရည်စက်မှာ မန်နေဂျာလုပ်တယ်။
သူများက `အမာရေ- ညည်းအဖေက ဘာလုပ်တာလဲ´လို့မေးရင် `ဘိလပ်ရည်စက်က မန်နေဂျာရှင့်´လို့ လူကြီးတွေက ပြောပြထားတဲ့ အတိုင်း ပြန်ဖြေတာပဲ။

အမေတို့အိမ်နားက ကိုစံဝင်းဆိုတဲ့လူကြီးတစ်ယောက် ရှိတယ်။သူက အမေ့ကို သိပ်စ'တာ။ `ညည်းအဖေက ဘိလပ်ရည်စက်ကမန်နေဂျာ မဟုတ်ပါဘူး၊ ဘိလပ်ရည်စက်မှာ တန်ကားမောင်းတာပါ´တဲ့။ တန်ကားဆိုတာ ဘိလပ်ရည်ပုလင်းတွေတင်ပြီး မြို့ပေါ်ကဆိုင်တကာ လည်ပို့တဲ့ လေးဘီးတပ် မြင်းတစ်ကောင်ဆွဲတဲ့ ကုန်တင်ယာဉ်ပေ့ါ။ ကျောက်လမ်းပေါ်မှာဆို တဂျောင်းဂျောင်းနဲ့။ ဟိုတုန်းက ကတ္တရာစေးလမ်း မရှိသေးဘူး။ ကိုစံဝင်းက အဲသလိုပြောရင်အမေကသိပ်စိတ်ဆိုးတာ။

`မဟုတ်ပါဘူး၊ မဟုတ်ပါဘူး´ နဲ့ ငြင်းတာပဲ။ ကိုစံဝင်းကလည်း `ဟုတ်ပါတယ်- ညည်း မသိလို့ပါ၊ ငါ ပြောပြမယ်၊မနက် မနက် အိမ်ကသွားရင် ဘိလပ်ရည်စက်ရောက်တော့ စက်နောက်ဖေးကဝင်းထဲမှာချည်ထားတဲ့ မြင်းကြီးကို တန်ကားမှာတပ်ပြီး၊ တန်ကားကို ဘိလပ်ရည်စက်ရှေ့ မောင်းလာရော၊ ပြီးတော့ ဘိလပ်ရည်ပုလင်းတွေတင်ရော၊ ငါ မြင်နေတာပဲ´ တဲ့။ ကိုစံဝင်း ဒီလိုပြောတော့ ကိုယ့်စိတ်ထဲ ဇဝေဇဝါတွေ ဖြစ်ကုန်တာပေါ့။ နို့ပေမယ့် အမေတို့ကပြောတာက မန်နေဂျာပဲ။ မန်နေဂျာဆိုတာ လူကြီးပါဆိုပြီး ကိုစံဝင်းကိုငြင်းတာပဲ။ ကိုစံဝင်းကလည်း ဆက်ဆက်ပြီး စ'တာပဲ။ ကြာတော့ သူ့ကို နိုင်အောင် မပြောနိုင်လို့ ဆွဲဆိတ်၊ လက်သီးနဲ့ထု။ တခါတလေလည်း ကိုစံဝင်းဆီက ငိုပြီး ပြန်ခဲ့ရတယ်။ တကယ်ကတော့ ကိုစံဝင်းကအဖေတို့ ဘိလပ်ရည်စက်မှာ တန်ကားမောင်းတာပါ။ အမေ့ကိုကလေးမို့ သူက တမင် စ'တာ။

အမေတို့မန္တလေးမှာ အဲဒီခေတ်တုန်းက ဘိလပ်ရည်ခေါ်တဲ့သောက်စရာ အချိုရည်လုပ်ငန်းကို DAVID & EZRA Bros:ဒေးဗစ်နဲ့အီဇရာ ဘရားသားဆိုတဲ့ကုမ္ပဏီကြီးက တစ်ဦးတည်းလက်ဝါးကြီးအုပ် လုပ်ကိုင်ပါတယ်။ သူ့ခေတ်နဲ့သူ့အခါ သူတို့ဘိလပ်ရည်စက်လုပ်ငန်းဟာ အလွန်ကြီးပါတယ်။

သူတို့ ဘိလပ်ရည်စက်ကို ၁၉ဝ၄ ခုနှစ်က စတည်ထောင်တာတဲ့။ မန္တလေးမှာ ဓာတ်ရထားပြေးတာနဲ့ တစ်နှစ်တည်းပေါ့။ စက်ကြီးတစ်ခုလုံး ဘိလပ်ရည်ပုလင်း ဆေးတာ၊ အရည်သွတ်တာက အစ အားလုံး လျှပ်စစ်နဲ့ချည်း လည်ပတ်လုပ်ကိုင်တဲ့ စက်ကြီးပေါ့။ စက်ကလည်း အလွန်ခေတ်မီသတဲ့။ ဘိလပ်က နောက်ဆုံး မှာတာတဲ့။ ကျန်းမာရေးအတွက် အိုးတွေခွက်တွေက အားလုံး ငွေရည်သုတ်အိုးခွက်တွေ။ ပုလင်းဆေးတာလည်း စက်နဲ့ဆေးတာ။ တစ်နေ့တစ်နေ့ကို ဘိလပ်ရည် ပုလင်း ဒါဇင် ၅ဝဝ ကျတယ်။ အလုပ်သမားလူ ၂ဝ နဲ့ ထုတ်လုပ်တဲ့ စက်ကြီးတဲ့။ ဟိုလွန်ခဲ့တဲ့နှစ်ပေါင်း ၉ဝ ကအနေအထားလေ။

အဲဒီတော့ ဘိလပ်ရည်ဆိုတာကို အင်္ဂလိပ်ဝင်လာမှ သောက်ဖူးသူများအဖို့က အလွန် အထင်ကြီးစရာ၊ စမ်းသောက် မြည်းသောက် ကြည့်ချင်စရာ၊ ဒါ သောက်တတ်မှ ခေတ်မီအထက်တန်းကျတယ်လို့ ထင်စရာကြီး ဖြစ်နေတာပေါ့။ ဒီဘိလပ်ရည်ကို မြန်မာတွေကလည်း သောက်ကြည့်တော့ တော်တော်ကြိုက်လာကြပြီ။

အမေတို့ သိပ်ငယ်ငယ်က အခြေအနေကို ပြောပြဦးမယ်နော်- တို့ အထက်မြန်မာနိုင်ငံက ရှင်ဘုရင်ပါတော်မူသွားပြီး သူ့ကျွန် ဖြစ်လာရတဲ့ အချိန်မှာ ဗြိတိသျှအစိုးရက ကျွန်းသစ် အရောင်းအဝယ်၊ စပါး အရောင်းအဝယ်၊ ရေနံလုပ်ငန်း စတဲ့ စီးပွားရေးလုပ်ငန်း အကြီးစားကြီးတွေကို သူတို့လူမျိုး လုပ်ငန်းရှင်တွေလက်ထဲရောက်စေပြီးတဲ့နောက် အရောင်းအဝယ်လုပ်ငန်း အလတ်စားနဲ့ အငယ်စား စီးပွားရေးတွေကို သူတို့က မလုပ်တော့ဘဲ စီးပွားရေးတံခါးကြီး ကျယ်ကျယ်ဖွင့်ပေးလိုက်တော့ အရင်းအနှီးသိပ်ရှိပြီး အဆက်အသွယ်ကောင်းကြတဲ့ လူမျိုးခြားတွေက ဝင်လာပြီး အားလုံး ဝင်လုပ်ကြတာပေါ့။

အမေတို့နိုင်ငံက လူဦးရေတွေသိပ်များတဲ့ နိုင်ငံကြီး ၂ ခုကြားမှာရှိတဲ့ နိုင်ငံငယ်မဟုတ်လား။ အဲဒီတော့ ဒီ နှစ်နိုင်ငံက စီးပွားရေးသမားတွေက တို့နိုင်ငံထဲ တိုးဝင်လာကြတာပေါ့။

ပြီးခဲ့တဲ့အပတ်တုန်းက လုပ်ခဈေးပေါပေါနဲ့ အောက်တန်းစားအလုပ်ကြမ်းအမျိုးမျိုးကို အိန္ဒိယက လာလုပ်တဲ့ အလုပ်သမားကော်ရင်ဂျီတွေ အကြောင်းရေးခဲ့ပြီ၊ ဒီအပတ် အထက်တန်းအလုပ်အကိုင်တွေမှာ လူမျိုးခြားတွေလုပ်ကြတာကို ရေးဦးမယ်လေ။ အမေတို့ရဲ့ အနောက်ဘက်မှာ ကပ်နေတဲ့ပြည်နယ်က ဘင်္ဂလားလို့ခေါ်တဲ့ BENGAL ဘင်ဂေါလ်က ဘန်ဂါလီလူမျိုးကဆိုရင် အမေတို့နိုင်ငံက ရုံးအသီးသီးမှာလုပ်ရတဲ့ စာရေးစာချီအလုပ်တွေထဲမှာ သူတို့အများကြီး ဝင်လုပ်နေကြတာပဲ။ သူတို့က အင်္ဂလိပ်စာတတ်တွေ။ ဟိုတုန်းက မီးရထားဌာနကြီးထဲမှာဆိုရင် မြန်မာက သိပ်နည်းတာ။ မီးရထားဌာနကို ဘန်ဂါလီလူမျိုးတွေ အုပ်စီးထားတယ်လို့တောင်ပြောရမတတ်ပဲ။

ပြီးတော့ ရွှေ၊ စိန်စတဲ့ အရင်းအနှီးကြီးတဲ့ အရောင်းအဝယ်လုပ်ငန်း၊ အထည်အလိပ်စတဲ့ အရောင်းအဝယ်လုပ်ငန်းတွေကိုတော့ မာရဝါရီ ကုလားသူဋ္ဌေးတွေက လုပ်ကိုင်ကြတယ်။ မြန်မာတွေက သူတို့လက်ဝေခံလက်လီဆိုင်လောက် အနည်းအပါး ရှိတာ။ သွင်းကုန်လုပ်ငန်း ကြီးရော၊ လက္ကား အရောင်းအဝယ်ကြီးမှာရော သူတို့ချည်း လုပ်ကြတာပဲ။

အမေတို့ ဧရာဝတီတို့၊ သံလွင်တို့၊ ချင်းတွင်းတို့ဆိုတဲ့ မြစ်ကြောင်းနဲ့ ပင်လယ်ကမ်းရိုးတန်းကို သင်္ဘောသွားလာတဲ့လုပ်ငန်းကြီးကို ၁၈၆၅ ခုက စတည်ထောင်တဲ့ ဧရာဝတီဖလုပ်တီလာ ကုမ္ပဏီဆိုတာကြီးက တစ်ဦးတည်းလုပ်ကိုင်တယ်။ အဲဒီမှာ အလုပ်သမား သင်္ဘောသားတွေက အားလုံး ခေါ်တောကုလားတွေချည်းပဲ။ တခြား ဘာလူမျိုးမှ မရောနှောဘူး။ မြန်မာဆိုတာ တစ်ယောက်မှမရှိဘူး။ သင်္ဘောတစ်စင်းလုံး ထိပ်ဆုံးကအောက်ဆုံးအထိ ခေါ်တောကုလားတွေပဲ လုပ်ကိုင်ကြတာပဲ။ အဲဒါ သူတို့ရဲ့ စပယ်ရှယ်လိုင်းတဲ့။

ပြီးတာ့ ဘာသာရေးအလိုက် လုပ်ကိုင်စားတဲ့ စီးပွားရေးတွေရှိသေးတယ်။ ဥပမာ နွားမွေးမြူတာ၊ နွားနို့ရောင်းတာ ဆိုပါတော့၊ ဒီအလုပ်ကို ဟိန္ဒူကုလားတွေကချည်း လုပ်ပါတယ်။ နွားတို့၊ဆိတ်တို့စတဲ့ သားသတ်လုပ်ငန်းကို မွတ်ဆလင်တွေကချည်း လုပ်ကိုင်တယ်။ ဝက်သတ်တဲ့ လုပ်ငန်းကိုတော့ တရုတ်က လုပ်ကိုင်တယ်။

တရုတ်ကလည်း ကုလားလိုပဲကွဲ့၊ ဟိုတုန်းက ဒေသကွဲလို့အမျိုးကွဲတဲ့ သူ့လူမျိုးနဲ့သူ၊ သူတို့လုပ်ကိုင်တဲ့အလုပ် တသီးတခြားစီ ရှိတယ်။ ဥပမာဆိုပါတော့ ကွမ်းတုံလူမျိုးလို့ခေါ်တဲ့ ကန်တုန်ပြည်နယ်ကတရုတ်တွေက တို့နိုင်ငံမှာ လက်သမားလုပ်တယ်။ တရုတ်လက်သမားဆိုတာ မြန်မာလက်သမားထက် လုပ်ခပိုးပေးရတဲ့ ကျွမ်းသူအဆင့်ကပေါ့။

ချမ်းသာတဲ့ကွမ်းတုံက သစ်စက် တည်တယ်။ ပြီးတော့ကွမ်းတုံတွေက အပေါင်ဆိုင်လုပ်ငန်းမှန်သမျှကို သူတို့ချည်းလုပ်တာကွဲ့။ အပေါင်ဆိုင် ဆိုတဲ့ တရုတ်စာကြီးတစ်လုံးတည်း ဧရာမကို ဆိုင်ရှေ့ကလမ်းပေါ်မှာ ထောင် ထားလိုက်တာပဲ။ အဲဒါကို အမေတို့ မြန်မာတွေက မဖတ်တတ် ပါဘူး။ ဗူးသီးကြော်လို့ပဲ ဖတ်လိုက်တာပဲ။ ဒါပေမယ့် လူ့အသုံးအဆောင် ဘာပစ္စည်းကိုမဆို အတိုးကြီးကြီးနဲ့ လာပေါင်လို့ရတဲ့နေရာ အပေါင်ဆိုင်လိုတော့ သိကြတယ်။

ကွမ်းတုံတွေက ထန်းရည်ဆိုင်လည်း သူတို့ပဲ၊ သူတို့ရောင်းတာကို မြန်မာတွေက ဝယ်သောက်ကြတာပဲ။ ဖူးကျင့်လို့ခေါ်တဲ့ ဖူကျန်နယ်သား တရုတ်တွေကတော့ တို့ဆီမှာ လက်ဖက်ရည်ဆိုင် ဖွင့်တယ်။ တရုတ်လက်ဖက်ရည်ဆိုင်မှန်သမျှ ဖူးကျင့် တရုတ်ချည်းပဲ။ သူတို့က လက်ဖက်ရည်ဆိုင်ဆိုပေမယ့် ကုန်စုံဆိုင်ပါတွဲဖွင့်တာ။ ဒါကြောင့် လက်ဖက်ရည်ဆိုင်ထဲမှာပဲ မှန်အိမ် မီးခွက် မီးစာလိုချင်လည်း ရတယ်။
စွယ်ကျယ်ဝယ်ချင်လည်း ရတယ်။ လက်နှိပ်ဓာတ်မီး၊ ဓာတ်ခဲ၊သွားတိုက်တံ၊ သွားတိုက်ဆေးဝယ်မလား၊ ပစ္စည်းတွေ စုံအောင်ရောင်းတယ်လေ။ မှန်ဗီရိုကြီးတွေ ဆိုင်အမိုးထိအောင်ထားပြီး ပစ္စည်းထည့်ရောင်းတာပဲ။ ဗီရိုကြီးတွေရှေ့ကတော့ လက်ဖက်ရည်စားပွဲနဲ့ ကုလားထိုင်တွေပေါ့။

ဟတ်ကာလူမျိုးကတော့ အထည်သည်တွေကွဲ့။ တို့နိုင်ငံနဲ့ကပ်နေတဲ့ ယူနန်ပြည်နယ်က ယူနန်လူမျိုးတွေကတော့ တို့ ကျောက်စိမ်းတွင်းမှာ သူတို့ချည်း။ ပြီးတော့တချို့က လားမွေးတယ်။ တစ်ဦး တစ်ဦးမှာ လားအကောင် ၄ဝဝ- ၅ဝဝ မွေးထားပြီး ကားလမ်းမပေါက်တဲ့ တောင်ပေါ် ဒေသရဲ့ ခရီးသွားလာ သယ်ယူပို့ဆောင်ရေး အလုပ်တွေသူတို့က လုပ်ကြတယ်။ အဲဒီလုပ်ငန်းဟာ သူတို့တစ်ဦးတည်းပိုင်လုပ်ငန်းပဲ။ လားဝန်တင်ဆိုတာ မင်းတို့ သိတယ်မှုတ်လား။

အေး- အဲဒါဟိုရှေးက အမေတို့ငယ်ငယ်တုန်းက စီးပွားရေးအနေအထားကို ပြောတာ။ မင်းတို့က အမေ့ကို မေးချင်လိမ့်မယ်။ ဒါဖြင့် အမေရယ် ဗြိတိသျှတွေက အဲဒီလို စီးပွားရေးတံခါးဖွင့်ထားတော့ ကျွန်တော်တို့ပြည်နေပြည်ထိုင် တိုင်းရင်းသား မြန်မာလူမျိုးတွေက ဘာလုပ်စားကြ သလဲလို့။ ရှိတာလေး ကျန်တာကလေးကို ရသမျှ လုပ်စားနေကြရတာပေါ့ကွဲ့။

ဒါပေမဲ့ အမျိုးသားလွတ်လပ်ရေး နိုးကြားအုံကြွမှုကြီး ပေါက်ကွဲလာတော့ ဝံသာနုဆိုတဲ့စကားလုံးကြီးနဲ့အတူ လူမျိုးခြားတွေလက်ကစီးပွားရေး မြန်မာ့လက်ထဲ ပြန်ရောက်အောင် မြန်မာတွေကလည်း နိုင်ငံခြားသားတွေ လက်ဝါးကြီးအုပ်လုပ်နေတဲ့ စီးပွားရေးတွေမှာ ထိုးဖောက်ကြ၊ ပြီးတော့ ကိုယ့်အမျိုးသားအချင်းချင်း အားပေးကြ၊ ရိုင်းပင်းကြ၊ ဝံသာနုကြဆိုတဲ့ ကြွေးကြော်သံကြီး ပေါ်လာတယ်။ ဒါကြောင့် တို့ မန္တလေးမြို့မှာ အမျိုးသားပိုင်လုပ်ငန်းတွေ စပေါ်လာတယ်။ အယ်လီဖင်စတုန်း ရုပ်ရှင်၊ သီပေါရုပ်ရှင်ရုံတွေဟာ နိုင်ငံခြားသားပိုင်တွေချည်းမို့ မြန်မာပိုင်ရုပ်ရှင်ရုံ တစ်ရုံကို ငွေစုပြီး လူငယ်မျိုးချစ်တွေက တည်ကြစို့ ကြွေးကြော်ပြီး မြန်မာညွန့်ရုပ်ရှင်ရုံဆိုတာကို တည်ခဲ့ကြတယ်။
အဲဒါ ခု ၃၁ လမ်းနဲ့ ၈၃ လမ်းထောင့်က မြို့ဂုဏ်ရောင်ရုံဟာ ပထမဆုံးသော မြန်မာပိုင် ရုပ်ရှင်ရုံပေါ့။

ဒေးဗစ်နဲ့အီဇရာ ဘရားသားရဲ့ဘိလပ်ရည်လုပ်ငန်းကို ထိုးဖောက်ဖို့အတွက် မြန်မာတွေ အစုစပ်တည်ထောင်တဲ့ မြန်မာဘိလပ်ရည်စက်လည်း ဒါးတန်းမှာ ၈၄ လမ်းနဲ့ ၂၄ လမ်းထောင့်မှာ ပေါ်ပေါက်လာတယ်။ အမေတို့အဖေ မန်နေဂျာလုပ်တယ်ဆိုတာ အဲဒီမှာပေါ့။

နိုင်ငံခြားသားတွေ လက်ဝါးကြီးအုပ်ထားတဲ့ စီးပွားရေးထဲထိုးဖောက်တာတွေ အများကြီးပဲ။ မန္တလေးက စက္ကူအရောင်းအဝယ်ကို ဒေဆိုင်း နာမည်ခံတဲ့ အိန္ဒိယသားတွေက လက်ဝါးကြီးအုပ်ထားလို့ မြန်မာတွေကစုပြီး မြန်မာစက္ကူဆိုင် ဖွင့်ခဲ့ရတယ်။ တို့ဘကြီးက အဲဒီဆိုင်မှာ လုပ်ဖူးတယ်။ အဲဒီဆိုင် ပျက်သွားပြီးတဲ့နောက် တို့အဖေက ပုဂ္ဂလိကပိုင် မြန်မာဆိုင်တစ်ဆိုင် ထပ်ဖွင့်လို့ အမေ အိမ်ထောင်မကျခင်က အဲဒီဆိုင်မှာ ရောင်းပေးရသေးတယ်။

ဝံသာနု၊ ဝံသာနုဆိုတဲ့ စကား၊ အမျိုးသားချင်း ရိုင်းပင်းပါ၊ ကိုယ့်လူမျိုးကိုအားပေးပါ ဆိုတာတွေကလည်း အနေရာရာမှာကြွေးကြော်နေရတာပဲ။

ဒါပေမယ့် အရင်းအနှီးချင်း ကွာ၊ အတွေ့အကြုံချင်းက ကွာ၊ ကာသာပေး ခံရတာချင်းက ကွာ၊ အဆက်အသွယ်ချင်းက ကွာလေတော့ စီးပွားရေးမှာ ယှဉ်ရပြိုင်ရတာ မလွယ်ဘူး။ ကိုယ့်ဘက်က ရှုံးတာတွေလည်း အများကြီး၊ နိုင်ငံရေးနိုးကြားမှုအမြတ်တော့ ရတာပေါ့။

ဒါကြောင့် သီချင်းစပ်တဲ့စာရေးဆရာကိုတော့ ကောင်းကောင်းအမေ မမှတ်မိတော့ဘူး၊ စိတ်ထဲကတော့ အေဝမ်းဆရာညှာလို့ပဲ ထင်တာပဲ။ သူ စာရေးစပ်ပေးတဲ့သီချင်း အမေတို့ ငယ်ငယ်က သီဆိုခဲ့ရသေးတယ်။
…................

ကလျာ မဂ္ဂဇင်း၊ အမှတ် ၁ဝ၉၊ ၁၉၉၄ မတ်လ။
(လူထုဒေါ်အမာ၊ အမေ့ရှေးစကား၊ ပထမတွဲမှ ...။)

https://www.facebook.com/Kyawmyahtoo/posts/1276511432512105