(လခလှူမယ့် အမတ်မင်းမ) မျိုးမြင့်ချို

(လခလှူမယ့် အမတ်မင်းမ)

အမေရိကပြည်ထောင်စုမှာ ပြည်နယ်ဘယ်လောက်ကြီးကြီး သေးသေး၊ လူဦးရေဘယ်လောက် ခြားနားနား မနားနား တပြည်နယ်မှာ ဆီနိတ်တာလို့ခေါ်တဲ့ အထက်လွှတ်တော်အမတ် ၂ ယောက်ကျစီရှိပါတယ်။ ၆ နှစ် သက်တမ်းဖြစ်ပါတယ်။ အဲ့ဒီဆီနိတ်တာတွေနဲ့ ကွန်ဂရက်စ်မင်န်းလို့ခေါ်တဲ့ အောက်လွှတ်တော် အမတ်တွေက တနှစ်ကို လခ အနေနဲ့ တသိန်း ၇ သောင်း လေးထောင်ရတယ်။ 

ကွန်ဂရက်စ်မင်းန်းတွေ ဆီနိတ်တာတွေဖြစ်ပြီး လွှတ်တော်တွေ ဆီးနိတ်တွေထဲရောက်သွားလို့ ခေါင်းဆောင်တွေဖြစ်သွားရင် လခက တသိန်း ၉ သောင်း ၃ ထောင့် ၄ ရာဖြစ်သွားတယ်။ ဝန်ကြီးတွေကတော့ တသိန်း ကိုးသောင်း ကိုးထောင့် ၇ ရာရတယ်။ အေက်လွှတ်တော် သဘာပတိဖြစ်ရင် ၂ သိန်း ၂ သောင်း ၃ ထောင့် ၅ ရာရတယ်။ 

ဒါက နိုင်ငံတော်ကခွင့်ပြုထားတဲ့ တရားဝင်ခံစားခွင့်၊ ကိုယ်ပိုင် ပရောဂျက်တွေ ပရိုဂရမ်တွေလုပ်တာ၊ ဘာညာ သာရကာ ဂါတာမဂါတာတော့ သူတို့ကိစ္စလို့ထားပါ။ ဟိုကောင်တွေလိုတော့ ထမင်းလွတ် ဟင်းလွတ် အသားလွတ်တော့ ဝိုက်မရပါဘူး။ မျက်လုံးဒေါက်ထောက် ကြည့်နေတဲ့မီဒီယာနဲ့ သက်ဆိုင်ရာဥပဒေတွေရှိပါတယ်။ လက်တလုံးခြားလုပ်ရင်း ဗူးပေါ်သလိုပေါ်သွားလို့ ကားသွားတဲ့သူတွေလည်း ဒုနဲ့ဒေးပါ။ (စကားချပ်။ ပါတီကို ၂၅ ရာခိုင်နှုန်းရန်ပုံငွေအဖြစ်ပြန်ထဲ့ရလား မထဲ့ရလားတော့ ကျနော်လည်းမသိပါဘူး)

အမေရိကမှာ Food Bank လို့ ခြုံပြီးခေါ်တဲ့ အစားအစာ အသီးအနှံစတာတွေ အခမဲ့ဝေခြမ်းတဲ့စနစ်တခု ရှိတယ်။ တပတ်ကိုတကြိမ်(တချို့လည်း အကြိမ်ရေကွဲတွေရှိ)သတ်မှတ်ရက်မှာ မည်သူမဆို လာတန်းစီပြီး တမိသားစု အတွက်သတ်မှတ်ထားတဲ့ အစားအစာအလေးချိန်ပမဏအတိုင်း အရေအတွက်အတိုင်း လာယူလို့ရတယ်။ တချို့ပရိုဂရမ်တွေကတော့ သူတို့ပရိုဂရမ်ထဲပါတဲ့လူတွေ(မိသားစု)ကို Food Voucher လို့ခေါ်တဲ့ အစားအသောက် အခမဲ့ထုတ်ယူခွင့်ပြေစာပါပေးတယ်။ ပေါင်ချိန် ၅ ဆယ် တရာစသည်ဖြင့်ပေါ့။ ဝင်ငွေနိမ့်ပါး၊ ဆင်းရဲသားတွေ အတွက် ခုသာခံသာလည်းဖြစ်ပါတယ်။ အားထားရာတခုလိုလည်း ဖြစ်ပါတယ်။ 

အဲ့ဒီကအလကားပေးတဲ့ အစားအသောက်တွေက ဘယ်ကရလဲဆိုတော့ အစားအသောက်ရောင်းတဲ့ ကုမ္ဗဏီကြီးတွေကနေ လှူတာလို့ ပြောရမယ်။ ဆိုင်ပေါ်တင်ရောင်းနေတဲ့ ဒါမှ မဟုတ် ခုမှစက်ရုံက ထွက်လာတဲ့ အစားအသောက်တွေ၊ ခုပဲ စိုက်ခင်းထဲက နှုတ်ချ ခူးချလာတဲ့အသီးအနှံတွေမဟုတ်သလို ယာဂုအိုးကြီးမှောက်ကာမှ ရွှေစည်းခုံလှူပါ၏ဘုရားလောက်ကြီးလည်းမဟုတ်ပြန်ဘူး။ စားလို့သောက်လို့ဖြစ်တယ်။ အန္တရာယ်မရှိဘူး။ အစာအဆိပ်မသင့်ဘူး၊ မအော့မအန်ဘူး။ အီးမပန်းဘူး။

ခု အမေရိကမှာ Government Shutdown ဖြစ်နေတယ်။ ဗဟိုအစိုးရနဲ့ဆိုင်တဲ့ဌာနတချို့၊ အေဂျင်စီတချို့က ဝန်ထမ်းတွေ လုပ်ခလစာမရပဲ အလုပ် လုပ်နေတယ်။ အလုပ် ခန နားထားတယ်။ ဝေါ်ရှင်တန်ဒီစီ ဘက်မှာဆို အစိုးရတာဝန်ယူထားတဲ့နေရာတွေက အမှိုက်သိမ်းကားတွေ အမှိုက်မသိမ်းလို့ လမ်းဘေးအမှိုက်ပုံးတွေ ပြည့်လျှံနေတယ်။ (စကားချပ်။ ဒေါ်စုတို့ ဖြိုးမင်းသိမ်းတို့ အကူအညီ အရေးပေါ်လိုနေတဲ့သဘောပဲ)

ဟာဝိုင်းအီးဆီနိတ်တာ ၂ ယောက်အနက် ဒီမိုကရက်ပါတီက တယောက်ဖြစ်တဲ့Mazie Hirono က ဂါးဗမင်န့် ရှပ်ဒေါင်းဖြစ်နေတုန်း Food Banks တွေကို သူ့ ဆီနိတ်တာလခကို လှူမယ်လို့ပြောတယ်။ သူလည်း တနှစ် တသိန်း ၇ သောင်း ၄ ထောင်စားပဲ။ တပတ်ဝင်ငွေ အနေနဲ့ဆို တပတ်ကို ၃ ထောင့် ၅ ရာ လျော့လျော့ပဲ။ တနှစ်စာလုံးလှူမယ်ပြောတာမဟုတ်ဘူးနော်။ အဲ့ဒီကာလအတွင်း သူရတာကိုပြောတာ။ ၃ ပတ်ကြာရင် ၃ ပတ်စာ လခကိုလှူမယ်ပြောတာပါ။ ဒီ ဆီနိတ်တာ အမျိုးသမီးက အရင် ၂ဝ၁၃ နဲ့၂ဝ၁၈ ရှပ်ဒေါင်းတွေဖြစ်တုန်းကလည်း ခုလိုပဲ အလှူဒါနလက်နဲ့မကွာ လုပ်ခဲ့တယ်လို့ ဆိုပါတယ်။ ထောင်မြင်လို့ရာစွန့်သလား အကျိုးလိုလို့ညောင်ရေလောင်းသလားတော့ ဂဃနဏမပြောနိုင်ပါဘူး။ ထောင်ရရင်လည်း ကောင်းပါတယ်။ ပတ်ထမ်းနဲ့မတွေ့ရင်လည်း မဆိုးပါဘူး။ အပြည့်အစုံကိုသိချင်သပဆိုရင်တော့ ဒီပို့စ်မတိုင်မီတင်ထားဆီမှာ ဖတ်သာကြည့်ပေတော့ဗျား။
မျိုးမြင့်ချို(ဒီဇင်ဘာ ၂၈၊ ၂ဝ၁၈)

https://www.newsweek.com/government-shutdown-mazie-hirono-donald-trump-us-government-shutdown-1273577?fbclid=IwAR1FUINuEGVhdzXJFl7Z7pOLXaeAcNfSEhJjLjXkcQkc7-kGMudgOJT0vbQ