(ဒေါ်ကြီးတံတိုင်း)
မဲဆွယ်စဉ်ကာလ- တံတိုင်းကာကိုကာရမယ်၊ ဒေါ်လာ ဘီလီယံ ၂ဝ လောက်ကုန်မယ်၊ ပိုက်ဆံကိုမက္ကဆီကိုက ပေးရမယ်၊ အမေရိကန်မှာ တရားမဝင်နေထိုင်တဲ့မက္ကဆီကန် ၁၁ သန်းကိုပြန်ပို့မယ်။
သမ္မတဖြစ်ပြီး- တံတိုင်းကတော့ မကာလို့မဖြစ်ဘူး။ ပိုက်ဆံကတော့ ကိုယ့်ဘက်ကကုန်လည်း ကိစ္စမရှိဘူး၊ အရေးကြီးတာက နိုင်ငံတော်လုံခြုံရေးဖြစ်တယ်။ မက္ကဆီကန် ၁၁ သန်းထဲက ရာဇဝတ်မှုကျူးလွန်သူတွေ၊ လက်နက် မူးယစ်ဆေးဝါးကိစ္စ ပတ်သက်နေသူတွေကို အဓိကထားကိုင်တွယ်မှဖြစ်မယ်။
ဂါးဗမင်န့်ရှပ်ဒေါင်းမတိုင်ခင်- တံတိုင်းကာဖို့ပိုက်ဆံ ကွန်ဂရက်စ်က ခွင့်ပြုရမယ်၊ မပြုလို့ ရှပ်ဒေါင်းဖြစ်သွားလည်း ငါက ဂုဏ်တောင်ယူသေး၊ ကြိုက်တောင်ကြိုက်သေး။
နန်စီပလိုစီ ရှူးမားတို့နဲ့တွေ့တော့- ပိုက်ဆံလိုသလောက်ပေး၊ နယ်စပ်လုံခြုံရေး အရေးကြီးတယ်၊ မပေးရင် ဘတ်ဂျက်ဥပဒေ ငါလက်မှတ်မထိုးဘူး၊ ရှပ်ဒေါင်းဖြစ်ရင် မင်းတို့ကြောင့်၊ ရှပ်ဒေါင်းဖြစ်တာကောင်းတယ်လို့ ငါတခါမှမပြောဘူး။
ရှပ်ဒေါင်းဖြစ်သွားတော့- ဒီမိုကရက်တွေကြောင့်ဖြစ်တာ၊ ငါ့အပြစ်မရှိဘူး၊ ငါတောင်းတဲ့ပိုက်ဆံမရမခြင်း ရှပ်ဒေါင်းဖြစ်နေပေ့စေ၊ ဂရုမစိုက်ဘူး၊
ရှပ်ဒေါင်းကြောင့် သူ့လူတွေ သူ့ပြန်ထောင်းတော့- ငါအစကတည်းကမပြောဘူးလား ဒီမိုကရက်တွေညစ်ကြလိမ့်မယ်၊ ငါလုပ်ချင်တာ လုပ်မရအောင် ကန့်လန့်တိုက်လိမ့်မယ်၊ အေး..ခုတော့ ရှပ်ဒေါင်းဖြစ်ပြီ ကောင်းကြသေးရဲ့လား၊ အေး လွှတ်တော်ပြန်စလို့ ငါတောင်းတဲ့ငွေ မပေးရင်တော့ အမေရိကန်-မက္ကဆီကို နယ်စပ်တလျောက်လုံး နေရာလပ်မကျန်အောင် ပိတ်ဆို့ပြမယ်ကြည့်နေ၊ တွေ့ကြသေးတာပေါ့ကွာ။(သူ့လူတွေဆိုတာက ပေါလ်ရိုင်ယန်တို့ မစ်ခ်ျမက္ကော်နဲလ်တို့အပါအဝင် ထိပ်တန်းရီပတ်ဘလီကင်န်တွေ)
အဲ့ဒါ တံတိုင်းကိစ္စတခုတည်းရှိသေးတာ။ ဒေါ်ကြီး ဗလောင်းဗလဲနိုင်တာတွေ၊ ဖင်တခွန်းခေါင်းတခွန်းပြောတာတွေ၊ ကလိန်ကကျစ်ကျတာတွေ၊ ရှေ့တမျိုးကွယ်ရာတမျိုးပြောတာတွေ၊ နေ့တမျိုးညတမျိုးပြောတာတွေ၊ ပလီစေ့ခြောက်ချက်တွေ၊ ကလိန်စေ့ငြမ်းစင်တွေ စတာတွေကို သတင်းဌာနတွေက မှတ်တမ်းတင်ထားတယ်။ တနှစ်အတွင်း ဘယ်နှကြိမ်ဆိုပြီး။
မျိုးမြင့်ချို(ဒီဇင်ဘာ ၂၈၊ ၂ဝ၁၈)
0 comments:
Post a Comment