(ခွေ ချုပ်မယ့် ထွေအုပ်) မျိုးမြင့်ချို

(ခွေ ချုပ်မယ့် ထွေအုပ်)

အရင်တုန်းက စစ်တပ်(ပြည်ထဲရေး)ကလုပ်တာ ကျနော်တို့ခိုင်းတာ မဟုတ်ဘူးလို့ ထန်းလက်နဲ့ကာလို့ရခဲ့ပါတယ်။ ပြောရတာ ကြောင်းကျိုးလည်း ဆီလျော်ပါတယ်။ ခု ကိုယ်က ခိုင်းရတော့မှာပါ။ ဘယ်လိုခိုင်းမလဲ၊ ဘယ်လောက် ခိုင်းနိုင်မလဲ၊ ဘယ်သူ့အပေါ်သစ္စာခံတဲ့လူကို ခိုင်းမလဲက စကားပြောလာပါပြီ။

စစ်အုပ်စုဘက်ကတော့ သူပိုင်လောက်တဲ့အနေအထားရောက်လို့ တဘက်လှည့်နဲ့ ပြန်ကစားတာမှန်း လူတိုင်းသိပါတယ်။ ဂျောက်ချတဲ့ သဘောလည်းပါပါတယ်။ ဇော်ဋ္ဌေးပြောတာကိုကြည့် "ဘယ်သူခိုင်းလို့ ဖိအားပေးလို့ တိုက်တွန်းလို့မှလုပ်တာမဟုတ်"လို့ အတိအလင်း ပြောထားပါတယ်။

နောက်တနည်းပြောရရင် ဗြမ္မာ့ဥက္ခောင်း အပ်လိုက်တာပဲ။ ဝကွက်တော့ မဟုတ်ဘူး။ အကန့်အသတ်လေးနဲ့။ လူတွေ မကျေနပ်လို့ ဆူဆူပူပူဖြစ်လာရင် လမ်းပေါ်ထွက်လာရင် အရင်ဆုံး ထိပ်တိုက်တွေ့ရတာက ထွေအုပ်တွေနဲ့ပဲ။ သူတို့မှာ ထွေအုပ်ဆိုတဲ့အတိုင်း အုပ်ထဲ့လိုက်လို့ရတဲ့ အခွင့်အာဏာပိုင်တယ်။ လက်သံပြောင်ပြောင်နဲ့ အုပ်လည်း အုပ်ထဲ့ခဲ့တာချည်းပါပဲ။ လူထုက မကျေနပ်ရင် လိုလားချက်ရှိလာရင် ကျပ်တည်းလာရင် ဘယ်လောက်ပဲ သေနတ်နားထင်တေ့ထားဦး အရေးဆိုတာပါပဲ။ အရေးနိမ့်သွားပေ့စေဦး အရေးတော်ပုံအောင်ရမည် စိတ်ဓာတ်ခွန်အားနဲ့ ရှေ့တိုးတာပါပဲ။ လူမပြောနဲ့ နွားတောင် ဗိုက်တကယ်ဆာပြီဆို နဖါးကြိုးအပြတ်ခံပြီးတော့ကို ချည်တိုင်ကနေ ရုန်းထွက်တာပါပဲ။

လူထုကတော့ အရေးဆိုမှာပဲ။ ခုလည်း ဆိုနေကြတာပါပဲ။ ဒါပေမယ့် အုပ်ချုပ်ရေးထဲမှာ စစ်အုပ်စုကဝင် "ခွေ" ထားတဲ့ ထွေအုပ်က ရှေ့ကနေအုပ်ထဲ့လိုက်တော့ ကိုယ်အနေချောင်တယ်။ မျက်နှာမပျက်ရဘူး။ သူတို့လုပ်တာလို့ လွှဲချလိုက်လို့ရတယ်။ ရှောင်စရာမလိုပဲ လွတ်ခဲ့ပါတယ်။

အခု ကိုယ့်လက်ထဲရောက်လာပါပြီ။ ဒီ ထွေအုပ်ယန္တယားကြီး။ ထွေအုပ်တွေကို အုပ်စီးမယ့်လူကလည်း စစ်အုပ်စုကလူ။ စစ်ဗိုလ်ဟောင်း။ သူခိုး ဘဏ္ဏာစိုးခန့်တယ်ပြောမလား၊ ကိုယ့်နောက်ကျောကနေထိုးမယ့်ဓား ကိုယ်တိုင် သွေးပေးရတယ်ပြောမလား၊ ကိုယ့်ခေါင်းကိုခွဲမယ့် ပုဆိန်သွားအတွက် ကိုယ်တိုင် ပုဆိန်ရိုးတပ်ပေးလိုက်တာလားကတော့ သိတ်မကြာခင်ကလာမှာ မြင်ရတော့မယ် ထင်ပါတယ်။

၂ဝ၂ဝ နီးနီးလာပါပြီ။ ရိုဟင်ဂျာအရေးကလည်း ဖုတ်ပူမီးတိုက် တိုက်လာပါပြီ။ အပစ်အခတ်ရပ်စဲရေးကလည်း ဖွဲမီးဖြစ်သထက်ဖြစ်လာပါပြီ။ ကိုင်ပိုင်ဝါဒဖြန်ယန္တယားတွေတင်မက ပျားရည်နဲ့ဝမ်းချထားတဲ့ မီဒီယာကောင်စီလည်း ခေါ်တွေ့ပြီးပါပြီ။ အမျိုးသားရေးပါတီလည်း ဖွဲ့နေပါပြီ။ ရဋ္ဌပါလအသင်းကြီးလည်း တစထက်တစကြီးထွားလာပါပြီ။ ကြံ့ဖွံ့တွေလည်း အတင့်ရဲရဲနဲ့ကို ရှေ့ပြန်ထွက်လာပါပြီ။ စက်ရုံအလုပ်ရုံတွေက အလုပ်သမားတွေလည်း ဆန္ဒတခြိမ်းခြိမ်းပြနေပါပြီ။ မြေသိမ်းခံပြည်သူတွေလည်း ပွဲပြတ်တယ်လို့ကိုမရှိအောင် လှုပ်ရှားနေပါပြီ။ ကျောင်းသား သမဂ္ဂတွေထဲကလည်း ပူညံပူညံအသံတွေကြားနေရပါပြီ။ ငွေစက္ကူအတု၊ ကုန်ဈေးနှုန်းကိစ္စတွေလည်း ကြီးနေပါပြီ၊ မဘသ နာဇီဂတုံးတွေနဲ့ နောက်လိုက်တွေလည်း တကြော့ပြန် ပေါ်ပေါ်တင်တင် ထကြွသောင်းကျန်းနေပါပြီ။ တပ်မတော်ထောက်ခံပွဲတွေ အိနြေ္ဒမရကိုလုပ်နေပါပြီ။

အရေးအကြီးဆုံးက ခုလုပ်နေတဲ့ အပစ်အခတ်ရပ်စဲရေးကနေ ပြည်တွင်းစစ်ရပ်စဲရေး ပြည်တွင်းငြိမ်းချမ်းတွေအထိ အစိုးရကို လိုအပ်ရင် ဘေးချိတ်ထားပြီး စစ်အုပ်စုက ဗြောင်ကျကျကို အသေအလဲကို ဝင်ကစားတော့မှာပါ။

အမှန်တကယ်လိုအပ်ချက်အရ သွေးရိုးသားရိုး လမ်းပေါ်ထွက်လာသူတွေလည်း ထွက်လာမှာပါ။ ထမင်းထုတ်နဲ့ နေ့စားခနဲ့လည်း ထွက်တဲ့သူလည်း ထွက်လာကြမှာပါ။ ဘာသာရေးလူမျိုးရေးအစွန်းရောက် ဦးပြည်းတွေလည်း သွေးထိုးကြလှုံ့ဆော်ကြ ဘက်ပေါင်းစုံကနေ မတည်မငြိမ်ဖြစ်အောင် လုပ်ကြဦးမှာပါ။ မွှေဖို့နှောက်ဖို့ ဒုက္ခမျိုးစုံပေးဖို့ မီစရော ရေမှုတ်ပါ စစ်အုပ်စုက ကိုင်ထားပါတယ်။ ဂျောက်ချလို့ ရလောက်လို့ ထိုးအပ်လိုက်တာမဟုတ်ဘူးလို့ ယတိပြတ်ပြောနိုင်မယ့်သူမရှိပါ။ အဖမ်းအဆီးတွေ အကွပ်အညပ်တွေ လုပ်ရတော့မှာ။

သေချာတာကတော့ ငါတို့လုပ်တာမဟုတ်ဘူး၊ ပြည်ထဲရေးကလုပ်တာ၊ ပြည်ထဲရေးဝန်ကြီးက ကာချုပ်ကခန့်တဲ့စစ်ဗိုလ်၊ ထွေအုပ်တွေကို သူကိုင်တာ သူအမိန့်ပေးတာလို့ လုပ်မရတော့ပါဘူး။ ကိုယ်တိုင် ကိုင်ရတော့မှာပါ၊ လုပ်ရတော့မှာပါ။ သမ္မတကတဆင့် ကိုယ်တိုင် ခေါင်းခံ ရတော့မှာပါ။ နယ်ဘက်အုပ်ချုပ်ရေးယန္တယားကို တစိတ်တပိုင်း ခေါင်းဆောင်မှုပေးရတော့မှာပါ။

တိုင်းပြည်နဲ့လူထုကို စစ်အုပ်စုခြေဖဝါးအောက် အကြိမ်ကြိမ်အရှူံးပေးလက်မြှောက်ဖို့ပေးတဲ့ ခေါင်းဆောင်မှုမျိုး ထပ်ပေးဦးမယ်ဆိုရင်တော့ နိုင်ငံရေးပါရာဇိကကျမယ့်အရေး မြင်မိပါတယ်။
မျိုးမြင့်ချို(ဒီဇင်ဘာ ၂၈၊ ၂ဝ၁၈)