ဟိုချီမင်းရဲ့ ဗီယက်နမ် လွတ်လပ်ရေး ကြေညာစာတမ်း
(ဟနွိုင်း၊ စက်တင်ဘာ ၂၊ ၁၉၄၅)
“လူသားအားလုံးကို တန်းတူညီမျှ ဖန်ဆင်းတယ်။ ဖန်ဆင်းရှင်ဟာ ဖန်ဆင်းခံ အားလုံးကို မည်သူ တဦး တယောက်ကမှ ဖယ်ရှားကန့်သတ်လို့ မရတဲ့ အခွင့်အရေးတွေ ပေးအပ်ထားတယ်။ ဒါတွေကတော့ ဘ၀ရှင်သန်မှု၊ လွတ်လပ်မှုနဲ့ ပျော်ရွှင်မှုကို ရှာဖွေနိုင်ခွင့်တို့ပဲ ဖြစ်တယ်"။ ဒီထာ၀ရ အဆိုပြုချက်တွေကို အမေရိကန် လွတ်လပ်ရေး ကြေညာစာတမ်းမှာ ၁၇၇၆က ရေးသားခဲ့တာပါ။ ကျယ်ကျယ်ပြန့်ပြန့် ဆိုရ ရင်၊ ကမ္ဘာမြေပေါ်က လူသားအားလုံးဟာ မွေးရာပါ တန်းတူညီမျှ အခွင့်အရေး ရှိကြောင်း၊ လူသားအား လုံးဟာ အသက်ရှင်သန်ခွင့်၊ ပျော်ရွှင်မှုနဲ့ လွတ်လပ်ခွင့်အတွက် အခွင့်အရေး ရှိကြောင်း ဆိုလိုပါတယ်။ ၁၇၉၁ မှာ ရေးခဲ့တဲ့ ပြင်သစ်တော်လှန်ရေး ကြေညာစာတမ်းမှာ ဆိုရင်လည်း၊ “လူသားအားလုံးကို တန်းတူညီမျှ အခွင့်အရေးနဲ့ လွတ်လပ်စွာ မွေးဖွားလာပီး အမြဲတမ်း လွတ်လပ်မှုနဲ့ တန်းတူညီမျှအခွင့် အရေး ရှိရမယ်”လို့ ဖော်ပြထား တယ်။ ဒီအချက်တွေဟာ ငြင်းလို့ မရတဲ့ အမှန်တရားတွေပါပဲ။ သို့သော် ငြားလည်း၊ ပြင်သစ်နယ်ချဲ့တွေဟာ လွတ်လပ်မှု၊ တန်းတူညီမျှနဲ့ ညီရင်းပမာ ချစ်ကြည်မှု စံနှုန်းတွေကို အလွဲသုံးစားပြုပီး၊ ငါတို့ အဖနိုင်ငံတော်ကို ကျူးကျော်၊ ငါတို့ နိုင်ငံသားတွေကို ဖိနှိပ်တာ နှစ်ပေါင်းရှစ် ဆယ်ကျော်ခဲ့ပြီ။ သူတို့တွေဟာ လူသားဆန်မှု၊ တရားမျှတမှု စံနှုန်းတွေကို ဖီလာဆန့်ကျင်ပီး ပြုမူခဲ့တာ ဖြစ်တယ်။ နိုင်ငံရေးနယ်ပယ်မှာလည်း၊ သူတို့တွေဟာ ငါတို့ လူထုရဲ့ ဒီမိုကရက်တစ် လွတ်လပ်ခွင့် တိုင်းကို ချုပ်ချယ်ဖယ်ရှားခဲ့တယ်။ လူသား မဆန်တဲ့ ဥပဒေတွေကို ပြဌာန်းအုပ်ချုပ်ကြတယ်။ နိုင်ငံအုပ် ချုပ်ရာမှာလည်း ဗီယက်နမ်ကို တောင်၊ မြောက်၊ ဗဟိုဆိုပီး သုံးဌာနခွဲ အုပ်ချုပ်ခြင်းအားဖြင့် ငါတို့ အမျိုး သားရေး စည်းလုံးမှုကို ဖျက်စီးပီး၊ ငါတို့ ပြည်သူတွေ မညီညွှတ်အောင် အုပ်ချုပ်ကြတယ်။ သူတို့ဟာ စာသင်ကျောင်းတွေထက် အကျဉ်းထောင်တွေ ပိုဆောက်ကြတယ်။ ငါတို့ မျိုးချစ်တွေကို အညှာတာမဲ့ သတ်ဖြတ်ကြပီး၊ ငါတို့ ပုန်ကန်တော်လှန်မှုတွေကို သွေးပင်လယ်ထဲ နှစ်ပီး ဖြေရှင်းကြတယ်။ ပြည်သူ လူထုအမြင်ကို အဆိပ်ခတ် ကန့်သတ်ပီး၊ လူထု ထင်ယောင်ထင်မှား ဖြစ်အောင် လုပ်ကြတယ်။ ငါတို့ လူမျိုးကို အားအင်ချိနဲ့အောင်၊ ဘိန်းစား အရက်သောက်ဖို့ အဓမ္မ ဖိအားပေးခဲ့ကြတယ်။ စီးပွားရေးနယ် ပယ်မှာဆိုလည်း၊ ငါတို့ ဥစ္စာကို ခိုးယူ၊ လူထုကို ဆင်းရဲနွံနစ်၊ ငါတို့မြေကို ဖျက်စီး လုပ်ခဲ့ကြတယ်။ သူတို့ဟာ ငါတို့ စပါးခင်းတွေ၊ သတ္တုတွင်းတွေ၊ သစ်တောတွေနဲ့ ကုန်ကြမ်းတွေကို ငါတို့ဆီက ဓါးမြ တိုက်ယူကြတယ်။ ငွေစက္ကူထုတ်ရေးနဲ့ ကုန်တင်ပို့မှုကိုလည်း လက်ဝါးကြီး အုပ်ထားကြတယ်။ မတော် မတရား အခွန်အကောက်တွေ ဖန်တီးပီး၊ ငါတို့လူထု အထူးသဖြင့် လယ်သမားတွေကို အဆုံးစွန် ဆင်း ရဲမွဲတေအောင် လုပ်ကြတယ်။ ငါတို့ရဲ့ အမျိုးသား ဓနရှင်တွေ တိုးတက်ကြီးပွားရေးကို အဟန့်အတား ပြုပီး၊ အလုပ်သမားတွေကို အညှာအတာမဲ့ သွေးစုပ်အမြတ်ထုတ်ကြတယ်။ ၁၉၄၀ ဆောင်းဦးကာလ မှာ ဂျပန်ဖက်ဆစ်တွေ အင်ဒိုချိုင်းနားနယ်ထဲ ကျူးကျော်ပီး မဟာမိတ် အင်အားစုကို တိုက်ရာမှာ သုံးဖို့ စစ်စခန်းသစ်တွေ ဆောက်မယ်လုပ်တော့၊ ပြင်သစ်နယ်ချဲ့တွေ ဒူးထောက်ပီး ငါတို့ နိုင်ငံကို ဖက်ဆစ် ဂျပန်တွေဆီ လွှဲပေးကြတယ်။ ဒါကြောင့်၊ အစကတိုင် ပြန်ကောက်ရရင် ငါတို့ လူထုဟာ ပြင်သစ်နဲ့ ဂျပန်နှစ်နိုင်ငံရဲ့ တံပိုးအောက်မှာ ပြားပြားမှောက်ခဲ့ကြရတယ်။ လူထု နစ်နာခံစားရတဲ့ ဒုက္ခတွေဟာ တိုးလို့သာ လာတယ်။ ရလဒ်ကတော့ အရင်နှစ်ကုန်ကနေ ခုနှစ်အစပိုင်းထိ၊ Quang Tri ပြည်နယ်က နေ မြောက်ဗီယက်နမ်ထိ၊ ငါတို့ နိုင်ငံသား နှစ်သန်းကျော်ဟာ ငတ်သေကြရတယ်။ မတ် ၉ ရက်မှာ ဂျ ပန်တပ်တွေက ပြင်သစ်တပ်ဖွဲ့တွေကို လက်နက်ဖြုတ်သိမ်းတယ်။ ပြင်သစ် ကိုလိုနီအရာရှိတွေဟာ ထွက်ပြေးရင် ပြေး၊ မဟုတ်ရင် လက်နက်ချ အညံ့ခံရတာက ဘာကို ပြသလဲဆိုရင်၊ ဒီကိုလိုနီအရာရှိ တွေဟာ ငါတို့ကို ကာကွယ်နိုင်ဖို့ ဝေးစွ၊ ဒီငါးနှစ်အတွင်းမှာတင် ငါတို့ နိုင်ငံကို ဂျပန်ဆီ နှစ်ကြိမ်တိုင် တိုင် ရောင်းစားခဲ့ကြတယ်။ မတ် ၉ မတိုင်ခင်ကတိုင်၊ ဂျပန်ကို ဆန့်ကျင်ရာမှာ ဗီယက်နမ်အဖွဲ့ချုပ်နဲ့ ပူး ပေါင်းပီး မဟာမိတ် ဖွဲ့ဖို့၊ ပြင်သစ်ကို အကြိမ်ကြိမ် တိုက်တွန်းခဲ့တယ်။ ဒီအဆိုပြုချက်ကို လက်မခံတဲ့အ ပြင်၊ ပြင်သစ်ကိုလိုနီအရာရှိတွေဟာ ဗီယက်မင် အဖွဲ့၀င်တွေကို အကြမ်းဖက်မှု ပိုတောင် ပြင်းပြင်းထန် ထန် လုပ်လာတယ်။ သူတို့ ထွက်မပြေးခင်မှာ၊ ရန်ဘေနဲ့ ကောင်ဘန်မှာ ထိန်းသိမ်းထားတဲ့ နိုင်ငံရေး အကျဉ်းသား အမြောက်အမြားကို အပြုံလိုက် သတ်ဖြတ်ခဲ့ကြသေးတယ်။ ဒီလို အပြုအမူတွေ ကြုံခဲ့ရ တာတောင်၊ ငါတို့ နိုင်ငံသားတွေဟာ ပြင်သစ်တွေကို သည်းခံစိတ်၊ လူသားဆန်စိတ် သဘောထား ရှိခဲ့ ကြတယ်။ ၁၉၄၅ မှာ ဂျပန်တပ်တွေက ပြင်သစ်ကိုလိုနီ အစိုးရကို ဖြုတ်ချပီးနောက်ပိုင်းမှာတောင်၊ ဗီ ယက်မင် အဖွဲ့ချုပ်ဟာ ပြင်သစ် အတော်များများကို နယ်စပ် ဖြတ်နိုင်အောင်၊ တချို့တွေကို ဂျပန်အ ကျဉ်းထောင်က လွတ်မြောက်အောင် ကူညီပီး၊ ပြင်သစ်တွေရဲ့ ဘ၀နဲ့ ပစ္စည်းဥစ္စာတွေကို ကာကွယ် ပေးခဲ့ကြတယ်။ ၁၉၄၀ ဆောင်းဦးလောက်က စလို့၊ ငါတို့ နိုင်ငံဟာ ပြင်သစ် ကိုလိုနီအဖြစ် မဟုတ် တော့။ ဂျပန်ပိုင်နယ် ဖြစ်သွားချေပြီ။ ဂျပန်တွေ မဟာမိတ် အင်အားစုကို လက်နက်ချပီးနောက်မှာ တော့၊ ငါတို့ ပြည်သူတရပ်လုံး နိုင်ငံ့အချုပ်အခြာ အာဏာ ပြန်လည်ရရှိရေးနဲ့ ဗီယက်နမ် ဒီမိုကရက် တစ် သမတနိုင်ငံ ထူထောင်ဖို့ နိုးကြားလာကြတယ်။ ငါတို့ဟာ ငါတို့ လွတ်လပ်ရေးကို ဂျပန်ဆီက တိုက်ယူထားတာ ဖြစ်ပီး၊ ပြင်သစ်ဆီက ယူထားတာ မဟုတ်ကြောင်းဟာ အမှန်တရားပဲ။ ပြင်သစ် လည်း ပြေးပြီ။ ဂျပန်လည်း စစ်ရှုံးကြောင်း လက်နက်ချပြီ။ ဧကရာဇ် ဘောင်ဒိုင်လည်း နန်းစွန့်ပြီ။ ငါတို့ လူထုကို ရာစုနှစ် တခုနီးပါး တုပ်နှောင်ထားတဲ့ နှောင်ကြိုးကို ဖြတ်တောက်ပီး၊ အဖနိုင်ငံအတွက် လွတ် လပ်ရေးကို အရယူနိုင်ပြီ။ တချိန်တည်းမှာပဲ၊ နှစ်ထောင်ချီ အုပ်စိုးလာတဲ့ ဘုရင်အုပ်ချုပ်ရေးစနစ်ကို ငါ တို့ လူထု ဖြိုဖျက်နိုင်ပြီ။ ဒီနေရာမှာ ဒီမိုကရက်တစ် သမတနိုင်ငံကို အစားထူထောင်နိုင်ပြီ။ ဒီအချက် တွေကြောင့်၊ ဗီယက်နမ် လူထုတရပ်လုံးကို ကိုယ်စားပြုတဲ့ ယာယီအစိုးရအဖွဲ့၀င် ကျွန်ုပ်တို့ဟာ ပြင် သစ်နိုင်ငံနဲ့ ပတ်သက်လို့ ကိုလိုနီလက္ခဏာဆောင်တဲ့ ဆက်ဆံရေးအားလုံးကို အခုချိန်က စလို့ ဖြတ် တောက်လိုက်ပြီ ဖြစ်ကြောင်း၊ ဗီယက်နမ်နိုင်ငံ ကိုယ်စားပြုပီး ပြင်သစ် သဘောတူထားတဲ့ နိုင်ငံတကာ တာ၀န်အားလုံးကို ရုပ်သိမ်းကြောင်း၊ ငါတို့ အဖနိုင်ငံမှာ ဥပဒေနဲ့ မညီညွှတ်ဘဲ ပြင်သစ်တွေ အခွင့်ထူး ခံ ရရှိနေတဲ့ အခွင့်အရေးမှန်သမျှကို ရုပ်သိမ်းကြောင်း ကြေညာပါတယ်။ ပြင်သစ်ကိုလိုနီအရာရှိတွေ ငါ တို့နိုင်ငံကို ပြန်လည်သိမ်းပိုက်ဖို့ ကြိုးပမ်းမှုမှန်သမျှကို အဆုံးစွန်ထိ တိုက်ထုတ်သွားဖို့ ဘုံဦးတည်ချက် တခုတည်းကြောင့် တက်ကြွနေသူ ဗီယက်နမ်လူထု တရပ်လုံးက သံဓိဌာန်ချထားပါတယ်။ တီဟီရန်နဲ့ ဆန်ဖရန်စစ္စကိုမှာ ကိုယ့်ကံကြမ္မာကို ပြဌာန်းပိုင်ခွင့်နဲ့ နိုင်ငံတွေချင်း တန်းတူညီမျှခွင့်ကို အသိအမှတ်ပြု ထားတဲ့ မဟာမိတ်နိုင်ငံတွေဟာ ဗီယက်နမ်နိုင်ငံရဲ့ လွတ်လပ်မှုကိုလည်း မငြင်းလောက်ဘူးလို့ ငါတို့ ယုံကြည်ပါတယ်။ ငါတို့ လူထုဟာ ပြင်သစ်ဗိုလ်ကျမှုကို ရှစ်နှစ်ကျော်ကြာ သတ္တိရှိရှိ ဆန့်ကျင်ခဲ့ကြသူ တွေ ဖြစ်တယ်။ ငါတို့ လူထုဟာ လွန်ခဲ့တဲ့နှစ်တွေအတွင်းကပဲ ဖက်ဆစ်ကို တိုက်ရာမှာ မဟာမိတ်တွေ နဲ့ ရင်ဘောင်တန်း တိုက်ပွဲ၀င်ခဲ့သူတွေ ဖြစ်တယ်။ ဒီလို လူထုဟာ လွတ်လပ်မှုကို ရရမယ်။ ဒီလူထုရဲ့ နိုင်ငံဟာ လွတ်လပ်ရမယ်။ ဒီအကြောင်းချက်တွေကြောင့်၊ ဗီယက်နမ် နိုင်ငံဟာ လွတ်လပ်တဲ့ နိုင်ငံတ နိုင်ငံ ဖြစ်ခွင့်ရှိသလို လွတ်လပ်လည်း လွတ်လပ်နေပြီ ဖြစ်ကြောင်း ယာယီအစိုးရ အဖွဲ့၀င် ကျွန်ုပ်တို့က ကမ္ဘာသိ ကြေညာပါတယ်။ နိုင်ငံ အချုပ်အခြာ အာဏာနဲ့ လွတ်လပ်မှုကို ထိန်းသိမ်းရာမှာ အသက်နဲ့ စည်းစိမ်ဥစ္စာတွေ စွန့်လွှတ်ပီး၊ ကိုယ်အား ဥာဏ်အားတွေကို ထုတ်သုံးတိုက်ပွဲ၀င်ဖို့ ဗီယက်နမ် လူထု တရပ်လုံး သံဓိဌာန်ချထားပါတယ်။
ဥာဏ်အောင်
0 comments:
Post a Comment